52011PC0072

[pic] | IL-KUMMISSJONI EWROPEA |

Brussel 7.3.2011

KUMM(2011) 72 finali

2011/0046 (NLE)

Proposta għal

DEĊIŻJONI TAL-KUNSILL

dwar il-Programm Qafas tal-Komunità Ewropea tal-Enerġija Atomika (Euratom) għar-riċerka u attivitajiet ta’ taħriġ nukleari (2012 - 2013) {COM(2011) 71 final}{COM(2011) 73 final}{COM(2011) 74 final}{SEC(2011) 204 final}

MEMORANDUM TA' SPJEGAZZJONI

1. KUNTEST TAL-PROPOSTA

1.1 Raġunijiet għal u objettivi tal-proposta

It-Trattat tal-Euratom jillimita l-programmi ta’ riċerka fil-qasam nukleari għal 5 snin. Il-leġiżlazzjoni fis-seħħ ser tiskadi fit-tmiem tal-2011. Il-proposta li takkumpanja dan il-memorandum hija għall-adozzjoni ta’ deċiżjoni tal-Kunsill dwar il-Programm Qafas tal-Euratom għall-2012-2013.

Il-Programm Qafas tal-Euratom jirrigwarda attivitajiet ta’ riċerka fl-enerġija nukleari (fużjoni u fissjoni) u l-protezzjoni mir-radjazzjoni. Dan jiddetermina l-baġit ġenerali għal azzjonijiet diretti u indiretti, jistabbilixxi l-objettivi għal attivitajiet ta’ R&Ż u jispeċifika l-istrumenti li jappoġġawhom. Objettivi xjentifiċi dettaljati huma stabbiliti fil-Programmi Speċifiċi.

L-għan ġenerali tal-proposta huwa li tiżgura t-tkomplija ta’ riċerka u attivitajiet ta’ taħriġ iffinanzjati mill-UE fix-xjenza u t-teknoloġija nukleari matul is-snin 2012-13, sabiex b’hekk jinżammu l-programmi effettivi u effiċjenti li preżentament jikkatalizzaw u jikkoordinaw attivitajiet fl-Istati Membri sabiex jiġi mmassimizzat il-valur miżjud tal-UE.

Pereżempju, il-Programm Qafas tal-Euratom huwa kruċjali sabiex l-Ewropa tkun tista’ timmassimizza r-redditu fuq l-investiment f’ITER illi issa daħal fil-fażi ta’ kostruzzjoni u li jiddependi fuq l-appoġġ kontinwu tal-programm ta’ riċerka tal-Ewropa dwar l-enerġija mill-fużjoni.

Barra minn hekk, ir-riċerka kofinanzjata mill-Euratom għandha rwol importanti fit-titjib tas-sikurezza, l-effiċjenza tar-riżorsi u l-kosteffikaċja tal-fissjoni nukleari u użi oħrajn tar-radjazzjoni fl-industrija u l-mediċina, u wħud mill-proġetti ta' riċerka qegħdin jiżvolġu rwol ewlieni ta' inizjazzjoni fi ħdan l-Inizjattiva Industrijali Nukleari Sostenibbli Ewropea (European Sustainable Nuclear Industrial Initiative - ESNII), waħda mis-sitt inizjattivi industrijali Ewropej varati taħt il-pjan SET fl-2010.

Il-proposti għall-Programm Qafas tal-Euratom huma marbuta b’mod ċar mal-objettivi tal-istrateġiji Ewropa 2020 u Enerġija 2020. Il-programm għandu jikkontribwixxi għall-programm ewlieni ta’ “Unjoni ta' Innovazzjoni” billi jappoġġa riċerka prekummerċjali u jiffaċilita l-proċess ta’ trasferiment tat-teknoloġija bejn il-qasam akkademiku u l-industrija u lejn il-programm ewlieni “Ewropa effiċjenti fl-użu tar-riżorsi” billi jżid bil-kbir is-sostenibbiltà ġenerali tal-enerġija nukleari. Billi jpoġġi enfasi fuq it-taħriġ fl-attivitajiet kollha tiegħu, jagħti spinta lill-kompetittività fl-industrija nukleari preżenti u joħloq settur ġdid ta’ industrija b’teknoloġija avvanzata b’mod partikolari għall-enerġija mill-fużjoni, il-programm Euratom għandu jwassal għal tkabbir u impjiegi ġodda f’firxa wiesgħa ta' dixxiplini.

Il-proposti għall-Programm Qafas tal-Euratom isegwu l-konklużjonijiet tal-Kunsill Ewropew (4 ta' Frar 2011) li ftiehem li l-UE u l-Istati Membri tagħha se jippromwovu l-investiment fis-sorsi ta' enerġija rinnovabbli, f'tekonoloġiji sikuri u sostenibbli li jużaw livell baxx ta' karbonju u jiffukaw fuq l-implimentazzjoni tal-prijoritajiet tat-teknoloġija stabbiliti fil-pjan-SET. Kemm il-fissjoni kif ukoll il-fużjoni nukleari huma identifikati fil-Pjan SET bħala teknoloġiji tal-enerġija li l-Ewropa għandha żżomm, tiżviluppa u xxerred sabiex jintlaħqu l-objettivi fil-qasir u fit-tul għall-enerġija.

Proposti għall-Programm Qafas tal-Euratom (2012-2013) iqisu l-proċess ta' semplifikazzjoni, varat mill-Kummissjoni fl-2010, li tagħmel lill-programmi ta' riċerka attwali u futuri aktar attraenti u aċċessibbli lill-aħjar riċerkaturi u lill-aktar kumpaniji innovattivi. Miżuri ta' semplifikazzjoni għall-Programm Qafas tal-Euratom (2012-2013) se jiġu implimentati permezz tad-deċiżjoni tal-Kummissjoni C(2011)174 tal-24 ta' Jannar 2011.

1.2 Baġit għall-Programm Qafas tal-Euratom 2012-2013 (inkluż ITER)

Il-proposti għall-Programm Qafas tal-Euratom għall-2012-13 jipprovdu qafas ġenerali għal attivitajiet ta’ riċerka fil-qasam nukleari u baġit adattat. Madankollu, l-allokazzjonijiet tentattivi previsti inizjalment għar-riċerka nukleari fil-Qafas Finanzjarju Multiannwali għall-2007-2013 (Multiannual Financial Framework - MFF) huma insuffiċjenti minħabba ż-żieda sostanzjali fl-ispiża tal-proġett ITER.

Iż-żieda fl-ispiża tal-proġett ITER kienet is-suġġett ta’ valutazzjoni profonda fil-Komunikazzjoni tal-Kummissjoni “L-istatus tal-ITER u t-triq ’il quddiem possibbli”[1]. Kieku ma kellha tittieħed ebda deċiżjoni dwar iż-żieda tal-baġit għal ITER, il-kontribuzzjoni tal-Euratom għal ITER tkun limitata għall-allokazzjonijiet previsti għal dan l-iskop fl-MFF, li bħala konsegwenza żżomm lill-Euratom milli twettaq l-obbligi legali tagħha taħt il-ftehim ITER.

Fil-konklużjonijiet tiegħu tat-12 ta’ Lulju 2010, il-Kunsill afferma mill-ġdid l-impenn tiegħu lejn ITER, irrikonoxxa l-ħtiġijiet akbar ta’ finanzjament li għandu u stabbilixxa numru ta’ linji gwida dwar it-trażżin u l-immaniġġjar tal-ispejjeż. Il-Kunsill ftiehem dwar limitu ta’ valur ta’ EUR 6.6 biljun (valur fl-2008) tal-kontribuzzjoni Ewropea għall-fażi ta’ kostruzzjoni ta’ ITER sal-2020. Dan jinkludi EUR 1.4 biljun matul il-perjodu 2012-2013. Il-Kunsill ta wkoll mandat lill-Kummissjoni biex tappoġġa l-adozzjoni tal-Linja ta’ Bażi ITER, li wassal għal proposta tal-Kummissjoni biex jiġi emendat il-Qafas Finanzjarju Multiannwali, sabiex jiġu indirizzati l-ħtiġijiet ta’ finanzjament ta’ ITER[2].

Fil-laqgħa straordinarja tal-Kunsill ta’ ITER tat-28 ta’ Lulju 2010, ġiet adottata l-Linja ta’ Bażi. L-appoġġ tal-Euratom ingħata ad referendum . Il-Parlament Ewropew u l-Kunsill għadhom ma approvawx l-emendi proposti mill-Kummissjoni.

Wara l-proposta tal-Kummissjoni biex jiġi emendat l-MFF, il-Kunsill laħaq ftehim f’Novembru 2010 dwar l-użu tal-marġni eżistenti tal-baġit tal-2010 u r-riallokazzjoni fi ħdan l-MFF u s-Seba’ (7) Programm Kwadru ta’ Riċerka tal-UE sabiex jiġu koperti l-ħtiġijiet addizzjonali ta’ ITER fil-livell ta’ EUR 1.3 biljun, jiġifieri EUR 100 miljun inqas mill-ħtiġijiet ta’ EUR 1.4 biljun rikonoxxuti mill-konklużjonijiet tal-Kunsill tat-12 ta’ Lulju 2010. It-tnaqqis ta’ EUR 100 miljun għall-perjodu 2012-2013 ma jikkontradixxix, u lanqas ma jikkanċella, l-impenn tal-Kunsill għal kontribuzzjoni ġenerali Ewropea għall-ispejjeż ta’ kostruzzjoni tal-ITER fil-livell ta’ EUR 6.6 biljun.

Fil-qafas tal-proċedura ta’ konċiljazzjoni għall-baġit tal-2011 u d-diskussjoni relatata dwar l-istrument ta’ flessibbiltà, l-awtorità baġitarja ma kkonkluditx ftehim dwar finanzjament Ewropew addizzjonali għall-ITER. Għalhekk, deċiżjoni dwar dik il-kwistjoni, ibbażata fuq il-proposta tal-Kummissjoni[3] ser ikollha tittieħed kemm jista’ jkun malajr matul l-2011

Il-Kummissjoni tipproponi li, f’dawn iċ-ċirkustanzi, il-proċess leġiżlattiv dwar proposti għall-Programm Qafas tal-Euratom għall-2012-13 ser isir b’mod parallel mad-diskussjoni li tinsab għaddejja dwar il-baġit għall-ITER u l-baġit għall-2012. Ftehim dwar finanzjament addizzjonali ser jippermetti adozzjoni b’ħeffa tal-programm ta’ riċerka tal-Euratom fl-2011, deċiżjoni li ser tkun importanti fid-dawl taż-żamma tal-appoġġ tal-Euratom għall-isfruttament tal-faċilitajiet nukleari bħall-JET kif ukoll l-azzjonijiet diretti tal-JRC.

1.3 Kontenut tal-Programm Qafas tal-Euratom għall-2012-2013

Dan il-Programm Qafas huwa parti minn pakkett leġiżlattiv li jinkludi proposti għal deċiżjonijiet għall-Programm Qafas innifsu, żewġ Programmi Speċifiċi (għal azzjonijiet diretti u indiretti), u r-Regoli għall-Parteċipazzjoni. Huwa jippreżenta l-objettivi xjentifiċi u teknoloġiċi ta’ attivitajiet ta’ riċerka u jipprovdi regoli adattati għall-parteċipazzjoni ta’ organizzazzjonijiet ta’ riċerka, universitajiet u l-industrija. Dan ser ikopri l-kostruzzjoni tal-ITER, il-programm relatat ta’ riċerka dwar enerġija mill-fużjoni, l-attivitajiet ta’ riċerka dwar il-fissjoni u l-protezzjoni mir-radjazzjoni, u l-azzjonijiet diretti tal-JRC fis-sigurtà u s-sikurezza nukleari.

Il-Programm Qafas tal-Euratom għall-2012-13 b'mod ġenerali fih l-istess objettivi xjentifiċi, tekniċi u strateġiċi u juża l-istess skemi ta’ finanzjament bħall-programm FP7 preżenti tal-Euratom (2007-2011). Madankollu, il-programm evolva matul dawn l-aħħar ħames snin, u jrid iqis r-riżultati ta’ riċerka reċenti u l-kuntest politiku ġdid u l-qagħda tar-riċerka fl-Ewropa. Fir-rigward tal-politika, l-aktar żvilupp sinifikanti kien jikkonsisti fl-adozzjoni u l-approvazzjoni tal-Pjan SET bħala parti minn approċċ ta’ portafoll wiesa’ biex jiġu indirizzati sfidi futuri għall-enerġija.

L-objettivi wiesgħin għall-Programm Qafas tal-Euratom għas-snin 2012-13 huma:

- - fil-qasam tar-riċerka dwar l-enerġija mill-fużjoni, li tiġi żviluppata t-teknoloġija għal sors ta’ enerġija sikur, sostenibbli, ambjentalment responsabbli u ekonomikament vijabbli;

- - fil-qasam tal-fissjoni nukleari u l-protezzjoni mir-radjazzjoni, li jittejbu s-sikurezza, l-effiċjenza tar-riżorsi u l-kosteffikaċja tal-fissjoni nukleari u forom oħrajn ta’ użu tar-radjazzjoni fl-industrija u l-mediċina, u li tittejjeb is-sigurtà nukleari (salvagwardji nukleari, nonproliferazzjoni, il-ġlieda kontra t-traffikar illeċitu u l-forensika nukleari).

2. RIŻULTATI TA' KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT

2.1 Konsultazzjonijiet ma’ partijiet interessati

B’mod konformi mat-Trattat tal-Euratom, il-Kummissjoni kkonsultat il-Kumitat Xjentifiku u Tekniku (Scientific and Technical Committee - STC) tal-Euratom. Il-proposta għall-Programm Qafas tal-Euratom hija bbażata wkoll fuq l-eżitu tad-diskussjonijiet mal-Kunsill dwar ITER.

