EUR-Lex Access to European Union law
This document is an excerpt from the EUR-Lex website
Document 52007SC0725
Recommendation for a Council Decision establishing, in accordance with Article 104(8), that the action taken by the Czech Republic in response to the Recommendation of the Council in accordance with Article 104(7) of the Treaty establishing the European Community is proving to be inadequate
Rakkomandazzjoni għal deċiżjoni tal-Kunsill li tistabbilixxi, skond l-Artikolu 104(8), li l-azzjoni meħuda mir-Repubblika Ċeka b’reazzjoni għar-Rakkomandazzjoni tal-Kunsill skond l-Artikolu 104(7) tat-Trattat li jistabbilixxi l-Komunità Ewropea qed tirriżulta inadegwata
Rakkomandazzjoni għal deċiżjoni tal-Kunsill li tistabbilixxi, skond l-Artikolu 104(8), li l-azzjoni meħuda mir-Repubblika Ċeka b’reazzjoni għar-Rakkomandazzjoni tal-Kunsill skond l-Artikolu 104(7) tat-Trattat li jistabbilixxi l-Komunità Ewropea qed tirriżulta inadegwata
/* SEK/2007/0725 finali */
Relation | Act | Comment | Subdivision concerned | From | To |
---|---|---|---|---|---|
Adopted by | 32007D0640 |
Rakkomandazzjoni għal deċiżjoni tal-Kunsill li tistabbilixxi, skond l-Artikolu 104(8), li l-azzjoni meħuda mir-Repubblika Ċeka b’reazzjoni għar-Rakkomandazzjoni tal-Kunsill skond l-Artikolu 104(7) tat-Trattat li jistabbilixxi l-Komunità Ewropea qed tirriżulta inadegwata /* SEK/2007/0725 finali */
[pic] | KUMMISSJONI TAL-KOMUNITAJIET EWROPEJ | Brussel 30.5.2007 SEG(2007) 725 finali Rakkomandazzjoni għal DEĊIŻJONI TAL-KUNSILL li tistabbilixxi, skond l-Artikolu 104(8), li l-azzjoni meħuda mir-Repubblika Ċeka b’reazzjoni għar-Rakkomandazzjoni tal-Kunsill skond l-Artikolu 104(7) tat-Trattat li jistabbilixxi l-Komunità Ewropea qed tirriżulta inadegwata (preżentata mill-Kummissjoni) 1. L-ISFOND Abbażi tat-tbassir ekonomiku tas-servizzi tal-Kummissjoni tar-rebbiegħa 2004[1], li għall-2003 żvelaw defiċit ta’ 12.9% tal-PGD (5.9% tal-PGD li jeskludi operazzjoni kbira ta’ darba relatata ma’ garanziji li għalihom huwa responsabbli l-istat)[2], il-Kummissjoni tat bidu għall-proċedura tad-defiċit eċċessiv għar-Repubblika Ċeka b’rapport skond l-Artikolu 104(3)[3]. F’Mejju 2004, ir-Repubblika Ċeka ssottomettiet l-ewwel programm ta’ konverġenza tagħha, li jkopri l-perjodu 2004-2007, u, fuq il-bażi ta’ rakkomandazzjoni tal-Kummissjoni, il-Kunsill adotta opinjoni dwaru fil-5 ta’ Lulju 2004[4]. Fl-istess waqt, il-Kunsill iddeċieda, fuq il-bażi ta’ rakkomandazzjoni tal-Kummissjoni f’konformità ma’ l-Artikolu 104(6), li r-Repubblika Ċeka kellha defiċit eċċessiv[5] u b’konsegwenza ta’ dan, skond l-Artikolu 104(7), ħareġ rakkomandazzjoni għall-awtoritajiet Ċeki għall-korrezzjoni ta’ dan, kif ukoll fuq il-bażi ta’ rakkomandazzjoni