52011PC0288

MEMORANDUM TA’ SPJEGAZZJONI

1. KUNTEST TAL-PROPOSTA

Il-kreattività, l-għarfien u l-innovazzjoni huma l-ixprunaturi tat-tkabbir futur tagħna. Għaldaqstant, l-Istrateġija Ewropa 2020[1] identifikat it-tkabbir intelliġenti bħala wieħed mit-tliet prijoritajiet għat-tfassil tal-politika futura tal-Kummissjoni. Din tisħaq ukoll fuq il-ħtieġa li tingħata spinta lill-prestazzjoni tar-riċerka tal-UE, li jkun hemm promozzjoni tal-innovazzjoni u trasferiment tal-għarfien u li jkun żgurat li l-ideat innovattivi jkunu jistgħu jinbidlu fi prodotti u servizzi ġodda li joħolqu tkabbir u impjiegi ta’ kwalità.

Il-Kummissjoni impenjat ruħha li tappoġġa dawn l-objettivi billi toħloq kultura ta’ proprjetà intellettwali (PI) ta’ standard għoli[2]. Theddida għall-politika tal-PI, u għalhekk għat-tkabbir u l-kompetittività, tinsab fiż-żieda fil-ksur tad-drittijiet tal-proprjetà intellettwali osservata f’dawn l-aħħar snin. Pereżempju, fl-2009, l-OECD stmat li l-kummerċ internazzjonali fil-merkanzija ffalsifikata u li sfat vittma tal-piraterija, fl-2007 kien jammonta għal USD 250 biljun, li bħala ammont huwa ikbar mill-PDG nazzjonali ta’ 150 ekonomija[3]. Barra minn hekk, iċ-ċifri ppubblikati mill-awtoritajiet doganali tal-UE jirriflettu żieda ċara fl-attività doganali, b’żieda fil-każijiet irreġistrati minn 26 704 fl-2005 għal 43,572 fl-2009, jiġifieri żieda ta’ madwar 60% fi żmien ħames snin[4]. Rigward il-piraterija (jew il-ksur tad-drittijiet tal-awtur onlajn), l-impatt ekonomiku huwa inqas ċar f’dan l-istadju, minħabba n-natura riċenti ħafna ta’ dan il-fenomenu. Madankollu, l-aktar studju riċenti tal-industrija li sar fl-2010, minn TERA Consultants li huma bbażati f’Pariġi u kkummissjonat mill-inizjattiva tal-International Chamber of Commerce’s Business Action to Stop Counterfeiting and Piracy (BASCAP), jindika li fl-2008, intilfu EUR 10 biljun u aktar minn 185,000 impjieg fl-UE minħabba l-piraterija fl-industriji tal-mużika, tal-films, tat-TV u tas-softwer[5].

Diversi studji ppubblikati mill-industrija u minn organizzazzjonijiet internazzjonali jikkonfermaw it-tkabbir kostanti fil-kummerċ ta’ oġġetti ffalsifikati u li sfaw vittma tal-piraterija u jikkonkludu li dan:

- inaqqas b’mod sinifikanti l-investiment fl-innovazzjoni u jeqred l-impjiegi[6];

- jhedded is-saħħa u s-sikurezza tal-konsumaturi Ewropej[7];

- joħloq problemi serji għall-SMEs Ewropej[8];

- jirriżulta f’telf mid-dħul tat-taxxa minħabba tnaqqis fil-bejgħ iddikjarat[9];

- jattira l-kriminalità organizzata[10].

Waħda mill-inizjattivi ewlenin mnedija mill-Kunsill[11] u l-Kummissjoni fl-2009[12] biex tkun indirizzata din it-theddida kienet li jiġi stabbilit Osservatorju Ewropew tal-Falsifikazzjoni u l-Piraterija u biex jittejjeb il-fehim dwar il-ksur tad-drittijiet tal-proprjetà intellettwali (DPI) (‘l-Osservatorju’).

F’konformità mat-talba tal-Kunsill tal-2008, l-Osservatorju fil-forma preżenti tiegħu huwa ċentru ta’ għarfien espert mingħajr personalità ġuridika amministrat mis-servizzi tal-Kummissjoni. Għandu rwol doppju: (i) li jsir riżorsa ċentrali għall-ġbir, għall-monitoraġġ u għar-rappurtar ta’ informazzjoni u dejta relatati ma’ kull ksur tad-DPI u (ii) li jintuża bħala pjattaforma għal kooperazzjoni bejn ir-rappreżentanti mill-awtoritajiet nazzjonali u l-partijiet interessati biex ikunu skambjati l-ideat u l-għarfien espert dwar l-aqwa prattiki, biex ikunu żviluppati strateġiji konġunti ta’ nfurzar u biex isiru rakkomandazzjonijiet lil dawk li jfasslu l-politika. Il-ġestjoni tal-Osservatorju tinkludi sensiela ta’ kompiti u attivitajiet taħt ir-responsabbiltà tas-servizzi tal-Kummissjoni.

Bħalissa, l-Osservatorju qiegħed jitmexxa minn tliet uffiċjali tal-Kummissjoni (żewġ amministraturi u assistent/a) li jwettqu wkoll ħidma ta’ politika relatata mal-Osservatorju.

L-aktar Riżoluzzjoni tal-Kunsill riċenti relatata mal-Osservatorju żiedet aktar responsabbiltajiet, billi tistiednu jivvaluta l-ħtiġijiet għall-implimentazzjoni ta’ programmi ta’ taħriġ fuq livell tal-UE għal dawk involuti fil-ġlieda kontra l-falsifikazzjoni u l-piraterija[13]. Riżoluzzjoni tal-Parlament Ewropew ta’ Settembru 2010 talbet ukoll lill-Osservatorju biex jiġbor dejta ta’ riċerka xjentifika dwar il-falsifikazzjoni u r-regolazzjoni tad-DPI[14]. Finalment, studju riċenti ppubblikat u kkummissjonat mid-Direttorat Ġenerali tal-Kummissjoni għall-Kummerċ jirrakkomanda li l-Osservatorju għandu jsir punt uniku ta’ kuntatt fi ħdan il-Kummissjoni, għall-partijiet esterni, u punt internazzjonali għall-ħolqien u d-disseminazzjoni tal-aqwa prattika[15].

Minkejja li ċ-ċirkostanzi attwali tal-Osservatorju kienu dawk xierqa għall-fażi tat-tnedija tal-proġett, bil-qafas istituzzjonali tiegħu stabbilit permezz ta’ konsultazzjonijiet u laqgħat, ma hemm l-ebda ambitu għall-espansjoni tal-mandat tal-Osservatorju u għall-iżvilupp tal-attivitajiet operazzjonali tiegħu, peress li t-tnejn li huma jeħtieġu infrastruttura sostenibbli f’termini ta’ riżorsi umani, finanzjament u tagħmir tal-IT kif ukoll aċċess għall-għarfien espert neċessarju.

- Konsistenza mal-politiki u l-objettivi l-oħrajn tal-UE

L-għanijiet tal-proposta huma konformi mal-politiki u l-istrateġiji eżistenti tal-UE, bħall-Ewropa 2020[16]. Huma konformi wkoll mal-prijoritajiet u l-proposti prinċipali tal-Kummissjoni rigward l-istrateġija tad-DPI għall-Ewropa[17].

2. RIŻULTATI TA’ KONSULTAZZJONIJIET MAL-PARTIJIET INTERESSATI U L-VALUTAZZJONIJIET TAL-IMPATT

- Konsultazzjoni mal-partijiet interessati

Sa mill-bidu tiegħu, l-istruttura u l-finanzjament tal-Osservatorju ġew diskussa regolarment, kemm fl-erba’ laqgħat tal-Osservatorju[18] li saru s’issa kif ukoll f’laqgħat ta’ sottogruppi speċjalizzati li, sa minn Settembru 2009 tlaqqgħu flimkien rappreżentanti minn għadd ta’ organizzazzjonijiet tas-settur privat fl-Osservatorju.

Il-Membri tal-Parlament Ewropew jinżammu infurmati dwar il-ħidma u l-iżviluppi tal-Osservatorju u, f’żewġ okkażjonijiet separati fl-2010, il-Forum tal-Parlament Ewropew dwar il-falsifikazzjoni, il-kuntrabandu u l-kriminalità organizzata ddiskuta bil-miftuħ il-futur tal-Osservatorju u, b’mod partikolari, trasferiment possibbli tal-Osservatorju għall-Uffiċċju għall-Armonizzazzjoni fis-Suq Intern (Observatory to the Office for Harmonisation in the Internal Market - OHIM).

Barra minn hekk, fil-livell politiku, il-Kunsill, b’risposta għal żewġ Komunikazzjonijiet tal-Kummissjoni dwar l-Osservatorju[19], adotta żewġ Riżoluzzjonijiet[20] li jilqgħu bi pjaċir il-ħolqien tal-Osservatorju u jitlob lill-Kummissjoni telabora ir-rwol u l-kompiti tiegħu. Barra minn hekk, fit-22 ta’ Settembru 2010, il-Parlament Ewropew adotta rapport dwar il-Komunikazzjoni tal-Kummissjoni tal-2009, li jħeġġeġ involvement akbar tal-OHIM fi kwistjonijiet relatati mal-infurzar[21].

L-idea li xi attivitajiet relatati mal-infurzar jiġu fdati lill-OHIM intlaqgħet tajjeb mill-utenti tas-sistema Ewropea tat-trademarks, li ġew ikkonsultati bħala parti minn evalwazzjoni komprensiva tas-sistema Ewropea tat-trademarks[22]. Matul aktar diskussjonijiet f’laqgħa ta' ħdima speċifika fis-Samit Pan-Ewropew dwar l-IP fl-2010, li saru fi Brussell fit-2 u t-3 ta’ Diċembru 2010[23], l-idea rċeviet appoġġ wiesa’. Daqstant ieħor, il-proposta ttieħdet b’mod pożittiv mill-korpi regolatorji tal-OHIM, mill-Bord Amministrattiv u mill-Kumitat għall-Baġit[24], fil-laqgħat tagħhom f’Novembru 2010.

Fid-dawl ta’ dan il-proċess ta’ konsultazzjoni speċifiku, immirat u kontinwu, deher li ma kienx hemm ħtieġa li jiġi organizzat eżerċizzju ta’ konsultazzjoni standard supplimentari.

- Valutazzjoni tal-Impatt

Il-Valutazzjoni tal-Impatt qieset tliet alternattivi differenti, kull waħda b’għadd ta’ subalternattivi.

Fl-alternattiva 1, is-servizzi tal-Kummissjoni jkomplu jamministraw l-Osservatorju iżda r-riżorsi tagħhom jiżdiedu b’mod konsiderevoli. Fis-subalternattiva 1a, il-ħidma ssir kollha kemm hi jew fil-parti l-kbira tagħha internament, waqt li fl-alternattiva 1b din tkun fil-biċċa l-kbira esternalizzata. It-tieni alternattiva li kienet eżaminata tkun tinvolvi li l-Osservatorju jitħalla f’idejn inizjattiva mmexxija mis-settur privat li għandha tkun iffinanzjata jew kollha kemm hi mis-settur privat (subalternattiva 2a), permezz ta’ għotja mill-Kummissjoni (subalternattiva 2b), jew permezz ta’ sħubija pubblika-privata (PPP, subalternattiva 2c). It-tielet alternattiva analizzata fil-Valutazzjoni tal-Impatt tikkonsisti f’li l-Osservatorju jitħalla f’idejn aġenzija ġdida li għandha tinħoloq mill-UE (subalternattiva 3a) jew f’idejn aġenzija eżistenti, b’mod partikolari l-Uffiċċju għall-Armonizzazzjoni fis-Suq Intern (OHIM) f’Alicante.

