EUR-Lex Access to European Union law
This document is an excerpt from the EUR-Lex website
Document 52011PC0340
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2010/007 AT/Steiermark and Niederösterreich from Austria)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni bi qbil mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (applikazzjoni EGF/2010/007 AT/Steiermark u Niederösterreich mill-Awstrija)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni bi qbil mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (applikazzjoni EGF/2010/007 AT/Steiermark u Niederösterreich mill-Awstrija)
/* KUMM/2011/0340 finali */
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni bi qbil mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (applikazzjoni EGF/2010/007 AT/Steiermark u Niederösterreich mill-Awstrija) /* KUMM/2011/0340 finali */
MEMORANDUM TA’ SPJEGAZZJONI Il-Punt 28 tal-Ftehim Interistituzzjonali
tas-17 ta' Mejju 2006 bejn il-Parlament Ewropew, il-Kunsill u
l-Kummissjoni dwar id-dixxiplina baġitarja u l-ġestjoni finanzjarja
soda[1] jippermetti l-mobilizzazzjoni tal-Fond
Ewropew ta' Aġġustament għall-Globalizzazzjoni (FEG) permezz ta'
mekkaniżmu ta' flessibilità, bil-limitu massimu annwali ta'
EUR 500 miljun li huma addizzjonali għall-intestaturi rilevanti
tal-qafas finanzjarju. Ir-regoli applikabbli għall-kontributi
mill-FEG huma stipulati fir-Regolament (KE) Nru 1927/2006 tal-Parlament
Ewropew u tal-Kunsill tal-20 ta' Diċembru 2006 li
jistabbilixxi l-Fond Ewropew ta' Aġġustament
għall-Globalizzazzjoni[2]. Fid-9 ta' Marzu 2010,
l-Awstrija ressqet l-applikazzjoni EGF/2010/007 AT/Steiermark u
Niederösterreich għal kontribuzzjoni finanzjarja mill-FEG, wara li diversi
persuni ngħataw is-sensja f'54 intrapriża li joperaw
fid-Diviżjoni 24 tan-NACE Reviżjoni 2 (“Manifattura ta’
metalli bażiċi”)[3]
fir-reġjuni NUTS II ta’ Steiermark (Styria, AT22) u Niederösterreich
(fl-Awstrija ta’ Isfel, AT12) fl-Awstrija. Wara analiżi bir-reqqa ta' din
l-applikazzjoni, il-Kummissjoni kkonkludiet skont l-Artikolu 10
tar-Regolament (KE) Nru 1927/2006, li l-kundizzjonijiet għal
kontribuzzjoni finanzjarja skont dan ir-Regolament huma sodisfatti. TAQSIRA TAL-APPLIKAZZJONI U L-ANALIŻI Dejta prinċipali: || Nru ta' Referenza tal-FEG || EGF/2010/007 Stat Membru || L-Awstrija Artikolu 2 || (b) Intrapriżi konċernati || 54 Reġjuni NUTS II || Steiermark (AT22) Niederösterreich(AT12) Taqsima NACE Reviżjoni 2 || 24 (“Manifattura ta’ metalli bażiċi”) Perjodu ta’ referenza || 1.4.2009 – 31.12.2009 Data ta' bidu għas-servizzi personalizzati || 1.4.2009 Data tal-applikazzjoni || 9.3.2010 Sensji matul il-perjodu ta’ referenza || 1 180 Ħaddiema li ngħataw is-sensja u li huma identifikati għall-għajnuna || 356 Nefqa għas-servizzi personalizzati (EUR) || 12 266 158 Nefqa għall-implimentazzjoni tal-FEG[4] (EUR) || 479 855 Nefqa għall-implimentazzjoni tal-FEG (%) || 3,8 Baġit totali (EUR) || 12 746 013 Il-kontribuzzjoni tal-FEG (65 %) (EUR) || 8 284 908 1.
L-applikazzjoni ġiet ippreżentata
lill-Kummissjoni fid-9 ta' Marzu 2010 u ssupplimentata
b'tagħrif addizzjonali sat-22 ta' Frar 2011. 2.
L-applikazzjoni tissodisfa l-kundizzjonijiet ta'
intervent mill-FEG kif stabbilit fl-Artikolu 2(b) tar-Regolament (KE)
Nru 1927/2006, u tressqet fil-limitu ta' żmien ta'
10 ġimgħat imsemmi fl-Artikolu 5 ta' dak ir-Regolament. Ir-rabta bejn is-sensji u l-bidliet
strutturali prinċipali fix-xejriet tal-kummerċ dinji minħabba
l-globalizzazzjoni jew il-kriżi finanzjarja u ekonomika globali 3.
Biex tkun stabbilita r-rabta bejn is-sensji u
l-kriżi finanzjarja u ekonomika globali, l-Awstrija tisħaq li
t-tnaqqis globali fid-domanda għall-metall bħala riżultat
tal-kriżi kellha impatt qawwi partikolarment fuq l-esportazzjoni
tal-metall (ferruż u mhux ferruż) fl-Awstrija u għaldaqstant fuq
il-produzzjoni tal-metall fil-pajjiż kif ukoll fuq l-impjiegi. Skont
figuri tal-Ewrostat u Statistik Austria kkwotati fl-applikazzjoni, qrib it-80 %
tal-produzzjoni Awstrijaka tal-metall hija esportata, u l-metall jammonta
għal kważi 9 % tal-volum totali ta’ esportazzjoni tal-Awstrija,
parti akbar mill-medja tal-UE-27 (6,1 %) 4.
Qabel il-kriżi, is-settur tal-metall
fl-Awstrija kien dinamiku, billi kien jilħaq bilanċ favorevoli
kummerċjali grazzi għall-attivitajiet ta’ esportazzjoni,
partikolarment fil-grupp ta’ prodotti tal-ħadid u tal-azzar (ferruż).
Dan kien għen biex inħoloq kontro-bilanċ b’suċċess
għall-forzi relatati mal-globalizzazzjoni, bħalma hija
ż-żieda fl-importazzjonijiet ta’ metall minn pajjiżi terzi. It-tkabbir preċedenti fis-settur waqaf
ħesrem fir-raba’ kwart tal-2008, biex wassal għal tnaqqis ta’
38,6 % fl-esportazzjoni tal-metall fil-perjodu bejn Jannar u
Lulju 2009 meta komparat mas-sena ta’ qabel. It-tnaqqis fl-attivitajiet
tal-esportazzjoni kienet tidher anqas fil-prodotti l-oħra Awstrijaċi
(-24 % għal volum totali ta' esportazzjoni). Kwotazzjoni tat-tabelli
tal-input u l-output tal-Ewrostat turi li l-Awstrija tenfasizza wkoll livell għoli
ta’ interdipendenza fost l-intrapriżi fi ħdan is-settur tal-metall u
b’xi industriji l-aktar affettwati mill-kriżi, bħall-industriji
tal-kostruzzjoni, tal-inġinerija u tal-karozzi. 5.
