This document is an excerpt from the EUR-Lex website
Document 52012DC0004
COMMUNICATION FROM THE COMMISSION TO THE COUNCIL Assessment of budgetary implementation in the context of the ongoing Excessive Deficit Procedures after the Commission Services' 2011 Autumn Forecast
KOMUNIKAZZJONI TAL-KUMMISSJONI LILL-KUNSILL Valutazzjoni tal-implimentazzjoni baġitarja fil-kuntest tal-Proċeduri tad-Defiċit Eċċessiv attwali wara l-Previżjoni tal-Ħarifa 2011 tas-servizzi tal-Kummissjoni
KOMUNIKAZZJONI TAL-KUMMISSJONI LILL-KUNSILL Valutazzjoni tal-implimentazzjoni baġitarja fil-kuntest tal-Proċeduri tad-Defiċit Eċċessiv attwali wara l-Previżjoni tal-Ħarifa 2011 tas-servizzi tal-Kummissjoni
/* COM/2012/04 final */
KOMUNIKAZZJONI TAL-KUMMISSJONI LILL-KUNSILL Valutazzjoni tal-implimentazzjoni baġitarja fil-kuntest tal-Proċeduri tad-Defiċit Eċċessiv attwali wara l-Previżjoni tal-Ħarifa 2011 tas-servizzi tal-Kummissjoni /* COM/2012/04 final */
KOMUNIKAZZJONI TAL-KUMMISSJONI
LILL-KUNSILL Valutazzjoni tal-implimentazzjoni
baġitarja fil-kuntest tal-Proċeduri tad-Defiċit
Eċċessiv attwali wara l-Previżjoni tal-Ħarifa 2011
tas-servizzi tal-Kummissjoni
1.
Ħarsa ġenerali
Sa mill-bidu tal-kriżi finanzjarja u
ekonomika ta' wara l-2007, instaħqet l-importanza ta' finanzi
pubbliċi sodi bħala kundizzjoni minn qabel għat-tkabbir
ekonomiku sostenibbli u l-ħolqien tal-impjiegi. Politiki fiskali prudenti
insuffiċjenti flimkien ma' żbilanċi makroekonomiċi usa' wasslu
biex diversi Stati Membri kienu vulnerabbli għat-taqlib fis-suq
finanzjarju esperjenzat sa mill-2008. Il-mekkaniżmi mħaddma ta'
koordinazzjoni u sorveljanza tal-UE ma kinux b'saħħithom u
komprensivi biżżejjed biex ma jħallux lill-Istati Membri
jispiċċaw f'pożizzjonijiet vulnerabbli u li affettwaw
pajjiżi oħra. B'rispons għal dan in-nuqqas,
f'Settembru 2010, il-Kummissjoni pproponiet pakkett leġiżlattiv
komprensiv biex tissaħħaħ is-sorveljanza fiskali u biex din
tespandi s-sorveljanza tal-politika biex ikunu koperti l-iżbilanċi
makroekonomiċi. Il-pakkett leġiżlattiv, l-hekk imsejjaħ
"il-pakkett dwar il-governanza ekonomika" ("Six Pack") kien
finalment approvat mill-Kunsill u l-Parlament Ewropew f'Novembru 2011 u li
daħal fis-seħħ fit-13 ta' Diċembru 2011.
Il-pakkett jirrappreżenta rinfurzar importanti tal-għodod
tas-sorveljanza ekonomika u fiskali. Bħala parti ċentrali ta' dan
il-pakkett, il-Patt ta' Stabbiltà u Tkabbir, saħħaħ
il-Proċedura tad-Defiċit Eċċessiv (PDE) kemm fil-parti
preventiva tiegħu kif ukoll f'dik korrettiva. Fis-sitwazzjoni attwali,
meta 23 Stat Membru jkunu fl-PDE, l-istipulazzjonijiet il-ġodda
tal-fergħa korrettiva jkunu ta' importanza partikolari. Għall-Istati
Membri fiż-żona tal-euro, is-sanzjonijiet finanzjarji issa huma
applikati bħala regola f'każ li l-awtoritajiet nazzjonali ma
jeħdux azzjoni effettiva biex ikunu konformi mar-rakkomandazzjonijiet
indirizzati lilhom mill-Kunsill skont l-Artikolu 126(7) tat-Trattat. B'mod
partikolari, ir-Regolament (UE) Nru 1173/2011 tas-16 ta' Novembru 2011
dwar l-infurzar effettiv tas-sorveljanza baġitarja fiż-żona
tal-euro[1] jirrikjedi li
l-Kummissjoni tirrakkomanda lill-Kunsill biex jimponi multa lill-Stat Membru
fiż-żona tal-euro li jkun naqas milli jieħu azzjoni effettiva
biex jikkoreġi defiċit eċċessiv skont l-Artikolu 126(8)
tat-Trattat. Din ir-regola l-ġdida tapplika għal kwalunkwe Stat
Membru li għaliha tkun indirizzata Deċiżjoni tal-Kunsill skont
l-Artikolu 126(8) tat-Trattat wara li jidħol fis-seħħ
is-six pack. Applikazzjoni stretta tar-regoli rinforzati
dwar id-dixxiplina fiskali hija deċiżiva għall-kredibilità
tal-euro bħala munita stabbli u b'saħħitha u parti
indispensabbli tar-riżoluzzjoni tal-kriżi tad-dejn pubbliku.