2.2 Ġbir u użu ta’ ħila esperta

Il-Kummissjoni użat diversi sorsi fit-tħejjija tal-proposta tal-Programm Qafas tal-Euratom, inklużi:

- - Evalwazzjonijiet Interim tal-FP7 tal-Euratom imwettqa minn panels ta’ esperti indipendenti;

- - rapport għall-Ftehim Ewropew dwar l-Iżvilupp tal-Fużjoni (European Fusion Development Agreement - EFDA) wara grupp ta’ studju ad-hoc dwar il-futur tal-programm ta’ R&Ż dwar il-fużjoni;

- - kontribut mill-Bord tal-Gvernaturi tal-JRC;

- - kontribut dwar l-estensjoni tal-FP7 tal-Euratom u t-tħejjija ta' programmi futuri tar-riċerka mill-Kumitat Xjentifiku u Tekniku (STC) tal-Euratom

- - rapporti bħal dokumenti ta’ viżjoni u aġendi ta’ riċerka strateġika mħejjija mill-Pjattaformi tat-Teknoloġija/forums tekniċi fil-qasam nukleari – il-Pjattaforma għat-Teknoloġija ta’ Enerġija Nukleari Sostenibbli (Sustainable Nuclear Energy Technology Platform - SNETP)[4], il-Pjattaforma tal-Implimentazzjoni ta’ Teknoloġija tar-rimi Ġeoloġiku (Implementing Geological Disposal Technology Platform - IGD-TP)[5] u l-Inizjattiva Multidixxiplinarja Ewropea ta’ Doża Baxxa (Multidisciplinary European Low Dose Initiative - MELODI)[6].

2.3 Valutazzjoni tal-impatt

B’mod konformi mal-Artikolu 21 tar-Regoli ta’ Implimentazzjoni għar-Regolament Finanzjarju (Regolament tal-Kummissjoni Nru 2342/2002), il-Kummissjoni ħejjiet valutazzjoni ex ante . Peress li din il-proposta timmira li tkompli l-attivitajiet tal-Programm Qafas tal-Euratom għall-2012-13 taħt l-istess perspettivi finanzjarji, ir-rekwiżit għal Valutazzjoni tal-Impatt ġie rrinunzjat.

3. ELEMENTI LEGALI TAL-PROPOSTA

3.2 Bażi legali

Il-bażi legali għal dan il-Programm Qafas hija pprovduta mill-Artikoli 1, 2, 4 u 7 tat-Trattat tal-Euratom.

3.2 Il-prinċipju tas-sussidjarjetà u tal-proporzjonalità

Il-valur miżjud tal-involviment tal-Euratom fir-riċerka nukleari huwa marbut mill-qrib mal-effetti transkonfinali, l-ekonomiji ta' skala, u l-kontribut għar-riżoluzzjoni ta’ fallimenti tas-suq. Il-proġetti tal-Euratom fl-oqsma tal-fissjoni, il-fużjoni u l-protezzjoni mir-radjazzjoni jistgħu jippermettu li r-riċerka tikseb il-“massa kritika” meħtieġa, waqt li jitnaqqas ir-riskju kummerċjali u jiġi sfruttat l-investiment privat. L-azzjonijiet tal-Euratom għandhom ukoll rwol ewlieni fit-trasferiment ta’ ħiliet u għarfien nukleari bejn fruntiera u oħra, u jgħinu biex titrawwem eċċellenza fir-riċerka u l-innovazzjoni permezz tat-titjib tal-kapaċità, il-kwalità u l-kompetizzjoni fuq bażi wiesgħa Ewropea, u t-titjib tal-kapaċità umana permezz ta’ taħriġ, mobilità u żvilupp tal-karrieri.

4. IMPLIKAZZJONI BAĠITARJA

Id-“dikjarazzjoni finanzjarja leġiżlattiva” mehmuża ma’ din il-proposta għal Deċiżjoni tippreżenta l-implikazzjonijiet baġitarji u r-riżorsi amministrattivi meħtieġa.

2011/0046 (NLE)

Proposta għal

DEĊIŻJONI TAL-KUNSILL

dwar il-Programm Qafas tal-Komunità Ewropea tal-Enerġija Atomika (Euratom) għar-riċerka u attivitajiet ta’ taħriġ nukleari(2012 - 2013)

IL-KUNSILL TAL-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b’mod partikolari l-Artikolu 7 tiegħu,

Wara li kkunsidra l-proposta mill-Kummissjoni Ewropea,

Wara li kkunsidra l-opinjoni tal-Parlament Ewropew[7],

Wara li kkunsidra l-opinjoni tal-Kumitat Ekonomiku u Soċjali Ewropew[8]

Billi:

(1) Sforzi konġunti nazzjonali u Ewropej fil-qasam tar-riċerka u t-taħriġ huma essenzjali biex jippromwovu u jiżguraw tkabbir ekonomiku u l-benesseri taċ-ċittadini fl-Ewropa.

(2) Il-Programm Qafas tal-Komunità Ewropea tal-Enerġija Atomika għar-riċerka nukleari u attivitajiet ta’ taħriġ (2012 - 2013), minn hawn ’il quddiem “il-Programm Qafas (2012 - 2013)”, għandu jikkumplimenta azzjonijiet oħrajn tal-Unjoni fil-qasam tal-politika tar-riċerka li huma neċessarji għall-implimentazzjoni tal-istrateġija Ewropa 2020 ippreżentata fil-Komunikazzjoni mill-Kummissjoni tat-3 ta’ Marzu 2010 bit-titolu Ewropa 2020 – Strateġija għal tkabbir intelliġenti, sostenibbli u inklużiv[9], b’mod partikolari dawk dwar l-edukazzjoni, it-taħriġ, il-kompetittività u l-innovazzjoni, l-industrija, l-impjiegi, u l-ambjent.

(3) Il-Programm Qafas (2012-2013) għandu jibni fuq il-kisbiet tas-Seba’ Programm Kwadru tal-Komunità adottat mid-Deċiżjoni tal-Kunsill 2006/970/Euratom tat-18 ta’ Diċembru 2006 dwar is-Seba' Programm Kwadru tal-Komunità Ewropea tal-Enerġija Atomika (Euratom) għal attivitajiet ta' riċerka u taħriġ nukleari (2007-2011)[10] lejn il-ħolqien ta’ Żona ta’ Riċerka Ewropea u lejn l-iżvilupp ta’ ekonomija u soċjetà tal-għarfien fl-Ewropa.

(4) Il-Programm Qafas (2012-2013) għandu jikkontribwixxi lejn l-implimentazzjoni tal-Unjoni tal-Innovazzjoni, waħda mill-inizjattivi ewlenin tal-istrateġija Ewropa 2020 adottati mill-Komunikazzjoni tal-Kummissjoni tas-6 ta’ Ottubru 2010 bit-titolu Inizjattiva Ewlenija Ewropa 2020 - Unjoni tal-Innovazzjoni[11], billi jtejjeb il-kompetizzjoni għall-eċċellenza xjentifika u jaċċelera l-applikazzjoni ta' innovazzjonijiet ewlenin fil-qasam tal-enerġija nukleari sabiex jiġu indirizzati sfidi relatati mal-enerġija u l-bidla fil-klima.

(5) Il-Politika tal-Enerġija għall-Ewropa tirrikonoxxi l-kontribuzzjoni potenzjali mill-enerġija nukleari fl-oqsma tal-kompetittività, it-tnaqqis tal-emissjonijiet mis-CO2 u s-sigurtà tal-provvista. Il-Pjan Strateġiku Ewropew għat-Teknoloġija tal-Enerġija (Pjan SET) li huwa ppreżentat fil-Komunikazzjoni mill-Kummissjoni tat-22 ta’ Novembru 2007 bit-titolu Pjan Strateġiku Ewropew għat-Teknoloġija tal-Enerġija (SET-Plan) – 'Lejn ġejjieni ta' emissjonijiet baxxi tal-karbonju[12]' qed jaċċelera l-iżvilupp ta’ portafoll ta’ teknoloġiji b’livell baxx ta’ emissjonijiet ta’ karbonju. It-teknoloġiji tal-enerġija nukleari huma inklużi f’dan il-portafoll peress li għandhom l-akbar potenzjal li jilħqu l-objettivi tal-enerġija u l-klima kemm fuq medda ta’ żmien qasir kif ukoll aktar fit-tul.

(6) Il-Pjan SET jirrikonoxxi li, fil-qasam tal-fissjoni nukleari, l-isfidi teknolġiċi ewlenin biex jintlaħqu l-miri miftiehma tal-Unjoni għall-2020 fir-rigward tal-enerġija huma li tinżamm il-kompetittività fit-teknoloġiji tal-fissjoni u li jiġu żgurati soluzzjonijiet fit-tul għall-immaniġġjar tal-iskart. Sabiex tinkiseb il-viżjoni għall-2050 ta’ soċjetà b’livell baxx ta’ emissjonijiet ta’ karbonju, il-Pjan SET jagħti mandat lill-Komunità biex tlesti l-preparamenti għad-demostrazzjoni ta’ ġenerazzjoni ġdida (Ġenerazzjoni-IV) ta’ reatturi tal-fissjoni għal sostenibbiltà akbar. B’mod partikolari, il-Pjan SET stabbilixxa Inizjattiva Industrijali Ewropea għall-Fissjoni Nukleari Sostenibbli.

(7) Il-Pjan SET, fil-qasam tal-fużjoni, jirrikonoxxi l-importanza ta’ ITER u l-ħtieġa li l-industrija tiġi involuta fi stadju bikri tat-tħejjija ta’ azzjonijiet ta’ demostrazzjoni. DEMO, impjant ta’ “demostrazzjoni” tal-enerġija mill-fużjoni, jikkostitwixxi objettiv strateġiku fit-tul ta’ riċerka dwar il-fużjoni.

(8) Il-Kunsill Ewropew ftiehem, f'laqgħa fl-4 ta' Frar 2011, li l-UE u l-Istati Membri tagħha se jippromwovu l-investiment fis-sorsi ta' enerġija rinnovabbli, f'tekonoloġiji sikuri u sostenibbli li jużaw livell baxx ta' karbonju u jiffukaw fuq l-implimentazzjoni tal-prijoritajiet tat-teknoloġija stabbiliti fil-Pjan tat-Teknoloġija Enerġetika Strateġika (Pjan SET).

(9) L-Euratom ħolqot programm wieħed u integrat bis-sħiħ ta’ riċerka dwar il-fużjoni li assuma rwol internazzjonali ewlieni fl-iżvilupp tal-fużjoni bħala sors ta’ enerġija.

(10) Wara d-Deċiżjoni tal-Kunsill tal-20 ta’ Diċembru 2005 dwar l-approvazzjoni tal-adeżjoni tal-Komunità Ewropea tal-Enerġija Atomika mal-Ftehim Qafas għall-Kollaborazzjoni Internazzjonali dwar ir-Riċerka u l-Iżvilupp tas-Sistemi tal-Enerġija Nukleari tal-Ġenerazzjoni IV, il-Komunità aderixxiet mal-Ftehim Qafas tal-Forum Internazzjonali tal-Ġenerazzjoni IV (GIF) fil-11 ta’ Mejju 2006. Il-GIF jikkoordina l-kooperazzjoni multilaterali fir-riċerka dwar id-disinn prekunċettwali fuq għadd ta’ sistemi nukleari avvanzati. Il-Komunità b’hekk tinsab impenjata lejn kooperazzjoni internazzjonali f’dan il-qasam, li hija marbuta wkoll mill-qrib mal-Pjan SET.

(11) Il-Konklużjonijiet tal-Kunsill dwar il-ħtieġa għal ħiliet fil-qasam nukleari, adottati fil-laqgħa tagħha li saret fl-1 u t-2 ta’ Diċembru 2008, jirrikonoxxu li huwa essenzjali li jinżamm fi ħdan il-Komunità livell għoli ta’ taħriġ fil-qasam nukleari.

(12) Fl-2010, il-Kummissjoni rċeviet ir-rapporti finali dwar valutazzjoni esterna tal-implimentazzjoni u r-riżultati tal-attivitajiet tal-Komunità fir-riċerka nukleari matul il-perjodu 2007-2009, li tkopri azzjonijiet kemm diretti kif ukoll indiretti.

(13) It-twettiq ta’ ITER fl-Ewropa, b’mod konformi mal-Ftehim tal-21 ta’ Novembru 2006 dwar l-istabbiliment tal-Organizzazzjoni Internazzjonali ITER tal-Enerġija mill-Fużjoni għall-implimentazzjoni konġunta tal-proġett ITER[13], għandu jkun l-element ċentrali ta’ attivitajiet ta’ riċerka dwar il-fużjoni taħt il-Programm Qafas (2012-2013).

(14) L-attivitajiet tal-Komunità sabiex jgħinu fit-twettiq ta’ ITER, b’mod partikolari sabiex jinbena ITER f’Cadarache u biex titwettaq ir-R&Ż tat-Teknoloġija ITER matul il-Programm Qafas (2012-2013) għandhom jitmexxew mill-Impriża Konġunta Ewropea għal ITER u l-Iżvilupp tal-Enerġija mill-Fużjoni (Fużjoni għall-Enerġija), skont id-Deċiżjoni tal-Kunsill 2007/198/Euratom tas-27 ta’ Marzu 2007 li tistabbilixxi l-Impriża Konġunta Ewropea għal ITER u l-Iżvilupp tal-Enerġija mill-Fużjoni u li jagħtuha vantaġġi[14].

(15) L-attivitajiet ta’ riċerka appoġġati minn dan Programm Qafas għandhom jirrispettaw prinċipji etiċi fundamentali, inklużi dawk riflessi fil-Karta tad-Drittijiet Fundamentali tal-Unjoni Ewropea.

(16) Din id-Deċiżjoni għandha tistabbilixxi, għall-perjodu sħiħ tal-Programm Qafas (2012-2013), pakkett finanzjarju li jikkostitwixxi r-referenza primarja, fit-tifsira tal-punt 37 tal-Ftehim Interistituzzjonali bejn il-Parlament Ewropew, il-Kunsill u l-Kummissjoni tas-17 ta’ Mejju 2006 dwar id-dixxiplina baġitarja u l-immaniġġjar finanzjarju sod[15], għall-awtorità baġitarja matul il-proċedura baġitarja annwali.

(17) Iċ-Ċentru Konġunt għar-Riċerka (JRC) għandu jikkontribwixxi biex jipprovdi appoġġ xjentifiku u teknoloġiku mmexxi mill-klijent għall-formulazzjoni, l-iżvilupp, l-implimentazzjoni u l-monitoraġġ tal-politiki tal-Unjoni. F’dan ir-rigward il-JRC għandu jkompli jiffunzjona bħala ċentru ta’ referenza indipendenti għax-xjenza u t-teknoloġija fl-Unjoni fl-oqsma tal-kompetenza speċifika tiegħu.

