This document is an excerpt from the EUR-Lex website
Document 52007DC0644
Communication from the Commission to the Council and the European Parliament on the role of Eurojust and the European Judicial Network in the fight against organised crime and terrorism in the European Union
Komunikazzjoni mill-Kummissjoni lill-Kunsill u lill-Parlament Ewropew dwar ir-rwol tal-Eurojust u tan-Netwerk Ġudizzjarju Ewropew fil-ġlieda kontra l-kriminalità organizzata u t-terroriżmu fl-Unjoni Ewropea
Komunikazzjoni mill-Kummissjoni lill-Kunsill u lill-Parlament Ewropew dwar ir-rwol tal-Eurojust u tan-Netwerk Ġudizzjarju Ewropew fil-ġlieda kontra l-kriminalità organizzata u t-terroriżmu fl-Unjoni Ewropea
/* KUMM/2007/0644 finali */
Komunikazzjoni mill-Kummissjoni lill-Kunsill u lill-Parlament Ewropew dwar ir-rwol tal-Eurojust u tan-Netwerk Ġudizzjarju Ewropew fil-ġlieda kontra l-kriminalità organizzata u t-terroriżmu fl-Unjoni Ewropea /* KUMM/2007/0644 finali */
[pic] | KUMMISSJONI TAL-KOMUNITAJIET EWROPEJ | Brussel 23.10.2007 KUMM(2007) 644 finali KOMUNIKAZZJONI MILL-KUMMISSJONI LILL-KUNSILL U LILL-PARLAMENT EWROPEW dwar ir-rwol tal-Eurojust u tan-Netwerk Ġudizzjarju Ewropew fil-ġlieda kontra l-kriminalità organizzata u t-terroriżmu fl-Unjoni Ewropea KOMUNIKAZZJONI MILL-KUMMISSJONI LILL-KUNSILL U LILL-PARLAMENT EWROPEW dwar ir-rwol tal-Eurojust u tan-Netwerk Ġudizzjarju Ewropew fil-ġlieda kontra l-kriminalità organizzata u t-terroriżmu fl-Unjoni Ewropea Il-Eurojust ġie mwaqqaf wara l-esperjenza pożittiva ta’ Pro-Eurojust, bid-Deċiżjoni tat-28 ta’ Frar 2002[1] (minn issa ’l quddiem id-Deċiżjoni), u minn dakinhar ’il quddiem wera l-effikaċità tiegħu billi ġab tisħiħ reali fl-operazzjoni tal-kooperazzjoni ta’ l-infurzar tal-liġi bejn is-27 Stat Membru u rreġistra suċċessi operattivi sinifikanti. Fil-Programm ta’ l-Aja[2], il-Kunsill Ewropew stieden lill-Kummissjoni biex tirrifletti fuq l-iżvilupp tal-Eurojust. F’din il-perspettiva, speċjalisti fil-kooperazzjoni ġudizzjarja pparteċipaw f’riflessjoni fi Vjenna f’Settembru 2006[3]. In-Netwerk Ġudizzjarju Ewropew (minn issa ’l quddiem l-NĠE)[4] ikkontribwixxa wkoll għal dan il-proċess[5]. Il-Eurojust ta kontribuzzjoni għal dan il-proġett tal-futur. Fil-konklużjonijiet tiegħu adottati fit-13 ta’ Ġunju li għadda[6], il-Kunsill stieden mill-ġdid lill-Kummissjoni biex tippreżenta l-Komunikazzjoni tagħha dwar ir-rwol tal-Eurojust u ta’ l-NĠE. 1. It-traspożizzjoni tad-Deċiżjoni: riżultat pożittiv iżda mħallat Minbarra l-progress fit-traspożizzjoni legali tad-Deċiżjoni[7], il-Kummissjoni tixtieq tenfasizza li r-riżultat operattiv tal-Eurojust huwa wieħed pożittiv. Fl-2006, ġew irreġistrati 771 fajl operattivi ġodda. Dan jirrappreżenta żieda ta’ 31% meta mqabbel ma’ l-2005[8]. Il-kwalità u l-ħeffa tat-trattament tal-każijiet huma rikonoxxuti. Madankollu, l-iżvilupp tal-Eurojust għandu jkun akkumpanjat bi kjarifika u b’tisħiħ tas-setgħat tal-Membri Nazzjonali u b’setgħat akbar lill-Kulleġġ. Biex jintlaħaq dan il-għan, id-Deċiżjoni tista’ tiġi emendata. Titjib possibbli 2. L-għoti ta’ setgħat usa’ lill-Membri Nazzjonali It-tisħiħ fil-kooperazzjoni huwa diffiċli minħabba l-fatt li mhemmx konsistenza fis-setgħat tal-Membri Nazzjonali. Minħabba l-importanza tal-Eurojust għandhom jiġu adottati dispożizzjonijiet