52004TA1230(07)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 52004TA1230(07) - EN

Help

Search tips

Need more search options? Use the Advanced search

Document 52004TA1230(07)

Rapport fuq il-kontijiet annwali taċ-Ċentru ta' Traduzzjoni għall-Entitajiet ta' l-Unjoni Ewropea għas-sena finanzjarja 2003 flimkien mar-risposti taċ-Ċentru

ĠU C 324, 30.12.2004, p. 46–52 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

Date of document:: 30/09/2004

Author:: Il-Qorti Ewropea tal-Awdituri
Form:: Rapport

Treaty:

Trattat li jistabbilixxi l-Komunità Ewropea

Legal basis:

12002E248

Link

Select all documents mentioning this document

Instruments cited:

Link

EUROVOC descriptor:

Subject matter:

Estimi

Directory code:

01.60.20.00 Kwistjonijiet ġenerali, finanzjarji u istituzzjonali / Disposizzjonijiet finanzjarji u baġitarji / Baġit

HTML

PDF

Official Journal

30.12.2004

Il-Ġurnal Uffiċjali ta’ l-Unjoni Ewropea

C NaN/46

RAPPORT

fuq il-kontijiet annwali taċ-Ċentru ta' Traduzzjoni għall-Entitajiet ta' l-Unjoni Ewropea għas-sena finanzjarja 2003 flimkien mar-risposti taċ-Ċentru

WERREJ

1	INTRODUZZJONI

2-5	L-OPINJONI TAL-QORTI

6-8	OSSERVAZZJONIJIET

Tabelli 1 sa 4

Ir-risposti taċ-Ċentru

INTRODUZZJONI

Iċ-Ċentru ta' Traduzzjoni għall-Entitajiet ta' l-Unjoni Ewropea (hawnhekk iżjed 'il quddiem imsejjaħ “iċ-Ċentru” kien imwaqqaf bir-Regolament tal-Kunsill (KE) Nru 2965/94 (1). Ir-rwol taċ-Ċentru huwa li jipprovdi lill-entitajiet ta' l-UE u kwalunkwe istituzzjoni u entitajiet oħra ta' l-UE li jsaqsu għas-servizzi tagħha, b'servizzi ta' traduzzjoni neċessarji għall-attivitajiet tagħhom Tabella 1 fiha sommarju tar-responsabilitajiet u l-attivitajiet taċ-Ċentru bbażati fuq l-informazzjoni mogħtija miċ-Ċentru.

L-OPINJONI TAL-QORTI

2.	Din l-opinjoni hija indirizzata lill-Parlament Ewropew u lill-Kunsill, skond l-Artikolu 185 (2), tar-Regolament tal-Kunsill (KE, Euratom) nru 1605/2002 (2).

Il-Qorti eżaminat il-kontijiet annwali taċ-Ċentru tat-Traduzzjoni għall-Entitajiet ta' l-Unjoni Ewropea għas-sena finanzjarja li għalqet fil-31 ta' Diċembru 2003. Skond l-Artikolu 14 (1), tar-Regolament tal-Kunsill (KE) nru 2965/94, il-badġit ġie implimentat taħt ir-responsabbiltà tad-Direttur. Din ir-responsabbiltà tinkludi l-abbozzar u l-preżentazzjoni tal-kontjiet (3), skond id-dispożizzjonijiet finanzjarji interni fuq bażi ta' l-Artikolu 15 ta' l-istess Regolament. Il-Qorti hija meħtieġa li teżamina dawn il-kontijiet skond l-Artikolu 248 tat-Trattat li jistabbilixxi l-Komunità Ewropea.

Il-Qorti wettqet il-verifika tagħha skond il-politika u l-istandards ta' verifiki tagħha, li huma adattati minn standards internazzjonali sabiex jirriflettu l-interessi tal-Komunità. Hija eżaminat id-dokumenti tal-kontijiet u applikat il-proċeduri tal-verifika li kkunsidrat neċessarji f'dan il-kuntest.

