(1)

Fit-23 ta’ April 2007, il-Kunsill awtorizza lill-Kummissjoni biex tinnegozja Ftehim ta’ Assoċjazzjoni f’isem l-Unjoni Ewropea mal-Amerika Ċentrali. Id-direttivi ta’ negozjati ġew emendati fl-10 ta’ Marzu 2010 biex jinkludu lill-Panama fil-proċess ta’ nnegozjar.

(2)

Dawn in-negozjati ġew konklużi fl-okkażjoni tas-Summit UE-Amerika Latina u Karibew f’Madrid f’Mejju 2010 u l-Ftehim li jistabbilixxi Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Amerika Ċentrali, min-naħa l-oħra (minn hawn ’il quddiem jissejjaħ “il-Ftehim”) ġie inizjalat fit-22 ta’ Marzu 2011.

(3)

B’konformità mad-Deċiżjoni tal-Kunsill 2012/734/UE (2), il-Ftehim ġie ffirmat f’isem l-Unjoni fid-29 ta’ Ġunju 2012, suġġett għall-konklużjoni tiegħu u għall-applikazzjoni fuq bażi provviżorja tal-Parti IV tiegħu.

(4)

Il-Ftehim għandu jiġi approvat.

(5)

Il-Ftehim ma jaffettwax id-drittijiet ta’ investituri tal-Istati Membri li jibbenefikaw minn kwalunkwe trattament aktar favorevoli previst fi kwalunkwe ftehim relatat mal-investiment li għalih Stat Membru u Repubblika tal-Amerika Ċentrali firmatarju jkunu Partijiet.

(6)

B’konformità mal-Artikolu 218(7) tat-Trattat, huwa kunsiljabbli li l-Kunsill jawtorizza lill-Kummissjoni biex tapprova l-modifiki fil-lista ta’ indikazzjonijiet ġeografiċi li ġew rakkomandati mis-Sottokumitat dwar il-Proprjetà Intellettwali lill-Kumitat ta’ Assoċjazzjoni għall-approvazzjoni mill-Kunsill ta’ Assoċjazzjoni skont l-Artikoli 247 u 274.2(a) tal-Ftehim.

(7)

Huwa kunsiljabbli li jiġu stabbiliti l-proċeduri rilevanti għall-protezzjoni tal-indikazzjonijiet ġeografiċi b’konformità mal-Ftehim.

(8)

B’konformità mal-Artikolu 356 tal-Ftehim, huwa kunsiljabbli li jiġi ċċarat li l-Ftehim ma għandux jiġi interpretat bħala wieħed li jagħti xi drittijiet jew li jimponi xi obbligi li jistgħu jiġu invokati direttament fil-qrati u t-tribunali tal-Unjoni jew tal-Istati Membri.

(9)

Id-dispożizzjonijiet tal-Ftehim li jaqgħu fl-ambitu tat-Titolu V tal-Parti Tlieta tat-Trattat dwar il-Funzjonament tal-Unjoni Ewropea jorbtu lir-Renju Unit u lill-Irlanda bħala Partijiet Kontraenti separati, u mhux bħala parti mill-Unjoni Ewropea, sakemm l-Unjoni Ewropea flimkien mar-Renju Unit u/jew l-Irlanda ma jinnotifikawx b’mod konġunt lill-Parti tal-Amerika Ċentrali li r-Renju Unit jew l-Irlanda jintrabtu bħala parti mill-Unjoni Ewropea f’konformità mal-Protokoll (Nru 21) dwar il-pożizzjoni tar-Renju Unit u tal-Irlanda fir-rigward tal-ispazju ta’ Libertà, Sigurtà u Ġustizzja anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea.

(10)

Jekk ir-Renju Unit u/jew l-Irlanda ma jibqgħux marbutin bħala parti mill-Unjoni Ewropea f’konformità mal-Artikolu 4a ta’ dak il-Protokoll (Nru 21), l-Unjoni Ewropea flmkien mar-Renju Unit u/jew l-Irlanda għandhom jinfurmaw minnufih lill-Parti tal-Amerika Ċentrali bi kwalunkwe bidla fil-pożizzjoni tagħhom. F’dak il-każ, huma għandhom jibqgħu marbutin bid-diżpozzjonijiet tal-Ftehim f’isimhom stess. L-istess japplika għad-Danimarka f’konformità mal-Protokoll (Nru 22) dwar il-pożizzjoni tad-Danimarka anness ma’ dawk it-Trattati,