Dokument ta' ħidma tas-servizzi
tal-Kummissjoni Ewropea maħruġ f’April 2009 u
f’Ottubru 2009[5] jgħid li
l-kriżi kellha impatt qawwi ħafna fuq il-pajjiżi kbar kollha
produtturi tal-azzar fl-UE. Matul is-sena sal-ewwel kwart tal-2009,
il-produzzjoni ta’ azzar mhux maħdum fl-UE-27 waqgħet bi 43,8 %,
meta mqabbla ma' kontraindikazzjoni fil-produzzjoni dinjija tal-azzar ta’
22,8 % fl-istess perjodu. Ħafna kumpaniji tal-azzar Ewropej naqqsu
n-numru ta’ jiem ta’ produzzjoni jew waqqfu xi partijiet mill-produzzjoni, u
ħabbru qrib it-32 800 sensja mill-gruppi prinċipali tal-azzar,
skont figuri mill-EUROFER, il-Konfederazzjoni Ewropea tal-Industrija
tal-Ħadid u l-Azzar Dan kollu juri l-impatt qawwi tal-kriżi fuq
is-settur tal-metall Ewropew. Turija tal-għadd ta’ sensji u konformità mal-kriterji
tal-Artikolu 2(b) 6.
L-Awstrija ressqet din l-applikazzjoni skont il-kriterji
ta' intervent tal-Artikolu 2(b) tar-Regolament (KE) Nru 1927/2006, li
jitlob li jkun hemm minn tal-inqas 500 sensja fuq perjodu ta' disa' xhur
f'intrapriżi li joperaw fl-istess Diviżjoni tar-Reviżjoni 2
tan-NACE f'reġjun wieħed jew f’żewġ reġjuni kontigwi
fil-livell tan-NUTS II fi Stat Membru. 7.
L-applikazzjoni tindika 1 180 sensja
f’54 intrapriża li topera fid-Diviżjoni 24
tar-Reviżjoni 2 tan-NACE (“Manifattura ta’ metalli bażiċi”)
fir-reġjuni kontigwi NUTS II ta’ Steiermark (AT22) u Niederösterreich
(AT12) matul id-disa’ xhur perjodu ta’ referenza
mill-1 ta’ April 2009
sal-31 ta’ Diċembru 2009. Dawn is-sensji kollha ġew
ikkalkulati skont it-tieni inċiż tat-tieni paragrafu
tal-Artikolu 2 tar-Regolament (KE) Nru 1927/2006. Spjegazzjoni tan-natura mhix prevista
ta' dawk is-sensji 8.
L-awtoritajiet Awstrijaċi jisħqu li
l-kriżi globali bl-impatt tagħha fuq is-settur tal-metall bażiku
ma setgħetx tkun imbassra, u jikkwotaw reviżjonijiet radikali 'l
isfel tat-tbassir dwar it-tkabbir reali tal-PDG magħmul minn korpi
internazzjonali u nazzjonali mill-aħħar tal-2007 lil hawn,
bħall-Kummissjoni Ewropea, l-OECD u l-istituti għar-riċerka
ekonomika Awstrijaka WIFO (Österreichisches Institut für Wirtschaftsforschung)
u IHS (Institut für höhere Studien). Wara tbassir ta’ tkabbir
żgħir ta’ 0,9 % u 1,2 % fil-ħarifa tal-2008,
iż-żewġ istituti kellhom jaġġusstaw il-pronjosi
tagħhom għat-tnaqqis tal-2009 għal -3,4 % u -3,8 %
f’Settembru 2009. Għalkemm l-industrija tal-metall hija
ġeneralment soġġetta għal varjazzjonijiet ċikliċi,
il-veloċità u l-intensità tat-tnaqqis pprovokat mill-kriżi ma kinux
imbassra u ssorprendew lil dan is-settur. 9.
Riżultati ta’ stħarriġ tal-WIFO
rrappurtaw ukoll nuqqas ta’ kunfidenza fost kumpaniji tal-metall fi Styria u
fl-Awstrija ta’ Isfel fl-ewwel xhur tal-2009: meta mqabbla ma’ medja ta’
21 % fis-snin sal-2008, 83 % tal-kumpaniji interrogati ikkwalifikaw
il-volum tal-ordnijiet tagħhom għall-esportazzjoni bħala mhux
suffiċjenti sa Lulju 2009. Identifikazzjoni tal-intrapriżi li
taw is-sensji u l-ħaddiema li huma identifikati għall-għajnuna 10.
L-applikazzjoni tikkwota total ta’
1 180 sensja f’54 intrpriża matul id-disa’ xhur tal-perjodu
ta’ referenza li minnhom 356 ħaddiem (30,2 %) huwa identifikat
għall-għajnuna. It-356 ħaddiem kollha daħlu
fil-fondazzjoni tal-azzar Voest-Alpine ('Voest-Alpine-Stahlstiftung'), li hija
fondazzjoni tax-xogħol tip ta’ intrapriża ('Unternehmensstiftung'),
skont id-direttiva federali AMF/18-2010[6]. Mill-ħaddiema li
kien għad baqa’ li ma daħlux fil-fondazzjoni, madwar 76,2 % sabu
xogħol ġdid, xi 17,8 % ipparteċipaw f’miżuri ta’
taħriġ tal-AMS barra l-fondazzjoni u madwar 6 % irtiraw jew
kienu qed jippjanaw li jirtiraw. Intrapriżi u għadd ta' sensji Alufix-Folienverarbeitungsgesellschaft m.b.H. || 6 || Icon Anlagenbau GmbH || 3 Augusta Metalltechnik GmbH || 11 || IPA Produktions- & Vertriebsgesellschaft m.b.H. || 9 Becker & Co Ges.m.b.H. & Co KG || 1 || Isoplus Fernwärmetechnik Gesellschaft m.b.H. || 32 Benda-Lutz Werke GmbH || 11 || Johann Nemetz & Co Gesellschaft m.b.H. || 13 Biedermann || 1 || Karl Fink Ges.m.b.H. || 30 Böhler Bleche GmbH & Co KG || 47 || Kunstguss Wagner Gesellschaft m.b.H. || 1 Böhler Bleche GmbH & Co KG || 37 || Martin Miller GmbH || 9 Böhler Schweisstechnik Austria || 10 || Metallguss Katz GmbH || 3 Böhler-Uddeholm Precision Strip GmbH & Co KG || 133 || Neuman Aluminium Strangpresswerk GmbH || 99 Böhler-Ybbstal Profil GmbH || 45 || O. St. Feinguss- Gesellschaft m.b.H. || 12 Breitenfeld Edelstahl AG Stahlwerk und Schmiede || 32 || Schlieper Gesellschaft m.b.H. || 20 Buntmetall Amstetten Gesellschaft m.b.H. || 10 || Schoeller-Bleckmann Edelstahlrohr GmbH || 24 Dynacast Österreich Gesellschaft m.b.H. || 14 || Sonderstahlwerk Breitenfeld GmbH || 1 EGM-Industrieguss GmbH || 5 || Stahl Judenburg Gesellschaft m.b.H. || 16 ELSA Edelmetall-Legier-und Scheideanstalt Gesellschaft m.b.H. || 1 || Stahl- und Walzwerk Marienhuette Ges. m.b.H. || 5 Enzesfeld-Caro Metallwerke Aktiengesellschaft || 21 || Teich Aktiengesellschaft || 10 FM Flanschenwerk Ges.m.b.H. || 3 || Ternitz Druckguss Gesellschaft m.b.H. || 1 Franz Steininger Gesellschaft m.b.H. || 4 || TIP Formenbau GmbH || 3 Georg Fischer Eisenguss GmbH || 6 || VAEE Eisenbahnsysteme GmbH || 11 Georg Fischer Fittings GmbH || 15 || Voestalpine Austria Draht GmbH || 29 Georg Fischer GmbH & Co KG || 4 || Voestalpine Giesserei Traisen GmbH || 32 Georg Fischer Kokillenguss GmbH || 59 || Voestalpine Krems GmbH || 56 Georg Fischer Moessner GmbH Nfg & Co KG || 10 || Voestalpine Schienen GmbH || 2 GF Druckguss GmbH || 14 || Voestalpine Stahl Donawitz GmbH & Co KG || 14 GLS Tanks International GmbH || 28 || Voestalpine Tubulars GmbH & Co KG || 166 G-MAG Europe GmbH || 12 || Welser Profile AG || 14 Hammerschied Ernstbrunner Eisengiesserei GmbH & Co KG || 4 || Wuppermann Austria Gesellschaft m.b.H || 21 Numru totali ta' intrapriżi: 54 || Numru totali ta' sensji: 1 180 || 11.
