52008DC0328

[pic] | KUMMISSJONI TAL-KOMUNITAJIET EWROPEJ |

Brussel 30.5.2008

KUMM(2008) 328 finali

KOMUNIKAZZJONI MILL-KUMMISSJONI LILL-KUNSILL, LILL-PARLAMENT EWROPEW, LILL-KUMITAT EKONOMIKU U SOĊJALI U LILL-KUMITAT TAR-REĠJUNI

dwar ir-Rapport Finali dwar miżuri ta' inċentiva tal-Komunità fil-qasam ta' l-impjieg (Programm EIM 2002-2006) {SEC(2008)1939}

KOMUNIKAZZJONI MILL-KUMMISSJONI LILL-KUNSILL, LILL-PARLAMENT EWROPEW, LILL-KUMITAT EKONOMIKU U SOĊJALI U LILL-KUMITAT TAR-REĠJUNI

dwar ir-Rapport Finali dwar miżuri ta' inċentiva tal-Komunità fil-qasam ta' l-impjieg (Programm EIM 2002-2006)

GLOSSARJU

PASX | Politika Attiva tas-Suq tax-Xogħol |

Programm ARK | Attivitajiet tal-Komunità dwar Analiżi, Riċerka u Kooperazzjoni fil-qasam ta' l-impjieg u s-suq tax-xogħol. |

PA | Pajjiżi ta' Adeżjoni |

LPEW | Linjigwida ta' Politika Ekonomika Wiesgħin |

PK | Pajjiżi Kandidati |

PĊEL-12 | 12-il pajjiż mill-Ewropa Ċentrali u tal-Lvant |

ŻEE | Żona Ekonomika Ewropea |

OEI | Osservatorju Ewropew għall-Impjieg |

SEI | Strateġija Ewropea għall-Impjieg |

LI | Linjigwida għall-Impjieg |

MII | Programm għal Miżuri ta' Inċentiva tal-Komunità fil-qasam ta' l-Impjieg |

KUIM | Kumitat għall-Impjieg |

FSE | Fond Soċjali Ewropew |

SEMĦ | Sena Ewropea għall-Mobilità tal-Ħaddiema 2006 |

IDSLE | Identifikazzjoni, Disseminazzjoni u Skambju ta' prassi tajba fil-qasam taż-ŻIL u promozzjoni ta' governanza aħjar |

DEK | Dokumenti ta' Evalwazzjoni Konġunta |

RIK | Rapport dwar l-Impjieg Konġunt |

ŻIL | Żvilupp ta' l-Impjieg Lokali |

ILZE | Il-programm OECD: Programm għall-Impjieg Lokali u l-Iżvilupp Ekonomiku |

TTĦ | Tagħlim Tul il-Ħajja |

SX | Suq tax-Xogħol |

PSX | Politika tas-Suq tax-Xogħol |

QMT | Qgħad fil-Medda t-Twila |

SIRPI | Sistema ta' Informazzjoni Reċiproka dwar il-Politika ta' l-Impjieg fl-Ewropa |

PTR | Programm ta' Tagħlim Reċiproku |

SM | Stati Membri |

PAN | Pjanijiet ta’ Azzjoni Nazzjonali |

PRN | Programmi ta' Riforma Nazzjonali: |

MMK | Metodu Miftuħ ta’ Koordinazzjoni |

SIP | Servizzi ta' Impjieg Pubbliku |

IŻM | Impriżi ta' daqs Żgħir u Medju |

SISDIM | Sistema ta' Dokumentazzjoni dwar l-Impjieg tal-Komunità. |

1. DAħLA

Fl-2002, id-Deċiżjoni tal-Parlament Ewropew (PE) u tal-Kunsill 1145/2002/KE ta' l-10 ta' Ġunju[1] stabbilit, għall-perjodu 2002-2006, programm tal-Komunità biex tagħti appoġġ lil miżuri ta' inċentiva fil-qasam ta' l-impjieg, magħruf aħjar bħala l-Programm MIL jew il-Programm għal Miżuri ta' Inċentiva għall-Impjieg.

Bi qbil ma' l-Artikolu 13 tad-Deċiżjoni MIL, rapport interim dwar l-attivitajiet imwettqa taħt dan il-programm mill-2002-2004[2] intbagħat lill-PE, il-Kunsill, il-Kumitat Ekonomiku u Soċjali u l-Kumitat tar-Reġjuni fid-19 ta' Mejju 2005[3]. L-istess Artikolu ppreveda rapport finali dwar ir-riżultati ta' l-attivitajiet tal-programm, li jinkorpora "tagħrif dwar il-finanzjament Komunitarju ġewwa l-qafas ta' dawn l-attivitajiet u dwar il-konsistenza u l-kumplimentarjetà ma' programmi, azzjonijiet u inizjattivi oħra relevanti, kif ukoll mar-riżultati rilevanti ta' evalwazzjoni".

L-għan tal-programm MIL kien li jipprovdi ssoktar u aktar żvilupp ta' l-attivitajiet imnedija qabel taħt il-Programm għall-analiżi, riċerka u kooperazzjoni fost l-Istati Membri (SM) fil-qasam ta' l-impjieg u s-suq tax-xogħol (SX) (ARK 1998-2000), li twaqqaf bid-Deċiżjoni tal-Kunsill 98/171/KE tat-23 ta' Frar 1998[4]. Barra minn hekk, serva wkoll ta’ pijunier għat-taqsima ta’ l-“Impjieg" tal-Programm PROGRESS[5], li se jopera mill-2007-2013. L-għan ġenerali tat-tliet programmi/taqsimiet hawn fuq imsemmija kien jew se jkun li jagħti appoġġ lill-iżvilupp ta’ l-Istrateġija Ewropea ta’ l-Impjieg (SEI)[6] u l-implimentazzjoni tagħha. L-attivitajiet tal-programm għandhom jikkontribwixxu aktar għall-kibsa ta' l-għan strateġiku ffissat mill-Kunsill Ewropew fil-laqgħa ta' Liżbona biex il-Komunità tistabbilixxi mill-ġdid il-kundizzjonijiet ta' xogħol għal kulħadd.

2. L-ATTIVITAJIET

Tul il-perjodu kollu, aktar minn 150 proġett ġew iffinanzjati, iċ-ċifra eżatta tiddependi minn kif iżżomm kont tas-Sejħiet għal Proposti, li taħthom ingħataw bosta proġetti għal kull sejħa, u attivitajiet li huma parti minn programmi, bħall-Programm ta’ Tagħlim Reċiproku (PTR) u l-Programm IDSLE[7], li taħtu bosta laqgħat ta’ valutazzjoni inter-pares u seminars tematiċi ġew organizzati kull sena.

