This document is an excerpt from the EUR-Lex website
Document 32024D0829
Council Decision (EU) 2024/829 of 4 March 2024 on the conclusion, on behalf of the Union, of the Sustainable Investment Facilitation Agreement between the European Union and the Republic of Angola
Deċiżjoni tal-Kunsill (UE) 2024/829 tal-4 ta’ Marzu 2024 dwar il-konklużjoni, f’isem l-Unjoni, tal-Ftehim għall-Faċilitazzjoni tal-Investiment Sostenibbli bejn l-Unjoni Ewropea u r-Repubblika tal-Angola
Deċiżjoni tal-Kunsill (UE) 2024/829 tal-4 ta’ Marzu 2024 dwar il-konklużjoni, f’isem l-Unjoni, tal-Ftehim għall-Faċilitazzjoni tal-Investiment Sostenibbli bejn l-Unjoni Ewropea u r-Repubblika tal-Angola
ST/10942/2023/INIT
ĠU L, 2024/829, 8.3.2024, ELI: http://data.europa.eu/eli/dec/2024/829/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2024/829/oj
Il-Ġurnal Uffiċjali |
MT Serje L |
2024/829 |
8.3.2024 |
DEĊIŻJONI TAL-KUNSILL (UE) 2024/829
tal-4 ta’ Marzu 2024
dwar il-konklużjoni, f’isem l-Unjoni, tal-Ftehim għall-Faċilitazzjoni tal-Investiment Sostenibbli bejn l-Unjoni Ewropea u r-Repubblika tal-Angola
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4) flimkien mal-Artikolu 218(6), it-tieni subparagrafu, il-punt (a)(v), tiegħu,
Wara li kkunsidra l-proposta tal-Kummissjoni Ewropea,
Wara li kkunsidra l-approvazzjoni tal-Parlament Ewropew (1),
Billi:
(1) |
F’konformità mad-Deċiżjoni tal-Kunsill (UE) 2023/2209 (2), il-Ftehim għall-Faċilitazzjoni tal-Investiment Sostenibbli bejn l-Unjoni Ewropea u r-Repubblika tal-Angola (“il-Ftehim”) ġie ffirmat fis-17 ta’ Novembru 2023, soġġett għall-konklużjoni tiegħu f’data aktar tard. |
(2) |
Il-Ftehim, f’konformità mal-Artikolu 55 tiegħu, fl-Unjoni, ma jagħtix drittijiet jew jimponi obbligi fuq persuni, għajr dawk maħluqa bejn il-Partijiet skont id-dritt internazzjonali pubbliku. |
(3) |
Il-Ftehim jenħtieġ li jiġi approvat. |
ADOTTA DIN ID-DEĊIŻJONI:
Artikolu 1
Il-Ftehim għall-Faċilitazzjoni tal-Investiment Sostenibbli bejn l-Unjoni Ewropea u r-Repubblika tal-Angola (“il-Ftehim”) (3) huwa b’dan approvat f’isem l-Unjoni.
Artikolu 2
Il-President tal-Kunsill għandu, f’isem l-Unjoni, jagħti n-notifika prevista fl-Artikolu 57(2) tal-Ftehim, (4).
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, l-4 ta’ Marzu 2024.
Għall-Kunsill
Il-President
A. VERLINDEN
(1) Approvazzjoni tas-7 ta’ Frar 2024 (għadha mhijiex ippubblikata fil-Ġurnal Uffiċjali).
(2) Id-Deċiżjoni tal-Kunsill (UE) 2023/2209 tad-9 ta’ Ottubru 2023 dwar l-iffirmar, f’isem l-Unjoni Ewropea, tal-Ftehim għall-Faċilitazzjoni tal-Investiment Sostenibbli bejn l-Unjoni Ewropea u r-Repubblika tal-Angola (ĠU L, 2023/2209, 17.10.2023, ELI: http://data.europa.eu/eli/dec/2023/2209/oj).
(3) It-test tal-Ftehim huwa ppubblikat fil-ĠU L, 2024/830, 8.3.2024, ELI: http://data.europa.eu/eli/agree/2024/830/oj).
(4) Id-data tad-dħul fis-seħħ tal-Ftehim se tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.
ELI: http://data.europa.eu/eli/dec/2024/829/oj
ISSN 1977-074X (electronic edition)