52004TA1230(04)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 52004TA1230(04) - EN

Help

Search tips

Need more search options? Use the Advanced search

Document 52004TA1230(04)

Rapport fuq il-kontijiet annwali ta' l-Aġenzija ta' l-Ambjent Ewropew għas-sena finanzjarja 2003 flimkien mar-risposti ta' l-Aġenzija

ĠU C 324, 30.12.2004, p. 23–29 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

Date of document:: 30/09/2004

Author:: Il-Qorti Ewropea tal-Awdituri
Form:: Rapport

Treaty:

Trattat li jistabbilixxi l-Komunità Ewropea

Legal basis:

12002E248

Link

Select all documents mentioning this document

Instruments cited:

Link

EUROVOC descriptor:

Subject matter:

Estimi

Directory code:

01.60.20.00 Kwistjonijiet ġenerali, finanzjarji u istituzzjonali / Disposizzjonijiet finanzjarji u baġitarji / Baġit

HTML

PDF

Official Journal

30.12.2004

Il-Ġurnal Uffiċjali ta’ l-Unjoni Ewropea

C NaN/23

RAPPORT

fuq il-kontijiet annwali ta' l-Aġenzija ta' l-Ambjent Ewropew għas-sena finanzjarja 2003 flimkien mar-risposti ta' l-Aġenzija

WERREJ

1	INTRODUZZJONI

2-5	L-OPINJONI TAL-QORTI

6-8	OSSERVAZZJONIJIET

Tabelli 1 sa 4

Ir-risposti ta' l-Aġenzija

INTRODUZZJONI

L-Aġenzija ta' l-Ambjent Ewropew (minn hawn 'il quddiem imsejħa “l-Aġenzija”) kienet imwaqqfa bir-Regolament tal-Kunsill (KEE) Nru 1210/90 tas-7 ta' Mejju 1990 (1). Hija responsabbli għall-istabbiliment ta' network ta' osservazzjoni li jipprovdi informazzjoni ta' min joqgħod fuqha lill-Kummissjoni, l-Istati Membri u, b'mod iktar ġenerali, lill-pubbliku fuq l-istat ta' l-ambjent. Din l-informazzjoni għandha, b'mod partikolari, tippermetti l-Unjoni Ewropea u l-Istati Membri sabiex jieħdu azzjoni biex jissalvagwardjaw l-ambjent u jevalwaw l-effettività ta' din l-azzjoni. Tabella 1 tiġbor fil-qosor il-kompetenzi u l-attivitajiet ta' l-Aġenzija fuq il-bażi ta' l-informazzjoni li tat.

L-OPINJONI TAL-QORTI

2.	Din l-opinjoni hija indirizzata lill-Parlament Ewropew u lill-Kunsill skond l-Artikolu 185(2) tar-Regolament tal-Kunsill (KE, Euratom) Nru 1605/2002 (2).

Il-Qorti eżaminat il-kontijiet annwali ta' l-Aġenzija għas-sena finanzjarja li għalqet fil-31 ta' Deċembru 2003. Skond l-Artikolu 13 tar-Regolament tal-Kunsill (KEE) Nru 1210/90, il-baġit kien implimentat taħt ir-responsabbiltà tad-Direttur. Din ir-responsabbiltà tinkludi t-tfassil u l-preżentazzjoni tal-kontijiet (3), skond id-dispożizzjonijiet finanzjarji interni adottati fuq il-bażi ta' l-Artikolu 14 tar-Regolament tal-Kunsill (KEE) Nru 1210/90. Il-Qorti ta' l-Awdituri hija meħtieġa teżamina dawn il-kontijiet taħt l-Artikolu 248 tat-Trattat li jistabblixxi l-Komunità Ewropea.

Il-Qorti wettqet il-verfika tagħha skond il-politika u l-istandards tal-verifika tagħha, li huma adattati minn standards internazzjonali tal-verifika ġeneralment aċċettati sabiex jirriflettu n-natura speċifika tal-kuntest tal-Komunità. Il-Qorti applikat testijiet bħal dawn fuq ir-reġistri tal-kontijiet u applikat proċeduri oħra bħal dawn li hija kkunsidrat neċċessarji fiċ-ċirkustanzi.