tal-Kummissjoni[6]. F’din ir-rakkomandazzjoni, il-Kunsill irrakkomanda lill-awtoritajiet Ċeki sabiex “ iġibu fi tmiemha s-sitwazzjoni preżenti tad-defiċit eċċessiv mill-aktar fis possibli ” u “ jieħdu azzjoni f’qafas ta’ tul ta’ żmien medju sabiex jilħqu l-għan tagħhom li jniżżlu d-defiċit taħt it-3% tal-PGD sa l-2008 b’mod kredibbli u sostenibbli, skond ir-rotta għat-tnaqqis tad-defiċit kif imniżżel fl-Opinjoni tal-Kunsill tal-5 ta’ Lulju 2004 dwar il-programm ta’ konverġenza mressaq f’Mejju 2004 ” bil-miri annwali intermedji li ġejjin: 5.3% tal-PGD fl-2004, 4.7% tal-PGD fl-2005, 3.8% tal-PGD fl-2006 u 3.3% tal-PGD fl-2007. L-awtoritajiet Ċeki kienu rakkomandati wkoll sabiex “ jimplimentaw rigorożament il-miżuri maħsuba fil-programm ta’ konverġenza ta’ Mejju 2004, b’mod partikolari tnaqqis fil-kont tal-pagi tal-gvern ċentrali u tnaqqis fl-infiq tal-ministeri individwali ”. Barra minn hekk, huma ġew mistiedna sabiex “ jallokaw dħul ogħla milli kien maħsub għat-tnaqqis tad-defiċit; jintroduċu miri fiskali bbażati fuq limiti tan-nefqa f’medda ta’ żmien medju u jfasslu regoli effettivi sabiex jitnaqqas ir-riskju ta’ dejn li dejjem jiżdied ta’ reġjuni u muniċipalitajiet; jagħtu bidu għar-riforma tas-sistemi tal-pensjonijiet u tal-kura tas-saħħa sabiex titjieb is-sostenibbiltà fit-tul tal-finanzi pubbliċi; jimminimizzaw l-impatt baġitarju negattiv ta’ l-operat tal-Aġenzija tal-Konsolidazzjoni Ċeka. ” Il-Kunsill stabbilixxa wkoll l-iskadenza tal-5 ta’ Novembru 2004 biex tittieħed azzjoni effettiva rigward il-miżuri maħsuba li jilħqu l-mira tad-defiċit 2005. Wara l-iskadenza tad-data ta’ l-għeluq, il-Kummissjoni kkonkludiet, fil-Komunikazzjoni tagħha lill-Kunsill ta’ l-14 ta’ Diċembru 2004, li r-Repubblika Ċeka kienet ħadet azzjoni effettiva rigward il-miżuri maħsuba li jilħqu l-mira tad-defiċit 2005 u b’hekk ma kienx hemm ħtieġa ta’ aktar passi skond il-PDE[7]. Fil-laqgħa tiegħu fit-18 ta’ Jannar 2005, il-Kunsill qabel ma’ din il-valutazzjoni. 2. IR-RAKKOMANDAZZJONI GħAL DEċIżJONI TAL-KUNSILL DWAR IN-NUQQAS TA’ AZZJONI ADEGWATA SKOND L-ARTIKOLU 104(8) Ir-rakkomandazzjoni tal-Kunsill taħt l-Artikolu 104(7) kienet tispeċifika li d-defiċit kellu jitniżżel taħt it-3% tal-PGD sa l-2008 iżda ma kienetx tinkludi mira kwantifikata għall-2008. Dan għaliex il-programm ta’ konverġenza ta’ Mejju 2004, li l-Kunsill għamel referenza għalih fir-rakkomandazzjoni tiegħu, kien ikopri l-perjodu sa l-2007. L-aġġornament ta’ Novembru 2005 tal-programm ta’ konverġenza, li estenda l-perjodu tal-programm sa l-2008, fassal mira tad-defiċit għall-2008 ta’ 2.7% tal-PGD. Fl-opinjoni tiegħu dwar dan il-programm, il-Kunsill innota li l-programm segwa r-rotta ta’ aġġustament tad-defiċit imfassal fir-rakkomandazzjonijiet