nazzjonali li jespliċitaw is-setgħat tal-Membri Nazzjonali u tal-Kulleġġ. Jekk il-Membru Nazzjonali għandu jkollu grad ta’ awtorità fil-qafas ta’ l-infurzar tal-liġi nazzjonali u fuq il-livell Ewropew, mhuwiex biżżejjed li tittieħed deċiżjoni amministrattiva li tagħżel il-Membru Nazzjonali, li tiddeskrivi l-istatus tiegħu u li tistabbilixxi fil-qosor ir-responsabbiltajiet tiegħu. Fir-rigward ta’ l-awtoritajiet nazzjonali tagħhom, il-Membri Nazzjonali rarament ikollhom is-setgħa li jaġixxu b’awtorità. Huma biss ċerti Stati Membri li jippermettu lill-Membru Nazzjonali tagħhom jordna investigazzjoni[9]. Il-biċċa l-kbira tal-Membri Nazzjonali jistgħu jissuġġerixxu l-introduzzjoni ta’ JIT (Tim Konġunt ta’ Investigazzjoni), iżda ftit fosthom jistgħu jinnegozjaw l-introduzzjoni ta’ tim bħal dan, u jerġa’ hemm inqas li jistgħu jordnawh[10]. Iktar minn nofs il-Membri Nazzjonali għad għandhom is-setgħat ġudizzjarji fil-pajjiż ta’ oriġini tagħhom[11]. Iżda dawn is-setgħat rarament jiġu eżerċitati[12] minħabba n-natura speċifika tal-kooperazzjoni kriminali internazzjonali u l-preżenza insuffiċjenti fuq it-territorju nazzjonali. It-talbiet għal informazzjoni għall-kooperazzjoni ġudizzjarja ppreżentati mill-awtoritajiet ġudizzjarji ta’ l-Istati Membri jintalbu biex jappoġġjaw investigazzjonijiet u proċeduri ġudizzjarji li jkunu għaddejjin fil-pajjiż tagħhom. Il-Eurojust m’għandux biżżejjed attivitajiet ta’ informazzjoni proattiva. L-aċċess għall-informazzjoni huwa fundamentali. L-installazzjoni tal-proġetti E-POC I u II iffinanzjati fil-qafas tal-programm AGIS ippermettew l-installazzjoni ta’ netwerk protett ta' komunikazzjoni interna. Il-proġett E-POC III, li għaddej mill-fażi sperimentali[13], ser jippermetti skambji protetti ta’ infromazzjoni. L-aċċess għall-informazzjoni fis-SIS II ser jagħmilha eħfef għall-Membri Nazzjonali biex iwettqu l-missjoni tagħhom. Kull Stat Membru għandu jiżviluppa strumenti legali biex il-Membri Nazzjonali jkollhom aċċess għad-dokumenti nazzjonali ta’ persuni f’kustodja, għall-kondotti kriminali nazzjonali u għar-reġistri tad-DNA[14]. L-Artikoli 9(4) u 13 tad-Deċiżjoni Eurojust kif ukoll l-Artikolu 2 tad-Deċiżjoni Terroriżmu[15] jirrikjedu li l-Istati Membri jgħaddu l-informazzjoni lill-Membri Nazzjonali appena ssir magħrufa. Mhux l-Istati Membri kollha jikkonformaw ma’ dan l-obbligu. Reċentement, il-Kunsill[16] inkuraġġixxa lill-awtoritajiet ġudizzjarji nazzjonali biex jitrażmettu l-informazzjonijiet lill-Eurojust fil-każijiet kumplessi u serji iktar malajr[17]. Ċerti Stati Membri imponew obbligu li r-rappreżentazzjoni nazzjonali tagħhom tkun informata dwar il-kwistjonijiet transnazzjonali kollha, u b’hekk ir-rappreżentant ikun jista’ jieħu l-inizjattiva u jqabbel il-faljs permezz tad- database Eurojust. Din il-prattika jistħoqqilha tkun inkuraġġita b’emenda tad-Deċiżjoni. Proposti It-tul tal-mandat tal-Membri Nazzjonali jvarja minn sena għal tul indeterminat. Il-biċċa l-kbira huma maħtura b’mandat ta’ tliet snin, li jiġġedded darba[18]. Biex l-organizzazzjoni jkollha ċerta stabbiltà, il-Membri Nazzjonali għandhom jiġu maħtura għal terminu armonizzat ta’ mill-inqas tliet snin. Il-possibbiltà ta’ revoka għandha titwarrab. L-Artikolu 9(1) għandu jiġi emendat f’dan is-sens. Huwa daqstant ieħor importanti li