Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32024R0966

    Regolament ta’ Implimentazzjoni tal-Kummissjoni (UE) 2024/966 tal-21 ta’ Marzu 2024 dwar il-klassifikazzjoni ta’ ċerti oġġetti fin-Nomenklatura Magħquda, li jemenda r-Regolament (KE) Nru 1966/94 u li jħassar ir-Regolament (KE) Nru 3176/94

    C/2024/1979

    ĠU L, 2024/966, 27.3.2024, ELI: http://data.europa.eu/eli/reg_impl/2024/966/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2024/966/oj

    Date of document:
    21/03/2024; Data ta' adozzjoni
    Date of effect:
    16/04/2024; Dħul fis-seħħ Data tal-pubblikazzjoni +20 Ara Art. 5
    Date of end of validity:
    No end date
    Author:
    Il-Kummissjoni Ewropea, Id-Direttorat Ġenerali għat-Tassazzjoni u l-Għaqda Doganali
    Responsible body:
    TAXUD
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 31994R1966 Tħassir anness tabella punt 7 16/04/2024
    Repeal 31994R3176 16/04/2024
    Implicit repeal 32013R0441 Revoka parzjali anness I tabella punt 31 16/04/2024
    Instruments cited:
    European flag

    Il-Ġurnal Uffiċjali
    ta'l-Unjoni Ewropea

    MT

    Serje L

    2024/966

    27.3.2024

    REGOLAMENT TA’ IMPLIMENTAZZJONI TAL-KUMMISSJONI (UE) 2024/966

    tal-21 ta’ Marzu 2024

    dwar il-klassifikazzjoni ta’ ċerti oġġetti fin-Nomenklatura Magħquda, li jemenda r-Regolament (KE) Nru 1966/94 u li jħassar ir-Regolament (KE) Nru 3176/94

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,

    Billi:

    (1)

    Permezz tar-Regolament tal-Kummissjoni (KE) Nru 1966/94 (2) kif emendat bir-Regolament tal-Kummissjoni (KE) Nru 705/2005 (3), il-prodott fir-ringiela li jikkorrispondi għall-punt 7 fit-tabella fl-Anness tar-Regolament (KE) Nru 1966/94 deskritt bħala oġġett rettangolari magħmul minn drapp maħdum fitt bil-labar u ta’ kulur singlu (100 % qoton) bit-truf irrinfurzati u żewġ fetħiet ta’ madwar 10 cm tul sabiex jippermettu l-oġġett jiġi mimli bir-rix, rix irqiq artab jew materjali oħra (duvet jew quilt oħxon), kien ikklassifikat taħt il-kodiċi NM 6302 31 00 (“Bjankerija oħra tas-sodda, tal-qoton”).

    (2)

    Permezz tar-Regolament tal-Kummissjoni (KE) Nru 3176/94 (4) kif emendat bir-Regolament ta’ Implimentazzjoni tal-Kummissjoni (UE) Nru 441/2013 (5), oġġetti simili ħafna, jiġifieri artikolu rettangolari, mhux normalment adattat għall-ħasil, magħmul minn tessut minsuġ issikkat ħafna kulurit (100 % qoton) bit-trufijiet imsaħħa u ftuħ fuq waħda min-naħat biex jippermettu li l-artikolu jimtela bir-rix, rix irqieq jew materjal ieħor (eiderdown jew duvet tick), kien ikklassifikat taħt il-kodiċi NM 6307 90 98 (“Oġġetti oħrajn manifatturati”).

    (3)

    Fil-kolonni “Ir-Raġunijiet” tal-Annessi tar-Regolament (KE) Nru 1966/94, il-punt 7 u r-Regolament (KE) Nru 3176/94, ir-raġunijiet mogħtija ma jipprovdux kjarifika biżżejjed biex jiġu ġġustifikati l-klassifikazzjonijiet rilevanti u biex jiġu ddeterminati kriterji oġġettivi sabiex issir distinzjoni bejn l-oġġetti tal-intestatura 6302 u l-oġġetti tal-intestatura 6307.

    (4)

    Għalhekk, ir-Regolamenti (KE) Nru 1966/94 u 3176/94 ma jikkontribwixxux biex tiġi żgurata klassifikazzjoni uniformi ta’ dawk l-oġġetti. Konsegwentement, il-punt 7 fit-tabella stabbilita fl-Anness tar-Regolament (KE) Nru 1966/94 jenħtieġ li jitħassar, u r-Regolament (KE) Nru 3176/94 jenħtieġ li jitħassar.

