EUR-Lex Access to European Union law
This document is an excerpt from the EUR-Lex website
Document 52007PC0793
Proposal for a Council Decision on the position to be taken by the Community within the Association Council created by the Euro-Mediterranean Agreement establishing an association between the European Communities and their Member States, of the one part, and the State of Israel, of the other part, with regard to the adoption of provisions on the co-ordination of the social security systems
Proposta għal deċiżjoni tal-Kunsill dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni li nħoloq mill-Ftehim Ewro-Mediterranju li stabbilixxa assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta' Israel, min-naħa l-oħra, fir-rigward ta’ l-adozzjoni tad-dispożizzjonijiet dwar il-koordinazzjoni tas-sistemi ta' sigurtà soċjali
Proposta għal deċiżjoni tal-Kunsill dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni li nħoloq mill-Ftehim Ewro-Mediterranju li stabbilixxa assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta' Israel, min-naħa l-oħra, fir-rigward ta’ l-adozzjoni tad-dispożizzjonijiet dwar il-koordinazzjoni tas-sistemi ta' sigurtà soċjali
/* KUMM/2007/0793 finali */
Proposta għal deċiżjoni tal-Kunsill dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni li nħoloq mill-Ftehim Ewro-Mediterranju li stabbilixxa assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta' Israel, min-naħa l-oħra, fir-rigward ta’ l-adozzjoni tad-dispożizzjonijiet dwar il-koordinazzjoni tas-sistemi ta' sigurtà soċjali /* KUMM/2007/0793 finali */
[pic] | KUMMISSJONI TAL-KOMUNITAJIET EWROPEJ | Brussel 12.12.2007 KUMM(2007) 793 finali Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni li nħoloq mill-Ftehim Ewro-Mediterranju li stabbilixxa assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta' Israel, min-naħa l-oħra, fir-rigward ta’ l-adozzjoni tad-dispożizzjonijiet dwar il-koordinazzjoni tas-sistemi ta' sigurtà soċjali (preżentata mill-Kummissjoni) MEMORANDUM TA’ SPJEGAZZJONI KUNTEST TAL-PROPOSTA | 110 | Il-bażi għall-proposta u l-għanijiet tagħha L-Artikolu 65 tal-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta’ Iżrael, min-naħa l-oħra[1], jistipula li l-Kunsill ta’ Assoċjazzjoni għandu b'deċiżjoni jadotta d-dispożizzjonijiet xierqa sabiex jimplimenta l-għanijiet stipulati fl-Artikolu 64 ta' dan il-Ftehim. | 120 | Il-kuntest ġenerali Fil-livell Komunitarju, is-sistemi ta’ sigurtà soċjali ta’ l-Istati Membri huma kkoordinati mir-Regolament (KEE) Nru 1408/71[2] u r-Regolament ta’ implimentazzjoni tiegħu (KEE) Nru 574/72[3]. L-Artikolu 64 tal-Ftehim ma’ Iżrael fih dispożizzjonijiet għal koordinazzjoni limitata bejn is-sistemi ta’ sigurtà soċjali ta’ l-Istati Membri u ta’ Iżrael. Hija meħtieġa Deċiżjoni tal-Kunsill ta’ Assoċjazzjoni stabbilit mill-Ftehim sabiex dawn id-dispożizzjonijiet jidħlu fis-seħħ. Għadd ta’ Ftehimiet ta’ Assoċjazzjoni oħrajn ma’ pajjiżi terzi fihom dispożizzjonijiet simili għall-koordinazzjoni ta’ sistemi ta’ sigurtà soċjali. Din il-proposta hija parti minn pakkett ta’ proposti li jinkludu proposti simili fir-rigward tal-Ftehimiet mal-Marokk, l-Alġerija, it-Tuneżija, il-Kroazja u dik li kienet ir-Repubblika Jugoslava tal-Maċedonja. Deċiżjoni tal-Kunsill hija meħtieġa sabiex tiġi stabbilita l-pożizzjoni li għandha tittieħed mill-Komunità f’dan il-Kunsill ta’ Assoċjazzjoni. | 130 | Dispożizzjonijiet eżistenti fil-qasam tal-proposta Ir-Regolament tal-Kunsill (KE) Nru 859/2003[4] jestendi d-dispożizzjonijiet tar-Regolament (KEE) Nru 1408/71 u r-Regolament (KEE) Nru 574/72 għal ċittadini ta’ pajjiżi terzi li għadhom mhumiex koperti minn dawn id-dispożizzjonijiet minħabba ċ-ċittadinanza tagħhom. Dan ir-Regolament diġà jkopri l-prinċipju ta’ aggregazzjoni ta’ perjodi ta’ assigurazzjoni meħtieġa minn ħaddiema Iżraeljani f’bosta Stati Membri fir-rigward tad-drittijiet għal ċerti benefiċċji, kif stipulat fl-Artikolu 64 (1), l-ewwel inċiż, tal-Ftehim ma’ Iżrael. Madankollu, minħabba li r-Regolament (KE) Nru 859/2003 huwa msejjes fuq it-Titolu IV tat-Trattat, id-Danimarka mhix marbuta bi jew soġġetta għal dan ir-Regolament, f’konformità ma’ l-Artikoli 1 u 2 tal-Protokoll dwar il-pożizzjoni tad-Danimarka anness mat-Trattat dwar l-Unjoni Ewropea u t-Trattat li jistabbilixxi l-Komunità Ewropea. Dan japplika biss għar-Renju Unit u l-Irlanda, minħabba li, skond l-Artikolu 3 tal-Protokoll dwar il-pożizzjoni tar-Renju Unit u ta' l-Irlanda anness mat-Trattat