Għaldaqstant il-Qorti kisbet assikurazzjoni raġonevoli li l-kontijiet annwali għas-sena finanzjarja li għalqet fil-31 ta' Diċembru 2003 huma ta' min joqgħod fuqhom u li t-transazzjonijiet ta' bażi, fit-totalità tagħhom huma legali u regolari. Il-kontenut ta' l-osservazzjonijiet li ġejjin ma jpoġġix f'diskussjoni l-opinjoni li tesprimi l-Qorti f'dan ir-rapport.

OSSERVAZZJONIJIET

6.	L-implimentazzjoni ta' l-baġit għas-sena finazjarja 2003 u ta' l-approprijazzjonijiet miġjuba 'l quddiem mis-sena finanzjarja ta' qabel hija murija fit-Tabella 2. Il-kont tad-dħul u l-infiq u l-karta tal-bilanċ ta' l-Awtorità għas-sena finanzjarja 2003 huma miġbura fil-qosor fit-Tabelli 3 u 4.

Il-kontijiet taċ-Ċentru għall-2003 ġew adottati fuq il-bażi ta' normi tal-kontijiet imniżżla fir-Regolament Finanzjarju l-ġdid tiegħu (4). Iċ-Ċentru ma pproċessax mill-ġdid id-data tal-kontijiet kollha għas-sena finanzjarja 2002 skond ir-Regoli tal-kontabilità wżati sabiex isir abbozz tal-kontijiet annwali tiegħu għas-sena finanzjarja li għalqet fil-31 ta' Diċembru 2003.

Il-provvedimenti għar-riskji u imposti ammontaw għal 8 601 000 euro sa l-aħħar ta' l-2003, żieda ta' 2 195 000 euro meta tqabbilhom ma' l-2002. Il-biċċa l-kbira minn dan l-ammont (6 071 000 euro) huma s-sommom mitlubin mill-Kummissjoni li jikkorrispondu mas-sehem tagħha tal-kontribuzzjonijiet tal-penzjoni għall-impjegati taċ-Ċentru; l-ammont qed jiġi ddisputat miċ-Ċentru. Il-bqija (2 530 000 euro) kien maħsub għall-ħlas tal-kera dovuta lill-awtoritajiet Lussemburgiżi hekk kif l-ammont definittiv jiġi stabbilit. Iċ-Ċentru jrid jagħmel kull sforz biex isolvi dawn il-problemi (5).

Dan ir-Rapport ġie adottat mill-Qorti ta' l-Awdituri fil-Lussemburgu fil-laqgħat tal-Qorti tad-29 u tat-30 ta' Settembru 2004.

Għall-Qorti ta' l-Awdituri

Juan Manuel FABRA VALLÉS

Il-President

(1) ĠU L 314, tas-7.12.1994, pġ. 1.

(2) ĠU L 248, tas-16.9.2002, pġ. 1.

(3) Kif meħtieġ taħt l-Artikolu 83 (3) tar-Regolament Finanzjarju taċ-Ċentru, il-kontijiet finali għas-sena 2003 kienu mlestija fl-14 ta' Settembru 2004 u mibgħuta lill-Qorti ta' l-Awdituri, li rċeviethom fl-27 ta' Settembru 2004. Verżjoni mqassra tad-dikjarazzjonijiet finanzjarji hija ppreżentata fit-tabelli annessi ma' dan ir-rapport.

(4) Artikolu 78 tar-Regolament Finanzjarju taċ-Ċentru.

(5) Ara r-Rapport dwar is-sena finanzjarja 2001 (paragrafu 7, ĠU Ċ 326, tas-27.12.2002, pġ. 22).

