EUR-Lex Access to European Union law
This document is an excerpt from the EUR-Lex website
Document 52011PC0339
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2010/008 AT/AT&S from Austria)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni bi qbil mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (applikazzjoni EGF/2010/008 AT/AT&S mill-Awstrija)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni bi qbil mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (applikazzjoni EGF/2010/008 AT/AT&S mill-Awstrija)
/* KUMM/2011/0339 finali */
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni bi qbil mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (applikazzjoni EGF/2010/008 AT/AT&S mill-Awstrija) /* KUMM/2011/0339 finali */
MEMORANDUM TA’ SPJEGAZZJONI Il-punt 28 tal-Ftehim Interistituzzjonali
tas-17 ta' Mejju 2006 bejn il-Parlament Ewropew, il-Kunsill u
l-Kummissjoni dwar id-dixxiplina baġitarja u l-ġestjoni finanzjarja
soda[1] jippermetti l-mobilizzazzjoni tal-Fond
Ewropew ta' Aġġustament għall-Globalizzazzjoni (FEG) permezz ta'
mekkaniżmu ta' flessibilità, sal-limitu massimu annwali ta'
EUR 500 miljun, u dan apparti mill-intestaturi rilevanti tal-qafas
finanzjarju. Ir-regoli applikabbli
għall-kontribuzzjonijiet mill-FEG huma stipulati fir-Regolament (KE)
Nru 1927/2006 tal-Parlament Ewropew u tal-Kunsill
tal-20 ta' Diċembru 2006 li jistabbilixxi l-Fond Ewropew
ta’ Aġġustament għall-Globalizzazzjoni[2]. Fil-11 ta’ Marzu 2010,
l-Awstrija ressqet l-applikazzjoni EGF/2010/008 AT/AT&S għal
kontribuzzjoni finanzjarja mill-FEG, wara sensji mill-AT&S fl-Awstrija. Wara analiżi bir-reqqa ta' din
l-applikazzjoni, il-Kummissjoni kkonkludiet skont l-Artikolu 10
tar-Regolament (KE) Nru 1927/2006, li l-kundizzjonijiet għal
kontribut finanzjarju skont dan ir-Regolament huma ssodisfati. TAQSIRA TAL-APPLIKAZZJONI U L-ANALIŻI Dejta prinċipali: || Nru ta' Referenza tal-FEG || EGF/2010/008 Stat Membru || L-Awstrija Artikolu 2 || (c) - ċirkostanzi mhux normali Intrapriża primarja || AT&S (Austria Technologie & Systemtechnik Aktiengesellschaft) Fornituri u produtturi downstream || 0 Perjodu ta’ referenza || 1.9.2009 – 31.12.2009 Data ta' bidu għas-servizzi personalizzati || 15.9.2009 Data tal-applikazzjoni || 11.3.2010 Sensji matul il-perjodu ta’ referenza || 167 Sensji qabel u wara l-perjodu ta' referenza || 0 Sensji totali eliġibbli || 167 Ħaddiema li ngħataw is-sensja li huma identifikati għall-għajnuna || 74 Nefqa għas-servizzi personalizzati (EUR) || 1 806 658 Nefqa għall-implimentazzjoni tal-FEG[3] (EUR) || 72 000 Nefqa għall-implimentazzjoni tal-FEG (%) || 3,8 Baġit totali (EUR) || 1 878 658 Il-kontribuzzjoni tal-FEG (65 %) (EUR) || 1 221 128 1.
L-applikazzjoni tressqet quddiem il-Kummissjoni
fil-11 ta’ Marzu 2010 u kienet supplimentata b'tagħrif
addizzjonali sat-22 ta’ Frar 2011. 2.
L-applikazzjoni tissodisfa l-kundizzjonijiet ta'
intervent mill-FEG kif stipulat fl-Artikolu 2(c) tar-Regolament (KE)
Nru 1927/2006, u tressqet fil-limitu ta' skadenza ta'
10 ġimgħat imsemmi fl-Artikolu 5 ta' dak ir-Regolament. Ir-rabta bejn is-sensji u l-bidliet
strutturali maġġuri fix-xejriet tal-kummerċ dinji minħabba
l-globalizzazzjoni jew il-kriżi finanzjarja u ekonomika globali 3.
Biex tkun stabbilita r-rabta bejn is-sensji u
l-bidliet strutturali ewlenin fix-xejriet tal-kummerċ dinji minħabba
l-globalizzazzjoni, l-Awstrija targumenta li l-produzzjoni ta’ bords ta’
ċirkwit stampati (PCBs)[4]
fl-Ewropa għal xi żmien segwiet l-istess xejra tas-settur Ewropew
tat-telefonija ċellulari, jiġifieri li l-produzzjoni bil-massa qed
tiġi trasferita għal ekonomiji b’salarji baxxi, prinċipalment
fl-Asja u aktar speċifikament iċ-Ċina. L-Asja tipproduċi
l-parti l-kbira tat-telefons ċellulari u tagħmir, u kważi tliet
kwarti tal-volum dinji ta’ PCB huwa prodott hemmhekk (il-fattur ta’ prossimità).
L-Awstrija tisħaq ukoll li permezz tal-approvazzjoni ta’ diversi
applikazzjonijiet tal-FEG fis-settur tat-telefonija ċellulari, fil-passat,
il-Kummissjoni diġà għarfet li tali trasferiment
tal-kapaċitajiet ta’ produzzjoni jirrappreżenta ċaqliq
strutturali fix-xejriet tal-kummerċ dinji. 4.
Kwotazzjoni tal-analiżi tas-suq tal-Industrija
tal-Bords ta’ Ċirkwit Stampati (Verband der Leiterplattenindustrie VdL)
tal-Assoċjazzjoni bbażata fil-Ġermanja f'Mejju 2009,
turi li l-Awstrija tindika li l-volum ta’ produzzjoni ta’ PCB Ewropew fl-2008
naqas b’10,8 % meta mqabbel mas-sena ta’ qabel, waqt li n-nuqqas kien
anqas enfasizzat fix-Xlokk tal-Asja inkluż fiċ-Ċina
(- 5,4 %) u mad-dinja kollha (- 4,8 %). F’termini ta’
manifatturi ta’ PCB Ewropej, in-numru naqas minn 333 fl-2007 għal 307
fl-2008. 5.