dwar l-Unjoni Ewropea u t-Trattat li jistabbilixxi l-Komunità Ewropea, iż-żewġ Stati Membri ħabbru li xtaqu jipparteċipaw fl-applikazzjoni tar-Regolament (KE) Nru 859/2003. | 141 | Konsistenza ma' politiki u għanijiet oħrajn ta' l-Unjoni Fl-2004 l-UE nediet il-Politika Ewropea tal-Viċinat, li għandha l-għan li ssaħħaħ ir-relazzjonijiet ma’ sittax-il pajjiż li għandhom il-fruntiera ma’ l-Unjoni, inkluż l-Iżrael, bil-għan li jiġu evitati linji ta’ diviżjoni ġodda fl-Ewropa, u sabiex ikunu promossi l-paċi, l-istabbilità u l-prosperità. Fil-kuntest ta’ din il-politika, fil-11 ta’ April 2005, l-Unjoni Ewropea u Iżrael adottaw Pjan ta’ Azzjoni permezz ta’ rakkomandazzjoni tal-Kunsill ta’ Assoċjazzjoni li jistipula għanijiet li dwarhom kien hemm qbil reċiproku għat-tisħiħ tal-kooperazzjoni tagħhom f’firxa wiesgħa ta’ oqsma ta’ politika tul perjodu ta’ tliet snin. L-għan 2.3.3 ta’ dan il-Pjan ta' Azzjoni jisħaq li l-partijiet se jistinkaw sabiex jieħdu deċiżjoni dwar l-implimentazzjoni ta' l-Artikolu 65 tal-Ftehim ta' Assoċjazzjoni. Din il-proposta se għalhekk tikkontribwixxi għall-implimentazzjoni tal-Pjan ta’ Azzjoni UE-Iżrael kif ukoll għall-kisba ta' l-għanijiet tal-Politika Ewropea tal-Viċinat. | KONSULTAZZJONI MA’ PARTIJIET INTERESSAT U L-ISTIMA TA’ L-IMPATT | Konsultazzjoni ma’ partijiet interessati | 211 | Metodi ta’ konsultazzjoni, oqsma prinċipali mmirati u profil ġenerali ta’ dawk li wieġbu Il-fatturi ewlenin ta’ din il-proposta ġew diskussi mad-delegazzjonijiet ta' l-Istati Membri fil-Kummissjoni Amministrattiva dwar is-Sigurtà Soċjali għal Ħaddiema Migranti, korp stabbilit mir-Regolament (KEE) Nru 1408/71. Id-delegazzjonijiet kellhom ukoll l-opportunità li jibagħtu kummenti dwar dan is-suġġett. | 212 | Taqsira tat-tweġibiet u kif ġew meqjusa Bosta mill-kummenti ta’ l-Istati Membri kienu ta’ natural ġenerali ħafna. Uħud minnhom, bħal dawk li jirreferu għall-ħtieġa ta’ dispożizzjonijiet fuq kontrolli amministrattivi u eżamijiet mediċi, ġew meqjusa f’din il-proposta. Kwistjonijiet oħrajn, b'mod partikolari dispożizzjonijiet dwar l-infurzar ta' multi amministrattivi, ma ġewx meqjusa xierqa għall-inklużjoni f'din il-proposta minħabba li jaqgħu barra l-ambitu ta' l-Artikolu 64 tal-Ftehim ma' Iżrael. | Ġbir u użu ta’ għarfien espert | 229 | Ma kien hemm l-ebda ħtieġa ta’ għarfien espert. | 230 | Stima ta’ l-impatt L-Artikolu 64 tal-Ftehim ma’ Iżrael fih dispożizzjonijiet dwar koordinazzjoni limitata bejn is-sistemi ta' sigurtà soċjali ta’ l-Istati Membri u ta’ Iżrael. Għadd ta’ Ftehimiet ta’ Assoċjazzjoni oħrajn ma' pajjiżi terzi fihom dispożizzjonijiet simili dwar il-koordinazzjoni ta’ sistemi ta’ sigurtà soċjali. Kollha kemm huma jeħtieġu Deċiżjoni tal-Kunsill ta' Assoċjazzjoni rilevanti biex dawn id-dispożizzjonijiet jidħlu fis-seħħ. L-għan ta’ dawn id-dispożizzjonijiet fil-qasam tas-sigurtà soċjali huwa li ħaddiem mill-pajjiż assoċjat ikkonċernat jista' jirċievi ċerti benefiċċji ta’ sigurtà soċjali pprovduti taħt il-leġiżlazzjoni ta’ l-Istat(i) Membru/i li kien jew huwa soġġett għalih/hom. Dan japplika wkoll, fuq bażi ta’ reċiproċità, għal ċittadin ta’ l-UE li jaħdem fil-pajjiż assoċjat. Minħabba li d-dispożizzjonijiet kollha fil-proposti inklużi fil-pakkett ta’ proposti attwali fir-rigward ta’ sitt pajjiżi assoċjati (il-Marokk, l-Alġerija, it-Tuneżija, dik li kienet ir-Repubblika Jugoslava tal-Maċedonja, il-Kroazja u Iżrael) huma kważi identiċi, dan se jiffaċilita l-applikazzjoni ta’ dawn id-dispożizzjonijiet mill-istituzzjonijiet ta’ sigurtà soċjali ta’ l-Istati Membri. Jista’ jkun hemm xi implikazzjonijiet finanzjarji għall-istituzzjonijiet ta’ sigurtà soċjali nazzjonali li jirriżultaw mill-applikazzjoni ta’ dawn il-proposti, minħabba li dawn iridu jipprovdu, pereżempju, il-benefiċċji kif deskritt fl-Artikolu 64 tal-Ftehim ma’ Iżrael. Madankollu, dan l-Artikolu jikkonċerna biss persuni li qed jikkontribwixxu jew kienu jikkontribwixxu għas-sistema ta' sigurtà soċjali nazzjonali tal-pajjiż ikkonċernat, kif stipulat fil-leġiżlazzjoni nazzjonali tiegħu. Fi kwalunkwe każ, jista’ jkun diffiċli li f’dan l-istadju jiġi mkejjel l-impatt preċiż ta’ dawn il-proposti fuq is-sistemi ta’ sigurtà soċjali nazzjonali. | ELEMENTI LEGALI TAL-PROPOSTA | 305 | Taqsira ta’ l-azzjoni proposta Din il-proposta tikkonsisti f’Deċiżjoni tal-Kunsill dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni stabbilit mill-Ftehim ma’ Iżrael u, fl-Anness, Deċiżjoni tal-Kunsill ta’ Assoċjazzjoni