(18) Id-dimensjoni internazzjonali u globali tal-attivitajiet ta’ riċerka Ewropej hija importanti bil-għan li jinkisbu benefiċċji reċiproki. Il-Programm Qafas (2012-2013) għandu jkun miftuħ għall-parteċipazzjoni ta’ pajjiżi li kkonkludew il-ftehimiet meħtieġa għal dan il-għan, u għandu jkun miftuħ, fil-livell tal-proġett u fuq il-bażi ta’ benefiċċju reċiproku, għall-parteċipazzjoni ta’ entitajiet minn pajjiżi terzi u ta’ organizzazzjonijiet internazzjonali għal kooperazzjoni xjentifika.

(19) Il-Programm Qafas (2012-2013) għandu jikkontribwixxi għat-tkabbir tal-Unjoni billi jipprovdi appoġġ xjentifiku u teknoloġiku lill-pajjiżi kandidati għall-implimentazzjoni min-naħa tagħhom tal-acquis tal-Unjoni u għall-integrazzjoni tagħhom fi ħdan iż-Żona ta’ Riċerka Ewropea.

(20) Il-Komunikazzjoni mill-Kummissjoni tas-26 ta’ Marzu 2009 dwar in-nonproliferazzjoni nukleari[16], tirrikonoxxi l-irwol tal-JRC fil-qasam tar-riċerka u t-taħriġ dwar is-sigurtà nukleari.

(21) Għandhom jittieħdu wkoll miżuri adattati għall-prevenzjoni ta’ irregolaritajiet u frodi u sabiex jiġu rkuprati fondi mitlufa, imħallsa bi żball jew użati b’mod skorrett, b’mod konformi mar-Regolament tal-Kunsill (KE, EURATOM) Nru 2988/95 tat-18 Diċembru 1995 dwar il-protezzjoni tal-interessi finanzjarji tal-Komunitajiet Ewropej[17], ir-Regolament tal-Kunsill (EURATOM, KE) Nru 2185/96 tal-11 ta' Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolarijiet oħra[18] u r-Regolament tal-Kunsill (EURATOM) Nru 1074/1999 tal-25 ta' Mejju 1999 dwar investigazzjonijiet immexxija mill-Uffiċċju Ewropew ta' Kontra l-Frodi (OLAF)[19].

(22) Il-Kummissjoni kkonsultat lill-Kumitat Xjentifiku u Tekniku tal-Euratom.

ADOTTAT DIN ID-DEĊIŻJONI:

Artikolu 1

Adozzjoni tal-Programm Qafas

Programm qafas multiannwali għar-riċerka nukleari u attivitajiet ta’ taħriġ, iktar ’il quddiem il-“Programm Qafas (2012-2013)”, huwa adottat għall-perjodu mill-1 ta’ Jannar 2012 sal-31 ta’ Diċembru 2013.

Artikolu 2

Objettivi

1. Il-Programm Qafas (2012-2013) għandu jsegwi l-objettivi ġenerali stabbiliti fl-Artikolu 1 u l-Artikolu 2(a) tat-Trattat, filwaqt li jikkontribwixxi lejn il-ħolqien tal-Unjoni tal-Innovazzjoni u msejjes fuq iż-Żona ta’ Riċerka Ewropea.

2. Il-Programm Qafas (2012-2013) għandu jkopri riċerka, żvilupp teknoloġiku, kooperazzjoni internazzjonali, disseminazzjoni ta’ tagħrif tekniku, attivitajiet ta’ sfruttament u taħriġ tal-Komunità, li għandhom jiġu ppreżentati f’żewġ programmi speċifiċi.

3. L-ewwel programm speċifiku għandu jkopri dawn l-azzjonijiet indiretti:

a) riċerka dwar enerġija mill-fużjoni, bil-għan li tiġi żviluppata t-teknoloġija għal sors ta’ enerġija sikur, sostenibbli, ambjentalment responsabbli u ekonomikament vijabbli;

b) fissjoni nukleari u protezzjoni mir-radjazzjoni, bil-għan li jittejbu l-użu effiċjenti tar-riżorsi, il-kosteffikaċja u, b'mod partikolari, is-sikurezza tal-fissjoni nukleari u użi oħrajn tar-radjazzjoni fl-industrija u l-mediċina.

4. It-tieni programm speċifiku għandu jkopri l-attivitajiet ta’ riċerka diretta taċ-Ċentru Konġunt għar-Riċerka (JRC) fil-qasam tas-sikurezza u sigurtà nukleari.

5. L-objettivi u l-linji ġenerali tal-programmi speċifiċi huma stabbiliti fl-Anness I.

Artikolu 3

Ammont massimu u ishma assenjati lil kull programm speċifiku

L-ammont massimu għall-implimentazzjoni tal-Programm Qafas (2012-2013) għandu jkun ta’ EUR 2 560 270 000. Dan l-ammont għandu jitqassam skont kif ġej (f’EUR):

a) għall-programm speċifiku, li għandu jitwettaq permezz ta’ azzjonijiet indiretti:

- - riċerka dwar l-enerġija mill-fużjoni 2 208 809 000;

- - fissjoni nukleari u protezzjoni mir-radjazzjoni 118 245 000;

b) għall-programm speċifiku, li għandu jitwettaq permezz ta’ azzjonijiet diretti:

- - attivitajiet nukleari tal-JRC 233 216 000.

Ir-regoli dettaljati għall-parteċipazzjoni finanzjarja tal-Komunità fil-Programm Qafas (2012-2013) huma stabbiliti fl-Anness II.

Artikolu 4

Protezzjoni tal-interessi finanzjarji tal-Unjoni

Għal azzjonijiet tal-Komunità ffinanzjati fl-ambitu ta' din id-Deċiżjoni, ir-Regolamenti (KE, Euratom) Nru 2988/95 u (Euratom, KE) Nru 2185/96 għandhom japplikaw għal kwalunkwe ksur ta’ dispożizzjoni tal-liġi tal-Unjoni, inkluż il-ksur ta’ obbligu kuntrattwali taħt il-Programm Qafas (2012-2013), li jirriżulta minn att jew ommissjoni minn operatur ekonomiku, li jkollu, jew li jista’ jkollu, l-effett li jippreġudika l-baġit ġenerali tal-Unjoni Ewropea jew baġits immaniġġjati minnha bħala riżultat ta’ element ta’ nefqa mhux iġġustifikat.

Artikolu 5

Prinċipji etiċi fundamentali

L-attivitajiet ta’ riċerka kollha mwettqa fl-ambitu tal-Programm Qafas (2012-2013) għandhom isiru b’mod konformi ma’ prinċipji etiċi fundamentali.

Artikolu 6

Monitoraġġ, valutazzjoni u reviżjoni

1. Il-Kummissjoni għandha timmonitorja kontinwament u sistematikament l-implimentazzjoni tal-Programm Qafas (2012-2013) u l-programmi speċifiċi tiegħu u tirrapporta regolarment u xxerred ir-riżultati ta’ dak il-monitoraġġ.

2. Wara t-tlestija tal-Programm Qafas (2012-2013), il-Kummissjoni għandha, sal-31 ta’ Diċembru 2015, tqabbad esperti indipendenti biex jagħmlu evalwazzjoni esterna tal-ġustifikazzjoni, l-implimentazzjoni u l-kisbiet tiegħu. Il-Kummissjoni għandha tikkomunika l-konklużjonijiet ta’ dik l-evalwazzjoni, flimkien mal-osservazzjonijiet tagħha, lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni.

Artikolu 7

Dħul fis-seħħ

Din id-Deċiżjoni għandha tidħol fis-seħħ fit-tielet jum mill-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell,

Għall-Kunsill

Il-President

ANNESS I

OBJETTIVI, TEMI U ATTIVITAJIET XJENTIFIĊI U TEKNOLOĠIĊI

INTRODUZZJONI

Il-Programm Qafas (2012-2013) huwa organizzat f’żewġ partijiet li jikkorrispondu mal-azzjonijiet “indiretti” tar-riċerka dwar l-enerġija mill-fużjoni u l-fissjoni nukleari u l-protezzjoni mir-radjazzjoni, u l-attivitajiet ta’ riċerka “diretta” tal-JRC.

I.A. RIĊERKA DWAR L-ENERĠIJA MILL-FUŻJONI

Objettiv

L-iżvilupp tal-bażi ta’ għarfien għal ITER u t-twettiq tiegħu bħala pass importanti lejn il-ħolqien ta’ prototipi ta’ reatturi għal impjanti tal-enerġija li jkunu sikuri, sostenibbli, ambjentalment responsabbli, u ekonomikament vijabbli.

Ġustifikazzjoni

Il-fużjoni għandha l-potenzjal li tagħti kontribut kbir lejn il-kisba ta’ provvista sostenibbli u sigura tal-enerġija għall-Unjoni fi ftit deċennji minn issa. L-iżvilupp tagħha b’suċċess għandu jipprovdi enerġija sikura, sostenibbli u li ma tagħmilx ħsara lill-ambjent. Il-mira fit-tul tar-riċerka Ewropea dwar il-fużjoni, li tħaddan l-attivitajiet kollha ta' fużjoni fl-Istati Membri u pajjiżi terzi assoċjati, hija l-ħolqien konġunt ta’ prototipi ta’ reatturi għal impjanti tal-enerġija li jissodisfaw dawn ir-rekwiżiti, u li jkunu ekonomikament vijabbli.

L-ewwel prijorità tal-istrateġija biex tinkiseb il-mira fit-tul hija l-kostruzzjoni ta’ ITER (faċilità sperimentali ewlenija li ser tiffaċilita l-fattibbiltà xjentifika u teknika tal-enerġija mill-fużjoni), segwita mill-kostruzzjoni ta’ impjant ta’ demostrazzjoni tal-enerġija mill-fużjoni (DEMO). Il-kostruzzjoni ta’ ITER ser tkun akkumpanjata minn programm iffukat ta’ R&Ż ta’ appoġġ għal ITER u attivitajiet limitati fir-rigward tat-teknoloġija u l-fiżika meħtieġa għal DEMO.

Id-dimensjoni globali tar-R&Ż dwar il-fużjoni tinsab fil-ftehim li jistabbilixxi l-Organizzazzjoni Internazzjonali għall-Enerġija mill-Fużjoni għall-Proġett ITER u l-Ftehim bejn il-Gvern tal-Ġappun u l-Komunità għall-Attivitajiet ta’ Aproċċ Usa' fil-Qasam tar-Riċerka dwar l-Enerġija mill-Fużjoni.

Il-kooperazzjoni internazzjonali hija segwita wkoll fi ħdan it-tmien Ftehimiet ta’ Kooperazzjoni bilaterali dwar il-fużjoni fis-seħħ bejn il-Komunità u pajjiżi terzi.

Attivitajiet

1. It-twettiq ta’ ITER

Din tinkludi attivitajiet għat-twettiq konġunt ta’ ITER, b’mod partikolari l-governanza tal-Organizzazzjoni Internazzjonali ta’ ITER u l-Impriża Konġunta Ewropea għal ITER, il-maniġment u l-persunal, appoġġ tekniku u amministrattiv ġenerali, il-kostruzzjoni ta’ tagħmir u stallazzjonijiet u appoġġ għall-proġett matul il-kostruzzjoni.

2. R&Ż bi tħejjija għall-operazzjoni ITER

Programm iffukat dwar il-fiżika u t-teknoloġija ser jisfrutta t-Torus Konġunt Ewropew (Joint European Torus - JET) u strumenti oħrajn relevanti ta’ konteniment tal-manjetiżmu ta’ ITER. Dan ser jivvaluta teknoloġiji speċifiċi ewlenin ta’ ITER, jikkonsolida għażliet ta’ proġetti ta’ ITER, u jħejji għat-tħaddim ta’ ITER.

3. Attivitajiet limitati ta' teknoloġija fi tħejjija għal DEMO

Ser jiġu żviluppati ulterjorment materjali ta’ fużjoni u teknoloġiji ewlenin għall-fużjoni, u ser tkompli l-ħidma tat-tim li qed jipprepara għall-kostruzzjoni tal-Faċilitajiet Internazzjonali ta’ Irradjazzjoni tal-Materjali tal-Fużjoni (International Fusion Materials Irradiation Facility - IFMIF).

4. Attivitajiet ta’ R&Ż għal medda ta’ żmien aktar fit-tul

Ser ikun hemm attivitajiet limitati fuq kunċetti mtejba għal skemi ta’ konteniment manjetiku (iffukati fuq it-tħejjija għat-tħaddim tal-istrument stellaratur W7-X), u teorija u mudellar immirati lejn fehim komprensiv ta’ plażmas tal-fużjoni.

5. Riżorsi umani, edukazzjoni u taħriġ

Fid-dawl tal-ħtiġijiet immedjati u fuq medda ta’ żmien medju ta’ ITER, u għall-iżvilupp ulterjuri tal-fużjoni, ser jiġu segwiti inizjattivi mmirati lejn it-taħriġ tal-“Ġenerazzjoni ITER”, f’termini ta’ numri, firxa ta' ħiliet, u taħriġ u esperjenza fuq livell għoli.

6. Infrastrutturi

ITER ser ikun infrastruttura ta’ riċerka ġdida b’dimensjoni Ewropea b’saħħitha.

7. Industrija u proċessi ta’ trasferiment tat-teknoloġija

Huma meħtieġa strutturi organizzattivi ġodda għal trasferiment b’ħeffa ta’ innovazzjonijiet derivati minn ITER lill-industrija Ewropea. Dan ser ikun il-kompitu tal-Forum dwar l-Innovazzjoni tal-Industrija tal-Fużjoni li ser jiżviluppa pjan direzzjonali għat-teknoloġija tal-fużjoni u inizjattivi għall-iżvilupp tar-riżorsi umani, b’enfasi fuq l-innovazzjoni u l-potenzjal li jiġu pprovduti prodotti u servizzi ġodda.

I.B. I.B. FISSJONI NUKLEARI U PROTEZZJONI MIR-RADJAZZJONI

Objettiv

L-istabbiliment ta’ bażi xjentifika u teknika soda sabiex jiġu aċċelerati l-iżviluppi prattiċi għall-immaniġġjar aktar sigur ta’ skart radjuattiv b’ħajja twila, li jtejjeb b’mod partikolari s-sikurezza, l-effiċjenza tar-riżorsi u l-kosteffettività tal-enerġija nukleari u jiżgura sistema ta’ protezzjoni robusta u soċjalment aċċettabbli għall-bniedem u l-ambjent kontra l-effetti tar-radjazzjoni jonizzanti.