Ir-rendikont tat-356 ħaddiem identifikat
għall-assistenza huwa kif ġej: Kategorija || Għadd || Perċentwali Irġiel || 343 || 96,3 Nisa || 13 || 3,7 Ċittadini tal-UE || 354 || 99,4 Ċittadini barra l-UE || 2 || 0,6 minn 15 sa 24 sena || 96 || 27,0 minn 25 sa 54 sena || 246 || 69,1 Minn 55 sa 64 sena || 14 || 3,9 Aktar minn 64 sena || 0 || 0,0 12.
Hemm 11-il ħaddiem (jew 3,1 %) bi
problema ta’ saħħa persistenti jew b'diżabbiltà inklużi
fil-kategoriji ta’ hawn fuq. 13.
Fir-rigward ta' kategoriji ta’ xogħol,
it-tqassim huwa kif ġej: Kategorija || Għadd || Perċentwali Maniġers || 2 || 0,6 Tekniċi || 31 || 8,7 Ħaddiema ta' appoġġ klerikali || 22 || 6,2 Ħaddiema tas-sengħa u dawk involuti fi snajja’ relatati || 75 || 21,1 Operaturi tal-impjanti u tal-magni u dawk li jimmuntaw || 42 || 11,8 Xogħlijiet elementari || 184 || 51,7 14.
Skont l-Artikolu 7 tar-Regolament (KE)
Nru 1927/2006, l-Awstrija kkonfermat li ġiet applikata u se tkompli
tiġi applikata politika ta' ugwaljanza bejn in-nisa u l-irġiel kif
ukoll ta' non-diskriminazzjoni matul l-istadji varji tal-implimentazzjoni
tal-FEG u, b'mod partikolari, għall-aċċess għall-FEG. Deskrizzjoni tat-territorju
kkonċernat u tal-awtoritajiet u l-partijiet interessati tiegħu 15.
It-territorji milqutin mis-sensji huma fil-Land ta’
Steiermark (AT22) u fil-Land ta’ Niederösterreich (AT12), tnejn mid-disa’
provinċji federali fl-Awstrija. Iż-żewġ provinċji
jagħmlu parti mir-reġjuni industrijali fl-Awstrija, flimkien ma’
Oberösterreich u Vorarlberg. Niederösterreich hija l-akbar provinċja
federali fl-Awstrija u tinsab madwar Vienna, il-kapitali tal-Awstrija, li hi
nnifisha għandha l-istatus ta’ provinċja. Tinsab fruntiera
mar-Repubblika Ċeka u mas-Slovakkja, u l-kapitali provinċjali hija
Sankt Pölten. Steiermark tinsab fruntiera mas-Slovenja, u l-kapitali
provinċjali tagħha, Graz, hija t-tieni l-akbar belt wara Vienna
fl-Awstrija. 16.
L-awtoritajiet Awstrijaċi spjegaw li
ż-żewġ provinċji għadhom isofru minn dgħjufija
strutturali bi prodott reġjonali gross (PDG reġjonali) anqas
mill-medja nazzjonali (figuri tal-2006). Ir-rata ta’ qagħad fi Steiermark
hija ġeneralment aktar mill-medja nazzjonali, partikolarment madwar
il-belt ta’ Graz u fil-punent u l-lvant tal-provinċja, waqt li
l-qagħad f’Niederösterreich huwa bejn wieħed u ieħor fuq
l-istess livell bħalma hu fil-kumplament tal-Awstrija. Il-qagħad
fit-tul (aktar minn sena) huwa aktar mill-medja nazzjonali
fiż-żewġ provinċji, u t-tnejn li huma jesperjenzaw
differenzi sinifikanti fid-dħul mir-reġjuni tagħhom,
ħaġa li tirrifletti d-diversità fit-territorji tagħhom fejn
jidħlu ġografija, karattru u struttura ekonomika. Ir-raġunijiet
għas-sitwazzjoni li relattivament mhix favorevoli huma l-effetti
tardatarji tal-kriżi strutturali lejn l-aħħar tat-tmeninijiet
(1980) fi Steiermark li wasslet għal skemi ta’ rtirar bikri u rata baxxa
ta’ impjiegi għan-nisa, partikolarment f’żoni rurali.
Niederösterreich qed jesperjenza tibdil strutturali u qed jiffaċċja
l-isfida li jrid iqabbel il-kwalifiki mal-impjiegi. 17.
Il-partijiet l-aktar interessati huma s-servizzi
tal-impjiegi pubbliċi reġjonali ta’ Styria u tal-Awstrija ta’ Isfel
(regionale Geschäftsstellen des Arbeitsmarktservice/AMS), l-Assoċjazzjoni
tal-Inġinerija u x-Xogħol fil-Metall tal-Kamra Ekonomika tal-Awstrija
(Fachverband der maschinen- und metallverarbeitenden Industrie der
Wirtschaftskammer Österreich), l-Assoċjazzjoni tal-Industrija tal-Minjieri
u tal-Produzzjoni tal-Ħadid tal-Kamra Ekonomika tal-Awstrija (Fachverband
der Bergwerke und eisenerzeugenden Industrie der Wirtschaftskammer Österreich),
it-trejdjunjin tal-ikel, metall u tessuti (Gewerkschaft Metall-Textil-Nahrung)
u t-trejdjunjin tal-impjegati fis-settur privat, l-istampar,
il-ġurnaliżmu, u l-karta (Gewerkschaft der Privatangestellten, Druck,
Journalismus, Papier), li t-tnejn jaqgħu taħt il-Federazzjoni
Awstrijaka tat-Trejdjunjins (Österreichische Gewerkschaftsbund /ÖGB). L-impatt mistenni tas-sensji fir-rigward
tal-impjiegi lokali, reġjonali jew nazzjonali 18.