L-attivitajiet jistgħu jinqasmu taħt titoli li, fil-biċċa l-kbira tagħhom, jirriflettu l-għanijiet iddefiniti fid-Deċiżjoni tal-MII:

1. Xogħol ta' statistika u appoġġ għall-iżvilupp ta' indikaturi

2. Analiżi u Riċerka

2.1 Analiżi ta' tendenzi u sfidi inklużi kwistjonijiet għall-ġejjieni

2.2 Stima u valutazzjoni ta’ politika

3. Skambju ta' l-aqwa prassi u kooperazzjoni bejn l-iSM fil-livelli kollha u ħolqien ta' għarfien 3.1 Skambju ta' l-aqwa prassi u kooperazzjoni bejn l-Istati Membri 3.2 Tagħrif u ħolqien ta' għarfien

4. Is-Sena Ewropea għall-Mobilità tal-Ħaddiema 2006

5. Azzjonijiet li jġibu 'l quddiem l-Iżvilupp ta' l-Impieg Lokali (ŻIL)

6. Evalwazzjoni tal-Programm ta' MII

Hija u twettaq dawn l-attivitajiet, il-Kummissjoni żgurat:

- li jinkludu sforzi biex il-prinċipju ta' l-ugwaljanza tas-sessi jingħata aktar importanza;

- li jikkunsidraw xogħol li jsir f'organizzazzjonijiet internazzjonali;

- li tingħata attenzjoni partikolari lil nies li għandhom żvantaġġ fis-SX.

L-attivitajiet kienu bbażati fuq l-għan li jiġi żgurat li hemm livell għoli ta' għarfien ta' l-iSEI fil-livelli kollha. F'ħarsa lejn il-mumenti ewlenin ta' l-iSEI tul dawn l-aħħar snin, il-programm ta appoġġ tajjeb lill-iSEI permezz ta' attivitajiet li kienu rilevanti u marbuta tajjeb ma' l-aġenda politika. Dan ġie żgurat permezz tal- Linjigwida Ġenerali tal-Programm, li jistabbilixxu l-orjentazzjonijiet bażiċi multiannwali, li ġew aġġornati fid-dawl ta' l-evalwazzjoni tal-LI fl-2003[8] u l-2005[9]. Il-programm barra minn hekk ta appoġġ lill-evalwazzjoni ta' l-iSEI u l-evalwazzjonijiet ta' kull sena tal-Linjigwida dwar l-Impjieg (LI).

Mill-2004 'il quddiem, l-akbar għadd ta' attivitajiet ikkonċerna t-tagħlim reċiproku u proġetti oħra li jġibu 'l quddiem il-kooperazzjoni u l-iskambju ta' prassi tajba bejn l-iSM. Dawn l-attivitajiet kienu strutturati f'PTR biex jitwettqu aħjar l-għanijiet tal-programm ta' MII[10]. L-impressjoni ġenerali mit-taħditiet tal-Kumitat dwar l-Impjieg (KUIM) hija li l-PTR kien ta' stimolu fit-trasferiment effettiv ta' prassi tajba u li jrid ikun hemm għarfien b'mod partikolari tas-sehem ta' il-SM u l-Pajjiżi Kandidati (PK) il-ġodda. Bl-istess mod, l-attivitajiet fil-qasam ta' l-istrateġiji ta' l-iżvilupp lokali u l-azzjonijiet innovattivi għall-modernizzazzjoni tas-Servizzi ta' Impjieg Pubbliku (SIP) għenu fit-tixrid ta' prassi tajba tas-SX fost l-iSM. B'mod ġenerali, id-dimensjoni tat-tkabbir saret aktar viżibbli fl-attivitajiet ta' MII f'dawn l-aħħar snin.

Kwistjonijiet ta' politika inklużi fl-aġendi tal-Kunsill ġew mixtarra aktar u bir-reqqa fis-suġġetti ta' studju u fl-istħarriġ. Ir-rilevanza ta' politika diretta ta' l-istudji ta' MII hija, fost l-oħrajn, riflessa fir-referenzi multipli f'dokumenti analitiċi u ta' politika, fosthom il-Pjanijiet ta' Azzjoni Nazzjonali (PAN) (issa biċċa waħda fil-Programmi ta' Riforma Nazzjonali ta' Liżbona). Għall-iSM il-ġodda, b'mod partikolari, bosta minn dawn l-istudji wrew li kellhom potenzjal ta' tnebbih għar-riformi tagħhom ta' politika.

Il-Programm barra minn hekk ippermetta li jkun hemm aktar kooperazzjoni fil-fond bejn is-SIP dwar sfidi u għodda komuni, bħas-Sorveljanza tal-Postijiet tax-xogħol Battala Ewropea tas-SIP. Dan l-eżempju waħdieni, iżda, ma jirriflettix waħdu l-ambitu tal-kooperazzjoni fost is-SIP, li barra minn hekk gawdew mill-istudji ta' MII, bħal dawk dwar benefiċċji u l-PASX, l-attività tagħhom tal-qalba, kif ukoll mis-sehem tagħhom fl-Osservatorju Ewropew għall-Impjieg (OEI).

L-opportunità għal kuntatt u interazzjoni bejn esperti mill-iSM, mhux biss fil-kuntest tal-PTR, iżda wkoll fil-kuntest ta' konferenzi tal-Presidenza, l-OEI, is-SIRPI[11] u s-SIP, hija dimensjoni oħra ta' kooperazzjoni mwettqa bis-saħħa tal-MII.

Hija u timplimenta l-programm, il-Kummissjoni wettqet medda wiesgħa ta' attivitajiet[12], li huma evalwati fid-Dokument ta' Ħidma tas-Servizzi tal-Kummissjoni[13] li jinsab flimkien ma' din il-Komunikazzjoni: "Ħarsa ġenerali ta' l-attivitajiet ewlenin imwettqa taħt il-MII".

