This document is an excerpt from the EUR-Lex website
Document 52011PC0210
Proposal for a COUNCIL REGULATION amending Regulation (EC) No 1425/2006 imposing a definitive anti-dumping duty on imports of certain plastic sacks and bags originating in the People's Republic of China and Thailand, and terminating the proceeding on imports of certain plastic sacks and bags originating in Malaysia
Proposta għal REGOLAMENT TAL-KUNSILL li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw fir-Repubblika tal-Poplu taċ-Ċina u fit-Tajlandja, u li jtemm il-proċediment dwar l-importazzjonijiet ta’ ċerti xkejjer u basktijiet tal-plastik li joriġinaw fil-Malażja
Proposta għal REGOLAMENT TAL-KUNSILL li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw fir-Repubblika tal-Poplu taċ-Ċina u fit-Tajlandja, u li jtemm il-proċediment dwar l-importazzjonijiet ta’ ċerti xkejjer u basktijiet tal-plastik li joriġinaw fil-Malażja
/* KUMM/2011/0210 finali - NLE 2011/0088 */
/* KUMM/2011/0210 finali - NLE 2011/0088 */ Proposta għal REGOLAMENT TAL-KUNSILL li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw fir-Repubblika tal-Poplu taċ-Ċina u fit-Tajlandja, u li jtemm il-proċediment dwar l-importazzjonijiet ta’ ċerti xkejjer u basktijiet tal-plastik li joriġinaw fil-Malażja
[pic] | KUMMISSJONI EWROPEA | Brussel 18.4.2011 KUMM(2011) 210 finali 2011/0088 (NLE) Proposta għal REGOLAMENT TAL-KUNSILL li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw fir-Repubblika tal-Poplu taċ-Ċina u fit-Tajlandja, u li jtemm il-proċediment dwar l-importazzjonijiet ta’ ċerti xkejjer u basktijiet tal-plastik li joriġinaw fil-Malażja MEMORANDUM TA’ SPJEGAZZJONI 1. IL-KUNTEST TAL-PROPOSTA 2. Raġunijiet għall-proposta u l-għanijiet tagħha Din il-proposta tikkonċerna l-applikazzjoni tar-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea. - Il-kuntest ġenerali Din il-proposta qiegħda ssir fil-kuntest tal-implimentazzjoni tar-Regolament bażiku u hija r-riżultat ta’ investigazzjoni li saret b’konformità mar-rekwiżiti sostantivi u proċedurali stabbiliti fir-Regolament bażiku. - Dispożizzjonijiet eżistenti fil-qasam tal-proposta Ir-Regolament tal-Kunsill (KE) Nru 1425/2006 li jimponi dazju antidumping definittiv fuq l-importazzjonijiet ta' ċerti xkejjer u basktijiet tal-plastik li joriġinaw fir-Repubblika tal-Poplu taċ-Ċina u fit-Tajlandja. - Il-konsistenza ma’ politiki oħra u mal-għanijiet tal-Unjoni Mhux applikabbli. 3. KONSULTAZZJONI MAL-PARTIJIET INTERESSATI U VALUTAZZJONI TAL-IMPATT 4. Konsultazzjoni mal-partijiet interessati Il-partijiet interessati kkonċernati mill-proċedura kellhom il-possibbiltà li jiddefendu l-interessi tagħhom matul l-investigazzjoni, skont id-dispożizzjonijiet tar-Regolament bażiku. - Ġbir u użu ta' għarfien espert Ma kienx hemm ħtieġa ta’ esperti esterni. - Stima tal-impatt Din il-proposta hija r-riżultat tal-implimentazzjoni tar-Regolament bażiku. Ir-Regolament bażiku ma fihx dispożizzjonijiet għal valutazzjoni tal-impatt ġenerali iżda fih lista eżawrjenti ta’ kundizzjonijiet li jeħtieġ li jiġu vvalutati. 