Għaldaqstant il-Qorti kisbet assigurazzjoni raġonevoli li l-kontijiet annwali għas-sena li għalqet fil-31 ta' Diċembru 2003 huma ta' min joqgħod fuqhom u li t-transazzjonijiet ta' bażi, fit-totalità tagħhom, huma legali u regolari. Il-kontenut ta' l-osservazzjonijiet li ġejjin ma jpoġġix f'diskussjoni l-opinjoni ta' verifika espressa mill-Qorti f'dan ir-Rapport.

OSSERVAZZJONIJIET

L-implimentazzjoni ta' l-approprjazzjonijiet fis-sena finanzjarja 2003 u ta' l-approprjazzjonijet miġjuba 'l quddiem mis-sena finanzjarja ta' qabel hija murija fit- Tabella 2 (4). Il-kont tad-dħul u n-nefqa u l-karta tal-bilanċ għas-sena finanzjarja 2003 huma ppreżentati fil-qosor fit-Tabelli 3 u 4.

Kuntrarju għad-dispożizzjonijiet tar-Regolament finanzjarju ta' l-Aġenzija (5), l-ordnijet ta' l-irkupru mhumiex maħruġa fuq bażi sistematika meta t-talbiet huma stabbiliti. Dan kien il-każ għat-talbiet li ammontaw għal 2 539 000 euro matul is-sena finanzjarja, li 1 472 000 euro minnhom kienu diġà miġbura.

8.	Id-dikjarazzjonijiet ta' seba' kontijiet tal-bank ta' l-Aġenzija ma kienux jaqblu mal-bilanċi korrispondenti fil-kontijiet matul is-sena 2003. Ir-rikonċiljazzjoni għandha issir kull xahar u d-dettalji għandhom ikunu mogħtija lill-persuna responabbli fl-amministrazzjoni.

Dan ir-rapport ġie adottat mill-Qorti ta' l-Awdituri fil-Lussemburgu fil-laqgħat tal-Qorti tad-29 u tat-30 ta' Settembru 2004.

Għall-Qorti ta' l-Awdituri

Juan Manuel FABRA VALLÉS

President

(1) ĠU L 120, tal-11.5.1990.

(2) ĠU L 248, tas-16.9.2002, pġ. 1.

(3) Kif meħtieġ taħt l-Artikolu 13(3) tar-Regolament tal-Kunsill (KEE) Nru 1210/90, il-kontijiet finali tad-dħul u l-infiq kollu ta' l-Aġenzija għas-sena finanzjarja 2003 tlestew fis-6 ta' Awissu 2004 u kienu mibgħuta lill-Qorti ta' l-Awdituri. Il-Qorti rċeviethom fit-22 ta' Settembru 2004. Verżjoni mqassra tad-dikjarazzjonijiet finanzjarji hija ppreżentata fit-tabelli annessi ma' dan ir-rapport.

(4) It-tabelli kollha f'dan ir-rapport ġew imfassla fuq il-bażi tal-valuri l-iktar preċiżi possibbli għal-informazzjoni wżata. It-totali jistgħu ikun fihom differenzi żgħar minħabba xi aġġustamenti għall-iskop tal-preżentazzjoni. Daxx tindika valur li mhux eżistenti jew l-ebda valur u 0,0 jindika valur taħt il-limitu ta' l-aġġustament.

(5) Artikolu 53(2).

