This document is an excerpt from the EUR-Lex website
Document 32024R1041
Commission Delegated Regulation (EU) 2024/1041 of 28 November 2023 amending Regulation (EU) 2022/869 of the European Parliament and of the Council as regards the Union list of projects of common interest and projects of mutual interest
Regolament Delegat tal-Kummissjoni (UE) 2024/1041 tat-28 ta’ Novembru 2023 li jemenda r-Regolament (UE) 2022/869 tal-Parlament Ewropew u tal-Kunsill fir-rigward tal-lista tal-Unjoni ta’ proġetti ta’ interess komuni u proġetti ta’ interess reċiproku
Regolament Delegat tal-Kummissjoni (UE) 2024/1041 tat-28 ta’ Novembru 2023 li jemenda r-Regolament (UE) 2022/869 tal-Parlament Ewropew u tal-Kunsill fir-rigward tal-lista tal-Unjoni ta’ proġetti ta’ interess komuni u proġetti ta’ interess reċiproku
C/2023/7930
ĠU L, 2024/1041, 8.4.2024, ELI: http://data.europa.eu/eli/reg_del/2024/1041/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32022R0869 | Żieda | anness VII | 28/04/2024 |
Il-Ġurnal Uffiċjali |
MT Is-serje L |
2024/1041 |
8.4.2024 |
REGOLAMENT DELEGAT TAL-KUMMISSJONI (UE) 2024/1041
tat-28 ta’ Novembru 2023
li jemenda r-Regolament (UE) 2022/869 tal-Parlament Ewropew u tal-Kunsill fir-rigward tal-lista tal-Unjoni ta’ proġetti ta’ interess komuni u proġetti ta’ interess reċiproku
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2022/869 tal-Parlament Ewropew u tal-Kunsill tat-30 ta’ Mejju 2022 dwar linji gwida għall-infrastruttura tal-enerġija trans-Ewropea, li jemenda r-Regolamenti (KE) Nru 715/2009, (UE) 2019/942 u (UE) 2019/943 u d-Direttivi 2009/73/KE u (UE) 2019/944, u li jħassar ir-Regolament (UE) Nru 347/2013 (1), u b’mod partikolari l-Artikolu 3(4) tiegħu,
Billi:
(1) |
Ir-Regolament (UE) 2022/869 jistabbilixxi qafas għall-identifikazzjoni, l-ippjanar u l-implimentazzjoni ta’ proġetti ta’ interess komuni (“PCIs”) li huma meħtieġa biex jiġu implimentati l-11-il kuritur ta’ prijorità strateġiku tal-infrastruttura tal-enerġija ġeografika identifikati fl-oqsma tal-elettriku, il-grilji offshore, l-idroġenu u l-elettrolizzaturi, u t-tliet oqsma ta’ prijorità tal-infrastruttura tal-enerġija għall-Unjoni kollha għall-grilji tal-elettriku intelliġenti, il-grilji tal-gass intelliġenti u n-networks tat-trasport tad-diossidu tal-karbonju u qafas għall-identifikazzjoni, l-ippjanar u l-implimentazzjoni ta’ proġetti ta’ interess reċiproku (PMIs) żviluppati mill-Unjoni flimkien ma’ pajjiżi terzi fl-oqsma tal-elettriku, tal-idroġenu u tan-networks tat-trasport tad-diossidu tal-karbonju. |
(2) |
F’konformità mal-Artikolu 3(4) tar-Regolament (UE) 2022/869, jenħtieġ li l-Kummissjoni tadotta l-att delegat li jistabbilixxi l-ewwel lista tal-Unjoni skont ir-Regolament (UE) 2022/869 sat-30 ta’ Novembru 2023. |
(3) |
Il-proġetti eliġibbli proposti għall-inklużjoni fil-lista tal-Unjoni kollha ġew ivvalutati skont il-kriterju ta’ sostenibbiltà obbligatorju għall-kategoriji kollha tal-proġetti f’konformità mar-Regolament (UE) 2022/869. Il-proġetti proposti li wrew kontribuzzjonijiet sinifikanti għas-sostenibbiltà biss ġew ivvalutati mill-gruppi reġjonali msemmija fl-Artikolu 3 tar-Regolament (UE) 2022/869 li kkonfermaw li jissodisfaw il-kriterji stabbiliti fl-Artikolu 4 ta’ dak ir-Regolament. |
(4) |
Il-Kummissjoni vvalutat il-proġetti kandidati fid-dawl tar-rekwiżiti tal-Artikolu 3(5). |
(5) |
L-abbozzi tal-listi reġjonali tal-PCIs/PMIs ġew miftiehma mill-gruppi reġjonali f’laqgħat tekniċi. |
(6) |
Wara l-opinjonijiet tal-Aġenzija għall-Kooperazzjoni tar-Regolaturi tal-Enerġija (“ACER”) fil-21 ta’ Settembru 2023 rigward l-applikazzjoni konsistenti tal-kriterji ta’ valutazzjoni u l-analiżi tal-kost-benefiċċji fir-reġjuni kollha, il-korpi responsabbli għat-teħid tad-deċiżjonijiet tal-gruppi reġjonali adottaw il-listi reġjonali fil-25 ta’ Ottubru 2023. Skont l-Artikolu 3(3), il-punt (a) tar-Regolament (UE) 2022/869, qabel l-adozzjoni tal-listi reġjonali, il-proġetti kollha proposti ġew approvati minn dawk l-Istati Membri li l-proġetti jolqtu t-territorju tagħhom. |
