This document is an excerpt from the EUR-Lex website
Document 32024R1130
Commission Implementing Regulation (EU) 2024/1130 of 19 April 2024 amending Implementing Regulation (EU) No 577/2013 on the model identification documents for the non-commercial movement of dogs, cats and ferrets, the establishment of lists of territories and third countries and the format, layout and language requirements of the declarations attesting compliance with certain conditions provided for in Regulation (EU) No 576/2013 of the European Parliament and of the Council
Regolament ta’ Implimentazzjoni tal-Kummissjoni (UE) 2024/1130 tad-19 ta’ April 2024 li jemenda r-Regolament ta’ Implimentazzjoni (UE) Nru 577/2013 dwar il-mudell tad-dokumenti ta’ identifikazzjoni għall-moviment mhux kummerċjali ta’ klieb, qtates u inmsa, l-istabbiliment ta’ listi ta’ territorji u pajjiżi terzi u l-format, it-tqassim u r-rekwiżiti lingwistiċi tad-dikjarazzjonijiet li jiċċertifikaw il-konformità ma’ ċerti kundizzjonijiet stipulati fir-Regolament (UE) Nru 576/2013 tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) 2024/1130 tad-19 ta’ April 2024 li jemenda r-Regolament ta’ Implimentazzjoni (UE) Nru 577/2013 dwar il-mudell tad-dokumenti ta’ identifikazzjoni għall-moviment mhux kummerċjali ta’ klieb, qtates u inmsa, l-istabbiliment ta’ listi ta’ territorji u pajjiżi terzi u l-format, it-tqassim u r-rekwiżiti lingwistiċi tad-dikjarazzjonijiet li jiċċertifikaw il-konformità ma’ ċerti kundizzjonijiet stipulati fir-Regolament (UE) Nru 576/2013 tal-Parlament Ewropew u tal-Kunsill
C/2024/2051
ĠU L, 2024/1130, 26.4.2024, ELI: http://data.europa.eu/eli/reg_impl/2024/1130/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32013R0577 | Sostituzzjoni | anness II parti 2 | 16/09/2024 |
![]() |
Il-Ġurnal Uffiċjali |
MT Is-serje L |
2024/1130 |
26.4.2024 |
REGOLAMENT TA’ IMPLIMENTAZZJONI TAL-KUMMISSJONI (UE) 2024/1130
tad-19 ta’ April 2024
li jemenda r-Regolament ta’ Implimentazzjoni (UE) Nru 577/2013 dwar il-mudell tad-dokumenti ta’ identifikazzjoni għall-moviment mhux kummerċjali ta’ klieb, qtates u inmsa, l-istabbiliment ta’ listi ta’ territorji u pajjiżi terzi u l-format, it-tqassim u r-rekwiżiti lingwistiċi tad-dikjarazzjonijiet li jiċċertifikaw il-konformità ma’ ċerti kundizzjonijiet stipulati fir-Regolament (UE) Nru 576/2013 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 576/2013 tal-Parlament Ewropew u tal-Kunsill tat-12 ta’ Ġunju 2013 dwar il-movimenti mhux kummerċjali tal-annimali domestiċi u li jħassar ir-Regolament (KE) Nru 998/2003 (1), u b’mod partikolari l-Artikolu 13(2) tiegħu,
Billi:
(1) |
Ir-Regolament (UE) Nru 576/2013 jistabbilixxi r-rekwiżiti tas-saħħa tal-annimali applikabbli għall-moviment mhux kummerċjali tal-annimali domestiċi fi Stat Membru minn Stat Membru ieħor u mill-pajjiżi terzi u l-verifiki applikabbli għal tali moviment. |
(2) |