l-Membru Nazzjonali jkun assenjat b’mod permanenti lill-Eurojust u jkollu mill-inqas deputat wieħed (jew aktar) li jista’ jieħu postu biex tiġi żgurata permanenza u parteċipazzjoni sħiħa fil-ħidma tal-Kulleġġ. It-tisħiħ ta’ l-uffiċċji nazzjonali huwa kruċjali minħabba li l-kapaċità operattiva tal-Eurojust tiddependi fuqhom. L-Artikolu 2(2) għandu jiġi ppreċiżat f’dan is-sens. Barra dan, il-Kummissjoni tinkuraġġixxi lill-Eurojust u lill-Istati Membri biex jużaw is-servizzi ta’ l-esperti nazzjonali. L-Artikolu 30(2) diġà jipprevedi dan. Id-definizzjoni ta’ bażi komuni ta' setgħat minimi tidher neċessarja. Ir-rwol tal-Membri Nazzjonali ma jieħux il-post tas-servizzi ministerjali jew ġurisdizzjonali nazzjonali li jiġġestixxu ta’ kuljum it-talbiet ta’ għajnuna reċiproka kriminali internazzjonali. Il-Membri Nazzjonali għandhom il-vokazzjoni li jieħdu azzjoni fuq il-livell operattiv, ġuridiku u tekniku billi jużaw l-esperjenza prattika tagħhom biex itejbu l-effettività ta’ l-għajnuna reċiproka u ta’ forom oħra ta’ kooperazzjoni. Il-Kummissjoni għalhekk tinkuraġġixxi lill-Istati Membri biex jiżviluppaw il-prattika tagħhom f’din id-direzzjoni. Jistgħu jiġu kkunsidrati dawn l-iżviluppi: Flimkien ma’ l-awtorità ġudizzjarja nazzjonali, il-Membru Nazzjonali jista’: - f’każ ta’ bżonn jew urġenza, jirċievi, jitrażmetti u jara li jitwettqu kif xieraq it-talbiet li jiġu mill-ġurisdizzjonijiet nazzjonali. Dawn l-inkarigi huma previsti fl-Artikolu 6a) v) u 6 g). “Is-sorveljanza ta’ l-eżekuzzjoni tat-talbiet” biss għandha tiġi miżjuda. - f’każ ta’ diffikultajiet ta’ eżekuzjoni, jitlob lill-awtorità ġudizzjarja kkonċernata, permezz tal-Membru Nazzjonali xieraq, biex isiru iktar miżuri ta’ eżekuzzjoni, u jissuġġerixxi investigazzjonijiet jew riċerki kumplimentari. Ikun xieraq li jitwessa’ l-ambitu ta’ l-Artikolu 6(a)(i) li diġà jippermetti lill-Membru Nazzjonali jitlob lill-awtoritajiet proprji tiegħu biex jibdew investigazzjoni. - jissuġġerixxi miżuri ta’ investigazzjoni partikolari rigward fatti preċiżi lill-prosekutur jew lill-imħallef. Huwa mixtieq li din il-possibbiltà tkun prevista fl-Artikolu 6. - ikun infurmat qabel ma tittieħed id-deċiżjoni għall-istabbiliment ta’ JIT. L-istabbiliment ta’ JIT huwa previst bl-Artikolu 6(a)(iv). Jekk ikun infurmat qabel l-istabbiliment ta’ JIT, il-Eurojust ikun jista’ jitlob li l-awtoritajiet nazzjonali jkollhom rwol fil-JIT li jistgħu jkunu ta' interess, u b’hekk jiġu evitati l-problemi li jistgħu jqumu aktar tard. - ikun infurmat, safejn ikun neċessarju, f’każ li jkunu involuti żewġ Stati Membri oħra, bl-implimentazzjoni ta' forniment sorveljat, b’infiltrazzjoni jew b’investigazzjoni infiltrata ( undercover ) u jkun responsabbli li jissorvelahom u li jikkontrollahom. - jibbenefika minn informazzjoni awtomatika, prekoċi, kompleta u kontinwa dwar il-kwistjonijiet kriminali kollha li jinvolvu tliet Stati Membri jew aktar, kif ukoll żewġ Stati Membri jew aktar fejn l-infrazzjonijiet ikunu partikolarment serji (terroriżmu u traffikar tal-bnedmin) safejn ikun neċessarju għat-twettiq tal-funzjonijiet tal-Eurojust. Din it-talba ġiet ifformulata mill-Kummissjoni fil-Komunikazzjoni tagħha ta’ l-2000. - jitrażmetti din l-informazzjoni lill-Membru Nazzjonali ta' Stat Membru li ma jkunx ġie informat iżda li jkun