52009PC0340

[pic] | KUMMISSJONI TAL-KOMUNITAJIET EWROPEJ |

Brussel 2.7.2009

KUMM(2009) 340 finali

2009/0091 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

Li temenda d-Deċiżjoni Nru 1672/2006/KE tal-Parlament Ewropew u tal-Kunsill li tistabbilixxi Programm Komunitarju għall-Impjiegi u għas-Solidarjetà Soċjali – Progress

MEMORANDUM TA’ SPJEGAZZJONI

L-impatt ewlieni tar-reċessjoni huwa fuq in-nies: l-isfida prinċipali għall-UE llum għandha tkun li timpedixxi l-falliment tal-kumpaniji u l-livelli għolja ta’ qgħad, li tistimola l-ħolqien tax-xogħol, u twitti t-triq għal tiġdid ekonomiku, irkupru sostenibbli u tkabbir. L-UE rreaġixxiet malajr għall-kriżi permezz tal-Pjan Ewropew ta’ Rkupru Ekonomiku li jenfasizza l-ħtieġa li jiġu indirizzati l-effetti tal-kriżi fuq l-impjiegi. L-ewwel effetti tal-Pjan diġà huma promettenti, u s-sistemi ta’ ħarsien soċjali qed iwettqu r-rwol tagħhom ta’ stabbilizzazzjoni. Madankollu, hekk kif is-swieq tax-xogħol qed ikomplu sejrin lura b’reazzjoni għall-kriżi ekonomika, tinħtieġ azzjoni addizzjonali.

L-Ewropa ma għandhiex biss tindirizza r-reċessjoni iżda tbiddilha f’opportunità biex toħloq ekonomija aktar produttiva, aktar innovattiva, b’ħiliet aħjar u li tħares aktar l-ambjent; waħda bi swieq tax-xogħol miftuħa u inklussivi, li joffru soċjetà aktar koeżiva u ugwali u impjiegi li jqisu aħjar l-età, l-ugwaljanza bejn is-sessi u l-bilanċ bejn ix-xogħol u l-ħajja. Il-miżuri meħtieġa biex jiġġieldu l-impatt soċjali u l-impatt fuq l-impjiegi tal-kriżi kurrenti għandhom imorru id f'id mar-riformi strutturali meħtieġa biex jindirizzaw l-isfidi fit-tul tal-globalizzazzjoni u t-tibdil demografiku u tal-klima.

Is-swieq tax-xogħol Ewropej se jinbidlu b’mod qawwi minħabba l-kriżi. Il-ħaddiema u l-kumpaniji għandhom jingħataw il-mezzi meħtieġa biex jadattaw ruħhom għal dawn ir-realtajiet li dejjem jinbidlu: biex jinżammu impjiegi sodi, jissaħħu l-ħiliet fil-livelli kollha, in-nies jiġu mħajra lura għax-xogħol u jiġu stabbiliti l-kundizzjonijiet għall-ħolqien ta’ impjiegi ġodda.

Il-Komunikazzjoni tal-Kummissjoni “Nixprunaw l-irkupru Ewropew”[1] fissret għadd ta’ elementi biex tgħin lill-Istati Membri jfasslu u jimplimentaw politiki tal-impjiegi xierqa u effettivi. Fuq din il-bażi, il-Kunsill Ewropew tar-Rebbiegħa u t-tliet laqgħat ta’ ħidma dwar l-impjiegi li saru f’Madrid, Stokkolma u Praga f’April 2009 għenu biex jiġu definiti tliet prijoritajiet ewlenin: iż-żamma tal-impjiegi, il-ħolqien tal-impjiegi u l-promozzjoni tal-mobilità; l-aġġornament tal-ħiliet u l-provvediment tal-ħtiġijiet tas-suq tax-xogħol; u ż-żieda fl-aċċess għax-xogħol. Fl-aħħar nett, is-Summit dwar l-Impjiegi li sar fis-7 ta’ Mejju kien okkażjoni ta’ skambju ta’ opinjonijiet dwar dawn il-prijoritajiet, u sar qbil dwar 10 azzjonijiet[2].

