52005TA1228(07)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 52005TA1228(07) - EN

Help

Search tips

Need more search options? Use the Advanced search

Document 52005TA1228(07)

Rapport dwar il-kontijiet annwali ta’ l-Awtorità Ewropea għas-Sigurtà fl-Ikel għas-sena finanzjarja 2004 flimkien mar-risposti ta’ l-Awtorità

ĠU C 332, 28.12.2005, p. 45–52 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

Date of document:: 05/10/2005

Author:: Il-Qorti Ewropea tal-Awdituri
Form:: Rapport

Treaty:

Trattat li jistabbilixxi l-Komunità Ewropea

Link

Select all documents mentioning this document

Instruments cited:

Link

EUROVOC descriptor:

Subject matter:

Estimi

Directory code:

01.60.20.00 Kwistjonijiet ġenerali, finanzjarji u istituzzjonali / Disposizzjonijiet finanzjarji u baġitarji / Baġit

HTML

PDF

Official Journal

28.12.2005

Il-Ġurnal Uffiċjali ta’ l-Unjoni Ewropea

C NaN/45

RAPPORT

dwar il-kontijiet annwalita’ l-Awtorità Ewropea għas-Sigurtà fl-Ikel għas-sena finanzjarja 2004 flimkien mar-risposti ta’ l-Awtorità

WERREJ

1-2	INTRODUZZJONI

3-6	L-OPINJONI TAL-QORTI

7-12	OSSERVAZZJONIJIET

Tabelli 1 sa 4

Ir-risposti ta’ l-Awtorità

INTRODUZZJONI

L-Awtorità Ewropea għas-Sigurtà fl-Ikel (minn hawn ’il quddiem imsejħa “l-Awtorità”) kienet imwaqqfa bir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 (1). Il-kompiti prinċipali tagħha huma li tipprovdi l-informazzjoni xjentifika neċessarja li hemm bżonn sabiex leġislazzjoni għall-Komunità tiġi abbozzata, li tiġbor u tanalizza informazzjoni sabiex ir-riskji jiġu karatterizzati u kkontrollati u li tipprovdi informazzjoni indipendenti fuq dawn ir-riskji. Il-kompetenzi u l-attivitajiet ta’ l-Awtorità huma miġbura fil-qosor fit-Tabella 1 fuq il-bażi ta’ l-informazzjoni mogħtija minnha.

2.	Għal skop ta’ informazzjoni l-kontijiet annwali abbozzati mill-Awtorità għas-sena finanzjarja 2004 jidhru sommarjament fit-Tabelli 2, 3 u 4.

L-OPINJONI TAL-QORTI

3.	Din l-opinjoni hija indirizzata lill-Parlament Ewropew u lill-Kunsill, skond l-Artikolu 185(2) tar-Regolament tal-Kunsill (KE, Euratom) Nru 1605/2002 (2); hija kienet abbozzata wara eżaminazzjoni tal-kontijiet ta’ l-Awtorità, skond l-Artikolu 248 tat-Trattat li jwaqqaf il-Komunità Ewropea.

Il-kontijiet ta’ l-Awtorità għas-sena finanzjarja li għalqet fil-31 ta’ Diċembru 2004 (3) kienu abbozzati mid-Direttur Eżekuttiv tagħha, skond l-Artikolu 44 tar-Regolament (KE) Nru 178/2002, u mibgħuta lill-Qorti, li hija mitluba li tagħti l-opinjoni tagħha dwar il-kredibilità u dwar il-legalità u r-regolarità tat-transazzjonijiet ta’ bażi.

Il-Qorti wettqet il-verifika skond il-politika tal-verifiki u standards tagħha, li huma bbażati fuq standards internazzjonali ta’ verifika li ġew adattati għall-kuntest Komunitarju. Il-verifika kienet pjanata u mwettqa sabiex tikseb assigurazzjoni raġonevoli li l-kontijiet huma kredibbli u li t-transazzjonijiet ta’ bażi huma legali u regolari.

