Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32024R1720

    Regolament ta’ Implimentazzjoni tal-Kummissjoni (UE) 2024/1720 tal-20 ta’ Ġunju 2024 li jemenda r-Regolament (UE) 2020/1148 fir-rigward tal-kompilazzjoni tal-indiċijiet armonizzati tal-prezzijiet għall-konsumatur

    C/2024/4153

    ĠU L, 2024/1720, 21.6.2024, ELI: http://data.europa.eu/eli/reg_impl/2024/1720/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2024/1720/oj

    Date of document:
    20/06/2024; Data ta' adozzjoni
    Date of effect:
    11/07/2024; Dħul fis-seħħ Data tal-pubblikazzjoni +20 Ara Art. 2
    Date of end of validity:
    No end date
    Author:
    Il-Kummissjoni Ewropea, Eurostat
    Responsible body:
    ESTAT
    Form:
    Regolament implimentattiv
    Additional information:
    Rilevanza għaż-ŻEE
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32020R1148 Żieda artikolu 2 punt 34 11/07/2024
    Modifies 32020R1148 Żieda artikolu 2 punt 35 11/07/2024
    Modifies 32020R1148 Żieda kapitolu 2 artikolu 22 11/07/2024
    European flag

    Il-Ġurnal Uffiċjali
    ta'l-Unjoni Ewropea

    MT

    Is-serje L

    2024/1720

    21.6.2024

    REGOLAMENT TA’ IMPLIMENTAZZJONI TAL-KUMMISSJONI (UE) 2024/1720

    tal-20 ta’ Ġunju 2024

    li jemenda r-Regolament (UE) 2020/1148 fir-rigward tal-kompilazzjoni tal-indiċijiet armonizzati tal-prezzijiet għall-konsumatur

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) 2016/792 tal-Parlament Ewropew u tal-Kunsill tal-11 ta’ Mejju 2016 dwar l-indiċijiet armonizzati tal-prezzijiet għall-konsumatur u l-indiċi armonizzat tal-prezzijiet tad-djar, u li jħassar ir-Regolament tal-Kunsill (KE) Nru 2494/95 (1), u b’mod partikolari l-Artikolu 4(4) tiegħu,

    Billi:

    (1)

    Ir-Regolament (UE) 2016/792 jistabbilixxi qafas komuni għall-produzzjoni tal-indiċi armonizzat tal-prezzijiet għall-konsumatur (HICP), tal-indiċi armonizzat tal-prezzijiet għall-konsumatur b’rati tat-taxxa kostanti (HICP-CT), tal-indiċi tal-prezzijiet tal-abitazzjonijiet okkupati mis-sidien, u tal-indiċi tal-prezzijiet tad-djar.

    (2)

    It-tibdil sinifikanti fil-metodi tal-produzzjoni tal-HICP u tal-HICP-CT jista’ jirriżulta f’bidla permanenti u sinifikanti, ’il fuq jew ’l isfel, fil-livell tal-indiċi. Dan imbagħad jirriżulta f’rati ta’ bidla annwali distorti għal sena wara li ssir il-bidla. Sabiex jiġu żgurati rati ta’ bidla imparzjali, jista’ jkun meħtieġ li jiġi aġġustat il-livell tal-indiċi. Aġġustament bħal dan jenħtieġ li jiġi derivat mill-prezzijiet osservati.

    (3)

    Sabiex jiġi żgurat li l-indiċijiet armonizzati jkunu komparabbli, huma meħtieġa kundizzjonijiet uniformi għall-użu tal-aġġustamenti fil-kompilazzjoni tal-HICP u tal-HICP-CT fil-każ ta’ bidliet sinifikanti fil-metodi tal-produzzjoni.

    (4)

    Il-miżuri stabbiliti f’dan ir-Regolament huma konformi mal-opinjoni tal-Kumitat tas-Sistema tal-Istatistika Ewropea,

    ADOTTAT DAN IR-REGOLAMENT:

    Artikolu 1

    Ir-Regolament ta’ Implimentazzjoni (UE) 2020/1148 huwa emendat kif ġej:

    (1)

    fl-Artikolu 2, jiżdiedu l-punti (34) u (35) li ġejjin:

    “(34)

    ‘Fattur ta’ ċaqliq fil-livell’ tfisser fattur iddeterminat mill-proporzjon bejn il-bidliet fil-prezzijiet miksuba bl-użu ta’ metodi tal-produzzjoni attwali u ġodda, fejn il-bidla fil-prezz titkejjel minn sena kalendarja għall-perjodu ta’ referenza tal-prezz, rispettivament:

    Formula

    L-indiċi katina f’Diċembru tas-sena

    Formula
    , bil-metodu tal-produzzjoni attwali, huwa indikat minn
    Formula
    . Il-medja annwali ta’ dan l-indiċi fi kwalunkwe sena kalendarja y qabel is-sena attwali t hija indikata minn ChI y . Bl-istess mod, l-indiċijiet katina, bil-metodu tal-produzzjoni l-ġdid, huma indikati minn ChI New . L-indiċijiet ChI u ChI New jista’ jkollhom perjodi ta’ referenza tal-indiċi differenti.

    (35)

    		 ‘Aġġustament għal ċaqliq fil-livell’ tfisser il-multiplikazzjoni tal-indiċi bil-metodu tal-produzzjoni l-ġdid fl-HICP u fl-HICP-CT, b’Diċembru tas-sena

    Formula

    bħala l-perjodu ta’ referenza tal-prezz, b’fattur rispettiv ta’ ċaqliq tal-livell, li jibda mill-ewwel xahar meta jiġi introdott il-metodu tal-produzzjoni l-ġdid sa tmiem is-sena kalendarja.”

    (2)

    Fil-Kapitolu 2, jiddaħħal l-Artikolu 22 li ġej:

    “Artikolu 22

    Applikazzjoni tal-aġġustamenti għal ċaqliq fil-livell

    1.   L-Istati Membri jistgħu japplikaw aġġustament għal ċaqliq fil-livell jekk biss l-introduzzjoni ta’ bidla sinifikanti fil-metodu tal-produzzjoni, kif definita fl-Artikolu 2(21) tar-Regolament (UE) 2016/792, tirriżulta f’bidla permanenti u sinifikanti, ’il fuq jew ’l isfel, fil-livell tal-indiċi marbut katina.

    2.   L-aġġustament għal ċaqliq fil-livell għandu jiġi applikat fl-aktar livell dettaljat li fih jistgħu jintrabtu l-indiċijiet ikkalkulati bil-metodi tal-produzzjoni attwali u l-ġodda.

    3.   L-Istati Membri għandhom jinfurmaw lill-Kummissjoni (Eurostat) dwar is-subindiċijiet li għalihom jiġu applikati l-aġġustamenti għal ċaqliq fil-livell u dwar il-valur tal-aġġustamenti fil-mument tal-ewwel trażmissjoni tad-data li għaliha jsiru l-aġġustamenti.”

    Artikolu 2

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-20 ta’ Ġunju 2024.

    Għall-Kummissjoni

    Il-President

    Ursula VON DER LEYEN

    (1)   ĠU L 135, 24.5.2016, p. 11, ELI: https://eur-lex.europa.eu/eli/reg/2016/792/oj.

    ELI: http://data.europa.eu/eli/reg_impl/2024/1720/oj

    ISSN 1977-074X (electronic edition)

    Top