This document is an excerpt from the EUR-Lex website
Document 32023R2638
Council Regulation (EU) 2023/2638 of 20 November 2023 fixing the fishing opportunities for certain fish stocks and groups of fish stocks applicable in the Baltic Sea for 2024 and amending Regulation (EU) 2023/194 as regards certain fishing opportunities in other waters
Regolament tal-Kunsill (UE) 2023/2638 tal-20 ta’ Novembru 2023 li jiffissa l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut applikabbli fil-Baħar Baltiku għall-2024 u li jemenda r-Regolament (UE) 2023/194 fir-rigward ta’ ċerti opportunitajiet tas-sajd f’ilmijiet oħra
Regolament tal-Kunsill (UE) 2023/2638 tal-20 ta’ Novembru 2023 li jiffissa l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut applikabbli fil-Baħar Baltiku għall-2024 u li jemenda r-Regolament (UE) 2023/194 fir-rigward ta’ ċerti opportunitajiet tas-sajd f’ilmijiet oħra
ST/14771/2023/REV/1
ĠU L, 2023/2638, 22.11.2023, ELI: http://data.europa.eu/eli/reg/2023/2638/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32023R0194 | Sostituzzjoni | anness IA parti B tabella | 01/11/2023 | 31/10/2024 |
Modifies | 32023R0194 | Sostituzzjoni | anness IA parti B tabella | 01/11/2023 | 31/12/2023 |
Modifies | 32023R0194 | Sostituzzjoni | anness IB tabella | 01/01/2024 | 31/12/2024 |
![]() |
Il-Ġurnal Uffiċjali |
MT Serje L |
2023/2638 |
22.11.2023 |
REGOLAMENT TAL-KUNSILL (UE) 2023/2638
tal-20 ta’ Novembru 2023
li jiffissa l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut applikabbli fil-Baħar Baltiku għall-2024 u li jemenda r-Regolament (UE) 2023/194 fir-rigward ta’ ċerti opportunitajiet tas-sajd f’ilmijiet oħra
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Ir-Regolament (UE) Nru 1380/2013 tal-Parlament Ewropew u tal-Kunsill (1) jirrikjedi li jiġu adottati miżuri ta’ konservazzjoni li jqisu l-pariri xjentifiċi, tekniċi u ekonomiċi disponibbli, inkluż, meta jkunu rilevanti, rapporti mfassla mill-Kumitat Xjentifiku, Tekniku u Ekonomiku għas-Sajd u minn korpi konsultattivi oħra, u kwalunkwe parir li jasal mingħand il-kunsilli konsultattivi. |
(2) |
Il-Kunsill għandu jadotta miżuri dwar l-iffissar u l-allokazzjoni tal-opportunitajiet tas-sajd, inkluż ċerti kundizzjonijiet li huma marbuta b’mod funzjonali ma’ dawk l-opportunitajiet tas-sajd, kif xieraq. Skont l-Artikolu 16(4) tar-Regolament (UE) Nru 1380/2013, l-opportunitajiet tas-sajd għandhom jiġu stabbiliti f’konformità mal-objettivi tal-politika komuni tas-sajd (PKS) kif stabbilit fl-Artikolu 2(2) ta’ dak ir-Regolament. Skont l-Artikolu 16(1) ta’ dak ir-Regolament, l-opportunitajiet tas-sajd għandhom jiġu allokati fost l-Istati Membri b’tali mod li tiġi żgurata l-istabbiltà relattiva tal-attivitajiet tas-sajd ta’ kull Stat Membru għal kull stokk jew sajda. |