AT&S hija waħda mill-manifatturi ewlenin
tal-PCB u fost l-akbar produtturi fl-Ewropa, b’diversi siti ta’ produzzjoni
fl-Awstrija (Leoben/Styria, Fehring/Styria, Klagenfurt/Carinthia), u
fiċ-Ċina (l-impjant ta’ Shangai mill-2002 'l hawn), fl-Indja
(l-impjant ta’ Nanjangud mill-1999 'l hawn) u fil-Korea (l-impjant ta’ Ansan
mill-2006 'l hawn). Wara t-tnaqqis fid-domanda tal-bords ta’
ċirkwit (- 40 % fis-sena kummerċjali 2008/2009 meta
mqabbla mas-sena ta’ qabel), f’Novembru 2008 AT&S iddeċidiet li
titrasferixxi l-produzzjoni bil-massa ta’ PCB sħiħa minn Leoben
għal Shangai li rriżultat fi tnaqqis kbir fin-numru tal-impjegati
fis-sit ta’ Styria u katina ta’ sensji fuq aktar minn sena. Fl-Awstrija baqa’
biss produzzjoni bil-lott ta’ qies żgħir jew medju għas-suq
Ewropew, li primarjament tissupplixxi s-setturi tal-karozzi u tal-industrija. Dimostrazzjoni tal-għadd ta' sensji
u konformità mal-kriterji tal-Artikolu 2(c) 6.
L-Awstrija ressqet l-applikazzjoni skont
il-kriterju tal-intervent tal-Artikolu 2(c) tar-Regolament (KE)
Nru 1927/2006. Din id-dispożizzjoni tippermetti lill-applikanti
jidderogaw mir-rekwiżiti tal-Artikoli 2(a) u 2(b) fi swieq
tax-xogħol żgħar jew f'każijiet eċċezzjonali fejn
is-sensji għandhom impatt serju fuq l-impjiegi u l-ekonomija lokali. F'dan
il-każ l-applikant irid jispeċifika liema wieħed
mir-rekwiżiti ewlenin ta' eliġibilità l-applikazzjoni tiegħu ma
tissodisfax, u għalhekk minn liema waħda qed jitlob deroga. L-awtoritajiet Awstrijaċi speċifikaw li
l-applikazzjoni tagħhom tfittex deroga mill-Artikolu 2(a), fejn
il-limitu normali huwa ta’ mill-inqas 500 sensja fuq perjodu ta’ erba'
xhur. 7.
L-applikazzjoni tikkwota total ta’ 167 sensja
mis-sit tal-AT&S Leoben fuq perjodu ta’ referenza ta’ erba’ xhur
mill-1 ta’ Settembru 2009
sal-31 ta’ Diċembru 2009, kollha kkalkulati skont it-tieni
inċiż tat-tieni paragrafu tal-Artikolu 2 tar-Regolament (KE)
Nru 1927/2006. Il-katina itwal ta’ sensji mis-sit ta’ Leoben
fl-applikazzjoni hija deskritta kif ġej: 298 ħaddiem
ingħataw is-sensja f’nofs Diċembru 2008, 167 ħaddiem
fil-perjodu ta’ referenza ta’ erba’ xhur minn Settembru sa
Diċembru 2009, 138 ħaddiem temporanju, qabel ma skadew
il-kuntratti tagħhom, bejn Novembru 2008 u Awwissu 2009.
Flimkien dawn jagħmlu 603 sensji fuq 13-il xahar u nofs. Lura
fl-2006, 200 impjieg ieħor intilfu wara l-għeluq tas-sit ta’
Fohndorf ta’ AT&S, li tinsab madwar 50 km ’l bogħod minn Leoben.
AT&S avżat lill-awtoritajiet Awstrijaċi f’mumenti differenti
bil-pjanijiet rispettivi tagħhom ta’ sensji kollettivi, skont in-notifika
speċifika tal-limitu ta’ żmien stipulat mis-sistema Awstrijaka ta'
twissija kmieni il-“Frühwarnsystem” (§ 45a ta’ Arbeitsmarktförderungsgesetz/AMFG). Minħabba r-regoli ta’
notifika applikabbli skont il-liġi Awstrijaka, applikazzjoni tal-FEG li
tkopri l-ħaddiema kollha flimkien ma kinitx possibbli. 8.
Skont l-awtoritajiet Awstrijaċi, Leoben tinsab
f’sitwazzjoni diffiċli ħafna. Ir-rata ta’ qagħad f’dan
id-distrett żdiedet b’+ 51,6 % f’Awwissu 2009 meta mqabbla
mas-sena ta’ qabel, u ftit impjiegi huma disponibbli (1 746 persuna
kienu rreġistrati bħala qiegħda kontra l-180 post vakanti
biss). L-Awstrija tisħaq li s-sensji f’AT&S għandhom impatt
sinifkanti fuq id-distrett ta’ Leoben u r-reġjun NUTS III tal-madwar,
Östliche Obersteiermark (il-grigal ta’ Styria ta' fuq) peress li s-suq ma
joffrix biżżejjed għażliet għall-impjiegi
għall-ħaddiema, li ħafna minnhom huma persuni b’inqas snajja’
mħarrġa mill-kumpanija. Ir-reġjun NUTS III qed
jiffaċċja wkoll l-isfidi ta’ tnaqqis fil-popolazzjoni aktar
mill-medja u ta’ tixjiħ tal-popolazzjoni ’l fuq mill-medja. Barra minn
hekk, l-applikant jirreferi għall-fatt li l-qagħad fit-tul fi Styria
(livell NUTS II) huwa ġeneralment ogħla mill-medja nazzjonali, u
li l-prodott reġjonali gross fi Styria jibqa’ taħt il-medja
nazzjonali. 9.