2.1 Xogħol ta' statistika u żvilupp ta' indikaturi

L-għodda statistika biex tintuża fl-iSIE ġiet żviluppata matul il-perjodu sħiħ tal-programm. Dan ikkontribwixxa, b'mod partikolari, fis-sorveljanza ta' l-iSIE fil-qafas ta' Liżbona li jistabbilixxi miri ta' kwantità. Il-biċċa l-kbira tax-xogħol ta' statistika fil-qasam tas-SX twettaq mill-Eurostat. Ingħata appoġġ finanzjarju lill-uffiċċji ta' l-istatistika nazzjonali u istituzzjonijiet oħra governattivi ta' l-UE kif ukoll ta' dawk il-Pajjiżi EFTA/ŻEE u l-Pajjiżi Kandidati għall-Adeżjoni (PA/PK) li jagħtu sehemhom.

Dan wassal biex jintlaħqu żewġ objettivi ewlenin: biex titjieb il-kwalità ta' l-istatistika tas-SX permezz ta' l-iżvilupp ta' databases u stħarriġ, u biex id- data tkun disponibbli f'oqsma fejn ma kinitx teżisti qabel. Ġiet żviluppata statistika ġdida marbuta max-xogħol, bħall-istatistika dwar postijiet tax-xogħol battala għas-sorveljanza tat-tibdiliet fid-domanda tax-xogħol, u miżuri dwar rati ta' taxxa fuq ix-xogħol[14].

Għalhekk tajjeb li jiġi nnutat li, fuq medda ta' żmien twil, l-UE saret fornitur ewlieni ta' data.

2.2 Analiżi u riċerka

2.2.1 Analiżi ta' tendenzi u sfidi inklużi kwistjonijiet għall-ġejjieni

L-analiżi kienet iffukata fuq il-kundizzjonijiet biex jinħolqu aktar postijiet tax-xogħol u postijiet aħjar u l-evalwazzjoni tal-potenzjal ta' impjieg ta' l-Unjoni. Twettqu studji u analiżijiet prospettivi biex l-għarfien ta' kif jaħdem is-SX Ewropew jinġieb 'il quddiem u biex jingħata appoġġ għall-iżvilupp fuq medda twila ta' żmien ta' l-iSEI billi jiġu identifikati minn qabel kwistjonijiet u sfidi ġodda potenzjali. Fost dawn il-kwistjonijiet hemm: Il-PASX u li x-xogħol ikollu valur; is-saħħa u l-kwalità fix-xogħol; ħiliet u kapital tal-bniedem; gruppi fi żvantaġġ; tkabbir; strutturar mill-ġdid; migrazzjoni; u dinamika tan-negozju u rendiment ta' l-impjieg.

Ir-rapport "L-Impjieg fl-Ewropa", li huwa dokument ewlieni ta' referenza li jsir internament fil-Kummissjoni fuq bażi ta' kull sena, ippreżenta analiżi kwantitattiva tat-tendenzi u l-istrateġiji politiċi tas-SX fl-Unjoni. Barra minn hekk, ipprovda materjal importanti biex ir-Rapport dwar l-Impjieg Konġunt (RIK) u l-evalwazzjonijiet ta' nofs is-sena ta' l-iSEI jsibu appoġġ, u barra minn hekk qiegħed is-sisien biex issir ħidma fuq kwistjonijiet analitiċi u l-iżvilupp ta' indikaturi[15].

2.2.2 Stima u valutazzjoni ta’ politika

Mill-2002, tnedew bosta proġetti li kkontribwew għall-evalwazzjoni ta' l-iSEI, ir-reviżjoni u, mill-2005, l-evalwazzjoni ta' nofs is-sena tal-LI u l-Programmi ta' Riforma Nazzjonali (PRN). Il-proġetti ntagħżlu wara Sejħiet għal Proposti dwar l-impatt tal-politika ta' l-impjieg promossa permezz ta' l-iSEI u dwar l-iżvilupp ta' prassi nazzjonali ta' evalwazzjoni fl-iSM. Per eżempju, f'dan il-perjodu, il-Belġju, Franza u l-Portugall daħlu għal evalwazzjonijiet fuq medda wiesgħa ta' l-istrateġiji politiċi tagħhom dwar l-impjieg. Dawn spiss twettqu f'kuntest trans-nazzjonali, li wera' li l-programm ta' MII laħaq l-għan mixtieq li jkattar strateġiji politiċi kkoordinati ta' impjieg ta' kwalità fil-livell ta' l-UE.

Iż-żewġ netwerks ta' l-OEI[16], SIRPI u SISDIM[17], ukoll taw sehemhom għall-iżvilupp ta' l-iSEI billi pprovdew tagħrif u riċerka komparattiva dwar il-politika ta' l-impjieg u t-tendenzi tas-SX fil-pajjiżi li qed jieħdu sehem fl-OEI; l-iSM ta' l-UE, il-pajjiżi fl-EFTA/ŻEE. Wettqet ukoll evalwazzjonijiet ta' dawn l-istrateġiji politiċi. Ir-Reviżjoni OEI ta' nofs is-sena baqgħet tkopri suġġetti ta' prijorità, bħal pereżempju dwar ħaddiema aktar kbar fl-età, immigranti, il-kwalità fix-xogħol, ix-xogħol mhux dikjarat, l-impjieg taż-żgħażagħ u l-'flessikurtà'. SISDIM għamlet ukoll kontribut sinifikanti fl-istima annwali tal-PAN (issa PRN, ara fuq).

2.3 Skambju ta' l-aqwa prassi u kooperazzjoni bejn l-iSM fil-livelli kollha u ħolqien ta' għarfien

2.3.1 Skambju ta' l-aqwa prassi u kooperazzjoni bejn l-iSM

Il-programm PTR, li tnieda fl-2004 biex isir użu aħjar ta' l-iskambju ta' esperjenzi ta' prassi tajba, jibni fuq il-Programm ta' Valutazzjoni Interpares mill-1999 billi jiffoka fuq suġġetti ta' prijorità u jfassal l-organizzazzjoni u l-parteċipazzjoni tiegħu bil-ħsieb ta' tixrid aktar effettiv u wiesa'. Dan jinkludi sehem aktar mill-qrib ta' l-imsieħba soċjali u s-soċjetà ċivili fil-proċess tat-tagħlim. Il-PTR joħloq opportunità għall-partijiet interessati fl-iSM, fil-PK u fl-Istati EFTA/ŻEE biex jressqu l-eżempji nazzjonali tagħhom ta' prassi tajba fil-livell ta' l-UE.

