This document is an excerpt from the EUR-Lex website
Document 52006PC0811
Communication from the Commission to the European Parliament pursuant to the second subparagraph of Article 251 (2) of the EC Treaty concerning the common position of the Council on the adoption of a proposal for a Directive of the European Parliament and of the Council laying down rules on nominal quantities for pre-packed products, repealing Council Directives 75/106/EEC and 80/232/EEC, and amending Council Directive 76/211/EEC
Komunikazzjoni mill-Kummissjonilill-Parlament Ewropew skond it-tieni sottoparagrafu ta’ l-Artikolu 251 (2) tat-Trattat tal-KE dwar pożizzjoni komuni tal-Kunsill dwar l-adozzjoni ta’ proposta għal direttiva tal-Parlament Ewropew u tal-Kunsill li tistabbilixxi regoli dwar il-kwantitajiet nominali għal prodotti ppakkjati minn qabel, tirrevoka d-Direttivi tal-Kunsill 75/106/KEE u 80/232/KEE, u temenda d-direttiva tal-Kunsill 76/211/KEE
Komunikazzjoni mill-Kummissjonilill-Parlament Ewropew skond it-tieni sottoparagrafu ta’ l-Artikolu 251 (2) tat-Trattat tal-KE dwar pożizzjoni komuni tal-Kunsill dwar l-adozzjoni ta’ proposta għal direttiva tal-Parlament Ewropew u tal-Kunsill li tistabbilixxi regoli dwar il-kwantitajiet nominali għal prodotti ppakkjati minn qabel, tirrevoka d-Direttivi tal-Kunsill 75/106/KEE u 80/232/KEE, u temenda d-direttiva tal-Kunsill 76/211/KEE
/* KUMM/2006/0811 finali - COD 2004/0248 */
Komunikazzjoni mill-Kummissjonilill-Parlament Ewropew skond it-tieni sottoparagrafu ta’ l-Artikolu 251 (2) tat-Trattat tal-KE dwar pożizzjoni komuni tal-Kunsill dwar l-adozzjoni ta’ proposta għal direttiva tal-Parlament ewropew u tal-Kunsill li tistabbilixxi regoli dwar il-kwantitajiet nominali għal prodotti ppakkjati minn qabel, tirrevoka d-Direttivi tal-Kunsill 75/106/KEE u 80/232/KEE, u temenda d-direttiva tal-Kunsill 76/211/KEE /* KUMM/2006/0811 finali - COD 2004/0248 */
[pic] | KUMMISSJONI TAL-KOMUNITAJIET EWROPEJ | Brussel 12.12.2006 KUMM(2006) 811 finali 2004/0248 (COD) KOMUNIKAZZJONI MILL-KUMMISSJONILILL-PARLAMENT EWROPEW skond it-tieni sottoparagrafu ta’ l-Artikolu 251 (2) tat-Trattat tal-KE dwar pożizzjoni komuni tal-Kunsill dwar l-adozzjoni ta’ proposta għal Direttiva tal-Parlament Ewropew u tal-Kunsill li tistabbilixxi regoli dwar il-kwantitajiet nominali għal prodotti ppakkjati minn qabel, tirrevoka d-Direttivi tal-Kunsill 75/106/KEE u 80/232/KEE, u temenda d-Direttiva tal-Kunsill 76/211/KEE 2004/0248 (COD) KOMUNIKAZZJONI MILL-KUMMISSJONILILL-PARLAMENT EWROPEW skond it-tieni sottoparagrafu ta’ l-Artikolu 251 (2) tat-Trattat tal-KE dwar pożizzjoni komuni tal-Kunsill dwar l-adozzjoni ta’ proposta għal Direttiva tal-Parlament Ewropew u tal-Kunsill li tistabbilixxi regoli dwar il-kwantitajiet nominali għal prodotti ppakkjati minn qabel, tirrevoka d-Direttivi tal-Kunsill 75/106/KEE u 80/232/KEE, u temenda d-Direttiva tal-Kunsill 