Styria kienet ukoll affettwata minn sensji
oħra bil-massa li għalihom tressqu applikazzjonijiet tal-FEG quddiem
il-Kummissjoni. 744 sensja f’perjodu ta’ disa’ xhur relatati mas-settur
tal-karozzi (EGF/2009/009, approvati mill-Awtorità tal-Baġit fl-2009,
ĠU L 347, 24.12.2009) u 476 sensja f’perjodu ta’ disa’ xhur
relatati mas-settur tal-metall bażiku (l-applikazzjoni EGF/2010/007 li
għaliha qed tiġi ppreparata proposta mill-Kummissjoni separata). 10.
Is-servizzi tal-Kummissjoni jikkunsidraw li
l-167 sensja inkwistjoni flimkien mas-sensji bl-istess kawża qabel
il-perjodu ta’ referenza ta’ erba’ xhur għandhom impatt serju fuq
l-impjiegi u fuq l-ekonomija f’livell lokali u ta’ NUTS III , u li,
flimkien mal-partikolarità fil-kwantu tar-regoli tan-notifika tas-sensji bil-massa
fl-Awstrija, il-kriterju taċ-ċirkostanzi eċċezzjonali
tal-Artikolu 2(c) tar-Regolament (KE) Nru 1927/2006 huwa ssodisfat. Spjegazzjoni tan-natura mhix prevista
ta' dawk is-sensji 11.
Fl-applikazzjoni l-Awstrija tisħaq li sensji
ta’ dan it-tip ma kinux previsti minkejja l-fatt li ċ-ċaqliq
tal-produzzjoni bil-massa ta’ PCB lejn l-Asja kienet xejra osservata għal
xi snin. AT&S kellha l-intenzjoni li żżomm partijiet
speċifiċi li jirrikkjedu teknoloġija għolja fl-Awstrija,
imma dan fl-aħħar mill-aħħar ma seħħx
minħabba l-aggravazzjoni tas-sitwazzjoni finanzjarja u ekonomika fl-2008 u
l-2009 inkluż il-pressjoni fuq il-prezzijiet tax-xiri, id-dollaru Amerikan
dgħajjef meta mqabbel mal-Euro u ż-żieda fis-salarji fl-impjanti
Ewropej. Identifikazzjoni tal-intrapriżi li
taw is-sensji u l-ħaddiema identifikati għall-għajnuna 12.
L-applikazzjoni tikkwota 167 sensja
mill-intrapriża AT&S (Austria Technologie & Systemtechnik
Aktiengesellschaft) li seħħew matul l-erba’ xhur perjodu ta’
referenza. Erbgħa u sebgħin minn dawn il-ħaddiema (44,3 %)
huma identifikati għall-għajnuna fi ħdan
l-“AT&S-Unternehmensstiftung”, li hija fondazzjoni tax-xogħol tat-tip
intrapriża kif deskritta fid-direttiva federali AMF/18-2010[5]. Fost il-ħaddiema li baqgħu ma
daħlux fil-fondazzjoni, ftit sabu impjieg ġdid waqt li oħrajn ma
kinux interessati li jingħaqdu mal-fondazzjoni. 13.
It-tqassim tal-ħaddiema identifikati huwa kif
ġej: Kategorija || Għadd || Perċentwali Irġiel || 43 || 58,1 Nisa || 31 || 41,9 Ċittadini tal-UE || 72 || 97,3 Ċittadini barra l-UE || 2 || 2,7 Età bejn il-15 u l-24 sena || 2 || 2,7 Età bejn il-25 u l-54 sena || 65 || 87,8 Età bejn il-55 u l-64 sena || 7 || 9,5 Età ’l fuq minn 64 sena || 0 || 0,0 14.
Fost il-ħaddiema identifikati m’hemmx
ħaddiema li għandhom problemi ta’ saħħa fit-tul jew
diżabilitajiet. 15.
F'termini ta' kategoriji professjonali, it-tqassim
huwa kif ġej: Kategorija || Għadd || Perċentwali Teknixins u professjonisti assoċjati || 22 || 29,7 Skrivani || 3 || 4,1 Operaturi u muntaturi ta' magni || 49 || 66,2 16.
Skont l-Artikolu 7 tar-Regolament (KE)
Nru 1927/2006, l-Awstrija kkonfermat li ġiet applikata u se tkompli
tiġi applikata politika ta' ugwaljanza bejn in-nisa u l-irġiel kif
ukoll ta' non-diskriminazzjoni matul l-istadji varji tal-implimentazzjoni
tal-FEG u, b'mod partikolari, għall-aċċess tal-FEG. Deskrizzjoni tat-territorju
kkonċernat u tal-awtoritajiet u l-partijiet interessati tiegħu 17.
Is-sensji kkonċernati huma fil-livell
NUTS II fil-Land ta’ Steiermark (Styria, AT22), waħda mid-disa’
provinċji federali fl-Awstrija, u fil-livell NUTS III Östliche
Obersteiermark (fil-grigal ta’ Styria, AT 223) u speċifikament
id-distrett ta’ Leoben bil-miniċipalità prinċipali tiegħu,
il-belt ta’ Leoben. Styria hija żona ddominata mill-industrija[6], u l-ekonomija tagħha tiddependi fuq
ftit intrapriżi kbar fl-industriji tal-elettronika u tal-metall,
bħall-AT&S u l-Grupp voestalpine. 18.