6.	Il-Qorti kisbet bażi raġonevoli għall-opinjoni espressa hawn taħt.

Kredibilità tal-kontijietIl-kontijiet ta’ l-Awtorità għas-sena finanzjarja li għalqet fil-31 ta’ Diċembru 2004, fl-aspetti materjali kollha, huma affidabli.Legalità u regolarità tat-transazzjonijiet ta’ bażiĦlief għas-sitwazzjoni deskritta fil-paragrafi 9 sa 11, t-transazzjonijiet ta’ bażi tal-kontijiet annwali ta’ l-Awtorità, fit-totalità tagħhom, huma legali u regolari.

OSSERVAZZJONIJIET

Il-proporzjon ta’ trasferimenti ta’ approprjazzjonijiet li jridu jiġu kkunsidrati bħala nefqa sabiex jiġi kkalkolat r-riżultat ekonomiku għas-sena finanzjarja hija valutata fuq il-bażi tad-dikjarazzjonijiet magħmula mill-uffiċjali ta’ awtorizzazzjoni b’delega. Dawn id-dikjarazzjonijiet għandhom jiġu abbozzati b’tali mod sabiex jippermettu lill-kontabilist sabiex jivvaluta n-nefqiet attwali ta’ l-Awtorità, li mhux dejjem kien il-każ.

8.	Hemm nuqqasijiet sinifikanti fil-ġestjoni ta’ assi fissi, b’mod partikolari rigward l-identifikazzjoni ta’ l-affarijiet li jridu jiġu reġistrati fl-inventarju (4). Barra minn hekk, il-metodi użati sabiex jittella’ l-inventarju fiżiku mhumiex sodisfaċenti.

Rigward ir-reklutaġġ ta’ persunal, deċiżjonijiet dwar iċ-ċaħda ta’ applikanti mhumiex sostanzjati u r-rapporti finali dwar il-proċeduri ta’ selezzjoni huma ħafna drabi mhux kompleti, jew saħansitra ineżistenti fejn jidħlu aġenti awżiljarji. L-applikazzjoni tal-kompjuter utilizzata matul l-ewwel stadji tal-proċedura ta’ selezzjoni għall-kandidati ma tagħtix garanzija dwar l-integrità ta’ l-informazzjoni reġistrata. Il-klassifikazzjoni tal-persunal reklutat mhix sostanzjata ħafna drabi u lanqas approvata minn dokumenti ta’ sostenn.

10.

L-aġenti awżiljarji kienu reklutati mingħajr proċedura ta’ selezzjoni. Barra minn hekk, persunal li kienu taw attestazzjonijiet favur ċerta kandidati dehru wkoll bħala membri tal-bord ta’ selezzjoni għal dawn il-kandidati. Attestazzjoni minnhom kienet mogħtija favur żewġ persuni u ddikjarat li huma kienu ser jiġu reklutati bħala persunal temporanju, minħabba li l-ebda deċiżjoni ta’ l-AIPN ma ttieħdet fuq dan is-suġġett. F’każ minnhom, kandidat li għadda mis-selezzjoni iżda li ma ntagħżilx kien reklutat direttament għal pożizzjoni oħra.

11.

Kuntratt minnhom kien konkluż fuq il-bażi ta’ żewġ offerti, għalkemm ir-regolament finanzjarju jistipula li mill-inqas għandu jkun hemm tlett offerenti għal kuntratti ta’ dan l-ammont (5). F’każ ieħor, iċ-Chairman ta’ Kumitat ta’ Valutazzjoni kien qabel impjegat tal-kumpanija li rebħet il-kuntratt. Il-membri ta’ dan il-Kumitat inkluda subordinat dirett ta’ dan iċ-Chairman. F’każ ieħor ta’ l-aħħar, kuntratt kien konkluż b’negozjati diretti mingħajr il-ħarsien ta’ ebda mill-kundizzjonijiet imniżżla mid-dispożizzjonijiet (6).

12.	L-Awtorità għandha tagħmel kull sforz sabiex ittejjeb it-trasparenza tad-deċiżjonijiet tagħha dwar reklutaġġ ta’ persunal u l-għotja ta’ kuntratti sabiex tiggarantixxi l-osservazzjoni tar-regoli fis-seħħ u sabiex tevita kull suspett ta’ preġudizzju.