2.3.1.1 Proġetti marbuta mas-Servizzi ta' Impjieg Pubbliku (SIP)[18]

Bil-MII ġiet promossa u identifikata l-aqwa prassi li saret oġġett ta' skambju bejn is-SIP fiż-ŻEE u l-PK, u dan wassal f'titjib tal-kwalità tas-servizzi tagħhom lejn min ifittex ix-xogħol u min jipprovdih, u f'ġestjoni aħjar ta' l-imblukkar tal-ħiliet fis-SX Ewropej. F'dan il-kuntest, ġew ippubblikati Sejħiet għal Proposti bil-ħsieb li s-SIP jiġu modernizzati sabiex jaqdu b'mod xieraq ir-rwol tagħhom fl-iSEI. L-introduzzjoni tas-SIP ta' l-iSM ħolqot ukoll opportunità għal proġetti sinerġetiċi reċiproċi u wara dan ġew ippubblikati fl-2004, 2005 u l-2006 Sejħiet għal Proposti biex jingħata appoġġ lill-inizjattivi ta' natura innovattiva u transnazzjonali.

It-titli tal-laqgħat tas-SIP (avvenimenti ta' Presidenza u żewġ laqgħat fis-sena) issuktaw bi drawwa stabbilita minn 10 snin lilhawn, li sservi biex tikkoordina t-tħaddim u l-modernizzazzjoni tas-servizzi ta' l-impjieg. Il-laqgħat ġew organizzati bil-ħsieb ta' diskussjoni u implimentazzjoni ta' azzjonijiet importanti tas-SIP, bħal per eżempju mudelli ta' servizz biex ma ma jkunx hemm QMT u biex jitħarsu ċerti interessi partikolari fuq in-naħa tad-domanda ta' l-iSX.

Għadd ta' seminars ta' taħriġ kellhom bħala suġġett ewlieni t-treġija tas-SIP f'dawk il-PK li saru l-10 SM ġodda fl-2004 (fl-2002 u l-2003), u fir-Rumanija, il-Bulgarija, il-Kroazja u t-Turkija fl-2006.

2.3.2 Tagħrif u ħolqien ta' għarfien

Bi tqabbil mal-programm ARK, kien hemm enfażi aktar qawwija fuq il-ħtieġa li tkun implimentata politika attiva u trasparenti ta' informazzjoni biex jinħoloq l-għarfien taċ-ċittadini ma' l-Unjoni kollha dwar l-iSEE u dwar il-mod kif tista' tolqothom. Kulħadd jagħraf li l-impenn ta' l-iSEE fil-livelli kollha u mill-partjiet interessati kollha (imsieħba soċjali, soċjetà ċivili) jeħtieġ trasparenza u tagħrif lill-pubbliku.

Il-viżibbiltà ta' l-inizjattivi li għandhom l-appoġġ tal-MII, inklużi l-istudji, ittejbet matul il-perjodu kollu tal-programm. Il-metodu użat biex jiġu ppubblikati r-riżultati varja, per eżempju pubblikazzjonijiet fuq il-karta u/jew pubblikazzjonijiet elettroniċi fuq il-websajt DG EMPL EUROPA, seminars, workshops u konferenzi, il-mezzi tax-xandir, eċċ. Ġew inklużi konklużjonijiet ewlenin ta' politika f'dokumenti ewlenin ta' politika inkluż ir-RIK u r-Rapport Sinteżi.

Mill-2003, tnedew Sejħiet għal Proposti annwali biex jiġu promossi azzjonijiet ta' tagħrif konġunti b'appoġġ tat-tixrid ta' l-iSEI u inizjattivi ta' ħolqien ta' għarfien. Dawn l-inizjattivi kellhom l-għan li jipprovdu tagħrif ġenerali dwar l-iSEI (objettivi u bażi loġika, riżultati miksuba, implimentazzjoni u sorveljanza, rwoli rispettivi ta' l-istituzzjonijiet involuti), filwaqt li wrew biċ-ċar ir-rapport ħaj bejn il-kuntest Ewropew u l-istrateġiji politiċi dwar l-impjieg fil-livell nazzjonali, reġjonali u lokali. Ġew indirizzati gruppi ta' mira speċifiċi (pereżempju laqgħat ta' awtoritajiet reġjonali u lokali, imsieħba soċjali, soċjetà ċivili) jew suġġetti speċifiċi (per eżempju opportunitajiet indaqs u attivazzjoni ta' nies qiegħda fuq medda twila ta' żmien, mobbiltà, TTH, kwalità tax-xogħol, anzjani attivi, SX inklużivi, immigrazzjoni, parteċipazzjoni fl-impjieg u l-valur tax-xogħol) bl-għan li jissawwar għarfien aħjar biex jiġi ffaċilitat l-involviment tal-partijiet interessati potenzjali. L-inizjattivi barra minn hekk ikkontribwew għal għarfien aħjar ta' l-objettivi ewlenin u l-prijoritajiet ta' politika ta' l-SEI u tal-valur miżjud tal-koordinazzjoni tal-politika ta' l-impjieg fuq livell ta' l-UE.

Ġew ippreżentati l-konklużjonijiet ewlenin tax-xogħol analitiku fir-rapport "L-impjieg fl-Ewropa" li mill-2006 jinkludi konferenza annwali ta' tixrid, u fil-pubblikazzjonijiet ta' l-OEI. Iż-żewġ pubblikazzjonijiet huma mxerrda sewwa kemm ġewwa kif ukoll barra l-UE.

Bosta seminars, workshops , konferenzi u avvenimenti ewlenin oħra ġew organizzati biex isir tixrid tar-riżultati ta' l-attivitajiet tal-MII. Dan per eżempju kien il-każ għal studji mwettqa fuq suġġetti ta' prijorità.

L-attivitajiet ta' informazzjoni waslu għand il-membri tal-PE, membri u osservaturi tal-Kumitat tal-MII u ta' l-KUIM u l-gruppi tiegħu, aġenti ewlenin oħra, bħall-imsieħba soċjali, esperti u dawk involuti fl-implimentazzjoni ta' programmi oħra ta' azzjoni tal-Komunità, b'hekk ġiet żgurata l-konsistenza u l-kompementarjetà ma' programmi, azzjonijiet u inizjattivi oħra rilevanti.

2.4 Is-Sena Ewropea għall-Mobbiltà tal-Ħaddiema 2006

Tnediet medda wiesgħa ta' azzjonijiet fil-kuntest tas-Sena Ewropea għall-Mobbiltà tal-Ħaddiema 2006 (SEMĦ) li tat sehem biex jintlaħqu l-objettivi ewlenin tas-Sena, jiġifieri:

- Li jinħoloq għarfien tad-drittijiet tal-ħaddiema (moviment ħieles tal-ħaddiema) u l-opportunitajiet offruti, kif ukoll l-istrumenti disponibbli biex tkun iffaċilitata l-mobilità, b'mod partikolari l-EURES, ir-rwol tas-SIP f'dan ir-rigward, eċċ;

- Li jkun hemm skambju ta' l-esperjenza u l-prassi tajba dwar kwistjonijiet ta' mobilità;

- Li tissaħħaħ il-bażi ta' l-għarfien ta' l-UE kemm dwar mobilità tax-xogħol kif ukoll dik ġeografika, billi tiġi pprovduta statistika dwar il-fluss ta' mobilità kemm fl-UE kif ukoll barra.

