EUR-Lex Access to European Union law
This document is an excerpt from the EUR-Lex website
Document 52010DC0559
COMMUNICATION FROM THE COMMISSION TO THE EUROPEAN COUNCIL Commission opinion pursuant to Article 355(6) of the Treaty on the Functioning of the European Union on the initiative of the French Government to amend the status of Saint-Barthélemy with regard to the Union
KOMUNIKAZZJONI MILL-KUMMISSJONI LILL-KUNSILL EWROPEW Opinjoni tal-Kummissjoni skont l-Artikolu 355(6) tat-Trattat dwar il-Funzjonament tal-Unjoni Ewropea dwar l-inizjattiva tal-gvern Franċiż għall-emenda tal-istatus ta' Saint-Barthélémy fir-rigward tal-Unjoni
KOMUNIKAZZJONI MILL-KUMMISSJONI LILL-KUNSILL EWROPEW Opinjoni tal-Kummissjoni skont l-Artikolu 355(6) tat-Trattat dwar il-Funzjonament tal-Unjoni Ewropea dwar l-inizjattiva tal-gvern Franċiż għall-emenda tal-istatus ta' Saint-Barthélémy fir-rigward tal-Unjoni
/* KUMM/2010/0559 finali */
KOMUNIKAZZJONI MILL-KUMMISSJONI LILL-KUNSILL EWROPEW Opinjoni tal-Kummissjoni skont l-Artikolu 355(6) tat-Trattat dwar il-Funzjonament tal-Unjoni Ewropea dwar l-inizjattiva tal-gvern Franċiż għall-emenda tal-istatus ta' Saint-Barthélémy fir-rigward tal-Unjoni /* KUMM/2010/0559 finali */
[pic] | IL-KUMMISSJONI EWROPEA | Brussel 18.10.2010 KUMM(2010) 559 finali KOMUNIKAZZJONI MILL-KUMMISSJONI LILL-KUNSILL EWROPEW Opinjoni tal-Kummissjoni skont l-Artikolu 355(6) tat-Trattat dwar il-Funzjonament tal-Unjoni Ewropea dwar l-inizjattiva tal-gvern Franċiż għall-emenda tal-istatus ta' Saint-Barthélémy fir-rigward tal-Unjoni KOMUNIKAZZJONI MILL-KUMMISSJONI LILL-KUNSILL EWROPEW Opinjoni tal-Kummissjoni skont l-Artikolu 355(6) tat-Trattat dwar il-Funzjonament tal-Unjoni Ewropeadwar l-inizjattiva tal-gvern Franċiż għall-emenda tal-istatus ta' Saint-Barthélémy fir-rigward tal-Unjoni Ir-Repubblika Franċiża rreferiet inizjattiva lill-Kunsill Ewropew għall-emenda tal-istatus tal-gżira ta' Saint-Barthélemy fir-rigward tal-Unjoni, fuq il-bażi tal-Artikolu 355(6) TFUE. Dan it-territorju attwalment jaqa' taħt id-dispożizzjonijiet magħquda tal-Artikoli 355(1) u 349 TFUE. L-inizjattiva tar-Repubblika Franċiża tikklassifikah mill-1 ta' Jannar 2012, fl-istatus ta' Pajjiż u Territorju extra-Ewropew (Pays et Territoire d’Outre-mer - P.T.O.M.) imsemmi fid-dispożizzjonijiet magħquda tal-Artikolu 355(2) TFUE u tar-raba' parti tal-istess Trattat. L-Artikolu 355(6) TFUE jipprevedi li: " Il-Kunsill Ewropew, fuq l-inizjattiva tal-Istat Membru kkonċernat, jista' jadotta deċiżjoni li temenda l-istatus, fir-rigward tal-Unjoni, ta' pajjiż jew territorju Daniż, Franċiż jew Olandiż previst fil-paragrafi 1 u 2. Il-Kunsill Ewropew għandu jaġixxi b'mod unanimu wara li jikkonsulta l-Kummissjoni. " B'mod konformi ma' din id-dispożizzjoni [ għandha tiġi speċifikata d-data ], il-Kunsill Ewropew ikkonsulta lill-Kummissjoni dwar din l-inizjattiva. Il-Kummissjoni