L-alternattiva 1a (aktar persunal fid-DĠ MARKT) ma kinitx ikkunsidrata fattibbli taħt il-politika attwali tal-Kummissjoni ta’ ‘tkabbir żero’[25]. Barra minn hekk, l-alternattiva 2a ma kinitx ikkunsidrata realistika għaliex ma hemmx indikazzjonijiet li s-settur privat ikun lest li jidħol għal impenn ta’ dan it-tip. L-alternattivi 1b (esternalizzazzjoni fuq bażi kummerċjali) u 2b (il-kompiti jitwettqu minn inizjattiva mmexxija mill-industrija) kienu kkunsidrati fattibbli, iżda mhumiex is-soluzzjonijiet adatti għaliex probabbilment ma jħallux aċċess għal dejta li hija kkunsidrata bħala sensittiva mill-awtoritajiet tal-Istati Membri u mill-partijiet interessati privati u, fil-każ tal-alternattiva 2b, ir-riskju ta’ pożizzjonijiet inugwali (jew anke l-esklużjoni) għal partijiet interessati differenti joħloq problemi konsiderevoli biex jintlaħqu l-objettivi ġenerali tal-Osservatorju. Dawn l-iżvantaġġi jistgħu jkunu parzjalment evitati fl-alternattiva 2c (PPP), li madankollu timponi fuq il-baġit tal-UE kostijiet ta’ bejn EUR 2.41 miljun u EUR 2.98 miljun fl-ewwel sentejn, u bejn EUR 2.61 miljun u EUR 3.07 miljun mit-tielet sena, skont id-disinn tas-sistemi tal-IT li jinħolqu.

L-alternattiva 3a (aġenzija ġdida tal-UE), skont il-Valutazzjoni tal-Impatt, toffri soluzzjoni adatta biex l-Osservatorju jsir operazzjonali. Madankollu, din l-alternattiva tirriżulta f'kostijiet sostanzjali għall-baġit tal-UE – bejn EUR 4.33 miljun u EUR 5.33 miljun fl-ewwel sentejn, u bejn EUR 5.5 miljun u EUR 6.28 miljun mit-tielet sena – kif ukoll dewmien sinifikanti biex tiġi stabbilita l-aġenzija u biex din tibda tiffunzjona.

L-alternattiva 3b (li l-kompiti jitħallew f’idejn aġenzija eżistenti tal-UE, preferibbilment l-OHIM) tippermetti lill-Osservatorju sabiex ikollu aċċess għal għarfien espert, riżorsi u finanzjament u li jsir operazzjonali malajr. F'termini baġitarji għandha toffri soluzzjoni kost-effiċjenti (bil-kostijiet totali ta' bejn EUR 3.3 miljun u EUR 4.3 miljun fl-ewwel sentejn u bejn EUR 4.74 miljun u EUR 5.52 miljun mit-tielet sena) u tippermetti li l-kostijiet ikunu koperti minn riżorsi finanzjarji barra mill-baġit tal-UE.

Il-Valutazzjoni tal-Impatt għalhekk ikkonkludiet li l-aħjar alternattiva hija t-trasferiment tal-Osservatorju lill-OHIM minħabba li dan għandu l-finanzjament u l-istrutturi xierqa u kapaċi jilħaq l-għanijiet tal-Osservatorju hekk kif ikun emendat ir-Regolament bażiku tiegħu.

3. ELEMENTI LEGALI TAL-PROPOSTA

- Sommarju tal-azzjoni proposta

Huwa propost li l-Uffiċċju għall-Armonizzazzjoni fis-Suq Intern jiġi fdat bil-kompiti u l-attivitajiet relatati mal-ġestjoni tal-Osservatorju Ewropew tal-Falsifikazzjoni u l-Piraterija, inklużi dawk li jikkonċernaw id-drittijiet tal-awtur, id-drittijiet relatati mad-drittijiet tal-awtur u l-privattivi.

Fil-futur, dawn il-kompiti għandhom jinkludu:

- it-twassil ta’ dejta u valutazzjonijiet indipendenti dwar l-ambitu u l-iskala tal-falsifikazzjoni u l-piraterija fis-suq intern;

- l-iskambju u l-promozzjoni tal-aqwa prattiki fir-rigward tal-awtoritajiet pubbliċi;

- it-tixrid tal-aqwa strateġiji tas-settur privat;

- it-trawwim tal-kuxjenza pubblika;

- l-evalwazzjoni tal-ħtieġa u t-tfassil ta’ programmi ta’ taħriġ Ewropej għall-awtoritajiet involuti fil-protezzjoni tad-drittijiet tal-proprjetà intellettwali, f’kooperazzjoni ma’ istituzzjonijiet u aġenziji internazzjonali u Ewropej oħrajn;

- it-twettiq ta’ riċerka dwar għodod tekniċi biex ikunu evitati l-falsifikazzjoni u l-piraterija; u

- it-trawwim tal-kooperazzjoni internazzjonali u l-għoti ta’ assistenza teknika lill-awtoritajiet ta’ pajjiżi terzi.

L-attivitajiet biex jintlaħqu dawn il-kompiti għandhom jinkludu:

- l-organizzazzjoni ta’ laqgħat tar-rappreżentanti għall-Osservatorju u l-gruppi ta' ħidma tiegħu;

- l-organizzazzjoni ta’ laqgħat ma’ esperti oħrajn;

- l-ikkatalogar u l-organizzazzjoni ta’ seminars u sessjonijiet ta’ taħriġ dwar ksur tad-DPI u metodi ta’ kif dan il-ksur jista’ jiġi indirizzat;

- it-twettiq ta' studji dwar l-ambitu u l-impatt tal-falsifikazzjoni u l-piraterija u jitfasslu rapporti annwali dwar l-iżviluppi u t-tendenzi u rapporti settorjali li janalizzaw is-sitwazzjoni fid-diversi setturi tal-industrija u tal-prodotti;

- ir-riċerka dwar għodod tekniċi biex l-iffalsifikar u l-piraterija jiġu evitati;

- l-iżvilupp ta’ bażijiet tad-dejta li fihom tinħażen u tiġi analizzata dejta dwar l-ambitu u l-impatt tal-ksur tad-DPI, il-każistika nazzjonali dwar dan il-ksur u miżuri ta’ taħriġ eżistenti, u sistemi biex jittejjeb l-aċċess għall-informazzjoni min-naħa tal-awtoritajiet pubbliċi u l-partijiet interessati privati u li jippermettu skambju rapidu ta’ informazzjoni bejniethom.

- Bażi legali

L-Artikolu 114 tat-Trattat dwar il-Funzjonament tal-Unjoni Ewropea (TFUE) huwa l-pedament speċifiku għall-istabbiliment u l-funzjonament tas-suq intern. Il-kompiti li jitħallew f’idejn l-OHIM skont dan ir-Regolament huma relatati wkoll mal-infurzar tad-drittijiet tal-proprjetà intellettwali pprovduti fil-liġijiet nazzjonali tal-Istati Membri u jistgħu jitqiesu bħala element ta’ appoġġ għal-leġiżlazzjoni tal-Unjoni f’dan il-qasam. L-Artikolu 118(1) TFUE jagħti setgħat biex ikunu adottati miżuri għall-ħolqien ta’ drittijiet tal-proprjetà intellettwali Ewropej, biex tingħata protezzjoni uniformi tad-drittijiet tal-proprjetà intellettwali mal-UE kollha u għall-istabbiliment ta’ arranġamenti ta’ awtorizzazzjoni, koordinazzjoni u superviżjoni ċentralizzati għall-UE kollha. Għalhekk, l-Artikolu 114 u l-Artikolu 118(1) ikkombinati jikkostitwixxu l-bażi legali adatta għal din il-proposta.

- Prinċipju ta’ sussidjarjetà

Ħafna mill-attivitajiet assenjati lill-Osservatorju Ewropew dwar il-Falsifikazzjoni u l-Piraterija huma ta’ natura transkonfinali, li jinvolvu lis-27 Stat Membru kollha u għaldaqstant ma jistgħux jitwettqu b’mod effikaċi minn Stati Membri individwali. Meta jkun hemm il-ħtieġa għal kooperazzjoni bilaterali bejn żewġ Stati Membri, il-proċeduri ta' każijiet individwali, teoretikament jistgħu jiġu żviluppati f’dan il-livell. Madankollu, minħabba li l-għodod u l-metodi meħtieġa f’kuntest bħal dan ikunu simili għall-Istati Membri kollha, jidher li jkun aktar effiċjenti li dawn jiġu żviluppati fil-livell tal-UE. Dan jiżgura li s-soluzzjonijiet ma jkunux imfasslin apposta għar-rekwiżiti tal-Istati Membri individwali, iżda jkunu ta’ benefiċċju għall-Istati Membri kollha. Barra minn hekk, mil-lat tar-relazzjonijiet mal-pajjiżi terzi, il-koordinazzjoni fi ħdan is-servizzi tal-Kummissjoni u ma’ aġenziji tal-UE u aġenziji internazzjonali oħrajn għandha ssir fil-livell tal-UE.

Finalment, kif muri fil-Valutazzjoni tal-Impatt, l-assenjazzjoni ta’ dawn il-kompiti lil aġenzija eżistenti tal-UE u b’mod aktar konkret, lill-OHIM, jippermetti li jkun hemm sinerġiji ma’ attivitajiet li jkunu diġà qegħdin isiru. Tippermetti wkoll li wieħed jibbenefika mill-għarfien espert diġà eżistenti fl-OHIM mil-lat ta’ drittijiet fuq trademarks u disinji, u mil-lat tar-relazzjonijiet ta’ ħidma li l-OHIM stabbilixxa ma’ uffiċċji nazzjonali tal-PI. Dawn ir-relazzjonijiet ta’ ħidma jippermettu lill-OHIM sabiex ilaqqa’ flimkien lill-esperti li jkollu bżonn sabiex iwettaq il-kompiti ġodda tiegħu b’suċċess.

4. IMPLIKAZZJONIJIET BAĠITARJI

Il-proposta ma toħloq ebda kost għall-baġit tal-UE. Anzi, din tippermetti li jiġu frankati madwar EUR 40,000 minħabba li ċerti kostijiet li bħalissa l-baġit tal-UE jagħmel tajjeb għalihom, fil-futur il-baġit tal-OHIM se jagħmel tajjeb għalihom.

5. SPJEGAZZJONI TAL-ARTIKOLI

Artikolu 1

Dan l-Artikolu jiddeskrivi s-suġġett tal-proposta, li hu t-tkabbir tal-isfera tal-kompetenza tal-Uffiċċju għall-Armonizzazzjoni fis-Suq Intern (OHIM) billi jiġi fdat bit-tħaddim tal-Osservatorju Ewropew dwar il-Falsifikazzjoni u l-Piraterija bħala ċentru ta’ għarfien espert fir-rigward ta’ kompiti u attivitajiet speċifiċi.

Artikolu 2

Dan l-Artikolu jiddefinixxi l-kompiti u l-attivitajiet li l-Uffiċċju għandu jwettaq fir-rigward tal-Osservatorju, u li jistgħu jiġu raggruppati f’sitt kategoriji ewlenin:

- It-titjib tal-fehim dwar l-ambitu u l-impatt tal-ksur tad-drittijiet tal-proprjetà intellettwali u dwar il-valur tal-proprjetà intellettwali u l-għarfien dwar l-aqwa prattiki fis-settur pubbliku u privat sabiex jiġi miġġieled il-ksur tad-drittijiet tal-proprjetà intellettwali;

- jiżdied l-għarfien pubbliku dwar l-impatt tal-ksur tad-drittijiet tal-proprjetà intellettwali;

- jitjieb l-għarfien espert tal-persuni involuti fl-infurzar tad-drittijiet tal-proprjetà intellettwali;

- jissaħħaħ l-għarfien dwar għodod tekniċi għall-prevenzjoni u l-ġlieda kontra l-falsifikazzjoni u l-piraterija, inklużi sistemi ta’ osservazzjoni u traċċar;

- jittejjeb l-iskambju elettroniku, bejn l-awtoritajiet tal-Istati Membri involuti fil-protezzjoni tad-drittijiet tal-proprjetà intellettwali, ta’ informazzjoni relatata mal-protezzjoni tad-drittijiet tal-proprjetà intellettwali, u jrawwem il-kooperazzjoni ma’ u bejn l-uffiċċji ċentrali tal-proprjetà industrijali tal-Istati Membri, inkluż l-Uffiċċju għall-Proprjetà Intellettwali tal-Benelux;

- tissaħħaħ il-kooperazzjoni internazzjonali.