Il-Kummissjoni indikat aktar kmieni li ser tapplika l-għodod il-ġodda
stipulati mill-pakkett leġiżlattiv b'mod rigoruż sa mill-bidu.
Twettqet valutazzjoni komprensiva tal-implimentazzjoni baġitarja
fil-kuntest tal-PDE attwali fuq il-bażi tal-Previżjoni
tal-Ħarifa 2011 tas-servizzi tal-Kummissjoni, ippubblikat fl-10 ta' Novembru 2011.
Dwar it-23 Stat Membru li attwalment jinsabu fl-PDE, ħamsa huma
benefiċjarji jew kienu bbenefikaw minn programm ta' assistenza finanzjarja[2].
Filwaqt li l-iżviluppi baġitarji fil-pajiżi li jinsabu
fil-programm għandhom jiġu eżaminati fid-dawl tad-dispożizzjonijiet
tad-dokumenti rispettivi tal-programm, il-valutazzjoni tas-servizzi
tal-Kummissjoni dwar l-istat tal-implimentazzjoni tar-rakkomandazzjonijiet
rispettivi tal-Kunsill skont l-Artikolu 126(7) mit-18-il Stat Membru li
mhumiex fil-programm uriet li f'maġġoranza tal-pajjiżi,
il-politiki indikaw progress tajjeb lejn korrezzjoni f'waqtha u sostenibbli
tad-defiċit eċċessiv tal-gvern. Madankollu, fl-istess waqt, il-valutazzjoni
wriet ukoll li korrezzjoni f'waqtha u sostenibbli kienet b'mod ċar tinsab
f'riskju, f'uħud mill-Istati Membri, b'mod speċifiku,
fil-Belġju, Ċipru, l-Ungerija, Malta u l-Polonja, fejn id-data
tal-iskadenza għall-korrezzjoni tad-defiċit eċċessiv kienet
imminenti jew fil-qrib, jiġifieri l-2011 jew l-2012. B'mod importanti, f'erbgħa
minn dawn il-ħames pajjiżi – l-Ungerija, il-Polonja, il-Belġju u
Ċipru ġie vvalutat li l-isforz fiskali kif adottat sad-data finali
tal-Previżjoni tal-Ħarifa 2011 tas-servizzi tal-Kummissjoni (l-24 ta' Ottubru 2011)
kien anqas mill-isforz rakkomandat mill-Kunsill, sakemm ma jkunux ittieħdu
miżuri ulterjuri. Fil-każ ta' Malta u l-Ungerija, fejn id-data
tal-iskadenza għall-korrezzjoni tad-defiċit eċċessiv
tal-gvern kienet l-2011, instab li sakemm ma jkun ittieħdu miżuri
ulterjuri biex id-dejn tal-gvern jinżamm taħt it-3 % tal-PDG,
tul il-perjodu ta' previżjoni, id-defiċit tal-amministrazzjoni
pubblika ma jkunx ġie kkoreġut b'manjiera sostenibbli, kif mitlub
mill-Kunsill. Minħabba din il-valutazzjoni u
d-dħul fis-seħħ imminenti tas-Six Pack, fil-11 ta' Novembru 2011,
il-Viċi President Olli Rehn, resposabbli għall-Affarijiet
Ekonomiċi u Monetarji u l-Euro, bagħat ittri lill-Istati Membri
kkonċernati. Dawn l-Istati Membri intalbu biex jittrattaw bħala
materja ta' urġenza, l-adozzjonital-baġit għall-2012 u/jew
jieħdu miżuri addizzjonali li jiżguraw korrezzjoni f'waqtha u
sostenibbli tad-defiċit eċċessiv. Fin-nuqqas ta' miżuri
korrettivi adottati, ma jkunx hemm triq oħra ħlief li jittieħdu
passi ulterjuri skont l-PDE, bil-possibbiltà li jkunu imposti sanzjonijiet. Is-sejħa għal miżuri
addizzjonali tenniet il-konklużjonijiet tal-Kunsill dwar il-politiki
fiskali tal-4 ta' Ottubru 2011, li sejħu lill-Istati Membri
biex jimplimentaw bis-sħiħ l-impenji tagħhom skont il-Patt ta'
Stabbiltà u Tkabbir, billi speċifikaw li pajjiżi b'diskrepanzi
sinifikanti ta' aġġustament skont l-PDE għandhom inaqqsu dawn
id-diskrepanzi b'miżuri speċifiċi mhux aktar tard
mill-baġits tagħhom għall-2012. Sa min-nofs Novembru, il-ħames
pajjiżi kollha li kellhom data ta' skadenza għall-korrezzjoni fl-2011
u fl-2012, u fejn skont il-Previżjoni tal-Ħarifa 2011
tas-servizzi tal-Kummissjoni, il-korrezzjoni f'waqtha u sostenibbli
tad-defiċit eċċessiv kienet tinsab f'riskju, adottaw u
ħabbru l-miżuri. Fil-biċċa l-kbira tal-każi, dawn
il-miżuri addizzjonali huma kkunsidrati biżżejjed biex
ireġġgħu fit-triq it-tajba l-korrezzjoni tad-defiċit
eċċessiv, b'konformità mar-rakkomandazzjonijiet tal-Kunsill. Dan huwa
l-każ għall-Belġju, Ċipru, Malta u l-Polonja. Madankollu,
filwaqt li l-Ungerija għamlet sforzi addizzjonali, il-valutazzjoni
tal-Kummissjoni turi li dawn l-isforzi għadhom mhumiex biżżejjed
biex jiżguraw progress xieraq lejn korrezzjoni sostenibbli
tad-defiċit eċċessiv. Din il-Komunikazzjoni tisħaq fuq
l-elementi ewlenin tal-valutazzjoni tal-Kummissjoni B'mod partikolari, fuq
il-bażi tal-Previżjoni tal-Ħarifa 2011 tas-servizzi
tal-Kummissjoni u billi jiġu kkunsidrati l-inizjattivi baġitarji
sussegwenti li kienu adottati min dawn il-ħames pajjiżi sad-9 ta' Jannar 2012,
il-Komunikazzjoni tippreżenta l-aktar opinjoni riċenti
tal-implimentazzjoni baġitarja fil-kuntest tal-PDE f'dawn il-pajjiżi.