Il-figuri kkwotati fl-applikazzjoni juru
l-importanza tal-industrija tal-metall fis-sitwazzjoni tal-impjiegi
fiż-żewġ provinċji: fl-2008 is-settur kien
jirrappreżenta 2,1 % tal-impjiegi fi Steiermark (l-ogħla sehem
fl-Awstrija, kontra il-1 % għall-pajjiż kollu) u fi
Niederösterreich dan is-sehem kien 1,5 % (it-tielet l-ogħla sehem
fl-Awstrija). 19.
L-awtoritajiet Awstrijaċi spjegaw li
l-qagħad ġenerali żdied sew fl-2009 skont figuri kkwotati ta’
Statistik Austria u ta’ istituti tar-riċerka Awstrijaċi: Fi
Steiermark kien ta’ +39,9 % u f’Niederösterreich +31,3 %, meta
mqabbla ma' +29,3 % fl-Awstrija kollha (fit-tieni kwart tal-2009).
It-tnaqqis fid-domanda għall-metall kellu impatt negattiv qawwi fuq
is-swieq tax-xogħol fi Styria u fl-Awstrija ta’ Isfel, peress li t-telf
tal-impjiegi fl-intrapriżi tal-metall kien ogħla minn f’postijiet
oħra fl-Awstrija. Barra minn hekk, żdied in-numru ta’ ħaddiema
bi skemi ta’ impjieg qasir (Kurzarbeit): f’Novembru tal-2009, Niederösterreich
kellu l-ogħla numru ta’ ħaddiema taħt din l-iskema fost
il-provinċji Awstrijaċi kollha, waqt li Steiermark kellu t-tielet
l-ogħla numru. 20.
Kważi 60 % tas-sensji li huma t-tema ta’
din l-applikazzjoni seħħew f’Niederösterreich (704 ħaddiem
fi 33 kumpanija) u aktar minn 40 % tas-sensji (476 ħaddiem
f’21 kumpanija) seħħew fi Steiermark. Steiermark diġà
ġiet aċċettata għall-appoġġ tal-FEG f’każ
ieħor aktar kmieni: EGF/2009/009 AT/Steiermark (settur tal-karozzi) b’744 ħaddiem
mogħtija s-sensja f’perjodu ta’ disa’ xhur. Pakkett ikkoordinat ta' servizzi
personalizzati li jridu jiġu ffinanzjati u analiżi tal-ispejjeż
stmati tiegħu, inkluża l-komplimentarjetà tiegħu mal-azzjonijiet
iffinanzjati mill-Fondi Strutturali 21.
Qed jiġu proposti t-tipi ta’ miżuri li
ġejjin, li kollha jingħaqdu biex jiffurmaw pakkett ikkoordinat ta’
servizzi personalizzati mmirati lejn l-integrazzjoni mill-ġdid ta’
356 ħaddiem lura f’impjieg. Il-miżuri se jingħataw lill-ħaddiema
permezz tal-fondazzjoni tal-azzar Voest-Alpine (“Voest-Alpine-Stahlstiftung”),
li hija fondazzjoni tax-xogħol tip ta’ intrapriża stabbilita
fl-1987-88 biex ittaffi l-impatt ħażin tal-istrutturar mill-ġdid
fis-settur tal-azzar. Fl-2010 il-fondazzjoni għandha aktar minn
80 kumpanija msieħba, jiġifieri intrapriżi attivi
fis-settur tal-metall. Madwar żewġ terzi tal-kumpaniji membri
jagħmlu parti mill-Grupp voestalpine, it-terz l-ieħor huwa
magħmul minn kumpaniji barra mill-Grupp[7].
B’riżultat tal-kriżi, in-numru ta’ parteċipanti fil-fondazzjoni,
jiġifieri ħaddiema qiegħda f’taħriġ, fi programmi ta’
edukazzjoni u fir-reintegrazzjoni, irdoppja (Marzu 2010, meta mqabbla
mas-sena ta’ qabel). It-356 persuna identifikata permezz ta’ din
l-applikazzjoni qabel kienu ħaddiema f’kumpaniji li jagħmlu parti
mill-Grupp voestalpine li daħlu fil-fondazzjoni tax-xogħol bejn
l-1 ta’ April 2009 u l-31 ta’ Diċembru 2009. 22.
Il-miżuri għat-356 ħaddiem
identifikat li daħlu fil-fondazzjoni huma bi qbil mas-servizzi
pubbliċi tal-impjiegi ('AMS, Arbeitsmarktservice') ta’ Steiermark u
Niederösterreich u kkontrollati minnhom. It-tifsira ta’ kull miżura
għas-suq tax-xogħol hija evalwata, u l-konformità mar-regoli
tal-fondazzjoni ('Stiftungsordnung') u settijiet ta’ liġijiet oħra
applikabbli hija assigurata. L-iżvilupp tal-ħaddiema individwali huwa
sorveljat biex ikun żgurat li jiġu segwiti l-pjanijiet li dwarhom
kien hemm ftehim fil-fażijiet inizjali tal-programm. Il-ħaddiema
għandhom jinvolvu ruħhom full-time, bi qbil ma’ § 18 ta’
Arbeitslosenversicherungsgesetz (ALVG) u skont il-mudell tal-ħin
tax-xogħol li kull persuna kellha qabel. –
Konsultazzjoni preliminari: It-356 ħaddiem li ngħataw is-sensja kollha
jipparteċipaw f’din wara li jidħlu fil-fondazzjoni tax-xogħol.