(3) |
Għalhekk, jenħtieġ li l-qabdiet totali permissibbli (TACs) jiġu stabbiliti, f’konformità mar-Regolament (UE) Nru 1380/2013, abbażi tal-pariri xjentifiċi disponibbli, billi jitqiesu l-implikazzjonijiet bijoloġiċi u soċjoekonomiċi filwaqt li jiġi żgurat trattament ġust bejn is-setturi tas-sajd, u filwaqt li jitqiesu l-opinjonijiet espressi matul il-konsultazzjonijiet mal-partijiet ikkonċernati. |
(4) |
Ir-Regolament (UE) 2016/1139 tal-Parlament Ewropew u tal-Kunsill (2) jistabbilixxi pjan pluriennali għall-istokkijiet tal-bakkaljaw, tal-aringa u tal-laċċa kaħla fil-Baħar Baltiku u għas-sajd li jisfrutta dawk l-istokkijiet. L-għan ta’ dak il-pjan huwa li jiżgura li l-isfruttament tar-riżorsi bijoloġiċi ħajjin tal-baħar jirripristina l-popolazzjonijiet tal-ispeċijiet mistada u jżommhom ’il fuq minn livelli li jistgħu jipproduċu r-rendiment massimu sostenibbli (MSY). Ir-Regolament (UE) Nru 1380/2013 jipprevedi li, għall-istokkijiet soġġetti għal pjanijiet pluriennali speċifiċi, l-opportunitajiet tas-sajd għandhom jiġu ffissati f’konformità mar-regoli stabbiliti f’dawk il-pjanijiet pluriennali. |
(5) |
F’konformità mal-Artikolu 4(1) tar-Regolament (UE) 2016/1139, l-opportunitajiet tas-sajd għall-istokkijiet elenkati fl-Artikolu 1 ta’ dak ir-Regolament għandhom jiġu ffissati biex tinkiseb il-mortalità mis-sajd fil-livell tal-MSY, espressa f’meded, mill-aktar fis possibbli u fuq bażi progressiva u inkrementali, sa mhux aktar tard mill-2020. Il-limiti tal-qbid applikabbli fl-2024 għall-istokkijiet rilevanti fil-Baħar Baltiku jenħtieġ għalhekk li jiġu stabbiliti f’konformità mar-regoli u l-objettivi tal-pjan pluriennali stabbiliti minn dak ir-Regolament. |
(6) |
Il-Kunsill Internazzjonali għall-Esplorazzjoni tal-Baħar (ICES) ippubblika l-parir annwali tiegħu għall-istokkijiet tal-Baltiku fil-31 ta’ Mejju 2023. |
(7) |
Hemm ċerti stokkijiet koperti bir-Regolament (UE) 2016/1139 li għalihom l-ICES jirrakkomanda qabdiet żero. Madankollu, kieku t-TACs jiġu stabbiliti fil-livelli rakkomandati, l-obbligu li jinħattu l-art il-qabdiet kollha, inkluż il-qabdiet aċċessorji minn dawk l-istokkijiet f’sajd imħallat, iwassal għall-fenomenu ta’ “speċi bi kwota limitanti”. Speċi bi kwota limitanti hija speċi b’nuqqas ta’ kwota li tista’ twassal biex bastiment tas-sajd wieħed jew aktar jieqaf jistad anke jekk ikun għad għandhom kwota għal speċijiet oħra. Għalhekk huwa xieraq li jiġu stabbiliti TACs speċifiċi għal qabdiet aċċessorji għal dawk l-istokkijiet sabiex jinkiseb bilanċ bejn iż-żamma tas-sajd, minħabba l-implikazzjonijiet soċjoekonomiċi potenzjalment serji li jirriżultaw min-nuqqas ta’ dan, u l-ħtieġa li jinkiseb status bijoloġiku tajjeb għal dawk l-istokkijiet, filwaqt li