Fid-Dokument ta' Ħidma tal-Persunal tal-Kummissjoni fil-ħames
pajiżi speċifiċi, wieħed jista' jsib valutazzjoni aktar
dettaljata ppubblikata flimkien ma' din il-Komunikazzjoni. Fid-dawl ta' din il-valutazzjoni,
il-Kummissjoni tirrakkomanda lill-Kunsill biex tkompli żżid l-PDE
għall-Ungerija. Għal dak il-għan, il-Kummissjoni, b'mod paralell
ma' din il-Komunikazzjoni, adottat rakkomandazzjoni għal Deċiżjoni
tal-Kunsill skont l-Artikolu 126(8) tat-Trattat li jistabbilixxi ki ma
tkun ittieħdet l-ebda azzjoni b'rispons għar-rakkomandazzjoni
tal-Kunsill skont l-Artikolu 126(7) tat-Trattat bil-għan li
ġġib fi tmiemha s-sitwazzjoni ta' defiċit eċċessiv
tal-gvern. Fi stadju ulterjuri, soġġett
għad-Deċiżjoni tal-Kunsill li ma tkun ittieħdet l-ebda
azzjoni effettiva, b'konformità mad-dispożizzjonijiet tal-Patt ta'
Stabbilità u Tkabbir (PST), għall-Ungerija – Stat Membru li l-munita
tiegħu mhijiex l-euro, – il-Kummissjoni ser tirrakkomanda li ssir
rakkomandazzjoni ġdida tal-Kunsill skont l-Artikolu 126(7)
tat-Trattat bil-għan li ġġib fi tmiemha s-sitwazzjoni ta'
defiċit eċċessiv tal-gvern. Din ir-rakkomandazzjoni ser
tiġi adottata mill-Kunsill fi żmien xahrejn mid-Deċiżjoni
tal-Kunsill li tistabilixxi li ma tkun ittieħdet l-ebda azzjoni effettiva.
Wara d-Deċiżjoni tal-Kunsill li ma tkun ittieħdet l-ebda azzjoni
effettiva, b'konformità mad-dispożizzjonijiet tar-Regolament tal-Kunsill
(KE) Nru 1084/2006, il-Kummissjoni tista'tikkunsidra wkoll li
toħroġ proposta lill-Ungerija dwar is-sospensjoni tal-impenji
għall-Fond ta' Koeżjoni. Il-Previżjoni tal-Ħarifa 2011
tas-servizzi tal-Kummissjoni uriet ukoll diskrepanzi fl-aġġustament
baġitarju għal uħud mill-Istati Membri fejn l-2013 hija d-data
tal-iskadenza għall-korrezzjoni tad-defiċit eċċessiv
tal-gvern Għal dawn l-Istati Membri, hija kwistjoni ta' urġenza biex
jiġu indirizzati dawn id-diskrepanzi b'mod partikolari meta jkunu qed
iħejju l-pjanijiet baġitarji tagħhom li għandhom jitressqu
fil-kuntest tas-Semestru Ewropew tal-2012 fil-Programmi aġġornati ta'
Stabbiltà jew Konverġenza. Il-Kummissjoni ser tkompli tissorvelja
l-implimentazzjoni baġitarja fl-Istati Membri kollha li attwalment jinsabu
Fl-PDE, inklużi l-ħames pajjiżi kkonċernati
mill-Komunikazzjoni attwali. Il-valutazzjoni komprensiva li jmiss ser issir
fil-kuntest tal-Previżjoni tar-Rebbiegħa 2012 tas-servizzi
tal-Kummissjoni.
2.
Valutazzjonijiet speċifiċi għall-pajjiż
2.1.
Il-Belġju
Fir-rakkomandazzjonijiet tiegħu
maħruġa skont l-Artikolu 126(7) tat-Trattat tat-2 ta' Diċembru 2009,
il-Kunsill irrakkomanda lill-Belġju biex sal-2012 inaqqas id-defiċit
għal taħt it-3 % tal-PDG b'mod kredibbli u sostanzjali u biex
fil-perjodu 2010 u l-2012 jiżgura sforz fiskali annwali medju
ta' ¾ % tal-PDG. Skont il-Previżjoni tal-Ħarifa 2011
tas-servizzi tal-Kummissjoni, id-defiċit tal-amministrazzjoni pubblika
kien mistenni li jkun 3.6 % tal-PDG fl-2011 u, jekk wieħed
jassumi li ma tkun ittieħdet l-ebda miżura ulterjuri, id-defiċit
fl-2012 ser ikun 4.6 % tal-PDG u 4.5 % tal-PDG fl-2013.