Din tinkludi l-iżvilupp ta’ perspettivi u miri għall-karriera. –
Orjentazzjoni tax-xogħol: It-356 ħaddiem li ngħataw is-sensja kollha jsegwu
l-orjentazzjoni tax-xogħol wara li jidħlu fil-fondazzjoni. It-tul ta’
żmien huwa limitat għal sitt ġimgħat bil-possibilità li
jkun estiż għal massimu ta’ 12-il ġimgħa. Hemm qbil dwar
pjan ta’ perkors ta’ xogħol individwali u pjan alternattiv li jkun
iffirmat mill-ħaddiem, mir-rappreżentanti tal-fondazzjoni tal-azzar u
l-AMS reġjonali responsabbli. Din hija l-bażi tal-attivitajiet
sussegwenti tal-ħaddiem fi ħdan il-fondazzjoni tax-xogħol. –
Taħriġ individwali: Hemm ippjanati korsijiet ta’ taħriġ għal
174 ħaddiem li jkopru titjib fil-kwalifiki fl-oqsma preċedenti
tal-ħaddiema (eż. taħriġ għal formnijiet, welding u
korsijiet tekniċi oħrajn) kif ukoll taħriġ vokazzjonali
tal-bidu biex iservi ta’ preparazzjoni għal bidla fil-karriera f’oqsma
bħal dawk soċjali, tas-saħħa jew tas-servizzi (proposti
għal madwar nofs il-174 ħaddiem). Ħaddiema anqas imħarrġa
jistgħu jirċievu taħriġ vokazzjonali biex iġibu kwalifika
formali (bejn wieħed u ieħor kwart tal-parteċipanti). Parti
mit-taħriġ vokazzjonali ma hemmx bżonn li jiġi kofinanzjat
mill-FEG għaliex huwa mogħti b’xejn fis-sistema edukattiva
Awstrijaka. F’każijiet fejn programm ta’ taħriġ li diġà
hemm qbil fuqu jieħu aktar fit-tul mill-perjodu ta’ implimentazzjoni
tal-FEG, il-finanzjar addizzjonali se jingħata mill-fondazzjoni[8]. –
Fil-katalgu tal-miżuri hemm offrut ukoll
taħriġ intern prattiku korporattiv għal perjodu sa tliet xhur
għal kull intrapriża u taħriġ fl-intraprendenza għal
dawk interessati li jibdew in-negozju tagħhom. Dawk li jkunu ħadu
taħriġ fl-intraprendenza fil-fondazzjoni aktar tard se jkollhom
il-possibilità li jingħaqdu mal-Programm ta’ Fondazzjoni
għall-Intrapriżi tal-Arbeitsmarktservice li huwa ffinanzjat barra
mill-FEG. Qabel ma jidħol f’dan il-programm speċifiku tal-AMS,
tintemm il-parteċipazzjoni tal-ħaddiem fil-fondazzjoni
tax-xogħol. –
Konsultazzjoni kontinwa u tiftix attiv
għax-xogħol Il-fondazzjoni tpoġġi
għad-disponibbiltà tat-356 ħaddiem l-infrastruttura
meħtieġa u tagħtihom pariri u appoġġ fl-isforzi
tagħhom biex isibu impjieg ġdid. Dan jinkludi attivitajiet bħal
diskussjonijiet ma’ kowċ, taħriġ dwar kif tapplika għal
impjieg, gruppi simili biex jippromwovu il-kaċitajiet fin-networking. It-tiftix attiv għal impjieg jista’ jew jibda’
direttament wara l-fażi ta’ orjentazzjoni jew mat-tlestija tal-pjan ta’
taħriġ individwali. It-tul normali ta’ din il-miżura huwa
limitat għal 14-il ġimgħa, u jista’ jiġġedded
għal 22 ġimgħa f’każijiet partikolari (għal
parteċipanti ta’ ’l fuq minn 50 sena jew għal persuni
b’kapaċità anqas għax-xogħol). Offerti għal impjiegi
raġjonevoli mill-AMS għandhom jiġu aċċettati
mill-parteċipanti waqt il-fażi ta’ tiftix attiv
għax-xogħol. –
Taħriġ u benefiċċju
għat-tiftix tax-xogħol[9]: Dan il-benefiċċju jitħallas lit-356 ħaddiem
kollha u jsir biss tul il-parteċipazzjoni tagħhom
fit-taħriġ u fil-miżuri attivi ta’ reintegrazzjoni fi ħdan
il-fondazzjoni tax-xogħol. Ir-rata bażika hija bejn EUR 150 u
EUR 450 għal kull persuna kull xahar (14-il xahar/sena),
issupplimentat b’EUR 75 / EUR 40 għal dawk bi dħul
wieħed bit-tfal jew mingħajr tfal (12-il xahar/sena) Dan
il-benefiċċju, flimkien mal-benefiċċju ta’ sosteniment, ma
jistax jaqbeż il-bażi tal-evalwazzjoni tal-benefiċċju
tal-qagħad. Il-benefiċċji tal-qagħad jitwaqqfu waqt
il-perjodu li jkunu qed jingħataw dawn il-benefiċċji
tat-taħriġ. –
Benefiċċju ta’ sosteniment waqt
it-taħriġ u waqt miżuri ta’ tiftix għal impjieg[10]: Dan il-benefiċċju
huwa mħallas lit-353 ħaddiem kollha u jsir biss tul
il-parteċipazzjoni tagħhom fit-taħriġ u fil-miżuri
attivi ta’ reintegrazzjoni fi ħdan il-fondazzjoni tax-xogħol. Dan
jippermetti involviment serju full-time fil-miżuri, ta’ kull ħaddiem
li tilef l-imjieg. L-awtoritajiet jikkalkulaw li 60 persuna ser jipparteċipaw
fit-taħriġ u fil-miżuri ta’ reintegrazzjoni għal
6,1 xhur, 138 persuna għal 15-il xahar, 51 persuna
għal 30 xahar u 104 persuna għal 33,2 xhur. In-nefqa
għal kull ħaddiem tammonta għal EUR 1 031 kull xahar.
Dan il-benefiċċju, flimkien mat-taħriġ u
mal-benefiċċju ta’ sosteniment, ma jistax jaqbeż il-bażi
tal-evalwazzjoni tal-benefiċċju tal-qagħad.
Il-benefiċċji tal-qagħad jitwaqqfu waqt il-perjodu li jkunu qed
jingħataw dawn il-benefiċċji ta' sosteniment. –
Spejjeż anċillari waqt
it-taħriġ: Dawn huma mogħtija biss
lill-174 parteċipant fil-fondazzjoni li qed jagħmlu
l-miżuri ta’ taħriġ, biex ikopru l-ispejjeż
tal-ivjaġġar u l-ispejjeż tal-materjal tat-tagħlim. 23.
In-nefqa għall-implimentazzjoni tal-FEG, li
hija inkluża fl-applikazzjoni, skont l-Artikolu 3 tar-Regolament (KE)
Nru 1927/2006, tkopri attivitajiet ta’ tħejjija, tagħrif u
reklamar kif ukoll attivitajiet ta’ kontroll u l-ġestjoni tal-fondazzjoni
tal-azzar Voest-Alpine. L-imsieħba kollha involuti fil-miżuri huma impenjati
li jikkomunikaw l-appoġġ tal-FEG. L-ispiża tal-ġestjoni
tal-fondazzjoni se tiġi kkalkulata fuq bażi pro-rata għal dawk
attwalment taħt superviżjoni u mhux ser taqbeż id-EUR 954
għal kull persuna. 24.
Is-servizzi personalizzati ppreżentati
mill-awtoritajiet Awstijaċi huma miżuri attivi għas-suq
tax-xogħol fi ħdan l-azzjonijiet eliġibbli definiti
fl-Artikolu 3 tar-Regolament (KE) Nru 1927/2006. L-awtoritajiet
Awstrijaċi jistmaw li l-ispiża totali ta’ dawn is-servizzi hija ta’
EUR 12 266 158 u li n-nefqa għall-implimentazzjoni tal-FEG
hija ta' EUR 479 855 (3,80 % tal-ammont totali).