Ġustifikazzjoni

L-enerġija nukleari tikkostitwixxi element importanti fid-dibattitu dwar il-ġlieda kontra t-tibdil fil-klima u t-tnaqqis tad-dipendenza tal-Ewropa fuq l-enerġija importata. Teknoloġija nukleari aktar avvanzata toffri l-prospett ta' titjib sinifikanti fl-effiċjenza u l-użu tar-riżorsi, filwaqt li tiżgura livelli ta' sikurezza saħansitra ogħla u tipproduċi inqas skart mid-disinni attwali. L-inizjattivi Ewropej attwali f’dan il-qasam huma fl-ambitu tal-Pjan Strateġiku għat-Teknoloġija tal-Enerġija (Pjan SET), li ġie approvat mill-Kunsill u mill-Parlament Ewropew, u jikkontribwixxu wkoll għall-attivitajiet kollaborattivi li qegħdin isiru ma’ pajjiżi terzi ewlenin fi ħdan il-Forum Internazzjonali tal-Ġenerazzjoni IV (GIF).

Tliet inizjattivi ewlenin ta’ kooperazzjoni Ewropea fl-oqsma tax-xjenza u t-teknoloġija nukleari ġew varati sa mill-bidu tas-Seba' Programm Kwadru tal-Euratom. Dawn huma l-Pjattaforma tat-Teknoloġija tal-Enerġija Nukleari Sostenibbli (SNETP), il-Pjattaforma ta’ Implimentazzjoni tat-Teknoloġija tar-Rimi Ġeoloġiku (IGDTP) u l-Inizjattiva Multidixxiplinarja Ewropea ta' Doża Baxxa (MELODI). L-attivitajiet kemm tal-SNETP kif ukoll tal-IGDTP jikkorrispondu mill-qrib ħafna mal-prijoritajiet tal-Pjan SET, u grupp tal-qalba ta’ organizzazzjoni tal-SNETP huwa responsabbli għall-implimentazzjoni tal-ESNII, l-Inizjattiva Ewropea Industrijali dwar l-Enerġija Nukleari Sostenibbli taħt il-Pjan SET. Dawn kollha jħaddnu attivitajiet fl-ambitu tal-Programm Qafas (2012-2013), u jistgħu jiżguraw li jibqa’ kemm jista’ jkun effiċjenti u effettiv.

Għaldaqstant hemm interazzjoni dejjem akbar bejn l-SNETP, l-IGDTP u l-MELODI u fora oħrajn tal-partijiet interessati fil-livell tal-Unjoni, bħall-Forum Ewropew għall-Enerġija Nukleari (ENEF) u l-Grupp Ewropew tar-Regolaturi tas-Sikurezza Nukleari (ENSREG), u dan il-proċess ser jiġi promoss kemm jista’ jkun permezz tal-attivitajiet tal-Programm Qafas.

Il-Programm Qafas tal-Euratom (2012-2013) huwa kkaratterizzat minn tħassib prevalenti biex jiġu promossi livelli għoljin ta’ sikurezza. Dan ser ikompli jappoġġa wkoll inizjattivi biex jiġi żgurat li l-faċilitajiet, it-taħriġ u l-opportunitajiet ta’ taħriġ fl-Ewropa jibqgħu adegwati fid-dawl tal-orjentazzjonijiet preżenti ta’ programmi nazzjonali u fl-aħjar interessi tal-Unjoni fit-totalità tagħha. Dan, aktar minn kull ħaġa oħra, ser jiżgura li tinżamm kultura adegwata ta’ sikurezza.

Attivitajiet

1. Rimi ġeoloġiku

Attivitajiet ta' riċerka orjentati lejn l-implimentazzjoni fuq l-aspetti ewlenin kollha li jifdal ta’ rimi ġeoloġiku fil-fond ta’ fjuwil eżawrit u skart radjuattiv b’ħajja twila u, kif xieraq, demostrazzjoni tat-teknoloġiji u s-sikurezza, u biex jiġi appoġġat l-iżvilupp ta’ perspettiva Ewropea komuni fir-rigward tal-kwistjonijiet ewlenin relatati mal-immaniġġjar u r-rimi tal-iskart.

2. Sistemi ta’ reatturi

Riċerka biex jiġi appoġġat it-tħaddim sikur u effiċjenti u aktar sostenibbli tas-sistemi ta’ reatturi kollha relevanti (inklużi faċilitajiet taċ-ċiklu tal-fjuwil) li jkunu qegħdin jintużaw jew li jkunu qed jiġu żviluppati fl-Ewropa inklużi aspetti tal-immaniġġjar tal-iskart taċ-ċiklu tal-fjuwil bħall-qsim u t-transmutazzjoni.

3. Protezzjoni mir-radjazzjoni

Riċerka, b’mod partikolari dwar ir-riskji minn dożi baxxi, użi mediċi u l-immaniġġjar ta’ inċidenti, sabiex tiġi pprovduta bażi xjentifika għal sistema ta’ protezzjoni robusta, ġusta u soċjalment aċċettabbli li ma tillimitax bla bżonn l-użi ta' ġid u mifruxa tar-radjazzjoni fil-mediċina u l-industrija.

4. Infrastrutturi

Appoġġ għall-użu u d-disponibbiltà kontinwa ta’, u kooperazzjoni bejn, infrastrutturi ta’ riċerka ewlenin fl-oqsma tematiċi ta' prijorità msemmija hawn fuq.

5. Riżorsi umani u taħriġ

Appoġġ għaż-żamma u l-iżvilupp ulterjuri ta’ kompetenza xjentifika u kapaċità umana sabiex tiġi ggarantita d-disponibbiltà ta’ riċerkaturi, inġiniera u impjegati kkwalifikati b’mod adegwat fis-settur nukleari fuq medda ta’ żmien aktar fit-tul.

II. ATTIVITAJIET NUKLEARI TAĊ-ĊENTRU KONĠUNT GĦAR-RIĊERKA (JRC)

Objettiv

Il-Programm Nukleari Speċifiku tal-JRC huwa mmirat li jissodisfa l-obbligi ta’ R&Ż tat-Trattat u li jappoġġa kemm il-Kummissjoni kif ukoll l-Istati Membri fl-oqsma tas-salvagwardji u n-nonproliferazzjoni, l-immaniġġjar tal-iskart, is-sikurezza ta’ stallazzjonijiet nukleari u ċ-ċiklu tal-fjuwil, ir-radjuattività fl-ambjent u l-protezzjoni mir-radjazzjoni. Il-JRC għandu jsaħħaħ aktar l-irwol tiegħu bħala referenza Ewropea għat-tixrid tal-informazzjoni, it-taħriġ u l-edukazzjoni għall-professjonisti u x-xjenzati żgħażagħ.

Ġustifikazzjoni

L-enerġija nukleari ser ikollha rwol strateġiku fit-taħlita tal-enerġija tal-Unjoni ta’ mill-inqas għan-nofs seklu li ġej, biex b’hekk tikkontribwixxi għall-kisba tal-mira tal-Unjoni dwar l-emissjoni ta' gassijiet b’effett ta’ serra, u t-titjib tal-indipendenza, is-sigurtà u d-diversità tal-provvista ta' enerġija tal-Unjoni. Dan jista' jinkiseb fi ħdan l-aktar impenji stretti mmirati lejn l-użu responsabbli tal-enerġija nukleari, li jkopru s-sikurezza u s-sigurtà.

Sabiex jintlaħaq dan l-għan, hemm bżonn ċar li jiġu żviluppati l-għarfien, il-ħiliet u l-kompetenza sabiex jiġu pprovduti l-aktar teknoloġija xjentifika avvanzata meħtieġa, ħila esperta indipendenti u affidabbli li tappoġġa l-politiki tal-Unjoni fl-oqsma tas-sikurezza tar-reattur nukleari u ċ-ċikli tal-fjuwil, u s-salvagwardji u s-sigurtà nukleari. L-appoġġ immexxi mill-klijenti lejn il-politika tal-Unjoni enfasizzata fil-missjoni tal-JRC ser jiġi kkumplimentat bi rwol proattiv fi ħdan iż-Żona ta’ Riċerka Ewropea fit-twettiq ta’ attivitajiet ta’ riċerka ta’ kwalità għolja f’kuntatt mill-qrib mal-industrija u korpi oħrajn u sabiex jiġu żviluppati netwerks ma’ istituzzjonijiet pubbliċi u privati fl-Istati Membri.

Attivitajiet

1. L-immaniġġjar tal-iskart nukleari u l-impatt ambjentali , ser jiffoka fuq it-tnaqqis tal-inċertezza u r-riżoluzzjoni ta’ kwistjonijiet pendenti dwar ir-rimi tal-iskart, sabiex jiġu żviluppati soluzzjonijiet effettivi għall-immaniġġjar ta’ skart nukleari ta’ livell għoli li jsegwu ż-żewġ alternattivi ewlenin (rimi dirett jew tqassim u transmutazzjoni). Ser jiġu żviluppati wkoll attivitajiet li jtejbu l-fehim u l-immudellar tal-fiżika, il-kimika u l-proprjetajiet fundamentali tal-materjali attinji, u l-bażi ta’ dejta ta’ dejta nukleari ta’ referenza ta’ preċiżjoni għolja, għal applikazzjonijiet ta’ enerġija nukleari u mhux nukleari (eż. mediċi). Sabiex jiġi estiż l-isforz tal-protezzjoni radjoloġika, ser jitwettaq żvilupp ulterjuri ta’ mudelli ambjentali ta’ tixrid radjuisotopu flimkien ma’ testijiet ta’ monitoraġġ f’radjuattività ambjentali b’appoġġ għall-armonizzazzjoni tal-proċess u s-sistemi ta’ monitoraġġ nazzjonali.

2. Is-sikurezza nukleari , ser tikkontribwixxi għall-implimentazzjoni ta’ riċerka dwar ċikli tal-fjuwil eżistenti u ġodda, is-sikurezza ta' reatturi preżenti fl-Unjoni, u s-sikurezza tar-reattur fuq disinni ġodda innovattivi li jistgħu jtejbu l-aspetti ta’ effiċjenza, sikurezza u salvagwardja ta’ ċikli innovattivi tal-fjuwil, eżawriment estiż jew ta’ tipi ġodda ta’ fjuwils għall-ġenerazzjoni li jmiss. Ser issegwi wkoll l-iżvilupp ta’ rekwiżiti ta’ sikurezza u metodi avvanzati ta’ valutazzjoni għal sistemi ta’ reatturi ġodda u eżistenti. Minbarra dan, il-JRC ser isaħħaħ il-pożizzjoni tal-Unjoni fid-dinja billi jikkoordina l-kontribuzzjoni Ewropea għall-inizjattiva tal-Forum Internazzjonali tar-R&Ż tal-Ġenerazzjoni IV, billi jaġixxi bħala integratur u jxerred ir-riċerka f’dan il-qasam.

3. Is-sigurtà nukleari , ser tkompli tappoġġa it-twettiq tal-impenji tal-Komunità, b’mod partikolari l-iżvilupp ta’ metodi għall-kontroll tal-faċilitajiet taċ-ċiklu tal-fjuwil, l-implimentazzjoni tal-protokoll addizzjonali inkluż it-teħid ta’ kampjuni ambjentali u salvagwardji integrati, u l-prvenzjoni tad-diverżjoni ta’ materjali nukleari u radjuattivi assoċjati ma’ traffikar illeċitu ta’ tali materjali inkluża l-forensika nukleari.

ANNESS II

SKEMI TA’ FINANZJAMENT

Soġġett għar-regoli għall-parteċipazzjoni stabbiliti għall-implimentazzjoni tal-Programm Qafas (2012-2013), il-Komunità ser tappoġġa attivitajiet ta’ riċerka u żvilupp teknoloġiku, inklużi attivitajiet ta’ demostrazzjoni fil-programmi speċifiċi, permezz ta’ firxa ta’ skemi ta’ finanzjament. Dawn l-iskemi għandhom jintużaw, jew weħidhom jew ma’ oħrajn, sabiex jiffinanzjaw kategoriji differenti ta’ azzjonijiet implimentati matul il-Programm Qafas (2012-2013).

1. SKEMI TA’ FINANZJAMENT FL-ENERĠIJA MILL-FUŻJONI

Fil-qasam tar-riċerka dwar l-enerġija mill-fużjoni, in-natura partikolari ta’ tali attivitajiet teħtieġ arranġamenti speċifiċi. Ser jingħata appoġġ finanzjarju lil attivitajiet imwettqa fuq il-bażi ta’ proċeduri stipulati f’dawn li ġejjin:

1.1. Kuntratti ta’ Assoċjazzjoni, bejn il-Kummissjoni u Stati Membri jew pajjiżi terzi assoċjati bis-sħiħ jew bejn il-Kummissjoni u entitajiet fi ħdan Stati Membri jew pajjiżi terzi assoċjati bis-sħiħ għall-eżekuzzjoni ta’ parti mir-riċerka tal-Komunità dwar il-programm tal-enerġija mill-fużjoni b’konformità mal-Artikolu 10 tat-Trattat;

1.2. il-Ftehim Ewropew dwar l-Iżvilupp tal-Fużjoni, ftehim multilaterali konkluż bejn il-Kummissjoni u organizzazzjonijiet fi Stati Membri u pajjiżi terzi assoċjati, jew li jaġixxu għalihom, biex jipprovdi, fost affarijiet oħra, qafas għal riċerka ulterjuri dwar teknoloġija ta’ fużjoni f’organizzazzjonijiet assoċjati u fl-industrija, l-użu ta’ faċilitajiet JET u l-kontribuzzjoni Ewropea għall-kooperazzjoni internazzjonali;

1.3. l-Impriża Konġunta Ewropea għal ITER, ibbażata fuq l-Artikoli 45 sa 51 tat-Trattat;

1.4. ftehimiet internazzjonali bejn il-Komunità u pajjiżi terzi li jkopru attivitajiet fil-qasam tar-riċerka dwar l-enerġija mill-fużjoni u l-iżvilupp, b’mod partikolari l-Ftehimiet dwar ITER u l-Approċċ Usa’;

1.5. kwalunkwe ftehim multilaterali ieħor konkluż bejn il-Komunità u organizzazzjonijiet assoċjati, b’mod partikolari il-Ftehim dwar il-Mobilità tal-Persunal;

1.6. azzjonijiet għall-qsim tal-ispejjeż sabiex tiġi promossa u jingħata kontribut għar-riċerka dwar l-enerġija mill-fużjoni ma’ korpi fi Stati Membri jew pajjiżi terzi assoċjati mal-Programm Qafas (2012-2013) fejn ma jkun hemm ebda Kuntratt ta’ Assoċjazzjoni.