L-istima ta' -0.1 % fit-tibdil annwali medju fil-bilanċ
strutturali għall-2010-2012 kienet ferm anqas mill-isforz fiskali
rrakkomandat mill Kunsill. Għaldaqstant, id-direzzjoni proġettata
tad-defiċit baġitarju tal-amministrazzjoni pubblika flimkien
mal-istima tal-isforz fiskali ma kinitx konsistenti mal-korrezzjoni f'waqtha u
sostenibbli tad-defeċit eċċessiv. Wara d-data finali
tal-Previżjoni tal-Ħarifa 2011, il-Gvern Belġjan laħaq
ftehim dwar il-baġit propost tiegħu għall-2012, li tressaq
formalment lill-Parlament fil-21 ta' Diċembru 2011. Fuq
il-bażi tal-valutazzjoni tal-Kummissjoni tal-miżuri mħabbra
pubblikament mill-awtoritajiet Belġjani sad-9 ta' Jannar 2012,
id-defiċit tal-amministrazzjoni pubblika fl-2012, huwa proġettat
għal 2.9 % tal-PDG u 2¾ % tal-PDG fl-2013 (ara
Tabella 1). Minħabba dan, wara li tqiesu l-miżuri kollha sad-9 ta' Jannar 2012,
jidher li l-awtoritajiet Belġjani ħadu azzjoni effettiva għal
korrezzjoni f'waqtha u sostenibbli għad-defiċit eċċessiv.
Fid-Dokument ta' Ħidma tal-Persunal tal-Kummissjoni, wieħed jista'
jsib valutazzjoni aktar dettaljata dwar il-Belġu ppubblikata flimkien ma'
din il-Komunikazzjoni. Fuq il-bażi ta' din l-valutazzjoni,
il-Kummissjoni tikkunsidra li bħalissa ma huma meħtieġa l-ebda
passi oħra fil-proċedura dwar id-defiċit eċċessiv
tal-Belġju. Il-Kummissjoni ser tkompli tissorvelja mill-qrib
l-iżviluppi baġitarji fil-Belġju skont it-Trattat u l-Patt ta
Stabbiltà u Tkabbir. Tabella 1: Il-Belġju – tqabbil tal-proġettazzjonijiet
baġitarji,
bilanċ tal-amministrazzjoni pubblika ( % tal-PDG) || 2011 || 2012 || 2013 COM AF 2011 || -3.6 || -4.6 || -4.5 Awtoritajiet Nazzjonali || -3.6 || -2.8 || -1.8* COM Jannar 2012 || -4.1** || -2.9 || -2¾ Noti: COM AF 2011 – Previżjoni tal-Ħarifa 2011 tas-servizzi tal-Kummissjoni . COM Jan 2012 – Valutazzjoni tas-servizzi tal-Kummissjoni ta' Jannar 2012 Il-proġettazzjonijiet mill-awtoritajiet nazzjonali (tal-21 ta' Diċembru 2011) u l-valutazzjoni tas-servizzi tal-Kummissjoni ta' Jannar 2012 iqisu l-miżuri mħabbra mill-gvern fl-abbozz tal-baġit 2012. * Skont l-aġġornament ta' April 2011 tal-Programm ta' Stabbilità, l-objettiv għall-2013 kien ta' -1.8 % tal-PDG; S'issa, ma hemm l-ebda objettiv għall-2013 fl-abbozz tal-baġit 2012. ** Riveduti wara li ġiet ikkunsidrata informazzjoni ġdida dwar dħul anqas milli kien mistenni u spejjeż addizzjonali marbuta mas-salvataġġ tad-Dexia. Sorsi: Is-servizzi tal-Kummissjoni, proġettazzjonijiet nazzjonali
2.2.
Ċipru
Fir-rakkomandazzjonijiet tiegħu
maħruġa skont l-Artikolu 126(7) tat-Trattat tat-13 ta' Lulju 2010,
il-Kunsill irrakkomanda lil Ċipru biex sal-2012 tnaqqas id-defiċit
għal taħt it-3 % tal-PDG b'mod kredibbli u sostanzjali u biex
fil-perjodu 2011-2012 tiżgura sforz fiskali annwali ta' mill-anqas 1½ %
tal-PDG. Skont il-Previżjoni tal-Ħarifa 2011 tas-servizzi
tal-Kummissjoni, id-defiċit tal-amministrazzjoni pubblika kien mistenni li
jkun 6.7 % tal-PDG fl-2011 u fl-2012 ikun 4.9 % tal-PDG, u, jekk
wieħed jassumi li ma jkunu ttieħdu l-ebda miżuri ulterjuri,
id-defiċit fl-2013 ser ikun ta' 4.7 % tal-PDG. Barra minn hekk,
l-istima ta' 0.7 % tat-tibdil annwali medju fil-bilanċ
strutturali għall-2011-2012 tal-PDG kienet ferm anqas mill-isforz fiskali
rrakkomandat mill-Kunsill. Għaldaqstant, id-direzzjoni pproġettata
tad-defiċit baġitarju tal-amministrazzjoni pubblika flimkien
mal-istima tal-isforz fiskali ma kinitx konsistenti ma' korrezzjoni f'waqtha u