Il-kontribuzzjoni totali mitluba mill-FEG hija ta’ EUR 8 284 908
(65 % tal-ispejjeż totali). Azzjonijiet || Għadd stmat ta’ ħaddiema identifikati || Nefqa stmata għal kull ħaddiem identifikat (EUR) || Nefqa totali (l-FEG u l-kofinanzjament nazzjonali) (EUR) Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) Konsultazzjoni preliminari (“Erstberatung”) || 356 || 49 || 17 444 Orjentazzjoni tax-xogħol (“Berufsorientierung”) || 356 || 1 022 || 363 832 Taħriġ individwali, inkluż taħriġ intern u taħriġ ta’ ħiliet fl-intraprendenza (“Individuelle Qualifizierung”) || 174 || 3 052 || 531 048 Konsultazzjoni kontinwa u tiftix attiv għax-xogħol (“laufende Beratung und aktive Jobsuche”) || 356 || 1 056 || 375 936 Taħriġ u benefiċċju għat-tiftix tax-xogħol (“Zuschussleistung/Stipendium bei aktiver Beratung, Jobsuche oder Ausbildung”) || 356 || 9 307 || 3 313 292 Benefiċċju ta’ sosteniment waqt it-taħriġ u tiftix għal impjieg – 6,1 xhur (“Schulungsarbeitslosengeld”) || 60 || 6 308 || 378 480 Benefiċċju ta’ sosteniment waqt it-taħriġ u t-tiftix tal impjieg – 15-il xahar (“Schulungsarbeitslosengeld”) || 138 || 15 456 || 2 132 928 Benefiċċju ta’ sosteniment waqt it-taħriġ u t-tiftix tal impjieg – 30 xahar (“Schulungsarbeitslosengeld”) || 51 || 30 886 || 1 575 186 Benefiċċju ta’ sosteniment waqt it-taħriġ u tiftix għal impjieg – 33,2 xahar (“Schulungsarbeitslosengeld”) || 104 || 34 240 || 3 560 960 Spejjeż anċillari waqt it-taħriġ (“Ausbildungsnebenkosten”) || 174 || 98 || 17 052 Subtotal tas-servizzi personalizzati || || 12 266 158 Nefqa għall-implimentazzjoni tal-FEG (it-tielet paragrafu tal-Artikolu 3 tar-Regolament (KE) Nru 1927/2006) Attivitajiet ta' tħejjija || || 57 500 Ġestjoni tal-fondazzjoni tal-azzar Voest-Alpine (fondazzjoni għal sejbien ta' impjieg ġdid) || || 339 355 Informazzjoni u pubbliċità || || 18 000 Attivitajiet ta’ kontroll || || 65 000 Subtotal tan-nefqa għall-implimentazzjoni tal-FEG || || 479 855 Total tal-ispiża stmata || || 12 746 013 Kontribut tal-FEG (65 % tal-ispiża totali) || || 8 284 908 25.
L-Awstrija kkonfermat li l-miżuri deskritti
hawn fuq huma komplimentarji mal-azzjonijiet iffinanzjati mill-Fondi
Strutturali u li ma hemmx iffinanzjament doppju. Il-Programm Operazzjonali
Awstrijak tal-FSE jiffoka skont it-tieni oġġettiv fuq il-persuni
qiegħda għal tul ta’ żmien, waqt li l-għan tal-FEG huwa li
jgħin lill-ħaddiema immedjatament wara li jkunu ħadu s-sensja.
Għalhekk, iż-żewġ fondi mhumiex l-istess. Id-data/dati meta bdew jew meta huwa
maħsub li jibdew is-servizzi personalizzati lill-ħaddiema affettwati 26.
L-Awstrija bdiet is-servizzi personalizzati
għall-ħaddiema affettwati inklużi fil-pakkett koordinat propost
għall-kofinanzjament lill-FEG fl-1 ta’ April 2009, li hija
d-data meta l-ewwel ħaddiema daħlu fil-fondazzjoni tax-xogħol. Din
id-data, għalhekk, tirrappreżenta l-bidu tal-perjodu ta'
eliġibilità għal kwalunkwe għajnuna li tista' tingħata
mill-FEG. Proċeduri għall-konsultazzjoni
mal-imsieħba soċjali 27.
L-awtoritajiet Awstrijaċi spjegaw li d-djalogu
mal-imsieħba soċjali dwar kif jistgħu jittaffew l-effetti
tat-telf tal-impjiegi għall-ħaddiema inkwistjoni nbeda meta
l-kumpaniji nnotifikaw lill-awtoritajiet Awstrijaċi bis-sensji ppjanati,
bi qbil mas-sistema ta’ twissija bikrija Awstrijaka “Frühwarnsystem”
(§ 45a tal-Arbeitsmarkt-förderungsgesetz/AMFG). 28.
Dwar ir-rwol tal-fondazzjoni tal-azzar
Voest-Alpine, il-ftehim tal-imsieħba soċjali fil-prinċipju sar
lejn l-aħħar tat-tmeninijiet (1980), meta kienet stabbilita
l-fondazzjoni tax-xogħol. L-imsieħba soċjali li ġejjin
qablu ma’ din l-applikazzjoni speċifika tal-FEG, sa Awwissu 2009:
l-Assoċjazzjoni tal-Inġinerija u x-Xogħol fil-Metall tal-Kamra
Ekonomika tal-Awstrija (Fachverband der maschinen-und metallverarbeitenden
Industrie der Wirtschaftskammer Österreich), l-Assoċjazzjoni
tal-Industrija tal-Minjieri u tal-Produzzjoni tal-Ħadid tal-Kamra
Ekonomika tal-Awstrija (Fachverband der Bergwerke und eisenerzeugenden
Industrie der Wirtschaftskammer Österreich), it-trejdjunjin tal-ikel, metall u
tessuti (Gewerkschaft Metall-Textil-Nahrung) u t-trejdjunjin tal-impjegati
fis-settur privat, l-istampar, il-ġurnaliżmu, u l-karta (Gewerkschaft
der Privatangestellten, Druck, Journalismus, Papier), li it-tnejn jaqgħu
taħt il-Federazzjoni Awstrijaka tat-Trejdjunjins (Österreichische
Gewerkschaftsbund /ÖGB). 29.
L-Awstrija spjegat ukoll li l-kooperazzjoni tal-ftehim
soċjali Awstrijak huwa arranġament volontarju li fil-parti l-kbira
huwa ta’ natura informali u mhux regolat bil-liġi[11].