Minbarra l-attivitajiet imsemmija hawn fuq, jistgħu jitwettqu azzjonijiet għall-promozzjoni u l-iżvilupp tar-riżorsi umani, fellowships, inizjattivi ta’ infrastruttura integrati u azzjonijiet ta’ appoġġ speċifiċi b’mod partikolari sabiex tiġi kkoordinata r-riċerka dwar l-enerġija mill-fużjoni, biex isiru studji b’appoġġ għal dawn l-attivitajiet u biex jiġu appoġġati pubblikazzjonijiet, skambju ta’ informazzjoni, u taħriġ sabiex jiġi promoss it-trasferiment tat-teknoloġija.

2. SKEMI TA’ FINANZJAMENT F’OQSMA OĦRAJN

L-attivitajiet f’oqsma minbarra l-enerġija mill-fużjoni fl-ambitu tal-Programm Qafas (2012-2013) ser jiġu ffinanzjati permezz ta’ firxa ta’ skemi ta’ finanzjament. Dawn l-iskemi għandhom jintużaw, jew weħidhom jew ma’ oħrajn, sabiex jiffinanzjaw kategoriji differenti ta’ azzjonijiet implimentati matul il-Programm Qafas (2012-2013).

Id-deċiżjonijiet dwar programmi speċifiċi, programmi ta’ ħidma u sejħiet għal proposti ser isemmu, kif u meta xieraq:

- - it-tip(i) ta’ skema(i) użat(i) biex jiġu ffinanzjati kategoriji differenti ta’ azzjonijiet;

- - il-kategoriji ta’ parteċipanti (bħal organizzazzjonijiet ta’ riċerka, universitajiet, l-industrija, awtoritajiet pubbliċi) li jistgħu jibbenefikaw minnhom;

- - it-tipi ta’ attivitajiet (riċerka, żvilupp, demostrazzjoni, taħriġ, trasferiment ta’ għarfien u attivitajiet oħrajn relatati) li jistgħu jiġu ffinanzjati.

Meta jkunu jistgħu jintużaw skemi ta’ finanzjament differenti, il-programmi ta’ ħidma jistgħu jispeċifikaw l-iskema ta’ finanzjament li għandha tintuża għas-suġġett li dwaru jkunu mistiedna proposti.

L-iskemi ta’ finanzjament huma skont kif ġej:

a) Biex jappoġġaw azzjonijiet li huma implimentati primarjament fuq il-bażi ta’ sejħiet għal proposti:

1. Proġetti kollaborattivi

Appoġġ għal proġetti ta’ riċerka mwettqa minn konsorzja ma’ parteċipanti minn pajjiżi differenti, immirati biex jiżviluppaw għarfien ġdid, teknoloġija ġdida, prodotti jew riżorsi komuni għar-riċerka. Id-daqs, l-ambitu u l-organizzazzjoni interna tal-proġetti jistgħu jvarjaw bejn qasam u ieħor u bejn suġġett u ieħor. Il-proġetti jistgħu jvarjaw minn azzjonijiet ta’ riċerka ffukati fuq skala żgħira jew medja għal proġetti ta’ integrazzjoni akbar li jimmobilizzaw volum sinifikanti ta’ riżorsi għall-kisba ta’ objettiv iddefinit. L-appoġġ għat-taħriġ u l-iżvilupp fil-karriera tar-riċerkaturi ser jiġi inkluż fil-pjanijiet ta’ ħidma tal-proġett.

2. Netwerks ta' eċċellenza

Appoġġ għal programmi ta’ riċerka konġunta implimentati minn numru ta’ organizzazzjonijiet ta’ riċerka li jintegraw l-attivitajiet tagħhom f’qasam partikolari u mwettqa minn timijiet ta’ riċerka taħt kooperazzjoni fuq medda ta’ żmien aktar fit-tul. L-implimentazzjoni ta’ dawn il-programmi ta’ riċerka konġunta ser teħtieġ l-impenn formali ta’ tali organizzazzjonijiet. L-appoġġ għat-taħriġ u l-iżvilupp tal-karriera tar-riċerkaturi ser jiġi inkluż fil-pjanijiet ta’ ħidma tal-proġett.

3. Koordinazzjoni u azzjonijiet ta’ appoġġ

L-appoġġ għal attivitajiet biex tiġi kkoordinata riċerka ta’ koordinazzjoni jew appoġġ (netwerking, skambji, aċċess transnazzjonali għal infrastrutturi ta’ riċerka, studji, konferenzi, kontribuzzjonijiet matul il-kostruzzjoni ta’ infrastruttura ġdida, eċċ.) jew biex jiġi promoss l-iżvilupp ta’ riżorsi umani (eż. netwerking u stabbiliment ta' skemi ta' taħriġ). Dawn l-azzjonijiet jistgħu jiġu implimentati wkoll b'mezzi oħra apparti minn sejħiet għal proposti.

b) Biex tappoġġaw azzjonijiet implimentati fuq il-bażi ta’ deċiżjonijiet mill-Kunsill, wara proposta mill-Kummissjoni, il-Komunità ser tipprovdi appoġġ finanzjarju lil inizjattivi multifinanzjati fuq skala kbira skont kif ġej:

- - kontribuzzjoni finanzjarja għall-implimentazzjoni ta’ impriżi konġunti fuq il-bażi tal-proċeduri u d-dispożizzjonijiet stipulati fl-Artikoli 45 sa 51 tat-Trattat;

- - kontribuzzjoni finanzjarja għall-iżvilupp ta’ infrastrutturi ġodda ta’ interess Ewropew.

Il-Komunità ser timplimenta l-iskemi ta’ finanzjament b’konformità mad-dispożizzjonijiet tar-Regolament (Euratom) Nru XXXX/2011 għar-regoli dwar il-parteċipazzjoni ta’ impriżi, ċentri ta’ riċerka u universitajiet, l-istrumenti relevanti ta’ għajnuna mill-istat, b’mod partikolari l-qafas għal għajnuna mill-Istat għar-riċerka u l-iżvilupp, kif ukoll ir-regoli internazzjonali f’dan il-qasam. B’konformità ma’ dan il-qafas internazzjonali, jeħtieġ li l-iskala u l-forma tal-parteċipazzjoni finanzjarja jiġu kkunsidrati fuq bażi ta’ każ b’każ, b’mod partikolari jekk ikun disponibbli finanzjament minn sorsi oħrajn tas-settur pubbliku, inklużi sorsi oħrajn ta’ finanzjament tal-UE bħall-Bank Ewropew tal-Investiment.

Għal parteċipanti f’azzjoni indiretta segwita f’reġjun li jinsab lura fl-iżvilupp (reġjuni ta’ konverġenza kif iddefiniti fl-Artikolu 5 tar-Regolament tal-Kunsill (KE) Nru 1083/2006[20], inklużi reġjuni eliġibbli għal finanzjament mill-Fondi Strutturali taħt l-objettiv ta' Konverġenza u reġjuni eliġibbli għal finanzjament mill-Fond ta’ Koeżjoni, u r-reġjuni l-aktar imbiegħda), finanzjament kumplimentari mill-Fondi Strutturali għandu jiġi mmobilizzat kull fejn ikun possibbli u xieraq.

3. AZZJONIJIET DIRETTI — ĊENTRU KONĠUNT GĦAR-RIĊERKA

Il-Komunità għandha timplimenta azzjonijiet permezz tal-JRC, li jissejħu azzjonijiet diretti, b’mod konformi mad-Deċiżjoni tal-Kunsill li tirrigwarda l-programm speċifiku, li għandhom isiru permezz ta’ azzjonijiet diretti miċ-Ċentru Konġunt għar-Riċerka, li jimplimenta l-Programm Qafas tal-Komunità Ewropea tal-Enerġija Atomika għar-riċerka u attivitajiet ta’ taħriġ nukleari (2012 sa 2013).

DIKJARAZZJONI FINANZJARJA LEĠIŻLATTIVA GĦALL-PROPOSTI

1. QAFAS TAL-PROPOSTA/INIZJATTIVA

1.1. Titolu tal-proposta/inizjattiva

1.2. Qasam(oqsma) ta' politika(politiki) kkonċernat(i) fl-istruttura ABM/ABB

1.3. Natura tal-proposta/inizjattiva

1.4. Objettiv(i)

1.5. Raġunijiet għall-proposta/inizjattiva

1.6. Tul ta’ żmien u impatt finanzjarju

1.7. Metodu(i) ta’ mmaniġġjar previst(i)

2. MIŻURI TA’ MMANIĠĠJAR

2.1. Regoli ta’ monitoraġġ u rapportaġġ

2.2. Sistema ta’ mmaniġġjar u kontroll

2.3. Miżuri għall-prevenzjoni ta’ frodi u irregolaritajiet

3. IMPATT FINANZJARJU STMAT TAL-PROPOSTA/INIZJATTIVA

3.1. Intestatura(i) tal-qafas finanzjarju multiannwali u l-linja(i) baġitarja(i) tan-nefqa affettwata(i)

3.2. Sommarju tal-Impatt stmat fuq in-nefqa

3.2.1. Sommarju tal-impatt stmat fuq in-nefqa

3.2.2. Impatt stmat fuq allokazzjonijiet operattivi

3.2.3. Impatt stmat fuq allokazzjonijiet ta’ natura amministrattiva

3.2.4. Kumpatibbiltà mal-qafas finanzjarju multiannwali preżenti

3.2.5. Parteċipazzjoni ta’ parti terzi fil-finanzjament

3.3. Impatt stmat fuq id-dħul

DIKJARAZZJONI FINANZJARJA LEĠIŻLATTIVA GĦALL-PROPOSTI

1. QAFAS TAL-PROPOSTA/INIZJATTIVA

1.1. Titolu tal-proposta/inizjattiva

Proposta għal Deċiżjoni tal-Kunsill dwar il-Programm Qafas tal-Komunità Ewropea tal-Enerġija Atomika għar-riċerka u attivitajiet ta’ taħriġ nukleari (2012 - 2013)

1.2. Qasam(oqsma) ta' politika(politiki) kkonċernat(i) fl-istruttura ABM/ABB [21]

Riċerka (azzjonijiet indiretti) u Riċerka Diretta (li għandha ssir miċ-Ċentru Konġunt għar-Riċerka)

08 20 Fużjoni tal-Euratom

08 21 Enerġija mill-Fissjoni u Protezzjoni mir-Radjazzjoni -Euratom

08 22 04 Allokazzjonijiet derivati minn kontribuzzjonijiet minn terzi għal riċerka u żvilupp teknoloġiku

08 01 Nefqa amministrattiva fuq oqsma tal-politika tar-riċerka

08 01 04 40 Nefqa tal-Impriża Konġunta Ewropea (F4E) fuq immaniġġjar amministrattiv

08 01 05 01 Nefqa relatata ma’ Persunal ta’ Riċerka

08 01 05 02 Persunal estern għar-Riċerka

08 01 05 03 Infiq ieħor ta’ mmaniġġjar għar-Riċerka

10 03 - Allokazzjonijiet operattivi għar-riċerka ffinanzjati direttament – Euratom

10 03 01 - Azzjoni nukleari taċ-Ċentru Konġunt għar-Riċerka (JRC)

10 03 02 - Allokazzjonijiet derivati minn kontribuzzjonijiet minn terzi

10 01 - Nefqa amministrattiva fuq il-qasam tal-politika ta’ “Riċerka Diretta”

10 01 05 - Nefqa ta’ appoġġ għal operazzjonijiet qasam tal-politika ta’ Riċerka Diretta

10 01 05 01 - Nefqa relatata ma’ persunal ta’ riċerka

10 01 05 02 - Persunal estern għar-riċerka

10 01 05 03 - Nefqa oħra tal-immaniġġjar tar-riċerka

1.3. Natura tal-proposta/inizjattiva

( Il-proposta/inizjattiva hija relatata ma’ azzjoni ġdida

( Il-proposta/inizjattiva hija relatata ma’ azzjoni ġdida li ssegwi proġett pilota/azzjoni preparatorja[22]

X Il-proposta/inizjattiva hija relatata mal- estensjoni ta’ azzjoni eżistenti

( Il-proposta/inizjattiva hija relatata ma’ azzjoni ridirezzjonata lejn azzjoni ġdida

1.4. Objettivi

1.4.1. L-objettiv(i) strateġiku(strateġiċi) multiannwali tal-Kummissjoni mmirat(i) mill-proposta/inizjattiva

Il-Programm Qafas tal-Euratom huwa wieħed mill-elementi tal-kostruzzjoni tal-politika Ewropea ta’ riċerka dwar l-enerġija u l-istrateġija UE 2020, b’mod speċjali l-Unjoni tal-Innovazzjoni. Il-Programm Qafas tal-Euratom itejjeb il-kompetizzjoni għall-eċċellenza xjentifika u jappoġġa l-innovazzjoni fil-qasam tal-enerġija nukleari biex jindirizza l-isfidi ppreżentati mill-enerġija u t-tibdil fil-klima. Il-proposta attwali tindirizza fid-dettall il-perjodu 2012-13, iżda l-attivitajiet jibqgħu għal kollox konsistenti mal-miri ewlenin għall-iżvilupp teknoloġiku fil-qasam nukleari fl-għaxar snin li ġejjin kif stabbilit fil-Pjan Strateġiku Ewropew għat-Teknoloġija tal-Enerġija (Pjan SET).

1.4.2. Objettiv(i) speċifiku(speċifiċi) u attività(jiet) ABM/ABB ikkonċernata(i)

Objettiv speċifiku Nru.1 L-iżvilupp tal-bażi ta’ għarfien għal ITER u t-twettiq tiegħu bħala pass importanti lejn il-ħolqien ta’ prototipi ta’ reatturi għal impjanti tal-enerġija li huma siguri, sostenibbli, ambjentalment responsabbli, u ekonomikament vijabbli.