Dan ir-Rapport ġie adottat mill-Qorti ta’ l-Awdituri fil-Lussemburgu fil-laqgħa tagħha tal-5 ta’ Ottubru u tas-7 ta' Diċembru 2005.

Għall-Qorti ta’ L-Awdituri

Hubert WEBER

President

(1) ĠU L 31 tal-1.2.2002, p. 1.

(2) ĠU L 248 ts-16.9.2002, p. 1.

(3) Dawn il-kontijiet kienu abbozzati fl-1 ta’ Awwissu 2005 u riċevuti mill-Qorti fis-17 ta’ Awwissu 2005.

(4) Artikolu 103 tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jniżżel regoli dettaljati għall-implimentazzjoni tar-Regolament Finanzjarju applikabbli lill-Budget Ġenerali (ĠU L 357, tal-31.12.2002, p. 1).

(5) Ammont: 8 400 euro. Artikolu 129(2) tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jistabbilixxi regoli għall-esekuzzjoni tar-regolament finanzjarju applikabbli għall-budget ġenerali (ĠU L 357 tal-31.12.2002).

(6) Artikolu 126 tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jniżżel regoli dettaljati għall-implimentazzjoni tar-Regolament Finanzjarju applikabbli lill-Budget Ġenerali (ĠU L 357, 31.12.2002).

Tabella 1

L-Awtorità Ewropea għas-Sigurtà fl-Ikel (Parma)

Oqsma ta’ kompetenzi tal-Komunità li joħorġu mit-Trattat

Kompetenzi ta’ l-Awtorità

(Regolament (KE) Nru 178/2002 tal-Parlament Ewropew u tal-Kunsill ta’ 28 ta’ Jannar 2002)

Tmexxija

Riżorsi disponibbli għall-Awtorità fl-2004

(informazzjoni għall-2003)

Prodotti u servizzi pprovduti fl-2004

Moviment ħieles ta’ l-oġġetti ta’ l-ikel (Artikolu 37 tat-Trattat)

Kontribuzzjoni għal livell għoli ta’ saħħa, sigurtà, u l-ħarsien ta’ l-ambjent u l-protezzjoni tal-konsumatur, waqt li tieħu kont ta’ kull żvilupp ġdid ibbażat fuq fatti xjentifiċi (Artikolu 95 tat-Trattat)

Il-Politika Kummerċjali Komuni (Artikolu 133 tat-Trattat)

Is-Saħħa Pubblika (Artikolu 152 (4) (b) tat-Trattat)

Miri

—	Li tipprovdi opinjonijiet xjentifiċi u appoġġ xjentifiku u tekniku għal-leġislazzjoni tal-Komunità u politika li għandha impatt dirett jew indirett fuq is-sigurtà ta’ l-ikel

—	Li tipprovdi informazzjoni indipendenti fuq ir-riskji li għandhom x’jaqsmu mas-sigurtà fl-ikel

—	Li tikkontribwixxi għall-ksib ta’ livell għoli ta’ protezzjoni tal-ħajja umana u tas-saħħa

—	Li tiġbor u tanalizza d-data li hemm bżonn biex tippermetti l-karatterizzazzjoni u l-immonitorjar tar-riskji

Kompiti

—	Li toħroġ opinjonijiet u studji xjentifiċi

—	Li tippromwovi metodoloġiji uniformi ta’ l-istima tar-riskju

—	Li tgħin lil-Kummissjoni

—	Li tfittex, tanalizza, u tqassar d-data xjentifika u teknika meħtieġa

—	Li tidentifika u li jiġu karatterizzati riskji li joħorġu

—	Li tistabblixxi network ta’ organizzazzjonijiet li joperaw f’oqsma simili

—	Li tipprovdi għajnuna xjentifika u teknika għall-immaniġjar tal-kriżi

—	Li ttejjeb il-kooperazzjoni internazzjonali

—	Li tipprovdi lill-partijiet pubbliċi u lill-partijiet interessati b’informazzjoni affidabbli, objettiva u li tinftiehem b’mod faċli

—	Li tieħu sehem fis-sistema ta’ twissija rapida tal-Kummissjoni.