(7) |
Il-proġetti proposti għall-inklużjoni fil-lista tal-Unjoni kienu soġġetti għal konsultazzjoni pubblika. Barra minn hekk, l-organizzazzjonijiet li jirrappreżentaw il-partijiet ikkonċernati rilevanti, inklużi r-rappreżentanti ta’ pajjiżi terzi, il-produtturi, l-operaturi tas-sistemi ta’ distribuzzjoni, il-fornituri, il-popolazzjonijiet lokali u l-organizzazzjonijiet għall-protezzjoni tal-konsumatur u tal-ambjent ġew mistiedna għad-diskussjonijiet tekniċi fil-gruppi reġjonali u ġew ikkonsultati dwar il-proġetti proposti għall-inklużjoni fil-lista tal-Unjoni. |
(8) |
Il-PCIs jenħtieġ li jiġu elenkati skont il-prijoritajiet tal-infrastruttura tal-enerġija trans-Ewropea strateġika fl-ordni stabbilita fl-Anness I tar-Regolament (UE) 2022/869. Il-PMIs, li ma humiex meħtieġa jimplimentaw il-kurituri u l-oqsma ta’ prijorità tal-infrastruttura tal-enerġija stabbiliti fl-Anness I tar-Regolament TEN-E, jenħtieġ li jiġu elenkati separatament skont il-kategorija tal-infrastruttura li jappartjenu għaliha u r-reġjun fejn jinsabu. |
(9) |
Jenħtieġ li l-PCIs/PMIs jiġu elenkati jew bħala PCIs/PMIs waħedhom jew inkella bħala parti minn raggruppament ta’ diversi PCIs u PMIs minħabba li huma interdipendenti jew (potenzjalment) f’kompetizzjoni ma’ xulxin. |
(10) |
F’konformità mad-deroga prevista mill-Artikolu 24 tar-Regolament (UE) 2022/869 fil-każ ta’ Ċipru u Malta fir-rigward ta’ interkonnessjoni waħda għal kull wieħed minn dawk l-Istati Membri, il-Kummissjoni rċeviet id-dokumentazzjoni meħtieġa f’konformità mal-Artikolu 24, il-paragrafi (1) u (2). Il-proġetti rispettivi ġew ippreżentati matul il-laqgħat tekniċi tal-grupp reġjonali u ġiet ippubblikata d-dokumentazzjoni rilevanti, bis-sigrieti kummerċjali esklużi. Interkonnessjoni waħda għal Malta u interkonnessjoni waħda għal Ċipru, meħtieġa għall-interkonnessjoni ta’ dawk l-Istati Membri man-network tal-gass trans-Ewropew, jenħtieġ għalhekk li jżommu l-istatus tagħhom ta’ proġetti ta’ interess komuni. |
(11) |
Il-lista tal-Unjoni tinkludi proġetti fi stadji differenti tal-iżvilupp tagħhom, li jinkludu l-prefattibbiltà, il-fattibilità, l-għoti tal-permessi u l-kostruzzjoni. Għall-PCIs/PMIs fi stadju ta’ żvilupp bikri, jistgħu jkunu meħtieġa studji biex juru l-vijabbiltà teknika u ekonomika kif ukoll il-konformità mal-leġiżlazzjoni tal-Unjoni, inkluża l-leġiżlazzjoni ambjentali. F’dan il-kuntest, jenħtieġ li jiġu identifikati, ivvalutati u evitati u mtaffija b’mod adegwat, l-impatti negattivi potenzjali fuq l-ambjent. Barra minn hekk, jenħtieġ li jiġu identifikati u kkunsidrati l-miżuri rilevanti ta’ adattament għat-tibdil fil-klima fir-rigward tal-iżvilupp tal-proġetti. |
(12) |
L-inklużjoni ta’ proġetti fil-lista tal-Unjoni hija mingħajr preġudizzju għall-eżitu tal-valutazzjoni ambjentali rilevanti u għall-proċedura tal-permessi. |
(13) |
L-ewwel lista tal-Unjoni ta’ PCIs u PMIs jenħtieġ li tiġi adottata kif xieraq, |
ADOTTAT DAN IR-REGOLAMENT:
Artikolu 1
L-ewwel lista tal-Unjoni ta’ proġetti ta’ interess komuni u proġetti ta’ interess reċiproku f’konformità mal-Anness ta’ dan ir-Regolament hija adottata.
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea u għandu jibqa’ fis-seħħ sad-dħul fis-seħħ tar-regolament delegat li jippromulga t-tieni lista tal-Unjoni ta’ proġetti ta’ interess komuni u proġetti ta’ interess reċiproku.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Novembru 2023.
Għall-Kummissjoni
Il-President
Ursula VON DER LEYEN
ANNESS
L-Anness VII tar-Regolament (UE) 2022/869 li jissostitwixxi l-Anness VII tar-Regolament (UE) Nru 347/2013 tal-Parlament Ewropew u tal-Kunsill (1).