tal-Kunsill taħt l-Artikolu 104(7)[8]. Huwa stieden lir-Repubblika Ċeka sabiex “issaħħaħ, fil-kuntest tal-possibbiltà ta’ riżultat baġitarju aħjar fl-2005 kif ukoll riżultat u prospetti qawwija ta’ tkabbir, l-isforz fl-aġġustament baġitarju strutturali, meta jitqies il-marġini dejjaq taħt il-valur ta’ referenza mmirat għall-2008 (li hija d-data ta’ skadenza għall-korrezzjoni tad-defiċit eċċessiv) u sabiex titħaffef il-kisba ta’ l-MTO; (ii) ittejjeb il-kwalità ta’ l-ippjanar baġitarju, b’mod partikolari billi jiġu analizzati l-kawżi ta’ trasferimenti ’l quddiem sinifikanti tan-nefqa u tisħiħ tal-limiti tan-nefqa fuq tul ta’ żmien medju; (iii) ittejjeb is-sostenibbiltà fuq medda twila taż-żmien tal-finanzi pubbliċi, b’mod partikolari billi tħaffef ir-riforma tal-pensjonijiet u tibda r-riforma tas-sistema tal-kura tas-saħħa.” Fil-15 ta’ Marzu 2007, ir-Repubblika Ċeka ssottomettiet l-aktar aġġornament reċenti tal-programm ta’ konverġenza, għall-perjodu 2006-2009. Is-sottomissjoni ta’ l-aġġornament kien tard meta mqabbel ma’ l-iskadenza ta’ l-1 ta’ Diċembru minħabba s-sitwazzjoni politika tar-Repubblika Ċeka meta l-gvern kien ikkonfermat mill-parlament biss fid-19 ta’ Jannar 2007 wara l-elezzjonijiet ġenerali ta’ Ġunju 2006. L-aġġornament ta’ Marzu 2007 tal-programm ta’ konverġenza kien fih dawn il-projezzjonijiet annwali tad-defiċit li ġejjin: 4.0% tal-PGD għall-2007, 3.5% tal-PGD għall-2008 u 3.2% tal-PGD għall-2009. Il-miri għad-defiċit għall-2007-2008 kienu l-istess bħal dawk li kien hemm fil-baġit għall-2007, li kien approvat mill-parlament fit-13 ta’ Diċembru 2006. Il-programm kien jinkludi wkoll “dikjarazzjoni tal-gvern il-ġdid” addizzjonali li timmira li tnaqqas id-defiċit ġenerali għal 3.2% tal-PGD fl-2008 u 2.8% tal-PGD fl-2009 abbażi ta' firxa wiesgħa ta’ miżuri ta’ politika li għad iridu jiġu finalizzati u approvati. It-tbassir tas-servizzi tal-Kummissjoni tar-rebbiegħa 2007, li jipproġetta li d-defiċit se jilħaq 3.9% tal-PGD fl-2007 u, abbażi ta’ ebda tibdil fil-politika, 3.6% tal-PGD fl-2008, jikkonferma li, skond il-politiki kurrenti, il-miri maħsuba fir-rakkomandazzjoni tal-Kunsill skond l-Artikolu 104(7) għall-2007 (3.3% tal-PGD) u għall-2008 (taħt it-3% tal-PGD) m’humiex se jintlaħqu. F’termini strutturali (jiġifieri f’termini aġġustati għaċ-ċiklu bl-esklużjoni tal-miżuri ta’ darba u oħrajn temporanji), id-defiċit għandu jitwessa’ b’1¼ punti perċentwali tal-PGD fl-2007, wara deterjorazzjonijiet kemm fl-2005 kif ukoll fl-2006. B’hekk, it-tbassir tas-servizzi tal-Kummissjoni essenzjalment jikkonferma l-projezzjonijiet tal-programm ta’ konverġenza, li huma inkonsistenti ma’ korrezzjoni tad-defiċit eċċessiv sa l-iskadenza ta’ l-2008. Fir-rakkomandazzjoni