eżaminat l-inizjattiva ta' Franza, biss fir-rigward tal-konsegwenzi li l-bidla imsemmija se jkollha skont id-dispożizzjonijiet stess tal-Artikolu 355 TFUE. Fil-fatt, skont dawn id-dispożizzjonijiet u mid-dħul fis-seħħ tal-bidla fl-istatus, il-liġi tal-Unjoni Ewropea ma tapplikax aktar għat-territorju ta' Saint-Barthélemy, għajr ir-raba' parti tat-TFUE. Fid-dawl ta' dan l-eżami, il-Kummissjoni hija tal-opinjoni li żewġ oqsma jeħtieġu pożizzjoni f'din l-opinjoni, jiġifieri dawk relatati mal-valuta u mat-tassazzjoni. Dwar is-sistema monetarja Kif jirriżulta mid-dokumenti li ssottomettiet lill-Kunsill Ewropew, Franza tixtieq li l-euro jibqa' jintuża f'Saint-Barthélemy. Jeħtieġ li tiġi konkluża konvenzjoni monetarja bejn Franza u l-Unjoni Ewoprea għal dan l-għan, u sabiex tiġi żgurata ż-żamma tal-applikazzjoni tal-liġi Komunitarja fl-oqsma essenzjali għall-funzjonament tajjeb tal-Unjoni Ekonomika u Monetarja (b'mod partikolari l-leġiżlazzjoni monetarja, finanzjarja, kontra l-ħasil tal-flus u kontra l-falsifikazzjoni), bħall-konvenzjonijiet eżistenti jew li qegħdin jiġu nnegozjati. Fid-dokument ta' spjega mehmuż mal-inizjattiva tagħha, Franza ddikjarat b'mod ċar li hija " se tissottoskrivi għall-impenni meqjusa meħtieġa għall-applikazzjoni, f'Saint-Barthélemy, tar-regoli li jirrigwardjaw il-ġlieda kontra l-falsifikazzjoni monetarja, il-ġlieda kontra ċ-ċirkolazzjoni illegali ta' kapital u kontra l-ħasil tal-flus kif ukoll il-kooperazzjoni amministrattiva ". Il-Kummissjoni tieħu nota ta' dan l-impenn u se tirrakkomanda lill-Kunsill fiż-żmien xieraq il-ftuħ tan-negozjati sabiex tiġi konkluża konvenzjoni monetarja bejn l-Unjoni Ewropea u Franza, fuq il-bażi tal-Artikolu 219(3) TFUE. Din ir-rakkomandazzjoni se tinkludi b'mod partikolari abbozz ta' Direttivi ta' negozjati tal-Kummissjoni meħtieġa għal dan. B'mod konformi mal-użu fis-seħħ għat-tħejjija tal-konvenzjonijiet monetarji, il-Bank Ċentrali Ewropew għandu jkun assoċjat fin-negozjati. Dwar is-sistema fiskali Fl-interess tal-funzjonament tajjeb tas-suq intern, l-Unjoni fasslet politika Ewropea ta' governanza fiskali tajba deskritta fil-Komunikazzjoni tal-Kummissjoni COM(2009)201. Din il-politika tinkludi dispożizzjonijiet li fost oħrajn għandhom l-għan li jipprevjenu l-frodi u l-evitar tat-taxxa transkonfinali. Hija tinkludi wkoll kodiċi ta' kondotta fil-qasam tat-tassazzjoni tal-impriżi bl-għan li jiġġieled kontra l-kompetizzjoni fiskali ta' ħsara[1]. Fir-rigward tal-kooperazzjoni fiskali l-Unjoni għalhekk adottat id-Direttiva 77/799/KEE dwar għajnuna reċiproka mill-awtoritajiet kompetenti tal-Istati Membri fil-qasam tat-tassazzjoni diretta u tat-taxxi fuq il-premiums tal-assigurazzjoni[2], kif ukoll id-Direttiva 2003/48/KE dwar tassazzjoni ta' riżervi fuq id-dħul fil-forma ta' pagamenti ta' imgħax[3]. Il-Kummissjoni tqis li, wara il-bidla fl-istatus ta' Saint-Barthélemy, għandu jkun