This document is an excerpt from the EUR-Lex website
Document 52008PC0024
Proposal for a Council Decision establishing the Community position within the General Council of the World Trade Organization on the accession of the Republic of Ukraine to the World Trade Organization
Proposta għal deċiżjoni tal-Kunsill li tistabbilixxi l-pożizzjoni Komunitarja fi ħdan il-Kunsill Ġenerali ta’ l-Organizzazzjoni Dinjija tal-Kummerċ dwar l-adeżjoni tar-Repubblika ta’ l-Ukraina fl-Organizzazzjoni Dinjija tal-Kummerċ
Proposta għal deċiżjoni tal-Kunsill li tistabbilixxi l-pożizzjoni Komunitarja fi ħdan il-Kunsill Ġenerali ta’ l-Organizzazzjoni Dinjija tal-Kummerċ dwar l-adeżjoni tar-Repubblika ta’ l-Ukraina fl-Organizzazzjoni Dinjija tal-Kummerċ
/* KUMM/2008/0024 finali - ACC 2008/0012 */
Proposta għal deċiżjoni tal-Kunsill li tistabbilixxi l-pożizzjoni Komunitarja fi ħdan il-Kunsill Ġenerali ta’ l-Organizzazzjoni Dinjija tal-Kummerċ dwar l-adeżjoni tar-Repubblika ta’ l-Ukraina fl-Organizzazzjoni Dinjija tal-Kummerċ /* KUMM/2008/0024 finali - ACC 2008/0012 */
[pic] | KUMMISSJONI TAL-KOMUNITAJIET EWROPEJ | Brussel 23.1.2008 KUMM(2008) 24 finali 2008/0012 (ACC) Proposta għal DEĊIŻJONI TAL-KUNSILL li tistabbilixxi l-pożizzjoni Komunitarja fi ħdan il-Kunsill Ġenerali ta’ l-Organizzazzjoni Dinjija tal-Kummerċ dwar l-adeżjoni tar-Repubblika ta’ l-Ukraina fl-Organizzazzjoni Dinjija tal-Kummerċ (preżentata mill-Kummissjoni) MEMORANDUM TA’ SPJEGAZZJONI Ħarsa ġenerali lejn it-Termini ta’ l-Adeżjoni ta’ l-Ukraina fil-WTO I. INTRODUZZJONI Membri ta’ l-Organizzazzjoni Dinjija tal-Kummerċ (WTO) u r-Repubblika ta' l-Ukraina laħqu l-istadju konklussiv tal-ftehim dwar it-termini ta’ l-adeżjoni ta’ l-Ukraina fl-organizzazzjoni. Dan wasal wara 14-il sena ta’ negozjati, li bdew meta l-Ukraina ressqet l-applikazzjoni tagħha biex tingħaqad mal-WTO fl-1993. Issa jrid ikun hemm Deċiżjoni tal-Kunsill li tapprova t-termini ta’ l-adeżjoni ta’ l-Ukraina , qabel ma l-UE tkun tista’ tappoġġja formalment id-dħul ta' l-Ukraina. Taqsira tat-termini ta’ l-adeżjoni tinsab hawn taħt. II. TAQSIRA TAT-TERMINI TA' L-ADEŻJONI TA' L-UKRAINA FIL-WTO SKOND IS-SETTUR Prodotti industrijali Il-medja tar-rati kkonsolidati tal-bidu (IBR) ta' l-Ukraina hija ta' 4.91 %, li se titnaqqas għal 4.81 % (FBR). Il-perjodi ta’ implimentazzjoni ta' bejn sena u ħames snin ġew introdotti biss għal 226 linja. Dan iwassal għal perjodu stazzjonali medju ta’ 0.05 snin. 71 linji tariffarji biss se jkunu b'rati ta' dazju ta' 15 % jew aktar. 5 linji se jibqgħu fil-livell quċċata ta' 25 %. It-tariffi kollha se jkunu kkonsolidati. Fir-rigward ta’ inizjattivi settorali, se jitneħħew it-tariffi fuq ITA, karta, tagħmir mediku, għamara u ġugarelli. Fl-inizjattivi settorali l-oħrajn it-tariffi se jinżlu taħt 1% (tagħmir agrikulturali 0.71 % u għall-kostruzzjoni 0.35, azzar (MSA) 0.22 u farmaċewtiċi 0.05 %). L-armonizzazzjoni tas-sustanzi kimiċi se tkun ta’ 5.32 %. It-tariffi fuq