Artikolu 3

Dan l-Artikolu jikkjarifika li l-Uffiċċju għandu jorganizza attivitajiet sabiex jitwettqu l-kompiti fl-Artikolu 2 billi jsir użu mill-mezzi baġitarji tiegħu.

Artikolu 4

Dan l-Artikolu jkopri l-parteċipazzjoni fil-laqgħat tal-Osservatorju u l-organizzazzjoni ta' dawn il-laqgħat. Jipprovdi li l-Uffiċċju għandu jistieden lill-esperti minn amministrazzjonijiet, korpi u organizzazzjonijiet pubbliċi li għandhom x’jaqsmu mal-protezzjoni tad-drittijiet tal-proprjetà intellettwali, mis-settur privat, mill-Parlament Ewropew u mill-Kummissjoni. Ir-rappreżentanti mis-settur privat għandhom jiġu mis-setturi ekonomiċi li huma l-aktar milquta mill-falsifikazzjoni. Għandhom għalhekk jinkludu rappreżentanti minn setturi differenti tal-industrija. Għalhekk, id-detenturi tad-drittijiet, il-fornituri tas-servizz tal-Internet u l-kumpaniji tat-telekomunikazzjoni għandhom jiġu rappreżentati. Barra minn hekk, ir-rappreżentanti tal-konsumaturi għandhom ikunu inklużi wkoll. Dan l-Artikolu jipprovdi wkoll l-possibbiltà li jorganizza laqgħat tal-gruppi ta' ħidma tal-Osservatorju.

Artikolu 5

L-Artikolu jobbliga lir-rappreżentanti tal-Istati Membri u tas-settur privat li jiskambjaw, fl-ambitu tal-liġijiet applikabbli dwar il-protezzjoni tad-dejta, informazzjoni dwar l-istatistika u l-każistika mal-Uffiċċju fir-rigward tal-ħidma tal-Osservatorju, b’mod konformi mal-Konklużjonijiet tal-Kunsill tal-1 ta’ Marzu 2010, u li jinfurmawh dwar il-politiki tagħhom stess f'dak il-qasam.

Artikolu 6

Dan l-Artikolu jistabbilixxi l-obbligu tal-Uffiċċju li jadotta l-istruzzjonijiet amministrattivi interni tal-Osservatorju u l-pubblikazzjoni tal-avviżi li huma meħtieġa għat-twettiq tal-kompiti kollha fdati lill-Uffiċċju f’dan ir-Regolament.

Artikolu 7

Dan l-Artikolu jipprovdi li r-rapport ta’ amministrazzjoni annwali tal-Uffiċċju għandu jinkludi rapport dwar l-attivitajiet tal-Uffiċċju skont dan ir-Regolament. Jistabbilixxi l-informazzjoni prinċipali li jeħtieġ li tiġi inkluża fir-rapport, b’mod partikolari reviżjoni tal-attivitajiet ewlenin imwettqa tul is-sena, ir-riżultati miksubin, valutazzjoni ġenerali tax-xogħol tal-Uffiċċju taħt ir-Regolament, informazzjoni tax-xogħol ippjanat fil-futur tal-Osservatorju u rakkomandazzjonijiet dwar politiki futuri fil-qasam tal-protezzjoni tad-drittijiet tal-proprjetà intellettwali.

Artikolu 8

Dan l-Artikolu jistipula r-regoli għall-evalwazzjoni tar-Regolament, li għandha titwettaq mill-Kummissjoni, abbażi tal-prestazzjoni tal-Uffiċċju meta jimplimenta fil-prattika r-Regolament, jiġifieri b'mod partikolari fit-twettiq tal-kompiti stipulati fl-Artikolu 2, u dwar l-impatt ta' din il-ħidma dwar il-protezzjoni tad-drittijiet intellettwali tal-proprjetà fl-UE. Il-Kummissjoni għandha tikkonsulta lill-Osservatorju bħala parti mill-proċess ta’ evalwazzjoni u għandha tibgħat ir-rapport ta’ evalwazzjoni finali lill-Parlament Ewropew u lill-Kunsill. Il-Kummissjoni għandha mbagħad tniedi konsultazzjoni wiesgħa fost il-partijiet interessati dwar ir-rapport ta’ evalwazzjoni, li tista’ tkun segwita minn proposti għall-emendar tar-Regolament, fejn dan ikun xieraq.

Artikolu 9

Dan l-Artikolu jindirizza d-dħul fis-seħħ u l-effetti tar-Regolament propost.

2011/0135 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li permezz tiegħu l-Uffiċċju għall-Armonizzazzjoni fis-Suq Intern (Trademarks u Disinji) jiġi fdat b’ċerti kompiti relatati mal-protezzjoni tad-drittijiet tal-proprjetà intellettwali, inkluż it-tlaqqigħ ta’ rappreżentanti mis-settur pubbliku u privat bħala Osservatorju Ewropew tal-Falsifikazzjoni u l-Piraterija

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 114 u 118(1) tiegħu,

Wara li kkunsidraw il-proposta tal-Kummissjoni Ewropea,

Wara t-trażmissjoni tal-abbozz tal-att leġiżlattiv lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew[26],

Waqt li jaġixxu skont il-proċedura leġiżlattiva ordinarja,

Billi:

1. Il-benesseri ekonomiku tal-Unjoni Ewropea (minn hawn ’il quddiem imsejħa "l-Unjoni") jiddependi fuq il-kreattività u l-innovazzjoni kostanti. Għaldaqstant miżuri għall-protezzjoni effikaċi tagħhom huma essenzjali sabiex jiżguraw il-prosperità futura tagħha.

2. Id-drittijiet tal-proprjetà intellettwali huma proprjetà vitali tan-negozju li jgħinu sabiex jiżguraw li l-innovaturi u l-inventuri jiksbu qligħ ġust għax-xogħol tagħhom u li l-investiment tagħhom fir-riċerka u fl-ideat ġodda jkun protett.

3. Approċċ tajjeb, armonizzat u progressiv lejn id-drittijiet tal-proprjetà intellettwali huwa fundamentali fl-isforz sabiex jintlaħqu l-ambizzjonijiet tal-Istrateġija Ewropa 2020[27].

4. Iż-żieda kostanti ta’ ksur tad-drittijiet tal-proprjetà intellettwali hija theddida ġenwina mhux biss għall-ekonomija tal-Unjoni, iżda wkoll għas-saħħa u s-sikurezza tal-konsumaturi tal-Unjoni. Għalhekk, hemm bżonn ta’ azzjonijiet effikaċi, immedjati u kkoordinati fuq livell Ewropew u dak globali sabiex jingħeleb dan il-fenomenu.

5. Fil-kuntest tal-istrateġija ġenerali tad-drittijiet tal-proprjetà intellettwali prevista mir-Riżoluzzjoni tal-Kunsill tal-25 ta’ Settembru 2008 dwar pjan Ewropew komprensiv kontra l-falsifikazzjoni u l-piraterija[28], il-Kunsill talab lill-Kummissjoni sabiex tniedi Osservatorju Ewropew tal-Falsifikazzjoni u l-Piraterija (minn hawn ’il quddiem imsejjaħ “l-Osservatorju”). Għalhekk il-Kummissjoni ffurmat netwerk ta’ esperti mis-settur pubbliku u dak privat u ddeskriviet il-kompiti tiegħu fil-Komunikazzjoni "It-titjib tal-infurzar tad-drittijiet tal-proprjetà intellettwali fis-suq intern"[29].

6. Il-Komunikazzjoni stabbilixxiet li l-Osservatorju għandu jsir riżorsa ċentrali għall-ġbir, għall-monitoraġġ u għar-rappurtar ta’ informazzjoni u dejta relatati mal-ksur kollu tad-drittijiet tal-proprjetà intellettwali. Għandu jintuża bħala pjattaforma għall-kooperazzjoni bejn ir-rappreżentanti tal-awtoritajiet nazzjonali u l-partijiet interessati fejn jaqsmu ideat u esperjenzi dwar l-aqwa prattiki, jiżviluppaw strateġiji konġunti ta’ infurzar u jagħmlu rakkomandazzjonijiet lil dawk li jfasslu l-politika. Il-Komunikazzjoni speċifikat li l-Osservatorju għandu jkun organizzat u mmexxi mis-servizzi tal-Kummissjoni.

7. Fir-Riżoluzzjoni tiegħu dwar l-infurzar tad-drittijiet tal-proprjetà intellettwali fis-suq intern tal-1 ta’ Marzu 2010[30], il-Kunsill stieden lill-Kummissjoni, lill-Istati Membri u lill-industrija sabiex jipprovdu lill-Osservatorju b’dejta affidabbli u komparabbli disponibbli dwar il-falsifikazzjoni u l-piraterija u sabiex jiżviluppaw u jaqblu flimkien, fil-kuntest tal-Osservatorju, dwar pjanijiet sabiex jiġbru aktar informazzjoni. Il-Kunsill stieden ukoll lill-Osservatorju sabiex kull sena jippubblika rapport annwali komprensiv li jkopri l-ambitu, l-iskala u l-karatteristiċi ewlenin tal-falsifikazzjoni u l-piraterija kif ukoll l-impatt tagħhom fuq is-suq intern. Dak ir-rapport annwali għandu jitħejja bl-informazzjoni pprovduta mill-awtoritajiet tal-Istati Membri, il-Kummissjoni u s-settur privat, fil-limiti tal-liġi dwar il-protezzjoni tad-dejta, dwar l-ambitu, l-iskala u l-karatteristiċi ewlenin tal-falsifikazzjoni u l-piraterija kif ukoll l-impatt tagħhom fuq is-suq intern.

8. Fil-Konklużjonijiet tiegħu tal-25 ta’ Mejju 2010[31], il-Kunsill stieden lill-Kummissjoni sabiex tistabbilixxi bażi legali għall-involviment tal-Uffiċċju għall-Armonizzazzjoni fis-Suq Intern (minn hawn ’il quddiem imsejjaħ “l-Uffiċċju”) f’attivitajiet relatati mal-infurzar, inkluż fil-ġlieda kontra l-falsifikazzjoni, b’mod partikolari permezz tat-tisħiħ tal-kooperazzjoni tiegħu mal-uffiċċji nazzjonali tat-trademarks u mal-Osservatorju.

9. Id-Direttiva 2004/48/KE tal-Parlament Ewropew u tal-Kunsill tad-29 ta’ April 2004 dwar l-infurzar tad-drittijiet tal-proprjetà intellettwali[32] tipprovdi inter alia miżuri li jippromwovu l-kooperazzjoni, inkluż l-iskambju ta’ informazzjoni, fost l-Istati Membri u bejn l-Istati Membri u l-Kummissjoni.

10. Il-Parlament Ewropew, fir-Riżoluzzjoni tiegħu tat-22 ta’ Settembru 2010 dwar l-infurzar tad-drittijiet tal-proprjetà intellettwali fis-suq intern[33], stieden lill-Istati Membri u lill-Kummissjoni jestendu l-kooperazzjoni bejn l-Uffiċċju u l-uffiċċji nazzjonali tal-proprjetà intellettwali sabiex jinkludi wkoll il-ġlieda kontra l-ksur tad-drittijiet tal-proprjetà intellettwali.

11. Minħabba l-firxa ta’ kompiti assenjati lill-Osservatorju, hemm bżonn ta’ soluzzjoni sabiex tkun żgurata infrastruttura adegwata u sostenibbli għat-twettiq tal-kompiti tal-Osservatorju.