fil-qasam tas-sigurtà soċjali. Id-Deċiżjoni proposta tal-Kunsill ta’ Assoċjazzjoni tissodisfa r-rekwiżit ta' l-Artikolu 65 tal-Ftehim ma' Iżrael għal Deċiżjoni tali, sabiex jiġu implimentati l-prinċipji ta' sigurtà soċjali ta’ l-Artikolu 64. Għalhekk id-Deċiżjoni fiha dispożizzjonijiet ta' implimentazzjoni fir-rigward ta' dawk id-dispożizzjonijiet ta' l-Artikolu 64 tal-Ftehim ma' Iżrael li għad mhumiex koperti mir-Regolament (KE) Nru 859/2003. Dan jikkonċerna b’mod partikolari d-dispożizzjonijiet fir-rigward tad-Danimarka dwar l-aggregazzjoni ta’ perjodi ta’ assigurazzjoni li jiksbu ħaddiema Iżraeljani f’bosta Stati Membri, l-esportazzjoni ta’ ċerti benefiċċji għal Iżrael kif ukoll l-għoti ta' benefiċċji għall-familja lil ħaddiema Iżraeljani għall-membri tal-familja tagħhom li qegħdin fl-istess Stat Membru tal-ħaddiem ikkonċernat b'mod legali. B’żieda ma’ dan, id-Deċiżjoni proposta tal-Kunsill ta’ Assoċjazzjoni tiżgura li d-dispożizzjonijiet dwar l-esportazzjoni ta’ benefiċċji u l-għoti ta’ benefiċċji għall-familja japplikaw ukoll, fuq bażi ta’ reċiproċità, għal ħaddiema ta' l-UE impjegati b'mod legali f'Iżrael u għall-membri tal-familja tagħhom li qegħdin f'Iżrael b'mod legali. | 310 | Bażi ġuridika L-Artikolu 310 tat-Trattat flimkien ma' l-Artikolu 300 (2), l-ewwel sottoparagrafu, l-aħħar sentenza, u t-tieni sottoparagrafu tiegħu. | 329 | Il-prinċipju ta’ sussidjarjetà Il-proposta taqa’ taħt il-kompetenza esklussiva tal-Komunità. Għalhekk, il-prinċipju ta’ sussidjarjetà ma japplikax. | Il-prinċipju ta’ proporzjonalità Il-proposta tikkonforma mal-prinċipju ta’ proporzjonalità għar-raġunijiet li ġejjin. | 331 | L-Istati Membri għad għandhom il-kompetenza esklussiva fid-determinazzjoni, l-organizzazzjoni u l-iffinanzjar tas-sistemi ta’ sigurtà soċjali nazzjonali tagħhom. Il-proposta tiffaċilita biss il-koordinazzjoni tas-sistemi tas-sigurtà soċjali ta’ l-Istati Membri u ta’ Iżrael, għall-benefiċċju taċ-ċittadini ta’ dawn il-pajjiżi. Barra minn hekk, il-proposta ma taffettwax id-drittijiet u l-obbligazzjonijiet li jirriżultaw minn ftehimiet ta’ sigurtà soċjali bilaterali milħuqa bejn l-Istati Membri u Iżrael fejn dan ta' l-aħħar jipprevedi trattament aktar favorevoli għall-persuni kkonċernati. | 332 | Il-proposta tnaqqas il-piż finanzjarju u amministrattiv għall-awtoritajiet nazzjonali, minħabba li hija parti minn pakkett ta' proposti simili li jiżgura applikazzjoni uniformi tad-dispożizzjonijiet ta' sigurtà soċjali li jinsabu fi Ftehimiet ta’ Assoċjazzjoni ma’ pajjiżi terzi. | Għażla ta’ strumenti | 341 | Strumenti proposti: Deċiżjoni tal-Kunsill (li fl-Anness fiha Abbozz ta' Deċiżjoni tal-Kunsill ta' Assoċjazzjoni). | 342 | Mezzi oħrajn ma jkunux adegwati minħabba r-raġunijiet li ġejjin. Ma hemm l-ebda għażla alternattiva għall-azzjoni proposta. L-Artikolu 65 tal-Ftehim jitlob Deċiżjoni tal-Kunsill ta' Assoċjazzjoni rispettiv. L-Artikolu 300 (2) tat-Trattat jipprevedi Deċiżjoni tal-Kunsill għall-għan tat-teħid tal-pożizzjonijiet li għandhom jiġu adottati f’isem il-Komunità f’korp stabbilit minn Ftehim ta’ Assoċjazzjoni, fejn dan il-korp jintalab jadotta deċiżjonijiet li għandhom effett legali. | IMPLIKAZZJONI BAġITARJA | 409 | Il-proposta m’għandiex implikazzjonijiet għall-baġit Komunitarju. | TAGħRIF ADDIZZJONALI | 510 | Simplifikazzjoni | 511 | Il-proposta tipprevedi s-simplifikazzjoni tal-proċeduri amministrattivi għal awtoritajiet pubbliċi (UE jew nazzjonali), u s-simplifikazzjoni ta’ proċeduri amministrattivi għal partijiet privati. | 513 | Id-dispożizzjonijiet fil-proposta li għandhom x'jaqsmu mal-koordinazzjoni tas-sistemi ta' sigurtà soċjali għal ċittadini Iżraeljani huma kważi identiċi għal dawn għal ċittadini tal-pajjiżi assoċjati oħrajn. Dan se jwassal għas-simplifikazzjoni tal-proċeduri u anqas piżijiet amministrattivi għall-istituzzjonijiet ta’ sigurtà soċjali nazzjonali. | 514 | Il-persuni li jaqgħu taħt il-proposta mhumiex ikkonfrontati b’dispożizzjonijiet nazzjonali differenti fir-rigward tal-prinċipji ta’ sigurtà soċjali ta’ l-Artikolu 64 tal-Ftehim ma’ Iżrael, u għalhekk jistgħu minflok jiddependu fuq dispożizzjonijiet uniformi fil-Komunità. | 570 | Spjegazzjoni fid-dettall tal-proposta A. Deċiżjoni tal-Kunsill dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni stabbilit mill-Ftehim ma' Iżrael fir-rigward tad-dispożizzjonijiet għall-koordinazzjoni tas-sistemi ta' sigurtà soċjali. Artikolu 1 Dan l-Artikolu jiċċara r-relazzjoni legali bejn din id-Deċiżjoni