involut de facto . Dan l-inkarigu huwa kopert mill-Artikolu 13(2) li għandu jiġi emendat b’tali mod li jinkludi lill-Istat mhux informat iżda involut de facto . - jirċievi mill-awtoritajiet ġudizzjarji nazzjonali s-sentenzi kollha dwar il-każijiet transnazzjonali tal-ħasil tal-flus, il-kriminalità organizzata u t-traffikar tal-bnedmin kif ukoll il-fajls tat-terroriżmu safejn dan ikun neċessarju għat-twettiq ta’ l-inkarigi tal-Eurojust. Dan il-forniment ta’ informazzjoni diġà jidħol fil-qafas ta’ l-Artikolu 6(a)(v) li jinħtieġ li jiġi kkjarifikat. Għall-inkarigi kollha, it-talbiet ta’ informazzjoni ppreżentati mill-Membri Nazzjonali m’għandhomx jibqgħu bla risposta. Il-fatt li investigazzjoni tkun kunfidenzjali ma jiġġustifikax ir-rifjut li tintbagħat informazzjoni lill-Membru Nazzjonali ta' l-Istat Membru kkonċernat. Il-livell tal-protezzjoni tad- data personali previst bid-Deċiżjoni fl-Artikoli 14 sa 24 tagħha jagħtu livell suffiċjenti ta’ protezzjoni. Barra minn hekk, f’terminu aktar twil il-Kummissjoni ser teżamina l-possibbiltajiet ta’ bażi ġuridika ġdida li ssaħħaħ b’mod konsiderevoli s-setgħat tal-Membri Nazzjonali, u partikolarment il-possibbiltajiet ta’ rwol akbar għall-Membri Nazzjonali f’dan li ġej: - il-bidu ta’ każijiet kriminali, partikolarment dawk dwar l-infrazzjonijiet li jmorru kontra l-interessi finanzjarji ta’ l-Unjoni; - l-implimentazzjoni u l-parteċipazzjoni f’tim koġunt ta’ investigazzjoni; - it-teħid ta’ miżuri speċifiċi ta’ investigazzjoni. - Is-setgħat tal-Kulleġġ Il-Kulleġġ għandu l-istess setgħat bħal dawk tal-Membri Nazzjonali u għandu wkoll inkarigi speċifiċi. Ir-reġistrazzjoni ta’ każijiet ġodda fis-sistema tal- Case Management [19], fuq talba ta’ l-Istati Membri, hija pass importanti fil-ġbir u t-trażmissjoni ta' l-informazzjoni. Bid-deċiżjoni li jaċċetta każ, il-Kulleġġ jiddikjara l-politika kriminali tiegħu u direzzjoni li biħsiebu jieħu. Bħall-Membru Nazzjonali, il-Kulleġġ huwa kompetenti biex jiddeċiedi dwar il-kunflitti tal-ġurisdizzjonijiet (Artikolu (a)(ii)) u dwar il-mandati ta’ arrest konkorrenti[20]. Jekk huwa minnu li xi deċiżjonijiet meħuda s’issa ġew aċċettati kollha, id-deċiżjonijiet tal-Kulleġġ ma jorbtux legalment lill-Istati Membri. Ir-raġuni għalxiex l-Artikolu 7 ftit li xejn intuża tista’ tiġi spjegata minħabba li l-Istati Membri kkunsidraw li riferiment għall-Kulleġġ ma kienx neċessarju, jew minħabba li l-Istati Membri rnexxielhom jirriżolvu d-differenzi eventwali tagħhom mingħajr ma kellhom bżonn jirrikorru għall-opinjoni tal-Kulleġġ. Ħafna drabi l-Istati Membri ma jkunux konxji mid-dimensjoni reali tal-każ, minħabba li l-informazzjoni ma tkunx inġabret fuq il-livell Ewropew, minkejja li r-reġistrazzjoni ta’ l-informazzjoni fid- database tal-Eurojust issa hija possibbli u inkuraġġita. Ir-rwol tal-Kulleġġ fl-istabbiliment tal-JIT huwa limitat minħabba li l-Istati Membri rarament jinvolvu lill-Eurojust fl-istabbiliment u s-sorveljanza ta’ tali timijiet. S’issa, minn 18-il JIT konklużi,[21] il-Eurojust kien involut biss fi 3 fajls. L-involviment dgħajjef tal-Kulleġġ fil-każijiet operattivi huwa spjegat mill-fatt li l-Kulleġġ ma jibdiex huwa stess tali każijiet u jiġu riferuti lill-Kulleġġ biss f’każ ta’ kunflitti bejn l-Istati Membri fuq l-approċċ li għandu jittieħed. Madankollu