Tabella 1

Ċentru ta' Traduzzjoni għall-Entitajiet ta' l-Unjoni Ewropea (Lussemburgu)

Skop tal-kompetenzi ta' l-UE kif stipulat fit-Trattat

Kompetenzi taċ-Ċentru kif imfissra fir-Regolament tal-Parlament u tal-Kunsill — Regolament tal-Kunsill (KE) Nru 2965/94 tat-28 ta' Novembru 1994

Amministrazzjoni

Riżorsi disponibbli għaċ-Ċentru (data għal 2002)

Prodotti u servizzi provduti fl-2003 (data għall-2002 fil-parentesi)

Ir-Rappreżentanti tal-gvernijiet ta' l-Istati Membri bi ftehim reċiproku adottaw dikjarazzjoni, taħt l-awspiċi tad-dipartimenti ta' traduzzjoni tal-Kummissjoni fil-Lussemburgu, fuq il-ħolqien ta' Ċentru ta' traduzzjoni ta' l-entitajiet ta' l-Unjoni, li jipprovdu servizzi ta' traduzzjoni neċessarji għall-ħidma ta' l-entitajiet u servizzi li s-siġġijiet tagħhom kienu stabbiliti bid-deċiżjoni tad-29 ta' Ottubru 1993

(Deċiżjoni tal-Kunsill meħuda fuq il-bażi ta' l-Artikolu 235 tat-Trattat).

Miri

li jipprovdi s-servizzi neċessarji ta' traduzzjoni għall-ħidma ta' l-entitajiet li ġejjin:

—	L-Aġenzija Ewropea ta' L-Ambjent

—	Il-Fondazzjoni Ewropea għat-Taħriġ;

—	Iċ-Ċentru ta' Monitoraġġ Ewropew għad-drogi u l-abbuż tad-droga;

—	L-Aġenzija Ewropea għall-Evalwazzjoni tal-Prodotti Mediċinali;

—	L-Aġenzija Ewropea għas-Saħħa u s-Sigurtà fix-Xogħol;

—	L-Uffiċċju għall-Armonizzazzjoni tas-Suq Intern (trademarks u disinji);

—	L-Uffiċċju Ewropew tal-Pulizija (Europol) u l-unità tad-drogi ta' l-Europol.

L-entitajiet mwaqqfin mill-Kunsill, apparti minn dawk ta' hawn fuq, jistgħu jużaw is-servizzi taċ-Ċentru. L-istituzzjonijiet u l-entitajiet ta' l-Unjoni Ewropea li ġa għandhom is-Servizz ta' Traduzzjoni tagħhom stess jistgħu, jekk hemm bżonn, isaqsu għas-servizzi taċ-Ċentru fuq bażi volontarja.

Funzjonijiet

—	li jagħmel arranġamenti għall-kooperazzjoni ma' l-entitajiet u l-istituzzjonijiet

—	Jieħu sehem fix-xogħol tal-Kumitat Interistituzzjonali tat-Traduzzjoni

Bord Maniġerjali

Kompożizzjoni

—	rappreżentant wieħed għal kull Stat Membru

—	żewg rappreżentanti mill-Kummissjoni, wieħed minn dawn huwa l-President

—	rappreżentant wieħed minn kull korp jew istituzzjoni li jsaqsi għas-servizzi taċ-Ċentru

Funzjoni

jadotta l-programm ta' xogħol annwali taċ-Ċentru u r-rapport annwali

2	Direttur Nominat mill-Bord Maniġerjali fuq proposta mill-Kummissjoni

3	Kontroll estern Il-Qorti Ewropea ta’ l-Awdituri

4	Awtorità ta' approvazzjoni Il-Parlament fuq rakkommandazzjoni mill-Kunsill

Baġit finali

29 miljun euro (24 miljun euro)

Numru ta' impjegati sal-31 ta' Diċembru 2003:

158 (158) postijiet imniżżla fil-pjan ta' stabbiliment

Postijiet ġa meħuda 132 (136)

+15 (5) postijiet oħra

Staff totali 147 (141)

Assenjati:

—	dmirijiet operazzjonali: 95 (91)

—	dmirijiet amministrativi: 48 (46)

—	dmirijiet mħallta: 4 (4)

Numru ta' paġni tradotti

238 399 (227 783)

Numru ta' paġni tradotti għal kull lingwa

—	lingwi uffiċjali 221 127 (224 190)

—	lingwi oħrajn 17 272 (3 593)

Numru ta' paġni tradotti għal tip ta' klijent

—	entitajiet 215 992 (218 532)

—	istituzzjonijiet 22 407 (9 521)

Numru ta' kuntratti ta' traduzzjoni freelance: 245 (215)

Numru ta' paġni tradotti freelance:94 355 (86 826)

Fonti: Informazzjoni mogħtija miċ-Ċentru.