titqies id-diffikultà tas-sajd tal-istokkijiet kollha f’sajd imħallat b’MSY. Jenħtieġ li dawk it-TACs għal qabdiet aċċessorji jiġu stabbiliti f’livelli li jiżguraw li l-mortalità għal dawk l-istokkijiet titnaqqas u jipprovdu inċentivi biex tittejjeb is-selettività u biex jiġu evitati l-qabdiet aċċessorji ta’ dawk l-istokkijiet. Sabiex jitnaqqsu l-qabdiet tal-istokkijiet li għalihom jiġu stabbiliti t-TACs tal-qabdiet aċċessorji, jenħtieġ li l-opportunitajiet tas-sajd għall-attivitajiet tas-sajd li fihom jinqabad il-ħut minn dawk l-istokkijiet jiġu ffissati f’livelli li jgħinu biex il-bijomassa tal-istokkijiet vulnerabbli tirkupra għal livelli sostenibbli. |
(8) |
Skont l-ICES, il-maġġoranza l-kbira tas-sajd fil-Baħar Baltiku għandu mill-inqas xi livell ta’ taħlit bejn l-ispeċijiet. Dak it-taħlit jikkonċerna kemm speċijiet ġestiti minn TAC tal-Unjoni kif ukoll speċijiet mhux ġestiti minn TAC. L-aktar livell importanti ta’ taħlit iseħħ bejn l-ispeċijiet pelaġiċi u l-ispeċijiet demersali. Għall-2024, l-ICES jagħti parir li ma jsir l-ebda qbid tal-aringa tal-Baltiku tal-Punent, tal-bakkaljaw tal-Baltiku tal-Lvant u tas-salamun fil-baċir ewlieni. Barra minn hekk, il-parir ta’ prekawzjoni tal-ICES għall-bakkaljaw tal-Baltiku tal-Punent huwa estremament baxx. Għalhekk, jekk it-TACs għal dawn l-istokkijiet jiġu stabbiliti fil-livelli rakkomandati mill-ICES, dan iwassal biex bastimenti li jistadu għall-barbun tat-tbajja’ b’mod partikolari jieqfu mis-sajd fl-2024. Abbażi tad-data mill-Osservatorju Ewropew tas-Suq għall-Prodotti tas-Sajd u l-Akkwakultura (EUMOFA), il-valur tal-ewwel bejgħ tas-sajd tal-barbun tat-tbajja’ li jista’ jinqabad fil-limiti tat-TACs proposti huwa stmat għal EUR 24,5 miljun. Ħafna attivitajiet tas-sajd, b’mod partikolari s-sajd kostali fuq skala żgħira, għal speċijiet mhux ġestiti minn TAC tal-Unjoni, b’mod partikolari speċijiet oħra ta’ ħut ċatt, ikun jeħtieġ ukoll li jieqfu fl-2024. Għalhekk huwa xieraq li tiġi stabbilita TAC għall-qabdiet aċċessorji tal-ispeċijiet bi kwota limitanti tal-aringa tal-Baltiku tal-Punent, tal-bakkaljaw tal-Baltiku tal-Lvant, tal-bakkaljaw tal-Baltiku tal-Punent, u tas-salamun fil-baċir ewlieni taħt ċerti kundizzjonijiet. |
(9) |
Fir-rigward tal-istokk tal-bakkaljaw tal-Baltiku tal-Lvant, l-ICES jistma li l-bijomassa tal-istokk tal-bakkaljaw tal-Baltiku tal-Lvant għadha taħt il-punt ta’ referenza ta’ limitu għall-bijomassa tal-istokk riproduttiv li taħtu huwa possibbli li l-kapaċità riproduttiva titnaqqas (Blim) u bilkemm żdiedet meta mqabbla mal-2022. Għalhekk, għall-ħames sena konsekuttiva, l-ICES jagħti l-parir li ma jinqabad l-ebda bakkaljaw tal-Baltiku tal-Lvant. F’dawn iċ-ċirkostanzi, skont ir-Regolament (UE) Nru 1380/2013, jixraq li s-sajd immirat jinżamm magħluq u li l-miżuri ta’ rimedju, li huma marbuta b’mod funzjonali, jinżammu kif inhuma. Jenħtieġ li l-opportunitajiet tas-sajd għall-qabdiet aċċessorji inevitabbli jiġu stabbiliti f’livell baxx filwaqt li jiġi evitat li jseħħ il-fenomenu ta’ speċijiet bi kwoti limitanti. |