il-makkinarju u l-apparat, l-aktar setturi interessanti għall-UE, se jkunu ta’ 5.33 %. It-tariffi fuq il-vetturi u l-partijiet se jkunu ta’ 7.97 %. Prodotti agrikulturali Fuq il-prodotti agrikulturali, il-medja tar-rati kkonsolidati tal-bidu (IBR) hija ta' 11.05 %, li se titnaqqas għal 10.61 %. Fl-agrikultura, 20 linja tariffarja biss għandhom perjodu ta’ implimentazzjoni (sentejn). L-ogħla rati huma 30 % għal żejt taż-żerriegħa tal-warda tax-xemx u 50 % għaz-zokkor. Servizzi L-Ukraina għandha impenji li jippermettu għall-kompetizzjoni bejn il-fornituri tas-servizzi domestiċi u barranin fi prattikament is-setturi u s-sottosetturi kollha, li se ġġib benefiċċji kemm għall-ekonomija ta’ l-Ukraina kif ukoll għall-UE, li hija l-esportatur ewlieni fid-dinja f'dan il-qasam. Il-fornituri tas-servizzi barranin mhu se jiffaċċjaw l-ebda restrizzjonijiet kwantitattivi jew diskriminatorji fis-setturi tas-servizzi ewlenin, bħal: - is-servizzi professjonali - il-maġġoranza l-kbira tas-servizzi tan-negozju - is-servizzi tal-posta u tal- courier fl-oqsma mhux riservati għall-monopolju nazzjonali - is-servizzi tat-telekomunikazzjoni - is-servizzi tal-kostruzzjoni - is-servizzi ta’ distribuzzjoni - is-servizzi ambjentali - is-servizzi tat-turiżmu - il-maġġoranza l-kbira tas-servizzi finanzjarji, u - il-maġġoranza l-kbira tas-servizzi tat-trasport, inkluż it-trasport bil-katusi L-uniċi setturi li għalihom l-Ukraina ma għandhiex impenji jinkludu s-servizzi ta’ investigazzjoni u sigurtà, is-servizzi awdjoviżivi, it-trasport fl-ispazju u s-servizzi ta’ l-imbuttar u l-irmonk għat-trasport marittimu u ferrovjarju. Għat-trasport ferrovjarju għall-passiġġieri u tal-merkanzija, l-impenji huma limitati għall-konsum barra ta’ dawn is-servizzi. Għas-servizzi ta’ l-assigurazzjoni, l-Ukraini se żżomm il-limitazzjonijiet fuq il-provvista transkonfinali, simili għal dawk tal-bqija tas-sħubija tal-WTO u se tippermetti ftuħ dirett għall-WTO ħames snin biss wara l-adeżjoni tagħha, filwaqt li żżomm xi limitazzjonijiet. Impenji tal-protokoll Fl-aħħar stadju multilaterali tal-proċess ta’ adeżjoni, il-Membri tal-WTO fittxew kollettivament li jiżguraw il-kompatibbiltà bażika tal-liġijiet u l-istituzzjonijiet kummerċjali ta' l-Ukraina mar-regoli u l-ftehimiet tal-WTO, u niżżluhom fil-Protokoll ta’ Adeżjoni u r-Rapport tal-Grupp ta’ Ħidma. Il-kwistjonijiet li ġejjin huma ta’ interess partikolari għall-UE: Politiki ta’ ipprezzar L-Ukraina hija impenjata li ma tapplikax rekwiżiti obbligatorji ta' prezz minimu għall-ebda prodott importat. Ma' l-adeżjoni, il-ħlasijiet kollha għat-trasport ferrovjarju jiġu applikati fuq bażi mhux diskriminatorja għall-prodotti trasportati bejn postijiet domestiċi, importati, esportati, jew fi transitu. Ħlasijiet tal-liċenzji ta’ l-Alkoħol L-Ukraina bidlet il-leġiżlazzjoni tagħha biex iġġib il-ħlasijiet tal-liċenzji għall-importazzjoni u l-esportazzjoni ta’ xorb alkoħoliku u tat-tabakk għal-livell ta’ UAH 780 (104 