“ANNESS VII
IL-LISTA TAL-UNJONI TA’ PROĠETTI TA’ INTERESS KOMUNI U PROĠETTI TA’ INTERESS REĊIPROKU (“LISTA TAL-UNJONI”),
imsemmija fl-Artikolu 3(4)
A. Prinċipji applikati fit-tfassil tal-lista tal-Unjoni
(1) Raggruppamenti ta’ PCIs u PMIs
Ċerti PCIs jagħmlu parti minn raggruppament minħabba n-natura interdipendenti tagħhom, u minħabba li jikkompetu, jew potenzjalment jikkompetu, ma’ xulxin. Huma stabbiliti t-tipi li ġejjin ta’ raggruppamenti ta’ PCIs/PMI:
— |
raggruppament ta’ PCIs/PMIs interdipendenti huwa ddefinit bħala “Raggruppament X, inkluż il-PCIs/PMIs li ġejjin:”. Dan it-tip ta’ raggruppament ġie fformat biex jidentifika l-PCIs/PMIs li huma kollha meħtieġa biex jiġu indirizzati l-istess ostakli transfruntieri, u biex jinħolqu sinerġiji jekk il-proġetti jiġu implimentati flimkien. F’dan il-każ, il-PCIs/PMIs kollha għandhom jiġu implimentati biex jinkisbu l-benefiċċji mal-UE kollha; |
— |
raggruppament ta’ PCIs/PMIs li potenzjalment jikkompetu huwa ddefinit bħala “Raggruppament X, inkluż PCI wieħed jew aktar minn dawn li ġejjin:”. Dan it-tip ta’ raggruppament jirrifletti inċertezza dwar il-kobor tal-ostakli transfruntieri. F’dan il-każ, mhux il-PCIs/PMIs kollha inklużi fir-raggruppament iridu jiġu implimentati. Huwa f’idejn is-suq li jiddetermina jekk PCI wieħed, diversi PCIs/PMIs jew il-PCIs/PMIs kollha għandhomx jiġu implimentati, soġġetti għall-approvazzjonijiet regolatorji, tal-permessi u tal-ippjanar meħtieġa. Il-ħtieġa għall-PCIs/PMIs għandha tiġi vvalutata mill-ġdid fil-proċess sussegwenti tal-identifikazzjoni tal-PCIs/PMIs, inkluż f’dak li jikkonċerna l-kapaċità tal-ħtiġijiet; u |
— |
raggruppament ta’ PCIs/PMIs li jikkompetu huwa ddefinit bħala “Raggruppament X, inkluż wieħed mill-PCIs/PMIs li ġejjin:”. Dan it-tip ta’ raggruppament jindirizza l-istess ostakli. Madankollu, il-kobor tal-ostakli huwa aktar ċert milli fil-każ ta’ raggruppament ta’ PCIs/PMIs li potenzjalment jikkompetu ma’ xulxin, u għalhekk ġie ddeterminat li għandu jiġi implimentat PCI/PMI wieħed biss. Huwa f’idejn is-suq li jiddetermina liema PCI/PMI għandu jiġi implimentat, soġġett għall-approvazzjonijiet regolatorji, tal-permessi u tal-ippjanar meħtieġa. Fejn meħtieġ, il-bżonn ta’ PCIs/PMIs għandu jiġi vvalutat mill-ġdid fi proċess sussegwenti ta’ identifikazzjoni ta’ PCIs/PMIs; |
— |
kuritur ġeneriku jirrifletti ċerti ħtiġijiet sinifikanti ta’ infrastruttura li ġew identifikati li ma setgħux jiġu indirizzati b’mod adegwat mill-proġetti sottomessi. |
Il-PCIs/PMIs kollha huma soġġetti għad-drittijiet u obbligi stabbiliti skont ir-Regolament (UE) 2022/869.
(2) Trattament tas-substazzjonijiet u l-istazzjonijiet tal-kompressuri
Is-substazzjonijiet u l-istazzjonijiet tal-elettriku back-to-back u l-istazzjonijiet tal-kompressuri jitqiesu bħala partijiet ta’ PCIs/PMIs jekk ikunu jinsabu ġeografikament fuq il-linji tat-trażmissjoni jew ħdejn il-pipelines, skont il-każ. Is-substazzjonijiet, l-istazzjonijiet back-to-back u l-istazzjonijiet tal-kompressuri jitqiesu bħala PCIs awtonomi u huma espliċitament elenkati fil-lista tal-Unjoni jekk il-pożizzjoni ġeografika tagħhom tkun differenti mil-linji tat-trażmissjoni jew mill-pipelines, skont il-każ. Dawn huma soġġetti għad-drittijiet u għall-obbligi stabbiliti fir-Regolament (UE) 2022/869.
(3) Partijiet mhux eliġibbli tal-PCIs/PMIs
Xi PCIs/PMIs jinkludu investiment mhux eliġibbli jew aktar minn wieħed fil-kompożizzjoni tagħhom. Dawn l-investimenti, elenkati hawn taħt, ma għandhomx jitqiesu bħala parti mil-lista tal-Unjoni.