jekk il-Eurojust ikollu informazzjoni aktar wiesgħa, il-Kulleġġ ikun jista’ jieħu f’idejh dawn il-missjonijiet, kif inhu pprovdut bid-Deċiżjoni, u dan mhux biss f’każ ta’ talbiet imsemmija fl-Artikolu 7 iżda wkoll fil-każijiet l-oħra kollha ta’ rikors quddiem il-Kulleġġ. Proposti Il-Kulleġġ għandu jibbenefika wkoll minn setgħat usa’. Il-koordinazzjoni u l-ġestjoni ta’ għajnuna reċiproka fi kwistjonijiet kriminali primarjament għandu jieħu ħsiebhom il-Membru Nazzjonali, iżda l-Kulleġġ jista’ jsir kanal għar-riżoluzzjoni tal-kunflitti bejn l-Istati Membri. Il-Kulleġġ għandu jkun jista’ jsaħħaħ ir-rwol tiegħu ta’ medjatur biex jipprevjeni u jgħin fir-riżolviment tal-kunflitti bejn l-Istati Membri. F’termini aktar fit-tul, fil-kuntest ta’ bażi ġuridika ġdida, il-Kummissjoni ser tikkunsidra kondizzjonijiet u modalitajiet li permezz tagħhom il-Kulleġġ ikun jista’: - jirriżolvi l-kunflitti ta’ ġurisdizzjoni bejn l-Istati Membri, kif ukoll il-kunflitti fil-qasam ta’ applikazzjoni ta’ l-istrumenti ta’ rikonoxximent reċiproku; - jagħti bidu għal investigazzjonijiet fi Stat Membru u jipproponi proċeduri fuq it-territorju tiegħu, kif ukoll ikun involut f’miżuri ta’ investigazzjoni speċifiċi; - jagħti bidu għal investigazzjoni kriminali fuq il-livell Ewropew partikolarment rigward infrazzjonijiet kontra l-interessi finanzjarji ta’ l-Unjoni. - Modifiki fl-istruttura tal-Eurojust L-Artikolu 29(1) għandu jiġi emendat b’tali mod li l-ħatra tad-Direttur Amministrattiv ma tkunx tinħtieġ iktar l-unanimità tal-Kulleġġ iżda biss maġġoranza ta’ żewġ terzi. L-Artikolu 29(1) għandu jipprevedi wkoll li l-kumitat ta’ l-għażla jinkludi membru tal-Kummissjoni. . 3. Eurojust u l-atturi l-oħra tal-kooperazzjoni ġudizzjarja fi kwistjonijiet kriminali Ir-relazzjonijiet tal-Eurojust ma’ l-imsieħba tiegħu għandhom jiġu kkjarifikati u ssimplifikati. 4. Ir-relazzjonijiet ma’ l-NĠE u l-maġistrati ta’ kooperazzjoni 5. L-NĠE L-NĠE iffaċilita l-kooperazzjoni ġudizzjarja bejn l-Istati Membri permezz ta’ l-istruttura orizzontali u flessibbli tiegħu. Huwa strument prezzjuż partikolarment bl-istabbiliment ta’ sit ta’ l-internet dwar is-sistemi ġudizzjarji Ewropej. Id-differenza fl-organizzazzjoni tan-netwerk fi Stati Membri differenti, id-diffikultajiet lingwistiċi, id-diffikultajiet legali fil-kooperazzjoni internazzjonali u l-interferenzi frekwenti mal-kompetenzi tal-Eurojust ilkoll jiġġustifikaw organizzazzjoni mill-ġdid ta’ l-NĠE. Sabiex tissaħħaħ u titjieb il-kooperazzjoni bejn il-Eurojust u l-NĠE, il-Kummissjoni tikkunsidra l-istruttura li ġejja. Il-punt ta’ kuntatt nazzjonali previst bl-Azzjoni Konġunta ser ikun ukoll il-korrispondent nazzjonali tal-Membru Nazzjonali tal-Eurojust fil-pajjiż tiegħu, hekk kif inhu msemmi fl-Artikolu 12 tad-Deċiżjoni. Dan il-korrispondent nazzjonali, ibbażat fuq it-territorju nazzjonali, ikun membru tat-tim ta’ l-Membru Nazzjonali tal-Eurojust. Flimkien ma’ l-awtoritajiet ġudizzjarji nazzjonali għandu jiġġestixxi l-punti ta’ kuntatt differenti mqassma fuq it-territorju nazzjonali u għandu jkun l-intermedjarju tal-politika tal-komunikazzjoni tal-Eurojust fuq dak it-territorju nazzjonali. Dan għandu jkun ukoll ir-rappreżentant nazzjonali tal-punti ta’ kuntatt għal kull skambju mas-Segretarjat ta’ l-NĠE. Dawn il-punti ta’ kuntatt