This document is an excerpt from the EUR-Lex website
Document 52006AP0547
European Parliament legislative resolution on the proposal for a regulation of the European Parliament and of the Council on Community statistics on the structure and activity of foreign affiliates (COM(2005)0088 - C6-0084/2005 - 2005/0016(COD))
Riżoluzzjoni leġiżlattiva tal-Parlament Ewropew dwar il-proposta għal regolament tal-Parlament Ewropew u tal-Kunsill dwar l-istatistika tal-Komunità fuq l-istruttura u l-attività ta' l-affiljati barranin (COM(2005)0088 -C6-0084/2005 - 2005/0016(COD))
Riżoluzzjoni leġiżlattiva tal-Parlament Ewropew dwar il-proposta għal regolament tal-Parlament Ewropew u tal-Kunsill dwar l-istatistika tal-Komunità fuq l-istruttura u l-attività ta' l-affiljati barranin (COM(2005)0088 -C6-0084/2005 - 2005/0016(COD))
ĠU C 317E, 23.12.2006, p. 168–168
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
Riżoluzzjoni leġiżlattiva tal-Parlament Ewropew dwar il-proposta għal regolament tal-Parlament Ewropew u tal-Kunsill dwar l-istatistika tal-Komunità fuq l-istruttura u l-attività ta' l-affiljati barranin (COM(2005)0088 -C6-0084/2005 - 2005/0016(COD))
Official Journal 317 E , 23/12/2006 P. 0168 - 0168
20061223 P6_TC1-COD(2006)0117 Pożizzjoni tal-Parlament Ewropew adottata fl-ewwel qari fit- 12 ta' Diċembru 2006 bil-ħsieb ta' l-adozzjoni tad-Deċiżjoni Nru .../2007/KE tal-Parlament Ewropew u tal-Kunsill li tikkoreġi d-Direttiva 2002/2/KE li temenda d-Direttiva tal-Kunsill 79/373/KEE dwar iċ-ċirkolazzjoni ta' l-għalf kompost IL-PARLAMENT EWROPEW U L-KUNSILL TA' L-UNJONI EWROPEA, Wara li kkunsidraw it-Trattat li jistabbilixxi l-Komunitajiet Ewropej, u b'mod partikolari l-Artikolu 152(4)(b) tiegħu, Wara li kkunsidraw l-proposta mill-Kummissjoni, Wara li kkonsultaw lill-Kumitat Ekonomiku u Soċjali Ewropew, Wara li kkonsultaw lill-Kumitat tar-Reġjuni, Filwaqt li jaġixxu skond il-proċedura stabbilita fl-Artikolu 251 tat-Trattat [1], Billi: (1) L-Artikolu 1(1)(b) tad-Direttiva 2002/2/KE tal-Parlament Ewropew u tal-Kunsill [2], li temenda d-Direttiva tal-Kunsill 79/373/KEE dwar iċ-ċirkolazzjoni ta' għalf kompost [3]. Dik id-dispożizzjoni żiedet punt fl-Artikolu 5(1) tad-Direttiva 79/373/KEE li jeħtieġ li, il-manifatturi ta' l-għalf kompost għall-annimali jindikaw, fuq talba tal-konsumatur, il-kompożizzjoni eżatta ta' l-għalf. (2) Il-Qorti tal-Ġustizzja tal-Komunitajiet Ewropej, fis-sentenza tagħha tas- 6 ta' Diċembru 2005 fil-Każijiet Konġunti C-453/03, C-11/04, C-12/04 u C-194/04 [4], iddikjarat l-Artikolu 1(1)(b) tad-Direttiva 2002/2/KE invalidu, fid-dawl tal-prinċipju ta' proporzjonalità. (3) L-Artikolu 233 tat-Trattat jeħtieġ li l-istituzzjonijiet li l-att tagħhom ġie ddikjarat null, jieħdu l-passi neċessarji sabiex jikkonformaw mas-sentenza tal-Qorti tal-Ġustizzja. (4) L-objettiv ta' l-assigurazzjoni tas-sikurezza ta' l-għalf jintlaħaq, inter alia, permezz ta' l-implimentazzjoni tad-dispożizzjonijiet tar-Regolamenti (KE) Nru 178/2002 [5] u Nru 183/2005 [6]. (5) Numru ta' deċiżjonijiet ta' qrati fl-Istati Membri wasslu sabiex id-Direttiva 2002/2/KE tiġi implimentata b'mod differenti u mhux allinjat u hemm pendenti diversi każijiet relatati magħha quddiem il-qrati nazzjonali rispettivi. (6) Bħalissa, minħabba li l-Kummissjoni weghdet bħala parti minn programm