12. Ir-Regolament tal-Kunsill (KE) Nru 207/2009 tas-26 ta’ Frar 2009 dwar it-trademark Komunitarja[34] jipprovdi għal kooperazzjoni amministrattiva bejn l-Uffiċċju u l-qrati jew l-awtoritajiet tal-Istati Membri, u l-iskambju ta’ pubblikazzjonijiet bejn l-Uffiċċju u l-uffiċċji ċentrali tal-proprjetà industrijali tal-Istati Membri. Fuq dik il-bażi, l-Uffiċċju stabbilixxa kooperazzjoni mal-uffiċċji nazzjonali li huma attivi fil-qasam tal-protezzjoni tad-drittijiet tal-proprjetà intellettwali. B’hekk l-Uffiċċju diġà għandu, sa ċertu punt, l-esperjenza u l-għarfien meħtieġa sabiex jipprovdi infrastruttura adegwata u sostenibbli fil-qasam tal-kompiti tal-Osservatorju.

13. Għalhekk l-Uffiċċju huwa f’pożizzjoni tajba sabiex ikun inkarigat li jwettaq dawn il-kompiti.

14. Dawn il-kompiti għandhom jirrigwardaw kull dritt tal-proprjetà intellettwali kopert mil-liġi tal-Unjoni jew mil-liġi nazzjonali tal-Istat Membru kkonċernat f’dan il-qasam minħabba li f’bosta każijiet, l-atti ta’ ksur jaffettwaw ħafna drittijiet tal-proprjetà intellettwali. Barra minn hekk, l-informazzjoni u l-iskambju tal-aqwa prattiki huma meħtieġa għall-firxa sħiħa tad-drittijiet tal-proprjetà intellettwali, sabiex tinkiseb stampa sħiħa tas-sitwazzjoni u jkunu jistgħu jitfasslu strateġiji komprensivi sabiex jonqos il-ksur tad-drittijiet tal-proprjetà intellettwali. Fil-kuntest ta’ dawn il-kompiti, il-mandat tal-Uffiċċju għandu għalhekk ikun estiż sabiex ikopri wkoll il-protezzjoni tal-privattivi, tad-drittjiet tal-awtur u drittijiet relatati kif ukoll l-indikazzjonijiet ġeografiċi.

15. Il-kompiti li l-Uffiċċju għandu jwettaq jistgħu jkunu marbuta mal-miżuri ta’ infurzar u ta’ rappurtar stabbiliti bid-Direttiva 2004/48/KE. Għalhekk, l-Uffiċċju għandu jipprovdi servizzi lill-awtoritajiet jew lill-operaturi nazzjonali li jaffettwaw, b’mod partikolari, l-implimentazzjoni omoġenea tad-Direttiva u li aktarx jiffaċilitaw l-applikazzjoni tagħha. Għaldaqstant, il-kompiti tal-Uffiċċju għandhom jitqiesu li huma marbuta mill-qrib mas-suġġett ta’ atti li japprossimizzaw il-liġijiet, ir-regolamenti u d-dispożizzjonijiet amministrattivi tal-Istati Membri.

16. Organizzat mill-Uffiċċju, l-Osservatorju għandu jsir ċentru ta’ eċċellenza dwar informazzjoni u dejta relatati mal-ksur tad-drittijiet tal-proprjetà intellettwali, billi jibbenefika mill-għarfien, l-esperjenza u r-riżorsi tal-Uffiċċju.

17. L-Uffiċċju għandu joffri forum li jlaqqa’ lill-awtoritajiet pubbliċi u lis-settur privat, filwaqt li jiżgura l-ġbir, l-analiżi u t-tixrid ta’ dejta oġġettiva rilevanti, komparabbli u affidabbli dwar il-valur tad-drittijiet tal-proprjetà intellettwali u l-ksur ta’ dawk id-drittijiet, l-iżvilupp tal-aqwa prattiki u strateġiji għall-ħarsien tad-drittijiet tal-proprjetà intellettwali, u t-trawwim tal-għarfien pubbliku dwar l-impatti tal-ksur tad-drittijiet tal-proprjetà intellettwali. Barra minn hekk, l-Uffiċċju għandu jwettaq kompiti oħrajn, bħal pereżempju jtejjeb il-fehim tal-valur tad-drittijiet tal-proprjetà intellettwali, itejjeb l-għarfien espert ta’ persuni involuti fl-infurzar tad-drittijiet tal-proprjetà intellettwali permezz ta’ miżuri ta’ taħriġ adegwat, iżid l-għarfien dwar it-tekniki li jipprevjenu l-falsifikazzjoni, u jtejjeb il-kooperazzjoni ma’ pajjiżi terzi u organizzazzjonijiet internazzjonali.

18. Fir-rigward tar-rappreżentanti tas-settur privat, l-Uffiċċju għandu jinvolvi, meta jlaqqa’ l-Osservatorju fil-kuntest tal-attivitajiet tiegħu, għażla rappreżentattiva tas-setturi ekonomiċi l-aktar milquta u li għandhom l-iktar esperjenza fil-ġlieda kontra l-ksur tad-drittijiet tal-proprjetà intellettwali, b’mod partikolari r-rappreżentanti tad-detenturi tad-drittijiet u l-fornituri tas-servizzi tal-Internet. Għandu jkun hemm ukoll rappreżentanza xierqa tal-konsumaturi u tal-intrapriżi żgħar u ta’ daqs medju.

19. L-Uffiċċju għandu jimplimenta l-kompiti u l-attivitajiet relatati mal-protezzjoni tad-drittijiet tal-proprjetà intellettwali billi juża l-mezzi tal-baġit tiegħu stess,

ADOTTAW DAN IR-REGOLAMENT

Artikolu 1 Suġġett

Dan ir-Regolament jinkariga lill-Uffiċċju għall-Armonizzazzjoni fis-Suq Intern (minn hawn ’il quddiem imsejjaħ “l-Uffiċċju”) b’ċerti kompiti relatati mal-protezzjoni tad-drittijiet tal-proprjetà intellettwali. Fit-twettiq ta’ dawn il-kompiti l-Uffiċċju għandu jistieden regolarment lil esperti, awtoritajiet u partijiet interessati li għandhom jiltaqgħu taħt l-isem ta’ "Osservatorju Ewropew dwar il-Falsifikazzjoni u l-Piraterija" (minn hawn ’il quddiem imsejjaħ "l-Osservatorju").

Artikolu 2Kompiti u attivitajiet

20. L-Uffiċċju għandu jkollu dawn il-kompiti li ġejjin:

(a) itejjeb il-fehim dwar l-ambitu u l-impatt ta’ ksur tad-drittijiet tal-proprjetà intellettwali, protetti taħt il-liġi tal-Unjoni Ewropea jew il-liġijiet nazzjonali tal-Istati Membri, inklużi d-drittijiet tal-proprjetà industrijali, id-drittijiet tal-awtur u drittijiet relatati mad-drittijiet tal-awtur;

(b) itejjeb il-fehim dwar il-valur tal-proprjetà intellettwali;

(c) isaħħaħ l-għarfien dwar l-aqwa prattiki fis-settur pubbliku u dak privat għall-ħarsien tad-drittijiet tal-proprjetà intellettwali;

(d) iżid l-għarfien taċ-ċittadini dwar l-impatt ta’ ksur tad-drittijiet tal-proprjetà intellettwali;

(e) isaħħaħ l-għarfien espert ta’ persuni involuti fl-infurzar tad-drittijiet tal-proprjetà intellettwali;

(f) isaħħaħ l-għarfien dwar għodod tekniċi għall-prevenzjoni u l-ġlieda kontra l-falsifikazzjoni u l-piraterija, inklużi sistemi ta’ osservazzjoni u traċċar;

(g) itejjeb l-iskambju elettroniku, bejn l-awtoritajiet tal-Istati Membri involuti fil-protezzjoni tad-drittijiet tal-proprjetà intellettwali, ta’ informazzjoni relatata mal-protezzjoni tad-drittijiet tal-proprjetà intellettwali, u jrawwem il-kooperazzjoni ma’ u bejn l-uffiċċji ċentrali tal-proprjetà industrijali tal-Istati Membri, inkluż l-Uffiċċju għall-Proprjetà Intellettwali tal-Benelux;

(h) irawwem il-kooperazzjoni internazzjonali ma’ uffiċċji tal-proprjetà intellettwali f’pajjiżi terzi sabiex jinbnew strateġiji u jiġu żviluppati tekniki għall-protezzjoni tad-drittijiet tal-proprjetà intellettwali, ħiliet u għodod.

21. Fit-twettiq tal-kompiti stabbiliti fil-paragrafu 1, l-Uffiċċju għandu jwettaq dawn l-attivitajiet:

(a) ilaqqa’ l-Osservatorju regolarment, skont l-Artikolu 4;

(b) jistabbilixxi metodoloġija għall-ġbir, l-analiżi u r-rappurtar ta’ dejta indipendenti, oġġettiva, komparabbli u affidabbli relatata mal-ksur tad-drittijiet tal-proprjetà intellettwali;

(c) jiġbor, janalizza u jxerred dejta indipendenti, oġġettiva, komparabbli u affidabbli dwar il-ksur tad-drittijiet tal-proprjetà intellettwali;

(d) jiġbor, janalizza u jxerred dejta oġġettiva rilevanti, komparabbli u affidabbli dwar il-valur ekonomiku tal-proprjetà intellettwali u l-kontribut tagħha għat-tkabbir ekonomiku, il-benesseri, l-innovazzjoni, il-kreattività, id-diversità kulturali, il-ħolqien ta’ impjiegi ta’ kwalità għolja u l-iżvilupp ta’ prodotti u servizzi ta’ kwalità għolja fi ħdan l-Unjoni;

(e) jipprovdi valutazzjonijiet regolari u rapporti speċifiċi skont is-settur ekonomiku, iż-żona ġeografika u t-tip ta’ dritt ta’ proprjetà intellettwali miksur, li jevalwaw, inter alia, l-impatt tal-ksur tad-drittijiet tal-proprjetà intellettwali fuq is-soċjetà, l-ekonomija, is-saħħa, l-ambjent, is-sigurtà u s-sikurezza, u r-relazzjoni ta’ ksur bħal dan mal-kriminalità organizzata u mat-terroriżmu;

(f) jiġbor, janalizza u jxerred informazzjoni dwar l-aqwa prattiki bejn ir-rappreżentanti li jiltaqgħu bħala Osservatorju, u jiżviluppa strateġiji bbażati fuq tali prattiki;

(g) ifassal rapporti u pubblikazzjonijiet sabiex iżid l-għarfien taċ-ċittadini tal-UE dwar l-impatt tal-ksur tad-drittijiet tal-proprjetà intellettwali, u jorganizza konferenzi, kampanji onlajn u offlajn, avvenimenti u laqgħat fil-livell Ewropew u dak internazzjonali;

(h) jiżviluppa u jorganizza taħriġ onlajn u forom oħra ta’ taħriġ għall-uffiċjali nazzjonali involuti fil-protezzjoni tad-drittijiet tal-proprjetà intellettwali;

(i) jorganizza laqgħat ta’ esperti ad hoc sabiex jappoġġaw ix-xogħol tiegħu taħt dan ir-Regolament;

(j) jirriċerka, jevalwa u jippromwovi għodod tekniċi għall-professjonisti u tekniki ta’ referenza, inklużi sistemi ta’ osservazzjoni u traċċar li jgħinu fid-distinzjoni bejn prodotti ġenwini u dawk foloz;

(k) jaħdem ma’ awtoritajiet nazzjonali sabiex jiżviluppa netwerk elettroniku għall-iskambju ta’ informazzjoni relatata mal-protezzjoni tad-drittijiet tal-proprjetà intellettwali onlajn, inklużi twissijiet f’ħin reali u informazzjoni dwar ksur tad-drittijiet tal-proprjetà intellettwali bejn l-amministrazzjonijiet, il-korpi u l-organizzazzjonijiet fl-Istati Membri li jittrattaw il-protezzjoni tad-drittijiet tal-proprjetà intellettwali;

(l) jibni strateġiji b’kooperazzjoni mal-uffiċċji ċentrali tal-proprjetà industrijali tal-Istati Membri, inkluż l-Uffiċċju għall-Proprjetà Intellettwali tal-Benelux, u jiżviluppa tekniki, ħiliet u għodod relatati mal-protezzjoni tad-drittijiet tal-proprjetà intellettwali, inklużi programmi ta’ taħriġ u kampanji ta’ għarfien;

(m) jiżviluppa programmi dwar għajnuna teknika għal pajjiżi terzi kif ukoll jiżviluppa u jwassal programmi u avvenimenti ta’ taħriġ speċifiku għal uffiċjali minn pajjiżi terzi involuti fil-protezzjoni tad-drittijiet tal-proprjetà intellettwali;

(n) jagħmel rakkomandazzjonijiet lill-Kummissjoni dwar kwistjonijiet li jaqgħu fl-ambitu ta’ dan ir-Regolament, inkluż abbażi tat-talba mill-Kummissjoni;

(o) ifassal programm ta’ ħidma annwali għal-laqgħat imsemmija fil-punt (a) f’konformità mal-politiki u l-prijoritajiet tal-UE fil-qasam tal-protezzjoni tad-drittijiet tal-proprjetà intellettwali;

(p) iwettaq attivitajiet simili meħtieġa sabiex l-Uffiċċju jkun jista’ jwettaq il-kompiti stabbiliti fil-paragrafu 1.

