EUR-Lex Access to European Union law
This document is an excerpt from the EUR-Lex website
Document 52012PC0295
Proposal for a COUNCIL DECISION on the position to be taken by the European Union in the EEA Joint Committee concerning an amendment to Protocol 31 to the EEA Agreement on cooperation in specific fields outside the four freedoms
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fil-Kumitat Konġunt taż-ŻEE dwar emenda għall-Protokoll 31 tal-Ftehim taż-ŻEE dwar kooperazzjoni f'oqsma speċifiċi li ma jagħmlux parti mill-erba' libertajiet
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fil-Kumitat Konġunt taż-ŻEE dwar emenda għall-Protokoll 31 tal-Ftehim taż-ŻEE dwar kooperazzjoni f'oqsma speċifiċi li ma jagħmlux parti mill-erba' libertajiet
/* COM/2012/0295 final - 2012/0156 (NLE) */
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fil-Kumitat Konġunt taż-ŻEE dwar emenda għall-Protokoll 31 tal-Ftehim taż-ŻEE dwar kooperazzjoni f'oqsma speċifiċi li ma jagħmlux parti mill-erba' libertajiet /* COM/2012/0295 final - 2012/0156 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA Sabiex jiġi żgurat ir-rekwiżit
taċ-ċertezza legali u l-omoġenità tas-Suq Intern, il-Kumitat
Konġunt taż-ŻEE għandu jintegra l-leġiżlazzjoni
relevanti tal-UE kollha fil-Ftehim taż-ŻEE mill-aktar fis possibbli
wara l-adozzjoni tiegħu. L-Artikolu 78 tal-Ftehim taż-ŻEE
jipprevedi li l-Partijiet Kontraenti għandhom isaħħu u
jwessgħu l-kooperazzjoni fil-qafas tal-attivitajiet tal-Unjoni, fost
l-oħrajn fl-oqsma tar-riċerka u l-iżvilupp teknoloġiku. 2. RIŻULTATI TAL-KONSULTAZZJONIJIET
MAL-PARTIJIET INTERESSATI U L-VALUTAZZJONIJIET TAL-IMPATT L-abbozz ta' Deċiżjoni tal-Kumitat
Konġunt taż-ŻEE (anness mal-proposta ta' Deċiżjoni
tal-Kunsill) għandu l-għan li jemenda l-Protokoll 31 tal-Ftehim
taż-ŻEE dwar kooperazzjoni f'oqsma speċifiċi li ma
jagħmlux parti mill-erba' libertajiet sabiex il-kooperazzjoni bejn
il-Partijiet Kontraenti tiġi estiża u tinkludi l-kooperazzjoni
fil-qafas tal-programm Ewropew ta' Monitoraġġ tad-Dinja (GMES). Dan jikkonċerna r-Regolament (UE) Nru 911/2010
tal-Parlament Ewropew u tal-Kunsill tat-22 ta’ Settembru 2010
dwar il-Programm Ewropew ta’ monitoraġġ tad-dinja (GMES) u
l-operazzjonijiet inizjali tiegħu (2011-2013)[1].
(a)
Il-Liechtenstein la għandu jipparteċipa u
lanqas għandu jikkontribwixxi finanzjarjament għall-programm
tal-GMES, (b)
Il-parteċipazzjoni tal-Islanda fil-programmi
tal-GMES għandha tiġi sospiża temporanjament, minħabba
restrizzjonijiet ekomomiċi. 3. ELEMENTI LEGALI TAL-PROPOSTA L-Artikolu 1(3) tar-Regolament tal-Kunsill
(KE) Nru 2894/94 dwar l-arranġamenti għall-implimentazzjoni
tal-Ftehim ŻEE jipprevedi li l-Kunsill jistabbilixxi l-pożizzjoni li
għandha tiġi adottata f'isem l-Unjoni għal tali
Deċiżjonijiet, wara li ssir proposta mill-Kummissjoni. Il-Kummissjoni tissottometti l-Abbozz
tad-Deċiżjoni tal-Kumitat Konġunt taż-ŻEE għal
adozzjoni mill-Kunsill bħala l-pożizzjoni tal-Unjoni. Il-Kummissjoni