Il-partijiet l-aktar interessati huma
l-uffiċċju tal-gvern provinċjali ta’ Styria (Amt der Steiermärkischen Landesregierung), s-servizzi tal-impjiegi pubbliċi ta’ Styria u
tad-distrett ta’ Leoben (Landes- und Bezirksgeschäftsstellen des Arbeitsmarktservice/AMS),
il-Kamra Ekonomika ta’ Styria (Wirtschaftskammer Steiermark), it-trejdjunjin
tal-ikel, metall u tessuti (Gewerkschaft Metall-Textil-Nahrung) li taqa’ taħt il-Federazzjoni
Awstrijaka tat-Trejdjunjins (Österreichische
Gewerkschaftsbund/ÖGB) u Regionalmanagement Obersteiermark Ost GmbH,
waħda mill-aġenziji Awstrijaċi għall-ġestjoni
reġjonali li jippromovu l-iżvilupp tal-politika reġjonali
sostenibbli. L-impatt mistenni tas-sensji fir-rigward
tal-impjiegi lokali, reġjonali jew nazzjonali 19.
Sa Diċembru 2008 AT&S kienet l-akbar
impjegatur tar-reġjun. L-Awstrija tisħaq li l-167 sensja fi
żmien erba' xhur flimkien mas-sensji fix-xhur ta’ qabel il-perjodu ta’
referenza (imsemmija fil-punt 7), poġġew lis-suq tax-xogħol
lokali u reġjonali taħt pressjoni kbira. Meta tikkwota dejta minn Statistik Austria u
mis-servizz pubbliku tal-impjiegi ta’ Leoben, l-Awstrija tisħaq li
s-sensji minn AT&S għandhom impatt sinifikanti fuq id-distrett ta’
Leoben u r-reġjun ta’ NUTS III tal-madwar, peress li s-swieq ma joffrux
biżżejjed għażliet għall-impjiegi
għall-ħaddiema mogħtija s-sensja, li ħafna minnhom huma
persuni b’anqas snajja’ u li ġew imħarrġa mill-kumpanija
għal xogħol speċifiku. Ir-rata tal-qagħad f’Leoben
żdiedet b’+51,6 % f’Awwissu 2009 meta mqabbla mas-sena ta’ qabel
(1 746 persuna kienu rreġistrati bħala qiegħda kontra
l-180 post vakanti biss) li tirrappreżenta żieda aktar qawwija
fil-qagħad milli fi Styria (+ 33,7 %) u fuq livell nazzjonali
(+ 30 %). Ir-reġjun NUTS III qed jiffaċċja wkoll
l-isfidi ta’ tnaqqis fil-popolazzjoni aktar mill-medja u ta’ tixjiħ
tal-popolazzjoni ’l fuq mill-medja. Barra minn hekk, l-applikant jirreferi
għall-fatt li l-qagħad fit-tul fi Styria (livell NUTS II) huwa
ġeneralment ogħla mill-medja nazzjonali, u li l-prodott
reġjonali gross fi Styria jibqa’ taħt il-medja nazzjonali (figura
tal-2006)[7]. Pakkett ikkoordinat ta' servizzi
personalizzati li jridu jiġu ffinanzjati u analiżi tal-ispejjeż
stmati, inkluża l-komplimentarjetà tiegħu mal-azzjonijiet
iffinanzjati mill-Fondi Strutturali 20.
Qed jiġu proposti t-tipi ta’ miżuri li
ġejjin, li kollha jingħaqdu biex jiffurmaw pakkett ikkoordinat ta’
servizzi personalizzati mmirati lejn l-integrazzjoni mill-ġdid
tal-74 ħaddiem fis-suq tax-xogħol. Dawn se jingħataw
lill-ħaddiema permezz ta’ “AT&S-Unternehmensstiftung” li hija
fondazzjoni tax-xogħol tip ta’ intrapriża stabbilita
f’Jannar 2009 bħala parti mill-pjan soċjali tal-kumpanija wara
negozjati fl-aħħar tal-2008 bejn l-imsieħba soċjali.
Il-korp responsabbli mit-tqassim tal-miżuri personalizzati huwa
Team 4 Projektmanagement GmbH. 21.
Il-miżuri għall-74 ħaddiem
identifikat li huma parti mill-fondazzjoni huma kkontrollati minn kunsill
tal-fondazzjoni magħmul mis-servizz pubbliku tal-impjiegi ta’ Styria
(“AMS, Arbeitsmarktservice”), min iħaddem u rappreżentattivi ta’ min
iħaddem kif ukoll il-Land ta’ Styria. Din tal-aħħar tassigura
wkoll il-koordinazzjoni ma’ politiki oħrajn tas-suq tax-xogħol
reġjonali. It-tifsira ta’ kull miżura kkofinanzjata mill-FEG għas-suq
tax-xogħol hija eżaminata, u hija assigurata l-konformità mar-regoli
tal-fondazzjoni (“Stiftungsordnung”) u ma’ settijiet oħrajn ta’ regoli
applikabbli. L-iżvilupp tal-ħaddiema individwali huwa osservat biex
ikun żgurat li l-pjanijiet li dwarhom kien hemm ftehim fil-fażijiet
inizjali tal-programm huma segwiti. Bi qbil ma’ § 18 ta’
Arbeitslosenversicherungsgesetz (ALVG) il-ħaddiema għandhom jinvolvu
ruħhom full-time. –
Tagħrif u d-dħul fil-fondazzjoni
tax-xogħol: Tagħrif ġenerali
għall-ħaddiema kollha li tilfu l-impjieg bil-possibilità
għall-ħaddiema biex japplikaw għad-dħul fil-fondazzjoni
tax-xogħol. Dan ġie bbaġittjat għal 74 ħaddiem. –
Orjentazzjoni tax-xogħol (tliet modjuli): Dan ġie bbaġittjat għal 73 ħaddiem.