1. Bord ta’ Ġestjoni

Kompożizzjoni

14-il membru maħtura mill-Kunsill (b’kooperazzjoni mal-Parlament Ewropew u l-Kummissjoni) u rappreżentant wieħed mill-Kummissjoni

Dmirijiet

Li jadotta l-programm tax-xogħol u jiżgura li qed jiġi implimentat

2. Direttur Eżekuttiv

Maħtur mill-Bord Maniġerjali fuq il-bażi ta’ lista ta’ kandidati proposti mill-Kummissjoni, wara smiegħ quddiem il-Parlament Ewropew

3. Forum Konsultattiv

Kompożizzjoni

Rappreżentant wieħed għal kull Stat Membru

Dmirijiet

Li jagħti pariri lid-Direttur Eżekuttiv

4. Kumitat Xjentifiku u Gruppi Xjentifiċi

Li jfassal abbozz fuq l-opinjonijiet xjentifiċi ta’ l-Awtorità

5. Verifika esterna

Il-Qorti ta’ l-Awdituri

6. Awtorità ta’ approvazzjoni

Il-Parlament fuq rakkomandazzjoni tal-Kunsill

Budget Finali:

29,1 miljun euro (12,6 miljun euro)

kontribuzzjoni Komunitarja: 100 % (100 %)

Numru tal-persunal fil-31 ta’ Diċembru 2004:

Numru ta’ postijiet fil-pjan ta’ twaqqif 138 (49)

Postijiet ġa meħuda: 102 (27)

+37(36) impjegati oħra (kuntratti awżiljarji, esperti nazzjonali ssekondati, persunal lokali, persunal ta’ l-aġenzija ta’ mpjieg)

Persunal totali:.139 (63)

Assenjat għad-dmirijiet li ġejjin:

—	operattivi: 83 (33)

—	amministrattivi: 56 (30)

158 opinjoni kienu adottati u ppubblikati fl-2004; huma koprew ħafna oqsma inklużi pjanti aromatiċi, organiżmi modifikati ġenetikament (fl-imkien mal-WHO), bovine spongiform encephalopathy (BSE) jew transmissable spongiform encephalopathy (TSB).

Żewġ simpożji xjentifiċi dwar suġġetti speċifiċi, l-iżvilupp ta’ kompetenza xjentifika fl-Awtorità stess, l-identifikazzjonita’ riskji emerġenti u t-tqegħid fuq in-network u l-ġabra ta’ informazzjoni xjentifika kienu organizzati.

Il-Forum Konsultattiv iltaqa’ erba’ darbiet bi ħsieb sabiex jaħem bħala network ma’ l-awtoritajiet nazzjonali fuq suġġetti speċifiċi bħal koordinazzjoni fl-eventwalità ta’ kriżi.

Sors: Informazzjoni mogħtija mill-Aġenziija

Tabella 2

L-Awtorità Ewropea għas-Sigurtà fl-Ikel — Implimentazzjoni tal-budget għas-sena finanzjarja 2004

(1000 euro)
Dħul			Nfiq
Sors ta' dħul	Dħul imniżżel fil-budget finali għas-sena finanzjarja	Dħul miġbur	Allokazzjoni ta' nefqa	Approprjazzjoni tal-budget finali					Approprjazzjonijiet trasferiti mis-sena finanzjarja ta' qabel			Approprjazzjonijiet disponibbli (budget 2003 u trasferiment mis-sena finanzjarja 2002)
Sors ta' dħul	Dħul imniżżel fil-budget finali għas-sena finanzjarja	Dħul miġbur	Allokazzjoni ta' nefqa	reġistrati	impenjati	imħallsa	trasferiti (1)	kanċellati	reġistrati	imħallsa	kanċellati	reġistrati	impenjati	imħallsa	trasferiti	kanċellati
Sussidji Komunitarji	29 092	18 000	Titolu 1 Persunal	11 509	8 641	8 251	390	2 868	149	140	9	11 658	8 790	8 391	390	2 876
Sussidji oħra	0	0	Titolu II Amministrazzjoni	5 633	5 094	3 617	1 477	539	1 189	1 058	130	6 822	6 283	4 676	1 477	669
Dħul ieħor	0	0	Titolu III Nefqa ta' xogħol	11 950	7 517	4 051	3 818	4 081	2 894	2 019	875	14 844	10 411	6 071	3 818	4 956
Total	29 092	18 000	Total	29 092	21 252	15 919	5 684	7 488	4 233	3 219	1 014	33 325	25 485	19 139	5 684	8 502
NB: It-totali jistgħu jkun fihom differenzi minħabba aġġustamenti sa l-eqreb numru sħiħ. Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fil-kontijiet annwali tagħha.