— |
It-Taqsima Guitiriz – Zamora (parti mill-PCI 9.1.3) |
— |
It-Taqsima Saint Martin de Crau – Cruzy (parti mill-PCI 9.1.5) |
— |
It-Taqsima Freiburg – Offenbach (parti mill-PCI 9.2.1) |
— |
It-Taqsima taż-żona ta’ Limburg u l-konnessjoni tagħha mal-network ċentrali (backbone) tat-Tramuntana-Nofsinhar fil-Lvant tan-NL (parti mill-PCI 9.6) |
— |
Bastiment (parti mill-PCI 9.13.1) |
— |
It-Taqsima Poggio Renatico – Gries Pass (parti mill-PCI 10.1.1) |
— |
It-Taqsima Karperi – Komotimi (parti mill-PCI 10.3.1) |
— |
It-Taqsima Kiruna – Lulea (parti mill-PCI 11.1) |
— |
Erba’ sezzjonijiet interni tal-pipeline Finlandiż Kyröskoski; Loviisa, minn Kotka u Porvoo minn Tolkinnen (ir-referenzi ġeografiċi huma approssimattivi u mogħtija biss bħala indikazzjonijiet) (parti mill-PCI 11.2) |
— |
Pipeline fil-LT li jgħaqqad ma’ Klaipeda (parti mill-PCI 11.2) |
— |
It-Taqsima Magdeburg – Potsdam (ir-referenzi ġeografiċi huma approssimattivi u mogħtija biss bħala indikazzjonijiet) (parti mill-PCI 11.2) |
— |
Ġestjoni tal-fluss tax-xogħol mingħajr karti, voicebot u chatbot, awtomatizzazzjoni tal-ġestjoni tal-forza tax-xogħol, irkantijiet konġunti SK-UA u assi għall-għar tat-turiżmu (parti mill-PCI 12.3) |
(4) Proġetti li biddlu n-numru tal-PCI tagħhom meta mqabbel mal-lista preċedenti tal-Unjoni
Il-proġetti li huma parti mil-lista preċedenti tal-Unjoni skont ir-Regolament (UE) Nru 347/2013 imħassar ibiddlu n-numru tal-PCI tagħhom minħabba l-għoti ta’ ordni ġdida jew minħabba kurituri ta’ prijorità miżjuda ġodda fir-Regolament (UE) 2022/869. Dan huwa relatat ma’ xi proġetti li huma parti mill-kategoriji li ġejjin: l-elettriku, il-grilji tal-elettriku intelliġenti u n-networks tas-CO2. F’dan il-każ, jissemma n-numru tal-PCI preċedenti, għal finijiet ta’ informazzjoni biss, taħt l-isem tal-proġett.
B. Lista tal-Unjoni ta’ proġetti ta’ interess komuni u ta’ proġetti ta’ interess reċiproku
(1) Interkonnessjonijiet tal-elettriku Tramuntana-Nofsinhar fil-Punent tal-Ewropa (NSI West Electricity)
Proġetti ta’ interess komuni żviluppati fir-reġjun:
Nru |
Definizzjoni |
||||||
1.1 |
L-interkonnessjoni Portugall – Spanja bejn Beariz – Fontefría (ES), Fontefria (ES) – Ponte de Lima (PT) u Ponte de Lima – Vila Nova de Famalicão (PT), inklużi substazzjonijiet f’Beariz (ES), Fontefría (ES) u Ponte de Lima (PT) (Nru 2.17 fil-ħames lista ta’ PCIs) |
||||||
1.2 |
L-interkonnessjoni bejn Gatica (ES) u Cubnezais (FR) [fil-preżent magħrufa bħala “Biscay Gulf”] (Nru 2.7 fil-ħames lista ta’ PCIs) |
||||||
1.3 |
L-interkonnessjoni bejn La Martyre (FR) u l-Great Island jew Knockraha (IE) [fil-preżent magħrufa bħala l-“Iterkonnettur Ċeltiku”] (Nru 1.6 fil-ħames lista ta’ PCIs) |
||||||
1.4 |
Ir-raggruppament ta’ linji interni fil-Ġermanja, inklużi l-PCIs li ġejjin:
|
||||||
1.5 |
Linja interna fil-Ġermanja bejn Brunsbüttel/Wilster u Großgartach/Grafenrheinfeld biex tiżdied il-kapaċità fil-fruntieri tat-Tramuntana u tan-Nofsinhar [fil-preżent magħrufa bħala “Suedlink”] (Nru 2.10 fil-ħames lista ta’ PCIs) |
||||||
1.6 |
Linja interna bejn Osterath u Philippsburg (DE) biex tiżdied il-kapaċità fil-fruntieri tal-Punent [fil-preżent magħrufa bħala “Ultranet”] (Nru 2.9 fil-ħames lista ta’ PCIs) |
||||||
1.7 |
|
||||||
1.8 |
L-interkonnessjoni bejn Lonny (FR) u Gramme (BE) (Nru 2.32 fil-ħames lista ta’ PCIs) |
||||||
1.9 |
Il-linji interni fil-fruntiera tat-Tramuntana tal-Belġju bejn Zandvliet u Lillo-Liefkenshoek (BE), u bejn Liefkenshoek u Mercator, inkluż substazzjoni f’Lillo (BE) [fil-preżent magħrufin bħala “BRABO II + III”] (Nru 2.23 fil-ħames lista ta’ PCIs) |
||||||
1.10 |
L-interkonnessjoni bejn l-Italja kontinentali — Korsika (FR) u Sardinja (IT) [fil-preżent magħrufa bħala “SACOI 3”] (Nru 2.4 fil-ħames lista ta’ PCIs) |
||||||
1.11 |