L-attività normalment tieħu sitt ġimgħat, bil-possibilità li
tkun estiża għal massimu ta’ 12-il ġimgħa f’każijiet
partikolari. Din tikkonsisti minn tliet moduli: Profil/eżami analitiku
obbligatorju, tqabbil tal-impjiegi ma’ riintegrazzjoni diretta ma’ postijiet
vakanti fejn huwa possibbli, u għall-parteċipanti l-oħrajn
l-iżvilupp ta’ pjan realistiku ta’ passaġġ
għax-xogħol. L-arranġamenti ta’ dan tal-aħħar huma
stipulati fi ftehim iffirmat mill-ħaddiem, il-fondazzjoni tax-xogħol
u l-AMS reġjonali li jifforma bażi għall-attivitajiet sussegwenti
tal-parteċipant fi ħdan il-fondazzjoni. –
Tiftix attiv għax-xogħol: Qabel kollox dan huwa mmirat għal parteċipanti li wara
l-orjentazzjoni tax-xogħol ma jixtiequx jiksbu kwalifikazzjoni ogħla.
Huwa skedat għal 18-il ħaddiem. It-tiftix attiv għax-xogħol
isir f'kooperazzjoni fil-qrib mal-AMS reġjonali, u normalment jieħu
14-il ġimgħa, imġedded għal 22 ġimgħa
f'każijiet partikolari, pereżempju parteċipanti b'età ’l fuq
minn 50 sena jew għal persuni b’kapaċità anqas ta’ xogħol.
Huwa wkoll disponibbli għal ħaddiema wara li jkunu kisbu
l-miżuri tat-taħriġ. –
Taħriġ individwali: Dan huwa ppjanat għal 73 ħaddiem u jista’ jkopri kull
taħriġ li jkun ġie approvat mis-servizz pubbliku tal-impjiegi
ta’ Styria fil-katalgu tat-taħriġ. Korsijiet li mhumiex fil-katalgu
jistgħu jiġu approvati mill-AMS fuq bażi individwali jekk huma
skont il-passaġġ miftiehem tal-ħaddiem. Eżempji
tat-taħriġ offrut huma: studji itwal li jwasslu għal kwalifiki
f’livell avvanzat (Fachhochschule, universitajiet, kulleġġi),
taħriġ klassiku li jtejjeb il-ħiliet fl-oqsma preċedenti
tal-ħaddiema (eż. taħriġ għal foreman) kif ukoll
taħriġ vokazzjonali biex jipprepara għal bidla fil-karriera
għal oqsma bħal pereżempju l-qasam tas-saħħa. Parti
mill-istudji u mit-taħriġ vokazzjonali mhix se tkun teħtieġ
li tiġi kkoofinanzjat mill-FEG għaliex tingħata b’xejn fis-sistema
edukattiva Awstrijaka. F’każijiet fejn programm ta’ taħriġ
miftiehem jieħu aktar fit-tul mill-perjodu ta’ implimentazzjoni tal-FEG,
l-iffinanzjar addizzjonali se jkun provdut mill-AT&S, flimkien mas-servizz
pubbliku tal-impjiegi u l-Land ta’ Styria[8]. –
Taħriġ u benefiċċju
għat-tiftix tax-xogħol[9]: Dan il-benefiċċju jitħallas biss
lill-74 ħaddiem matul il-parteċipazzjoni tagħhom
fil-kwalifika u fil-miżuri attivi ta’ riintegrazzjoni fil-fondazzjoni
tax-xogħol. Fl-ewwel sitt xhur kull ħaddiem li kien issensjat
jirċievi EUR 350 fix-xahar u sussegwentament EUR 70 fix-xahar.
Dan il-benefiċċju, flimkien mal-benefiċċju ta’ sosteniment,
ma jistax jaqbeż il-bażi tal-evalwazzjoni tal-benefiċċju
tal-qagħad. Il-benefiċċji tal-qagħad jiġu interrotti
waqt il-perjodu li matulu jingħataw il-benefiċċji
tat-taħriġ. –
Benefiċċju ta’ sosteniment waqt
it-taħriġ u waqt miżuri ta’ tiftix għal impjieg[10]: Dan
il-benefiċċju jitħallas lill-74 ħaddiem u jsir biss
għal tul il-parteċipazzjoni tagħhom fil-kwalifika u
fil-miżuri attivi ta’ riintegrazzjoni fil-fondazzjoni tax-xogħol. Dan
jippermetti involviment serju full-time fil-miżuri ta’ kull ħaddiem
li tilef l-impjieg. In-nefqa għal kull ħaddiem tammonta għal
EUR 950 kull xahar. Dan il-benefiċċju, flimkien
mat-taħriġ u mal-benefiċċju ta’ tiftix għall-impjieg,
ma jistax jaqbeż il-bażi tal-evalwazzjoni tal-benefiċċju
tal-qagħad. Il-benefiċċji tal-qagħad jiġu interrotti
waqt il-perjodu li jkunu qed jingħataw dawn il-benefiċċji ta’
sosteniment. 22.
In-nefqa għall-implimentazzjoni tal-FEG, li hija
inkluża fl-applikazzjoni, skont l-Artikolu 3 tar-Regolament (KE)
Nru 1927/2006, tkopri attivitajiet ta’ tħejjija, tagħrif u
reklamar kif ukoll attivitajiet ta’ kontroll u l-ġestjoni tal-fondazzjoni
tax-xogħol AT&S. L-imsieħba kollha involuti fil-miżuri huma
impennjati li jikkomunikaw l-appoġġ tal-FEG. L-ispiża
tal-ġestjoni tal-fondazzjoni se tiġi kkalkulata fuq bażi pro
rata għall-parteċipanti attwali u mhux ser taqbeż
il-EUR 271 għal kull persuna 23.