sostenibbli tad-defeċit eċċessiv. Wara d-data finali tal-Previżjoni
tal-Ħarifa 2011, fis-16 ta' Diċembru 2011,
il-Parlament Ċiprijott adotta l-Liġi tal-Baġit għall-2012 u
pakkett ta' konsolidazzjoni addizzjonali. Fuq il-bażi tal-valutazzjoni
tal-baġit 2012 u l-miżuri li jakkumpanjawh, il-Kummissjoni
tipprevedi li fl-2012, id-defiċit tal-amministrazzjoni pubblika
jinżel għal 2.7 % tal-PDG u 1.8 % tal-PDG fl-2013
(ara t-Tabella 2). Fid-Dokument ta' Ħidma tal-Persunal
tal-Kummissjoni, wieħed jista' jsib valutazzjoni aktar dettaljata dwar
Ċipru ppubblikata flimkien ma' din il-Komunikazzjoni. Fuq il-bażi i tal-informazzjoni
attwalment disponibbli, jidher li l-awtoritajiet Ċiprijotti ħadu
l-miżuri effettivi għal korrezzjoni f'waqtha u sostenibbli
għad-defiċit eċċessiv. B'mod partikolari, l-awtoritajiet
Ċiprijotti ħolqu strateġija ta' konsolidazzjoni xprunata
min-nefqa u adottaw baġit għall-2012 ibbażat fuq assunzjonijiet
makroekonomiċi kawti u ħadu miżuri ta' sostenn biex jitnaqqas
id-defiċit. Minħabba din l-istima, il-Kummissjoni tikkunsidra li
għal issa m'huma meħtieġa l-ebda passi oħra fil-proċedura
ta’ defiċit eċċessiv ta' Ċipru. Il-Kummissjoni se tkompli
tissorvelja mill-qrib l-iżviluppi baġitarji fil-Portugall skont
it-Trattat u l-Patt ta Stabbiltà u Tkabbir. Tabella 2: Ċipru – tqabbil tal-proġettazzjonijiet
baġitarji,
bilanċ tal-amministrazzjoni pubblika ( % tal-PDG) || 2011 || 2012 || 2013 COM AF 2011 || -6.7 || -4.9 || -4.7 Awtoritajiet Nazzjonali || || > -2.5 || > -1.0 COM Jannar 2012 || || -2.7 || -1.8 Noti: COM AF 2011 – Previżjoni tal-Ħarifa 2011 tas-servizzi tal-Kummissjoni . COM Jannar 2012 – Valutazzjoni tas-servizzi tal-Kummissjoni ta' Jannar 2012 Il-proġettazzjonijiet mill-awtoritajiet nazzjonali (ta' Diċembru 2011) u l-valutazzjoni tas-servizzi tal-Kummissjoni ta' Jannar 2012 iqisu l-miżuri mħabbra mill-gvern fl-abbozz tal-baġit 2012 u f'pakkett ta' konsolidazzjoni addizzjonali adottat mill-Gvern f'Diċembru 2011. Sorsi: Is-servizzi tal-Kummissjoni, proġettazzjonijiet nazzjonali
2.3.
L-Ungerija
Fir-rakkomandazzjonijiet tiegħu
maħruġa skont l-Artikolu 104(7) tat-Trattat li jistabbilixxi
l-Komunitajiet Ewropej (TEC)[3] tas-7 ta' Lulju 2009,
il-Kunsill irrakkomanda lill-Ungerija biex sal-2011 tnaqqas id-defiċit
għal taħt it-3 % tal-PDG b'mod kredibbli u sostanzjali u biex
tul il-perjodu 2010-2011 tiżgura sforz fiskali kumulattiv ta'
mill-anqas 0.5 % tal-PDG. Skont il-Previżjoni
tal-Ħarifa 2011 tas-servizzi tal-Kummissjoni, l-Ungerija kienet
mistennija li fl-2011 tilħaq surplus ta' 3.6 % tal-PDG
bis-saħħa ta' miżuri temporanji, u jekk wieħed jassumi li
ma jkunu ttieħdu l-ebda passi ta' konsolidazzjoni addizzjonali, tirreġistra
defiċit ta' 2.8 % tal-PDG fl-2012, billi terġa tinkludi
miżuri ta' natura temporanja, u defiċit ta' 3.7 % tal-PDG
fl-2013. Peress li l-miżuri temporanji ma jtejbux il-bażi
tal-pożizzjoni baġitarja, kien stmat li fil-perjodu 2010-2011,
jkun hemm deterjorazzjoni sostanzjali ta' 2¾ % tal-PDG
fil-bilanċ tal-baġit strutturali f'termini kumulattivi,
għall-kuntrarju tat-titjib irrakkomandat mill-Kunsill. Minħabba dan,
id-direzzjoni proġettata tad-defiċit baġitarju
tal-amministrazzjoni pubblika flimkien mal-istima tal-isforz fiskali ma kinitx
konsistenti ma' korrezzjoni f'waqtha u sostenibbli tad-defeċit
eċċessiv. Wara d-data finali tal-Previżjoni
tal-Ħarifa 2011, il-baġit approvat tal-2012 kien jinkludi
miżuri addizzjonali ta' nefqa u dħul meta mqabbel mal-abbozz propost.