(10) |
Fir-rigward tal-istokk tal-bakkaljaw tal-Baltiku tal-Punent, l-ICES iddegrada l-parir tiegħu, minħabba inċertezzi kontinwi, għal parir ta’ prekawzjoni. Issa jidher li l-istokk ilu taħt il-Blim għall-biċċa l-kbira ta’ dawn l-aħħar 15-il sena u fl-2022 kien f’livell storikament baxx. Il-parir ta’ prekawzjoni dwar il-qbid huwa f’livell baxx ħafna. F’dawn iċ-ċirkostanzi, f’konformità mar-Regolament (UE) Nru 1380/2013, jixraq li s-sajd immirat jinżamm magħluq, u li jinżammu l-miżuri ta’ rimedju, li huma marbuta b’mod funzjonali, u li jingħalaq is-sajd rikreattiv għall-bakkaljaw tal-Baltiku tal-Punent. Jenħtieġ li l-opportunitajiet tas-sajd għall-qabdiet aċċessorji inevitabbli jiġu ffissati f’livell baxx filwaqt li jiġi evitat li jseħħ il-fenomenu ta’ speċijiet bi kwoti limitanti. |
(11) |
Fir-rigward tas-salamun fis-subdiviżjonijiet 22 sa 31 tal-ICES, l-ICES żamm mal-parir tiegħu li ma jsir l-ebda qbid, illimita l-possibbiltà tas-sajd kostali immirat kontinwu li jsir fis-sajf għas-subdiviżjoni 31 tal-ICES u naqqas il-parir tiegħu dwar il-qbid skont dan. Skont ir-Regolament (UE) Nru 1380/2013, f’dawn iċ-ċirkostanzi, jixraq li ż-żona tas-sajd u l-livell tal-opportunitajiet tas-sajd jiġu aġġustati f’konformità mal-parir tal-ICES, u li l-miżuri ta’ rimedju, li huma marbuta b’mod funzjonali, jinżammu kif inhuma. |
(12) |
Sabiex jiġi żgurat l-użu sħiħ tal-opportunitajiet tas-sajd kostali fis-subdiviżjoni 32 tal-ICES, fl-2019 ġiet introdotta flessibbiltà limitata bejn iż-żoni għas-salamun bejn is-subdiviżjonijiet 22 sa 31 tal-ICES u s-subdiviżjoni 32 tal-ICES. Minħabba l-bidliet fl-opportunitajiet tas-sajd għal dawk iż-żewġ stokkijiet, jixraq li dik il-flessibbiltà tinżamm. |
(13) |
Il-projbizzjoni tas-sajd għat-trota tal-baħar lil hinn minn erba’ mili nawtiċi mkejla mil-linji bażi u l-limitazzjoni tal-qabdiet aċċessorji tat-trota tal-baħar għal 3 % tal-qabda kkombinata tat-trota tal-baħar u tas-salamun ikkontribwew għat-tnaqqis sostanzjali tar-rapportar ħażin sinifikanti li sar preċedentement dwar il-qabdiet fis-sajd għas-salamun, b’mod partikolari bħala qabdiet tat-trota tal-baħar. Għalhekk, jixraq li jinżammu r-restrizzjonijiet eżistenti sabiex jinżamm livell baxx ta’ rapportar ħażin. |
(14) |
Jenħtieġ li l-miżuri dwar is-sajd rikreattiv għall-bakkaljaw u s-salamun, u l-miżuri għall-konservazzjoni tal-istokkijiet tat-trota tal-baħar u tas-salamun ikunu mingħajr preġudizzju għal miżuri nazzjonali aktar stretti skont l-Artikoli 19 u 20 tar-Regolament (UE) Nru 1380/2013. |