EUR), li huwa kompatibbli għall-ispiża tas-servizzi mogħtija u b’hekk kompatibbli ma’ l-Artikolu VII GATT 1994. L-Ukraina hija impenjata li żżomm dan il-livell mid-data ta’ l-adeżjoni. Applikazzjoni ta’ taxxi interni fuq l-importazzjonijiet L-Ukraina bidlet il-leġiżlazzjoni tagħha biex tneħħi t-taxxa diskriminatorja tas-sisa fuq xorb alkoħoliku importat. Tneħħew ukoll l-eżenzjonijiet tal-VAT mogħtija lil industriji li jibnu karozzi, vapuri u ajruplani. L-Ukraina ħadet ukoll l-impenn li żżomm din il-qagħda u li tapplika t-taxxi interni tagħha f'konformità mar-regoli tal-WTO ma’ l-adeżjoni. Sistema ta’ liċenzji għall-importazzjoni L-Ukraina bidlet il-leġiżlazzjoni tagħha biex il-proċeduri ta' liċenzji ta' importazzjoni tagħha jkunu konformi mar-regoli tal-WTO, inkluż il-Ftehim dwar il-Proċeduri ta' Liċenzji għall-Importazzjoni. Bosta dispożizzjonijiet ta’ l-istrumenti tal-WTO f’dan il-qasam diġà ġew trasposti fil-liġi nazzjonali, u l-ftit dispożizzjonijiet li baqa’ se jiġu adottati bl-adeżjoni. Valutazzjoni tad-dwana L-Ukraina hija impenjata li tapplika d-dispożizzjonijiet tad-WTO dwar il-valutazzjoni tad-dwana ma’ l-adeżjoni. L-Ukraina mhi se tuża l-ebda forma ta' referenza jew prezzijiet minimi jew skedi ta' valutazzjoni fissa għall-valutazzjoni ta' l-importazzjonijiet, u l-metodi kollha ta' valutazzjoni użati se jkunu konformi ma' dawn stipulati fil-Ftehim tal-WTO dwar l-Implimentazzjoni ta' l-Artikolu VII GATT 1994. Dazji fuq l-esportazzjoni L-Ukraina hija impenjata li tnaqqas gradwalment u b’mod sinifikanti id-dazji tagħha fuq l-esportazzjoni imposti fuq ir-ruttam tal-metall, il-ġlud, l-ifrat ħajjin u ż-żerriegħa taż-żejt f’perjodu ta’ bejn 5 u 8 snin. L-iskedi ta' tnaqqis u l-livelli mnaqqsa ta' dazji se jiġu kkonsolidati ma' l-adeżjoni. Sussidji L-Ukraina bidlet il-leġiżlazzjoni tagħha biex tneħħi dawk is-sussidji kollha mhux kompatibbli mal-WTO mogħtija lil industriji li jibnu karozzi, vapuri u ajruplani. L-Ukraina hija impenjata wkoll li ma tintroduċix sussidjarji bħal dawn fil-ġejjieni. L-Ukraina se tipprovdi notifika dwar is-sussidju lill-WTO sad-data ta' l-adeżjoni. Transitu L-Ukraina se tapplika l-liġijiet,ir-regolamenti u l-miżuri oħra kollha tagħha li jirregolaw it-transitu tal-prodotti (inkluż l-enerġija), u t-tariffi għat-trasportazzjoni ta’ prodotti fi transitu f’konformità mad-dispożizzjonijiet ta’ l-Artikolu V tal-GATT 1994 u dispożizzjonijiet rilevanti oħrajn tal-Ftehim tal-WTO ma’ l-adeżjoni. Drittijiet ta’ Proprjetà Intellettwali Fir-rigward ta’ indikazzjonijiet ġeografiċi, l-Ukraina tipprovdi koeżistenza ta’ indikazzjonijiet ġeografiċi ma’ trademarks preċedenti taħt ċerti ċirkustanzi skond l-Artikolu 17 tal-Ftehim TRIPS. L-Ukraina tipprovdi wkoll l-istess ħarsien tad-drittijiet għal indikazzjonijiet ġeografiċi lil ċittadini ta’ membri tal-WTO kif ingħata lil ċittadini Ukraini. Fir-rigward tal-ħarsien tad- data , l-Ukraina tipprovdi ħames snin ta’ ħarsien għall-farmaċewtiċi u għaxar