Tabella 3

L-Awtorità Ewropea għas-Sigurtà fl-Ikel — Kont tad-Dħul u n-Nefqa għas-snin finanzjarji 2004 u 2003

(1000euro)
	2004	2003 (2)
Dħul mix-Xogħol	20 591	10 171
Total dħul mix-xogħol	20 591	10 171
Nefqa amministrattiva
Nefqa tal-persunal	–7 564	–3 213
Bini u nefqa relatata	–4 192	– 781
Nefqa oħra	–1 263	– 536
Deprezzament u tnaqqis fil-valur ta' entitajiet konsolidati	– 333	– 204
Nefqa ta' Xogħol	–6 431	–2 159
Total nefqa ta' xogħol	–19 783	–6 894
Profitt/(telf) ta' xogħol	808	3 277
Dħul mill-operazzjonijiet finanzjarji	0	1
Nefqa minn operazzjonijiet finanzjarji	–7	–3
Profitt/(telf) minn operazzjonijiet finanzjarji	–6	–2
Profitt/(telf) kurrenti	802	3 275
Dħul straordinarju		402
Nefqa straordinarja	–27
Profitt/(telf) straordinarju	–27	402
Kwantità ekonomika maħduma għas-sena finanzjarja	775	3 677
NB: It-totali jistgħu jkun fihom differenzi minħabba aġġustamenti sa l-eqreb numru sħiħ. Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fil-kontijiet annwali tagħha.

Tabella 4

L-Awtorità Ewropea għas-Sigurtà fl-Ikel — Karta tal-Bilanċ fil- 31 Diċembru 2004 u fil-31 ta' Diċembru 2003

(1000 euro)
Assi	2004	2003	Dejn	2004	2003 (3)
A. Assi fissi			A. Kapital proprju
Assi mhux tanġibbli			Bilanċ trasferit	3 677
Programmi tal-kompjuter	423	362	Kwantita' ekonomika maħduma għas-sena finanzjarja	775	3 677
Assi tanġibbli			Total	4 452	3 677
Tagħmir tal-kompjuter	1 035	701	Ċ. Dejn
Għamara u tagħmir mobbli	151	106	Dejn għal massimu ta' sena
Deprezzament	– 537	– 204	Dejn tas-salarju	13	8
			Dejn fiskali u soċjali	77
Total	1 071	965	Entitajiet Konsolidati (CE) (4)	2 069	146
B. Assi kurrenti			Nefqa li trid tiġi allokata u dħul li jrid jiġi trasferit	2 686	1 535
Stokks
Ammonti riċevibbli għal massimu ta' sena
Finanzjament bil-quddiem	323
Persunal	50
Ammonti riċevibbli kurrenti	1	1
Ammonti riċevibbli oħra	36	40
Entitajiet Konsolidati (CE) (4)	4 568
Nefqa li trid tiġi trasferita u dħul miġbur	47	2
Assi disponibbli
Kontijiet bankarji	3 202	4 342
Kontijiet Imprest		15
Total	8 226	4 400	Total	4 845	1 688
Assi totali	9 297	5 365	Dejn totali	9 297	5 365
NB: It-totali jistgħu jkun fihom differenzi minħabba aġġustamenti sa l-eqreb numru sħiħ. Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fil-kontijiet annwali tagħha.

(1) Inklużi trasferimenti mhux awtomatiċi ta' approprjazzjonijiet (ara Deċiżjoni tal-Bord ta' Ġestjoni tat-18 ta' Jannar 2005).

NB: It-totali jistgħu jkun fihom differenzi minħabba aġġustamenti sa l-eqreb numru sħiħ.

Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fil-kontijiet annwali tagħha.

(2) L-informazzjoni għas-sena finanzjarja 2003 ġiet proċessata mill-ġdid sabiex tikkonforma mal-prinċipju ta' kontabilita' fuq bażi ta' dovuti.