nazzjonali għandhom ikunu kompetenti biex jgħinu lill-punti ta’ kuntatt l-oħra fl-Istat Membru tagħhom f’każ ta’ diffikultà. Dan il-punt ta’ kuntatt nazzjonali għandu jkun il-kuntatt privileġġjat tal-Membru Nazzjonali tal-Eurojust fuq it-territorju tiegħu, mingħajr ma titqiegħed fid-dubju r-regola tal-komunikazzjoni diretta tal-Membru Nazzjonali ma’ l-awtoritajiet ġudizzjarji tiegħu responsabbli mill-proċeduri li huwa fattur fundamentali ta’ effikaċità. Din l-istruttura diġà teżisti f’ċerti pajjiżi u ppruvat l-effikaċità tagħha, u għalhekk il-Kummissjoni tixtieq li din tiġi ġġeneralizzata. Din il-proposta tirrikjedi l-emenda ta’ l-Artikolu 26(2) kif ukoll ta’ l-Artikolu 12. Ir-rwol ta’ koordinatur nazzjonali ta’ dan it-tip ser ikun li jittrażmetti sistematikament lill-Membru Nazzjonali tal-Eurojust il-każijiet multilaterali li jista’ jkun jaf dwarhom, il-każijiet bilaterali kumplessi li ma setgħux jiġu riżolti b’mod korrett u mill-ewwel mill-punti ta’ kuntatt. Bħala membru tat-tim tal-Membri Nazzjonali, għandu jittrażmetti l-każijiet kollha li jaqgħu fil-kompetenza tal-Eurojust mill-iktar malajr possibbli lill-Membru Nazzjonali. Il-Kummissjoni tikkunsidra li l-Eurojust għandu jkollu l-vokazzjoni li jakkomoda mhux biss is-segretarjat ta’ l-NĠE, iżda wkoll is-segretarjati tan-netwerks operattivi fl-isfera ta’ l-infurzar tal-liġi bħal ngħidu aħna n-netwerk tal-punti ta’ kuntatt għat-terroriżmu, in-netwerk CARIN u n-netwerk għall-ġenoċidju[22]. 6. Il-maġistrati ta’ kooperazzjoni Il-ħatra tal-maġistrati ta’ kooperazzjoni mill-Istati Membri biex titjieb il-kooperazzjoni bilaterali tvarja skond l-Istati. Dan l-istrument ta’ kooperazzjoni rikonoxxut minn azzjoni konġunta fl-1996[23] huwa utilizzat b’mod differenti mill-Istati Membri[24]. Din il-prattika, li madankollu għadha f’minoranza[25], għandha rwol utli fil-kooperazzjoni ġudizzjarja internazzjonali. Fil-futur, il-Eurojust ser ikun jista’ jagħżel hu stess il-maġistrati ta’ kooperazzjoni f’pajjiżi terzi biex tkun faċilitata l-kooperazzjoni bejn l-Istati Membri u l-pajjiżi li fihom ikunu maħtura. Dawn il-maġistrati ser ikollhom funzjonijiet ekwivalenti għal dawk tal-maġistrati ta’ koordinazzjoni Norveġiżi u ta’ l-Istati Uniti fil-Eurojust. 7. It-tisħiħ tal-kooperazzjoni mal-Europol Mill-iffirmar ta’ ftehim ta’ kooperazzjoni[26], il-Eurojust tejjeb b’mod kostanti r-rabtiet tiegħu mal-Europol. Għandha tiġi enfasizzata l-kwalità tal-ħidma li twettqet minn dawn l-imsieħba fl-organizzazzjoni ta’ laqgħat ta’ esperti fi kwistjonijiet ta’ JIT[27]. Fis-7 ta’ Ġunju ġie ffirmat Memorandum ta’ Spjegazzjoni (MtS) li stabbilixxa netwerk ta’ komunikazzjoni protett. Dan ser jippermetti li jiżdiedu l-iskambji ta’ informazzjoni bejn il-Eurojust u l-Europol. Id-dħul fis-seħħ tal-Protokoll tas-27 ta’ Novembru 2003 li jemenda l-Konvenzjoni Europol[28] fit-18 ta’ April 2007 għandu jippermetti aċċess faċilitat għad-dokumenti ta’ analiżi tal-Europol (AWFs) u parteċipazzjoni ikbar f’dawn l-analiżi. Il-kooperazzjoni bejn il-Eurojust u l-uffiċċji differenti ta’ kooperazzjoni nazzjonali fil-Europol għandha mhix ugwali. Ir-rabtiet jeħtieġ li jissaħħu sistematikament u l-iskambji ta’ l-informazzjoni ma’ dawn l-uffiċċji għandhom jitjiebu. Dan l-iżvilupp tal-kooperazzjoni bejn il-Eurojust u l-Europol ma jinħtieġx l-emenda ta’ l-Artikolu 26 safejn ir-regoli tal-protezzjoni tad- data jippermettu lill-Eurojust li jiskambja l-informazzjoni b’mod suffiċjenti. 