Is-servizzi personalizzati ppreżentati
mill-awtoritajiet Awstrijaċi huma miżuri attivi tas-suq
tax-xogħol fi ħdan l-azzjonijiet eliġibbli definiti
fl-Artikolu 3 tar-Regolament (KE) Nru 1927/2006. L-awtoritajiet
Awstrijaċi jistmaw li l-ispejjeż totali ta’ dawn is-servizzi huma ta’
EUR 1 806 658 u li n-nefqa għall-implimentazzjoni tal-FEG
hija ta' EUR 72 000 (3,8 % tal-ammont totali). Il-kontribuzzjoni
totali mitluba mill-FEG hija ta’ EUR 1 221 128 (65 %
tal-ispejjeż totali). Azzjonijiet || Għadd stmat ta’ ħaddiema identifikati || Nefqa stmata għal kull ħaddiem identifikat (EUR) || Nefqa totali (l-FEG u l-kofinanzjament nazzjonali) (EUR) Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) Tagħrif u d-dħul fil-fondazzjoni tax-xogħol: || 74 || 300 || 22 200 Orjentazzjoni tax-xogħol – 3 moduli (“Berufsorientierung – 3 Module”) || 73 || 1 000 || 73 000 Konsultazzjoni kontinwa u tiftix attiv għax-xogħol (“laufende Beratung und aktive Jobsuche”) || 18 || 1 000 || 18 000 Taħriġ individwali: (“Individuelle Qualifizierung”) || 73 || 3 718 || 271 414 Taħriġ u benefiċċju għat-tiftix tax-xogħol (“Zuschussleistung/Stipendium bei aktiver Beratung, Jobsuche oder Ausbildung”) || 74 || 1 327,16 || 98 210 Benefiċċju ta’ sosteniment waqt it-taħriġ u waqt miżuri ta’ tiftix għal impjieg (“Schulungsarbeitslosengeld”) || 74 || 17 889,65 || 1 323 834 Subtotal tas-servizzi personalizzati || || 1 806 658 Nefqa fuq l-implimentazzjoni tal-FEG (it-tielet paragrafu tal-Artikolu 3 tar-Regolament (KE) Nru 1927/2006) Attivitajiet ta' tħejjija || || 10 000 Ġestjoni tal-fondazzjoni tax-xogħol AT&S (fondazzjoni għas-sejbien ta’ impjieg ġdid) || || 20 000 Tagħrif u pubbliċità || || 10 000 Attivitajiet ta’ kontroll || || 32 000 Subtotal tan-nefqa totali għall-implimentazzjoni tal-FEG || || 72 000 Total tan-nefqa stmata || || 1 878 658 Kontribut tal-FEG (65 % tan-nefqa totali) || || 1 221 128 24.
L-Awstrija kkonfermat li l-miżuri deskritti
hawn fuq huma kumplimentari mal-azzjonijiet iffinanzjati mill-Fondi Strutturali
u li m’hemmx iffinanzjament doppju. Il-Programm Operattiv Awstrijak tal-FSE
skont Oġġettiv 2 jiffoka fuq il-persuni qiegħda għal
tul ta’ żmien, waqt li l-għan tal-FEG huwa biex jgħin
lill-ħaddiema immedjatament wara li jkunu ħadu s-sensja
Għalhekk, iż-żewġ fondi mhumiex l-istess. Data(i) li fiha/fihom bdew jew kienu
ppjanati li jibdew is-servizzi personalizzati għall-ħaddiema
affettwati 25.
L-Awstrija bdiet is-servizzi personalizzati
għall-ħaddiema affettwati inklużi fil-pakkett ikkoordinat
propost għall-kofinanzjament mill-FEG
fil-15 ta’ Settembru 2009, li hija d-data meta l-ewwel
ħaddiema daħlu fil-fondazzjoni tax-xogħol. Din id-data,
għalhekk, tirrappreżenta l-bidu tal-perjodu ta' eliġibilità
għal kwalunkwe għajnuna li tista' tingħata mill-FEG. Proċeduri għall-konsultazzjoni
mal-imsieħba soċjali 26.
Id-djalogu mal-imsieħba soċjali dwar kif
jistgħu jittaffew l-effetti tat-telf tal-impjiegi għall-ħaddiema
inkwistjoni nbeda meta l-AT&S nnotifikat lill-awtoritajiet Awstrijaċi
bis-sensji ppjanati, bi qbil mas-sistema ta’ twissija bikrija Awstrijaka
“Frühwarnsystem”. Il-kunċett ta’ implimentazzjoni għall-fondazzjoni
tax-xogħol AT&S kien iffirmat mill-Kamra Ekonomika ta’ Styria u
t-trejdjunjin tal-ikel, il-metall u t-tessuti (5.2.2009 u
23.7.2009). 27.
L-Awstrija spjegat ukoll li l-kooperazzjoni
tal-ftehim soċjali Awstrijak huwa arranġament voluntarju li
fil-parti l-kbira huwa ta’ natura informali u mhux regolat bil-liġi[11]. Huwa biss meta l-kumpaniji jiddeċiedu
li jipparteċipaw f’miżuri speċifiċi tax-xogħol li
jkunu soġġetti għar-regoli applikabbli tas-servizzi tal-impjiegi
pubbliċi (AMS). Is-sensji kkonċernati permezz ta’ din l-applikazzjoni
huma bbażati fuq il-ftehimiet tal-kunsill ta’ min iħaddem jew
tax-xogħol (“Betriebsvereinbarungen”), minflok fuq il-ftehimiet kollettivi
negozzjati għas-settur tal-metall kollu. Informazzjoni dwar azzjonijiet li huma
obbligatorji skont il-liġi nazzjonali jew il-ftehimiet kollettivi 28.
Fir-rigward tal-kriterji li jinsabu
fl-Artikolu 6 tar-Regolament (KE) Nru 1927/2006, l-awtoritajiet
Awstrijaċi fl-applikazzjoni tagħhom u fit-tagħrif supplimentari: · ikkonfermaw li l-kontribuzzjoni finanzjarja mill-FEG ma tiħux post
il-miżuri li huma r-responsabilità tal-kumpaniji skont il-liġi
nazzjonali jew ftehimiet kollettivi; · taw prova li l-azzjonijiet jipprovdu sostenn lill-ħaddiema
individwali u ma għandhomx jintużaw għar-ristrutturar ta'
kumpaniji jew setturi; · ikkonfermaw li l-azzjonijiet eliġibbli ma jirċevux assistenza
minn strumenti finanzjarji tal-UE oħra. Sistemi ta’ ġestjoni u ta’ kontroll
29.