tagħha għal opinjoni tal-Kunsill dwar l-aġġornament, adottat illum, il-Kummissjoni tikkonkludi l-valutazzjoni tagħha tal-programm kif ġej : “minkejja l-prospetti ta’ tkabbir aħjar, u defiċit aktar baxx milli mistenni, fl-2006, il-programm jipposponi l-korrezzjoni tad-defiċit eċċessiv sa l-2010, meta mqabbel ma’ l-iskadenza ta’ l-2008 stipulata fir-rakkomandazzjoni tal-Kunsill ta’ Lulju 2004 skond l-Artikolu 104(7). Minħabba t-tkabbir sostnut, il-posponiment, li jirrifletti d-defiċit ogħla primarjament minħabba ż-żidiet ippjanati fin-nefqa soċjali fl-2007, jirriżulta wkoll f'qagħda fiskali espansiva pro-ċiklika.” Fil-fatt, ir-riżultat ta’ nefqa akbar fil-baġit ta’ l-2007 kien li nqabeż il-qafas tan-nefqa fuq terminu medju li kien ġie stabbilit preċedentement. Id-defiċit ogħla ta' l-2007 jaħbat kontra t-tbassir ta’ tkabbir wisq aktar qawwi milli mistenni fiż-żmien tar-rakkomandazzjoni tal-Kunsill u huwa prinċipalment kawża taż-żidiet fl-infiq soċjali deċiż mill-parlament preċedenti u kkonfermat minn dakġdid fil-baġit adottat.. L-impatt ta’ din in-nefqa addizzjonali huwa stmat li huwa ’l fuq minn 1% tal-PGD fl-2007. Għandu jkun innutat ukoll li d-defiċit ogħla ta' l-2007 huwa proġettat li jseħħ fl-isfond tad-defiċits wisq aktar baxxi fis-snin preċedenti milli mistenni fir-rakkomandazzjoni tal-Kunsill skond l-Artikolu 104(7): ir-riżultati tad-defiċit fl-2004-2006 kienu fil-medja aktar minn punt wieħed perċentwali tal-PGD aħjar milli previst fir-rakkomandazzjoni tal-Kunsill (għall-2004: riżultat tad-defiċit ta’ 2.9% tal-PGD kontra l-mira tal-Kunsill ta’ 5.3%; għall-2005: 3.6% tal-PGD meta mqabbel ma’ 4.7%; u għall-2006: 2.9% tal-PGD meta mqabbel ma’ 3.8% għall-2006). Dan kien kawżat primarjament minn tkabbir aħjar minn dak mistenni aktar milli minn tnaqqis li jdum fin-nefqa. B’kollox, ibbażat fuq il-baġit għall-2007 u l-aħħar aġġornament tal-programm ta’ konverġenza, ir-Repubblika Ċeka tippjana li taqbeż il-mira għall-2007 (3.3% tal-PGD) stipulata mill-Kunsill fir-rakkomandazzjonijiet tiegħu skond l-Artikolu 104(7) u il-mira għall-2008 (2.7% tal-PGD) stipulata fil-programm ta' konverġenza ta' Novembru 2005 li kien approvat mill-Kunsill fl-24 ta' Jannar 2006. It-tbassir tas-servizzi tal-Kummissjoni tar-rebbiegħa 2007 jipproġetta wkoll riżultati li jeċċedu l-miri approvati, għas-sentejn li huma. Bħala konsegwenza ta’ dan, l-azzjoni meħuda mill-awtoritajiet Ċeki hija inadegwata sabiex tikkoreġi d-defiċit eċċessiv sa l-iskadenza ta’ l-2008 kif mitlub mill-Kunsill. Minn meta kienet adottata r-rakkomandazzjoni ma seħħ l-ebda avveniment ekonomiku negattiv li ma kienx mistenni b’konsegwenzi sfavorevoli maġġuri għall-finanzi tal-gvern kif imfisser fl-Artikolu 3(5) tar-Regolament tal-Kunsill (KE) Nru 1467/97 . Għall-kuntrarju, żviluppi fl-ekonomija rilevanti għall-finanzi pubbliċi kienu ħafna aktar favorevoli milli mistenni. Tabella 1: Il-projezzjonijiet tad-defiċit u t-tbassir tat-tkabbir Projezzjonijiet annwali tad-defiċit (% tal-PGD) | 2004 | 2005 | 2006 | 2007 | 2008 | 2009 | It-tbassir tas-servizzi tal-Kummissjoni rebbiegħa 2007 | 2,9 | 3.6 | 2.9 | 3.9 | 3.6 | - | Il-Programm ta’ Konverġenza Marzu 2007 | - | 3.6 | 3.5 | 4.0 | 3.5 | 3.2 | Il-Programm ta’ Konverġenza Marzu 2007 (miri alternattivi tad-defiċit fid-dikjarazzjoni mill-gvern il-ġdid) | - | 3.6 | 3.5 | 4.0 | 3.2 | 2.8 | Il-Programm ta’ Konverġenza Novembru 2005 | 3.0 | 3.6 | 3.5 | 3.3 | 2.7 | - | Ir-Rakkomandazzjoni tal-Kunsill Lulju 2004 | 5.3 | 4.7 | 3.8 | 3.3 | < 3 | - | It-tbassir tat-tkabbir tal-PGD (% y-o-y) | 2004 | 2005 | 2006 | 2007 | 2008 | 2009 | It-tbassir tas-servizzi tal-Kummissjoni rebbiegħa 2007 | 4.2 | 6.1 | 6.1 | 4.9 | 4.9 | - | Il-Programm ta’ Konverġenza Marzu 2007 | - | 6.0 | 6.0 | 4.9 | 4.8 | 4.8 | Il-Programm ta’ Konverġenza Novembru 2005 | 4.4 | 4.8 | 4.4 | 4.2 | 4.3 | - | Ir-Rakkomandazzjoni tal-Kunsill Lulju 2004 | 2.8 | 3.1 | 3.3 | 3.5 | - | - | Tabella 2: It-tqabbil tal-projezzjonijiet ewlenin makro-ekonomiċi u baġitarji 2005 | 2006 | 2007 | 2008 | 2009 | Il-PGD reali (tibdil %) | CP Marzu 2007 | 6.1 | 6.0 | 4.9 | 4.8 | 4.8 | COM Mejju 2007 | 6.1 | 6.1 | 4.9 | 4.9 | n.a. | CP Novembru 2005 | 4.8 | 4.4 | 4.2 | 4.3 | n.a. | L-inflazzjoni ta' l-HICP (%) | CP Marzu 2007 | 1.6 | 2.4 | 2.6 | 2.5 | 2.5 | COM Mejju 2007 | 1.6 | 2.1 | 2.4 | 2.9 | n.a. | CP Novembru 2005 | 1.5 | 2.2 | 2.0 | 2.1 | n.a. | Id-differenza fir-riżultat (% tal-PGD potenzjali) | CP Marzu 20071 | -0.7 | 0.9 | 1.1 | 1.0 | 1.0 | COM Mejju 20073 | -1.1 | 0.4 | 0.5 | 0.5 | n.a. | CP Novembru 20051 | -0.8 | -0.1 | 0.3 | 0.8 | n.a. | Il-bilanċ ġenerali tal-gvern (% tal-PGD) | CP Marzu 20076 | -3.6 | -3.5 | -4.0 | -3.5 | -3.2 | COM Mejju 2007 | -3.5 | -2.9 | -3.9 | -3.6 | n.a. | CP Novembru 2005 | -4.8 | -3.8 | -3.3 | -2.7 | n.a. | Il-bilanċ primarju (% tal-PGD) | CP Marzu 2007 | -2.5 | -2.4 | -2.6 | -2.0 | -1.6 | COM Mejju 2007 | -2.4 | -1.8 | -2.8 | -2.6 | n.a. | CP Novembru 2005 | -4.1 | -3.0 | -2.4 | -1.7 | n.a. | Il-bilanċ aġġustat ċiklikament (% tal-PGD) | CP Marzu 20071 | -3.4 | -3.9 | -4.4 | -3.9 | -3.5 | COM Mejju 2007 | -3.1 | -3.1 | -4.1 | -3.8 | n.a. | CP Novembru 20051 | -4.5 | -3.8 | -3.4 | -3.0 | n.a. | Il-bilanċ strutturali2 (% tal-PGD) | CP Marzu 2007 | -3.4 | -3.9 | -4.4 | -3.9 | -3.5 | COM Mejju 20074 | -2.0 | -2.8 | -4.1 | -3.8 | n.a. | CP Novembru 20055 | -3.4 | -3.8 | -3.4 | -3.0 | n.a. | Id-dejn gross tal-gvern (% tal-PGD) | CP Marzu 2007 | 30.4 | 30.6 | 30.5 | 31.3 | 32.2 | COM Mejju 