8. It-tisħiħ tal-kooperazzjoni mal-Kummissjoni (OLAF) Il-kooperazzjoni bejn il-Eurojust u l-OLAF[29] ġiet ikkonkretizzata wara l-iffirmar[30] ta’ MtS li għandu jiġi emendat bl-adozzjoni ta’ ftehim ta’ kooperazzjoni. L-oqsma ta’ kompetenza tal-Eurojust u ta’ l-OLAF huma kumplimentari[31]. Sabiex jiġu valorizzati l-benefiċċji potenzjali kollha tal-kooperazzjoni bejn l-OLAF, bħala aġenzija li tinvestiga l-frodi Komunitarju, u l-Eurojust, bħala aġenzija ta’ kooperazzjoni ġudizzjarja, hemm bżonn ta’ skambju ta’ informazzjoni, sew operattiv u sew strateġiku. Ukoll, il-Kummissjoni tikkunsidra li huwa neċessarju li fid-Deċiżjoni jkunu previsti dispożizzjonijiet li jagħtu l-possibbiltà ta’ skambju regolari ta’ informazzjoni fi stadju biżżejjed prekoċi. Regoli kumpatibbli dwar il-protezzjoni tad- data għandhom ikollhom rwol fl-iżvilupp ta’ kooperazzjoni iktar mill-qrib. Il-ħatra tal-punti ta’ kuntatt u l-istabbiliment ta’ laqgħat regolari għall-iskambju ta' l-informazzjoni u t-taħriġ għandhom jitkomplew. 9. It-tisħiħ tal-kooperazzjoni ma’ Frontex Il-protezzjoni tal-fruntieri esterni ta’ l-UE, kemm ta' l-art u tal-baħar, hija kwistjoni li tqum mhux biss b’konnessjoni ma’ l-immigrazzjoni illegali, iżda wkoll mal-kriminalità organizzata bħat-traffikar tad-drogi jew it-traffikar tal-bnedmin. Fin-nuqqas ta’ ostakoli ġuridiċi, l-iffirmar ta’ ftehim ta’ kooperazzjoni bejn Frontex u l-Eurojust għandu jiġi inkuraġġit. 10. Kooperazzjoni ma' pajjiżi terzi Il-Eurojust żviluppa kuntatti mal-pajjiżi terzi biex tkun iffaċilitata u intensifikata l-kooperazzjoni bejn l-awtoritajiet ġudizzjarji. Abbażi ta’ l-Artikolu 27, il-Eurojust iffirma ftehimiet ta’ kooperazzjoni[32] li jippermettu skambju ta’ informazzjoni u ta’ data personali f’każijiet operattivi u parteċipazzjoni fil-laqgħat ta’ koordinazzjoni. Dawn il-ftehimiet ġew ikkonkretizzati billi ntbagħtu uffiċjali ta’ kooperazzjoni min-Norveġja u mill-Istati Uniti fil-Eurojust. In-negozjati tal-ftehimiet ta’ kooperazzjoni ma’ pajjiżi oħrajn huma għaddejjin[33]. Meta ma jkunx possibbli li jiġu negozjati ftehimiet ta’ kooperazzjoni, il-Eurojust jara li jiżviluppa netwerk ta’ punti ta’ kuntatt, partikolarment fil-Mediterran[34] u man-netwerk IBER-RED. Konklużjoni L-implimentazzjoni ta’ dawn il-miżuri, bl-emenda tad-Deċiżjoni, ser tippermetti lill-Eurojust biex jiżviluppa l-potenzjal ta’ kooperazzjoni tiegħu u biex ikun asserit iktar bħala attur essenzjali fil-ġlieda kontra l-kriminalità organizzata u t-terroriżmu fl-Ewropa. Il-Eurojust għandu jsir struttura iktar b’saħħitha, rikonoxxuta mill-Istati Membri kollha li għandhom jikkonsolidaw is-setgħat tal-membri nazzjonali tagħhom u tal-Kulleġġ permezz tat-traspożizzjoni sħiħa tad-Deċiżjoni u bit-tisħiħ tas-setgħat li huma mogħtija lilhom. Huwa b’dan il-mod li tista’ timxi l-quddiem il-ġlieda kontra l-kriminalità bejn il-fruntieri u l-ħolqien ta’ żona reali ta’ ġustizzja, libertà u sigurtà fl-Ewropa. Traspożizzjoni tad-Deċiżjoni Eurojust u l-istatut tal-Membru Nazzjonali | | BE |BG |CZ |DK |DE |EE |IE |EL |ES |FR |IT |CY |LV |LT |LU |HU |MT |NL |AT |PL |PT |RO |SI |SK |FI |SE |UK | | Infurzar tal-liġi, setgħat