(15) |
Fir-rigward tal-aringa fil-Golf ta’ Bothnia, li s-sajd għaliha huwa ta’ importanza soċjoekonomika kbira, l-ICES ipprovda parir dwar l-MSY b’meded ta’ qabdiet. Fl-istess ħin, il-bijomassa ta’ dak l-istokk tinsab taħt il-punt ta’ referenza li taħtu għandha tittieħed azzjoni ta’ ġestjoni speċifika u xierqa (Btrigger), u hemm probabbiltà li l-istokk jinżel taħt il-Blim fl-2025. F’dawn iċ-ċirkostanzi, skont ir-Regolament (UE) 2016/1139, jixraq li jiġu stabbiliti opportunitajiet tas-sajd fil-medda inferjuri tal-mortalità mis-sajd li tirriżulta fl-MSY (FMSY). |
(16) |
Fir-rigward tal-aringa tal-Baltiku tal-Punent, l-ICES jistma li filwaqt li l-bijomassa tal-istokk żdiedet, hija biss 71 % tal-Blim. Barra minn hekk, ir-reklutaġġ għadu f’livelli storikament baxxi u l-bijomassa mhijiex mistennija li fl-2025 tirkupra ’l fuq mill-Blim. Għalhekk, għas-sitt sena konsekuttiva, l-ICES jagħti l-parir li ma tinqabad l-ebda aringa tal-Baltiku tal-Punent. F’dawk iċ-ċirkostanzi, skont ir-Regolament (UE) 2016/1139, jixraq li s-sajd immirat jinżamm magħluq u li l-opportunitajiet tas-sajd għall-qabdiet aċċessorji inevitabbli jiġu stabbiliti f’livell baxx filwaqt li jiġi evitat li jseħħ il-fenomenu ta’ speċijiet bi kwoti limitanti. |
(17) |
Fir-rigward tal-aringa tal-Baltiku Ċentrali, li s-sajd tagħha huwa ta’ importanza soċjoekonomika kbira, l-ICES ipprovda parir dwar l-MSY b’meded ta’ qabdiet. Fl-istess ħin, l-ICES jistma li l-bijomassa ta’ dak l-istokk kien taħt il-Blim għall-biċċa l-kbira ta’ dawn l-aħħar 30 sena, inkluż f’dawn l-aħħar snin, u li hemm probabbiltà li l-bijomassa ta’ dak l-istokk jibqa’ taħt il-Blim fl-2025. F’dawk iċ-ċirkostanzi, skont ir-Regolament(UE) 2016/1139, jixraq li jiġu ffissati l-opportunitajiet tas-sajd fil-medda inferjuri tal-FMSY u li jiġi stabbilit għeluq fiż-żmien riproduttiv għas-sajd bix-xbieki tat-tkarkir pelaġiku bħala miżura ta’ rimedju addizzjonali funzjonalment marbuta mal-opportunitajiet tas-sajd. |
(18) |
Fir-rigward tal-aringa fil-Golf ta’ Riga, l-ICES jistma li l-bijomassa tinsab ’il fuq mill-Btrigger u l-pressjoni tas-sajd fil-livell tal-FMSY. Għaldaqstant, skont ir-Regolament (UE) 2016/1139, jixraq li jiġu stabbiliti l-opportunitajiet tas-sajd fil-valur tal-punt tal-FMSY. |
(19) |
Fir-rigward tal-barbun tat-tbajja’, l-ICES jistma li l-bakkaljaw jinqabad bħala aċċessorju fis-sajd għall-barbun tat-tbajja’. Għaldaqstant, skont ir-Regolament (UE) 2016/1139, jixraq li jiġu stabbiliti l-opportunitajiet tas sajd għall-barbun tat-tbajja’ taħt l-anqas valur fil-medda tal-FMSY. |
(20) |