Biex tkompli tibni fuq dan l-isforz komuni, fit-3 ta' Ġunju l-Kummissjoni adottat Komunikazzjoni dwar "Impenn konġunt għax-xogħol"[3], bil-għan biex tiżdied il-kooperazzjoni bejn l-Unjoni Ewropea u l-Istati Membri kif ukoll bejn is-sħab soċjali tal-UE fuq dawn it-tliet prioritajiet ewlenin, billi jiffukaw fuq inizjattivi konkreti u appoġġjati mill-istrumenti Komunitarji kollha disponibbli, b'mod partikolari l-Fond Soċjali Ewropew (FSE) u l-Fond ta' Aġġustament għall-Globalizzazzjoni.

Bl-għan li jittaffa l-impatt soċjali tal-kriżi, huwa essenzjali li jinżammu u jiddaħħlu aktar nies fis-suq tax-xogħol, speċjalment in-nisa, il-ħaddiema aktar anzjani u gruppi oħra li qegħdin jiġu diskriminati, biex jiġu evitati l-qgħad u l-inattività fuq medda twila ta’ żmien. L-impjieg huwa l-aħjar mod biex wieħed ma jibqax jiġi eskluż: l-Ewropa soċjali tibda bl-impjiegi – madankollu anki fi żminijiet ta’ tkabbir, għad hemm wisq ċittadini tal-UE li jistgħu jidħlu fis-suq tax-xogħol iżda ma għandhomx aċċess għal impjieg.

Biex il-qiegħda jingħataw il-possibilità ta' bidu ġdid u biex tinfetaħ it-triq għas-sħubija għal uħud mill-gruppi Ewropej l-iktar żvantaġġjati, inklużi ż-żgħar, il-Kummissjoni pproponiet faċilità ta' mikrofinanzjar Ewropea ġdida għall-impjiegi u l-inklużjoni soċjali – Progress[4], mfassla biex jgħinu li jiġu żviluppati l-mikrointrapriżi u l-ekonomija soċjali. Din il-faċilità l-ġdida għandha testendi l-firxa ta' appoġġ finanzjarju fil-mira għal intraprendituri ġodda fil-kuntest kurrenti fejn il-provvista tal-kreditu tinsab imnaqqsa.Il-fundaturi tal-mikroimpriżi se jkunu sostnuti wkoll mill-iggwidar, it-taħriġ, il-konsulenza u l-iżvilupp tal-kapaċitajiet, flimkien mas-sostenn tar-rata tal-interessi mill-FSE.

F'konformità mal-Ftehim Interistituzzjonali tas-17 ta' Mejju 2006[5] bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġjar finanzjarju sod, il-Kummissjoni tipproponi biex talloka mill-ġdid EUR 100 miljun mill-baġit eżistenti li jistgħu jtellgħu iktar minn EUR 500 miljun, permezz ta' inizjattiva konġunta ma' istituzzjonijiet finanzjarji internazzjonali, b'mod partikolari mal-Grupp tal-BEI.

Programm Komunitarju għall-Impjiegi u għas-Solidarjetà Soċjali – Progress (2007-2013)[6], jipprovdi appoġġ finanzjarju għall-implimentazzjoni tal-għanijiet tal-Unjoni Ewropea fl-oqsma tal-impjiegi, l-affarijiet soċjali u opportunitajiet ugwali, kif stabbilit fl-Aġenda Soċjali[7] u fl-Aġenda Soċjali mġedda[8].