Tabella 1

Aġenzija ta' l-Ambjent Ewropew (Copenhagen)

Oqsma tal-kompetenzi tal-Komunità li joħorġu mit-Trattat

Kompetenzi ta' l-Aġenziji kif definiti mir-Regolament tal-Kunsill (KEE) Nru 1210/90 tas-7 ta' Mejju 1990

Tmexxija Tajba

Riżorsi disponibbli għall-Aġenzija (data ta' l-2002)

Prodotti u servizzi provduti fl-2003

Politika dwar l-ambjent

Objettivi

Funzjonijiet

1	Bord Maniġerjali

Baġit Finali

Il-Politika Komunitarja dwar l-ambjent għandu jkollha l-mira ta’ protezzjoni ta' livell għoli li tieħu kont tad-diversità tas-sitwazzjonijiet fid-diversi reġjuni tal-Komunità. Għandha tkun ibbażata fuq il-prinċipju ta’ prekawzjoni u fuq il-prinċipji li azzjoni preventiva għandha tittieħed, li l-ħsara lill-ambjent għandha, bħala prijorità tissewwa f'ras il-għajn u li min iniġġeż għandu jħallas. (…)Fil-preparazzjoni tagħha tal-politika (…) l-Komunità għandha tieħu in konsiderazzjoni dati xjentifiċi u tekniċi eżistenti (…)

(Artikolu 174 tat-Trattat)

Li twaqqaf network Ewropew ta' osservazzjoni ta' l-ambjent biex jipprovdi l-Komunità u l-Istati Membri b'informazzjoni ta minjoqgħod fuqha sabiex huma jkunu jistgħu:

(a)	jieħdu l-azzjoni meħtieġa sabiex jipproteġu l-ambjent;

(b)	jevalwaw l-implimtazzjoni tagħha;

(c)	jiżguraw li l-pubbliku għandu tagħrif tajjeb fuq l-istat ta' l-ambjent.

—	Li tagħti l-Komunità u l-Istati Membri l-informazzjoni meħtieġa

—	Li tirreġistra u tistma l-informazzjoni dwar l-istat ta' l-ambjent u tħejji rapporti dwar il-kwalità

—	Li tiżgura li l-informazzjoni fuq l-ambjent hija kumparabbli fuq livell Ewropew

—	Li tippromwovi l-inkorporazzjoni ta' l-informazzjoni fuq l-ambjent fl-Ewropa fil-programmi ambjentali

—	Li tippubblika rapport kull ħames snin fuq l-istat, il-bidliet u l-prospetti fl-ambjent

—	Li tinkoraġġixxi l-iżvilupp ta' l-applikazzjoni ta' tekniki ta' tbassir ambjentali, kif ukoll metodi ta' stima ta' l-ispejjeż tal-ħsara għall-ambjent, u l-iskambju ta' informazzjoni dwar it-teknoloġija fuq il-prevenzjoni ta' ħsara

Kompożizzjoni

—	rappreżentant minn kull Stat Membru

—	Żewġ rappreżentanti mill-Kummissjoni

—	Żewġ xjentisti maħtura mill-Parlament Ewropew

Funzjonijiet

Li jadotta l-programm tax-xogħol u jiżgura li qed jiġi implimentat

2	Direttur Maħtur mill-Bord Maniġerjali fuq il-proposta tal-Kummissjoni

3	Forum Konsultattiv Magħmul minn rappreżentant wieħed minn kull Stat Membru; id-Direttur Eżekuttiv jagħti parir

4	Kumitat Xjentifiku Magħmul minn persuni kwalifikati fil-qasam ta' l-ambjent li huma maħtura mill-Bord Maniġerjali

5	Verifika Esterna Il-Qorti ta' l-Awdituri

6	Awtorità ta' approvazzjoni Il-Parlament fuq rakkomandazzjoni tal-Kunsill

27,5 miljun euro (25,1 miljun euro), Kontribuzzjoni tal-Komunità: 77 % (76 %)

Numru ta' l-istaff fil-31 ta' Diċembru 2003

Numri ta' postijiet fil-pjan ta' stabbiliment: 111 (106)

Postijiet meħuda: 95 (85)

+16 (26) Staff ieħor (kuntratti awżiljari, esperti nazzjonali ssekondati, staff lokali, staff temporarju)

Staff totali:111 (111)

mogħtija d-dmirijiet li ġejjin:

operazzjonali: 69 (69)

amministrattivi: 41 (41)

mħallta: 1 (1)

—	Xogħol ta' appoġġ u provvediment għall-indikaturi għar- rapport ta' Sinteżi fuq żvilupp sostenibbli