tal-Kunsill u d-Deċiżjoni annessa tal-Kunsill ta' Assoċjazzjoni. B. Deċiżjoni annessa tal-Kunsill ta’ Assoċjazzjoni fir-rigward tad-dispożizzjonijiet għall-koordinazzjoni tas-sistemi tas-sigurtà soċjali li jinsabu fil-Ftehim ma' Iżrael. Parti I: Dispożizzjonijiet ġenerali Artikolu 1 Dan l-Artikolu jfisser, għall-għanijiet tal-leġiżlazzjoni ta’ Stat Membru u għall-għan tal-leġiżlazzjoni ta’ Iżrael, it-termini “Ftehim”, “Regolament”, “Regolament ta’ implimentazzjoni”, “Stat Membru”, “ħaddiem”, “membru tal-familja”, “leġiżlazzjoni”, “benefiċċji”, u “benefiċċji għall-familja", u jirreferi għar-Regolament u r-Regolament ta' implimentazzjoni għat-termini l-oħra użati fid-Deċiżjoni annessa. Artikolu 2 F’konformità mal-kitba ta' l-Artikolu 64 tal-Ftehim ma' Iżrael, dan l-Artikolu jfisser il-persuni koperti mid-Deċiżjoni annessa. Parti II Relazzjonijiet bejn l-Istati Membri u Iżrael Din il-Parti tad-Deċiżjoni annessa tkopri l-prinċipji li jinsabu fl-Artikolu 64 (1), it-tieni u t-tielet inċiż, tal-Ftehim ma’ Iżrael kif ukoll il-klawżola ta’ reċiproċità fir-rigward ta' ċittadini ta' l-UE u l-membri tal-familja tagħhom, kif previst fl-aħħar paragrafu ta' dan l-Artikolu. Artikolu 3 Dan l-Artikolu jelenka l-fergħat ta’ sigurtà soċjali msemmija fl-Artikolu 64 (1), it-tieni u t-tielet inċiż, tal-Ftehim ma’ Iżrael li għalihom tapplika l-Parti II tad-Deċiżjoni annessa. Artikolu 4 Dan l-Artikolu fih il-prinċipju ta’ l-esportazzjoni ta’ benefiċċji ta’ flus kif previsti bl-Artikolu 64 (1), it-tieni inċiż, tal-Ftehim ma’ Iżrael u jagħmilha ċara li dan il-prinċipju huwa limitat għall-benefiċċji msemmija fl-Artikolu 1 (h) tad-Deċiżjoni annessa li telenka l-benefiċċji msemmija f’dan l-inċiż. Artikolu 5 Dan l-Artikolu jispeċifika liema persuni koperti minn din il-proposta huma intitolati għal benefiċċji għall-familja f'isem l-istat kompetenti. F’dan l-Artikolu joħroġ biċ-ċar li, f’konformità ma’ l-Artikolu 64 tal-Ftehim ma’ Iżrael, ma hemm l-ebda drittijiet għal benefiċċji għall-familja għal membri tal-familja ta' ħaddiema Iżraeljani, jekk dawn il-membri tal-familja joqgħodu barra mit-territorju ta' l-Unjoni Ewropea. Parti III L-applikazzjoni tad-dispożizzjonijiet ta' sigurtà soċjali fir-rigward tad-Danimarka. Artikolu 6 Ir-Regolament (KE) Nru 859/2003 diġà jkopri l-prinċipju ta’ aggregazzjoni ta’ perjodi ta’ assigurazzjoni meħtieġa minn ħaddiem Iżraeljan fil-Komunità fir-rigward tad-drittijiet għal ċerti benefiċċji, kif stipulat fl-Artikolu 64 (1), l-ewwel inċiż, tal-Ftehim ma’ Iżrael. Minkejja dan, minħabba li dan ir-Regolament huwa msejjes fuq it-Titolu IV tat-Trattat, skond l-Artikoli 1 u 2 tal-Protokoll dwar il-pożizzjoni tad-Danimarka anness mat-Trattat li jistabbilixxi l-Komunità Ewropea, id-Danimarka mhux marbut bih jew soġġett għalih. Dan l-Artikolu għalhekk jiċċara li d-Danimarka għandha tuża d-dispożizzjonijiet rilevanti għar-Regolamenti (KEE) Nru 1408/71 u Nru 574/72 sabiex timplimenta l-prinċipju ta’ aggregazzjoni ta’ hawn fuq. Parti IV Dispożizzjonijiet mixxellanji Artikolu 7 Dan l-Artikolu fih dispożizzjonijiet ġenerali għall-kooperazzjoni bejn l-Istati Membri u l-istituzzjonijiet tagħhom, min-naħa, u Iżrael u l-istituzzjonijiet tiegħu, min-naħa l-oħra, kif ukoll bejn il-benefiċjarji u l-istituzzjonijiet ikkonċernati. Dawn id-dispożizzjonijiet huma simili għal dawk ta’ l-Artikolu 84 (1), (2) u (3) tar-Regolament (KEE) Nru 1408/71 u l-Artikolu 76 (3), (4), l-ewwel u t-tielet sottoparagrafi, u (5) tar-Regolament (KE) Nru 883/2004. Artikolu 8 Dan l-Artikolu jistipula l-proċeduri għal kontrolli amministrattivi u l-eżamijiet mediċi simili għal dawk li jinsabu fl-Artikolu 51 (1) tar-Regolament (KEE) Nru 574/72. B’żieda ma’ dan, jipprevedi għall-possibbiltà ta’ l-adozzjoni ta’ dispożizzjonijiet ta’ implimentazzjoni oħrajn f’dan il-qasam. Artikolu 9 Dan l-Artikolu jirreferi għall-Anness II tad-Deċiżjoni annessa li huwa simili għall-Anness VI tar-Regolament (KEE) Nru 1408/71 u l-Anness XI tar-Regolament (KE) Nru 883/2004, u li huwa meħtieġ sabiex jiġu stipulati d-dispożizzjonijiet speċjali meħtieġa għall-applikazzjoni tal-leġiżlazzjoni Iżraeljana fir-rigward tad-Deċiżjoni annessa. Artikolu 10 Kif previst fl-Artikolu 64 tal-Ftehim ma’ Iżrael, dan l-Artikolu jispeċifika li d-dispożizzjonijiet ta' Ftehimiet bilaterali li jipprevedu għal trattament aktar favorevoli jibqgħu fis-seħħ. Artikolu 11 Dan l-Artikolu jipprevedi għall-possibbiltà li jiġu konklużi Ftehimiet amministrattivi supplimentari. Artikolu 12 Id-dispożizzjonijiet tranżitorji previsti f'dan l-Artikolu jikkorrispondu mad-dispożizzjonijiet tranżitorji ta' l-Artikolu 94 (1), (3), (4), (6) u (7) tar-Regolament (KEE) Nru 1408/71 kif ukoll għall-Artikolu simili 87 (1), (3), (4), (6) u (7) tar-Regolament (KE) Nru 883/2004. Artikolu 13 Dan l-Artikolu jiċċara l-istat legali ta’ l-Annessi tad-Deċiżjoni annessa u l-proċedura għall-emenda tagħhom. Artikolu 14 Dan l-Artikolu fih proċedura sabiex ikun żgurat li jittieħdu l-miżuri kollha meħtieġa għall-implimentazzjoni tad-Deċiżjoni annessa. Artikolu 15 Dan l-Artikolu jiċċara d-data tad-dħul fis-seħħ tad-Deċiżjoni annessa. | E-11229 | 1. Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni li nħoloq mill-Ftehim Ewro-Mediterranju li stabbilixxa assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta' Israel, min-naħa l-oħra, fir-rigward ta’ l-adozzjoni tad-dispożizzjonijiet dwar il-koordinazzjoni tas-sistemi ta' sigurtà soċjali IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 310, flimkien ma’ l-Artikolu 300 (2), l-ewwel sottoparagrafu, l-aħħar sentenza, u t-tieni sottoparagrafu tiegħu, Wara li kkunsidra l-proposta tal-Kummissjoni[5], Billi: 2. L-Artikolu 65 tal-Ftehim Ewro-Mediterranju li jistabbilixxi Assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta’ Israel, min-naħa l-oħra, jistipula li l-Kunsill ta’ Assoċjazzjoni għandu b'deċiżjoni jadotta d-dispożizzjonijiet xierqa sabiex jimplimenta l-għanijiet stipulati fl-Artikolu 64, 3. L-għan 2.3.3, l-ewwel inċiż, tal-Pjan ta’ Azzjoni UE-Iżrael adottat mill-Kunsill ta’ Assoċjazzjoni fil-kuntest tal-Politika Ewropea tal-Viċinat fil-11 ta' April 2005 isejjaħ għall-adozzjoni mill-Kunsill ta' Assoċjazzjoni ta’ deċiżjoni li timplimenta l-Artikolu 65 tal-Ftehim imsemmi. IDDEĊIEDA KIF ĠEJ: Artikolu 1 Il-pożizzjoni li għandha tittieħed mill-Komunità fi ħdan il-Kunsill ta’ Assoċjazzjoni li nħoloq mill-Ftehim Ewro-Mediterranju li stabbilixxa assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta' Israel, min-naħa l-oħra, fir-rigward tad-dispożizzjonijiet għall-koordinazzjoni tas-sistemi ta' sigurtà soċjali li jinsabu fil-Ftehim ta’ Assoċjazzjoni għandha tissejjes fuq l-abbozz ta' deċiżjoni tal-Kunsill ta' Assoċjazzjoni annessa f'din id-Deċiżjoni. Magħmula fi Brussell, Għall-Kunsill Il-President ANNESS ASSOĊJAZZJONI BEJN L-UNJONI EWROPEA U L-ISTAT TA’ IŻRAEL - Il-Kunsill ta’ Assoċjazzjoni - DEĊIŻJONI Nru .../…. TAL-KUNSILL TA’ ASSOĊJAZZJONI maħluqa mill-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta’ Iżrael, min-naħa l-oħra, ta’ ... fir-rigward tad-dispożizzjonijiet għall-koordinazzjoni tas-sistemi ta’ sigurtà soċjali li jinsabu fil-Ftehim ta’ Assoċjazzjoni IL-KUNSILL TA’ ASSOĊJAZZJONI, Wara li kkunsidra l-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa, u l-Istat ta’ Iżrael, min-naħa l-oħra, u b’mod partikolari l-Artikolu 64 tiegħu, Billi 4. L-Artikolu 64 tal-Ftehim imsemmi jipprevedi għall-koordinazzjoni tas-sistemi ta’ sigurtà soċjali ta’ Iżrael u l-Istati Membri u jistipula l-prinċipji għal koordinazzjoni tali. 5. L-Artikolu 65 tal-Ftehim imsemmi jipprevedi wkoll li Deċiżjoni tal-Kunsill ta' Assoċjazzjoni għandha timplimenta d-dispożizzjonijiet li jinsabu fl-Artikolu 64. 6. L-għan 2.3.3, l-ewwel inċiż, tal-Pjan ta’ Azzjoni UE-Iżrael adottat mill-Kunsill ta’ Assoċjazzjoni fil-kuntest tal-Politika Ewropea tal-Viċinat fil-11 ta' April 2005 isejjaħ għall-adozzjoni mill-Kunsill ta' Assoċjazzjoni ta’ deċiżjoni li timplimenta l-Artikolu 65 tal-Ftehim imsemmi. 7. Bl-applikazzjoni ta’ din id-Deċiżjoni, d-dritt tal-ħaddiema Iżraeljani għal benefiċċji għall-familja huwa soġġett għall-kundizzjoni li l-membri tal-familja tagħhom joqgħodu legalment mal-ħaddiem ikkonċernat fl-Istat Membru fejn il-ħaddiem huwa impjegat. Id-Deċiżjoni ma tagħti l-ebda dritt għal benefiċċji għall-familja fir-rigward ta' membri tal-familja tagħha li joqgħodu fi stat ieħor, pereżempju f’Iżrael. 8. Attwalment, ir-Regolament tal-Kunsill (KE) Nru 859/2003 jestendi d-dispożizzjonijiet tar-Regolament (KEE) 1408/71 u r-Regolament (KEE) Nru 574/72 għal ċittadini ta’ pajjiżi terzi li mhumiex diġà koperti minn dawk id-dispożizzjonijiet minħabba ċ-ċittadinanza tagħhom. Dan ir-Regolament huwa msejjes fuq it-Titolu IV tat-Trattat. F’konformità ma’ l-Artikoli 1 u 2 tal-Protokoll dwar il-pożizzjoni tad-Danimarka anness mat-Trattat dwar l-Unjoni Ewropea u t-Trattat li jistabbilixxi l-Komunità Ewropea, id-Danimarka ma ħaditx sehem fl-adozzjoni tar-Regolament (KE) Nru 859/2003 u għalhekk mhix marbuta bih jew soġġetta għalih. Għalhekk huwa meħtieġ li jiġu stipulati dispożizzjonijiet speċifiċi fir-rigward tad-Danimarka dwar dawk il-prinċipji li jinsabu fl-Artikolu 64 tal-Ftehim imsemmi, li huma diġà koperti minn dan ir-Regolament. 