L-Awstrija nnotifikat lill-Kummissjoni
l-kofinanzjament nazzjonali se jkun provdut mill-AT&S (47 %),
is-servizz pubbliku tal-impjiegi ta’ Styria (AMS) (38,5 %) u l-Land ta’
Styria (14,5%). Jekk il-kontribuzzjoni tal-FEG tingħata,
il-kontribuzzjonijiet finanzjarji magħmula mill-ħaddiema identifikati
nnifishom (EUR 2 500 kull ħaddiem) se jitqiesu bħala
ffinanzjati minn qabel u jingħataw lura mill-fondazzjoni tax-xogħol. 30.
L-Awstrija kkonfermat li l-kontribuzzjoni
finanzjarja ser tiġi amministrata mill-istess korp li jamministra l-FSE:
l-unità VI/INT/9 fi ħdan il-Ministeru Federali tax-Xogħol,
l-Affarijiet Soċjali u l-Ħarsien tal-Konsumatur (BMASK Bundesministerium
für Arbeit, Soziales und Konsumentenschutz) se sservi ta’ awtorità ta’
amministrazzjoni u bħala servizz ta’ ħlas. L-awtorità tal-kontroll
finanzjarju għall-FEG hija differenti minn dik tal-FSE: l-unità VI/S/5a fi
ħdan il-BMASK se tassumi din il-funzjoni għall-FEG. Il-pakkett
ikkoordinat ta’ miżuri personalizzati huwa implimentat
mill-“AT&S-Unternehmensstiftung”/”Team 4 Projektmanagement GmbH”,
sorveljat mis-servizz pubbliku tal-impjiegi (AMS). Barra minn hekk, il-BMASK
huwa appoġġat mill-fornitur tal-assistenza teknika li se jieħu
ħsieb ukoll il-kontroll tal-ewwel livell. L-arranġamenti u l-obbligi
ewlenin kollha huma mniżżla fil-ftehimiet miktubin. Il-finanzjament 31.
Abbażi tal-applikazzjoni mill-Awstrija,
il-kontribuzzjoni proposta mill-FEG għall-pakkett ikkoordinat tas-servizzi
personalizzati hija ta' EUR 1 221 128, li tirrappreżenta
65 % tal-ispiża totali. L-allokazzjoni proposta mill-Kummissjoni minn
dan il-Fond hija bbażata fuq it-tagħrif li ngħata mill-Awstrija. 32.
B'kunsiderazzjoni tal-ammont massimu possibbli ta'
kontribuzzjoni finanzjarja mill-FEG skont l-Artikolu 10(1) tar-Regolament
(KE) Nru 1927/2006, kif ukoll l-ambitu tal-allokazzjoni mill-ġdid ta'
approprjazzjonijiet, il-Kummissjoni tipproponi li timmobilizza l-FEG għall-ammont
totali msemmi hawn fuq, li għandu jiġi allokat skont
l-intestatura 1a tal-qafas finanzjarju. 33.
L-ammont propost ta' kontribuzzjoni finanzjarja se
jħalli aktar minn 25 % tal-ammont massimu annwali ddestinat
għall-FEG disponibbli għall-allokazzjonijiet matul l-aħħar
erba' xhur tas-sena, kif meħtieġ bl-Artikolu 12(6)
tar-Regolament (KE) Nru 1927/2006. 34.
Bil-preżentazzjoni ta' din il-proposta sabiex
timmobilizza l-FEG, il-Kummissjoni qiegħda tniedi l-proċedura
ssimplifikata ta' trijalogu, kif mitlub mill-Punt 28 tal-Ftehim Interistituzzjonali
tas-17 ta' Mejju 2006, sabiex tikseb il-qbil
taż-żewġ fergħat tal-awtorità baġitarja dwar
il-ħtieġa li jintuża l-FEG u l-ammont meħtieġ.
Il-Kummissjoni tistieden lill-ewwel waħda miż-żewġ
fergħat tal-awtorità baġitarja li tilħaq ftehim dwar l-abbozz
tal-proposta għall-mobilizzazzjoni biex, f'livell politiku xieraq,
tgħarraf lill-fergħa l-oħra u lill-Kummissjoni bl-intenzjonijiet
tagħha. F'każ ta' nuqqas ta' qbil minn xi waħda
miż-żewġ partijiet tal-awtorità baġitarja, se
tissejjeħ laqgħa formali ta' trijalogu. 35.
B’mod separat, il-Kummissjoni tippreżenta
talba ta' trasferiment sabiex fil-baġit għall-2011 iddaħħal
approprjazzjonijiet għall-impenji speċifiċi, kif mitlub
mill-Punt 28 tal-Ftehim Interistituzzjonali tas-17 ta' Mejju 2006. Sors tal-approprjazzjonijiet
għall-ħlas 36.
L-ammont ta’ EUR 8 523 405 jibqa’
disponibbli fuq il-linja baġitarja 04.0501 tal-FEG wara l-adozzjoni
ta’ żewġ deċiżjonijiet miż-żewġ fergħat
tal-Awtorità Baġitarja li flimkien jammontaw għal EUR 777 390,
u b’kunsiderazzjoni għall-erba’ każijiet li qed jiġu diskussi
mill-Awtorità Baġitarja għall-ammont totali ta’ EUR 38 308 155.