L-Artikolu 10(1) tar-Regolament (UE) Nru 576/2013 jipprevedi l-kundizzjonijiet li bihom l-annimali domestiċi tal-ispeċijiet elenkati fil-Parti A tal-Anness I ta’ dak ir-Regolament, jiġifieri l-klieb, il-qtates u l-inmsa domestiċi, jistgħu jiġu mċaqilqa għal skopijiet mhux kummerċjali fi Stat Membru minn territorju jew pajjiż terz. F’konformità mal-Artikolu 10(1), il-punt (c), tali annimali domestiċi jrid ikun sarilhom test tat-titrazzjoni tal-antikorpi tar-rabja li jikkonforma mar-rekwiżiti tal-validità stabbiliti fl-Anness IV ta’ dak ir-Regolament. |
(3) |
B’deroga mill-Artikolu 10(1), il-punt (c), l-Artikolu 12(1) tar-Regolament (UE) Nru 576/2013 jipprevedi li t-test tat-titrazzjoni tal-antikorpi mhuwiex meħtieġ għall-klieb, għall-qtates u għall-inmsa li jkunu qed jiġu mċaqilqa fi Stat Membru minn territorju jew pajjiż terz elenkat, fost l-oħrajn, skont l-Artikolu 13(2) ta’ dak ir-Regolament. |
(4) |
Biex jiġi elenkat skont l-Artikolu 13(2) tar-Regolament (UE) Nru 576/2013, territorju jew pajjiż terz jenħtieġ li jissottometti applikazzjoni li fiha juri li għall-klieb, għall-qtates u għall-inmsa domestiċi, jissodisfa mill-inqas il-kriterji speċifiċi skont il-punti (a) sa (e) tal-Artikolu 13(2), sabiex jiġi żgurat livell suffiċjenti ta’ sikurezza fir-rigward tar-riskji għas-saħħa pubblika u tal-annimali relatati mat-tali moviment mhux kummerċjali ta’ annimali domestiċi. |
(5) |
Il-Part 2 tal-Anness II tar-Regolament ta’ Implimentazzjoni tal-Kummissjoni (UE) Nru 577/2013 (2) tistabbilixxi l-lista ta’ territorji u pajjiżi terz li jibbenefikaw mid-deroga prevista fl-Artikolu 13(2) tar-Regolament (UE) Nru 576/2013. |
(6) |
Il-verifiki mwettqa f’dawn l-aħħar snin fil-punti tad-dħul fl-Unjoni mill-awtoritajiet nazzjonali f’konformità mal-Artikolu 34 tar-Regolament (UE) Nru 576/2013 urew nuqqasijiet ta’ konformità ripetittivi rigward il-miżuri preventivi tas-saħħa kontra r-rabja fir-rigward tal-klieb, tal-qtates u tal-inmsa domestiċi li jkunu qed jiġu mċaqilqa mill-Belarussja u mir-Russja. Dawk in-nuqqasijiet ta’ konformità jinkludu n-nuqqas ta’ tilqim kontra l-marda tar-rabja u amministrazzjoni mhux xierqa tiegħu kif ukoll tilqim kontra l-marda tar-rabja ddokumentat b’mod falz, li l-validità tiegħu madankollu ġiet iċċertifikata b’mod mhux preċiż fiċ-ċertifikati tal-annimali li jakkumpanjawh. |
(7) |
Bħala parti mill-kriterji li għandhom jiġu ssodisfati minn kwalunkwe pajjiż terz fl-applikazzjoni tiegħu għad-dħul fil-lista prevista fl-Artikolu 13(2) tar-Regolament (UE) Nru 576/2013, il-punt (d) ta’ dak l-Artikolu jirrikjedi li r-regoli dwar il-prevenzjoni u l-kontroll tar-rabja jkunu fis-seħħ u jkunu implimentati b’mod effettiv biex jiġi mminimizzat ir-riskju ta’ infezzjoni tal-annimali domestiċi, inklużi dawk dwar it-tilqim tal-annimali domestiċi kontra r-rabja. |
(8) |
Barra minn hekk, is-servizzi ta’ kontroll uffiċjali jridu jiżguraw li l-klieb, il-qtates u l-inmsa domestiċi jiġu mċaqilqa b’ċertifikati tas-saħħa tal-annimali mimlija kif xieraq u maħruġa f’konformità mal-Artikolu 26 tar-Regolament (UE) Nru 576/2013. Dan jimplika l-verifika u ċ-ċertifikazzjoni li t-tali annimali domestiċi jkunu rċevew tilqima kontra r-rabja li tikkonforma bis-sħiħ mad-dispożizzjonijiet tal-Anness III tar-Regolament (UE) Nru 576/2013. |