9. Jista’ jkun meħtieġ li jiġu stipulati dispożizzjonijiet speċifiċi li jikkorrispondu għall-karratteristiċi speċifiċi tal-leġiżlazzjoni nazzjonali Iżraeljana, sabiex tkun faċilitata l-applikazzjoni tar-regoli ta’ koordinazzjoni. 10. Din id-Deċiżjoni hija mingħajr preġudizzju għad-drittijiet u l-obbligazzjonijiet li jirriżultaw minn Ftehimiet bilaterali bejn l-Istati Membri u Iżrael li huma ta’ vantaġġ f’termini ta’ sigurtà soċjali. 11. Sabiex ikun żgurat it-tħaddim bla xkiel tal-koordinazzjoni tas-sistemi ta' sigurtà soċjali ta’ l-Istati Membri u Iżrael, huwa meħtieġ li jiġu stabbiliti dispożizzjonijiet speċifiċi dwar il-kooperazzjoni bejn l-Istati Membri u Iżrael kif ukoll bejn il-persuni kkonċernati u l-istituzzjoni ta' l-istat kompetenti. 12. Id-dispożizzjonijiet tranżitorji għandhom jiġu adottati sabiex iħarsu l-persuni koperti minn din id-Deċiżjoni u sabiex ikun żgurat li ma jitilfux drittijiet b'riżultat tad-dħul fis-seħħ tagħha, IDDEĊIEDA KIF ĠEJ: PARTI I DISPOŻIZZJONIJIET ĠENERALI Artikolu 1 Tifsiriet 1. Għall-għanijiet ta' din id-Deċiżjoni: (a) “Ftehim” tfisser il-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa, u l-Istat ta’ Iżrael, fuq in-naħa l-oħra; (b) “Regolament” tfisser ir-Regolament tal-Kunsill (KEE) Nru 1408/71 dwar l-applikazzjoni ta' skemi ta' sigurtà soċjali għal persuni impjegati u l-familji tagħhom li jiċċaqalqu ġewwa l-Komunità kif huma applikati fl-Istati Membri tal-Komunitajiet Ewropej; (c) “Regolament ta’ implimentazzjoni” tfisser ir-Regolament tal-Kunsill (KEE) Nru 574/72 li jistipula l-proċedura għar-Regolament ta’ implimentazzjoni (KEE) Nru 1408/71 dwar l-applikazzjoni ta’ skemi ta’ sigurtà soċjali għal persuni impjegati u l-familji tagħhom li jiċċaqalqu ġewwa l-Komunità; (d) "Stat Membru" tfisser Stat Membru tal-Komunitajiet Ewropej; (e) “ħaddiem” tfisser, (i) għall-għanijiet tal-leġiżlazzjoni ta’ Stat Membru, persuna impjegata fit-tifsira ta' l-Artikolu 1 (a) tar-Regolament; (ii) għall-għanijiet tal-leġiżlazzjoni ta’ Iżrael, persuna impjegata fit-tifsira ta’ dik il-leġiżlazzjoni; (f) “membru tal-familja” tfisser, (i) għall-għanijiet tal-leġiżlazzjoni ta’ Stat Membru, membru tal-familja fit-tifsira ta' l-Artikolu 1 (f) tar-Regolament; (ii) għall-għanijiet tal-leġiżlazzjoni ta’ Iżrael, membru tal-familja fit-tifsira ta’ dik il-leġiżlazzjoni; (g) “leġiżlazzjoni” tfisser, (i) fir-rigward ta’ l-Istati Membri, leġiżlazzjoni fit-tifsira ta’ l-Artikolu 1 (j) tar-Regolament; (ii) fir-rigward ta’ Iżrael, il-leġiżlazzjoni rilevanti li tapplika f’Iżrael li għandha x’taqsam ma’ l-oqsma ta’ sigurtà soċjali dwar pensjonijiet tax-xjuħija u tas-superstiti, benefiċċji fir-rigward ta’ inċidenti fuq ix-xogħol u mard professjonali, jew fir-rigward ta’ l-invalidità, u benefiċċji għall-familja; (h) “benefiċċji” tfisser, (i) fir-rigward ta’ l-Istati Membri: - pensjonijiet tax-xjuħija u tas-superstiti, - benefiċċji fir-rigward ta’ inċidenti fuq ix-xogħol u mard professjonali, jew - benefiċċji għall-invalidità, fit-tifsira tar-Regolament, bl-eċċezzjoni ta’ benefiċċji speċjali ta’ flus mhux kontributorji kif stipulat fl-Anness IIa tar-Regolament; (ii) fir-rigward ta’ Iżrael, il-benefiċċji korrispondenti pprovduti taħt il-leġiżlazzjoni Iżraeljana, bl-eċċezzjoni ta' benefiċċji speċjali ta' flus mhux kontributorji kif stipulat fl-Anness I ta' din id-Deċiżjoni; (i) “benefiċċji għall-familja” tfisser, (i) fir-rigward ta’ l-Istati Membri, benefiċċji għall-familja fit-tifsira ta’ l-Artikolu 1 (u) (i) tar-Regolament; (ii) fir-rigward ta' Iżrael, benefiċċji għall-familja fit-tifsira ta' dik il-leġiżlazzjoni. 