Fir-rigward tal-laċċa kaħla, l-ICES jistma li filwaqt li l-bijomassa tinsab ’il fuq mill-Btrigger, ma kien hemm l-ebda reklutaġġ qawwi mill-2014 ’l hawn. Barra minn hekk, l-ICES jistma li r-reklutaġġ fl-2021 u l-2022 kien storikament baxx. Barra minn hekk, is-sajd għal-laċċa kaħla spiss ikun sajd imħallat fejn il-laċċa kaħla tinstad flimkien mal-aringi. Għaldaqstant, skont ir-Regolament (UE) 2016/1139, jixraq li jiġu stabbiliti l-opportunitajiet tas-sajd għal-laċċa kaħla fil-medda korrispondenti inferjuri tal-FMSY. |
(21) |
L-użu tal-opportunitajiet tas-sajd stabbiliti f’dan ir-Regolament huwa soġġett għar-Regolament tal-Kunsill (KE) Nru 1224/2009 (3), u b’mod partikolari l-Artikolu 33 tiegħu dwar ir-reġistrar tal-qabdiet u tal-isforz tas-sajd u l-Artikolu 34 tiegħu dwar it-trażmissjoni tad-data dwar l-eżawriment tal-opportunitajiet tas-sajd lill-Kummissjoni. Għalhekk, jenħtieġ li dan ir-Regolament jispeċifika l-kodiċijiet relatati mal-ħatt l-art tal-istokkijiet soġġetti għal dan ir-Regolament li l-Istati Membri għandhom jużaw meta jibagħtu d-data lill-Kummissjoni. |
(22) |
Ir-Regolament tal-Kunsill (KE) Nru 847/96 (4) jistabbilixxi kundizzjonijiet addizzjonali għall-ġestjoni minn sena għal sena tat-TACs, inkluż, skont l-Artikoli 3 u 4 tiegħu, dispożizzjonijiet dwar il-flessibbiltà għall-istokkijiet soġġetti għat-TACs prekawzjonarji u analitiċi. Skont l-Artikolu 2 ta’ dak ir-Regolament, meta jiffissa t-TACs, il-Kunsill għandu jiddeċiedi għal liema stokkijiet ma għandhomx japplikaw l-Artikoli 3 u 4, b’mod partikolari abbażi tal-istatus bijoloġiku tal-istokkijiet. Barra minn hekk, l-Artikolu 15(9) tar-Regolament (UE) Nru 1380/2013 jistabbilixxi mekkaniżmu ta’ flessibbiltà minn sena għal sena għall-istokkijiet kollha li huma soġġetti għall-obbligu tal-ħatt l-art. Għalhekk, sabiex tiġi evitata flessibbiltà eċċessiva li ddgħajjef il-prinċipju ta’ sfruttament razzjonali u responsabbli tar-riżorsi bijoloġiċi ħajjin tal-baħar, li tfixkel l-ilħuq tal-objettivi tal-Politika Komuni tas-Sajd u li tikkawża d-deterjorament tal-istatus bijoloġiku tal-istokkijiet, jenħtieġ li jiġi stabbilit b’mod espliċitu li l-Artikoli 3 u 4 tar-Regolament (KE) Nru 847/96 japplikaw għat-TACs biss meta ma tintużax il-flessibbiltà minn sena għal sena prevista fl-Artikolu 15(9) tar-Regolament (UE) Nru 1380/2013. |
(23) |
Il-bijomassa tal-bakkaljaw tal-Baltiku tal-Lvant, tal-bakkaljaw tal-Baltiku tal-Punent u tal-aringa tal-Baltiku tal-Punent tinsab taħt il-Blim. Għal dawk l-istokkijiet kollha huma permessi biss qabdiet inċidentali, sajd xjentifiku u, fil-każ tal-aringa tal-Baltiku tal-Punent, sajd kostali fuq skala żgħira huwa permess fl-2024. Għalhekk, u minħabba r-reżiljenza relattivament baxxa tal-ekosistema tal-Baħar Baltiku, l-Istati Membri li għandhom sehem mill-kwota tat-TACs rilevanti impenjaw ruħhom li ma japplikawx il-flessibbiltà minn sena għal