snin għal sustanzi agrokimiċi. Dwar l-infurzar tad-drittijiet ta’ proprjetà intelletwali, l-Ukraina ħadet impenji komprensivi li jirriflettu d-dispożizzjonijiet tad-Direttiva rilevanti tal-KE. III. RAKKOMANDAZZJONI Bil-preżentazzjoni tat-termini ta’ l-Adeżjoni tar-Repubblika ta' l-Ukraina fil-WTO għall-approvazzjoni tal-Kunsill, il-Kummissjoni tirrakkomanda dawn it-termini li jirrappreżentaw pakkett bilanċjat iżda ambizzjuż ta’ impenji tal-ftuħ tas-suq, li se jġib benefiċċji sostanzjali lill-Ukraina u lis-sħab kummerċjali tagħha tal-WTO bl-istess mod. 2008/0012 (ACC) Proposta għal DEĊIŻJONI TAL-KUNSILL li tistabbilixxi l-pożizzjoni Komunitarja fi ħdan il-Kunsill Ġenerali ta’ l-Organizzazzjoni Dinjija tal-Kummerċ dwar l-adeżjoni tar-Repubblika ta’ l-Ukraina fl-Organizzazzjoni Dinjija tal-Kummerċ IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikoli 133(1) u 133(5) flimkien mat-tieni sottoparagrafu ta’ l-Artikolu 300(2) tiegħu Wara li kkunsidra l-proposta mill-Kummissjoni, Billi: (1) Fl-20 ta’ Novembru 1993 il-Gvern tar-Repubblika ta’ l-Ukraina applika għall-adeżjoni mal-Ftehim li jistabbilixxi l-Organizzazzjoni Dinjija tal-Kummerċ (WTO), skond l-Artikolu XII ta’ dan il-Ftehim. (2) Fis-17 ta’ Diċembru 1993 twaqqaf Grupp ta’ Ħidma dwar l-adeżjoni ta' l-Ukraina sabiex jilħaq ftehim dwar it-termini ta’ adeżjoni aċċettabbli għar-Repubblika ta' l-Ukraina u l-Membri kollha tal-WTO. (3) Il-Kummissjoni, f’isem il-Komunità, innegozjat sensiela komprensiva ta’ impenji tal-ftuħ tas-suq min-naħa tar-Repubblika ta' l-Ukraina li huma ta’ importanza partikolari għall-Komunità, kif stipulat f'memorandum li kien hemm qbil dwaru bejn in-negozjaturi tar-Repubblika ta' l-Ukraina u l-Kummissjoni fis-17 ta’ Marzu 2003. (4) Dawn l-impenji huma issa inkorporati fil-Protokoll ta’ Adeżjoni tar-Repubblika ta' l-Ukraina fil-WTO. (5) L-adeżjoni fil-WTO hija mistennija tagħmel kontribut pożittiv u dejjiem għall-proċess ta’ riforma ekonomika u żvilupp sostenibbli fir-Repubblika ta' l-Ukraina. (6) Il-Protokoll ta’ Adeżjoni għandu għalhekk jiġi approvat. (7) L-Artikolu XII tal-Ftehim li jistabbilixxi l-WTO jistipula li t-termini ta’ l-adeżjoni għandu jkun hemm qbil dwarhom bejn il-Membru ta’ l-adeżjoni u l-WTO, u li l-Konferenza Ministerjali tal-WTO tapprova t-termini ta’ adeżjoni min-naħa tal-WTO. L-Artikolu IV.2 tal-Ftehim li jistabbilixxi l-WTO jistipula li fl-intervalli bejn il-laqgħat tal-Konferenza Ministerjali, il-funzjonijiet tagħha għandhom isiru mill-Kunsill Ġenerali. (8) Għalhekk, jeħtieġ li tiġi stabbilita l-pożizzjoni li trid tittieħed mill-Komunità fi ħdan il-Kunsill Ġenerali, IDDEĊIEDA KIF ĠEJ: Artikolu Uniku 1. Il-pożizzjoni li trid tittieħed mill-Komunità fi ħdan il-Kunsill Ġenerali tal-WTO dwar l-adeżjoni tar-Repubblika ta’ l-Ukraina fil-WTO, hija li tapprova l-adeżjoni. 2. Din il-pożizzjoni għandha tiġi espressa mill-Kummissjoni f’isem il-Komunità. Magħmula fi Brussell, […] Għall-Kunsill Il-President […]