NB: It-totali jistgħu jkun fihom differenzi minħabba aġġustamenti sa l-eqreb numru sħiħ.

Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fil-kontijiet annwali tagħha.

(3) L-informazzjoni għas-sena finanzjarja 2003 ġiet proċessata mill-ġdid sabiex tikkonforma mal-prinċipju ta' kontabilità fuq bażi ta' dovuti.

(4) Istituzzjonijiet u Entitajiet Komunitarji.

NB: It-totali jistgħu jkun fihom differenzi minħabba aġġustamenti sa l-eqreb numru sħiħ.

Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fil-kontijiet annwali tagħha.

IR-RISPOSTA TA’ L-AWTORITÀ

7.	L-Awtorità se tassigura li s-sistema mwaqqfa sabiex tinforma l-kontabilista dwar l-infiq tas-sena finanzjarja issir kemm jista’ jkun preċiża u affidabbli.

8.	L-Awtorità se tagħmel verifikazzjoni sħiħa ta’ l-inventarju tagħha f’Novembru ta’ l-2005, ladarba tkun spiċċat iġġorr f’Parma. Qed jintuża metodu fejn mal-wasla, jew l-iktar tard meta jsir il-ħlas tagħhom, l-oġġetti jiġu rreġistrati fl-inventarju.

Il-proċeduri ta’ selezzjoni kif ukoll dawk għad-deċiżjonijiet tar-reklutaġġ ġew imtejba sabiex ikun hemm iktar trasparenza. In-nuqqasijiet konstatati mill-Qorti kienu kawża tal-bżonn li l-Awtorità titwaqqaf malajr. L-applikazzjoni tal-kompjuter imsemmija mill-Qorti m’għadhiex iktar użata bħala bażi għad-data.

10.

Minn Settembru ta’ l-2004, is-selezzjoni u r-reklutaġġ ta’ l-aġenti awżiljari qed isiru skond proċedura simplifikata. Il-membri tal-kumitat ta’ selezzjoni għandhom l-obbligu li jiddikjaraw jekk jafux lil kandidat waqt l-intervisti għas-selezzjoni. L-Awtorità qed tistudja xi miżuri ta’ kif tista’ tnaqqas għall-minimu r-riskji li tiġi mpoġġija fid-dubju l-imparzjalità tal-kumitat ta’ selezzjoni. Inħareġ ċertifikat ta’ mpieg ta’ aġent temporanju għal żewġ kandidati li għaddew mis-selezzjoni sabiex jimlew xi postijiet hekk meta jkun jippermetti l-pjan tal-budget, jiġifieri 6 xhur wara.

11.

L-Awtorità ħadet diversi miżuri u ħalqet struttura interna applikabbli għall-għotja tal-kuntratti, u dan sabiex ir-regoli li japplikaw f’dan il-qasam jiġu rispettati aħjar. L-għan ta’ dawn il-miżuri huwa dak li r-regoli fis-seħħ jinfthiemu aħjar u li jsir taħriġ għall-persunal ikkunċernat. Dwar il-każijiet msemmija mill-Qorti, il-membri tal-Kumitati ta’ Valutazzjoni jintgħażlu mill-EFSA skond il-prinċipji ġenerali wżati u dan jiddependi min-numru ta’ nies li huma kapaċi jagħtu evalwazzjoni teknika, li f’istituzzjoni żgħira huwa limitat. L-għotja ta’ kuntratt permezz ta’ ftehim dirett dwar servizz speċifiku ġrat minħabba xi diffikultajiet fl-ippjanar. Minn dan il-mument ‘l hemm dan l-istess servizz kellu jgħaddi mill-proċedura tax-xiri pubbliku qabel ma jasal għand l-Awtorità.

12.	L-awtorità dejjem fittxet li tirrispetta r-regoli fis-seħħ u se tkompli fl-isforzi tagħha fil-qasam ta’ l-ugwaljanza ta’ trattament u ta’ trasparenza kemm fil-politika ta’ reklutaġġ tagħha kif ukoll fil-politika ta’ xiri pubbliku.

Top

All

Choose the experimental features you want to try