This document is an excerpt from the EUR-Lex website
Document 32024R1239
Commission Delegated Regulation (EU) 2024/1239 of 22 February 2024 amending Regulation (EU) 2018/196 of the European Parliament and of the Council on additional customs duties on imports of certain products originating in the United States of America
Regolament Delegat tal-Kummissjoni (UE) 2024/1239 tat-22 ta’ Frar 2024 li jemenda r-Regolament (UE) 2018/196 tal-Parlament Ewropew u tal-Kunsill dwar dazji doganali addizzjonali fuq importazzjonijiet ta’ ċerti prodotti li joriġinaw mill-Istati Uniti tal-Amerka
Regolament Delegat tal-Kummissjoni (UE) 2024/1239 tat-22 ta’ Frar 2024 li jemenda r-Regolament (UE) 2018/196 tal-Parlament Ewropew u tal-Kunsill dwar dazji doganali addizzjonali fuq importazzjonijiet ta’ ċerti prodotti li joriġinaw mill-Istati Uniti tal-Amerka
C/2024/1056
ĠU L, 2024/1239, 29.4.2024, ELI: http://data.europa.eu/eli/reg_del/2024/1239/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32018R0196 | Sostituzzjoni | artikolu 2 | 01/05/2024 |
Il-Ġurnal Uffiċjali |
MT Is-serje L |
2024/1239 |
29.4.2024 |
REGOLAMENT DELEGAT TAL-KUMMISSJONI (UE) 2024/1239
tat-22 ta’ Frar 2024
li jemenda r-Regolament (UE) 2018/196 tal-Parlament Ewropew u tal-Kunsill dwar dazji doganali addizzjonali fuq importazzjonijiet ta’ ċerti prodotti li joriġinaw mill-Istati Uniti tal-Amerka
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/196 tal-Parlament Ewropew u tal-Kunsill tas-7 ta’ Frar 2018 dwar dazji doganali addizzjonali fuq importazzjonijiet ta’ ċerti prodotti li joriġinaw mill-Istati Uniti tal-Amerka (1), u b’mod partikolari l-Artikolu 3(3) tiegħu,
Billi:
(1) |
B’riżultat tan-nuqqas tal-Istati Uniti li jġibu l-Att dwar il-Kumpens għall-Persistenza tad-Dumping u għaż-Żamma tas-Sussidji (“CDSOA”, Continued Dumping and Subsidy Offset Act) f’konformità mal-obbligi tagħhom skont il-ftehimiet tal-Organizzazzjoni Dinjija tal-Kummerċ (“WTO”, World Trade Organization), skont ir-Regolament (UE) 2018/196, ġie impost dazju doganali addizzjonali ad valorem ta’ 4,3 % fuq importazzjonijiet ta’ ċerti prodotti li joriġinaw mill-Istati Uniti tal-Amerka. F’konformità mal-awtorizzazzjoni tad-WTO biex tiġi sospiża l-applikazzjoni ta’ konċessjonijiet għall-Istati Uniti, il-Kummissjoni se taġġusta ta’ kull sena l-livell ta’ sospensjoni għal-livell ta’ tixjin jew ħsara kkawżat mis-CDSOA fuq l-Unjoni f’dak iż-żmien. Fl-2023, il-livell ta’ sospensjoni ġie aġġustat għal 0,164 % tad-dazju doganali addizzjonali ad valorem u r-Regolament (UE) 2018/196 ġie emendat skont dan (2). |
(2) |
L-iżborżi mis-CDSOA għall-aktar sena reċenti li għaliha teżisti data disponibbli jirrigwardaw id-distribuzzjoni ta’ dazji anti-dumping u kumpensatorji miġbura matul is-Sena Fiskali 2023 (1 ta’ Ottubru 2022 - 30 ta’ Settembru 2023). Abbażi tad-data ppubblikata mill-United States’ Customs and Border Protection, il-livell ta’ tixjin jew ħsara kkawżat lill-Unjoni huwa kkalkulat li jammonta għal USD 34,98. |
(3) |
Il-livell ta’ tixjin jew ħsara u konsegwentement ta’ sospensjoni naqas b’mod sinifikanti u huwa negliġibbli. Ir-rata li tirriżulta ta’ dazju tal-importazzjoni addizzjonali ta’ 0,00002 % ma jkollha l-ebda effett kummerċjali u tirriżulta fi spiża amministrattiva sproporzjonata għall-Unjoni. Ir-rata tad-dazju tal-importazzjoni addizzjonali jenħtieġ għalhekk li tiġi stabbilita għal 0 %. |
(4) |
Sabiex ikun żgurat li ma jkunx hemm dewmien fl-applikazzjoni tar-rata emendata tad-dazju tal-importazzjoni addizzjonali, jenħtieġ li dan ir-Regolament jidħol fis-seħħ fil-jum tal-pubblikazzjoni tiegħu. |
(5) |
Għalhekk, jenħtieġ li r-Regolament (UE) 2018/196 jiġi emendat skont dan, |
ADOTTAT DAN IR-REGOLAMENT:
Artikolu 1
L-Artikolu 2 tar-Regolament (UE) 2018/196 huwa sostitwit b’dan li ġej, li jifformattja l-asterisk u t-test marbut miegħu fil-forma ta’ nota f’qiegħ il-paġna:
“Artikolu 2
Dazju ad valorem ta’ 0 % addizzjonali għad-dazju doganali applikabbli skont ir-Regolament (UE) Nru 952/2013 tal-Parlament Ewropew u tal-Kunsill (*1) għandu jiġi impost fuq il-prodotti li joriġinaw mill-Istati Uniti elenkati fl-Anness I ta’ dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Mejju 2024.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta’ Frar 2024.
Għall-Kummissjoni
Il-President
Ursula VON DER LEYEN
(2) Ir-Regolament Delegat tal-Kummissjoni (UE) 2023/858 tal-23 ta’ Frar 2023 li jemenda r-Regolament (UE) 2018/196 tal-Parlament Ewropew u tal-Kunsill dwar dazji doganali addizzjonali fuq importazzjonijiet ta’ ċerti prodotti li joriġinaw mill-Istati Uniti tal-Amerka (ĠU L 111, 26.4.2023, p. 15).
ELI: http://data.europa.eu/eli/reg_del/2024/1239/oj
ISSN 1977-074X (electronic edition)