(9) |
Il-Belarussja u r-Russja pprovdew garanziji għal dan l-għan mal-applikazzjoni tagħhom għad-dħul fil-lista. Madankollu, in-nuqqasijiet ta’ konformità ripetittivi identifikati mill-awtoritajiet nazzjonali fil-punti tad-dħul fl-Unjoni rigward il-klieb, il-qtates u l-inmsa domestiċi li qed jiġu mċaqilqa mill-Belarussja u mir-Russja jirriflettu nuqqasijiet serji fl-infurzar tal-liġi fil-livell nazzjonali tagħhom. Dawn in-nuqqasijiet iqajmu dubji sinifikanti dwar l-applikazzjoni kontinwa u l-implimentazzjoni effettiva tar-regoli dwar il-preċiżjoni u l-kontroll tar-rabja garantiti mill-awtoritajiet kompetenti ta’ dawn il-pajjiżi terzi, u wkoll dwar l-akkuratezza taċ-ċertifikazzjoni uffiċjali fil-livell tagħhom. |
(10) |
Meta titqies il-prevalenza sinifikanti ta’ nuqqas tal-konformità madwar l-istatus tat-tilqim kontra r-rabja tal-annimali domestiċi u l-akkuratezza taċ-ċertifikazzjoni tiegħu, l-eżenzjoni għall-klieb, għall-qtates u għall-inmsa domestiċi li joriġinaw mill-Belarussja u mir-Russja biex isirilhom test tat-titrazzjoni tal-antikorpi tar-rabja qabel ma jidħlu fit-territorju tal-Unjoni tqajjem tħassib konsiderevoli dwar ir-riskju li tiġi introdotta r-rabja fl-Unjoni, permezz tal-moviment mhux kummerċjali ta’ tali annimali domestiċi. |
(11) |
Barra minn hekk, is-sitwazzjoni epidemjoloġika mhux favorevoli fil-Belarussja u fir-Russja fejn ir-rabja għadha preżenti u tiġi identifikata regolarment fil-klieb u fil-qtates kif muri mill-informazzjoni miġbura fil-livell internazzjonali mill-Organizzazzjoni Dinjija għas-Saħħa tal-Annimali, tikkontribwixxi biex ikompli jiżdied ir-riskju li tiġi introdotta r-rabja fl-Unjoni. |
(12) |
Sabiex tiġi indirizzata s-sitwazzjoni u jittaffa r-riskju li tiġi introdotta r-rabja permezz tal-moviment mhux kummerċjali tal-klieb, tal-qtates u tal-inmsa li jiġu mċaqilqa mill-Belarussja u mir-Russja, jixraq li jiġi introdott mill-ġdid ir-rekwiżit li t-tali annimali domestiċi jsirilhom test tat-titrazzjoni tal-antikorpi tar-rabja qabel ma jidħlu fit-territorju tal-Unjoni. |
(13) |
Għalhekk jeħtieġ li tiġi aġġornata l-lista ta’ territorji u pajjiżi terzi stabbilita fil-Parti 2 tal-Anness II tar-Regolament ta’ Implimentazzjoni (UE) Nru 577/2013 u jitneħħew l-entrati tal-Belarussja u tar-Russja minn dik il-lista. |
(14) |
Sabiex jiġi evitat kwalunkwe tfixkil bla bżonn tal-moviment mhux kummerċjali tal-annimali domestiċi tal-ispeċijiet elenkati fil-Parti A tal-Anness I tar-Regolament (UE) Nru 576/2013 mill-Belarussja u mir-Russja u biex ikun hemm konformità mal-iskeda ta’ żmien prevista fl-Anness IV tar-Regolament (UE) Nru 576/2013 biex test tat-titrazzjoni tal-antikorpi tar-rabja jiġi rikonoxxut bħala validu, jenħtieġ li dan ir-Regolament japplika mis-16 ta’ Settembru 2024. |
(15) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-Parti 2 tal-Anness II tar-Regolament ta’ Implimentazzjoni (UE) Nru 577/2013 hija sostitwita bit-test stabbilit fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-16 ta’ Settembru 2024.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ April 2024.