tittama li tkun fil-qagħda li tippreżentah fil-Kumitat Konġunt
taż-ŻEE mill-aktar fis possibbli. 2012/0156 (NLE) Proposta għal DEĊIŻJONI TAL-KUNSILL dwar il-pożizzjoni li għandha
tittieħed mill-Unjoni Ewropea fil-Kumitat Konġunt taż-ŻEE
dwar emenda għall-Protokoll 31 tal-Ftehim taż-ŻEE
dwar kooperazzjoni f'oqsma speċifiċi li ma jagħmlux parti
mill-erba' libertajiet
IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-Artikolu 189,
flimkien mal-Artikolu 218(9) tiegħu, Wara li kkunsidra r-Regolament tal-Kunsill
(KE) Nru 2894/94 tat-28 ta' Novembru 1994 dwar
l-arranġamenti għall-implimentazzjoni tal-Ftehim dwar
iż-Żona Ekonomika Ewropea[2], u b'mod partikolari
l-Artikolu 1(3) tiegħu, Wara li kkunsidra l-proposta li saret
mill-Kummissjoni Ewropea, Billi: (1) Il-Ftehim dwar
iż-Żona Ekonomika Ewropea[3] ("il-Ftehim
taż-ŻEE") daħal fis-seħħ
fl-1 ta' Jannar 1994. (2) Skont l-Artikolu 98
tal-Ftehim taż-ŻEE, il-Kumitat Konġunt taż-ŻEE jista'
jiddeċiedi li, fost l-oħrajn, jemenda l-Protokoll 31
tiegħu. (3) Il-Protokoll 31
tal-Ftehim taż-ŻEE fih dispożizzjonijiet u arranġamenti
dwar kooperazzjoni f’oqsma speċifiċi li ma jaqgħux taħt
l-erba’ libertajiet. (4) Huwa xieraq li
l-kooperazzjoni tal-Partijiet Kontraenti fil-Ftehim taż-ŻEE tiġi
estiża u tinkludi r-Regolament (UE) Nru 911/2010 tal-Parlament
Ewropew u tal-Kunsill tat-22 ta' Settembru 2010 dwar il-Programm
Ewropew ta’ monitoraġġ tad-dinja (GMES) u l-operazzjonijiet inizjali
tiegħu (2011-2013). (5) Għaldaqstant,
il-Protokoll 31 għall-Ftehim taż-ŻEE għandu jiġi
emendat f'konformità ma' dan. (6) Il-pożizzjoni tal-Unjoni
fil-Kumitat Konġunt taż-ŻEE għandha tkun ibbażata fuq
l-abbozz ta’ Deċiżjoni li jinsab mehmuż, ADOTTA DIN ID-DEĊIŻJONI: Artikolu 1 Il-pożizzjoni li għandha
tittieħed mill-Unjoni Ewropea fil-Kumitat Konġunt taż-ŻEE
dwar l-emenda proposta għall-Protokoll 31 għall-Ftehim taż-ŻEE
għandha tkun ibbażata fuq l-abbozz ta’ Deċiżjoni
tal-Kumitat Konġunt taż-ŻEE mehmuż ma’ din
id-Deċiżjoni. Ir-rappreżentanti tal-Unjoni fil-Kumitat
Konġunt taż-ŻEE jistgħu jaqblu fuq tibdil minuri
għall-abbozz tad-Deċiżjoni mingħajr deċiżjoni
ulterjuri tal-Kunsill. Artikolu 2 Wara l-adozzjoni tagħha,
id-Deċiżjoni tal-Kumitat Konġunt taż-ŻEE għandha
tiġi ppubblikata f’Il-Ġurnal Uffiċjali tal-Unjoni Ewropea. Artikolu 3 Din id-Deċiżjoni għandha
tidħol fis-seħħ fil-jum tal-adozzjoni tagħha. Magħmul fi Brussell, Għall-Kunsill Il-President Anness DEĊIŻJONI
TAL-KUMITAT KONĠUNT TAŻ-ŻEE
Nru ta' li
temenda l-Protokoll 31 tal-Ftehim taż-ŻEE,
dwar kooperazzjoni f'oqsma speċifiċi li ma jagħmlux parti
mill-erba' libertajiet IL-KUMITAT KONĠUNT TAŻ-ŻEE, Wara li kkunsidra l-Ftehim dwar
iż-Żona Ekonomika Ewropea, kif emendat bil-Protokoll li
jaġġusta l-Ftehim dwar iż-Żona Ekonomika Ewropea, minn hawn
'il quddiem imsejjaħ "il-Ftehim", u b'mod partikolari
l-Artikoli 86 u 98 tiegħu, Billi: (1)
Il-Protokoll 31 tal-Ftehim ġie emendat
mid-Deċiżjoni tal-Kumitat Konġunt taż-ŻEE Nru .../...