operattivi fil-pajjiż nazzjonali tiegħu |le |iva |iva |le |le |iva |iva |le |le |le |le |iva |iva |iva |le |le |iva |le |le |iva |le |iva |iva |iva |iva |iva |iva | |Talba għall-għajnuna reċiproka |le |iva |le |le |le |le |le |le |le |le |le |le |le |iva |le |le |iva |le |le |le |iva |le |le |iva |iva |iva |iva | |Ordni ta’ investigazzjoni u prosekuzzjoni |le |iva |le |le |le |le |le |le |le |le |le |le |le |iva |le |le |iva |le |le |le |iva |le |iva |iva |iva |iva |le | |Konklużjoni ta’ JIT |le |le |iva |le |iva |le |le |le |le |le |le |le |le |le |le |le |iva |le |le |le |le |le |le |le |le |iva |le | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | | [1] Id-Deċiżjoni tas-6.3.2002, ĠU L 63/1. [2] 3.3.2005, ĠU C 53/1. [3] Dokument 14123/06 tad-19.10.2006, Eurojust 48, DISTRIBUZZJONI LIMITATA. [4] Azzjoni Konġunta tad-29.06.1998, ĠU L 191/4 tas-7.7.1998. [5] Dokument ta’ Viżjoni tad-19.09.2006, dokument 6053/07 NĠE 6. [6] Konklużjonijiet tal-Kunsill, dokument 9920/07 COPEN 73. [7] Ara t-tabella fl-anness [8] Rapporti annwali Eurojust 2004, 2005 u 2006. [9] BG, LT, MT, PT, SI, SK, FI, SE [10] CZ, DE, MT, SE. [11] BG, CZ, EE, IE, CY, LV, LT, MT, PL, RO, SI, SK, FI, SE, UK (għal dan ta’ l-aħħar, unikament f’każ ta’ urġenza marbuta ma’ l-inkapaċità ta’ l-awtorità kompetenti). [12] Informazzjoni miġbura mill-Eurojust fl-1 ta’ Ġunju 2007. [13] Bejn IT, FR, PL, RO u SI. [14] Riżoluzzjoni tal-Kunsill tad-9 ta’ Ġunju 1999 dwar l-iskambju tar-riżultati ta’ analiżi tad-DNA, ĠU C 193/2 ta’ l-24.06.1997. [15] Deċiżjoni 2000/671/JAI tal-Kunsill ta’ l-20.09.2005 dwar l-iskambju ta’ informazzjoni u l-kooperazzjoni għall-infrazzjonijiet marbuta mat-terroriżmu, ĠU L 253/22 tad-29.9.2005. [16] Konklużjonijiet tal-Kunsill dwar il-ħames rapport annwali ta’ attività tal-Eurojust. [17] Punt 4 tal-Konklużjonijiet. [18] BG, CZ, DE, IE, EL, ES, FR, LT, HU, PT, RO. [19] Fl-2004, il-Eurojust, fil-qafas ta’ programm AGIS (EPOC), implimenta sistema ta’ pproċessar tad- data awtomatika (CMS) li qed tkompli tiżviluppa permezz ta’ dan il-programm. Il-fażi attwali tipprevedi soluzzjonijiet tekniċi għall-istabbiliment ta’ konnessjonijiet protetti ma’ l-Istati Membri. [20] Artikolu 16(2) tad-Deċiżjoni qafas dwar il-mandat ta’ arrest Ewropew, ĠU L 190, 18.7.2002. [21] Ċifri fil-15 ta’ Mejju 2007. Timijiet konklużi bejn ES, FR, BE, NL, UK, DE, SK. [22] Stabbilit bid-Deċiżjoni tal-Kunsill tat-13.6.2002, ĠU L 167 tas-26.6.2002 [23] Azzjoni konġunta (96/277/JHA) tat-22 ta’ April 1996, ĠU L 105 tas-27.4.1996 [24] Pereżempju, Franza għandha 11-il maġistrat ta’ kooperazzjoni filwaqt li ċerti Stati Membri m’għandhomx. [25] DE, EE, ES, FR, IT, NL, FI, UK. [26] Id-9 ta' Ġunju 2004. [27] Rapport Annwali Eurojust 2006, p. 17. [28] Att tal-Kunsill tas-27 ta’ Novembru 2003, ĠU C2/1 tas-6.1.2004. [29] Maħluq bid-Deċiżjoni 1999/352/CE, CECA, Euratom tal-COM tat-28.04.1999, ĠU L 136 tal-31.5.1999, p.20. [30] Iffirmar fl-14.4.2003, mhux ippubblikat. [31] Għanijiet u inkarigi ta’ l-OLAF definiti bir-Regolament tal-Kunsill (KE) Nru 1073/1999, ĠU L 136 tal-31.5.1999, p.1 u r-Regolament tal-Kunsill (EURATOM) Nru 1074/1999, ĠU L 136 tal-31.5.1999, p. 8. [32] NO, IS, u US fil-15 ta’ Ġunju 2007. [33] L-Iżvizzera, il-Kroazja u l-Ukrajina fil-15 ta’ Ġunju 2007. [34] DZ, MA, TN, JO, EG.