2007 | 30.4 | 30.4 | 30.6 | 30.9 | n.a. | CP Novembru 2005 | 37.4 | 37.1 | 37.9 | 37.8 | n.a. | Noti: | 1Kalkoli tas-servizzi tal-Kummissjoni abbażi ta' l-informazzjoni fil-programm | 2Il-bilanċ aġġustat ċiklikament (bħal fil-fillieri preċedenti) lijeskludi miżuri ta' darba jew oħrajn temporanji.. | 3Abbażi ta' l-istima dwar it-tkabbir potenzali ta' 4.2%, 4.6%, 4.8% u 4.9% rispettivament fil-perjodu 2005-2008. | 4 Miżuri ta' darba u oħrajn temporanji meħuda mit-tbassir tas-servizzi tal-Kummissjoni tar-rebbiegħa 2007 | (1.1% tal-PGD fl-2005 u 0.2% tal-PGD fl-2006 – it-tnejn jgħollu d-defiċit) | 5 Miżuri ta' darba u oħrajn temporanji meħuda mill-programm CP 2005 | (1.1% tal-PGD fl-2005 – jgħolli d-defiċit) | 6Miri alternattivi ta' defiċit abbażi ta' miżuri tal-Gvern ġdid Ċek li għadhom | ma ġewx approvati: 3.2% tal-PGD fl-2008, 2.8% tal-PGD fl-2009 | Sors: | Programm ta' konverġenza (CP);it-tbassir ekonomiku tas-servizzi tal-Kummissjoni tar-rebbiegħa 2007(COM); Kalkolu tas-servizzi tal-Kummissjoni | Rakkomandazzjoni għal DEĊIŻJONI TAL-KUNSILL li tistabbilixxi, skond l-Artikolu 104(8), li l-azzjoni meħuda mir-Repubblika Ċeka b’reazzjoni għar-Rakkomandazzjoni tal-Kunsill skond l-Artikolu 104(7) tat-Trattat li jistabbilixxi l-Komunità Ewropea qed tirriżulta inadegwata IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 104(8) tiegħu, Wara li kkunsidra r-Rakkomandazzjoni mill-Kummissjoni, Billi: 1. Skond l-Artikolu 104 tat-Trattat, l-Istati Membri għandhom jevitaw defiċit eċċessiv tal-gvern. 2. Il-Patt ta’l-Istabbiltà u tat-Tkabbir huwa msejjes fuq l-għan ta’ finanzi sodi tal-gvern bħala mezz sabiex jissaħħu l-kundizzjonijiet għall-istabbiltà fil-prezzijiet u għal tkabbir sostenibbli qawwi li jwassal għall-ħolqien ta’ l-impjiegi. Il-Patt ta’l-Istabbiltà u tat-Tkabbir jinkludi r-Regolament tal-Kunsill (KE) Nru 1467/97 tas-7 ta’ Lulju 1997 r dwar li titħaffef u li tiġi ċċarata l-implimentazzjoni tal-proċedura tad-defiċit eċċessiv (PDE)[9] li kienet adottata sabiex tgħin il-korrezzjoni fil-pront tad-defiċits eċċessivi tal-gvern ċentrali. 3. Bid-Deċiżjoni tal-Kunsill 2005/185/KE[10] tal-5 ta’ Lulju 2004, kien deċiż, wara rakkomandazzjoni mill-Kummissjoni skond l-Artikolu 104(6) tat-Trattat, li kien jeżisti defiċit eċċessiv fir-Repubblika Ċeka. 4. Fil-5 ta’ Lulju 2004, skond l-Artikolu 104(7) tat-Trattat u l-Artikolu 3(4) tar-Regolament (KE) Nru 1467/97, il-Kunsill, bażat fuq rakkomandazzjoni mill-Kummissjoni, adotta rakkomandazzjoni lill-awtoritajiet Ċeki bil-ħsieb li jwaqqfu d-defiċit eċċessiv kemm jista’ jkun malajr billi jieħdu azzjoni f’qafas ta’ terminu medju sabiex jilħqu l-għan tagħhom li d-defiċit jinġieb taħt 3% tal-PGD sa l-2008 b’mod kredibbli u sostenibbli skond