Objettiv speċifiku Nru.2 L-istabbiliment ta’ bażi soda xjentifika u teknika sabiex jiġu aċċelerati l-iżviluppi prattiċi għall-immaniġġjar aktar sikur ta’ skart radjuattiv b’ħajja twila, li jtejjeb b’mod partikolari s-sikurezza, l-effiċjenza tar-riżorsi u l-kosteffikaċja tal-enerġija nukleari u jiżgura sistema robusta u soċjalment aċċettabbli ta’ protezzjoni tal-bniedem u tal-ambjent kontra l-effetti tar-radjazzjoni jonizzanti.

Objettiv speċifiku Nru.3 Il-programm jimmira li jissodisfa l-obbligi ta’ R&Ż tat-Trattat u li jappoġġja kemm lill-Kummissjoni kif ukoll lill-Istati Membri fl-oqsma tas-salvagwardji u n-nonproliferazzjoni, l-immaniġġjar tal-iskart, is-sikurezza ta’ stallazzjonijiet nukleari u ċ-ċiklu tal-fjuwil, ir-radjuattività fl-ambjent u l-protezzjoni mir-radjazzjoni. Il-JRC għandu jsaħħaħ aktar l-irwol tiegħu bħala referenza Ewropea għat-tixrid tal-informazzjoni, it-taħriġ u l-edukazzjoni għall-professjonisti u x-xjenzati żgħażagħ.

1.4.3. Riżultat(i) mistenni(ja) u impatt

Il-Programm Qafas tal-Euratom propost (2012-13) ser ikollu dawn l-impatti:

Fissjoni nukleari u protezzjoni mir-radjazzjoni tal-Euratom: Huma mistennija impatti f’bosta oqsma, fosthom li li jiżdied l-isfruttament sikur u aktar sostenibbli tal-enerġija nukleari, li jittieħdu aktar passi sinifikanti lejn l-implimentazzjoni sikura tar-rimi ġeoloġiku ta’ skart nukleari ta’ livell għoli u b’ħajja twila, u li tiġi żgurata regolazzjoni aktar robusta ta’ prattiċi industrijali u mediċi li jinvolvu l-użu ta’ radjazzjoni jonizzanti.

Fużjoni tal-Euratom: Il-kostruzzjoni u t-tħaddim ta’ ITER huwa proġett fit-tul li ser jagħti r-riżultati matul id-deċennji li ġejjin. Il-kostruzzjoni u l-isfruttament b’suċċess ta’ ITER flimkien mal-programm ta’ R&Ż adattat ser iwassal għall-possibbiltà ta' kostruzzjoni ta' reattur ta’ fużjoni ta’ demostrazzjoni.

Azzjonijiet diretti mwettqa mill-JRC: Il-JRC ser jissodisfa l-obbligi ta’ R&Ż tat-Trattat u jappoġġa kemm lill-Kummissjoni kif ukoll lill-Istati Membri fl-oqsma tas-salvagwardji u n-nonproliferazzjoni, l-immaniġġjar tal-iskart, is-sikurezza tal-istallazzjonijiet nukleari u ċ-ċiklu tal-fjuwil, ir-radjuattività fl-ambjent u l-protezzjoni mir-radjazzjoni. Dan ser iżomm l-ogħla livell ta’ għarfien dwar fenomeni ewlenin, u b’mod partikolari ser tingħata enfasi fuq l-għoti ta’ appoġġ għall-edukazzjoni u t-taħriġ ta’ xjenzati u inġiniera preżenti u futuri.

1.4.4. Indikaturi ta’ riżultati u impatt

Fużjoni tal-Euratom:

Kostruzzjoni ta’ ITER: għadd ta’ miri milħuqa mill-Impriża Konġunta ta’ Fużjoni għall-Enerġija (F4E).

Faċilità JET: għadd ta’ pubblikazzjonijiet xjentifiċi dwar JET

Attivitajiet ikkoordinati tal-EFDA: tlestija tar-riżultati tanġibbli taħt il-Ftehimiet tal-Kompiti tal-EFDA, numru ta’ riċerkaturi u inġiniera tal-fużjoni mħarrġa għall-ħtiġijiet ta’ ITER u l-Programm ta’ R&Ż dwar il-Fużjoni

Ftehim dwar il-Mobilità: Livell ta’ mobilità tar-riċerkaturi fir-R&Ż dwar il-fużjoni

Fissjoni Nukleari u Protezzjoni mir-Radjazzjoni tal-Euratom:

Il-perċentwal tal-proposti tal-proġetti li: (i) indirizzaw b’suċċess il-kriterji ta’ eċċellenza xjentifika u/jew teknoloġika (ii) kisbu l-objettivi u l-miri tekniċi tagħhom u saħansitra marru lilhinn mill-aspettattivi (iii) indirizzaw il-kriterju tad-disseminazzjoni u l-użu tar-riżultati tal-proġetti (iv) urew evidenza li ser jipproduċu impatti sinifikanti xjentifiċi, tekniċi, kummerċjali, soċjali jew ambjentali.

1.5. Raġunijiet għall-proposta/inizjattiva

1.5.1. Rekwiżit jew rekwiżiti li għandhom jintlaħqu fuq medda ta’ żmien qasir jew twil

Il-Programm Qafas tal-Euratom propost ser jindirizza d-diversi sfidi xjentifiċi u teknoloġiċi sabiex jintlaħqu l-miri fuq medda ta’ żmien qasir u twil tal-Pjan SET. Għal aktar dettalji jekk jogħġbok irreferi għall-evalwazzjoni ex ante.

1.5.2. Valur miżjud tal-involviment tal-UE

Il-valur miżjud tal-involviment tal-Euratom fir-riċerka nukleari huwa marbut ma’ effetti transkonfinali u ekonomiji ta' skala. Xi attivitajiet ta’ riċerka nukleari huma ta’ tali skala li ftit huma l-Istati Membri li jistgħu jipprovdu r-riżorsi u l-ħila esperta meħtieġa. Proġetti tal-Euratom fl-oqsma tal-fissjoni, fużjoni u protezzjoni mir-radjazzjoni jipprovdu “massa kritika”, inaqqsu r-riskju kummerċjali u jinkoraġġixxu l-investiment privat. L-azzjonijiet tal-Euratom jgħinu biex jiġu ttrasferiti ħiliet u għarfien bejn fruntiera u oħra, billi jtejbu l-kapaċitajiet ta’ R&Ż, il-kwalità u l-kompetizzjoni, u jtejbu l-kapaċità umana permezz ta’ taħriġ, mobilità u żvilupp tal-karrieri. Għal aktar dettalji jekk jogħġbok irreferi għall-evalwazzjoni ex ante.

1.5.3. Lezzjonijiet mitgħallma minn esperjenzi simili fil-passat

Is-7 Programm Kwadru preżenti tal-Euratom kien soġġett għall-evalwazzjoni interim imwettqa minn panel ta’ esperti indipendenti. Għal aktar dettalji jekk jogħġbok irreferi għall-evalwazzjoni ex ante.

1.5.4. Koerenza u sinerġija possibbli ma’ strumenti relevanti oħrajn

Il-Programm Qafas Propost huwa koerenti mal-objettivi tal-Pjan SET u l-Istrateġija tal-UE 2020. Għal aktar dettalji jekk jogħġbok irreferi għall-evalwazzjoni ex ante u l-memorandum ta’ spjegazzjoni.

1.6. Tul ta’ żmien u impatt finanzjarju

X Proposta/inizjattiva ta’ tul ta’ żmien limitat

- - X Proposta/inizjattiva fis-seħħ minn [01/01]2012 sa [31/12]2013

- - X Impatt finanzjarju mill-2012 sal-2022 (tmiem stmat tal-proġetti)

1.7. Mod(i) ta’ mmaniġġjar previst(i)[23]

X Immaniġġjar dirett ċentralizzat mill-Kummissjoni

X Immaniġġjar indirett ċentralizzat bid-delegazzjoni ta’ kompiti ta’ implimentazzjoni lil:

- ( aġenziji eżekuttivi

- - X korpi stabbiliti mill-Komunitajiet[24]

- ( korpi nazzjonali tas-settur pubbliku/korpi b’missjoni ta’ servizz pubbliku

- ( persuni fdati bl-implimentazzjoni ta’ azzjonijiet speċifiċi skont it-Titolu V tat-Trattat dwar l-Unjoni Ewropea u identifikati fl-att bażiku relevanti fi ħdan it-tifsira tal-Artikolu 49 tar-Regolament Finanzjarju

2. MIŻURI TA’ MMANIĠĠJAR

2.1. Regoli ta’ monitoraġġ u rapportaġġ

Il-Kummissjoni ser timmonitorja kontinwament u sistematikament l-implimentazzjoni tal-Programm Qafas tal-Euratom u l-programmi speċifiċi tiegħu u tirrapporta regolarment u xxerred ir-riżultati ta’ dan il-monitoraġġ. Wara t-tlestija tal-Programm Qafas, il-Kummissjoni ser tvara, mhux aktar tard minn sentejn wara t-tlestija tiegħu (2015) evalwazzjoni esterna minn esperti indipendenti tar-ratio, l-implimentazzjoni u l-kisbiet tiegħu.

2.2. Sistema ta’ mmaniġġjar u kontroll

2.2.1. Riskju(i) identifikat(i)

B’konformità mar-rekwiżiti tal-Kummissjoni, kull sena jsir eżerċizzju ta’ valutazzjoni tar-riskju sabiex jiġu identifikati r-riskji u indikati l-azzjonijiet korrettivi proposti. Ir-riskji identifikati, il-miżuri korrettivi u l-iskeda ta’ żmien indikattiva jiġu adottati bħala parti mill-Pjan ta’ Mmaniġġjar tal-Kummissjoni.

2.2.2. Metodu(i) ta’ kontroll previst(i)

Bosta metodi ta’ kontroll huma applikati kif kien il-każ matul is-7 Programm Qafas tal-Euratom (2009-2011), inklużi l-miżuri ta’ kontroll ex-ante u verifiki ex-post biannwali magħżula b’mod aleatorju fil-qafas tal-iskema ta’ kontroll intern. Barra minn hekk, ir-rekwiżit għal ċertifikati ta’ verifika u t-twettiq ta’ verifiki esterni indipendenti regolari jgħinu sabiex jiġi żgurat immaniġġjar finanzjarju sod, inkluża r-regolarità u l-legalità tat-transazzjonijiet imwettqa.

2.3. Miżuri għall-prevenzjoni ta’ frodi u irregolaritajiet

Għandhom jittieħdu miżuri adattati għall-prevenzjoni ta’ irregolaritajiet u frodi u sabiex jiġu rkuprati fondi mitlufa, imħallsa bi żball jew użati b’mod skorrett, b’mod konformi mar-Regolament tal-Kunsill (KE, EURATOM) Nru 1605/2002 tal-25 ta' Gunju 2002 rigward ir-Regolament Finanazjarju applikabbli għall-baġit generali tal-Komunitajiet Ewropej, ir-Regolament tal-Kummissjoni (KE, EURATOM) Nru 2342/2002 tat-23 ta' Diċembru 2002 li jippreskrivi regoli ddettaljati għall-implimentazzjoni tar-Regolament Finanzjarju, ir-Regolamenti tal-Kunsill (KE, EURATOM) Nru 2988/95 tat-18 Diċembru 1995 dwar il-protezzjoni tal-interessi finanzjarji tal-Komunità, Nru 2185/96 tal-11 ta' Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolarijiet oħra u r-Regolament tal-Parlament Ewropew u tal-Kunsill Nru 1073/1999 (KE) dwar investigazzjonijiet immexxija mill-Uffiċċju Ewropew ta' Kontra l-Frodi (OLAF).

3. IMPATT FINANZJARJU STMAT TAL-PROPOSTA/INIZJATTIVA

3.1. Intestatura(i) tal-qafas finanzjarju multiannwali u l-linja(i) baġitarja(i) tan-nefqa affettwata(i)

- - Linji baġitarji tan-nefqa eżistenti

Fl-ordni tal-intestaturi u l-linji baġitarji tal-qafas finanzjarju multiannwali.

Intestatura tal-qafas finanzjarju multiannwali | Linja baġitarja | Tip ta’ nefqa | Kontribuzzjoni |

Numru [Deskrizzjoni………………………...……….] | DA/NDA ([25]) | minn pajjiżi tal-EFTA[26] | minn pajjiżi kandidati[27] | minn pajjiżi terzi | fit-tifsira tal-Artikolu 18(1)(aa) tar-Regolament Finanzjarju |

1 a | 08 20 Enerġija mill-Fużjoni -Euratom 08 21 Enerġija mill-Fissjoni u Protezzjoni mir-Radjazzjoni -Euratom 08 22 04 Allokazzjonijiet derivati minn kontribuzzjonijiet minn terzi għal riċerka u żvilupp teknoloġiku 10 03 Riċerka ffinanzjata direttament – Euratom 10 03 01 Azzjoni nukleari taċ-Ċentru Konġunt għar-Riċerka (JRC) 10 03 02 Allokazzjonijiet derivati minn kontribuzzjonijiet minn terzi | DA | LE | IVA/LE * | IVA | IVA |

08 01 Nefqa amministrattiva fuq ir-riċerka 08 01 04 40 Impriża Konġunta Ewropea għall-immaniġġjar amministrattiv ta’ ITER (F4E) 08 01 05 01 Nefqa relatata ma’ Persunal ta’ Riċerka 08 01 05 02 Persunal estern għar-Riċerka 08 01 05 03 Infiq ieħor ta’ mmaniġġjar għar-Riċerka 10 01 Nefqa amministrattiva fuq Riċerka Diretta 10 01 05 Nefqa ta’ appoġġ għal operazzjonijiet fil-qasam tal-politika ta’ Riċerka Diretta 10 01 05 01 Nefqa relatata ma’ persunal ta’ riċerka 10 01 05 02 Persunal estern għar-riċerka 10 01 05 03 Nefqa oħra fuq l-immaniġġjar tar-riċerka | NDA | LE | IVA/LE * | IVA | LE |

* diskussjonijiet mat-Turkija relatati ma’ Riċerka Nukleari jinsabu għaddejjin.