Il-Proġett ta’ Estensjoni tal-Ħżin ta’ Kaunertal (AT) (Nru 2.18 fil-ħames lista ta’ PCIs) |
||||||
1.12 |
Il-Ħżin tal-Enerġija Idroelettrika Ppumpjata u bil-Purifikazzjoni tal-ilma NAVALEO (ES) (Nru 2.28.2 fil-ħames lista ta’ PCIs) |
||||||
1.13 |
Il-Ħżin tal-Enerġija Idroelettrika Ppumpjata ta’ Silvermines (IE) (Nru 2.29 fil-ħames lista ta’ PCIs) |
||||||
1.14 |
Il-Ħżin tal-Enerġija Idroelettrika Ppumpjata RIEDL (DE) (Nru 2.30 fil-ħames lista ta’ PCIs) |
||||||
1.15 |
Il-Ħżin tal-Enerġija Idrawlika Riversibbli Ppumpjata LOS GUAJARES (ES) |
||||||
1.16 |
Il-Ħżin tal-Enerġija bl-Arja Kkompressata tal-Idroġenu taċ-Ċentru tal-Idroġenu Ekoloġiku tad-Danimarka (DK) (Nru 1.21 fil-ħames lista ta’ PCIs) |
||||||
1.17 |
Il-Ħżin tal-Enerġija Idroelettrika Ppumpjata WSK PULS (DE) |
||||||
1.18 |
Il-Ħżin tal-Enerġija Idrawlika Riversibbli Ppumpjata AGUYO II (ES) |
Proġetti ta’ interess reċiproku żviluppati fir-reġjun:
Nru |
Definizzjoni |
1.19 |
L-interkonnessjoni bejn in-nodu ta’ Sqallija (IT) u t-Tuneżija (TN) [fil-preżent magħrufa bħala “ELMED”] (Nru 2.33 fil-ħames lista ta’ PCIs) |
1.20 |
L-interkonnessjoni bejn iż-żona ta’ Zeebrugge (BE) u Kemsley, Kent (UK) [fil-preżent magħrufa bħala “Cronos”] |
1.21 |
L-interkonnessjoni bejn iż-żoni ta’ Emden (DE) u Corringham, Essex (UK) [fil-preżent magħrufa bħala “Tarchon”] |
(2) L-interkonnessjonijiet tal-elettriku Tramuntana-Nofsinhar fil-Lvant Ċentrali u x-Xlokk tal-Ewropa (NSI East Electricity)
Proġetti ta’ interess komuni żviluppati fir-reġjun:
Nru |
Definizzjoni |
||||||||||
2.1 |
Ir-raggruppament tal-Awstrija – Ġermanja, inklużi l-PCIs li ġejjin:
|
||||||||||
2.2 |
Linja interna fil-Ġermanja bejn Wolmirstedt u Isar [fil-preżent magħrufa bħala “SuedOstLink”] (Nru.3.12 fil-ħames lista ta’ PCIs) |
||||||||||
2.3 |
Ir-raggruppament ta’ linji interni fiċ-Ċekja, inkluż dan li ġej:
|
||||||||||
2.4 |
L-interkonnettur bejn Würmlach (AT) — Somplago (IT) (Nru 3.4 fir-raba’ lista ta’ PCIs) |
||||||||||
2.5 |
Ir-raggruppament Ungerija – Rumanija inklużi l-PCIs li ġejjin:
|
||||||||||
2.6 |
Ir-raggruppament ta’ Iżrael – Ċipru – Greċja fil-preżent magħruf bħala “EuroAsia Interconnector”, inkluż il-PCIs li ġejjin:
|
||||||||||
2.7 |
L-interkonnettur bejn Otrokovice (CZ) — Ladce (SK) |
||||||||||
2.8 |
L-interkonnettur bejn Lienz (AT) — ir-reġjun tal-Veneto (IT) (Nru 3.2.1 fit-tieni lista ta’ PCIs) |
||||||||||
2.9 |
Il-ħżin tal-enerġija idrawlika ppumpjata bl-ilma f’Amfilochia (EL) (Nru 3.24 fil-ħames lista ta’ PCIs) |
||||||||||
2.10 |
Is-Sistema ta’ Hżin tal-Enerġija tal-Batteriji ta’ Ptolemaida (EL) |
||||||||||
2.11 |
Modernizzazzjoni tal-Hżin tal-Enerġija Idroelettrika Ppumpjata f’Čierny Vesh (SK) [fil-preżent magħrufa bħala “SE Integrator”] |
Proġetti ta’ interess reċiproku żviluppati fir-reġjun:
Nru |
Definizzjoni |
2.12 |
L-interkonnettur bejn Subotica (RS) u Sándorfalva (HU) |
2.13 |
L-interkonnessjoni bejn Wadi El Natroon (EG) u Mesogeia/St Stefanos (EL) [fil-preżent magħrufa bħala “GREGY Interconnector”] |
(3) Il-Pjan ta’ Interkonnessjoni tas-Suq Baltiku tal-Enerġija fl-elettriku (BEMIP Electricity)
Proġetti ta’ interess komuni żviluppati fir-reġjun:
Nru |
Definizzjoni |
||||||||||||||||||||||||||||||
3.1 |
Il-linja interna bejn Stanisławów u Ostrołęka (PL) (Nru 4.5.2 fil-ħames lista ta’ PCIs) |
||||||||||||||||||||||||||||||
3.2 |
Il-ħżin tal-enerġija idrawlika ppumpjata bl-ilma fl-Estonja (Nru 4.6 fil-ħames lista ta’ PCIs) |
||||||||||||||||||||||||||||||
3.3 |
L-integrazzjoni u s-sinkronizzazzjoni tas-sistema tal-elettriku tal-Istati Baltiċi man-networks Ewropej, inkluż il-PCIs li ġejjin:
|
||||||||||||||||||||||||||||||
3.4 |
It-tielet interkonnessjoni bejn il-Finlandja u l-Iżvezja [fil-preżent magħrufa bħala “Aurora line”], inklużi l-PCIs li ġejjin:
|
||||||||||||||||||||||||||||||
3.5 |