Ġew organizzati 2 000 avveniment ta' għarfien li jinvolvu l-aġenti kollha fil-qasam tal-mobilità. Fost l-aktar ta' suċċess kien hemm l-ewwel fieri Ewropej dwar l-impjiegi li attiraw madwar 200 000 parteċipant lejn 230 belt Ewropea fejn min iħaddem, il-ħaddiema u dawk li jfittxu x-xogħol setgħu jkunu f'kuntatt dirett ma xulxin.

2.5 l-Iżvilupp ta' l-Impieg Lokali (ŻIL)

Il-potenzjal għall-ħolqien tax-xogħol f'livell lokali, inkluża l-ekonomija soċjali, sab appoġġ u ġiet imħeġġa s-sħubija bejn il-partijiet kollha rilevanti. Twettqu analiżijiet fuq l-iŻIL biex jitjieb l-għarfien dwar inizjattivi ta' żvilupp lokali li rnexxew u biex tiġi 'l quddiem l-innovazzjoni, kif ukoll biex jiġu żviluppati l-istrumenti analitiċi u metodoloġiċi ta' tisħiħ ta' l-element lokali tal-politika nazzjonali u tal-Komunità dwar l-Impjieg.

2.6 Evalwazzjoni ta' MII

Bi qbil ma' l-Artikolu 13 tad-Deċiżjoni tal-MII, twettqet evalwazzjoni indipendenti. Il-kuntrattur ressaq Rapport Intermedju f'Mejju 2005 li ffoka fuq il-livell ta' proġett tal-proġetti ffinanzjati mill-MII. Aġġornament tar-Rapport Intermedju li tressaq f'Diċembru 2005 eżamina l-livell ta' programm u ta' politika u qies l-implikazzjonijiet li setgħa kellu l-proċess rivedut ta' Liżbona fuq il-Programm tal-MII. Ir-Rapport Finali jagħti stima tar-rendiment ġenerali tal-Programm u jagħmel rakkomandazzjonijiet għal programmi tal-Komunità fil-ġejjieni. Fl-aħħarnett, ir-Rapport Ex -post jissinteżizza l-konklużjonijiet tar-rapporti kollha ta' evalwazzjoni ta' qabel.

L-għan ewlieni ta' l-evalwazzjoni kien li ssir stima ta':

- il-kontribut tal-MII għall-iżvilupp u l-implimentazzjoni ta' l-iSEI;

- il-konsistenza u l-effikaċja tal-Programm; kif ukoll

- sa fejn inkisbu l-objettivi u l-ostakoli identifikati fil-proċess ta' implimentazzjoni.

Minkejja l-konklużjonijiet pożittivi ġenerali ta' l-evalwaturi fir-rigward ta' dan ta' hawn fuq, fir-rakkomandazzjonijiet tagħhom, huma jagħmlu enfażi fuq il-ħtieġa li jiġu ssemplifikati t-treġija u l-proċeduri finanzjarji fir-rigward ta' l-implimentazzjoni ta' proġett u jagħmlu sejħa għal sorveljanza aktar ta' min jorbot fuqha tal-proġett bl-użu ta' teknoloġiji ġodda ta' l-informazzjoni, bħad- databases . Barra min hekk, ġie konkluż li jeħtieġ li jkun hemm politika aktar attiva ta' informazzjoni inkluż tixrid aħjar ta' riżultati ta' proġetti u segwitu ta' studji, servejs u riċerka. Dan pereżempju jista' jsir billi jiżdied il-livell ta' ambizzjoni fi ħdan il-proġetti u billi r-responsabbilità tal-promozzjoni tal-kooperazzjoni bejn l-iSM, it-tixrid u segwitu tgħaddi għand il-kuntratturi tal-proġett. Ir-rakkomandazzjonijiet fl-aħħar jinkludu l-ħtieġa ta' involviment aktar attiv tal-Kumitat tal-Programm.

3. PARTEċIPAZZJONI TAL-PAJJIżI MHUX TA' L-UE

Bi qbil ma' l-Artikolu 7 tad-Deċiżjoni tal-MII, il-programm u l-attivitajiet tiegħu nfetħu għall-pajjiżi EFTA/ŻEE (l-Iżlanda, in-Norveġja u Liechtenstein) u l-PA li f'Mejju 2004 saru l-10 SM ġodda ta' l-Unjoni. Il-PK li dak iż-żmien kienu l-Bulgarija, ir-Rumanija, kif ukoll it-Turkija, issieħbu wkoll mal-programm fl-2003 u l-Kroazja fl-2006.

Biex tantiċipa bl-iktar mod xieraq l-adeżjoni ta' l-iSM il-ġodda, il-Kummissjoni bdiet sforz ikkonċertat biex tgħin lill-PK jissemplifikaw l-istrateġiji politiċi tagħhom biex jaqblu ma' l-istrateġija ta' Liżbona. It-tendenzi tas-SX fil-PK ġew analizzati regolarment fir-rapport "Impjieg fl-Ewropa", ġie stabbilit djalogu dwar l-istrateġija politika u tħejjew Dokumenti ta' Evalwazzjoni Konġunti (DEK) dwar żviluppi ta' politika fuq il-bażi ta' standards li dwarhom jaqbel kullħadd. Mill-2003 'il quddiem seħħet parteċipazzjoni bil-mod il-mod tal-PK kollha fl-attivitajiet ta' MII, li kienu jinkludu l-laqgħat tal-Kumitat tal-MII u laqgħat ta' informazzjoni, seminars u konferenzi. L-involviment tagħhom fil-MII ffaċilita t-tagħlim mill-operazzjoni u l-evalwazzjoni ta' l-iSEI fl-iSM u tat appoġġ lit-tħejjija ta' l-implimentazzjoni ta' l-iSEI fil-qafas ta' Liżbona. Dan ippermetta lill-iSM l-ġodda jħaffu l-integrazzjoni sħiħa tagħhom fl-iSEI.