Barra minn hekk, l-awtoritajiet Ungeriżi speċifikaw aktar il-programm
tagħhom ta' riforma strutturali u fil-15 ta' Novembru 2011,
adottaw miżuri ta' konsolidazzjoni addizzjonali. Fl-istess jum ġie
konkluż ftehim bejn il-gvern u s-settur bankarju dwar kif ser jaqsmu
l-piż li nibet mill-iskemi ta' appoġġ għal mutwatarji
ipotekarji li jinsabu f'diffikutà. Fuq il-bażi tal-valutazzjoni
tal-Kummissjoni ta' dawn il-miżuri aktar 'il fuq mill-Previżjoni
tal-Ħarifa 2011, id-defiċit tal-amministrazzjoni pubblika huwa
proġettat għal 2¾ % tal-PDG fl-2012 u għal 3¼ %
tal-PDG fl-2013 (Ara t-Tabella 3), anke jekk jitqiesu l-effetti
negattivi possibbli ta' xenarju makroekonomiku li qed jeħżien u
tal-livell ogħla tar-redditi. Minħabba dan, wara li l-awtoritajiet
Ungeriżi qiesu l-miżuri kollha li ġew ippubblikati pubblikament
sa tmiem l-2011, għad mhuwiex żgurat progress xieraq għal
korrezzjoni f'waqtha u sostenibbli tad-defiċit eċċessiv. F'dan l-isfond, il-Kummissjoni adottat
rakkomandazzjoni għal Deċiżjoni tal-Kunsill li tistabbilixxi li
ttieħdet azzjoni mhux xierqa skont l-Artikolu 126(8) tat-Trattat.
Fid-Dokument ta' Ħidma tal-Persunal tal-Kummissjoni, wieħed jista'
jsib valutazzjoni aktar dettaljata dwar l-Ungerija ppubblikata flimkien ma' din
il-Komunikazzjoni. Tabella 3: L-Ungerija – tqabbil tal-proġettazzjonijiet
baġitarji,
bilanċ tal-amministrazzjoni pubblika ( % tal-PGD) || 2011 || 2012 || 2013 COM AF 2011 || 3.6 || -2.8 || -3.7 Awtoritajiet Nazzjonali || 3.9 || -2.5 || -2.2 COM Jannar 2012 || 3.5 || -2¾ || -3¼ Noti: COM AF 2011 – Previżjoni tal-Ħarifa 2011 tas-servizzi tal-Kummissjoni . COM Jan 2012 – Valutazzjoni tas-servizzi tal-Kummissjoni ta' Jannar 2012 Il-proġettazzjonijiet mill-awtoritajiet nazzjonali (tat-30 ta' Settembru 2011 u kkonfermati lill-Kummissjoni fil-15 Ta' Diċembru 2011) u l-valutazzjoni tas-servizzi tal-Kummissjoni ta' Jannar 2012 iqisu l-miżuri fl-abbozz tal-Baġit 2012 l-pakkett ta' konsolidazzjoni addizzjonali tal-15 ta' Diċembru 2011. Sorsi: Is-servizzi tal-Kummissjoni, proġettazzjonijiet nazzjonali
2.4.
Malta
Fir-rakkomandazzjonijiet tiegħu
maħruġa skont l-Artikolu 126(7) tat-Trattat tas-16 ta' Frar 2010,
il-Kunsill irrakkomanda lil Malta biex sal-2011 tnaqqas id-defiċit
għal taħt it-3 % tal-PDG b'mod kredibbli u sostanzjali u biex
fl-2011 tiżgura sforz fiskali ta' ¾ % tal-PDG. Skont
il-Previżjoni tal-Ħarifa 2011 tas-servizzi tal-Kummissjoni, li
ħarġet fl-10 ta' Novembru 2011, id-defiċit
tal-amministrazzjoni pubblika kien stmat li fl-2011 ikun 3 % tal-PDG u
jekk wieħed jassumi li ma jkunu ttieħdu l-ebda miżuri ulterjuri,
fl-2012, id-defiċit kien proġettat li jiżdied għal 3.5 %
tal-PDG u fl-2013 u jkompli jiżdied għal 3.6 % tal-PDG.
Filwaqt li l-istima tal-bidla fil-bilanċ strutturali fl-2011 kienet
konformi mal-isforz fiskali rrakkomandat mill-Kunsill, id-direzzjoni
proġettata tad-defiċit baġitarju tal-amministrazzjoni pubblika
ma kinitx konsistenti mal-korrezzjoni sostenibbli tad-defiċit
eċċessiv. Wara d-data finali tal-Previżjoni
tal-Ħarifa 2011, fl-14 ta' Novembru 2011, il-Gvern
Malti adotta l-abbozz tal-baġit tiegħu għall-2012. Fuq
il-bażi tal-valutazzjoni tal-baġit mill-Kummissjoni,
il-proġettazzjonijiet tad-defiċit tal-amministrazzjoni pubblika huma
aġġornati għal 2.6 % tal-PDG fl-2012 u 2.9 %
tal-PDG fl-2013 (ara t-Tabella 4). Fid-Dokument ta' Ħidma tal-Persunal
tal-Kummissjoni, wieħed jista' jsib valutazzjoni aktar dettaljata dwar
Malta ppubblikata flimkien ma' din il-Komunikazzjoni. Fuq il-bażi tal-informazzjoni attwalment
disponibbli, jidher li l-awtoritajiet Maltin ħadu l-miżuri effettivi
għal korrezzjoni f'waqtha u sostenibbli għad-defiċit
eċċessiv. B'mod partikolari, l-awtoritajiet Maltin adottaw baġit
tal-2012 li kien jinkludi sensiela ta' miżuri biex ma jiżdiedx
id-defiċit. Fuq il-bażi ta' din il-valutazzjoni, il-Kummissjoni tqis
li bħalissa m'huma meħtieġa l-ebda passi oħra
fil-proċedura dwar id-defiċit eċċessiv ta’ Malta.