—	Indikaturi dwar l-istat ta' l-ambjent fl-2003

—	Analiżi u stima tal-gassijiet li jsaħħnu l-atmosfera (1990-2020)

—	Finalizzar tar-rapport Kiev (l-istat ta' l-ambjent fil-pajjiżi kandidati ta' l-Ewropa Ċentrali u tal-Lvant)

—	Tlett seminars orgainizzati waqt il-Presidenza Griega fil-Kunsill

—	Provvediment ta' indikaturi ambjentali f'oqsma speċifiċi (is-settur tat-trasport fil-pajjiżi kandidati, ir-reġjun ta' Danubju — il-Baħar l-Iswed)

—	Għajnuna fl-armonizzar ta' l-informazzjoni

—	Tmexxija tan-network EIONET-(Network ta’ l-informazzjoni u l-osservazzjoni ta’ l-ambjent Ewropew)

Sors: Informazzjoni mogħtija mill-Aġenzija.

Tabella 2

Aġenzija ta' l-Ambjent Ewropew — Implimetazzjoni tal-baġit għas-sena finanzjarja 2003

(miljun euro)
Dħul			Nefqa
Sors tad-dħul	Dħul reġistrat fil-baġit finali għas-sena finanzjarja	Dħul miġbur	Allokazzjoni ta' nefqa	Approprjazzjonijiet fil-Baġit finali					Approprjazzjonijiet trasferiti mis-sena finanzjarja ta' qabel					Approprjazzjonijiet disponibbli (baġit 2003 u s-sena finanzjarja 2002)
Sors tad-dħul	Dħul reġistrat fil-baġit finali għas-sena finanzjarja	Dħul miġbur	Allokazzjoni ta' nefqa	reġistrati	impenjati	imħallsa	trasferiti	kanċellati	reġistrati	impenjati	imħallsa	trasferiti	kanċellati	disponibbli	impenjati	imħallsa	trasferiti	kanċellati
Sussidji tal-Kommunità	21,4	21,4	Titolu I Staff	11,5	11,5	11,1	0,3	0,1	1,4	1,4	0,8	0,3	0,3	13,0	13,0	11,9	0,7	0,4
Sussidji oħra	6,1	8,4	Titolu II Amministrazzjoni	2,9	2,8	2,4	0,4	0,0	0,3	0,2	0,2	0,0	0,1	3,1	3,1	2,6	0,4	0,1
Dħul ieħor	0,0	0,1	Titolu III Nefqa ta' xogħol	13,1	13,0	6,0	7,0	0,1	5,9	5,6	4,9	0,8	0,3	19,0	18,6	10,9	7,8	0,4
Total	27,5	29,9	Total	27,5	27,4	19,6	7,7	0,2	7,6	7,3	5,8	1,1	0,6	35,1	34,6	25,4	8,9	0,9
NB: It-totali jistgħu jkun fihom differenzi minħabba l-effett ta' aġġustamenti. Sors: Informazzjoni mogħtija mill-Aġenzija. Dawn it-tabelli jiġbru fil-qosor l-informazzjoni fid-dikjarazzjonijiet finanzjarji tagħha.

Tabella 3

Aġenzija ta' l-Ambjent Ewropew — Kontijiet tad-dħul u nefqa għas-snin finanzjarji 2003 u 2002