Il-missjoni tal-Programm ta' Progress huwa li l-Istati Membri jiġu megħjuna fl-isforzi tagħhom biex jinħalqu iktar impjiegi u impjiegi aħjar u biex tinbena soċjetà iktar koeżiva. F'termini iktar konkreti, il-Progress huwa strumentali biex:

1. jipprovdi analiżi u konsulenza politika;

2. jissorvelja u jirrapporta dwar l-implimentazzjoni tal-leġiżlazzjoni u l-politiki tal-UE;

3. jippromwovi trasferiment tal-politiki;

4. joħloq pjattaforma fl-iskambju tal-esperjenza bejn l-Istati Membri;

5. biex iwassal il-fehmiet tal-partijiet interessati u tas-soċjetà b'mod ġenerali

Skont it-termini tal-ftehim Interistituzzjonali tal-2006, ammont addizzjonali ta' EUR 114-il miljun (prezzijiet attwali)[9] ġie allokat għall-programm Progress. Il-baġit totali għall-2007-2013 għalhekk żdied minn EUR 628 800 000 (prezzijiet attwali) fil-proposta inizjali tal-Kummissjoni għal EUR 743 250 000 (prezzijiet attwali). Wara li ġew eżaminati l-possibilitajiet kollha, il-Kummissjoni qed tipproponi li talloka mill-ġdid EUR 100 miljun mill-Programm Progress għall-faċilità ta' mikrofinanzjar Ewropea ġdida għall-impjiegi u l-inklużjoni soċjali – Progress.

Il-proposta biex tiġi allokata mill-ġdid parti mill-baġit ma tikkompromettix l-għanijiet tal-programm Progress. Madankollu tkun teħtieġ li Progress ikun iktar effettiv fl-operazzjonijiet tiegħu u iktar strateġiku fl-ippjanar u iktar iffukat fl-attivitajiet tiegħu. Teħtieġ ukoll li jkun hemm iktar firxa mat-taqsimiet tal-politika u r-rabtiet ma' strumenti oħra tal-UE, bħall-kooperazzjoni transnazzjonali skont il-Fond Soċjali Ewropew jew l-appoġġ għad-djalogu soċjali. Finalment, dan għandu jżid l-effiċjenza u t-trasparenza tal-azzjoni tal-UE b'sostenn għall-għanijiet u l-prijoritajiet fl-oqsma tal-impjiegi u s-solidarjetà soċjali.

2009/0091 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

Li temenda d-Deċiżjoni Nru 1672/2006/KE tal-Parlament Ewropew u tal-Kunsill li tistabbilixxi Programm Komunitarju għall-Impjiegi u għas-Solidarjetà Soċjali – Progress

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat li jwaqqaf il-Komunità Ewropea, u b'mod partikolari l-Artikoli 13(2), 129, 137(2) (a) tiegħu,

Wara li kkunsidraw il-proposta tal-Kummissjoni[10],

Wara li kkunsidraw l-opinjoni tal-Kumitat Ekonomiku u Soċjali Ewropew[11],

Wara li kkunsidraw l-opinjoni tal-Kumitat tar-Reġjuni[12],

Filwaqt li jaġixxu skont il-proċedura stipulata fl-Artikolu 251 tat-Trattat[13],

Billi:

(1) Fit-3 ta' Gunju 2009, il-Kummissjoni adottat Komunikazzjoni dwar "Impenn konġunt għax-xogħol"[14], bil-għan li tiżdied il-kooperazzjoni bejn l-Unjoni Ewropea u l-Istati Membri kif ukoll bejn is-sħab soċjali tal-UE fuq dawn it-tliet prioritajiet ewlenin: iż-żamma tal-impjiegi, il-ħolqien tal-impjiegi u l-promozzjoni tal-mobilità; l-aġġornament tal-ħiliet u l-provvediment tal-ħtiġijiet tas-suq tax-xogħol; u ż-żieda fl-aċċess għax-xogħol.

(2) Biex il-qiegħda jingħataw il-possibilità ta' bidu ġdid u biex tinfetaħ it-triq għas-sħubija għall-intraprendenza għal uħud mill-gruppi Ewropej l-iktar żvantaġġjati, inklużi n-nisa u ż-żgħażagħ, il-Kummissjoni pproponiet faċilità ta' mikrofinanzjar Ewropea ġdida għall-impjiegi u għall-inklużjoni soċjali[15], b'inizjattiva konġunta mal-istituzzjonijiet finanzjarji internazzjonali, b'mod partikolari mal-grupp tal-BEI, biex jiġu żviluppati l-mikrointrapriżi u l-ekonomija soċjali.