Artikolu 3Finanzjament

L-Uffiċċju għandu jiżgura f’kull ħin li l-attivitajiet fdati lilu minn dan ir-Regolament isiru billi jagħmel użu mill-mezzi baġitarji tiegħu stess.

Artikolu 4Laqgħat tal-Osservatorju

22. L-Uffiċċju għandu jistieden rappreżentanti minn amministrazzjonijiet pubbliċi, korpi u organizzazzjonijiet li jittrattaw il-protezzjoni tad-drittijiet tal-proprjetà intellettwali u rappreżentanti mis-settur privat għal-laqgħat li hemm referenza għalihom fl-Artikolu 2(2)(a).

23. Ir-rappreżentanti li jiltaqgħu bħala l-Osservatorju li jkunu mistiedna mis-settur privat għandhom jinkludu firxa wiesgħa u rappreżentattiva ta’ korpi tal-UE u korpi nazzjonali li jirrappreżentaw id-diversi setturi ekonomiċi l-aktar milquta u bl-iktar esperjenza fil-ġlieda kontra l-ksur tad-drittijiet tal-proprjetà intellettwali.

L-organizzazzjonijiet tal-konsumaturi u intrapriżi żgħar u ta’ daqs medju għandhom ikunu rrappreżentati kif xieraq.

24. L-Uffiċċju għandu jistieden rappreżentant nazzjonali wieħed minn kull Stat Membru, u ħames rappreżentanti kull wieħed mill-Parlament Ewropew u mill-Kummissjoni.

25. L-ismijiet tar-rappreżentanti, l-aġenda u l-minuti għandhom jiġu ppubblikati fuq is-sit elettroniku tal-Uffiċċju.

26. Il-laqgħat imsemmija fl-Artikolu 2(2)(a) jistgħu jkunu organizzati wkoll fi gruppi ta’ ħidma fi ħdan l-Osservatorju. Sa żewġ rappreżentanti mill-Parlament u sa żewġ rappreżentanti mill-Kummissjoni għandhom ikunu mistiedna għal-laqgħat tal-gruppi ta’ ħidma bħala osservaturi.

Artikolu 5Obbligi ta’ informazzjoni

Mingħajr preġudizzju għal-liġi li tirregola l-ipproċessar tad-dejta personali, ir-rappreżentanti tal-Istati Membri u tas-settur privat li jiltaqgħu bħala Osservatorju għandhom:

(a) jinfurmaw lill-Uffiċċju dwar il-politiki u l-istrateġiji tagħhom dwar il-protezzjoni tad-drittijiet tal-proprjetà intellettwali u kull tibdil li jsirilhom;

(b) jipprovdu statistiċi dwar il-ksur tad-drittijiet tal-proprjetà intellettwali;

(c) jinfurmaw lill-Uffiċċju dwar kwalunkwe każistika rilevanti.

Artikolu 6Struzzjonijiet u avviżi amministrattivi interni

Bis-setgħat mogħtija lilu mill-Artikolu 124 tar-Regolament (KE) Nru 207/2009, il-President tal-Uffiċċju għandu jadotta l-istruzzjonijiet amministrattivi interni u għandu jippubblika l-avviżi meħtieġa għat-twettiq tal-kompiti kollha fdati lill-Uffiċċju f’dan ir-Regolament.

Artikolu 7Kontenut tar-rapport ta’ ġestjoni

Ir-rapport ta’ ġestjoni previst fl-Artikolu 124(2)(d) tar-Regolament (KE) Nru 207/2009 għandu jkun fih mill-inqas l-informazzjoni li ġejja dwar il-kompiti u l-attivitajiet tal-Uffiċċju taħt dan ir-Regolament:

(a) ħarsa lejn l-attivitajiet ewlenin imwettqa matul is-sena kalendarja preċedenti;

(b) ir-riżultati miksuba matul is-sena kalendarja preċedenti, flimkien ma’, fejn hu xieraq, rapporti settorjali li janalizzaw is-sitwazzjoni fis-setturi differenti tal-industrija u l-produzzjoni;

(c) evalwazzjoni globali tat-twettiq tal-kompiti tal-Uffiċċju kif ipprovdut f’dan ir-Regolament;

(d) ħarsa ġenerali lejn l-attivitajiet li l-Uffiċċju għandu ppjanat għall-futur;

(e) rakkomandazzjonijiet dwar politiki futuri fil-qasam tal-protezzjoni tad-drittijiet tal-proprjetà intellettwali, inkluż dwar kif tista’ titjieb il-kooperazzjoni effettiva bejn l-Istati Membri.

Artikolu 8Evalwazzjoni

27. Fi żmien 5 snin mid-dħul fis-seħħ ta’ dan ir-Regolament, il-Kummissjoni għandha tadotta rapport li jevalwa l-applikazzjoni ta’ dan ir-Regolament.

28. Ir-rapport ta’ evalwazzjoni għandu jevalwa l-prestazzjoni tal-Uffiċċju fit-tħaddim ta’ dan ir-Regolament, b’mod partikolari fir-rigward tal-impatt tiegħu fuq il-protezzjoni tad-drittijiet tal-proprjetà intellettwali fis-suq intern.

29. Il-Kummissjoni għandha tikkonsulta, waqt it-tħejjija tar-rapport ta’ evalwazzjoni, mar-rappreżentanti li jiltaqgħu bħala Osservatorju dwar il-kwistjonijiet stabbiliti fil-paragrafu 2.

30. Il-Kummissjoni għandha tibgħat ir-rapport ta’ evalwazzjoni lill-Parlament Ewropew u lill-Kunsill u għandha twettaq konsultazzjoni wiesgħa mal-partijiet interessati dwar ir-rapport ta’ evalwazzjoni.

Artikolu 9Dħul fis-seħħ

Dan ir-Regolament għandu jidħol fis-seħħ fl-(għoxrin) jum wara dak tal-pubblikazzjoni tiegħu f’ Il-Ġurnal Uffiċjali tal-Unjoni Ewropea .

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew Għall-Kunsill

Il-President Il-President

STQARRIJA FINANZJARJA LEĠIŻLATTIVA GĦALL-PROPOSTI

1. QAFAS TAL-PROPOSTA/INIZJATTIVA

1.1. Titlu tal-proposta/inizjattiva

1.2. Qasam/oqsma tal-politika kkonċernat/i fl-istruttura ABM/ABB

1.3. Natura tal-proposta/inizjattiva: Proposta leġiżlattiva

1.4. Għan(ijiet)

1.5. Bażi tal-proposta/inizjattiva:

1.6. Tul ta' żmien u impatt finanzjarju

1.7. Metodu(i) ta' ġestjoni previsti

2. MIŻURI TAL-ĠESTJONI

2.1. Monitoraġġ u regoli tar-rappurtar

2.2. Ġestjoni u sistema tal-kontroll

2.3. Miżuri li jipprevjenu l-frodi u l-irregolaritajiet

3. IMPATT FINANZJARJU STMAT TAL-PROPOSTA/INIZJATTIVA

3.1. Intestatura(i) tal-qafas finanzjarju multiannwali u l-linja(i) tal-baġit tal-ispiża affettwati

3.2. Impatt stmat fuq in-nefqa

3.2.1. Sommarju tal-impatt stmat fuq in-nefqa

3.2.2. Impatt stmat fuq l-approprjazzjonijiet operazzjonali

3.2.3. Impatt stmat fuq l-approprjazzjonijiet ta' natura amministrattiva

3.2.4. Kompatibbiltà mal-qafas finanzjarju multiannwali attwali

3.2.5. Parteċipazzjoni tal-partijiet terzi fil-finanzjament

3.3. Impatt stmat fuq id-dħul

STQARRIJA FINANZJARJA LEĠIŻLATTIVA GĦALL-PROPOSTI

QAFAS TAL-PROPOSTA/INIZJATTIVA

Titlu tal-proposta/inizjattiva

Ir-Regolament tal-Parlament Ewropew u tal-Kunsill li permezz tiegħu l-Uffiċċju għall-Armonizzazzjoni fis-Suq Intern (Trade Marks u Disinji) jiġi fdat b’ċerti kompiti relatati mal-protezzjoni tad-drittijiet tal-proprjetà intellettwali, inkluż it-tlaqqigħ ta’ rappreżentanti mis-settur pubbliku u privat bħala Osservatorju Ewropew tal-Falsifikazzjoni u l-Piraterija

Qasam/oqsma tal-politika kkonċernat/i fl-istruttura ABM/ABB[35]

Suq Intern – ekonomija msejsa fuq l-għarfien – l-infurzar tad-drittijiet tal-proprjetà intellettwali

Natura tal-proposta/inizjattiva

( Il-proposta/inizjattiva hija marbuta għal azzjoni ġdida

( Il-proposta/inizjattiva hija marbuta ma' azzjoni ġdida wara li jkunu ġew adottati proġett pilota/azzjoni preparatorja[36]

( Il-proposta/inizjattiva hija marbuta mal-estensjoni tal-azzjoni eżistenti

( Il-proposta/inizjattiva hija marbuta ma' azzjoni diretta mill-ġdid lejn azzjoni ġdida

Għanijiet

L-għan/għanijiet strateġiku/ċi multiannwali tal-Kummissjoni mmirat/i) lejn il-proposta/inizjattiva

L-għan ġenerali hu li jitjieb l-infurzar effikaċi tad-DPI, sabiex tiġi evitata ħsara sinifikanti kkawżata mill-falsifikazzjoni u l-piraterija tal-ekonomija Ewropea u għas-saħħa u s-sikurezza taċ-ċittadini Ewropej. Dan l-Għan hu konformi mal-politiki u strateġiji tal-UE, bħall-Ewropa 2020[37]. Huma konformi wkoll mal-prijoritajiet u l-proposti prinċipali tal-Kummissjoni rigward l-istrateġija tad-DPI għall-Ewropa[38].