2. Termini oħrajn użati f’din id-Deċiżjoni għandu jkollhom it-tifsira assenjata lilhom fir-Regolament u r-Regolament ta' implimentazzjoni. Artikolu 2 Persuni koperti Din id-Deċiżjoni għandha tapplika: (a) għal ħaddiema li huma ċittadini ta’ Iżrael u li huma jew kienu impjegati legalment fit-territorju ta' Stat Membru u li huma jew kienu soġġetti għal-leġiżlazzjoni ta' Stat Membru wieħed, jew aktar, u s-superstiti tagħhom, (b) għall-membri tal-familja ta' ħaddiema msemmija fil-paragrafu (a) dan sakemm dawn joqgħodu legalment mal-ħaddiem ikkonċernat fl-Istat Membru fejn huwa impjegat il-ħaddiem, (c) għal ħaddiema li huma ċittadini ta’ Stat Membru u li huma jew kienu impjegati legalment fit-territorju ta' Iżrael u li huma jew kienu soġġetti għal-leġiżlazzjoni ta' Iżrael, u s-superstiti tagħhom, u (d) għall-membri tal-familja ta' ħaddiema msemmija fil-paragrafu (c) dan sakemm dawn joqgħodu legalment mal-ħaddiem ikkonċernat f'Iżrael. PARTI II RELAZZJONIJIET BEJN L-ISTATI MEMBRI U IŻRAEL Artikolu 3 Kwistjonijiet koperti Il-Parti II ta' din id-Deċiżjoni għandha tapplika għal-leġiżlazzjoni kollha ta’ l-Istati Membri u ta’ Iżrael fir-rigward tal-fergħat li ġejjin ta’ sigurtà soċjali: 13. benefiċċji tax-xjuħija; 14. benefiċċji għas-superstiti; 15. benefiċċji fir-rigward ta' inċidenti fuq ix-xogħol u mard professjonali; 16. benefiċċji għall-invalidità; 17. benefiċċji għall-familja. Artikolu 4 Eżoneru mill-Klawzoli ta’ Residenza Benefiċċji fit-tifsira ta’ l-Artikolu 1 (h) m'għandhomx ikunu soġġetti għal kwalunkwe tnaqqis, modifika, sospensjoni, tneħħija jew konfiska minħabba l-fatt li l-benefiċċjarju huwa residenti, (i) għall-għan ta’ benefiċċju taħt il-leġiżlazzjoni Iżraeljana, fit-territorji ta’ Stat Membru, jew (ii) għall-għan ta’ benefiċċju taħt il-leġiżlazzjoni ta’ Stat Membru, fit-territorji ta’ Iżrael. Artikolu 5 Benefiċċji għall-Familja 1. Ħaddiema kif imsemmija fl-Artikolu 2 (a) għandhom, taħt il-leġiżlazzjoni ta' l-Istat Membru kompetenti, jirċievu l-benefiċċji għall-familja għall-membri tal-familja tagħhom kif imsemmija fl-Artikolu 2 (b) l-istess bħaċ-ċittadini ta' dak l-Istat Membru. 2. Ħaddiema kif imsemmija fl-Artikolu 2 (c) għandhom, taħt il-leġiżlazzjoni ta' Iżrael, jirċievu l-benefiċċji għall-familja għall-membri tal-familja tagħhom kif imsemmija fl-Artikolu 2 (d) l-istess bħaċ-ċittadini Iżraeljani. PARTI III L-APPLIKAZZJONI TAD-DISPOżIZZJONIJIET TA' SIGURTÀ SOċJALI FIR-RIGWARD TAD-DANIMARKA. Artikolu 6 Dispożizzjoni ġenerali Għall-għan ta’ l-implimentazzjoni ta' l-Artikolu 64 (1), l-ewwel inċiż, tal-Ftehim, id-Danimarka għandha tapplika, sal-limitu meħtieġ, id-dispożizzjonijiet rilevanti tar-Regolament u r-Regolament ta' implimentazzjoni għall-persuni msemmija fl-Artikolu 2 (a). PARTI IV DISPOŻIZZJONIJIET MIXXELLANJI Artikolu 7 Kooperazzjoni 1. L-Istati Membri u Iżrael għandhom jikkomunikaw lil xulxin it-tagħrif kollu dwar: (a) miżuri meħuda għall-implimentazzjoni ta’ din id-Deċiżjoni skond il-proċedura stipulata fl-Artikolu 14; (b) tibdiliet fil-leġiżlazzjoni tagħhom li jistgħu jaffettwaw l-implimentazzjoni ta’ din id-Deċiżjoni. 2. Għall-għanijiet ta' din id-Deċiżjoni, l-awtoritajiet u l-istituzzjonijiet ta' l-Istati Membri u ta’ Iżrael għandhom joffru l-għajnuna tagħhom lil xulxin u jaġixxu daqs li kieku qed jimplimentaw il-leġiżlazzjoni tagħhom stess. Bħala regola, l-għajnuna amministrattiva mogħtija minn dawn l-awtoritajiet u istituzzjonijiet għandha tkun bla ħlas. Madankollu, l-awtoritajiet kompetenti ta' l-Istati Membri u ta’ Iżrael jistgħu jaqblu li ċerti spejjeż jitħallsu lura. 3. L-awtoritajiet u l-istituzzjonijiet ta' l-Istati Membri u ta’ Iżrael jistgħu, għall-għanijiet ta' din id-Deċiżjoni, jikkomunikaw direttament ma' xulxin u mal-persuni involuti jew mar-rappreżentanti tagħhom. 4. L-istituzzjonijiet u l-persuni koperti minn din id-Deċiżjoni għandhom id-dmir ta’ tagħrif u kooperazzjoni reċiproċi sabiex tkun żgurata l-implimentazzjoni korretta ta’ din id-Deċiżjoni. 5. Il-persuni kkonċernati għandhom jinfurmaw lill-istituzzjonijiet ta' l-Istat Membru kompetenti jew ta' Iżrael, fejn dan ta’ l-aħħar ikun l-istat kompetenti, jew ta' l-Istat Membru ta' residenza jew ta' Iżrael, fejn dan ta' l-aħħar ikun l-istat ta' residenza, kemm jista’ jkun malajr dwar kwalunkwe bidla fil-qagħda personali jew tal-familja tagħhom li taffettwa d-drittijiet tagħhom għall-benefiċċji taħt din id-Deċiżjoni. 6. In-nuqqas ta’ rispett għall-obbligu ta’ tagħrif imsemmi fil-paragrafu 5 jista’ jirriżulta fl-applikazzjoni ta’ miżuri proporzjonali f’konformità mal-liġi nazzjonali. Madankollu, dawn il-miżuri għandhom ikunu ekwivalenti għal dawk applikabbli għal qagħdiet simili taħt il-liġi domestika u m’għandhomx jagħmluha impossibbli jew diffiċli ż-żejjed fil-prattika għal dawk li japplikaw li jeżerċitaw d-drittijiet konferiti lilhom minn din id-Deċiżjoni. Artikolu 8 Kontrolli Amministrattivi u Eżamijiet Mediċi 1. Meta persuna koperta minn din id-Deċiżjoni u li qed tirċievi l-benefiċċji msemmija fl-Artikolu 1 (h) qeda fi jew qed toqgħod (i) għall-għan ta’ benefiċċju taħt il-leġiżlazzjoni Iżraeljana, fit-territorji ta’ Stat Membru, jew (ii) għall-għan ta’ benefiċċju taħt il-leġiżlazzjoni ta’ Stat Membru, fit-territorji ta’ Iżrael, il-kontrolli amministrattivi u l-eżamijiet mediċi għandhom jitwettqu, fuq talba ta’ l-istituzzjoni responsabbli għall-ħlas, mill-istituzzjoni tal-post fejn jinsab jew qed joqgħod dak li qed jirċievi f’konformità mal-proċeduri stipulati mil-leġiżlazzjoni amministrata mill-istituzzjoni ta' l-aħħar. L-istituzzjoni responsabbli għall-ħlas għandha iżda tirriserva d-dritt li jkollha lil dak li qed jirċievi eżaminat minn tabib ta' l-għażla tagħha. 