ta' …[4]. (2)
Is-sistema komprensiva ta' monitoraġġ tad-dinja
hija ta' importanza kbira għall-ġestjoni sostenibbli tat-Tramuntana
tal-Ewropa u l-Artiku. (3)
In-Norveġja kkontribwixxiet
għall-iżvilupp tal-programm Ewropew ta' Monitoraġġ
tad-Dinja (GMES), kemm fil-kuntest tas-Seba' Programm Kwadru tal-Komunità Ewropea
għar-riċerka, l-iżvilupp teknoloġiku u l-attivitajiet ta'
dimostrazzjoni (2007-2013) kif ukoll bħala membru tal-Aġenzija
Spazjali Ewropea. (4)
Huwa xieraq li l-kooperazzjoni tal-Partijiet
Kontraenti fil-Ftehim taż-ŻEE tiġi estiża u tinkludi
r-Regolament (UE) Nru 911/2010 tal-Parlament Ewropew u tal-Kunsill
tat-22 ta' Settembru 2010 dwar il-Programm Ewropew ta’
monitoraġġ tad-dinja (GMES) u l-operazzjonijiet inizjali tiegħu
(2011-2013)[5]. (5)
Għaldaqstant, il-Protokoll 31 tal-Ftehim
għandu jiġi emendat sabiex din l-estensjoni ta’ kooperazzjoni tkun
tista’ sseħħ mill-1 ta’ Jannar 2012, ADOTTA DIN ID-DEĊIŻJONI: Artikolu 1 L-Artikolu 1 tal-Protokoll 31
tal-Ftehim jiġi emendat kif ġej: 1. It-test fil-paragrafu 6
għandu jiġi ssostitwit b'dan li ġej: ‘L-evalwazzjoni u l-għoti ta' direzzjoni
maġġuri lil attivitajiet fil-programmi qafas tal-attivitajiet
tal-Unjoni fil-qasam tar-riċerka u l-iżvilupp teknoloġiku
msemmija fil-paragrafi 5, 8a, 8c, 9 u 10
għandhom jiġu rregolati bil-proċedura msemmija
fl-Artikolu 79(3) tal-Ftehim.’ 2. Il-paragrafu li ġej għandu
jiddaħħal wara l-paragrafu 8b: ‘8c. (a) Mill-1 ta’ Jannar 2012,
l-Istati tal-EFTA għandhom jipparteċipaw fl-attivitajiet li
jistgħu jirriżultaw mill-Att tal-Unjoni li ġej: - 32010 R 0911:
Ir-Regolament (UE) Nru 911/2010 tal-Parlament Ewropew u tal-Kunsill
tat-22 ta’ Settembru 2010 dwar il-programm Ewropew ta’
monitoraġġ tad-dinja (GMES) u l-operazzjonijiet inizjali tiegħu
(2011-2013) (ĠU L 276, 20.10.2010, p. 1). (b) L-Istati tal-EFTA għandhom
jikkontribwixxu finanzjarjament għall-attivitajiet msemmijin taħt (a)
skont l-Artikolu 82(1)(a) tal-Protokoll 32 tal-Ftehim. (c) L-Istati tal-EFTA għandhom
jipparteċipaw bis-sħiħ, mingħajr id-dritt tal-vot,
fil-kumitati kollha tal-Unjoni li jgħinu lill-Kummissjoni Ewropea
fil-ġestjoni, l-iżvilupp u l-implimentazzjoni tal-attivitajiet
imsemmija f’(a), jiġifieri l-Kumitat tal-GMES, il-Bord tas-Sigurtà u
l-Forum tal-Utent. (d) Dan il-paragrafu ma għandux japplika
għal-Liechtenstein. (e) Fir-rigward tal-Islanda, dan il-paragrafu
għandu jiġi sospiż sakemm jiġi deċiż mod
ieħor mill-Kumitat Konġunt taż-ZEE.’ Artikolu 2 Din id-Deċiżjoni tidħol
fis-seħħ fil-jum ta' wara l-aħħar notifika lill-Kumitat
Konġunt taż-ŻEE skont l-Artikolu 103(1) tal-Ftehim*. Din għandha tapplika
mill-1 ta' Jannar 2012. Artikolu 3 Din
id-Deċiżjoni tiġi ppubblikata fis-Sezzjoni taż-ŻEE ta'
Il-Ġurnal Uffiċjali tal-Unjoni Ewropea, u fis-Suppliment
taż-ŻEE tiegħu. Magħmul fi
Brussell, Għall-Kumitat
Konġunt taż-ŻEE Il-President
Is-Segretarji
tal-Kumitat Konġunt taż-ŻEE
[1] ĠU L 276, 20.10.2010, p. 1. [2] ĠU L 305,
30.11.1994, p. 6. [3] ĠU L 1, 3.1.1994, p. 3. [4] ĠU L … [5] ĠU L 276, 20.10.2010, p. 1. * [L-ebda rekwiżiti kostituzzjonali ma huma
indikati.] [Rekwiżiti kostituzzjonali indikati.]