5. ELEMENTI LEGALI TAL-PROPOSTA 6. Taqsira tal-azzjoni proposta Il-proposta mehmuża għal Regolament tal-Kunsill hija bbażata fuq is-sejba definittiva li produttur esportatur Ċiniż wieħed issodisfa l-kriterji kollha biex jingħata l-istatus ta' produttur esportatur ġdid, u għaldaqstant għandu jkun suġġett għad-dazju antidumping medju b'piż iddifferenzjat ta' 8,4 %. - Il-bażi ġuridika Ir-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea. - Il-prinċipju tas-sussidjarjetà Il-proposta taqa’ fil-kompetenza esklussiva tal-Unjoni Ewropea. Għaldaqstant il-prinċipju tas-sussidjarjetà ma japplikax. - Il-prinċipju tal-proporzjonalità Il-proposta tikkonforma mal-prinċipju tal-proporzjonalità għar-raġunijiet li ġejjin: Il-forma tal-azzjoni hija deskritta fir-Regolament bażiku msemmi hawn fuq u ma tħallix lok għal deċiżjoni nazzjonali. L-indikazzjoni ta’ kif il-piż finanzjarju u amministrattiv li jaqa’ fuq l-Unjoni, il-gvernijiet nazzjonali, l-awtoritajiet reġjonali u lokali, l-operaturi ekonomiċi u ċ-ċittadini huwa mminimizzat u pproporzjonat mal-għan tal-proposta, mhijiex applikabbli. - L-għażla tal-istrumenti Strumenti proposti: regolament. Mezzi oħra ma jkunux adegwati minħabba r-raġuni li ġejja: Mezzi oħra ma jkunux adegwati għaliex ir-Regolament bażiku ma jipprevedix għażliet alternattivi. 7. IMPLIKAZZJONI BAġITARJA Il-proposta ma għandha l-ebda implikazzjoni għall-baġit tal-Unjoni. 2011/0088 (NLE) Proposta għal REGOLAMENT TAL-KUNSILL li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw fir-Repubblika tal-Poplu taċ-Ċina u fit-Tajlandja, u li jtemm il-proċediment dwar l-importazzjonijiet ta’ ċerti xkejjer u basktijiet tal-plastik li joriġinaw fil-Malażja IL-KUNSILL TAL-UNJONI EWROPEA, Wara li kkunsidra t-Trattat dwar il-Funzjonament tal-Unjoni Ewropea, Wara li kkunsidra r-Regolament tal-Kunsill (KE) Nru 1225/2009 tat-30 ta' November 2009 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea[1] (ir-Regolament bażiku), Wara li kkunsidra r-Regolament tal-Kunsill (KE) Nru 1425/2006[2] u b'mod partikolari l-Artikolu 2 tiegħu, Wara li kkunsidra l-proposta mressqa mill-Kummissjoni wara konsultazzjoni mal-Kumitat Konsultattiv, Billi: A. PROĊEDURA PREĊEDENTI 8. Permezz tar-Regolament (KE) Nru 1425/2006, il-Kunsill impona dazju antidumping definittiv fuq l-importazzjonijiet fl-Unjoni ta' ċerti xkejjer u basktijiet tal-plastik li joriġinaw, inter alia , fir-Repubblika tal-Poplu taċ-Ċina ('RPĊ'). Billi hemm numru kbir ta’ produtturi esportaturi li kkooperaw fl-investigazzjoni li wasslet għall-impożizzjoni tad-dazju antidumping (“l-investigazzjoni oriġinali”), fir-RPĊ, intgħażel kampjun ta’ produtturi esportaturi Ċiniżi u rati individwali tad-dazju li jvarjaw minn 4,8 % għal 12,8 % ġew imposti fuq il-kumpaniji inklużi fil-kampjun, waqt li kumpaniji oħra li kkooperaw imma li mhumiex inklużi fil-kampjun ingħataw rata ta’ dazju ta’ 8,4 %. Permezz tar-Regolament (KE) Nru 249/2008 ġiet stabbilita rata ta' dazju ta' 4,3 % għal ċerta kumpanija. Ġiet imposta rata ta’ dazju ta’ 28,8 % għar-RPĊ fuq kumpaniji li jew ma ddikjarawx lilhom infushom jew inkella ma kkooperawx fl-investigazzjoni. 9. L-Artikolu 2 tar-Regolament tal-Kunsill (KE) Nru 1425/2006 jistipula li fejn xi produttur esportatur ġdid fir-RPĊ jipprovdi biżżejjed evidenza lill-Kummissjoni li: 10. ma esportax lejn il-Komunità l-prodotti deskritti fl-Artikolu 1(1) ta' dak ir-Regolament matul il-perjodu ta’ investigazzjoni (l-1 ta’ April 2004 sal-31 ta’ Marzu 2005) (“il-perjodu tal-investigazzjoni”) (l-ewwel kriterju); 11. mhux relatat ma' xi wieħed mill-esportaturi jew produtturi fir-RPĊ li huma suġġetti għall-miżuri antidumping imposti minn dan ir-Regolament (it-tieni kriterju); kif ukoll 12. fil-fatt esporta lejn il-Komunità l-prodotti kkonċernati wara l-perjodu tal-investigazzjoni li fuqu huma bbażati l-miżuri, jew li daħal f'obbligu kuntrattwali irrevokabbli biex jesporta kwantità sinifikattiva lejn il-Komunità (it-tielet kriterju); 13. hemmhekk l-Artikolu 1 ta’ dan ir-Regolament jista’ jiġi emendat billi l-produttur esportatur ġdid jingħata r-rata ta’ dazju applikabbli lill-kumpaniji li jikkooperaw mhux inklużi fil-kampjun, jiġifieri 8,4 %. 