    (5)

    Fl-istess ħin, u sabiex tiġi żgurata applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (6), il-klassifikazzjoni tal-oġġetti simili għal dawk deskritti fir-Regolament (KE) Nru 1966/94, il-punt 7, u fir-Regolament (KE) Nru 3176/94 jenħtieġ li tiġi ċċarata billi tiġi adottata miżura ġdida dwar il-klassifikazzjoni ta’ dan it-tip ta’ oġġetti li tipprovdi raġunijiet suffiċjenti biex issir distinzjoni bejn l-oġġetti tal-intestaturi 6302 u 6307. Għalhekk, jeħtieġ li tiġi adottata miżura ġdida dwar il-klassifikazzjoni tal-oġġetti msemmija fl-Anness ta’ dan ir-Regolament.

    (6)

    Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn dispożizzjonijiet speċifiċi tal-Unjoni, bl-għan li jkun hemm l-applikazzjoni ta’ tariffi u miżuri oħra relatati mal-kummerċ tal-oġġetti.

    (7)

    Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ dik it-tabella.

    (8)

    Jixraq li jiġi previst li l-informazzjoni vinkolanti dwar it-tariffi maħruġa għall-oġġetti kkonċernati minn dan ir-Regolament li ma tikkonformax ma’ dan ir-Regolament, tkun tista’ tibqa’ tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta’ 3 xhur.

    (9)

    Il-miżuri stipulati f’dan ir-Regolament huma f’konformità mal-opinjoni tal-Kumitat tal-Kodiċi Doganali,

    ADOTTAT DAN IR-REGOLAMENT:

    Artikolu 1

    L-oġġetti deskritti fil-kolonna (1) tat-tabella fl-Anness għandhom ikunu kklassifikati fin-Nomenklatura Magħquda taħt il-kodiċi NM indikat fil-kolonna (2) ta’ dik it-tabella.

    Artikolu 2

    L-informazzjoni vinkolanti dwar it-tariffi li ma tkunx konformi ma’ dan ir-Regolament tista’ tibqa’ tiġi invokata f’konformità mal-Artikolu 34(9) tar-Regolament (UE) Nru 952/2013 għal perjodu ta’ 3 xhur mid-data tad-dħul fis-seħħ ta’ dan ir-Regolament.

    Artikolu 3

    Fit-tabella stabbilita fl-Anness tar-Regolament (KE) Nru 1966/94, titħassar ir-ringiela għall-punt 7.

    Artikolu 4

    Ir-Regolament (KE) Nru 3176/94 jitħassar.

    Artikolu 5

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-21 ta’ Marzu 2024.

    Għall-Kummissjoni

    F’isem il-President,

    Gerassimos THOMAS

    Direttur Ġenerali

    Direttorat Ġenerali għat-Tassazzjoni u l-Unjoni

    (1)   ĠU L 269, 10.10.2013, p. 1, ELI: http://data.europa.eu/eli/reg/2013/952/2022-12-12.

    (2)  Ir-Regolament tal-Kummissjoni (KE) Nru 1966/94 tal-28 ta’ Lulju 1994 li jirrigwarda l-klassifika ta’ ċerti oġġetti fin-nomenklatura magħquda (ĠU L 198, 30.7.1994, p. 103, ELI: http://data.europa.eu/eli/reg/1994/1966/oj).

    (3)  Ir-Regolament tal-Kummissjoni (KE) Nru 705/2005 tal-4 ta’ Mejju 2005 li jemenda jew iħassar ċerti regolamenti dwar il-klassifikazzjoni tal-oġġetti fin-Nomenklatura Magħquda (ĠU L 118, 5.5.2005, p. 18, ELI: http://data.europa.eu/eli/reg/2005/705/oj).

    (4)  Ir-Regolament tal-Kummissjoni (KE) Nru 3176/94 tal-21 ta’ Diċembru 1994 dwar il-klassifikazzjoni ta’ ċerti oġġetti fin-nomenklatura magħquda (ĠU L 335, 23.12.1994, p. 56, ELI: http://data.europa.eu/eli/reg/1994/3176/2013-06-04).