Huwa biss meta l-kumpaniji jiddeċiedu li jipparteċipaw f’miżuri
speċifiċi tal-politika dwar ix-xogħol li jkunu
soġġetti għar-regoli applikabbli tas-servizzi tal-impjiegi
pubbliċi (AMS). Is-sensji kkonċernati permezz ta’ din l-applikazzjoni
huma bbażati fuq il-ftehimiet tal-kunsill ta’ min iħaddem jew
tax-xogħol (“Betriebsvereinbarungen”), minflok fuq il-ftehimiet kollettivi
negozzjati għas-settur tal-metall kollu. Informazzjoni dwar azzjonijiet li huma
obbligatorji skont il-liġi nazzjonali jew il-ftehimiet kollettivi 30.
Fir-rigward tal-kriterji li jinsabu
fl-Artikolu 6 tar-Regolament (KE) Nru 1927/2006, l-awtoritajiet
Awstrijaċi fl-applikazzjoni tagħhom u fit-tagħrif supplimentari: · ikkonfermaw li l-kontribuzzjoni finanzjarja mill-FEG ma tiħux post
il-miżuri li huma r-responsabbiltà tal-kumpaniji skont il-liġi
nazzjonali jew il-ftehimiet kollettivi; · taw prova li l-azzjonijiet jipprovdu sostenn lill-ħaddiema
individwali u ma għandhomx jintużaw għar-ristrutturar ta'
kumpaniji jew setturi; · ikkonfermaw li l-azzjonijiet eliġibbli ma jirċevux assistenza
minn strumenti finanzjarji oħra tal-UE. Sistemi ta’ ġestjoni u ta’ kontroll
31.
L-Awstrija nnotifikat lill-Kummissjoni li
l-fondazzjoni tal-azzar Voest-Alpine se tipprovdi il-35 % kofinanzjament
nazzjonali. Il-fondazzjoni tax-xogħol innifisha hija ffinanzjata minn
kontribuzzjonijiet ta’ solidarjetà mħallsa minn min iħaddem u mill-impjegati
ta’ intrapriżi membri kurrenti. Dawn il-kontribuzzjonijiet ivarjaw u
jiġu riveduti regolarment mill-imsieħba soċjali. 32.
L-Awstrija kkonfermat li l-kontribuzzjoni
finanzjarja ser tiġi amministrata mill-istess korp li jamministra l-FSE:
l-unità VI/INT/9 fi ħdan il-Ministeru Federali tax-Xogħol,
l-Affarijiet Soċjali u l-Ħarsien tal-Konsumatur (BMASK
Bundesministerium für Arbeit, Soziales und Konsumentenschutz) se sservi ta’
awtorità ta’ amministrazzjoni u bħala servizz ta’ ħlas. L-awtorità
tal-kontroll finanzjarju għall-FEG hija differenti minn dik tal-FSE:
l-unità VI/S/5a fi ħdan il-BMASK se tiżgura din il-funzjoni
għall-FEG. Il-pakkett ikkoordinat ta’ miżuri personalizzati huwa
implimentat mill-fondazzjoni tal-azzar Voest-Alpine, issorveljat mis-servizz
pubbliku tal-impjiegi (AMS). Barra minn hekk, il-BMASK huwa appoġġat
mill-fornitur tal-assistenza teknika li se jieħu ħsieb ukoll
il-kontroll tal-ewwel livell. L-arranġamenti u l-obbligazzjonijiet ewlenin
kollha huma mniżżla fil-ftehimiet miktubin. Il-finanzjament 33.
Abbażi tal-applikazzjoni mill-Awstrija,
il-kontribuzzjoni proposta mill-FEG għall-pakkett ikkoordinat tas-servizzi
personalizzati hija ta' EUR 8 284 908, li tirrappreżenta
65 % tal-ispiża totali. L-allokazzjoni proposta mill-Kummissjoni minn
dan il-Fond hija bbażata fuq it-tagħrif li ngħata mill-Awstrija. 34.
B'kunsiderazzjoni tal-ammont massimu possibbli ta'
kontribuzzjoni finanzjarja mill-FEG skont l-Artikolu 10(1) tar-Regolament
(KE) Nru 1927/2006, kif ukoll tal-ambitu tal-allokazzjoni mill-ġdid
ta' approprjazzjonijiet, il-Kummissjoni tipproponi li timmobilizza l-FEG
għall-ammont totali msemmi hawn fuq, li għandu jiġi allokat
skont l-intestatura 1a tal-qafas finanzjarju. 35.
L-ammont propost ta' kontribuzzjoni finanzjarja se
jħalli aktar minn 25 % tal-ammont massimu annwali ddestinat
għall-FEG disponibbli għall-allokazzjonijiet matul l-aħħar
erba' xhur tas-sena, kif jitlob l-Artikolu 12(6) tar-Regolament (KE)
Nru 1927/2006. 36.
Bil-preżentazzjoni ta' din il-proposta sabiex
timmobilizza l-FEG, il-Kummissjoni qiegħda tniedi l-proċedura
ssimplifikata ta' trijalogu, kif mitlub mill-Punt 28 tal-Ftehim
Interistituzzjonali tas-17 ta' Mejju 2006, sabiex tikseb il-qbil
taż-żewġ fergħat tal-awtorità baġitarja dwar
il-ħtieġa li jintuża l-FEG u l-ammont meħtieġ.
Il-Kummissjoni tistieden lill-ewwel waħda miż-żewġ
fergħat tal-awtorità baġitarja li tilħaq ftehim dwar l-abbozz
tal-proposta għall-mobilizzazzjoni biex, f'livell politiku xieraq,
tgħarraf lill-fergħa l-oħra u lill-Kummissjoni bl-intenzjonijiet
tagħha. F'każ ta' nuqqas ta' qbil minn xi waħda
miż-żewġ partijiet tal-awtorità baġitarja, se
tissejjeħ laqgħa formali ta' trijalogu. 37.
B’mod separat, il-Kummissjoni tippreżenta
talba ta' trasferiment sabiex fil-baġit għall-2011 iddaħħal
approprjazzjonijiet għall-impenji speċifiċi, kif mitlub mill-Punt 28
tal-Ftehim Interistituzzjonali tas-17 ta' Mejju 2006. Sors tal-approprjazzjonijiet
għall-ħlas 38.
L-ammont ta’ EUR 16 808 313 jibqa’
disponibbli fuq il-linja baġitarja 04.0501 tal-FEG wara l-adozzjoni
ta’ żewġ deċiżjonijiet miż-żewġ fergħat
tal-Awtorità Baġitarja li flimkien jammontaw għal EUR 777 390,
u b’kunsiderazzjoni għat-tliet każijiet li qed jiġu diskussi
mill-Awtorità Baġitarja għall-ammont totali ta’ EUR 30 023 247.