2. Stat Membru wieħed, jew aktar, u Iżrael jistgħu, wara li jgħarrfu lill-Kunsill ta’ Assoċjazzjoni, jaqblu dwar dispożizzjonijiet amministrattivi oħrajn. Artikolu 9 Dispożizzjonijiet speċjali għall-applikazzjoni tal-leġiżlazzjoni ta’ Iżrael Id-dispożizzjonijiet speċjali għall-applikazzjoni tal-leġiżlazzjoni ta’ Iżrael jistgħu, jekk meħtieġ, jiġu stipulati fl-Anness II. Artikolu 10 Ftehimiet bilaterali aktar favorevoli Din id-Deċiżjoni m’għandiex taffettwa drittijiet jew obbligazzjonijiet li jirriżultaw minn Ftehimiet bilaterali fejn dawn ta’ l-aħħar jipprovdu trattament aktar favorevoli (għall-persuni ikkonċernati). Artikolu 11 Ftehimiet li jissupplimentaw il-proċeduri għall-implimentazzjoni ta’ din id-Deċiżjoni Żewġ Stati Membri, jew aktar, jew Iżrael u Stat Membru wieħed jew aktar jistgħu, fejn meħtieġ, jikkonkludu Ftehimiet imfassla sabiex jissupplimentaw il-proċeduri amministrattivi għall-implimetazzjoni ta’ din id-Deċiżjoni. PARTI V DISPOŻIZZJONIJIET TRANŻITORJI U FINALI Artikolu 12 Dispożizzjonijiet tranżitorji 1. L-ebda dritt m’għandu jinkiseb skond din id-Deċiżjoni għall-perjodu qabel id-data tad-dħul fis-seħħ tagħha. 2. Soġġett għall-paragrafu 1, dritt għandu jinkiseb taħt din id-Deċiżjoni anke jekk għandu x’jaqsam ma' kontinġenza li tirriżulta qabel id-data tad-dħul fis-seħħ tagħha. 3. Kwalunkwe benefiċċju, inklużi l-benefiċċji għall-familja, li ma ngħatax jew li ġie sospiż minħabba ċ-ċittadinanza jew minħabba l-post ta' residenza tal-persuna konċernata għandu, fuq talba ta' dik il-persuna, jingħata jew jitkompla b'effett mid-data tad-dħul fis-seħħ ta’ din id-Deċiżjoni, dan sakemm id-drittijiet li għalihom kienu ngħataw il-benefiċċji qabel ma rriżultawx fi ħlas ta’ somma f’daqqa. 4. Jekk talba msemmija fil-paragrafu 3 tintbagħat fi żmien sentejn mid-data tad-dħul fis-seħħ ta' din id-Deċiżjoni, id-drittijiet miksuba f’konformità ma’ din id-Deċiżjoni għandhom jidħlu fis-seħħ f'din id-data, u l-leġiżlazzjoni ta' kwalunkwe Stat Membru jew ta' Iżrael dwar il-konfiska jew il-limitu ta' drittijiet ma tistax tiġi invokata kontra l-persuni kkonċernati. 5. Jekk talba msemmija fil-paragrafu 3 tintbagħat wara li jispiċċa l-perjodu ta' sentejn wara d-data tad-dħul fis-seħħ ta' din id-Deċiżjoni, id-drittijiet li ma jkunux ġew konfiskati jew limitati għal żmien għandhom jidħlu fis-seħħ fid-data li fiha tkun intbagħtet it-talba, soġġetti għal kwalunkwe dispożizzjonijiet aktar favorevoli taħt il-leġiżlazzjoni ta’ kwalunkwe Stat Membru jew ta’ Iżrael. Artikolu 13 Annessi ta’ din id-Deċiżjoni 1. L-Annessi ta’ din id-Deċiżjoni jikkostitwixxu parti integrali minnha. 2. Fuq talba ta’ Iżrael, l-Annessi msemmija jistgħu jiġu emendati mid-Deċiżjoni tal-Kunsill ta’ Assoċjazzjoni. Artikolu 14 Miżuri ta’ Implimentazzjoni 1. Il-Komunità u Iżrael għandhom it-tnejn jieħdu l-miżuri meħtieġa għall-implimentazzjoni ta’ din id-Deċiżjoni u jikkomunikawhom lill-Kunsill ta’ Assoċjazzjoni. 2. Il-Kunsill ta’ Assoċjazzjoni għandu jieħu deċiżjoni li tikkonferma li ttieħdu l-miżuri kollha msemmija fil-paragrafu 1. Artikolu 15 Dħul fis-seħħ Din id-Deċiżjoni għandha tidħol fis-seħħ fl-ewwel jum ta’ l-ewwel xahar wara d-data tal-pubblikazzjoni fil- Ġurnal Uffiċjali ta' l-Unjoni Ewropea tad-Deċiżjoni tal-Kunsill ta' Assoċjazzjoni msemmija fl-Artikolu 14 (2). ANNESS I Lista’ ta' benefiċċji speċjali ta’ flus mhux kontributorji Iżraeljani … ANNESS II Dispożizzjonijiet speċjali għall-applikazzjoni tal-leġiżlazzjoni ta’ Iżrael [1] ĠU L 147, 21.6.2000, p. 3. [2] ĠU L 149, 5.7.1971, p. 2. Ir-Regolament kif emendat l-aħħar mir-Regolament (KE) Nru 1992/2006 tal-Parlament Ewropew u tal-Kunsill (ĠU L 392, 30.12.2006, p. 1). [3] ĠU L 74, 27.3.1972, p. 1. Ir-Regolament kif emendat l-aħħar mir-Regolament tal-Kummissjoni (KE) Nru 311/2007 (ĠU L 82, 23.3.2007, p. 6). [4] ĠU L 124, 20.5.2003, p. 1. [5] ĠU C […], […], p. […].