(1000 euro)
	2003	2002
Dħul
Sussidji Komunitarji	21 380	18 749
Sussidji oħrajn	8 423	1 136
Dħul ieħor	89	198
Dħul totali (a)	29 891	20 083
Nefqa
Staff — Titolu I tal-baġit
Pagamenti	11 123	9 714
Approprjazzjonijiet miġjuba ' l quddiem	315	1 018
Amministrazzjoni — Titolu II tal-baġit
Pagamenti	2 447	2 054
Approprjazzjonijiet miġjuba ' l quddiem	395	247
Nefqa tax-xogħol — Titolu III tal-baġit
Pagamenti	5 997	6 493
Approprjazzjonijiet miġjuba ' l quddiem	7 008	5 611
Nefqa totali (b)	27 284	25 136
Kwantitajiet maħdumin għas-sena finanzjarja (a – b)	2 607	–5 053
Bilanċ miġjub il-quddiem mis-sena finanzjarja ta' qabel	–7 427	–3 275
Approprjazzjonijiet miġjuba ' l quddiem u kanċellati	617	889
Sommom għall-użu mill-ġdid mis-sena finanzjarja ta' qabel li ma kienux ġew użati	36	8
Differenzi fir-rata ta' kambju	–4	4
Aġġustamenti	–18	0
Bilanċ għas-sena finanzjarja	–4 190	–7 427
NB: It-totali jistgħu jkun fihom differenzi minħabba aġġustamenti. Sors: Informazzjoni mogħtija mill-Aġenzija. Dawn it-tabelli jiġbru fil-qosor l-informazzjoni fid-dikjarazzjonijiet finanzjarji tagħha.

Tabella 4

Aġenzija ta' l-Ambjent Ewropew — Karta ta' bilanċ fil-31 ta' Diċembru 2003 u fil-31 ta' Diċembru 2002

(1000 euro)
Attiv	2003	2002	Passiv	2003	2002
Assi fissi			Kapital proprju
Tagħmir tal-kompjuter	1 366	1 847	Kapital proprju	1 265	1 295
Tagħmir u għamara	2 302	2 254	Bilanċ għas-sena finanzjarja	–4 190	–7 427
Assi finanzjarji fissi	425	405	Total Parzjali	–2 925	–6 133
Deprezzament	–2 860	–3 237	Passiv kurrenti
Total Parzjali	1 232	1 269	Kummissjoni	3 124	5 263
Stokks			Kontributuri oħra	1 066	2 270
Provvisti għall-uffiċċju	33	26	Trasferimenti awtomatiċi	8 852	7 591
Total Parzjali	33	26	Debituri varji pagabbli	0	769
Assi kurrenti			Tnaqqis mis-salarji	417	111
Sussidji komunitarji	3 124	5 263	Total Parzjali	13 460	16 003
Sussidji oħra	1 066	2 270	Kontijiet temporanji u dħul differit
Ordnjiet ta' rkupru	65	226	Sommom għall-użu mill-ġdid	212	175
Kontijiet varji riċevibbli	127	153	Ordinijiet ta' rkupru	65	226
VAT li ser ikun rkuprat	232	266	Total Parzjali	277	400
Total Parzjali	4 614	8 178
Kontijiet tal-flus kontanti
Kontijiet tal-bank	4 892	740
Kontiijiet tal-flus akkont	40	40
Total Parzjali	4 932	780
Kontijitet temporanji u akkumulazzjoni
Kontijiet temporanji	0	18
Total Parzjali	0	18
Total	10 811	10 271	Total	10 811	10 271
NB: It-totali jistgħu jkun fihom differenzi minħabba aġġustamenti. Sors: Informazzjoni mogħtija mill-Aġenzija. Dawn it-tabelli jiġbru fil-qosor l-informazzjoni fid-dikjarazzjonijiet finanzjarji tagħha.

RISPOSTI TA’ L-AĠENZIJA

7. u 8.

L-Aġenzija Ewropea għall-Ambjent tirrikonoxxi l-bżonn li tiġi rinforzata l-ġestjoni ta’ l-irkupri u l-ħtieġa għal tqabbil regolari tal-kontijiet

Sabiex tpatti għall-limitazzjonijiet tar-riżorsi u biex jiżdiedu l-kapaċitajiet, ġie deċiż li jiġi rreklutat akkawntant fuq livell ta’ amministratur skond il-pjan tat-twaqqif 2004.

Fi żmien qasir, se tiġi stabbilita forza ta’ ħidma ta’ l-EEA dwar l-kontabilità sabiex tassigura operazzjonijiet korretti u regolari matul is-sena, biex timplementa accrual accounting u biex tipprepara l-għeluq tal-kontijiet skond il-livelli u l-ħtiġijiet neċessarji.

Top

All

Choose the experimental features you want to try