- - Linji baġitarji ġodda mitluba Mhux applikabbli

Mhux applikabbli

3.2. Sommarju tal-Impatt stmat fuq in-nefqa

3.2.1. Sommarju tal-impatt stmat fuq in-nefqa EUR miljun (sa 3 postijiet deċimali)

Intestatura tal-qafas finanzjarju multiannwali: | 1 a | Kompetittività għat-Tkabbir u l-Impjiegi |

Riċerka Indiretta | Sena | Sena | Sena | TOTAL |

( Operational appropriations | 2012 | 2013 | ≥ 2014 |

Numru tal-linja baġitarja: 08 2x total | Impenji | (1) | 1,183.379 | 992.804 | 0 | 2,176.183 |

Pagamenti | (2) | 436.422 | 898.164 | 841.597 | 2,176.183 |

Numru tal-linja baġitarja: 08 20 Numru tal-linja baġitarja: 08 21 | Impenji | (1) | 1,129.274 | 936.965 | 0 | 2,066.239 |

Pagamenti | (2) | 401.822 | 863.164 | 801.253 | 2,066.239 |

Impenji | (1) | 54.105 | 55.839 | 0 | 109.944 |

Pagamenti | (2) | 34.600 | 35.000 | 40.344 | 109.944 |

Allokazzjonijiet ta’ natura amministrattiva ffinanzjati mill-pakkett ta’ programmi speċifiċi[28] 08 01 xx xx total 08 01 04 40 Impriża Konġunta Ewropea (F4E) 08 01 05 01 Nefqa relatata ma’ Persunal ta’ Riċerka 08 01 05 02 Persunal estern għar-Riċerka 08 01 05 03 Infiq ieħor fuq l-immaniġġjar tar-riċerka | 74.054 39.000 23.456 1.637 9.961 | 76.817 39.780 25.230 1.555 10.252 | 0 | 150.871 |

Numru tal-linja baġitarja: 08 01 | (3) | 74.054 | 76.817 | 150.871 |

TOTAL ta’ allokazzjonijiet għad-DG Riċerka u Innovazzjoni | Impenji | =1+1a +3 | 1,257.433 | 1,069.621 | 0 | 2,327.054 |

Pagamenti | =2+2a+3 | 510.476 | 974.981 | 841.597 | 2,372.054 |

( TOTAL operational appropriations | Impenji | (4) | 1,183.379 | 992.804 | 2,176.183 |

Pagamenti | (5) | 436.422 | 898.164 | 841,597 | 2,176.183 |

( TOTAL ta’ allokazzjonijiet ta’ natura amministrattiva ffinanzjati mill-pakkett ta’ programmi speċifiċi | (6) | 74.054 | 76.817 | 0 | 150.871 |

TOTAL ta’ allokazzjonijiet taħt l-INTESTATURA 1 a tal-qafas finanzjarju multiannwali | Impenji | =4+ 6 | 1,257.433 | 1,069.621 | 0 | 2,327.054 |

Pagamenti | =5+ 6 | 510.476 | 974.981 | 841.597 | 2,327.054 |

Jekk aktar minn intestatura waħda hija affettwata mill-proposta / inizjattiva:

( TOTAL operational appropriations | Impenji | (4) |

Pagamenti | (5) |

( TOTAL ta’ allokazzjonijiet ta’ natura amministrattiva ffinanzjati mill-pakkett ta’ programmi speċifiċi | (6) |

TOTAL ta’ allokazzjonijiet taħt l-INTESTATURI 1 sa 4 tal-qafas finanzjarju multiannwali (Ammont ta’ referenza) | Impenji | =4+ 6 |

Pagamenti | =5+ 6 |

Intestatura tal-qafas finanzjarju multiannwali: | 5 | " Nefqa amministrattiva " |

EUR miljun (sa 3 postijiet deċimali)

Sena 2012 | Sena 2013 | TOTAL |

DĠ: Riċerka / Riċerka Diretta |

( Riżorsi umani | 0 | 0 | 0 |

( Nefqa amministrattiva oħra | 0 | 0 | 0 |

TOTAL DĠ <…….> | Allokazzjonijiet | 0 | 0 | 0 |

TOTAL ta’ allokazzjonijiet taħt l-INTESTATURA 5 tal-qafas finanzjarju multiannwali | (Impenji totali = Pagamenti totali) | 0 | 0 | 0 |

EUR miljun (sa 3 postijiet deċimali)

Sena 2012 | Sena 2013 | Sena ≥ 2014 | TOTAL |

TOTAL ta’ allokazzjonijiet taħt l-INTESTATURI 1 sa 5 tal-qafas finanzjarju multiannwali | Impenji | 0 | 0 | 0 | 0 |

Pagamenti | 0 | 0 | 0 | 0 |

Sommarju tal-impatt stmat fuq in-nefqa EUR miljun (sa 3 postijiet deċimali)

Intestatura tal-qafas finanzjarju multiannwali: | 1 a | Kompetittività għat-Tkabbir u l-Impjiegi |

Riċerka Diretta | Sena | Sena | Sena | TOTAL |

( Operational appropriations | 2012 | 2013 | ≥ 2014 |

Numru tal-linja baġitarja: 10.03 | Impenji | (1a) | 9.895 | 10.252 | 0 | 20.147 |

Pagamenti | (2a) | 4.650 | 8.972 | 6.525 | 20.147 |

Numru tal-linja baġitarja: 10.03.01 | Impenji | (1a) | 9.895 | 10.252 | 0 | 20.147 |

Pagamenti | (2a) | 4.650 | 8.972 | 6.525 | 20.147 |

Allokazzjonijiet ta’ natura amministrattiva ffinanzjati mill-pakkett ta’ programmi speċifiċi[29] 10 01 05 10 01 05 01 10 01 05 02 10 01 05 03 | 104.648 57.444 10.577 36.627 | 108.421 59.515 10.958 37.948 | 0 0 0 0 | 213.069 116.959 21.536 74.574 |

TOTAL ta’ allokazzjonijiet għad-DĠ Riċerka & Innovazzjoni / Riċerka Diretta | Impenji | =1+1a +3 | 114.543 | 118.673 | 0 | 233.216 |

Pagamenti | =2+2a+3 | 109.298 | 117.393 | 6.525 | 233.216 |

( TOTAL operational appropriations | Impenji | (4) | 9.895 | 10.252 | 0 | 20.147 |

Pagamenti | (5) | 4.650 | 8.972 | 6.525 | 20.147 |

( TOTAL ta’ allokazzjonijiet ta’ natura amministrattiva ffinanzjati mill-pakkett ta’ programmi speċifiċi | (6) | 104.648 | 108.421 | 0 | 213.069 |

TOTAL ta’ allokazzjonijiet taħt l-INTESTATURA 1 a tal-qafas finanzjarju multiannwali | Impenji | =4+ 6 | 114.543 | 118.673 | 0 | 233.216 |

Pagamenti | =5+ 6 | 109.298 | 117.393 | 6.525 | 233.216 |

Jekk aktar minn intestatura waħda hija affettwata mill-proposta / inizjattiva:

( TOTAL operational appropriations | Impenji | (4) |

Pagamenti | (5) |

( TOTAL ta’ allokazzjonijiet ta’ natura amministrattiva ffinanzjati mill-pakkett ta’ programmi speċifiċi | (6) |

TOTAL ta’ allokazzjonijiet taħt l-INTESTATURI 1 sa 4 tal-qafas finanzjarju multiannwali (Ammont ta’ referenza) | Impenji | =4+ 6 |

Pagamenti | =5+ 6 |

Intestatura tal-qafas finanzjarju multiannwali: | 5 | " Nefqa amministrattiva " |

EUR miljun (sa 3 postijiet deċimali)

Sena 2012 | Sena 2013 | TOTAL |

DĠ: Riċerka / Riċerka Diretta |

( Riżorsi umani | 0 | 0 | 0 |

( Nefqa amministrattiva oħra | 0 | 0 | 0 |

TOTAL DĠ <…….> | Allokazzjonijiet | 0 | 0 | 0 |

TOTAL ta’ allokazzjonijiet taħt l-INTESTATURA 5 tal-qafas finanzjarju multiannwali | (Impenji totali = Pagamenti totali) |

EUR miljun (sa 3 postijiet deċimali)

Sena 2012 | Sena 2013 | Sena ≥ 2014 | TOTAL |

TOTAL ta’ allokazzjonijiet taħt l-INTESTATURI 1 sa 5 tal-qafas finanzjarju multiannwali | Impenji | 114.543 | 118.673 | 0 | 233.216 |

Pagamenti | 109.298 | 117.393 | 6.525 | 233.216 |

Sommarju tal-impatt stmat fuq in-nefqa EUR miljun (sa 3 postijiet deċimali)

Intestatura tal-qafas finanzjarju multiannwali: | 1 a | Kompetittività għat-Tkabbir u l-Impjiegi |

Sommarju Riċerka Indiretta / Riċerka Diretta | Sena | Sena | Sena | TOTAL |

( Operational appropriations | 2012 | 2013 | ≥ 2014 |

Numru tal-linja baġitarja: 08 20/08 21 | Impenji | (1) | 1,183.379 | 992.804 | 0 | 2,176.183 |

Pagamenti | (2) | 436.422 | 898.164 | 841.597 | 2,176.183 |

Numru tal-linja baġitarja: 10.03 | Impenji | (1a) | 9.895 | 10.252 | 0 | 20.147 |

Pagamenti | (2a) | 4.650 | 8.972 | 6.525 | 20.147 |

Allokazzjonijiet ta’ natura amministrattiva ffinanzjati mill-pakkett ta’ programmi speċifiċi[30] 08 01 xx 10 01 xx | 74.054 104.648 | 76.817 108.421 | 0 0 | 150.871 213.069 |

Numru tal-linja baġitarja: 08 01 xx / 10 01 05 | (3) | 178.702 | 185.238 | 0 | 363.940 |

TOTAL ta’ allokazzjonijiet għad-DĠ Riċerka & Innovazzjoni / Riċerka Diretta | Impenji | =1+1a +3 | 1,371.976 | 1,188.294 | 0 | 2,560.270 |

Pagamenti | =2+2a+3 | 619.774 | 1,092.374 | 848.122 | 2,560.270 |

( TOTAL operational appropriations | Impenji | (4) | 1,193.274 | 1,003.056 | 0 | 2,196.330 |

Pagamenti | (5) | 441.072 | 907.136 | 848.122 | 2,196.330 |

( TOTAL ta’ allokazzjonijiet ta’ natura amministrattiva ffinanzjati mill-pakkett ta’ programmi speċifiċi | (6) | 178.702 | 185.238 | 0 | 363.940 |

TOTAL ta’ allokazzjonijiet taħt l-INTESTATURA 1 a tal-qafas finanzjarju multiannwali | Impenji | =4+ 6 | 1,371.976 | 1.188.294 | 0 | 2,560.270 |

Pagamenti | =5+ 6 | 619.774 | 1,092.374 | 848.122 | 2,560.270 |

Jekk aktar minn intestatura waħda hija affettwata mill-proposta / inizjattiva:

( TOTAL operational appropriations | Impenji | (4) |

Pagamenti | (5) |

( TOTAL ta’ allokazzjonijiet ta’ natura amministrattiva ffinanzjati mill-pakkett ta’ programmi speċifiċi | (6) |

TOTAL ta’ allokazzjonijiet taħt l-INTESTATURI 1 sa 4 tal-qafas finanzjarju multiannwali (Ammont ta’ referenza) | Impenji | =4+ 6 |

Pagamenti | =5+ 6 |

Intestatura tal-qafas finanzjarju multiannwali: | 5 | " Nefqa amministrattiva " |

EUR miljun (sa 3 postijiet deċimali)

Sena 2012 | Sena 2013 | TOTAL |

DĠ: Riċerka / Riċerka Diretta |

( Riżorsi umani |

( Nefqa amministrattiva oħra |

TOTAL DĠ <…….> | Allokazzjonijiet |

TOTAL ta’ allokazzjonijiet taħt l-INTESTATURA 5 tal-qafas finanzjarju multiannwali | (Impenji totali = Pagamenti totali) |

EUR miljun (sa 3 postijiet deċimali)

Sena 2012 | Sena 2013 | Sena ≥ 2014 | TOTAL |

TOTAL ta’ allokazzjonijiet taħt l-INTESTATURI 1 sa 5 tal-qafas finanzjarju multiannwali | Impenji | 1,371.976 | 1.188.294 | 0 | 2,560.270 |

Pagamenti | 619.774 | 1,092.374 | 848.122 | 2,560.270 |

3.2.2. Impatt stmat fuq allokazzjonijiet operattivi

- ( Il-proposta/inizjattiva ma teħtiġx l-użu ta’ allokazzjonijiet operattivi

- - X Il-proposta/inizjattiva teħtieġ l-użu ta’ allokazzjonijiet operattivi, kif spjegat hawn isfel:

Impenji ta’ allokazzjonijiet f’EUR miljun (sa 3 postijiet deċimali)

Indika l-objettivi u l-outputs ( | Sena 2012 | Sena 2013 | TOTAL |

OUTPUTS |

Tip ta’ output[31] | Average cost of the output | Numru of outputs | Spiża | Numru of outputs | Spiża | Numru totali ta’ outputs | Total cost |

OBJETTIV SPEĊIFIKU Nru 1[32]… |

- Output – Fużjoni EURATOM | ** | ** | 50* | 1,129.274 | 50* | 936.965 | 100* | 2,066.239 |

OBJETTIV SPEĊIFIKU Nru 2… |

SPIŻA TOTALI | 1,193.274 | 1,003.056 | 2,196.330 |

(*) (*) numru stmat ta’ outputs

(**) (**) output normali ta’ għotja għar-riċerka huwa rapport li jiddeskrivi fatti, sejbiet u riżultati. L-output tal-proġett ITER ser ikun rapporti annwali ta’ attività pprovduti mill-F4E (aġenzija ta’ Barċellona).L-ispejjeż medji mhumiex murija. Tali informazzjoni ma tkunx utli minħabba l-ammonti involuti fil-proġetti attwali tagħna (ITER).

(***) Tip ta’ output: Prodotti u servizzi għal dawk li jfasslu l-politika tal-UE. Spiża medja tal-output: L-ispiża ta’ kull output hija varjabbli ħafna. Pereżempju, prodott tanġibbli ta’ rutina (eż. Bulettin ta’ tbassir ta’ wiċċ tar-raba’ perjodiku) mhuwiex kumparabbli ma’ rapport finali ta’ ta’ studju kbir u li possibbilment ikun jiswa ħafna li għalih numru konsiderevoli ta’ krediti setgħu jkunu wasslu għal dokument ta’ studju wieħed. It-tnejn huma relevanti u utli iżda jservu skopijiet differenti ħafna. L-ispiża medja indikata hija biss kalkolu matematiku li jaqsam il-baġit b’numru stmat ta’ outputs.