Matul l-aħħar għaxar snin żdied il-ksur tad-DPI b'mod sinifikanti. Fl-2009, l-OECD stmat li l-kummerċ internazzjonali fil-merkanzija ffalsifikata u li sfat vittma tal-piraterija, fl-2007 kien jammonta għal USD 250 biljun, li huwa ikbar mill-PDG nazzjonali ta’ 150 ekonomija[39]. Iċ-ċifri ppubblikati mill-awtoritajiet doganali tal-UE jirriflettu żieda ċara fl-attività doganali, b’żieda fil-każijiet irreġistrati minn 4,694 fl-1999 għal 43,572 fl-2009, jiġifieri żieda ta’ madwar 920% fi żmien għaxar snin. Rigward il-piraterija onlajn, l-aktar studju riċenti tal-industrija li twettaq fl-2010, minn TERA Consultants li huma bbażati f’Pariġi u kkummissjonat mill-inizjattiva tal-International Chamber of Commerce’s Business Action to Stop Counterfeiting and Piracy (BASCAP), jindika li fl-2008, intilfu EUR 10 biljun u aktar minn 185,000 impjieg minħabba l-piraterija fl-industriji tal-mużika, tal-films, tat-TV u tas-softwer fl-UE[40].

Fil-livell tal-UE, l-inizjattiva primarja fil-ġlieda kontra l-problema hija l-Osservatorju Ewropew tal-Falsifikazzjoni u l-Piraterija ('l-Osservatorju'), li hu mmexxi mid-Direttorat Ġenerali għas-Suq Intern u s-Servizzi (DĠ MARKT).

Għan/Għanijiet speċifiku/i u l-attività/attivitajiet kkonċernati tal-ABM/ABB

Għan speċifiku

Matul l-aħħar sentejn, twaqqaf il-qafas istituzzjonali tal-Osservatorju. Issa li spiċċat din il-fażi li fiha twaqqaf l-Osservatorju jidher li, minħabba nuqqas ta' finanzjament, riżorsi umani, ħiliet fit-teknoloġija tal-informatika u biex jiġu organizzati laqgħat u għarfien espert neċessarju, mhux se jilħaq l-għanijiet tiegħu fil-ġejjieni u se jiġi eskluż l-għoti ta' kompiti supplimentari skont l-istruttura li għandu bħalissa.

L-għan speċifiku għalhekk hu li jkun żgurat li l-Osservatorju għandu l-infrastruttura neċessarja sabiex iwettaq il-kompiti tiegħu b'mod effikaċi, malajr kemm jista' jkun u mingħajr ma l-baġit tal-UE jġarrab xi spejjeż. Il-kompiti jinkludu t-titjib tal-għarfien fost l-awtoritajiet pubbliċi u l-partijiet interessati privati dwar l-ambitu, l-impatt u x-xejriet marbuta mal-falsifikazzjoni u l-piraterija u dwar it-tekniki effikaċi biex tiġi miġġielda l-problema, billi jitjieb l-infurzar ta' kuljum marbut mal-kooperazzjoni; u li jiġu infurmati l-konsumaturi bl-impatt ekonomiku u l-perikli marbuta mal-falsifikazzjoni u l-piraterija u biex tittejjeb il-koordinazzjoni tal-azzjonijiet destinati lejn il-pajjiżi terzi.

F'din l-inizjattiva, l-Osservatorju se jkun immexxi minn aġenzija eżistenti – l-Uffiċċju għall-Armonizzazzjoni fis-Suq Intern (OHIM). Dan se jippermetti lill-Osservatorju jagħmel profitt mill-istrutturi amministrattivi eżistenti (bħar-riżorsi umani u l-finanzi). L-OHIM hija l-aġenzija tal-UE responsabbli mir-reġistrazzjoni tat-trademarks u d-disinji tal-Komunità, valida fis-27 Stat Membru kollha. Minħabba r-relazzjoni ċara bejn il-protezzjoni tad-drittijiet tal-proprjetà intellettwali u l-infruzar tagħhom, l-għarfien espert li hu diġà disponibbli fi ħdan l-OHIM jidher partikolarment pertinenti sabiex dan jiddomina l-kompiti tal-Osservatorju.

L-attività/attivitajiet konċernat/i tal-ABM/ABB:

Politika tas-Suq Intern.

Riżultat/i mistenni/ja u l-impatt

Speċifika l-effetti li l-proposta/l-inizjattiva se jkollha fuq il-benefiċjarji/gruppi fil-mira.

Sakemm ma titteħidx azzjoni kkoordinata u sostenibbli sabiex jiġi miġġieled il-ksur tad-DPI, l-UE se tiffaċċja xejra dannuża li jkollha impatt reali fuq l-irkupru ekonomiku, il-ġid u l-impjiegi tagħha. Din ix-xejra tinkludi żieda fil-prodotti li jistgħu potenzjalment jikkawżaw ħsara kbira lill-konsumaturi, bħal pereżempju mediċini, prodotti tal-ikel, kożmetiċi u tagħmir għad-dar foloz.

L-Osservatorju se jtejjeb b'mod sinifikanti l-infurzar billil jagħti dejta affidabbli u oġġettiva sabiex ikunu identifikati x-xejriet u t-theddid, koordinazzjoni ikbar u skambju bejn l-awtoritajiet responsabbli fl-Istati Membri dwar l-aqwa prattika, u skambji f'ħin reali tal-informazzjoni bejn il-partijiet interessati dwar il-prodotti speċifiċi li sfaw vittma tal-falsifikazzjoni, skambji dwar l-istrateġiji li rnexxew fis-settur pubbliku u privat; taħriġ lill-awtoritajiet ta' infurzar, iżjed taħriġ dwar l-għarfien tal-konsumaturi lill-awtoritajiet fil-pajjiżi terzi vulnerabbli sabiex ikunu miġġielda l-falsifikazzjoni u l-piraterija.

Apparti mill-iffrankar tal-kostijiet meta mqabbla mas-sitwazzjoni attwali li jidhru fil-Valutazzjoni tal-Impatt, din l-inizjattiva jkollha wkoll il-vantaġġ li l-Osservatorju jitħalla jsir operattiv malajr. L-Uffiċju għall-Armonizzazzjoni fis-Suq Intern (OHIM) huwa l-uniku aġenzija tal-UE li tittratta mat-trademarks u d-disinji u hu adattat biex jospita l-Oservatorju. Diġà kien stabblixxa bażi ta' għarfien espert fil-qasam tal-infurzar tat-trademarks u d-disinji, bis-saħħa tas-seminars u l-attivitajiet ta' taħriġ, u qed jippjana li jiżviluppa iktar proġetti ta' infurzar, bħal sistema ta' informazzjoni tal-IT dwar it-trademarks u d-disinji reġistrati. Barra minn hekk, is-sinerġiji bejn il-kompiti tal-Osservatorju u dawk li diġà twettqu mill-OHIM se jillimataw b'mod sinifikanti l-għadd ta' persunal supplimentari li hu meħtieġ.

Indikaturi tar-riżultati u l-impatt

Speċifika l-indikaturi għall-implimentazzjoni ta' monitoraġġ tal-proposta/inizjattiva.

Il-proċess fil-ħin tal-analiżi tal-kritika u l-pubblikazzjoni tar-rapporti dwar il-falsifikazzjoni u l-piraterija mill-Uffiċċju, ir-riċerka dwar l-aqwa prattiki, l-iżvilupp u t-twettiq ta' għodod dwar it-tqajjim tal-kuxjenza, u l-iżvilupp, it-twassil u l-manutenzjoni tal-bażijiet tad-dejta; Il-kwalità tar-rapporti u tar-riċerka (preċiżjoni u utilità), il-kwalità u l-impatt tal-istrateġiji li għandhom jiżviluppaw fl-oqsma tal-għarfien pubbliku, ir-riċerka u t-taħriġ, inkluż l-għadd, l-impatt u l-influwenza tal-kampanji mwettqa b'suċċess, l-għadd ta' persuni mħarrġa u l-aċċessibbiltà tad-dejta.

Bażi tal-proposta/inizjattiva:

Rekwiżit(i) li għandhom jintlaħqu f'perjodu ta' żmien qasir jew twil

Minħabba l-ħtieġa li jitwessgħu l-attivitajiet tal-Osservatorju b'mod mgħaġġel, f'perjodu ta' żmien qasir, il-Kummissjoni ddeċidiet li l-Osservatorju jiffoka fuq il-ġbir tad-dejta, miżuri dwar l-għarfien pubbliku u taħriġ, l-identifikazzjoni u l-iskambju tal-aqwa prattiki pubbliċi u privati, u t-titjib tal-kooperazzjoni ta' kuljum, l-għodod tar-riċerka u dawk tekniċi sabiex jiġu evitati l-falsifikazzjoni u l-piraterija u l-assistenza teknika internazzjonali.

Valur miżjud tal-involviment tal-UE

Bosta attivitajiet meħtieġa sabiex jiġu miġġielda l-falsifikazzjoni u l-piraterija huma ta' natura transkonfinali, imsejsa fuq il-kooperazzjoni u l-koordinazzjoni. Sabiex ikunu għal kollox effikaċi, jeħtieġu l-ingaġġ u l-involviment tas-27 Stati Membru kollha. Għalhekk, hu essenzjali li jiġu żviluppati l-għodod u l-istrutturi fil-livell tal-UE li jistgħu jippermettu li l-Istati Membri kollha jibbenefikaw mir-riżultati.

Tagħlimiet minn esperjenzi simili fl-imgħoddi

Fl-2009, l-OECD u organizzazzjonijiet oħra semmew il-kwistjonijiet ewlenin li kienu naqsu milli joħonqu ż-żieda tal-falsifikazzjoni u l-piraterija; dan wassal sabiex ikun hemm tnaqqis sinifikanti fl-investiment u għall-qerda tal-impjiegi[41]; theddida dejjem tikber fuq is-saħħa u s-sikurezza tal-konsumaturi Ewropej[42]; problemi serji għall-SMEs tal-UE[43], telf ta' taxxi minħabba tnaqqis fil-bejgħ dikjarat u l-involviment ta' kriminalità organizzata.

Koerenza u sinerġija possibbli ma' strumenti oħra rilevanti

Il-proposta hija msejsa fuq il-Komunikazzjoni tal-Kummissjoni tal-2009[44] billi tiddefinixxi l-kompiti tal-Osservatorju Ewropew tal-Falsifikazzjoni u l-Piraterija. L-għanijiet tal-proposta huma konformi mal-politiki u l-istrateġiji eżistenti tal-UE, bħall-Ewropa 2020[45]. Huma konformi wkoll mal-prijoritajiet u l-proposti prinċipali tal-Kummissjoni rigward l-istrateġija tad-DPI għall-Ewropa[46].

Tul ta' żmien u impatt finanzjarju

( Porposta/inizjattiva fuq perjodu limitat

- ( Proposta/inizjattiva fis-seħħ mill-[JJ/XX]SSSS sal-[JJ/XX]SSSS

- ( Impatt finanzjarju mis-SSSS sal-SSSS

( Porposta/inizjattiva fuq perjodu mhux limitat

- Implimentazzjoni b'perjodu li jibda mill-2012 sal-2013 (dejjem jekk ir-Regolament ikun daħal fis-seħħ matul l-2012),

- wara li tkun operazzjonali għal kollox.

Metodu(i) ta' ġestjoni previsti[47]

( Ġestjoni diretta ċentralizzata mill-Kummissjoni

( Ġestjoni indiretta ċentralizzata bid-delegazzjoni tal-kompiti ta' implimentazzjoni lil:

- ( aġenziji eżekuttivi

- ( korpi mwaqqfa mill-Komunitajiet[48]

- ( korpi nazzjonali fis-settur pubbliku/korpi b'missjoni fis-servzz pubbliku

- ( persuni li ngħataw ir-responsabbiltà tal-implimentazzjoni tal-azzjonijiet speċifiċi skont it-Titlu V tat-Trattat dwar l-Unjoni Ewropea u li ġew identifikati fl-att bażiku rilevanti fit-tifsira tal-Artikolu 49 tar-Regolament Finanzjarju

( Ġestjoni konġunta mal-Istati Membri

( Ġestjoni diċentralizzata mal-pajjiżi terzi

( Ġestjoni konġunta mal-organizzazzjonijiet internazzjonali (għad trid tiġi speċifikata)

F'każ li jiġi indikat iktar minn mudell wieħed ta' ġestjoni, jekk jogħġbok agħti d-dettalji fis-sezzjoni "Kummenti"

Kummenti

Hu propost li jiġu delegati l-kompiti lil korp diġà eżistenti, jiġifieri l-Uffiċċju għall-Armonizzazzjoni fis-Suq Intern (OHIM).