14. Il-lista tal-kumpaniji li ngħataw ir-rata ta' dazju medju b'piż iddifferenzjat ta' 8,4 % għall-kumpaniji li kkooperaw ġiet emendata bir-Regolamenti (KE) Nru 249/2008[3] u (KE) Nru 189/2009[4] u bir-Regolament tal-Kunsill (UE) Nru XXX. B. TALBIET TA' PRODUTTUR ESPORTATUR ĠDID 15. Sitt kumpaniji Ċiniżi applikaw biex jingħataw l-istess trattament bħall-kumpaniji li kkooperaw fl-investigazzjoni oriġinali li ma kinux inklużi fil-kampjun (“trattament lil produttur esportatur ġdid”). 16. Sar eżami biex jiġi stabbilit jekk is-sitt applikanti jissodisfawx il-kriterji biex jingħataw trattament ta' produttur esportatur ġdid kif stipulat fl-Artikolu 2 tar-Regolament tal-Kunsill (KE) Nru 1425/2006. 17. Intbagħtet formola ta' applikazzjoni lis-sitt applikanti kollha li ntalbu jipprovdu evidenza biex juru li ssodisfaw it-tliet kriterji msemmija hawn fuq. 18. Kumpanija minnhom li talbet trattament ta’ produttur esportatur ġdid ma pprovdietx l-informazzjoni mitluba. Għalhekk ma kienx possibbli li jiġi vverifikat jekk din il-kumpaniji ssodisfatx il-kriterji stipulati fl-Artikolu 2 tar-Regolament tal-Kunsill (KE) Nru 1425/2006 u t-talba tagħha kellha tiġi miċħuda. 19. Kumpanija minnhom irtirat l-applikazzjoni tagħha. 20. Kumpanija minnhom ma esportatx il-prodott ikkonċernat lill-Unjoni u lanqas ma daħlet f'obbligu kuntrattwali irrevokabbli biex tesporta kwantità sinifikanti lill-Unjoni wara l-perjodu ta' investigazzjoni. Għaldaqstant, ma ssodisfatx it-tielet kriterju u t-talba tagħha għaldaqstant ġiet miċħuda. 21. Kumpanija minnhom ma kinetx ikkunsidrata bħala produttur esportatur ġdid peress li hija relatata ma' produttur esportatur fir-RPĊ li hu suġġett għall-miżuri antidumping imposti mir-Regolament (KE) Nru 1425/2006. Għalhekk ma ssodisfatx it-tieni kriterju u t-talba tagħha għaldaqstant ġiet miċħuda. 22. Kumpanija ressqet informazzjoni qarrieqa dwar id-data tal-istabbiliment. Dan jitfa dubji dwar il-validità tal-informazzjoni pprovduta, inkluż il-perjodu ta' żmien li l-prodott ikkonċernat li seta' jiġi esportat lejn l-UE. It-talba tagħha għaldaqstant ġiet miċħuda. 23. L-evidenza pprovduta mill-produttur esportatur Ċiniż li fadal kienet ikkunsidrata biżżejjed biex turi li jissodisfa l-kriterji stipulati fl-Artikolu 2 tar-Regolament tal-Kunsill (KE) Nru 1425/2006. Dan il-produttur esportatur jista' għaldaqstant jingħata r-rata tad-dazju applikabbli lill-kumpaniji li jikkooperaw li mhumiex inklużi fil-kampjun, (jiġifieri 8,4 %) u b'riżultat ta' dan ismu jkun jista' jiżdied mal-lista ta' produtturi esportaturi fl-Anness I mar-Regolament tal-Kunsill (KE) Nru 1425/2006. 24. L-applikanti u l-industrija tal-Unjoni ġew infurmati bis-sejbiet tal-istħarriġ u kellhom l-opportunità li jibagħtu l-kummenti tagħhom. 25. L-argumenti u s-sottomissjonijiet kollha magħmula mill-partijiet interessati ġew analizzati u meħuda sewwa inkonsiderazzjoni fejn meħtieġ, ADOTTA DAN IR-REGOLAMENT: Artikolu 1 Il-kumpanija li ġejja għandha tiżdied mal-lista ta’ produtturi mir-Repubblika tal-Poplu taċ-Ċina elenkati fl-Anness I mar-Regolament (KE) Nru 1425/2006: Kumpanija | Belt | Kodiċi addizzjonali TARIC | Xiamen Good Plastic Co., Ltd. | Xiamen | B109 | Artikolu 2 Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea . Dan ir-Regolament għandu jorbot fl-intier tiegħu u għandu japplika direttament fl-Istati Membri kollha. Magħmul fi Brussell, Għall-Kunsill Il-President [1] ĠU L 343, 22.12.2009, p. 51. [2] ĠU L 270, 29.9.2006, p. 4. [3] ĠU L 76, 19.3.2008, p. 8. [4] ĠU L 67, 12.3.2009, p. 5.