3.2.3. Impatt stmat fuq allokazzjonijiet ta’ natura amministrattiva

3.2.3.1. Sommarju

- ( Il-proposta/inizjattiva ma teħtiġx l-użu ta’ allokazzjonijiet amministrattivi

- - X Il-proposta/inizjattiva teħtieġ l-użu ta’ allokazzjonijiet amministrattivi, kif spjegat hawn isfel:

EUR miljun (sa 3 postijiet deċimali)

Sena 2012 - N[33] | Sena 2013 - N+1 | TOTAL |

INTESTATURA 5 tal-qafas finanzjarju multiannwali |

Riżorsi umani |

Nefqa amministrattiva oħra |

Subtotal tal-INTESTATURA 5 tal-qafas finanzjarju multiannwali |

Outside HEADING 5[34] of the multiannual financial framework | Riċerka Indiretta | Riċerka Diretta | Riċerka Indiretta | Riċerka Diretta | Riċerka Indiretta | Riċerka Diretta |

Riżorsi umani | 58.863 | 68.021 | 61.230 | 70.474 | 120.093 | 138.495 |

Nefqa oħra ta’ natura amministrattiva | 15.191 | 36.627 | 15.587 | 37.947 | 30.778 | 74.574 |

Subtotal barra l-INTESTATURA 5 tal-qafas finanzjarju multiannwali | 74.054 | 104.648 | 76.817 | 108.421 | 150.871 | 213.069 |

TOTAL | 178.702 | 185.238 | 363.940 |

3.2.3.2. Ħtiġijiet stmati ta’ riżorsi umani

- ( Il-proposta/inizjattiva ma teħtiġx l-użu ta’ riżorsi umani

- - X Il-proposta/inizjattiva teħtieġ l-użu ta’ riżorsi umani, kif spjegat hawn isfel:

L-istima għandha tiġi espressa f’ammonti sħaħ (jew l-aktar sa post deċimali wieħed)

Sena 2012 - N | Sena 2013 - N+1 |

( Karigi tal-pjan ta’ stabbiliment (uffiċjali u aġenti temporanji) |

X 01 01 01 (Kwartieri ġenerali u Uffiċċji tar-Rappreżentazzjoni tal-Kummissjoni) |

xx 01 01 02 (Delegazzjonijiet) |

08 01 05 01 (Riċerka indiretta) | 190 | 190 |

10 01 05 01 (Riċerka diretta) | 566 | 566 |

( Persunal estern (f’unità ta’ Ekwivalenti għal Full-Time (Full Time Equivalent : FTE)[35] |

XX 01 02 01 (CA, INT, SNE mill-“pakkett globali”) |

XX 01 02 02 (CA, INT, JED, LA u SNE fid-delegazzjonijiet) |

08 01 04 40 [36] | - fil-Kwartieri Ġenerali[37] |

- f’delegazzjonijiet (F4E Aġenzija ta’ Barċellona -ITER): - uffiċjali u aġenti temporanji - CA GF-IV - SNE | 262 150 10 | 262 150 10 |

08 01 05 02 (CA, INT, SNE - Riċerka indiretta) | 40 | 40 |

10 01 05 02 (CA, INT, SNE - Riċerka diretta) | 166 | 166 |

Linji baġitarji oħrajn (speċifika) |

TOTAL | 1,384 | 1,384 |

XX HIJA L-QASAM TA’ POLITIKA JEW IT-TITOLU TAL-BAġIT IKKONċERNAT.

Ir-riżorsi umani meħtieġa jiġu pprovduti minn persunal mid-DĠ li jkunu diġà assenjati għall-immaniġġjar tal-azzjoni u/jew li ġew assenjati mill-ġdid fi ħdan id-DĠ, jekk meħtieġ flimkien ma’ kull allokazzjoni addizzjonali li tista’ tingħata lid-DĠ li tkun qed tmexxi l-azzjoni taħt il-proċedura ta’ allokazzjoni annwali fid-dawl ta’ restrizzjonijiet baġitarji.

Deskrizzjoni tal-kompiti li għandhom jitwettqu:

Uffiċjali u aġenti temporanji | Kompiti derivati mill-programm speċifiku ta’ riċerka nukleari/riċerka diretta u indiretta, b’mod partikolari relatati mal-immaniġġjar tal-iskart nukleari, is-sikurezza nukleari u s-salvagwardji u s-sigurtà nukleari. |

Persunal estern |

3.2.4. Kumpatibbiltà mal-qafas finanzjarju multiannwali preżenti

- ( Il-proposta/inizjattiva hija kumpatibbli mal-qafas finanzjarju multiannwali preżenti.

- X Il-proposta/inizjattiva ser tinvolvi programmar mill-ġdid tal-intestatura relevanti fil-qafas finanzjarju multiannwali.

Il-proposti għall-Programm Qafas 2012-2013 tal-Euratom jipprovdi qafas ġenerali għall-attivitajiet ta' riċerka fil-qafas nukleari u baġit xieraq. Madankollu, l-abbozzi tal-allokazzjonijiet inizjalment previsti għar-riċerka nukleari fil-Qafas Finanzjarju Multiannwali għall-2007-2013 (MFF) huma insuffiċjenti minħabba ż-żieda sostanzjali fl-ispejjeż għall-proġett ITER. Il-Kummissjoni tipproponi li l-proċess leġiżlattiv li jikkonċerna l-proposti għall-Euratom FP għall-2012-13 għandu jitwettaq flimkien mad-diskussjoni attwali dwar il-baġit għal ITER kif ukoll mal-proċedura baġitarja ġdida għall-2012. Ftehim fuq finanzjament addizzjonali permezz tar-riallokazzjoni bejn l-Intestaturi u fi ħdan l-Intestatura (skont it-tabella hawn taħt) għandu jwassal għall-adozzjoni bla dewmien tal-programm ta' riċerka tal-Euratom fl-2011.

Trasferiment bejn l-Intestaturi EUR Miljun | Riallokazzjoni fi ħdan l-intestatura 1A EUR Miljun | Totali |

2012 | 650 | 100 | 750 |

2013 | 190 | 360 | 550 |

Totali | 840 | 460 | 1300 |

- ( Il-proposta/inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju multiannwali[38].

Mhux applikabbli

3.2.5. Kontribuzzjonijiet minn terzi

- - Il-proposta/inizjattiva ma tipprovdix għal kofinanzjament minn terzi

- - X Il-proposta/inizjattiva tipprovdi għall-kofinanzjament stmat hawn isfel:

Allokazzjonijiet f’EUR miljun (sa 3 postijiet deċimali)

Sena 2012 | Sena 2013 |

Speċifika l-korp ta’ kofinanzjament | Pajjiżi terzi assoċjati mal-programm |

TOTAL ta’ allokazzjonijiet kofinanzjati * | pm |

* Il-kontribuzzjonijiet minn terzi għadhom ma ġewx iffissati; ser jiġu miżjuda fi stadju aktar tard

3.3. Impatt stmat fuq id-dħul

- ( Il-proposta/inizjattiva m’għandha ebda impatt finanzjarju fuq id-dħul.

- - X Il-proposta/inizjattiva għandha dan l-impatt finanzjarju:

- ( fuq ir-riżorsi proprji

- - X fuq dħul mixxellanju

EUR miljun (sa 3 postijiet deċimali)

Linja baġitarja tad-dħul: | Allokazzjonijiet disponibbli għall-eżerċizzju tal-baġit li jinsab għaddej | Impatt tal-proposta/inizjattiva[39] |

Sena 2012 | Sena 2013 |

Partita 6011* Partita 6012* Partita 6013 Partita 6031** | pm pm pm pm | pm pm pm pm |

* Il-ftehimiet dwar il-kontribuzzjoni Svizzera kif ukoll dwar il-kontribuzzjoni tal-Fond Konġunt JET għadhom mhumiex iffinalizzati. Id-diskussjonijiet mat-Turkija relatati mal-kooperazzjoni fir-Riċerka Nukleari jinsabu għaddejjin.

Għal dħul mixxellanju assenjat, speċifika l-linja(i) baġitarja(i) tal-infiq affetwata(i).

08 22 04 Allokazzjonijiet derivati minn kontribuzzjonijiet minn terzi (mhux taż-Żona Ekonomika Ewropea) għar-riċerka u l-iżvilupp teknoloġiku

10 03 02 Allokazzjonijiet derivati minn kontribuzzjonijiet minn terzi

Speċifika l-metodu għall-kalkolu tal-impatt fuq id-dħul.

Ċerti stati assoċjati jistgħu jikkontribwixxu għal finanzjament supplimentari tal-programm qafas permezz ta’ ftehimiet ta’ assoċjazzjoni. Il-metodu tal-kalkolu ġie miftiehem f’dawn il-Ftehimiet ta’ Assoċjazzjoni u mhuwiex neċessarjament l-istess f’kull ftehim. Fil-biċċa l-kbira l-ftehimiet huma bbażati fuq l-PDG tal-Istati Assoċjati meta mqabbla mal-PDG tal-Istati Membri waqt li jiġi applikat dan il-perċentwal għall-baġit operattiv totali.

[1] Komunikazzjoni mill-Kummissjoni "L-istatus tal-ITER u t-triq possibbli ’l quddiem ", COM(2010)226, SEC(2010)571

[2] Proposta għal deċiżjoni tal-Parlament Ewropew u tal-Kunsill li temenda l-Ftehim Interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali, biex tindirizza ħtiġijiet ta’ finanzjament addizzjonali tal-proġett ITER, COM(2010) 403

[3] Proposta għal deċiżjoni tal-Parlament Ewropew u tal-Kunsill li temenda l-Ftehim Interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali, biex tindirizza ħtiġijiet ta’ finanzjament addizzjonali tal-proġett ITER, COM(2010) 403

[4] www.snetp.eu

[5] www.igdtp.eu

[6] www.melodi-online.eu

[7] Opinjoni mogħtija fl-XXX

[8] ĠU C XXX

[9] COM(2010) 2020 finali.

[10] ĠU L 460, 30.12.2006. p. 60.

[11] COM (2010) 546 finali

[12] COM (2007) 723 finali

[13] ĠU L 358,16.12.2006, p 62.

[14] ĠU L 90, 30.3.2007, p. 58.

[15] ĠU C 139, 14.6.2006, p. 1. [KUMMENTI:] għandu jiġi aġġornat jekk u meta jiġi adottat il-ftehim qafas il-ġdid

[16] COM(2009)143

[17] ĠU L 312, 23.12.1995, p. 1.

[18] ĠU L 292, 15.11.1996, p. 2.

[19] ĠU L 136, 31.5.1999, p. 8.

[20] ĠU L 210, 31.7.2006, p. 25...

[21] ABM: Activity-Based Management (Immaniġġjar Ibbażat fuq l-Attività) – ABB: Activity-Based Budgeting (Baġitjar Ibbażat fuq l-Attività).

[22] Kif imsemmi fl-Artikolu 49(6)(a) jew (b) tar-Regolament Finanzjarju.

[23] Dettalji ta’ modi ta’ mmaniġġjar u referenzi għar-Regolament Finanzjarju jinsabu fuq is-sit Budg: http://www.cc.cec/budg/man/budgmanag/budgmanag_en.html

[24] Kif imsemmi fl-Artikolu 185 tar-Regolament Finanzjarju.

[25] DA= Differentiated appropriations (allokazzjonijiet differenzjati) / DNA= Non-Differentiated Appropriations (allokazzjonijiet mhux differenzjati)

[26] EFTA: European Free Trade Association (Assoċjazzjoni Ewropea tal-Kummerċ Ħieles).

[27] Pajjiżi kandidati u, fejn applikabbli, pajjiżi kandidati potenzjali mill-Balkani tal-Punent.

[28] Assistenza u nefqa teknika u/jew amministrattiva b’appoġġ għall-implimentazzjoni ta’ programmi tal-UE u/jew azzjonijiet (li qabel kienu linji "BA"), riċerka indiretta, riċerka diretta.

[29] Assistenza u nefqa teknika u/jew amministrattiva b’appoġġ għall-implimentazzjoni ta’ programmi tal-UE u/jew azzjonijiet (li qabel kienu linji "BA"), riċerka indiretta, riċerka diretta

[30] Assistenza u nefqa teknika u/jew amministrattiva b’appoġġ għall-implimentazzjoni ta’ programmi tal-UE u/jew azzjonijiet (li qabel kienu linji "BA"), riċerka indiretta, riċerka diretta

[31] Outputs huma prodotti u servizzi li għandhom jiġu provduti (eż.: in-numru ta’ skambji ta’ studenti ffinanzjati, in-numru ta’ km ta’ toroq mibnija, eċċ.).

[32] Kif deskritt fis-Sezzjoni 1.4.2. "Objettiv(i) speċifiku(speċifiċi)…"

[33] Is-Sena N hija s-sena li fiha tibda l-implimentazzjoni tal-proposta/inizjattiva.

[34] Assistenza u nefqa teknika u/jew amministrattiva b’appoġġ għall-implimentazzjoni ta’ programmi tal-UE u/jew azzjonijiet (li qabel kienu linji "BA"), riċerka indiretta, riċerka diretta.

[35] CA= Contract Agent (Aġent b’Kuntratt); INT= "Intérimaire" (persunal minn aġenzija); JED= "Jeune Expert en Délégation" (Esperti Żgħażagħ f’Delegazzjonijiet); LA= Local Agent (Aġent Lokali); SNE= Seconded National Expert (Espert Nazzjonali Ssekondat);

[36] Taħt il-limitu massimu għal persunal estern minn allokazzjonijiet operattivi (li qabel kienu linji "BA").

[37] Essenzjalment għal Fondi Strutturali, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew tas-Sajd (FES).

[38] Ara l-punti 19 u 24 tal-Ftehim Interistituzzjonali.

[39] Fir-rigward tar-riżorsi proprji tradizzjonali (dazji doganali, imposti fuq iz-zokkor), l-ammonti indikati għandhom ikunu ammonti netti, jiġifieri ammonti grossi wara li jitnaqqas 25% għall-ispejjeż tal-ġbir.