Ir-raba’ interkonnessjoni bejn il-Finlandja u l-Iżvezja [fil-preżent magħrufa bħala “Aurora line 2”] |
||||||||||||||||||||||||||||||
3.6 |
Interkonnessjoni bejn il-Finlandja u l-Estonja [fil-preżent magħrufa bħala “Estlink 3”] |
(4) Il-grilji offshore fil-Baħar tat-Tramuntana (NSOG)
Proġetti ta’ interess komuni żviluppati fir-reġjun:
Nru |
Definizzjoni |
4.1 |
Ċentru wieħed jew aktar fil-Baħar tat-Tramuntana b’interkonnetturi ma’ pajjiżi ġirien tal-Baħar tat-Tramuntana (id-Danimarka, in-Netherlands u l-Ġermanja) [fil-preżent magħruf bħala “North Sea Wind Power Hub”] (Nru 1.19 fil-ħames lista ta’ PCIs) |
4.2 |
L-interkonnettur ibridu offshore bejn il-Belġju u d-Danimarka [fil-preżent magħruf bħala “Triton Link”] |
4.3 |
Substazzjon u konnessjoni ta’ vultaġġ għoli offshore ma’ Menuel (FR) [fil-preżent magħrufa bħala “Offshore Wind connection Centre Manche 1”] |
4.4 |
Substazzjon u konnessjoni ta’ vultaġġ għoli offshore ma’ Tourbe (FR) [fil-preżent magħrufa bħala “Offshore Wind connection Centre Manche 2”] |
Proġetti ta’ interess reċiproku żviluppati fir-reġjun:
Nru |
Definizzjoni |
4.5 |
Interkonnettur b’diversi użi bejn il-Grilja Modulari Offshore 2 (BE) u Leisten (UK) [fil-preżent magħruf bħala “Nautilus”] (Nru 1.15 fir-raba’ lista ta’ PCIs) |
4.6 |
L-interkonnessjoni HVDC li sservi diversi għanijiet bejn il-Gran Brittanja u n-Netherlands [fil-preżent magħrufa bħala “LionLink”] |
(5) Il-grilji offshore tal-Pjan ta’ Interkonnessjoni tas-Suq Baltiku tal-Enerġija (BEMIP offshore)
Proġetti ta’ interess komuni żviluppati fir-reġjun:
Nru |
Definizzjoni |
5.1 |
L-interkonnettur ibridu offshore fil-Latvja u fl-Estonja [fil-preżent magħruf bħala “Elwind”] |
5.2 |
L-interkonnettur Ibridu Offshore tal-Gżira tal-Enerġija Bornholm (BEI) bejn id-Danimarka u l-Ġermanja |
(6) Grilji offshore fin-Nofsinhar u l-Punent (SW offshore)
Proġetti ta’ interess komuni żviluppati fir-reġjun:
Nru |
Definizzjoni |
6.1 |
Konnessjoni Eolika Offshore Occitanie (FR) |
6.2 |
Konnessjoni Eolika Offshore PACA (FR) |
(7) Grilji offshore fin-Nofsinhar u l-Lvant (SE offshore)
Ma ġie mressaq l-ebda proġett għal dan il-kuritur.
(8) Grilji offshore fl-Atlantiku
Proġetti ta’ interess komuni żviluppati fir-reġjun:
Nru |
Definizzjoni |
8.1 |
Konnessjoni Eolika Offshore tan-Nofsinhar tal-Bretanja (FR) |
8.2 |
Konnessjoni Eeolika Offshore fin-Nofsinhar tal-Atlantiku (FR) |
(9) Interkonnessjonijiet tal-idroġenu fil-Punent tal-Ewropa (HI West)
Proġetti ta’ interess komuni żviluppati fir-reġjun:
Nru |
Definizzjoni |
||||||||||||
9.1 |
Il-Kuritur Portugall – Spanja – Franza – Ġermanja:
|
||||||||||||
9.2 |
Il-widien tal-idroġenu transfruntieri bejn Franza u l-Ġermanja:
|
||||||||||||
9.3 |
L-infrastruttura interna tal-idroġenu fi Franza sal-fruntiera tal-Belġju [fil-preżent magħrufa bħala l-kuritur tal-H2 Franko-Belġjan] |
||||||||||||
9.4 |
L-infrastruttura interna tal-idroġenu fil-Ġermanja [fil-preżent magħrufa bħala H2ercules West] |
||||||||||||
9.5 |
L-infrastruttura interna tal-idroġenu fil-Belġju [fil-preżent magħrufa bħala Belgian Hydrogen Backbone] |
||||||||||||
9.6 |
L-infrastruttura interna tal-idroġenu fin-Netherlands [fil-preżent magħrufa bħala National Hydrogen Backbone] |
||||||||||||
9.7 |
L-interkonnetturi tal-idroġenu National Hydrogen Backbone (NL) – Ġermanja:
|
||||||||||||
9.8 |
Il-pipeline tal-idroġenu offshore tal-Ġermanja [fil-preżent magħruf bħala AquaDuctus] |
||||||||||||
9.9 |
L-interkonnettur tal-idroġenu Danimarka – Ġermanja:
|
||||||||||||
9.10 |
Il-faċilitajiet ta’ akkoljenza tal-ammonijaka fil-Belġju:
|
||||||||||||
9.11 |
Il-faċilitajiet ta’ akkoljenza tal-ammonijaka fil-Ġermanja:
|
||||||||||||
9.12 |
Il-faċilitajiet ta’ akkoljenza fin-Netherlands:
|
||||||||||||
9.13 |
Il-faċilità ta’ akkoljenza tal-ammonijaka Dunkerque (FR) |
||||||||||||
9.14 |