ir-rotta għat-tnaqqis tad-defiċit kif speċifikat fil-programm ta’ konverġenza sottomess mill-awtoritajiet f’Mejju 2004 u approvat fl-Opinjoni tal-Kunsill tal-5 ta’ Lulju 2004[11], b’dawn il-miri intermedji annwali li ġejjin: 5.3% tal-PGD fl-2004, 4.7% tal-PGD fl-2005, 3.8% tal-PGD fl-2006, 3.3% tal-PGD fl-2007. Il-Kunsill stabbilixxa l-iskadenza tal-5 ta’ Novembru 2004 sabiex tittieħed azzjoni effettiva "rigward il-miżuri maħsuba sabiex jilħqu l-mira tad-defiċit 2005". Ir-Repubblika Ċeka qablet li tagħmel ir-rakkomandazzjoni pubblika. 5. Wara li għalaq iż-żmien ta’ l-iskadenza tal-5 ta’ Novembru 2004, il-Kummissjoni kkonkludiet, fil-Komunikazzjoni tagħha lill-Kunsill ta’ l-14 ta’ Diċembru 2004 [12], li ma kienx hemm ħtieġa ta’ aktar passi għar-Repubblika Ċeka skond il-proċedura tad-defiċit eċċessiv peress li l-gvern Ċek kien ħa azzjoni effettiva rigward il-miżuri previsti biex tintlaħaq il-mira tad-defiċit għall-2005. L-aġġornament tal-programm ta’ konverġenza ta’ Novembru 2005 kien jindika defiċit ta’ 2.7% tal-PGD għall-2008 li kien approvat mill-Kunsill fl-24 ta’ Jannar 2006. 6. Il-valutazzjoni ta’ l-azzjoni meħuda mir-Repubblika Ċeka sabiex tikkoreġi d-defiċit eċċessiv sa l-2008 b’reazzjoni għar-Rakkomandazzjoni tal-Kunsill skond l-Artikolu 104(7) twassal għal dawn il-konklużjonijiet: 7. fil-15 ta’ Marzu 2007, ir-Repubblika Ċeka ssottomettiet l-aktar aġġornament riċenti tal-programm ta’ konverġenza, li jkopri l-perjodu sa l-2009. Il-programm kien jinkludi dawn il-projezzjonijiet annwali tad-defiċit li ġejjin: 4.0% tal-PGD għall-2007, 3.5% tal-PGD għall-2008 u 3.2% tal-PGD għall-2009. Il-programm kien jinkludi wkoll “dikjarazzjoni tal-gvern il-ġdid” addizzjonali li timmira li tnaqqas id-defiċit ġenerali għal 3.2% tal-PGD fl-2008 u 2.8% tal-PGD fl-2009 ibbażati fuq firxa wiesgħa ta’ miżuri ta’ politika li għadhom mhux magħrufa. 8. It-tbassir tas-servizzi tal-Kummissjoni tar-rebbiegħa 2007, li jipproġetta li d-defiċit se jilħaq 3.9% tal-PGD u 3.6% tal-PGD fl-2007 u fl-2008 rispettivament fuq il-bażi ta’ ebda tibdil fil-politika, jikkonferma li, skond il-politiki kurrenti, il-miri mfassla fir-rakkomandazzjoni tal-Kunsill skond l-Artikolu 104(7) għall-2007 (3.3% tal-PGD) u għall-2008 (taħt it-3% tal-PGD) m’humiex se jintlaħqu. F’termini strutturali (jiġifieri f’termini aġġustati għaċ-ċiklu bl-esklużjoni tal-miżuri ta’ darba u oħrajn temporanji), id-defiċit għandu jitwessa’ b’1¼ punti perċentwali tal-PGD fl-2007, wara deterjorazzjonijiet kemm fl-2005 kif ukoll fl-2006. 