(3) Skont il-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar dixxiplina baġitarja u maniġment finanzjarju sod[16], jinħtieġ li jiġu allokati mill-ġdid EUR 100 miljun biex tiġi ffinanzjata l-faċilità ta' mikrofinanzjar Ewropea ġdida għall-impjiegi u l-inklużjoni soċjali – Progress.

(4) Wara ġew eżaminati l-possibilitajiet kollha, għandu jiġi allokat mill-ġdid l-ammont ta' EUR 100 miljun mill-Programm Progress, imwaqqaf bid-Deċiżjoni Nru 1672/2006/KE tal-Parlament Ewropew u tal-Kunsill tal-24 ta' Ottubru 2006 li tistabbilixxi Programm Komunitarju għall-Impjiegi u għas-Solidarjetà Soċjali – Progress, għall-faċilità ta' mikrofinanzjar Ewropea ġdida għall-impjiegi u l-inklużjoni soċjali – Progress.

(5) Id-Deċiżjoni Nru 1672/2006/KE għandha tkun emendata skont dan.

IDDEĊIDEW KIF ĠEJ:

Artikolu 1

Fl-Artikolu 17 tar-Regolament (KE) Nru 1672/2006, il-paragrafu 1 jinbidel b'dan li ġej:

"1. Il-qafas finanzjarju sabiex jiġu implimentati l-attivitajiet Komunitarji msemmija f'din id-Deċiżjoni, għall-perjodu ta’ żmien li jibda mill-1 ta' Jannar 2007 sal-31 ta' Diċembru 2013 , huwa b'dan stabbilit għalEUR 643 250 000."

Artikolu 2

Dħul fis-seħħ

Din id-Deċiżjoni tidħol fis-seħħ fi […] jum wara l-pubblikazzjoni tagħha f' Il - Ġurnal Uffiċjali tal-Unjoni Ewropea .

Magħmula fi Brussell,

Għall-Parlament Ewropew Għall-Kunsill

Il-President Il-President

DIKJARAZZJONI FINANZJARJA LEĠIŻLATTIVA AĠĠORNATA

1. ISEM TAL-PROPOSTA:

Programm Komunitarju għall-Impjiegi u s-Solidarjetà Soċjali - Progress (2007-2013)

2. QAFAS TAL-ABM / ABB

Qasam politiku kkonċernat u Attività assoċjata

IMPJIEGI, AFFARIJIET SOĊJALI U OPPORTUNITAJIET INDAQSABB 04 04 Xogħol, solidarjetà soċjali u ugwaljanza bejn is-sessi

3. LINJI BAĠITARJI

3.1 Linji baġitarji

04 04 01 PROGRESS

04 01 04 10 PROGRESS – Nefqa amministrattiva

3.2 Żmien tal-azzjoni u tal-impatt finanzjarju

01/01/2007 – 31/12/2013

3.3 Karatteristiċi baġitarji

Linja baġitarja | Tip ta' nefqa | Ġdida | Kontribuzzjoni mill-EFTA | Kontribuzzjonijiet minn pajjiżi applikanti | Intestatura fil-perspettiva finanzjarja |

04 04 01 | Non-comp | Diff[17] | IVA | IVA | IVA | 1a |

4. SOMMARJU TAR-RIŻORSI

4.1 Riżorsi Finanzjarji

4.1.1 Sommarju tal-approprjazzjonijiet tal-impenn (AI) u tal-approprjazzjonijiet tal-ħlas (AĦ )

EUR miljuni (sa 2 ċifri wara l-punt deċimali)