Il-Kummissjoni se tkompli tissorvelja mill-qrib l-iżviluppi baġitarji
f’Malta skont it-Trattat u l-Patt ta Stabbiltà u Tkabbir. Tabella 4: Malta – tqabbil tal-proġettazzjonijiet
baġitarji
bilanċ tal-amministrazzjoni pubblika ( % tal-PDG) || 2011 || 2012 || 2013 COM AF 2011 || -3.0 || -3.5 || -3.6 Awtoritajiet Nazzjonali || -2.8 || -2.3 || -1.8 COM Jannar 2012 || -3.0 || -2.6 || -2.9 Noti: COM AF 2011 – Previżjoni tal-Ħarifa 2011 tas-servizzi tal-Kummissjoni. COM Jannnar 2012 – Valutazzjoni tas-servizzi tal-Kummissjoni ta' Jannar 2012 Il-proġettazzjonijiet nazzjonali huma bbażati fuq l-informazzjoni pprovduta mill-awtoritajiet nazzjonali li tikkumplimenta d-diskors tal-baġit 2012. Il-proġettazzjonijiet nazzjonali u l-valutazzjoni tas-servizzi tal-Kummissjoni ta' Jannar 2012 iqisu l-miżuri tal-abbozz tal-baġit 2012. Sorsi: Is-servizzi tal-Kummissjoni, proġettazzjonijiet nazzjonali
2.5.
Il-Polonja
Fir-rakkomandazzjonijiet tiegħu
maħruġa skont l-Artikolu 104(7) tat-Trattat li jistabbilixxi
l-Komunitajiet Ewropej (TKE)[4] tas-6 ta' Lulju 2009,
il-Kunsill irrakkomanda lill-Polonja biex sal-2012 tnaqqas id-defiċit
għal taħt it-3 % tal-PDG b'mod kredibbli u sostanzjali u biex
tul il-perjodu 2010-2012 tiżgura sforz fiskali medji ta'
mill-anqas 1¼ % tal-PDG. Skont il-Previżjoni
tal-Ħarifa 2011 tas-servizzi tal-Kummissjoni, id-defiċit
tal-amministrazzjoni pubblika kien mistenni li jkun 5.6 % tal-PDG fl-2011
u fl-2012 ikun 4.0 % tal-PDG, u, jekk wieħed jassumi li ma jkunu
ttieħdu l-ebda miżuri ulterjuri, id-defiċit fl-2013 ser ikun
ta' 3.1 % tal-PDG. Barra minn hekk, meta jitqies ix-xenarju
mikroekonomiku bejn il-proġettazzjonijiet li jisħqu
r-rakkomandazzjonijiet tal-PDE (jiġifieri l-Previżjoni
tar-Rebbiegħa 2009 tas-servizzi tal-Kummissjoni) u l-Previżjoni
tal-Ħarifa 2011, b'mod partikolari, il-fatt li l-Polonja bbenefikat
mir-reviżjoni 'l fuq tat-tkabbir tat-terminu medju, l-istima tal-medja
tat-tibdil annwali fil-bilanċ tal-baġit strutturali
għall-pejodu 2010-2012 ma laħaqx l-aġġustament
irrakkomandat mill-Kunsill. Minħabba dan, id-direzzjoni proġettata
tad-defiċit baġitarju tal-amministrazzjoni pubblika u l-istima
tal-isforz fiskali f'dan l-istadju ma kinitx tkun konsistenti ma' korrezzjoni
f'waqtha u sostenibbli tad-defeċit eċċessiv. Wara d-data finali tal-Previżjoni
tal-Ħarifa 2011, fit-8 ta Diċembru 2011, il-Gvern
il-ġdid Pollakk adotta l-Liġi riveduta dwar il-Baġit għall-2012.
Fuq il-bażi tal-valutazzjoni tal-Kummissjoni tal-baġit rivedut lil
hinn mill-Previżjoni tal-Ħarifa 2011, id-defiċit
tal-amministrazzjoni pubblika huwa proġettat għal 3.3 %
tal-PDG fl-2012 u 2.6 % tal-PDG fl-2013 (ara t-Tabella 5)
Fid-Dokument ta' Ħidma tal-Persunal tal-Kummissjoni, wieħed jista'
jsib valutazzjoni aktar dettaljata dwar il-Polonja ppubblikata flimkien ma' din
il-Komunikazzjoni. Fil-każ tal-Polonja, il-valutazzjoni
fil-kuntest tal-PDE jeħtieġ li jitqiesu d-dispożizzjonijiet
tal-pakkett dwar il-governanza ekonomika, li għandu x'jaqsam mal-impatt
baġitarju tar-riformi sistemiċi tal-pensjonijiet. Speċjalment,
f'każ li l-eċċess tad-defiċit fil-valur ta' referenza
ta' 3 % tal-PDG jkun jinkludi l-effetti ta' din ir-rifoma
fil-pensjonijiet, l-ispiża diretta netta sħiħa tar-riforma
għall-baġit pubbliku ser tiġi kkunsidrata sakemm (i)
id-defiċit jitnaqqas b'mod sostanzjali u kontinwu u joqrob lejn it-3 %
tal-valur ta' referenza tal-PDG, (ii) il-proporzjoni tad-dejn gross tal-gvern
ma jaqbiżx is-60 % tal-PDG u (iii) tinżamm is-sostenibbiltà
fiskali globali. Id-defiċit ta' 3.3 % tal-PDG
mistenni mis-servizzi tal-Kummissjoni billi jitqiesu l-miżuri
mħabbra/adottati wara l-Previżjoni tal-Ħarifa 2011,
jistgħu jiġu kkunsidrati li jkun qrib il-valur ta' referenza" u
l-proporzjoni tad-dejn għall-PDG jkun ta' 60 % tal-valur ta'
referenza tal-PDG b'manjiera sostanzjali. Skont ir-Regolament tal-Kunsill (UE)
Nru 1177/2011[5], dan jippermetti li
tiġi kkunsidrata l-ispiża ta' riforma sistemika tal-pensjonijiet.