MIŻURI TAL-ĠESTJONI

Monitoraġġ u regoli tar-rappurtar

Speċifika l-frekwenza u l-kundizzjonijiet.

Ir-Regolament propost jipprovdi li, fi żmien ħames snin mid-dħul fis-seħħ, il-Kummissjoni għandha tivvaluta l-prestazzjoni tal-Uffiċċju fl-operazzjoni ta' dak ir-Regolament, b'mod partikolari fir-rigward tal-impatt tiegħu fuq il-protezzjoni tad-drittijiet tal-proprjetà intellettwali. Ir-rapport tal-evalwazzjoni li ħejjiet il-Kummissjoni dwar l-attivitajiet tal-Uffiċċju mwettqa skont ir-Regolament propost jinkludi: Valutazzjoni tar-riżultati li se jiġu ppubblikati mill-Osservatorju f'rapporti li joħorġu kull tliet xhur u fir-rapport annwali, msejsa fuq dejta li tinftiehem u li tkun oġġettiva. Kwalunke rapport ta' awditjar li jsir mill-OHIM dwar ix-xogħol tal-Osservatorju; Stħarriġ tal-partijiet interessati pubbliċi u privati dwar il-perċezzjonijiet tagħhom tax-xogħol tal-Uffiċċju, f'termini ta' fehim, affidabbiltà, preċizjoni, utilità, oġġettività u indipendenza tar-riżultati tiegħu. Il-kriterji li se jintużaw sabiex jiġu vvalutati l-effett u l-impatt tal-miżura se jkunu, b'mod partikolari: Il-progress li jkun sar fl-iżvilupp tal-attivitajiet tal-Osservatorju; Is-suċċess tal-istrateġija tal-Osservatorju; L-użu effiċjenti tar-riżorsi; L-impatt u l-implikazzjonijiet tal-partijiet interessati pubbliċi u privati. Li ġejjin għandhom iservu ta' indiċi ewlenin ta' monitoraġġ: Il-proċess fil-ħin tal-analiżi tal-kritika u tal-pubblikazzjoni tar-rapporti dwar l-aqwa prattiki, l-iżvilupp u t-twettiq ta' għodod dwar it-tqajjim tal-kuxjenza, u l-iżvilupp, it-twassil u l-manutenzjoni tal-bażijiet tad-dejta; Il-kwalità tar-rapporti u tar-riċerka (preċiżjoni u utilità), il-kwalità u l-impatt tal-istrateġiji li għandhom jiżviluppaw fl-oqsma tal-għarfien pubbliku, ir-riċerka u t-taħriġ, inkluż l-għadd ta' kampanji mwettqa b'suċċess u l-għadd ta' persuni mħarrġa u l-aċċessibbiltà tad-dejta. |

Ġestjoni u sistema tal-kontroll

Riksju(i) indentifika(i)

- Il-kompiti l-ġodda tal-Uffiċċju għandhom iservu wkoll sabiex issir valutazzjoni, fil-livell tal-Kummissjoni, ta' kwalunkwe attivitajiet addizzjonali li huma meħtieġa fil-livell tal-UE u x'għandhom ikunu dawn l-attivitajiet. Għalhekk jeħtieġ ikun żgurat li l-programm ta' ħidma u l-prijoritajiet iffissati mill-Uffiċċju huma konformi mal-ħtiġijiet tal-informazzjoni tal-Kummissjoni. Id-delegazzjoni għall-aġenzija toħloq riskju li dan l-alinjament mhuwiex imħares fil-prattika.

- L-enfasi attwali tal-Uffiċċju dwar it-trademarks u d-disinnji toħloq riskju li d-drittijiet tal-awtur u titli oħra ta' proprjetà intellettwali ma jiġux trattati bl-istess prijorità bħal ta' qabel.

Se tinħoloq valutazzjoni tar-riskju sħiħ abbażi tal-kriterji ta' hawn fuq.

Metodu(i) ta' ġestjoni previsti

Se jsiru valutazzjonijiet regolari tar-riskju u rapporti ta' analiżi, abbażi tar-rapporti annwali tal-Uffiċċju u l-Kummissjoni se twettaq evalwazzjoni.

Miżuri li jipprevjenu l-frodi u l-irregularitajiet

Speċifika l-prevenzjoni eżistenti jew prevista u l-miżuri ta' protezzjoni.

L-OHIM diġà għandu politiki u proċeduri riġidi f'dan il-qasam.

IMPATT FINANZJARJU STMAT TAL-PROPOSTA/INIZJATTIVA

Intestatura(i) tal-qafas finanzjarju multiannwali u l-linja(i) tal-baġit tal-ispiża affettwati

- Linji tal-baġit tan-nefqa eżistenti

Skont l-intestaturi tal-qafas finanzjarju multiannwali u l-linji tal-baġit.

Intestatura tal-qafas finanzjarju multiannwali | Linja tal-baġit | Tip ta' nefqa | Kontribuzzjoni |

Numru tad- [Deskrizzjoni………………………...……….] | DA/NDA ([49]) | mill-pajjiżi tal-EFTA[50] | mill-pajjiżi kandidati[51] | mill-pajjiżi terzi | fit-tifsira tal-Artikolu 18(1)(aa) tar-Regolament Finanzjarju |

12 01 01 Nefqa relatata mal-istaff impjegat bħalissa fil-qasam ta' politika ‘Suq Intern’ | AMD | LE | LE | LE | LE |

12 01 03 Nefqa relatata mat-tagħmir, għamara u servizzi fil-qasam ta' politika ‘Suq Intern’ | AMD | LE | LE | LE | LE |

- L-inizjattiva proposta se twassal għal tfaddil fuq dawn il-linji tal-baġit.

- Linji tal-baġit ġodda mitluba

Skont l-intestaturi tal-qafas finanzjarju multiannwali u l-linji tal-baġit .

Intestatura tal-qafas finanzjarju multiannwali | Linja tal-baġit | Tip ta' nefqa | Kontribuzzjoni |

Numru tal- [Intestatura……………………………………..] | Differenzjat/mhux differenzjat | mill-pajjiżi tal-EFTA | mill-pajjiżi kandidati | mill-pajjiżi terzi | fit-tifsira tal-Artikolu 18(1)(aa) tar-Regolament Finanzjarju |

[XX.YY.YY.YY] | IVA/LE | IVA/LE | IVA/LE | IVA/LE |

Impatt stmat fuq in-nefqa

Sommarju tal-impatt stmat fuq in-nefqa

EUR miljuni (sa 3 punti deċimali)

Intestatura tal-qafas finanzjarju multiannwali: | Numru | Politika tas-Suq Intern |

EUR miljuni (sa 3 punti deċimali)

Nefqa oħra ta' natura amministrattiva rilaxxata

- (f'Miljuni ta' EUR)

Tip ta' nefqa | Nefqa oħra ta' natura amministrattiva rilaxxata |

mill-2013 |

12 01 02 11 02 – Konferenzi u Laqgħat | 0.040 |

TOTAL tan-nefqa amministrattiva rilaxxata | 0.040 |

Il-kostijiet tal-laqgħat tal-Osservatorju ma għandhomx jibqgħu joħorġu mill-baġit tal-UE minħabba li dawn il-kostijiet jistgħu jiġu ffinanzjati mill-baġit separat tal-OHIM.

Abbażi tan-nefqa 2010, se tiġi rilaxxata s-somma ta' EUR 40 000.

Rekwiżiti stmati tar-riżorsi umani

- ( Il-proposta/inizjattiva ma teħtieġx l-użu tar-riżorsi umani.

- ( Il-proposta/inizjattiva teħtieġ l-użu tar-riżorsi umani, kif spjegat hawn taħt:

Stima li għandha tiġi espressa f'ammonti sħaħ (jew għall-anqas sa punt wieħed deċimali)

Sena N | Sena N+1 | Sena N+2 | Sena N+3 | … daħħal kemm tista' snin skont il-ħtieġa sabiex turi l-perjodu tal-impatt (ara l-punt 1.6) |

( Karigi fil-pjan tal-istabbiliment (uffiċjali u aġenti temporanji) |

XX 01 01 01 (Kwartieri u Uffiċji tar-Rappreżentazzjoni tal-Kummissjoni) |

XX 01 01 02 (Delegazzjonijiet) |

XX 01 05 01 (Riċerka indiretta) |

XX 01 05 01 (Riċerka diretta) |

( Persunal estern (Ekwivalenti tal-Unità Full Time: FTE)[59] |

XX 01 02 01 (CA, INT, SNE mill-"pakkett globali") |

XX 01 02 02 (CA, INT, JED, LA u SNE fid-delegazzjonijiet) |

XX 01 05 02 (CA, INT, SNE – Riċerka diretta) |

Linji oħra tal-baġit (speċifika) |

TOTAL |

XX huwa l-qasam tal-politika jew it-titlu tal-baġit ikkonċernat.

Ir-riżorsi umani meħtieġa għandhom jiġu ssodisfati mill-istaff tal-DĠ li diġà ġie assenjat għall-immaniġġar tal-azzjoni u/jew li ċċaqlaq fi ħdan id-DĠ, flimkien jekk ikun neċessarju ma' kwalunkwe allokazzjoni addizzjonali li tista' tingħata lid-DĠ fit-tmexxija skont il-proċedura ta' allokazzjoni annwali u fid-dawl tal-ostakli relatati mal-baġit.

Deskrizzjoni tal-kompiti li għandhom jitwettqu:

Uffiċjali u aġenti temporanji |

Persunal estern |

Għadd u tip ta' riżorsi umani rilaxxati

Tip ta' kariga | Riżorsi umani rilaxxati u li għandhom jiġu assenjati għal prijoritajiet oħra (permezz ta' ċaqliq lejn servizzi oħra tal-Kummissjoni) |

2013 |

Uffiċjali u aġenti temporanji | AD | 0 |

AST | 0 |

Total tal-karigi | 0 |

Persunal estern | Aġenti kuntrattwali | 0 |

Esperti Nazzjonali Ssekondati |

Total tal-persunal estern | 0 |

TOTAL tal-Unitajiet Ekwivalenti għal Full Time (FTE) | 0 |

Il-membri tal-Istaff attwali AST fi ħdan l-organizzazzjoni tal-Osseratorju huma ssekondati mill-OHIM. L-għajnuna tiegħu fil-ġejjieni mhijiex se tibqa' tkun meħtieġa fil-Kummissjoni u l-kariga se tingħata lura lill-Uffiċċju.

Kompatibbiltà mal-qafas finanzjarju multiannwali attwali

- ( Proposta/inizjattiva hija kompatibbli mal-qafas finanzjarju multiannwali attwali.

- ( Proposta/inizjattiva se tinvolvi l-ipprogrammar mill-ġdid tal-intestatura rilevanti fil-qafas finanzjarju multiannwali.

Spjega x'tip ta' programmar mill-ġdid hu meħtieġ billi tispeċifika l-linji tal-baġit ikkonċernati u l-ammonti korrispondenti.

- ( Proposta/inizjattiva teħtieġ l-applikazzjoni tal-istrument tal-flessibbiltà jew ir-reviżjoni tal-qafas finanzjarju multiannwali[62].

Spjega x'inhu meħtieġ billi tispeċifika l-intestaturi u l-linji tal-baġit ikkonċernati u l-ammonti korrispondenti.