sena prevista fl-Artikolu 15(9) tar-Regolament (UE) Nru 1380/2013 għal dawk l-istokkijiet fl-2024 sabiex il-qabdiet fl-2024 ma jaqbżux it-TACs rilevanti. Barra minn hekk, fis-subdiviżjonijiet 22 sa 30 tal-ICES, il-bijomassa ta’ kważi l-istokkijiet kollha tas-salamun tax-xmajjar tinsab taħt il-punt ta’ referenza tal-limitu għall-produzzjoni tas-salamun żgħir (Rlim), u fl-2024 huma permessi biss il-qabdiet aċċessorji u s-sajd xjentifiku. Għalhekk, l-Istati Membri rilevanti impenjaw ruħhom b’mod simili rigward il-flessibbiltà minn sena għal sena fir-rigward tal-qabdiet tas-salamun tal-baċir ewlieni fl-2024. |
(24) |
Ir-Regolament tal-Kunsill (UE) 2023/194 (5) jistabbilixxi l-opportunitajiet tas-sajd għall-merluzz tan-Norveġja mill-1 ta’ Novembru 2022 sal-31 ta’ Ottubru 2023 fid-diviżjoni 3a tal-ICES (“Skagerrak-Kattegat”), fl-ilmijiet tar-Renju Unit u tal-Unjoni tas-subżona 4 tal-ICES u fl-ilmijiet tar-Renju Unit tad-diviżjoni 2a tal-ICES (“il-Baħar tat-Tramuntana”). L-istaġun tas-sajd għall-merluzz tan-Norveġja huwa mill-1 ta’ Novembru sal-31 ta’ Ottubru. L-Unjoni u r-Renju Unit kellhom konsultazzjonijiet bilaterali skont l-Artikolu 498(2) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (6) fis-16 ta’ Ottubru 2023 u qablu dwar TAC abbażi tal-parir tal-ICES ippubblikat fid-9 ta’ Ottubru 2023. Ir-riżultati tal-konsultazzjoni ġew iddokumentati fir-Rekord bil-Miktub, li ġie approvat mill-Kunsill fl-20 ta’ Ottubru 2023 u ffirmat mir-rappreżentant tal-Kummissjoni f’isem l-Unjoni u mill-Kap tad-Delegazzjoni tar-Renju Unit, f’konformità mal-Artikolu 498(6) ta’ dak il-Ftehim u mad-Deċiżjoni tal-Kunsill (UE) 2021/1875 (7). Għaldaqstant, l-opportunitajiet tas-sajd rilevanti għall-merluzz tan-Norveġja fid-diviżjoni 3a tal-ICES, fl-ilmijiet tar-Renju Unit u tal-Unjoni tas-subżona 4 tal-ICES, u fl-ilmijiet tar-Renju Unit tad-diviżjoni 2a tal-ICES mill-1 ta’ Novembru 2023 sal-31 ta’ Ottubru 2024 jenħtieġ li jiġu ffissati fil-livell stabbilit f’dak ir-Rekord bil-Miktub. |
(25) |
Ir-Regolament (UE) 2023/194 jistabbilixxi l-opportunitajiet tas-sajd għall-merluzz tal-linja sewda fis-subżona 4 tal-ICES, id-diviżjoni 6a u d-diviżjoni 3a (il-Baħar tat-Tramuntana, il-Punent tal-Iskozja, Skagerrak) għall-2023, abbażi tal-eżitu tal-konsultazzjonijiet dwar is-sajd bejn l-Unjoni, in-Norveġja u r-Renju Unit għall-2024, kif iddokumentat fir-Rekord Maqbul iffirmat fid-9 ta’ Diċembru 2022. Sabiex ikun iggarantit l-użu sħiħ tal-opportunitajiet tas-sajd, huwa xieraq li tkun permessa l-implimentazzjoni ta’ arranġament flessibbli bejn uħud minn dawk iż-żoni tat-TAC fejn huwa kkonċernat l-istess stokk bijoloġiku. Għalhekk huwa xieraq li tiġi introdotta flessibbiltà bejn iż-żoni tal-kwoti tal-Istati Membri għall-merluzz tal-linja sewda sa 10 % mill-Baħar tat-Tramuntana għall-ilmijiet tal-Unjoni ta’ Skagerrak-Kattegat. |