4. IR-RWOL TAL-KUMITAT TAL-MII, RABTIET MA' KUMITATI, PROGRAMMI U ORGANIZZAZZJONIJIET OħRAJN.

Il-Kumitat tal-Programm tal-MII, li kellu kemm kapaċità ta' treġija kif ukoll ta' konsulta, iltaqa' darbtejn fis-sena. Huma adottaw il-Linjigwida Ġenerali għall-implimentazzjoni ta' attivitajiet, il-programmi ta' ħidma annwali, l-analiżi ta' ffinanzjar ta' miżuri u l-kriterji ta' għażla għall-appoġġ finanzjarju.

Ġiet stabbilita l-kooperazzjoni u l-koordinazzjoni ma' Kumitati oħra rilevanti, l-aktar il-KUIM, biex tiġi żgurata l-konsistenza u l-komplimentarjetà ta' l-attivitajiet ta' MII ma' programmi u inizjattivi oħra tal-Komunità. Filwaqt li għandhom ambitu aktar wiesgħa, l-attivitajiet ta' MII kienu siewja għall-KUIM u taw appoġġ għax-xogħol tiegħu. Barra minn hekk, il-KUIM kellu tagħrif regolari dwar riżultati ta' proġetti per eżempju permezz ta' parteċipazzjoni f'konferenzi, seminars u workshops . Fl-implimentazzjoni ta' l-MII, ingħata kas tal-ħidma tal-Kumitat ta' Politika Ekonomika (KPE) u l-Grupp ta' Ħidma tiegħu dwar is-Suq tax-Xogħol.

F'dan il-kuntest huwa xieraq li jiġi nnutat li l-Programm ta' Qafas dwar ir-Riċerka fl-UE jagħti l-appoġġ tiegħu lill-proġetti u n-netwerks komplementari ta' riċerka dwar bosta kwistjonijiet indirizzati taħt it-taqsima 2. "L-Attivitajiet", b'hekk jagħtu kontribut sostanzjali għat-tkabbir, l-impjieg u l-objettivi tal-politika ta' koeżjoni soċjali ta' l-UE.

Il-kooperazzjoni attwali ma' l-OECD, l-ILO u l-Bank Dinji ssoktat, per eżempju permezz ta' studji konġunti, skambju ta' informazzjoni u għarfien espert, u l-organizzazzjoni ta' konferenzi konġunti u seminars dwar medda wiesgħa ta' kwistjonijiet, inkluż il-kapital tal-bniedem, il-migrazzjoni u l-iŻIL. Il-kooperazzjoni u l-kofinanzjament issoktaw fil-programm OECD ILZE[19]. Il-Kummissjoni żgurat ukoll ir-rabta ma' aġenziji deċentralizzati, b'mod partikolari mal-Fondazzjoni Ewropea għat-Titjib tal-Kundizzjonijiet ta' Għixien u Xogħol f'Dublin.

5. KONKLUżJONIJIET

Tul il-perjodu kollu tal-programm (2002-2006), il-MII kkontribwew fil-kisba ta' l-għan strateġiku stabbilit mill-Kunsill Ewropew f'Liżbona biex il-Komunità tkun tista' tistabbilixxi mill-ġdid il-kundizzjonijiet ta' impjieg għall-kulħadd, kif imsemmi fil-MII.

Il-Programm ġie implimentat skond l-objettivi ewlenin tiegħu. Ingħatat attenzjoni kbira lil kull wieħed mill-objettivi billi ġew implimentati l-miżuri tal-Komunità msemmija fl-Artikolu 4 tad-Deċiżjoni. B'dan il-mod, l-attivitajiet tal-MII kkontribwew għall-iżvilupp, is-segwitu u l-evalwazzjoni ta' l-iSEI u taw sostenn lill-approċċ ikkoordinat ta' l-iSEI. Barra minn hekk, iffukaw fuq it-titjib ta' l-istatistika u l-indikaturi, analizzaw kwistjonijiet ewlenin marbuta ma' l-iżvilupp ta' l-iSX ta' l-UE, għamlu stima u evalwaw l-istrateġiji politiċi u taw promozzjoni lill-iskambju ta' l-aqwa prassi bejn l-iSM u lill-ħolqien ta' għarfien fost iċ-ċittadini ta' l-UE. It-tħeġġiġ ta' l-attivitajiet ta' l-iŻIL kellu attenzjoni partikolari. Fl-implimentazzjoni tal-MII, il-Kummissjoni ffukat mhux biss fuq riżultati tanġibbli fuq medda qasira ta' żmien iżda wkoll fuq dawk ta' medda medja u twila, biex tistimula tibdiliet sostenibbli. Ingħatat ukoll attenzjoni fuq il-governanza tajba, l-evalwazzjonijiet inter-pares kif ukoll attivitajiet ta' informazzjoni.

Fl-2204, l-UE tat merħba lil 10 SM ġodda. Il-parteċipazzjoni gradwali tagħhom fil-MII ffaċilitat li jitgħallmu mill-evalwazzjoni ta' l-iSEI fl-UE 15 u ppreparathom aħjar għall-integrazzjoni sħiħa tagħhom fl-iSEI.

L-attivitajiet kienu bbażati fuq l-objettiv li jiġi żgurat livell għola ta' għarfien ta' l-iSEI fil-livelli ġeografiċi kollha ta' l-UE biex il-pubbliku in ġenerali u l-gruppi li għandhom interess, bħal dawk li jfasslu l-politika, l-imsieħba soċjali, l-awtoritajiet lokali u reġjonali u aġenti oħra ewlenin, inkluża s-soċjetà ċivili, jagħrfu l-potenzjal tagħhom li jtejbu l-prospetti ekonomiċi u soċjali, u jsibu min iħeġġiġhom biex jagħtu kontributi għal dan il-għan. Bi tqabbil mal-programm ARK, kien hemm enfażi aktar qawwija fuq il-ħtieġa li tiġi implimentata politika attiva u trasparenti ta' informazzjoni, biex jinħoloq l-għarfien taċ-ċittadini ma' l-Unjoni dwar l-aspetti ewlenin ta' l-iSEI u dwar il-mod kif tista' taffettwahom.