Kontribuzzjonijiet mill-partijiet terzi

- Il-proposta/inizjattiva ma tippermettix li jkun hemm kofinanzjament mill-partijiet terzi

- Il-proposta/inizjattiva tipprovdi għall-kofinanzjament skont kif inhu stmat hawn taħt:

Approprjazzjonijiet f'EUR miljuni (sa 3 punti deċimali)

Sena N | Sena N+1 | Sena N+2 | Sena N+3 | … daħħal kemm tista' snin skont il-ħtieġa sabiex turi l-perjodu tal-impatt (ara l-punt 1.6) | Total |

Sena N | Sena N+1 | Sena N+2 | Sena N+3 | … daħħal kemm tista' kolonni skont il-ħtieġa sabiex turi l-perjodu tal-impatt (ara l-punt 1.6) |

Artikolu …………. | | | | | | | | | |Għad-dħul mixxellanju assenjat, speċifika l-linja/i tan-nefqa tal-baġit affetwat/i.

Speċifika l-metodu għall-kalkolu tal-impatt fuq id-dħul.

[1] Komunikazzjoni mill-Kummissjoni: ‘Ewropa 2020: Strateġija għal tkabbir intelliġenti, sostenibbli u inklussiv’ tat-3 ta’ Marzu 2010, COM(2010) 2020.

[2] Ara b’mod partikolari l-Komunikazzjoni tal-Kummissjoni tas-16 ta’ Lulju 2008: ‘Strateġija għall-Ewropa dwar id-Drittijiet tal-Proprjetà Industrijali’, COM(2008) 465 finali.

[3] OECD, Il-problema ewlenija tal-falsifikazzjoni u l-piraterija tal-prodotti tanġibbli (Magnitude of counterfeiting and piracy of tangible products) – aġġornament ta’ Novembru 2009, http://www.oecd.org/document/23/0,3343.

[4] Kummissjoni Ewropea, id-Direttorat Ġenerali għat-Tassazzjoni u l-Unjoni Doganali, ‘Report on EU Customs enforcement of intellectual property rights – 2009’ http://ec.europa.eu/taxation_customs/customs/customs_controls/counterfeit_piracy/statistics/index_en.htm .

[5] http://www.iccwbo.org/bascap/id35360/index.html.

[6] TERA Consultants , ' Building a Digital Economy: Marzu 2010, http://www.iccwbo.org/bascap/id35360/index.html.

[7] 'Report on EU Customs enforcement of intellectual property rights - 2009', asra n-Nota ta' Qiegħ il-Paġna nru 4..

[8] Technopolis (2007), ‘Effects of counterfeiting on EU SMEs’, http://ec.europa.eu/enterprise/enterprise_policy/industry/doc/Counterfeiting_Main%20Report_Final.pdf.

[9] Frontier Economics, (Mejju 2009), ‘L-impatt tal-iffalisifikar fuq il-Gvernijiet u l-Konsumaturi’ (‘The impact of counterfeiting on Governments and Consumers’): http://www.iccwbo.org/uploadedFiles/BASCAP/Pages/Impact%20of%20Counterfeiting%20on%20Governments%20and%20Consumers%20-%0Final%20doc.pdf.

[10] UNICRI, ‘Counterfeiting: a global spread’, 2008, http://counterfeiting.unicri.it/report2008.php.

[11] Riżoluzzjoni tal-Kunsill tal-25.09.2008, ĠU C 253, 4.10.2008, p.1.

[12] Komunikazzjoni tal-Kummissjoni tal-11 ta’ Settembru 2009: ‘Li ssaħħaħ l-infurzar tad-drittijiet tal-proprjetà intellettwali fis-suq intern’, COM(2009) 467 finali .

[13] Riżoluzzjoni tal-Kunsill tal-1 ta’ Marzu 2010 dwar l-infurzar tad-drittijiet tal-proprjetà intellettwali fis-suq intern (2010/C 56/01), ĠU C56, 6.3.2010, p. 1.

[14] Riżoluzzjoni tal-Parlament Ewropew tat-22 ta’ Settembru 2010, 2009/2178(INI).

[15] ADE, ‘Evalwazzjoni tal-Istrateġija tal-Infurzar tad-Drittijiet tal-Proprjetà Intellettwali f’Pajjiżi Terzi’ (‘Evaluation of the Intellectual Property Rights Enforcement Strategy in Third Countries’), Novembru 2010, http://trade.ec.europa.eu/doclib/cfm/doclib_section.cfm?sec=180&langId=en

[16] COM(2010)2020.

[17] COM(2008)465; ara wkoll il-Komunikazzjoni tal-Kummissjoni tas-27 ta’ Ottubru 2010: "Towards a Single Market Act – for a highly competitive social market economy" (Lejn Att dwar Suq Uniku – għal ekonomija ta' suq soċjali kompetittiv għall-aħħar), COM(2010)608 finali.

[18] Dawn il-laqgħat saru fl-4 ta’ Settembru 2009, fl-14 ta’ Diċembru 2009, fis-16 ta’ Frar 2010 u fl-10 ta’ Ġunju 2010.

[19] Komunikazzjoni tal-Kummissjoni tas-16 ta’ Lulju 2008: ‘Strateġija għall-Ewropa dwar id-Drittijiet tal-Proprjetà Industrijali’, COM(2008) 465 finali, u COM(2009) 467 finali.

[20] Ir-Riżoluzzjonijiet tal-Kunsill tal-25 ta’ Settembru 2008 u tal-1 ta’ Marzu 2010.

[21] Ir-Riżoluzzjoni tat-22 ta’ Settembru 2010 dwar l-infurzar tad-drittijiet tal-proprjetà intellettwali fis-suq intern (2009/2178(INI)), A7-0175/2010.

[22] Għad-dettalji rreferi għat-test tal-istudju ppreparat mill-Istitut Max Planck għall-Proprjetà Intellettwali, il-Liġi tal-Kompetizzjoni u tat-Taxxa, disponibbli fuq http://ec.europa.eu/internal_market/indprop/tm/index_en.htm.

[23] http://www.premiercercle.com/sites/ip2010/overview.php.

[24] Iż-żewġ korpi huma komposti minn rappreżentanti tal-Istati Membri u tal-Kummissjoni.

[25] Ara SEC(2007)530.

[26] ĠU C , , p. .

[27] Komunikazzjoni mill-Kummissjoni tat-3 ta’ Marzu 2010: Ewropa 2020: Strateġija għal tkabbir intelliġenti, sostenibbli u inklussiv', COM (2010) 2020.

[28] ĠU C 253, 4.10.2008, p.1.

[29] COM(2009) 467, 14.09.2009.

[30] Riżoluzzjoni tal-Kunsill tal-1 ta’ Marzu 2010 dwar l-infurzar tad-drittijiet tal-proprjetà intellettwali fis-suq intern (2010/C 56/01), ĠU C56, 6.3.2010, p. 1.

[31] Konklużjonijiet tal-Kunsill tal-25 ta’ Mejju 2010 dwar ir-reviżjoni futura tas-sistema tat-Trade Marks fl-Unjoni Ewropea, ĠU C 140, 29.5.2010, p. 22.

[32] ĠU L 195, 2.6.2004, p. 16.

[33] Riżoluzzjoni tal-Parlament Ewropew tat-22 ta’ Settembru 2010, 2009/2178(INI).

[34] ĠU L 78, 24.3.2009, p. 1.

[35] ABM: Activity-Based Management (Ġestjoni msejsa fuq l-Attività) – ABB: Activity-Based Budgeting (Baġitjar imsejsa fuq l-Attività).

[36] Kif imsemmi fl-Artikolu 49(6)(a) jew (b) tar-Regolament Finanzjarju.

[37] COM(2010)2020.

[38] COM(2008)465.

[39] OECD, Il-problema ewlenija tal-falsifikazzjoni u l-piraterija tal-prodotti tanġibbli (Magnitude of counterfeiting and piracy of tangible products) – aġġornament ta’ Novembru 2009, http://www.oecd.org/document/23/0,3343.

[40] TERA Consultants, ‘Il-Bini ta’ Ekonomija Diġitali:

[41] Konsulenti TERA , ' Building a Digital Economy: Marzu 2010, http://www.iccwbo.org/bascap/id35360/index.html.

[42] Il-Kummissjoni Ewropea, Direttorat Ġenerali għat-Tassazzjoni u l-Unjoni Doganali, ‘Report on EU Customs enforcement of intellectual property rights – 2009’ http://ec.europa.eu/taxation_customs/customs/customs_controls/counterfeit_piracy/statistics/index_en.htm .

[43] Technopolis (2007), ‘Effects of counterfeiting on EU SMEs’, (Effetti tal-falsifikazzjoni fuq l-SMEs tal-UE) http://ec.europa.eu/enterprise/enterprise_policy/industry/doc/Counterfeiting_Main%20Report_Final.pdf.

[44] COM(2009) 467 finali

[45] COM(2010)2020.

[46] COM(2008)465; ara wkoll il-Komunikazzjoni tal-Kummissjoni tas-27 ta’ Ottubru 2010: Towards a Single Market Act – for a highly competitive social market economy’, COM(2010)608 finali (mhux disponibbli bil-Malti).

[47] Dettalji dwar il-metodi ta' ġestjoni u referenzi għar-Regolament Finanzjarju jinsabu fis-sit BudgWeb: http://www.cc.cec/budg/man/budgmanag/budgmanag_en.html

[48] Kif imsemmi fl-Artikolu 185 tar-Regolament Finanzjarju.

[49] AD= Approprjazzjonijiet differenzjati / AMD= Approprjazzjonijiet Mhux Differenzjati

[50] EFTA: Assoċjazzjoni Ewropea tal-Kummerċ Ħieles

[51] Il-pajjiżi kandidati u, fejn applikabbli, pajjiżi kandidati potenzjali mill-Punent tal-Balkani.

[52] Sena N hija s-sena li fiha tibda l-implimentazzjoni tal-proposta/inizjattiva.

[53] Assistenza teknika u/jew amministrattiva u nefqa li tappoġġa l-implimentazzjoni tal-programmi tal-UE u/jew azzjonijiet (li kienu linji "BA"), riċerka indiretta, riċerka diretta.

[54] Sena N hija s-sena li fiha tibda l-implimentazzjoni tal-proposta/inizjattiva.

[55] Ir-riżultati huma prodotti u servizzi li jingħataw (eż. l-għadd ta' skambji tal-istudenti ffinanzjati, l-għadd ta' km ta' toroq mibnija, eċċ).

[56] Kif deskritt fit-Taqsima 1.4.2. "Għan(ijiet) speċifiku(/ċi)...."

[57] Sena N hija s-sena li fiha tibda l-implimentazzjoni tal-proposta/inizjattiva.

[58] Assistenza teknika u/jew amministrattiva u nefqa li tappoġġa l-implimentazzjoni tal-programmi tal-UE u/jew azzjonijiet (li kienu linji "BA"), riċerka indiretta, riċerka diretta.

[59] CA = Aġent Kuntrattwali; INT= staff tal-aġenzija (" Intérimaire") ; JED= " Jeune Expert en Délégation" (Esperti Żgħażagħ fid-Delegazzjonijiet); LA = Aġent Lokali; SNE= Espert Nazzjonali Ssekondat;

[60] Skont il-limitu tal-persunal estern minn approprjazzjonijiet operazzjonali (dawk li kienu linji "BA").

[61] Essenzjalment għall-Fondi Strutturali, il-Fond Agrikolu Ewropew għall-Iżvilupp (FAEŻR) u l-Fond Ewropew għas-Sajd (EFF).

[62] Ara l-punti 19 u 24 tal-Ftehim Interistituzzjonali.

[63] Fir-rigward tar-riżorsi tradizzjonali tagħha stess (taxxi doganali, imposti fuq iz-zokkor), l-ammonti indikati għandhom ikunu l-ammonti netti jiġifieri l-ammonti grossi wara li jkun hemm tnaqqis ta' 25% għall-kostijiet relatati mal-ġbir.