hemm dispożizzjonijiet konvenzjonali li jiggarantixxu li l-mekkaniżmi taż-żewġ Direttivi msemmijin hawn fuq fir-rigward tal-għajnuna u l-kooperazzjoni fiskali u fir-rigward tat-tassazzjoni ta' riżervi, japplikaw ukoll fil-ġejjieni fit-territorju msemmi. Fid-dokument ta' spjega mehmuż mal-inizjattiva tagħha, Franza ddikjarat b'mod ċar li hija "se tissottoskrivi għall-impenni meqjusa meħtieġa għall-applikazzjoni, f'Saint-Barthélemy, tar-regoli li jirrigwardjaw it-trasparenza fiskali". Il-Kummissjoni tieħu nota ta' dan l-impenn u se tirrakkomanda lill-Kunsill fiż-żmien xieraq il-ftuħ tan-negozjati sabiex jiġu konklużi l-konvenzjonijiet korrispondenti, fuq il-bażi tal-Artikolu 218 TFUE. Din ir-rakkomandazzjoni se tinkludi b'mod partikolari abbozz ta' Direttivi ta' negozjati meħtieġa għal dan. Rigward il-kompetizzjoni fiskali ta' ħsara, il-Kummissjoni tfakkar l-impenn meħud minn Franza flimkien mal-Istati Membri l-oħra fil-qafas tal-kodiċi ta' kondotta msemmi hawn fuq, dwar il-qasam tat-tassazzjoni tal-impriżi. Skont dan it-test, fil-fatt, l-Istati Membri jimpenjaw ruħhom li jippromwovu l-adozzjoni ta' prinċipji bl-għan li jeliminaw il-miżuri fiskali ta' ħsara, fit-territorji fejn ma japplikax it-Trattat. Il-Kummissjoni tassumi li dan l-impenn, li jimmira b'mod speċifiku t-territorji msemmijin, se japplika wkoll f'Saint Barthélemy, minn meta l-emenda tal-istatus tal-gżira tidħol fis-seħħ. Dwar l-oqsma l-oħra Għall-fini ta' kompletezza, il-Kummissjoni tindika wkoll li l-bidla fl-istatus tista' teħtieġ adattamenti tekniċi f'oqsma diversi tal-leġiżlazzjoni sekondarja, b'mod partikolari fir-rigward tal-assoċjazzjoni tal-P.T.O.M mal-Unjoni Ewropea, tal-politika reġjonali, tal-impjiegi, tal-agrikoltura, marittima, u tal-unjoni doganali. Dawn l-adattamenti għandhom jistgħu jsiru b'mod li titqies il-bidla fl-istatus skont il-kalendarju ppjanat (bidla fl-istatus fl-1 ta' Jannar 2012). Konklużjoni Il-bidla fl-istatus ta' Saint-Barthélemy ma tqajjimx, fil-biċċa l-kbira tagħha, problemi partikolari fir-rigward tal-liġi tal-Unjoni. Għaldaqstant, huma meħtieġa ċerti adattamenti tekniċi tal-leġiżlazzjoni sekondarja. Barra minn hekk, il-Kummissjoni taħseb li huwa importanti, b'mod partikolari biex jiġu ssalvagwardjati l-interessi tal-Unjoni wara d-data tal-bidla fl-istatus, li l-ftehimiet jiġu konklużi bejn Franza u l-Unjoni Ewropea dwar: - iż-żamma tal-euro kif ukoll il-leġiżlazzjoni għall-funzjonament tajjeb tal-Unjoni Ekonomika u Monetarja; - il-governanza fiskali tajba, u b'mod aktar preċiż l-għajnuna reċiproka fil-qasam fiskali u t-tassazzjoni tar-riżervi. [1] Riżoluzzjoni tal-Kunsill u tar-Rappreżentanti tal-gvernijiet tal-Istati Membri, mlaqqgħin fi ħdan il-Kunsill, tal-1 ta' Diċembru 1997, dwar kodiċi ta' kondotta fil-qasam tat-tassazzjoni tal-impriżi, ĠU C 2, 6.1.1998, p. 2. [2] ĠU L 336, 27.12.1977, p. 15. [3] ĠU L 157, 26.6.2003, p. 38.