Tip ta’ nefqa | 2007 sal-2009 | 2010 | 2011 | 2012 | 2013 | > 2013 | Total |

Spejjeż operattivi[18] |

Approprjazzjonijiet għall-Impenji (AI) | Profil inizjali | a | 268.05 | 105.44 | 109.00 | 112.33 | 117.76 | 712.58 |

l-aġġustament; | - | -24.37 | -24.37 | -24.37 | -24.37 | -97.48 |

Profil ġdid | 268.05 | 81.07 | 84.63 | 87.96 | 93.39 | 615.10 |

Approprjazzjonijiet għall-Ħlasijiet (AĦ) | b | 154.30 | 82.00 | 87.00 | 87.00 | 87.00 | 117.70 | 615.10 |

Nefqa amministrattiva fl-ambitu tal-ammont ta’ referenza[19] |

Għajnuna teknika u amministrattiva (NDA) | Profil inizjali | c | 12.15 | 4.63 | 4.63 | 4.63 | 4.63 | 30.67 |

l-aġġustament; | - | -0.63 | -0.63 | -0.63 | -0.63 | -2.52 |

Profil ġdid | 12.15 | 4.00 | 4.00 | 4.00 | 4.00 | 28.15 |

L-AMMONT TOTALI TA’ REFERENZA |

Approprjazzjonijiet għall-Impenji | Profil inizjali | a+c | 280.20 | 110.07 | 113.63 | 116.96 | 122.39 | 743.25 |

l-aġġustament; | - | -25.00 | -25.00 | -25.00 | -25.00 | -100.00 |

Profil ġdid | 280.20 | 85.07 | 88.63 | 91.96 | 97.39 | 643.25 |

Approprjazzjonijiet għall-Ħlasijiet | b+ċ | 166.45 | 86.00 | 91.00 | 91.00 | 91.00 | 117.70 | 643.25 |

Nefqa amministrattiva mhux inkluza fl-ammont ta' referenza[20] |

Riżorsi umani u n-nefqa assoċjata (NDA) | 8.2.5 | d | -0.122 | -0.122 | -0.122 | -0.122 | -0.488 |

Spejjeż amministrattivi, għajr ir-riżorsi umani u spejjeż assoċjati, mhux inklużi fl-ammont ta’ referenza (NDA) | 8.2.6 | e |

Nefqa finanzjarja indikattiva totali tal-intervent

TOTAL AI, inklużi spejjeż ta' Riżorsi Umani | a+ċ+d+e | 280.200 | 84.948 | 88.508 | 91.838 | 97.268 | 642.762 |

TOTAL AI, inklużi spejjeż ta' Riżorsi Umani | b+ċ+d+e | 166.450 | 85.878 | 90.878 | 90.878 | 90.878 | 117.80 | 642.762 |

4.1.2 Kompatibbiltà mal-Ipprogrammar Finanzjarju

X Il-proposta hija kompatibbli mal-programm finanzjarju attwali. Il-proposta hija marbuta mal-proposta ta' programm ġdid għal faċilità mikrofinanzjarja Progress li għalih hemm allokat ammont ta' EUR 100 Miljun.

( Il-proposta se tkun tfisser l-ipprogrammar mill-ġdid tal-intestatura rilevanti fil-perspettiva finanzjarja.

( Il-proposta jista’ jkollha bżonn l-applikazzjoni tad-dispożizzjonijiet tal-Ftehim Interistituzzjonali[21] (i.e. l-istrument ta’ flessibbiltà jew ir-reviżjoni tal-perspettiva finanzjarja).

4.1.3 L-impatt finanzjarju fuq id-Dħul

X Il-proposta ma għandha l-ebda implikazzjoni finanzjarja fuq id-dħul.

( Il-proposta għandha impatt finanzjarju – l-effett fuq id-dħul huwa dan li ġej:

NB: Kull dettall u osservazzjoni dwar il-mod kif jinħadem l-effett fuq id-dħul għandu jitniżżel f'anness separat.