9. Id-defiċit ogħla ta' l-2007 jaħbat kontra t-tkabbir wisq aktar b'saħħtu milli mistenni fiż-żmien tar-rakkomandazzjoni tal-Kunsill u huwa prinċipalment kawża taż-żidiet fl-infiq soċjali deċiżi qabel l-elezzjonijiet parlamentari ta’ l-2006. Id-defiċit ogħla ta' l-2007 huwa proġettat li jseħħ fl-isfond tad-defiċits wisq aktar baxxi fis-snin preċedenti milli mistenni fir-rakkomandazzjoni tal-Kunsill. Dan kien ikkawżat prinċipalment minn tkabbir aħjar minn dak mistenni aktar milli tnaqqis li jdum fin-nefqa. 10. Dan iwassal għall-konklużjoni li, filwaqt li r-Repubblika Ċeka s’issa qabżet il-miri baġitarji għall-2004-2006 tar-rotta ta’ konsolidazzjoni kif ippjanat fir-rakkomandazzjoni tal-Kunsill tal-5 ta’ Lulju 2004, id-defiċit għall-2007 se jkun ’il fuq sew mill-mira ppjanata mill-Kunsill u d-defiċit ta’ l-2008 skond il-politiki kurrenti, se jeċċedi b’mod ċar il-livell ta’ 3% tal-PGD. Il-miri baġitarji ta’ l-awtoritajiet Ċeki m’humiex skond ir-rakkomandazzjonijiet tal-Kunsill għal korrezzjoni tad-defiċit eċċessiv sa l-iskadenza ta’ l-2008. Minn meta kienet adottata r-rakkomandazzjoni ma seħħ l-ebda avveniment ekonomiku negattiv li ma kienx mistenni b’konsegwenzi sfavorevoli maġġuri għall-finanzi tal-gvern kif imfisser fl-Artikolu 3(5) tar-Regolament tal-Kunsill (KE) Nru 1467/97. Għall-kuntrarju, żviluppi fl-ekonomija rilevanti għall-finanzi pubbliċi kienu ħafna aktar favorevoli milli mistenni. ADOTTA DIN ID-DEĊIŻJONI: Artikolu 1 L-azzjoni meħuda mir-Repubblika Ċeka b’reazzjoni għar-Rakkomandazzjoni tal-Kunsill tal-5 ta’ Lulju 2004 skond l-Artikolu 104(7) tat-trattat tirriżulta inadegwata biex tikkoreġi d-defiċit eċċessiv sad-data ta’ skadenza ffissata mir-Rakkomandazzjoni. Artikolu 2 Din id-Deċiżjoni hija indirizzata lir-Repubblika Ċeka. Magħmula fi Brussell, Għall-Kunsill Il-President [1] Il-previżjonijiet ekonomiċi tal-Kummissjoni tar-rebbiegħa 2004 ikkunsidraw d- data rrappurtata mir-Repubblika Ċeka f’Marzu 2004. [2] Sadanittant, iċ-ċifra tad-defiċit għall-2003 ġiet riveduta, skond il-proċeduri tas-soltu. Bħalissa hija ta’ 6.6% tal-PGD. [3] SEG(2004) 575. [4] ĠU C 320, 24.12.2004, p. 1. [5] ĠU L 62, 9.3.2005, p. 20. [6] Ara http://register.consilium.eu.int/pdf/en/04/st11/st11215.en04.pdf. [7] Komunikazzjoni mill-Kummissjoni lill-Kunsill: L-azzjoni meħuda minn Ċipru, Malta, il-Polonja, ir-Repubblika Ċeka u s-Slovakkja bi tweġiba għar-rakkomandazzjonijiet tal-Kunsill taħt il-proċedura tad-defiċit eċċessiv, ,SEG(2004) 1630, 22.12.2004. [8] ĠU C 55, 7.3.2006, p. 5. [9] ĠU L 209, 2.8.1997, p. 6, Ir-Regolament kif emendat bir-Regolament (KE) Nru 1056/2005 (ĠU L 174, 7.7.2005, p. 5). [10] ĠU L 62, 9.3.2005, p. 20. [11] ĠU C 320, 24.12.2004, p. 1. [12] Komunikazzjoni mill-Kummissjoni lill-Kunsill: L-azzjoni meħuda mir-Repubblika Ċeka, Ċipru, Malta, il-Polonja u s-Slovakkja b’reazzjoni għar-rakkomandazzjonijiet tal-Kunsill skond il-proċedura tad-defiċit eċċessiv, SEG(2004) 1630, 22.12.2004.