L-elettrolizzatur H2Sines.RDAM (PT) |
||||||||||||
9.15 |
Il-faċilitajiet tal-elettrolizzaturi fi Spanja:
|
||||||||||||
9.16 |
Il-faċilitajiet tal-elettrolizzaturi fi Franza:
|
||||||||||||
9.17 |
Il-faċilitajiet tal-elettrolizzaturi fin-Netherlands:
|
||||||||||||
9.18 |
Il-faċilitajiet tal-elettrolizzaturi fil-Ġermanja:
|
||||||||||||
9.19 |
L-elettrolizzatur Jytske Banke (DK) |
||||||||||||
9.20 |
Il-Ħżin tal-Idroġenu Daniża (DK) |
||||||||||||
9.21 |
Il-Ħżin tal-H2 ta’ Hystock Opslag (NL) |
||||||||||||
9.22 |
Il-Ħżin tal-idroġenu fil-Ġermanja:
|
||||||||||||
9.23 |
Il-ħżin GeoH2 (FR) |
||||||||||||
9.24 |
Il-ħżin tal-idroġenu fi Spanja:
|
Proġetti ta’ interess reċiproku żviluppati fir-reġjun:
Nru |
Definizzjoni |
9.25 |
Il-pipeline tal-idroġenu offshore Norveġja – Ġermanja [fil-preżent magħruf bħala CHE Pipeline] |
(10) L-interkonnessjonijiet tal-idroġenu fil-Lvant Ċentrali u x-Xlokk tal-Ewropa (HI East)
Proġetti ta’ interess komuni żviluppati fir-reġjun:
Nru |
Definizzjoni |
||||||||
10.1 |
Il-kuritur tal-idroġenu Italja – Awstrija – Ġermanja:
|
||||||||
10.2 |
L-interkonnettur tal-idroġenu bejn iċ-Ċekja u l-Ġermanja:
|
||||||||
10.3 |
L-interkonnettur tal-idroġenu bejn il-Greċja u l-Bulgarija:
|
||||||||
10.4 |
Il-kuritur ġeneriku li għandu l-għan li jittrażmetti l-idroġenu mill-Ukrajna lejn is-Slovakkja, iċ-Ċekja, l-Awstrija u l-Ġermanja |
(11) Pjan ta’ Interkonnessjoni tas-Suq Baltiku tal-Enerġija fl-idroġenu (BEMIP Hydrogen)
Proġetti ta’ interess komuni żviluppati fir-reġjun:
Nru |
Definizzjoni |
11.1 |
L-interkonnettur tal-idroġenu bejn l-Iżvezja u l-Finlandja [fil-preżent magħruf bħala r-Rotta Nordika tal-Idroġenu – il-Bajja tal-Botnja] |
11.2 |
L-interkonnettur tal-idroġenu bejn il-Finlandja, l-Estonja, il-Latvja, il-Litwanja, il-Polonja u l-Ġermanja [fil-preżent magħruf bħala l-Kuritur Nordiku-Baltiku tal-Idroġenu] |
11.3 |
L-interkonnettur tal-idroġenu bejn l-Iżvezja, il-Finlandja u l-Ġermanja [fil-preżent magħruf bħala l-Kollettur tal-Idroġenu tal-Baħar Baltiku] |
(12) Il-Qasam Tematiku ta’ Prijorità Implimentazzjoni tal-grilji intelliġenti
Proġetti ta’ interess komuni żviluppati fil-qasam tematiku:
Nru |
Definizzjoni |
12.1 |
ACON — Again COnnected Networks (CZ, SK), biex titrawwem l-integrazzjoni tas-swieq tal-elettriku Ċeki u Slovakki billi tittejjeb l-effiċjenza tan-networks ta’ distribuzzjoni (Nru 10.4 fil-ħames lista ta’ PCIs) |
12.2 |
CARMEN (BG, RO), biex jissaħħu l-kooperazzjoni transfruntiera TSO-TSO u l-kondiviżjoni tad-data, tittejjeb il-kooperazzjoni bejn TSO-DSO, isir investiment fl-espansjoni tal-grilja u tiżdied il-kapaċità għall-integrazzjoni ta’ sorsi rinnovabbli ġodda u jittejbu l-istabbiltà, is-sigurtà u l-flessibbiltà tal-grilja (Nru 10.10 fil-ħames lista ta’ PCIs) |
12.3 |
Danube InGrid (HU, SK), biex jiġu integrati b’mod effiċjenti l-imġiba u l-azzjonijiet tal-utenti kollha tas-suq konnessi man-networks tal-elettriku fl-Ungerija u fis-Slovakkja (Nru 10.7 fil-ħames lista ta’ PCIs) |
12.4 |
Gabreta Smart Grids (CZ, DE), biex tiżdied il-kapaċità tal-hosting tal-grilja, ikunu possibbli l-monitoraġġ u kontroll mill-bogħod tal-grilji tal-MV u jittejbu l-osservabbiltà tal-grilja u l-ippjanar tan-network (Nru 10.11 fil-ħames lista ta’ PCIs) |
12.5 |
GreenSwitch (AT, HR, SI), biex tiżdied il-kapaċità ta’ hosting għal sorsi rinnovabbli distribwiti u l-integrazzjoni effiċjenti ta’ tagħbijiet ġodda, tittejjeb l-osservabbiltà tan-network ta’ distribuzzjoni u tiżdied il-kapaċità transfruntiera (Nru 10.12 fil-ħames lista ta’ PCIs) |
(13) Il-Qasam Tematiku ta’ Prijorità Network transfruntier tad-diossidu tal-karbonju
Proġetti ta’ interess komuni żviluppati fil-qasam tematiku:
Nru |
Definizzjoni |
13.1 |
CO2 TransPorts se jistabbilixxi infrastruttura li tiffaċilita l-ġbir, it-trasport u l-ħżin fuq skala kbira tas-CO2 miż-żoni tal-port ta’ Rotterdam, ta’ Antwerp u tal-Baħar tat-Tramuntana (Nru 12.3 fil-ħames lista ta’ PCIs) |