4.2 Riżorsi Umani fl-FTE (inklużi uffiċjali, persunal temporanju u estern) – ara d-dettalji fil-punt 8.2.1.

Ħtiġijiet Annwali | 2010 | 2011 | 2012 | 2013 |

Numru totali ta’ riżorsi umani | -1 | -1 | -1 | -1 |

5. KARATTERISTIĊI U GĦANIJIET

5.1 Bżonn li jintlaħqu fi żmien qasir jew fit-tul

L-ebda tibdil għad-deċiżjoni inizjali.

5.2 Valur miżjud tal-involviment tal-Komunità u l-koerenza tal-proposta ma' strumenti finanzjarji oħrajn u s-sinerġija possibbli

L-ebda tibdil għad-deċiżjoni inizjali.

5.3 Għanijiet, riżultati mistennija u indikaturi relatati mal-proposta fil-kuntest tal-qafas tal-ABM

L-ebda tibdil għad-deċiżjoni inizjali.

5.4 Metodu ta' Implimentazzjoni (indikattiv)

X Ġestjoni Ċentralizzata

X Direttament mill-Kummissjoni

ٱ Indirettament b’delega lil:

ٱ Aġenziji Eżekuttivi

ٱ Entitajiet stabbiliti mill-Kummissjoni kif imsemmi fl-Artikolu 185 tar-Regolament Finanzjarju

ٱ Entitajiet nazzjonali tas-settur pubbliku/entitajiet b’missjoni ta’ servizz pubbliku

6. MONITORAĠĠ U EVALWAZZJONI

6.1 Sistema ta’ monitoraġġ

L-ebda tibdil għad-deċiżjoni inizjali.

6.2 Evalwazzjoni

6.2.1 Evalwazzjoni ex-ante

L-ebda tibdil għad-deċiżjoni inizjali.

6.2.2 Miżuri meħuda wara evalwazzjoni intermedjarja jew ex post (tagħlim meħud minn esperjenzi simili fl-imgħoddi)

L-ebda tibdil għad-deċiżjoni inizjali.

6.2.3 Termini u frekwenza tal-evalwazzjoni futura

L-ebda tibdil għad-deċiżjoni inizjali.

7. MIżURI GħAL KONTRA L-FRODI

L-ebda tibdil għad-deċiżjoni inizjali.

8. DETTALJI TAR-RIŻORSI

8.1 Għanijiet tal-proposta f’termini tan-nefqa finanzjarja tagħhom

Approprjazzjonijiet għall-impenn f’EUR miljuni (sa 2 ċifri wara l-punt deċimali)

2007 sal-2009 | 2010 | 2011 | 2012 | 2013 | TOTAL |

2010 | 2011 | 2012 | 2013 |

Uffiċjali jew persunal temporanji [22]A*/AD(XX 01 01) | A*/AD | -1 | -1 | -1 | -1 |

B*, C*/AST |

Persunal iffinanzjat[23] permezz tal-Artikolu XX 01 02 |

Persunal ieħor iffinanzjat permezz[24] tal- Art. XX 01 04/05 |

TOTAL | -1 | -1 | -1 | -1 |

Il-post se jiġi allokat mill-ġdid għall-Faċilità Mikrofinanzjarja PROGRESS.

8.2.2 Id-deskrizzjoni tal-eżerċizzji li jirriżultaw mill-azzjoni

8.2.3 Oriġini tar-riżorsi umani (statutorji)

( Karigi li huma bħalissa allokati għall-ġestjoni tal-programm li jridu jinbidlu jew jiġu estiżi

( Karigi allokati minn qabel fil-kuntest tal-eżerċizzju tal-APS/PDB għas-sena n

( Karigi li għandhom jintalbu fil-proċedura APS/PDB li jmiss

X Karigi li għandhom jitqassmu mill-ġdid billi jintużaw riżorsi eżistenti fis-servizz ta’ ġestjoni (tqassim intern mill-ġdid)

( Karigi meħtieġa għas-sena 2010 għalkemm mhumiex previsti fl-eżerċizzju APS/PDB għas-sena kkonċernata