Għall-Kummissjoni
Il-President
Ursula VON DER LEYEN
(1) ĠU L 178, 28.6.2013, p. 1, ELI: http://data.europa.eu/eli/reg/2013/576/oj.
(2) Ir-Regolament ta’ Implimentazzjoni tal-Kummissjoni (UE) Nru 577/2013 tat-28 ta’ Ġunju 2013 dwar il-mudell tad-dokumenti ta’ identifikazzjoni għall-moviment mhux kummerċjali ta’ klieb, qtates u inmsa, l-istabbiliment ta’ listi ta’ territorji u pajjiżi terzi u l-format, it-tqassim u r-rekwiżiti lingwistiċi tad-dikjarazzjonijiet li jiċċertifikaw il-konformità ma’ ċerti kundizzjonijiet stipulati fir-Regolament (UE) Nru 576/2013 tal-Parlament Ewropew u tal-Kunsill (ĠU L 178, 28.6.2013, p. 109, ELI: http://data.europa.eu/eli/reg_impl/2013/577/oj).
ANNESS
“PARTI 2
Lista tat-territorji u tal-pajjiżi terzi msemmija fl-Artikolu 13(2) tar-Regolament (UE) Nru 576/2013
Kodiċi ISO |
Territorju jew pajjiż terz |
Territorji inklużi |
AC |
Il-Gżira ta’ Ascension |
|
AE |
L-Emirati Għarab Magħquda |
|
AG |
Antigua u Barbuda |
|
AR |
L-Arġentina |
|
AU |
L-Awstralja |
|
AW |
Aruba |
|
BA |
Il-Bożnija-Ħerzegovina |
|
BB |
Barbados |
|
BH |
Il-Bahrain |
|
BM |
Bermuda |
|
BQ |
Bonaire, Sint Eustatius u Saba (il-Gżejjer BES) |
|
CA |
Il-Kanada |
|
CL |
Iċ-Ċilì |
|
CW |
Curaçao |
|
FJ |
Fiġi |
|
FK |
Il-Gżejjer Falkland |
|
GB |
Ir-Renju Unit (*1) |
|
GG |
Guernsey |
|
HK |
Hong Kong |
|
IM |
Isle of Man |
|
JM |
Il-Ġamajka |
|
JP |
Il-Ġappun |
|
JE |
Jersey |
|
KN |
Saint Kitts u Nevis |
|
KY |
Il-Gżejjer Cayman |
|
LC |
Saint Lucia |
|
MS |
Montserrat |
|
MK |
Il-Maċedonja ta’ Fuq |
|
MU |
Mauritius |
|
MX |
Il-Messiku |
|
MY |
Il-Malażja |
|
NC |
New Caledonia |
|
NZ |
New Zealand |
|
PF |
Il-Polineżja Franċiża |
|
PM |
Saint Pierre u Miquelon |
|
SG |
Singapore |
|
SH |
Saint Helena |
|
SX |
Sint Maarten |
|
TT |
Trinidad u Tobago |
|
TW |
It-Tajwan |
|
US |
L-Istati Uniti tal-Amerka |
AS — is-Samoa Amerikana GU — Guam MP — il-Gżejjer Mariana tat-Tramuntana PR — Puerto Rico VI — il-Gżejjer Verġni tal-Istati Uniti |
VC |
Saint Vincent u l-Grenadini |
|
VG |
Il-Gżejjer Verġni Brittaniċi |
|
VU |
Vanuatu |
|
WF |
Wallis u Futuna |
|
(*1) * F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Qafas ta’ Windsor (Ara d-Dikjarazzjoni Konġunta Nru 1/2023 tal-Unjoni u tar-Renju Unit fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, (ĠU L 102, 17.4.2023, p. 87)) flimkien mal-Anness 2 ta’ dak il-Qafas, għall-fini ta’ dan l-Anness, ir-referenzi għar-Renju Unit ma jinkludux l-Irlanda ta’ Fuq.”
ELI: http://data.europa.eu/eli/reg_impl/2024/1130/oj
ISSN 1977-074X (electronic edition)