Tabella 2

Iċ-Ċentru ta' Traduzzjoni għall-Entitajiet ta' l-Unjoni Ewropea — l-implimetazzjoni tal-baġit għas-sena finanzjarja 2003

(miljun euro)
Dħul			Nefqa
Sors tad-dħul	Dħul reġistrat fil-baġit finali għas-sena finanzjarja	Dħul miġbur	Allokazzjoni ta' nefqa	Approprjazzjonijiet fil-baġit finali					Approprjazzjonijiet trasferiti mis-sena finanzjarja ta' qabel			Approprjazzjonijiet disponibbli (baġit 2003 u s-sena finanzjarja 2002)
Sors tad-dħul	Dħul reġistrat fil-baġit finali għas-sena finanzjarja	Dħul miġbur	Allokazzjoni ta' nefqa	reġistrati	impenjati	mħallsa	trasferiti	kanċellati	impenji pendenti	mħallsa	kanċellati	approprjazzjonijiet	impenjati	mħallsa	trasferiti	kanċellati
Dħul mħallas mill-entitajiet u l-istituzzjonijiet	20,6	19,8	Titolu I Staff	12,5	10,3	10,2	0,1	2,2	0,1	0,1	0,0	12,6	10,4	10,3	0,1	2,2
Dħul finanzjarju	0,1	0,4	Titolu II Amministrazzjoni	3,2	1,9	1,3	0,6	1,3	0,7	0,6	0,1	3,9	2,6	1,9	0,6	1,4
Dħul ieħor	0,0	0,1	Titolu III Nefqa ta' xogħol	7,0	3,9	3,4	0,5	3,1	0,4	0,4	0,0	7,4	4,3	3,8	0,5	3,1
Bilanċ għas-sena finanzjarja ta' qabel	8,3	0,0	Titolu X Riservi u provvisti	6,3	0,0	0,0	0,0	6,3	0,0	0,0	0,0	6,3	0,0	0,0	0,0	6,3
Total	29,0	20,3	Total	29,0	16,1	14,9	1,2	12,9	1,2	1,1	0,1	30,2	17,3	16,0	1,2	13,0
Sors: Informazzjoni miġbura miċ-Ċentru — Din it-tabella tiġbor fil-qasir l-informazzjoni mogħtija miċ-Ċentru fil-kontijiet annwali tiegħu.

Tabella 3

Iċ-Ċentru ta' Traduzzjoni għall-Entitajiet ta' l-Unjoni Ewropea — Kont ta' Dħul u Nefqa għas-snin finanzjarji 2003 u 2002

(1000 euro)
	2003	2002
Dħul operattiv
Ħruġ ta' fatturi għas-sena finanzjarja	22 075	18 113
Dħul ieħor	223	291
Total (a)	22 298	18 404
Nefqa operattiva
Infiq kurrenti	18 255	18 446
Total (b)	18 255	18 446
Riżultat operattiv (c = a – b)	4 043	–42
Dħul finanzjarju
Imgħax tal-bank	387	495
Gwadann mir-rati tal-kambju	1	2
Total (d)	388	497
Ħlasijiet finanzjarji
Spejjeż bankarji	10	0
Total (e)	10	0
Riżultat finanzjarju (f = d – e)	378	497
Riżultat għall-attivitajiet ordinarji (g = c + f)	4 421	455
Dħul eċċezzjonali (h)	19	0
Spejjeż eċċezzjonali (i)	9	0
Riżultat eċċezzjonali (j = h – i)	10	0
Riżultat għas-sena finanzjarja (g + j)	4 431	455
Sors: Informazzjoni miġbura miċ-Ċentru.