8.2.4 Spiża finanzjarja tar-riżorsi umani u l-ispejjeż li għandhom x’jaqsmu magħhom li mhumiex inklużi fl-ammont ta’ referenza

EUR miljuni (sa 3 ċifri wara l-punt deċimali)

It-tip ta’ riżorsi umani | 2010 | 2011 | 2012 | 2013 | Total |

Uffiċjali u persunal temporanju (XX 01 01) | -0.122 | -0.122 | -0.122 | -0.122 | -0.488 |

Il-persunal iffinanzjat skont l-Art XX 01 02 (awżiljarju, SNEs, persunal b’kuntratt, eċċ.) (speċifika l-linja baġitarja) |

Nefqa totali tar-Riżorsi Umani u l-ispejjeż marbuta (MHUX fl-ammont ta’ referenza) |

Kalkolu – Uffiċjali u aġenti temporanji

Għandha ssir referenza għall-Punt 8.2.1 jekk ikun meħtieġ

-1*122.000 = -122.000 per year

8.2.5 Spejjeż oħra amministrattivi mhux inklużi fl-ammont ta’ referenza EUR miljuni (sa 3 ċifri wara l-punt deċimali) |

2010 | 2011 | 2012 | 2013 | TOTAL |

XX 01 02 11 01 – Missjonijiet |

XX 01 02 11 02 – Laqgħat u Konferenzi |

XX 01 02 11 03 – Kumitati[25] |

XX 01 02 11 04 – Studji u konsultazzjonijiet |

XX 01 02 11 05 – Sistemi tal-informatika |

2 Nefqa Oħra ta’ Ġestjoni Totali (XX 01 02 11) |

3 Nefqa oħra ta' natura amministrattiva (speċifika inkluża referenza għal-linja tal-baġit) |

Spiża Amministrattiva Totali, għajr ir-riżorsi umani u l-ispejjeż marbuta (MHUX inklużi fl-ammont ta’ referenza) |

Kalkolu - Infiq amministrattiv ieħor li mhuwiex inkluż fl-ammont ta’ referenza

[pic][pic][pic]

[1] COM(2009) 114, 4.3.2009.

[2] Ara: http://ec.europa.eu/social/main.jsp?catId=103&langId=en&eventsId=173&furtherEvents=yes

[3] COM(2009) 257, 4.6.2009

[4] COM(2009) xxx, xx.xx.2009

[5] (2008/818/KE)

[6] Deċiżjoni Nru 1672/2006/KE tal-Parlament Ewropew u tal-Kunsill tal-24 ta' Ottubru 2006 li tistabbilixxi Programm Komunitarju għall-Impjiegi u għas-Solidarjetà Soċjali – Progress (ĠU L 315, 15.11.2006, p.1-8).

[7] COM(2005) 33, 9.2.2005

[8] COM(2008) 412, 2.7.2008

[9] EUR 100 miljun skont il-prezzijiet tal-2004.

[10] ĠU C , p. .

[11] ĠU C , p. .

[12] ĠU C , p. .

[13] ĠU C , p. .

[14] COM(2009) 257, 3.6.2009

[15] COM(2009) xxx, xx.xx.2009

[16] (2006/C 139/01)

[17] Approprjazzjonijiet differenzjati

[18] Nefqa li ma taqax taħt il-Kapitolu xx 01 tat-Titolu xx konċernat.

[19] Nefqa fl-Artikolu xx 01 04 tat-Titolu xx.

[20] Nefqa fil-Kapitolu xx 01 għajr għall-artikoli xx 01 04 jew xx 01 05.

[21] Ara l-punti 19 u 24 tal-Ftehim Interistituzzjonali.

[22] In-nefqa tagħhom MHIX koperta mill-ammont ta' referenza.

[23] In-nefqa tagħhom MHIX koperta mill-ammont ta' referenza.

[24] In-nefqa tagħhom hija inkluża fl-ammont ta' referenza.

[25] Speċifika t-tip ta’ kumitat u l-grupp li jappartjeni għalih.