ANNESS BAĠITARJU

Baġit allokat mill-Kunsill u l-Parlament Ewropew: € 55 M + € 5 M f'konnessjoni mat-tkabbir fl-2004. Ma' dan it-total ta' € 60 M ġew miżjuda l-kontribuzzjonijiet lejn il-programm mill-Pajjiżi Kandidati li pparteċipaw u l-Pajjiżi EFTA/ŻEE u trasferiment fl-2006 ta' fondi mhux użati mill-2004 u l-2005, li jġib total ta' € 64 590 390 f'fondi disponibbli għall-perjodu kollu tal-programm. Taqsima fir-rapport Tip ta' proġett 2002 2003 2004 2005 2006 BAĠIT/FONDI TOTALI 5.000.000 10.486.434 14.804.096 16.337.600 17.962.260 2.1 Xogħol ta' statistika u żvilupp ta' indikaturi: Sotto-delegazzjoni għall-EUROSTAT 1.262.376 1.665.745 1.324.343 4.541.636 1.082.119 Xogħol ieħor ta' statistika 333.602 449.734 49.284 TOTAL 2.1 Xogħol ta' statistika u żvilupp ta' indikaturi 1.262.376 1.665.745 1.657.945 4.991.370 1.131.403 2.2 Analiżi u Riċerka, li tinkludi 2.2.1 Analiżi ta' tendenzi u sfidi inklużi kwistjonijiet għall-ġejjieni: Studji u stħarriġ (inkl. konferenzi, seminars u workshops għall-preżentazzjoni tar-riżultati) 418.249 1.142.924 1.112.625 1.067.837 1.667.995 3 studji fil-qafas tas-Sena Ewropea għall-Mobbiltà tal-Ħaddiema 2006 (SEMĦ) (inkl. seminars għall-preżentazzjoni tar-riżultati) 124.453 458.610 SUB-TOTAL 2.2.1 Analiżi ta' tendenzi u sfidi inklużi kwistjonijiet għall-ġejjieni 418.249 1.142.924 1.112.625 1.192.290 2.126.605 2.2.2 Stima u valutazzjoni ta’ politika: Studji ta' stima (inkl. proġetti ta' evalwazzjoni tas-SIP u effikaċja/impatt tal-PASX) 99.800 261.600 189.650 441.778 Sejħa għal proposti: Żvilupp ta' prassi ta' evalwazzjoni: 6 proġetti 2003-2005 557.398 Taqsima fir-rapport Tip ta' proġett 2002 2003 2004 2005 2006 Sejħiet għal Proposti: Proġetti li jikkontribwixxu fl-evalwazzjoni ta' l-iSEI (prassi ta' evalwazzjoni nazzjonali) 2002-2003, 2005-2007 u 2006-2008 190.000 519.620 610.414 2006 SEMĦ (inkl. stħarriġ ta' l-Eurobarometru dwar il-perċezzjoni ta' drittijiet u strumenti fil-qasam tal-mobilità tal-ħaddiema 2006 u evalwazzjoni tas-Sena) 316.552 SUB-TOTAL 2.2.2 Stima u valutazzjoni ta’ politika 289.800 557.398 261.600 709.270 1.368.744 TOTAL 2.2 Analiżi u riċerka 708.049 1.700.322 1.374.225 1.901.560 3.495.349 2.3 Skambju ta' l-aqwa prassi, kooperazzjoni bejn l-iSM u ħolqien ta' għarfien, inkluż 2.3.1 Skambju ta' l-aqwa prassi u kooperazzjoni bejn l-SM: Azzjonijiet Ewlenin: Programm ta' Evalwazzjoni Inter-pares (inkl. studji dwar prassi tajba tal-PASX) / Programm ta' Tagħlim Reċiproku (inkl servizzi ta' appoġġ, laqgħat dwar Evalwazzjoni Inter-pares u analiżijiet tematiċi) 2002-2006 283.970 1.433.440 765.739 891.642 982.116 Osservatorju Ewropew għall-Impjieg (netwerk) 2002-2006 1.018.480 1.797.182 1.160.545 988.208 938.208 Sejħiet għal Proposti: Ħolqien ta' għarfien għall-iSEI: azzjonijiet ta' informazzjoni konġunti 2003-2005 430.974 Sejħiet għal Proposti: Segwitu ta' proġetti ta' evalwazzjoni ta' l-impatt u ħolqien ta' għarfien għall-iSEI (Azzjonijiet ta' informazzjoni konġunti - Tixrid) 2004-2006 1.228.181 Sejħiet għal Proposti: Attivitajiet ta' segwitu u tixrid għall-Programm ta' Tagħlim Reċiproku ta' l-iSEI 2005-2007 u 2006-2008 1.122.747 526.275 2006 SEMĦ (konferenzi u seminars, inkl. konferenza ta' għeluq) 863.291 Taqsima fir-rapport Tip ta' proġett 2002 2003 2004 2005 2006 2006 SEMĦ (inkl. Sejħiet għal Proposti għal azzjonijiet innovattivi għall-iskambju ta' l-aqwa prassi dwar il-mobbiltà tal-ħaddiema u inizjattivi dwar il-mobilità ta' l-imsieħba soċjali b'segwitu ta' konferenza) 183.446 2.019.273 Studji (inkl. identifikazzjoni ta' prassi tajba biex jiżdiedu l-opportunitajiet tax-xogħol u l-ħaddiema ta' età kbira jinżammu fl-impjieg tagħhom; L-anzjani u l-Impjieg) 199.550 Sub-Total Azzjonijiet Ewlenin 1.302.450 3.661.596 3.354.015 3.186.043 5.329.163 Proġetti tas-SIP Seminars (inkl. seminars ta' taħriġ għat-treġija tas-SIP, seminars tas-SIP u PRES, gwida vokazzjonali fis-SIP u 12-19-il laqgħa tal-Kapijiet tas-SIP) 117.503 499.781 395.674 80.275 663.558 Sejħa għal proposti: Governanza u tibdil strutturali fis-SIP marbut ma' l-iżviluppi ICT 2004 Sejħa għal proposti: Profili ta' l-istrumenti marbuta ma' gruppi kontra l-qgħad fuq medda twila ta' żmien fis-Suq tax-Xogħol 2004 Sejħiet għal Proposti: Modernizzazzjoni tas-SIP (proġetti innovattivi transnazzjonali) 2004-2008 300.000 1.091.436 1.064.001 Studju (inkl.seminar) (prassi bejn il-kumpanji tajba dwar il-mobbiltà tal-ħaddiem għall-IŻM u s-SIP) 250.000 Sub-Total Proġetti tas-SIP 117.503 499.781 695.674 1.171.711 1.977.559 SUB-TOTAL 2.3.1 Skambju ta' l-aqwa prassi u kooperazzjoni bejn l-SM 1.419.953 4.161.377 4.049.689 4.357.754 7.306.722 |