ta' simplifikazzjoni, li tfassal proposti sa nofs l-2007 sabiex tmexxi 'l quddiem il-leġiżlazzjoni dwar l-għalf, il-Parlament Ewropew u l-Kunsill ma ħejjew l-ebda emenda ta' importanza kbira għall-att legali bażiku. Qed jantiċipaw li l-kwistjoni ta' l-hekk imsejħa 'dikjarazzjoni miftuħa' ta' l-ingredjenti se tiġi riveduta b'mod sħiħ f'dan il-kuntest, u qed jistennew proposti ġodda mill-Kummissjoni li jqisu kemm l-interess tal-bdiewa sabiex jingħataw informazzjoni preċiża u dettaljata dwar il-materjali ta' l-għalf li jinsabu fl-għalf, kif ukoll l-interess ta' l-industrija li tiżgura li s-sigrieti tan-negożju jkunu mħarsa kif xieraq. (7) It-tieni subparagrafu ta' l-Artikolu 12 tad-Direttiva 79/373/KEE, li ddaħħal permezz ta' l-Artikolu 1(5) tad-Direttiva 2002/2/KE, jimponi l-obbligu fuq il-manifatturi ta' għalf kompost li jagħmlu disponibbli lill-awtoritajiet responsabbli għat-twettiq ta' ispezzjonijiet uffiċjali, fuq talba, kwalunkwe dokument li jikkonċerna l-kompożizzjoni ta' l-għalf destinat sabiex jitqiegħed fiċ-ċirkolazzjoni, li jippermetti l- verifika tal-preċiżjoni ta' l-informazzjoni mogħtija fuq it-tikketti. (8) Id-Direttiva 2002/2/KE għandha għalhekk tiġi emendata, ADOTTAW DIN ID-DEĊIŻJONI: Artikolu 1 Id-Direttiva 2002/2/KE hija b'dan emendata kif ġej: (1) L-Artikolu 1(1)(b) għandu jitħassar. (2) Fl-Artikolu 1(6), it-test ta' l-Artikolu 15a tad-Direttiva 79/373/KEE għandu jinbidel b'dan li ġej: Artikolu 15a Sa mhux aktar tard mis- 6 ta' Novembru 2006, il-Kummissjoni għandha tippreżenta rapport lill-Parlament Ewropew u lill-Kunsill, abbażi ta' l-informazzjoni riċevuta mill-Istati Membri, dwar l-implimentazzjoni tal-miżuri introdotti permezz ta' l-Artikolu 5(1)(j) u 5(d) u l-Artikolu 5ċ u t-tieni subparagrafu ta' l-Artikolu 12, b'mod partikolari fir-rigward ta' l-indikazzjonijiet ta' kwantitajiet, fil-forma ta' perċentaġġ bil-piż, ta' materjali ta' l-għalf fuq it-tikketti ta' l-għalf kompost, inkluż it-tolleranza permessa, flimkien ma' kwalunkwe proposti maħsuba biex itejbu dawn il-miżuri Artikolu 2 Din id-Deċiżjoni ser tidħol fis-seħħ fil-jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea. Artikolu 3 Din id-Deċiżjoni hija indirizzata lill-Istati Membri. Magħmul fi, … Għall-Parlament Ewropew Il-President Għall-Kunsill Il-President [1] Pożizzjoni tal-Parlament Ewropew tat- 12 ta' Diċembru 2006. [2] Direttiva 2002/2/KE tal-Parlament Ewropew u tal-Kunsill tat- 28 ta' Jannar 2002 li temenda d-Direttiva tal-Kunsill 79/373/KEE dwar iċ-ċirkolazzjoni ta' l-għalf kompost (ĠU L 63, 6.3.2002, p. 23). [3] ĠU L 86, 6.4.1979, p. 30. Direttiva kif emendata l-aħħar bir-Regolament (KE) Nru 807/2003 (ĠU L 122, 16.5.2003, p. 36). [4] ABNA u Oħrajn, ECR [2005] I-10423. [5] Regolament (KE) Nru 178/2002 tal-Parlament Ewropew u tal-Kunsill tat- 28 ta' Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea għas-Sigurtà fl-Ikel u jistabbilixxi l-proċeduri fi kwistjonijiet ta' sigurtà ta' l-ikel (ĠU L 31, 1.2.2002, p. 1). Regolament kif emendat l-aħħar bir-Regolament tal-Kummissjoni (KE) Nru 575/2006 (ĠU L 100, 8.4.2006, p. 3). [6] Regolament (KE) Nru 183/2005 tal-Parlament Ewropew u tal-Kunsill tat- 12 ta' Jannar 2005 li jistabbilixxi l-ħtiġijiet tekniċi għall-iġjene ta' l-għalf (ĠU L 35, 8.2.2005, p. 1). --------------------------------------------------