Dan l-ammont disponibbli se jintuża biex ikopri l-ammont ta' EUR 1 221 128
meħtieġ għall-applikazzjoni preżenti. Proposta għal DEĊIŻJONI TAL-PARLAMENT EWROPEW
U TAL-KUNSILL dwar il-mobilizzazzjoni tal-Fond Ewropew ta'
Aġġustament għall-Globalizzazzjoni bi qbil mal-punt 28
tal-Ftehim Interistituzzjonali tas-17 ta' Mejju 2006 bejn
il-Parlament Ewropew, il-Kunsill u l-Kummissjoni dwar id-dixxiplina baġitarja
u l-amministrazzjoni finanzjarja tajba (applikazzjoni EGF/2010/008 AT/AT&S
mill-Awstrija) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, Wara li kkunsidraw il-Ftehim Interistituzzjonali
tas-17 ta' Mejju 2006 bejn il-Parlament Ewropew, il-Kunsill u
l-Kummissjoni dwar id-dixxiplina baġitarja u l-ġestjoni finanzjarja
soda[12], u
b'mod partikulari l-punt 28 tiegħu, Wara li kkunsidraw ir-Regolament (KE)
Nru 1927/2006 tal-Parlament Ewropew u tal-Kunsill
tal-20 ta' Diċembru 2006 li jistabbilixxi l-Fond Ewropew
ta' Aġġustament għall-Globalizzazzjoni[13], u b'mod partikulari l-Artikolu 12(3)
tiegħu, Wara li kkunsidraw il-proposta
mill-Kummissjoni[14], Billi: (1) Il-Fond Ewropew ta’
Aġġustament għall-Globalizzazzjoni (FEG) twaqqaf biex jipprovdi
sostenn addizzjonali għall-ħaddiema li ngħataw is-sensja
b’riżultat ta’ bidliet strutturali maġġuri fix-xejriet
kummerċjali dinjija minħabba l-globalizzazzjoni u biex jgħinhom
fir-riintegrazzjoni tagħhom fis-suq tax-xogħol. (2) L-ambitu tal-FEG twessa’
għall-applikazzjonijiet imressqa mill-1 ta’ Mejju 2009 ’l
quddiem biex jinkludi s-sostenn għall-ħaddiema li ngħataw
is-sensja bħala riżultat dirett tal-kriżi finanzjarja u ekonomika
globali. (3) Il-Ftehim Interistituzzjonali
tas-17 ta’ Mejju 2006 jippermetti l-mobilizzazzjoni tal-FEG
sal-limitu massimu annwali ta’ EUR 500 miljun. (4) L-Awstrija ressqet
applikazzjoni biex timmobilizza l-FEG, fir-rigward ta' sensji
fl-intrapriża AT&S fil-11 ta' Marzu 2010 u ssupplimentatha
b'informazzjoni addizzjonali sat-22 ta' Frar 2011. Din
l-applikazzjoni tikkonforma mar-rekwiżiti sabiex jiġu ddeterminati
l-kontribuzzjonijiet finanzjarji kif stabbiliti fl-Artikolu 10
tar-Regolament (KE) Nru 1927/2006. Il-Kummissjoni għalhekk ressqet
proposta biex timmobilizza l-ammont ta' EUR 1 221 128. (5) Il-FEG għandu,
għalhekk, jiġi mmobilizzat sabiex jipprovdi kontribuzzjoni
finanzjarja għall-applikazzjoni mressqa mill-Awstrija. ADOTTAT DIN ID-DEĊIŻJONI: Artikolu 1 Għall-baġit ġenerali tal-Unjoni
Ewropea għas-sena finanzjarja 2011, il-Fond Ewropew ta'
Aġġustament għall-Globalizzazzjoni (FEG) għandu jiġi
mobilizzat biex jipprovdi s-somma ta' EUR 1 221 128
f'approprjazzjonijiet ta' impenn u ta' ħlas. Artikolu 2 Din id-Deċiżjoni għandha tkun ippubblikata
f’Il-Ġurnal Uffiċjali tal-Unjoni Ewropea. Magħmul fi [Brussell/Strasburgu], Għall-Parlament Ewropew Għall-Kunsill Il-President Il-President [1] ĠU C 139, 14.6.2006, p. 1. [2] ĠU L 406, 30.12.2006, p. 1. [3] Skont it-tielet paragrafu tal-Artikolu 3 tar-Regolament
(KE) Nru 1927/2006. [4] Bord ta’ ċirkwit stampat (PCB) huwa komponent
elettroniku li huwa bżonnjuż f’ħafna industriji tal-elettronika
bħall-industrija tal-elettronika u tal-kompjuter (telefowns
ċellulari, kameras diġitali, eċċ.) f’apparat mediku u
fl-industrija tal-karozzi. [5] Il-fondazzjonijiet
tax-xogħol Awstrijaċi huma strument attiv tal-politika tas-suq
tax-xogħol fl-Awstrija biex itejbu l-pożizzjoni fis-suq
tax-xogħol għal dawk li qed ifittxu impjieg. Huma bbażati fuq
Arbeitslosenversicherungsgesetz (§ 18) u fuq direttivi ta’
implimentazzjoni maħruġa mis-servizz tas-suq tax-xogħol (AMS).
Id-Direttiva tal-AMS l-aktar riċenti http://www.ams.at/_docs/001_ast_RILI.pdf. [6] L-erba’ provinċji industrijali tal-Awstrija huma
Styria, l-Awstrija ta’ Isfel, l-Awstrija ta’ Fuq u Vorarlberg. [7] Tagħrif miksub b’konnessjoni mal-applikazzjoni
EGF/2010/007 AT Steiermark-Niederösterreich. [8] Skont § 18 ta’ Arbeitslosenversicherungsgesetz
(ALVG), il-parteċipazzjoni ta’ ħaddiem fil-fondazzjoni hija limitata
għal 156 ġimgħa (tliet snin) bil-possibilità li tkun
estiża għal 209 ġimgħat (erba’ snin) f’każijiet
partikolari (persuni ta’ età aktar minn 50 sena jew persuni fi programmi
ta’ taħriġ itwal). [9] Ibbażat fuq § 18 ta’
Arbeitslosenversicherungsgesetz (ALVG). [10] Ibbażat fuq § 18 ta’
Arbeitslosenversicherungsgesetz (ALVG). [11] Is-sit elettroniku tal-ÖGB http://www.sozialpartner.at/sozialpartner/Sozialpartnerschaft_mission_en.pdf [12] ĠU C 139, 14.6.2006, p. 1. [13] ĠU L 406, 30.12.2006, p. 1. [14] ĠU C […], […], p. […].