    (5)  Ir-Regolament ta’ Implimentazzjoni tal-Kummissjoni (UE) Nru 441/2013 tas-7 ta’ Mejju 2013 li jemenda jew iħassar ċertu regolamenti dwar il-klassifikazzjoni tal-oġġetti fin-Nomenklatura Magħquda (ĠU L 130, 15.5.2013, p. 1, ELI: http://data.europa.eu/eli/reg_impl/2013/441/oj).

    (6)  Ir-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1, ELI: http://data.europa.eu/eli/reg/1987/2658/2023-06-17).

    ANNESS

    Deskrizzjoni tal-oġġetti

    Klassifikazzjoni

    (Kodiċi NM)

    Raġunijiet

    (1)

    (2)

    (3)

    Oġġett fil-forma ta’ qoxra/inforra ta’ drapp ta’ 100 % qoton minsuġ b’mod issikkat ħafna, ta’ kulur wieħed, b’qies ta’ madwar 80 cm × 80 cm. It-truf huma rinfurzati b’orlaturi minsuġa.

    Hemm fetħa fuq naħa waħda ta’ madwar 25 cm biex tippermetti l-mili.

    Il-qoxra/inforra hija mfassla biex timtela wara l-importazzjoni, pereżempju, bir-rix u/jew biż-żajbar u l-fetħa tkun magħluqa b’mod permanenti, biex issir imħadda.

    (Ara l-istampi) (*1)

    6307 90 98

    Il-klassifikazzjoni hija ddeterminata mir-Regoli Ġenerali 1 u 6 għall-interpretazzjoni tan-Nomenklatura Magħquda (GIR) u bil-kliem tal-kodiċijiet NM 6307 , 6307 90 u 6307 90 98 .

    Il-klassifikazzjoni tal-oġġett taħt l-intestatura 9404 bħala oġġetti tal-friex u arredament simili hija eskluża minħabba li l-oġġett ma għandux il-karattru essenzjali ta’ oġġett komplut tal-intestatura 9404 skont it-tifsira tal-GIR 2 (a). Għadu mhux mimli jew mgħammar internament b’xi materjal.

    Il-klassifikazzjoni tal-oġġett taħt l-intestatura 6302 bħala bjankerija tas-sodda hija eskluża, minħabba li l-oġġett ma għandux il-karatteristiċi u l-proprjetajiet oġġettivi tal-bjankerija tas-sodda tal-intestatura 6302 li tinkludi oġġetti bħal lożor, investi, cases tal-edredun u għata tas-saqqijiet. Tali oġġetti huma mfassla biex jgħattu, pereżempju, imħadda jew edredun u jistgħu jitneħħew faċilment minnhom fi kwalunkwe ħin (ara wkoll in-Noti ta’ Spjegazzjoni tas-Sistema Armonizzata għall-intestatura 6302 , l-ewwel paragrafu, il-punt (1)).

    L-oġġett ma għandux l-istess funzjoni jew użu bħall-bjankerija tas-sodda tal-intestatura 6302 ; huwa prodott ta’ natura differenti, peress li għandu jimtela u jingħalaq b’mod permanenti wara l-mili. Id-drapp minsuġ b’mod issikkat ħafna u l-fatt li l-oġġett huwa magħluq b’mod permanenti jiżguraw li l-materjal tal-mili ma jkunx jista’ joħroġ. Il-materjal tal-mili ma jistax jitneħħa faċilment ladarba l-oġġett ikun ingħalaq. Għall-kuntrarju tal-investi, l-oġġett isir parti mill-imħadda. Barra minn hekk, l-oġġett mhuwiex f’kuntatt dirett mal-utent, peress li jitgħatta b’investa (il-bjankerija tas-sodda nnifisha) qabel ma jkun jista’ jużah l-utent.

    Minħabba li l-oġġett ma jistax jiġi kklassifikat f’intestatura li hija aktar speċifika mill-intestatura 6307 , għandu għalhekk jiġi kklassifikat taħt il-kodiċi NM 6307 90 98 bħala oġġett ieħor manifatturat, ta’ materjali tessili.


    Image 1

     

    Image 2

    (*1)  L-istampi huma purament għall-informazzjoni.

    ELI: http://data.europa.eu/eli/reg_impl/2024/966/oj

    ISSN 1977-074X (electronic edition)

    Top