Konferenzi bi Presidenza taħt il-Presidenza Griega, Taljana, Irlandiża, Olandiża, Renju Unit, Awstrijaka, Finlandiża u Ġermaniża. | 799.152 | 569.753 | 476.238 | 736.856 | 872.400 |

Seminars Konġunti ma' l-OECD, il-Bank Dinji, il-Ġappun u l-Istati Uniti ta' l-Amerika | 84.405 | 308.464 |

Laqgħat SIRPI 2005 u 2006 | 56.711 | 188.530 |

Appoġġ għas-seminar KUIM (laqgħat ta' esperti) | 145.345 | 160.903 |

Sub-Total Konferenzi | 799.152 | 654.158 | 476.238 | 1.247.376 | 1.221.833 |

Informazzjoni, ħolqien ta' għarfien u tixrid ta' proġetti: |

Ġimgħa ta' Impjieg 2002-2005 | 97.504 | 83.916 | 45.474 |

Programm ta' pubblikazzjoni 2003-2006 (inkl. Rapport dwar l-Impjieg fl-Ewropa 2003-2006 u l-ewwel konferenza ta' tixrid tar-rapport) | 105.801 | 309.792 | 196.419 | 338.317 | 485.543 |

Taskforce dwar l-Impjieg; grupp ta' livell għoli (8 laqgħat) 2003 | 54.500 |

SEMĦ 2006 (avvenimenti, pubblikazzjonijiet u materjal ta' promozzjoni u ta' ħolqien ta' għarfien) | 372.538 | 951.320 |

Stħarriġ Ewrobarometru għal stima ta' l-għarfien ta' l-iSEI/FSE u FSE: appoġġ ta' inizjattivi ta' impjieg għal 50 sena | 675.012 |

Laqgħat ta' esperti għat-tixrid ta' riżultati ta' attivitajiet/studji (kontribuzzjoni ta' esperti/kelliema esterni) | 187.322 |

Sub-Total Informazzjoni, ħolqien ta' għarfien u tixrid ta' proġetti | 203.305 | 364.292 | 280.335 | 756.329 | 2.299.197 |

TOTAL 2.3 Skambju ta' l-aqwa prassi, kooperazzjoni bejn l-iSM u ħolqien ta' għarfien | 2.422.410 | 5.179.827 | 4.806.262 | 6.361.459 | 10.827.752 |

Evalwazzjoni ta' 19-il proposta ta' proġett: Azzjonijiet favur impenn lokali għall-impjieg. | 192.800 |

Konvenzjoni OECD/ILZE: 2002-2003, 2004-2005 u 2006-2007 | 266.500 | 500.000 | 660.000 |

IDSLE (Identifikazzjoni ta' prassi tajba fil-qasam ta' l-iŻIL u promozzjoni ta' governanza aħjar) 2003-2005 | 400.000 | 400.000 | 400.000 |

Fuljetti dwar l-iŻIL: Ktejjeb dwar l-iżvilupp ta' strateġiji ta' l-ŻIL 2004, u manwal ta' l-iŻIL għall-iSM il-ġodda 2006 | 45.000 | 300.000 |

Irbit ta' aġenti lokali ('Netwerk ta' Netwerks) 2005-2007 | 522.425 |

Seminar UE/Stati Uniti konġunt għall-kooperazzjoni bilaterali dwar l-iŻIL 2005 | 76.537 |

TOTAL 2.5 l-Iżvilupp ta' l-Impieg Lokali (ŻIL) | 266.500 | 592.800 | 2.039.230 | 998.962 | 960.000 |

TOTAL 2.6 Evalwazzjoni tal-programm: | 638.604 |

FONDI TOTALI Deċiżjoni tal-Kunsill u tal-PE dwar il-MII (inklużi kontribuzzjonijiet ta' l-EFTA/ŻEE & PK u trasferiment ta' fondi mhux użati mill-2004 u l-2005 għall-aħħar sena tal-programm 2006) | 5.000.000 | 10.486.434 | 14.804.096 | 16.337.600 | 17.962.260 |

[1] ĠU L 170 tad-29.6.2002 – Deċiżjoni 1145/2002/KE ta' l-10 ta' Ġunju 2002

[2] It-tagħrif li jinsab fir-rapport interim ikopri il-perjodu sat-30 ta' Novembru 2004

[3] SEC(2005) 677

[4] ĠU L 63, 4.3.1998, p. 26

[5] http://ec.europa.eu/employment_social/progress/index_en.html

[6] Kif ġie konkluż fir-rapport finali tal-programm ARK – COM(2004) 323 finali.

[7] Identifikazzjoni, Disseminazzjoni u Skambju ta' prassi tajba fil-qasam taż-ŻIL u promozzjoni ta' governanza aħjar http://ec.europa.eu/employment_social/local_employment/project_idele_en.htm

[8] ĠU L 197/13 tal-5.8.2003

[9] ĠU L 205/21 tal-6.8.2005

[10] http://ec.europa.eu/employment_social/employment_strategy/peer_en.htm

[11] SIRPI (Sistema ta' Informazzjoni Reċiproka dwar Politika ta' Impjieg fl-Ewropa), netwerk tal-ministeru tas-SX u l-uffiċjali tas-SIP (2 membri kull pajjiż OEI).

[12] Tagħrif dwar proġetti li ntemmu, inklużi rapporti finali ta' studju, jinsab fuq il-websajt li ġejja: http://ec.europa.eu/employment_social/incentive_measures/activities_en.htm

[13] SEC(2008) …

[14] Estensjoni ta' dan il-proġett f'sura ta' studju tnediet b'mod konġunt mill-Kummissjoni u l-OECD fl-2005.

[15] Fil-Kummissjoni, jitwettaq xogħol ieħor analitiku mid-DĠ ECFIN li jiġi ppubblikat fir-Rivista Ekonomika Annwali ta' l-UE u d-Dokumenti Ekonomiċi ta' l-Ekonomija Ewropea.

[16]

[17] SISDIM (Sistema ta' Dokumentazzjoni dwar l-Impjieg fil-Komunità), netwerk ta' esperti indipendenti ta' l-SX (Membru 1 għall kull pajjiż fl-OIE).

[18] http://ec.europa.eu/employment_social/employment_strategy/pub_empl_services_en.htm and http://ec.europa.eu/employment_social/incentive_measures/activities_en.htm

[19] http://www.oecd.org/department/0,2688,en_2649_34417_1_1_1_1_1,00.html