Il-proporzjon tad-dejn għandu jkun pjuttost stabbli u li sal-2020
jilħaq il-56 % tal-PDG jekk wieħed jassumi li ma jsiru l-ebda
tibdiliet fil-politika mal-Previżjoni tal-Ħarifa 2011
tas-servizzi tal-Kummissjoni. L-estimi tal-awtoritajiet Pollakki
tal-ispiża netta diretta ta' din ir-riforma fil-pensjonijiet fl-2012 hija
ta' madwar 0.6 % tal-PDG. Fuq il-bażi tal-informazzjoni attwalment
disponibbli, jidher li l-awtoritajiet Pollakki ħadu l-miżuri
effettivi għal korrezzjoni f'waqtha u sostenibbli għad-defiċit
eċċessiv. Minħabba l-valutazzjoni ta' hawn fuq (li tinkludi wkoll
l-ispejjeż netti diretti tar-riforma sistemika tal-pensjonijiet introdotta
fl-1999), il-Kummissjoni tikkonsidra li bħalissa m'huma meħtieġa
l-ebda passi oħra fil-proċedura dwar id-defiċit
eċċessiv tal-Polonja. Il-Kummissjoni
se tkompli tissorvelja mill-qrib l-iżviluppi baġitarji fil-Polonja skont
it-Trattat u l-Patt ta Stabbiltà u Tkabbir. Tabella 5: Il-Polonja – tqabbil tal-proġettazzjonijiet
baġitarji,
bilanċ tal-amministrazzjoni pubblika ( % tal-PGD) || 2011 || 2012 || 2013 COM AF 2011 || -5.6 || -4.0 || -3.1 CP 2011 || -5.6 || -2.9 || -2.5 Abbozz tal-Liġi tal-Baġit tal-2012 || mhux applikabbli || -2.9* || mhux applikabbli COM Jannar 2012 || -5.6 || -3.3 || -2.6 Noti: COM AF 2011 – Previżjoni tal-Ħarifa 2011 tas-servizzi tal-Kummissjoni. CP 2011 – April 2011 aġġornamentt al-Programm ta' Konverġenza. COM Jannar 2012 – Valutazzjoni tas-servizzi tal-Kummissjoni ta' Jannar 2012 Il-valutazzjoni tas-servizzi tal-Kummissjoni ta' Jannar 2012 tqis il-miżuri adottati mill-gvern fl-abbozz tal-Liġi dwar il-Baġit 2012. * il-bilanċ tal-baġit ippreżentat fl-abbozz tal-Liġi dawr il-Baġit 2012 huwa kkalkulat skont il-metodu nazzjonali dwar il-kontijiet tal-flus kontanti, li mhuwiex direttament komparabbli mal-metodu ta' komtabilità bbażat fuq id-dovuti tal-ESA95. Sorsi: Is-servizzi tal-Kummissjoni, proġettazzjonijiet nazzjonali [1] ĠU L 306, 23.11.2011, p. 5. [2] Il-Greċja, l-Irlanda, il-Portugall, ir-Rumanija u
l-Latvja. Il-programm tal-Bilanċ tal-Pagament (BoP) għal-Latvja
jiskadi fl-20 ta' Jannar 2012. [3] L-Artikolu korrispondenti tat-Trattat dwar
il-Funzjonament tal-Unjoni Ewropea li daħal fis-seħħ fl-1 ta' Diċembru 2009,
huwa l-Artikoli 126 [4] L-Artikolu korrispondenti tat-Trattat dwar
il-Funzjonament tal-Unjoni Ewropea li daħal fis-seħħ fl-1 ta' Diċembru 2009,
huwa l-Artikoli 126 [5] Ara l-Artikolu 1(2c). Ir-Regolament emenda
l-modalitajiet li għalihom l-ispejjeż baġitarji marbuta
mal-introduzzjoni ta' pilastru obbligatorju u ffinanzjat totalment fis-sistema
nazzjonali tal-pensjonijiet tista' titqies meta jiġi vvalutat progress
xieraq lejn korrezzjoni f'waqtha u sostenibbli ta' defeċit
eċċessiv. Fil-każ ta' Stat Membru fil-Proċedura ta'
Defiċit Eċċessiv (PDE) meta l-eċċess tad-defiċit
fil-valur ta' referenza ta' 3 % % jkun jinkludi l-effetti ta'
din ir-rifoma fil-pensjonijiet, l-ispiża diretta netta sħiħa
tar-riforma għall-baġit pubbliku ser tiġi kkunsidrata sakemm (i)
id-defiċit jitnaqqas b'mod sostanzjali u kontinwu u joqrob lejn il-valur
ta' referenza ta' 3 % % tal-PDG, (ii) il-proporzjoni tad-dejn gross
tal-gvern ma jaqbiżx is-60 % % tal-PDG u (iii) tinżamm
is-sostenibbiltà fiskali globali.