Dan l-ammont disponibbli se jintuża biex ikopri l-ammont ta'
EUR 8 284 908 meħtieġ għall-applikazzjoni
preżenti. Proposta għal DEĊIŻJONI TAL-PARLAMENT EWROPEW
U TAL-KUNSILL dwar il-mobilizzazzjoni tal-Fond Ewropew ta'
Aġġustament għall-Globalizzazzjoni bi qbil mal-punt 28
tal-Ftehim Interistituzzjonali tas-17 ta' Mejju 2006 bejn
il-Parlament Ewropew, il-Kunsill u l-Kummissjoni dwar id-dixxiplina
baġitarja u l-amministrazzjoni finanzjarja tajba (applikazzjoni
EGF/2010/007 AT/Steiermark u Niederösterreich mill-Awstrija) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, Wara li kkunsidraw il-Ftehim
Interistituzzjonali tas-17 ta' Mejju 2006 bejn il-Parlament
Ewropew, il-Kunsill u l-Kummissjoni dwar id-dixxiplina baġitarja u
l-ġestjoni finanzjarja soda[12], u
b'mod partikulari l-punt 28 tiegħu, Wara li kkunsidraw ir-Regolament (KE)
Nru 1927/2006 tal-Parlament Ewropew u tal-Kunsill
tal-20 ta' Diċembru 2006 li jistabbilixxi l-Fond Ewropew
ta' Aġġustament għall-Globalizzazzjoni[13], u b'mod partikulari l-Artikolu 12(3)
tiegħu, Wara li kkunsidraw il-proposta tal-Kummissjoni[14], Billi: (1) Il-Fond Ewropew ta’
Aġġustament għall-Globalizzazzjoni (FEG) twaqqaf biex jipprovdi
sostenn addizzjonali għall-ħaddiema li ngħataw is-sensja
b’riżultat ta’ bidliet strutturali maġġuri fix-xejriet
kummerċjali dinjija minħabba l-globalizzazzjoni u biex jgħinhom
fir-reintegrazzjoni tagħhom fis-suq tax-xogħol. (2) L-ambitu tal-FEG twessa’
għall-applikazzjonijiet imressqa mill-1 ta’ Mejju 2009 ’l
quddiem biex jinkludi s-sostenn għall-ħaddiema li ngħataw
is-sensja bħala riżultat dirett tal-kriżi finanzjarja u
ekonomika globali. (3) Il-Ftehim Interistituzzjonali
tas-17 ta’ Mejju 2006 jippermetti l-mobilizzazzjoni tal-FEG
sal-limitu massimu annwali ta’ EUR 500 miljun. (4) L-Awstrija ressqet
applikazzjoni biex timmobilizza l-FEG, fir-rigward tas-sensji
f’54 intrapriża li joperaw fid-Diviżjoni 24
tar-Reviżjoni 2 tan-NACE (“Manifattura ta' metalli bażiċi”)
fir-reġjun kontigwu NUTS II, Steiermark (Styria, AT22) u
Niederösterreich (l-Awstrija ta’ Isfel, AT12) fl-Awstrija
fid-9 ta' Marzu 2010 u ssupplimentatu b'tagħrif
addizzjonali sas-27 ta' Jannar 2011. Din l-applikazzjoni
tikkonforma mar-rekwiżiti sabiex jiġu ddeterminati
l-kontribuzzjonijiet finanzjarji kif stabbilit fl-Artikolu 10
tar-Regolament (KE) Nru 1927/2006. Il-Kummissjoni għalhekk ressqet
proposta biex timmobilizza l-ammont ta' EUR 8 284 908. (5) Il-FEG għandu,
għalhekk, jiġi mmobilizzat sabiex jipprovdi kontribuzzjoni
finanzjarja għall-applikazzjoni mressqa mill-Awstrija. ADOTTAT DIN ID-DEĊIŻJONI: Artikolu 1 Għall-baġit ġenerali tal-Unjoni
Ewropea għas-sena finanzjarja 2011, il-Fond Ewropew ta'
Aġġustament għall-Globalizzazzjoni (FEG) għandu jiġi
mmobilizzat biex jipprovdi s-somma ta' EUR 8 284 908
f'approprjazzjonijiet ta' impenn u ta' ħlas. Artikolu 2 Din id-Deċiżjoni għandha tkun
ippubblikata f’Il-Ġurnal Uffiċjali tal-Unjoni Ewropea. Magħmul fi [Brussell/Strasburgu], Għall-Parlament Ewropew Għall-Kunsill Il-President Il-President [1] ĠU C 139, 14.6.2006, p. 1. [2] ĠU L 406, 30.12.2006, p. 1. [3] Ir-Regolament (KE) Nru 1893/2006 tal-Parlament
Ewropew u tal-Kunsill tal-20 ta' Diċembru 2006 li
jistabbilixxi l-klassifikazzjoni tal-istatistika ta’ attivitajiet
ekonomiċi tan-NACE Reviżjoni 2 u li jemenda r-Regolament tal-Kunsill
(KEE) Nru 3037/90 kif ukoll ċerti regolamenti tal-KE dwar setturi
speċifiċi tal-istatistika (ĠU L 393, 30.12.2006,
p. 1). [4] Skont it-tielet paragrafu tal-Artikolu 3
tar-Regolament (KE) Nru 1927/2006. [5] Impatt tal-kriżi ekonomika fuq is-setturi ewlenin
tal-UE – il-każ tal-industriji tal-manifattura u tal-kostruzzjoni: http://ec.europa.eu/enterprise/newsroom/cf/_getdocument.cfm?doc_id=4040
(4/2009) u http://ec.europa.eu/enterprise/newsroom/cf/_getdocument.cfm?doc_id=5509
(10/2009). [6] Il-fondazzjonijiet
tax-xogħol Awstrijaċi huma strument tal-politika tal-kummerċ
attiv fl-Awstrija biex itejjeb il-pożizzjoni tas-suq kummerċjali ta’
dawk li qed ifittxu x-xogħol. Huma bbażati fuq
Arbeitslosenversicherungsgesetz (§ 18) u fuq id-direttiva ta’ implimentazzjoni
maħruġin mis-servizz tas-suq tax-xogħol (AMS) L-aħħar
direttiva tal-AMS: http://www.ams.at/_docs/001_ast_RILI.pdf. [7] http://www.voestalpine.com/group/static/sites/default/downloads/en/share/share/Annual_Report_2009-10.pdf [8] Skont § 18 ta’ Arbeitslosenversicherungsgesetz
(ALVG), il-parteċipazzjoni ta’ ħaddiem fil-fondazzjoni hija limitata
għal 156 ġimgħa (tliet snin) bil-possibilità li tkun
estiża għal 209 ġimgħat (erba’ snin) f’każijiet
partikolari (persuni ta’ età aktar minn 50 sena jew persuni fi programmi
ta’ kwalifikazzjoni itwal). [9] Ibbażat fuq § 18 ta’
Arbeitslosenversicherungsgesetz (ALVG). [10] Ibbażat fuq § 18 ta’
Arbeitslosenversicherungsgesetz (ALVG). [11] Is-sit tal-internet tal-ÖGB http://www.sozialpartner.at/sozialpartner/Sozialpartnerschaft_mission_en.pdf [12] ĠU C 139, 14.6.2006, p. 1. [13] ĠU L 406, 30.12.2006, p. 1. [14] ĠU C […], […], p. […].