13.2 |
Aramis – proġett transfruntier tat-trasport u l-ħażna tas-CO2, it-teħid mill-emittenti fiż-żona interna tal-port ta’ Rotterdam, it-trasport tal-pajpijiet lejn il-ħżin fuq il-blata kontinentali Netherlandiża (Nru 12.7 fil-ħames lista ta’ PCIs) |
13.3 |
ECO2CEE – proġett transfruntier ta’ trasport u ħażna tas-CO2 b’aċċess miftuħ b’siti ta’ ħżin previsti fid-Danimarka, fin-Norveġja, fin-Netherlands u fir-Renju Unit (estensjoni ta’ Nru 12.9 fil-ħames lista ta’ PCIs) |
13.4 |
Bifrost – proġett ta’ trasport u ħżin b’ħażna offshore fid-DK minn emittenti mid-Danimarka, mill-Ġermanja u mill-Polonja |
13.5 |
Callisto – l-iżvilupp ta’ ċentri multimodali tas-CO2 fil-Mediterran li jaħżnu l-emissjonijiet tas-CO2 minn Franza u mill-Italja |
13.6 |
Il-Konsorzju Baltiku CCS – it-trasport transfruntier tas-CO2 permezz tal-ferrovija bejn il-Latvja u l-Litwanja b’terminal tal-LCO2 multimodali bbażat f’Klaipeda |
13.7 |
Il-Kuritur Delta Rhine – proġett għat-trasport tas-CO2 permezz ta’ pipelines minn emittenti fiż-żona tar-Ruhr fil-Ġermanja u fiż-żona ta’ Rotterdam fin-Netherlands għall-ħżin offshore lil hinn mill-kosta Netherlandiża |
13.8 |
EU2NSEA – network transfruntier tas-CO2 żviluppat bejn il-Belġju, il-Ġermanja u n-Norveġja biex jiġbor ukoll is-CO2 minn DK, FR, LV, NL, PL u SE, bil-ħżin fuq il-blata kontinentali Norveġiża |
13.9 |
GT CCS Croatia – il-kostruzzjoni ta’ infrastruttura tat-trasport bil-pipelines fil-Kroazja u fl-Ungerija, bi ħżin taħt l-art fl-HR |
13.10 |
Norne – infrastruttura tat-trasport fid-Danimarka bi ħżin onshore u possibbilment offshore, b’emittenti primarjament mid-DK, SE, BE u UK jittrasportaw lejn id-DK permezz tal-bastimenti |
13.11 |
Prinos – ħżin offshore fil-bir ta’ Prinos għall-emissjonijiet mill-EL, permezz ta’ pipeline, u mill-BG, HR, CY, EL, IT u SI permezz tal-bastimenti |
13.12 |
Pycasso – it-trasport u l-ħżin tas-CO2 fis-sit tal-ħażna onshore fil-Lbiċ ta’ FR, emittenti industrijali minn FR u ES |
Proġetti ta’ interess reċiproku żviluppati fil-qasam tematiku:
Nru |
Definizzjoni |
13.13 |
Northern Lights – proġett ta’ konnessjoni transfruntiera tas-CO2 bejn diversi inizjattivi Ewropej għall-qbid (fost l-oħrajn il-Belġju, il-Ġermanja, l-Irlanda, Franza, l-Iżvezja), trasport permezz tal-bastimenti lejn il-ħżin fuq il-blata kontinentali Norveġiża (Nru 12.4 fil-ħames lista ta’ PCIs) |
13.14 |
Nautilus CCS – Emissjonijiet miż-żoni ta’ Le Havre, Dunkirk, Duisburg u Rogaland li għandhom jinqabdu u jiġu ttrasportati permezz tal-bastimenti lejn diversi bjar fil-Baħar tat-Tramuntana (estensjoni tan-Nru 12.8 fil-ħames lista ta’ PCIs) |
(14) Qasam Tematiku ta’ Prijorità ta’ Grilji intelliġenti tal-gass
L-ebda proġett ippreżentat ma nstab eliġibbli għal din il-kategorija.
(15) Proġetti li jżommu l-istatus tagħhom ta’ proġett ta’ interess komuni (deroga tal-Artikolu 24)
Nru |
Definizzjoni |
15.1 |
Il-konnessjoni ta’ Malta man-network Ewropew tal-gass – interkonnessjoni permezz ta’ pipeline mal-Italja f’Gela (Nru 5.19 fil-ħames lista ta’ PCIs) |
15.2 |
Pipeline mir-riżervi tal-gass tal-Lvant tal-Mediterran lejn il-Greċja kontinentali li jgħaddi minn Ċipru u minn Kreta [fil-preżent magħruf bħala “EastMed Pipeline”], bi stazzjon tal-kejl u tar-regolazzjoni f’Megalopoli (Nru 7.3.1. fil-ħames lista ta’ PCIs) |
(1) Ir-Regolament (UE) Nru 347/2013 tal-Parlament Ewropew u tal-Kunsill tas- 17 ta' April 2013 dwar linji gwida għall-infrastruttura tal-enerġija trans-Ewropea u li jħassar id-Deċiżjoni Nru 1364/2006/KE u li jemenda r-Regolamenti (KE) Nru 713/2009, (KE) Nru 714/2009 u (KE) Nru 715/2009 (ĠU L 115, 25.4.2013, p. 39).
ELI: http://data.europa.eu/eli/reg_del/2024/1041/oj
ISSN 1977-074X (electronic edition)