Tabella 4

Iċ-Ċentru ta' Traduzzjoni għall-Entitajiet ta' l-Unjoni Ewropea — Karta ta' Bilanċ fil-31 ta' Diċembru 2003 u fil-31 ta' Diċembru 2002 (1)

(1000 euro)
Attiv	2003	2002	Passiv	2003	2002
Assi mhux tanġibbli	760	889	Kapital proprju
			Baġit tal-kwantitajiet maħduma (a)	4 404	8 330
Assi tanġibbli			Riżultat ta' l-aġġustamenti (b)	27
Għamara u vetturi	219	267	Riżultat ekonomiku tal-kwantitajiet maħduma (a + b)	4 431	8 330
Tagħmir tal-kompjuter	398	486	Kwantitajiet maħduma miġjuba 'l quddiem mis-snin finanzjarji ta' qabel (2)	1 642	1 642
Assi fissi taħt kostruzzjoni u avvanzi mħallsa	35	0	Fond permanenti ta' finanzjar minn qabel	8 330
Total parzjali	652	753	Total parzjali	14 403	9 972
Assi kurrenti			Provvediment għar-riskji u l-passiv	8 601	6 406
VAT mħallas u jrid jiġi rkuprat mill-Istati Membri	3	25	Passiv għal żmien qasir
Ammonti li għandhom jagħtu l-istituzzjonijiet u l-entitajiet Komunitarji	2 676	3 360	Ammonti li għandhom jingħatu lill-istituzzjonijiet u l-entitajiet Komunitarji	0	3 360
Kontijiet riċevibbli varji	10	26	Approprjazzjonijiet ta' pagamenti miġjuba 'l quddiem	784	1 247
Total parzjali	2 689	3 411	Kredituri varji	162	15
Assi disponibbli	20 354	16 126	Passiv varju	5	15
			Avvanzi lill-klijenti	500	164
			Total parzjali	1 451	4 801
Total	24 455	21 179	Total	24 455	21 179
Sors: Informazzjoni miġbura miċ-Ċentru — Din it-tabella tiġbor fil-qasir l-informazzjoni mogħtija miċ-Ċentru fil-kontijiet annwali tiegħu.

(1) L-użu tal-mudell propost mill-Kummissjoni rriżulta fl-allokazzjoni mill-ġdid ta' bilanċi taħt it-titoli li hemm bħalissa.

(2) Dan l-ammont jikkorrispondi ma' l-assi fissi wara d-deprezzament fil-31 ta' Diċembru 2002 (ara t-tabella 3 tar-rapport dwar is-sena finanzjarja 2002, ĠU Ċ 319, tat-30.12.2003, pġ. 29).

Sors: Informazzjoni miġbura miċ-Ċentru — Din it-tabella tiġbor fil-qasir l-informazzjoni mogħtija miċ-Ċentru fil-kontijiet annwali tiegħu.

RISPOSTI TAĊ-ĊENTRU

Fil-prinċipju, meta jkun hemm xi bidliet fil-metodi wżati, il-kontijiet għas-snin finanzjarji ta' qabel għandhom jiġu mfassla billi jintuża l-metodu l-ġdid. Madanakollu, ma kienx possibbli għaċ-Ċentru li jagħmlu valutazzjoni oġġettiva ta' l-effett li kien se jkollha l-bidla fuq is-snin ta' qabel. L-analiżi ta’ l-impatt tal-bidla fuq l-accounting għas-sena finanzjarja 2003 jinsabu fl-annessi mal-kontijiet taċ-Ċentru.

Fl-Lulju ta’ l-2004, iċ-Ċentru ffirma memorandum ta' ftehim ma' l-awtoritajiet Lussemburgiżi bħala soluzzjoni għall-problema ta' l-ispejjeż involuti fl-użu tal-bini Nouvel Hémicycle. Fir-rigward tal-kontribuzzjonijiet għall-pensjonijiet ta' l-impjegati taċ-Ċentru, se jsiru sforzi mill-ġdid sabiex tinsab soluzzjoni.

Top

All

Choose the experimental features you want to try