76/211/KEE 1. SFOND Data ta’ trażmissjoni tal-proposta lill-PE u lill-Kunsill (dokument COM(2004)708 finali - 2004/0248 (COD): | 25 ta’ Ottubru 2004 | Data ta’ l-opinjoni tal-Kumitat Ekonomiku u Soċjali Ewropew: | 6 ta’ April 2005 | Data ta’ l-opinjoni tal-Parlament Ewropew, l-ewwel qari: | 2 ta’ Frar 2006 | Data tat-trażmissjoni tal-proposta emendata: | 18 ta’ April 2006 | Data tal-ftehim politiku (Kunsill għall-Kompetittività): | 25 ta’ Settembru 2006 | Data ta’ l-adozzjoni tal-pożizzjoni komuni b'unanimità: | 4 ta’ Diċembru 2006 | 2. L-GĦAN TAL-PROPOSTA TAL-KUMMISSJONI Il-proposta tabolixxi r-regolament li huwa ddatat mis-70ijiet li jiffissa kwantitajiet nominali li bihom jista’ jinbiegħ il-prodott. Il-proposta żżomm biss ir-regolament għall-inbid u l-ispirti, bħalissa diġà soġġetti għal kwantitajiet nominali mandatorji. Il-proposta tissimplifika r-regolament dwar il-kwantitajiet nominali billi tintegra żewġ direttivi f’direttiva waħda. B’mod simili, hija tgħaqqad ir-regolament dwar il-kontroll metroloġiku ta’ prodotti ppakkjati minn qabel, bħalissa trattat taħt żewġ direttivi, f’direttiva unika. Konsegwentement, hija tirrevoka d-Direttivi 75/106 u 80/232 u testendi l-iskop tad-direttiva 76/211 għall-prodotti kollha ppakkjati minn qabel. 3. KUMMENTI DWAR IL-POŻIZZJONI KOMUNI 3.1 Osservazzjonijiet ġenerali dwar il-pożizzjoni komuni Il-proposta saret każ ta’ ttestjar ta’ l-istrateġija tal-Kummissjoni dwar Regolamentazzjoni Aħjar għax-xogħol u t-tkabbir fl-Unjoni Ewropea u għal simplifikazzjoni ta’ l-ambjent regolatorju. Il-Kunsill appoġġa l-proposta modifikata mill-Kummissjoni bil-kundizzjoni li għal ċerti setturi l-Istati Membri jitħallew iżommu d-daqsijiet nazzjonali eżistenti bħalissa għal produzzjoni domestika f’xi setturi għal perjodu tranżizzjonali. 3.2 L-emendi tal-Parlament Ewropew li ġew inklużi bis-sħiħ, parzjalment jew fil-prinċipju fil-proposta emendata u li ġew inkorporati bis-sħiħ, parzjalment jew fil-prinċipju fil-pożizzjoni komuni L-emendi mill-Parlament Ewropew li ġew aċċettati mill-Kummissjoni fil-proposta modifikata tagħha ġew meħuda mill-ġdid fil-pożizzjoni komuni. Dan jikkonċerna l-emendi: 1, 2, 8, 10, 11, 13, 14 u 16, li ġew aċċettati mill-Kummissjoni b’mod sħiħ u l-emendi 3, 6, 7, 12 u 20 li ġew aċċettati fil-prinċipju mill-Kummissjoni u miktuba mill-ġdid. 3.3 Emendi tal-Parlament Ewropew mhux inklużi fil-proposta emendata u mhux imdaħħla fil-pożizzjoni komuni L-emendi mill-Parlament Ewropew li ma ġewx aċċettati mill-Kummissjoni fil-proposta modifikata tagħha ma ġewx inkorporati fil-pożizzjoni komuni. Dan jikkonċerna l-emendi 4, 5, 9, 15, 17, 18, 19, 21, 22, 23, 24, 25, 26, 27, 28, 29, 30, 31, 32 u 33, li ma ġewx aċċettati mill-Kummissjoni minħabba li jkunu wasslu għal estensjoni tal-kwantitajiet nominali mandatorji għal setturi li bħalissa m’għandhomx kwantitajiet nominali madatorji simili. 3.4 Bidliet għall-proposta oriġinali introdotta mill-Kummissjoni fil-proposta emendata u inkorporata fil-pożizzjoni komuni. Il-pożizzjoni komuni tinkorpora wkoll il-bidliet li introduċiet il-proposta oriġinali introdotta mill-Kummissjoni fil-proposta emendata tagħha. Hija kienet tikkonċerna s-soppressjoni tal-kwantitajiet nominali mandatorji fis-settur tal-kafe` u z-zokkor abjad, minħabba li bosta Stati Membri bħalissa jippermettu prodotti f’dawn is-setturi bil-kwantitajiet kollha mingħajr ma dan ifixkel is-suq bħala konsegwenza. 3.5 Bidliet oħra introdotti mill-pożizzjoni komuni tal-Kunsill imqabbla mal-proposta emendata Fil-pożizzjoni komuni ġew introdotti l-punti li ġejjin għall-proposta modifikata, li kollha huma relatati t-tneħħjija gradata tad-daqsijiet nazzjonali f’ċerti setturi. Żid l-Artikolu 2.2.: “Filwaqt li tirrispetta l-prinċipji ddikjarati fit-Trattat, u, b’mod partikolari, l-moviment ħieles ta’ l-oġġetti, l-Istati Membri li bħalissa jippreskrivu kwantitajiet nominali mandatorji għall-ħalib, butir, għaġin u kafe` jistgħu jibqgħu jagħmlu dan sa [60 xahar wara d-data tad-dħul fis-seħħ ta’ din id-Direttiva]. L-Istati Membri li bħalissa jippreskrivu kwantitajiet nominali mandatorji għaz-zokkor jistgħu jkomplu jagħmlu dan sa [72 xahar wara d-data tad-dħul fis-seħħ ta’ din id-Direttiva].” Żid l-Artikolu 9.2: “L-Istati Membri msemmija fl-Artikolu 2, paragrafu 2 għandhom jikkomunikaw lill-Kummissjoni qabel [18-il xahar wara d-data tad-dħul fis-seħħ ta’ din id-Direttiva] is-suġġett tas-setturi għad-deroga msemmija f’dak il-paragrafu, il-perjodu ta’ deroga simili, il-firxa mandatorja ta’ kwantitajiet nominali applikati u l-intervall ikkonċernat.” Żid l-Artikolu 9.3: “Il-Kummissjoni għandha tissorvelja l-applikazzjoni ta’ l-Artikolu 2(2) bbażat fuq is-sejbiet tagħha u dwar ir-rapporti mill-Istati Membri kkonċernati”. 4. KONKLUŻJONI Il-Kummissjoni tappoġġa l-pożizzjoni komuni, soġġetta għad-dikjarazzjonijiet konġunti msemmija fil-punt li ġej 5. DIKJARAZZJONIJIET MILL-KUMMISSJONI Il-Kummissjoni u l-Kunsill għamlu żewġ dikjarazzjonijiet konġunti (annessi) li japplikaw għall-kundizzjonijiet tat-tneħħija gradata f’fażijiet tad-daqsijiet nazzjonali eżistenti bħalissa u l-qbil mill-Istati Membri biex ma jintroduċux daqsijiet nazzjonali ġodda. ANNESS L-ewwel dikjarazzjoni konġunta mill-Kummissjoni u l-Kunsill “Skond it-Trattat u l-ġurisprudenza tal-Qorti tal-Ġustizzja, l-Istati Membri li japplikaw tneħħija gradata ma jistgħux jirrifjutaw, jipprojbixxu jew jirrestrinġu t-tqegħid fis-suq tal-prodotti kkummerċjalizzati legalment fi Stat Membru ieħor fuq raġunijiet relatati mal-kwantitajiet ta’ l-ippakkjar.” It-tieni dikjarazzjoni konġunta mill-Kummissjoni u l-Kunsill “L-Istati Membri, li bħalissa ma japplikawx daqsijiet nazzjonali fis-setturi li għalihom tneħħija gradata ma tapplikax, ma għandhomx jintroduċu regoli ġodda għal kwantitajiet nominali ta’ ippakkjar."