(26) |
Il-Ftehim ta’ Sħubija dwar is-Sajd Sostenibbli bejn l-Unjoni Ewropea minn naħa waħda, u l-Gvern ta’ Greenland u l-Gvern tad-Danimarka min-naħa l-oħra, u l-Protokoll ta’ implimentazzjoni tiegħu (8) jipprevedu li l-Unjoni għandha tirċievi mill-Gvern ta’ Greenland 7,7 % tat-TAC għall-kapelin (Mallotus villosus) li jinqabad fl-ilmijiet ta’ Greenland fis-subżoni 5 u 14 tal-ICES. Fil-5 ta’ Ottubru 2023, il-Gvern ta’ Greenland informa lill-UE li, abbażi tal-parir xjentifiku intermedju ppubblikat mill-Istitut Iżlandiż tar-Riċerka tal-Baħar u tal-Ilma Ħelu, li skontu l-qabdiet “fix-xitwa 2023/2024” ma għandhomx ikunu aktar minn żero tunnellati, il-Gvern tal-Greenland bħalissa mhuwiex f’pożizzjoni li joffri l-kapelin lill-Unjoni għall-perjodu korrispondenti. Sakemm jinħareġ il-parir xjentifiku finali, li jista’ jippermetti lill-Gvern ta’ Greenland joffri l-kapelin lill-Unjoni, l-opportunitajiet tas-sajd għal dak l-istokk fir-Regolament (UE) 2023/194 jenħtieġ għaldaqstant li jiġu mmarkati “Għandhom jiġu stabbiliti”. |
(27) |
Għalhekk, ir-Regolament (UE) 2023/194 jenħtieġ li jiġi emendat skont dan. |
(28) |
Biex tiġi evitata l-interruzzjoni tal-attivitajiet tas-sajd, jenħtieġ li d-dispożizzjonijiet ta’ dan ir-Regolament relatati mal-Baħar Baltiku jibdew japplikaw mill-1 ta’ Jannar 2024. Madankollu, jenħtieġ li dan ir-Regolament japplika għall-merluzz tan-Norveġja fid-diviżjoni 3a tal-ICES, fl-ilmijiet tar-Renju Unit u tal-Unjoni tas-subżona 4 tal-ICES, u fl-ilmijiet tar-Renju Unit tad-diviżjoni 2a tal-ICES mill-1 ta’ Novembru 2023 sal-31 ta’ Ottubru 2024, peress li dak huwa l-istaġun tas-sajd għall-merluzz tan-Norveġja. Dan ir-Regolament jenħtieġ li japplika għall-merluzz tal-linja sewda fis-subżona 4, id-diviżjoni 6a u d-diviżjoni 3a tal-ICES (il-Baħar tat-Tramuntana, il-Punent tal-Iskozja, Skagerrak) mill-1 ta’ Novembru 2023 sal-31 ta’ Diċembru 2023, sabiex jiġi ggarantit l-użu sħiħ tal-opportunitajiet tas-sajd għall-2023. Għal raġunijiet ta’ urġenza, jenħtieġ li dan ir-Regolament jidħol fis-seħħ minnufih wara l-pubblikazzjoni, |
ADOTTA DAN IR-REGOLAMENT:
KAPITOLU I
Dispożizzjonijiet Ġenerali
Artikolu 1
Suġġett
Dan ir-Regolament jiffissa l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut fil-Baħar Baltiku għall-2024 u jemenda ċerti opportunitajiet tas-sajd f’ilmijiet oħra ffissati bir-Regolament (UE) 2023/194.
Artikolu 2
Kamp ta’ applikazzjoni
1. Dan ir-Regolament japplika għall-bastimenti tas-sajd tal-Unjoni li joperaw fil-Baħar Baltiku.
2. Dan ir-Regolament japplika wkoll għas-sajd rikreattiv meta dan jissemma b’mod espliċitu fid-dispożizzjonijiet rilevanti.
Artikolu 3
Definizzjonijiet
Għall-finijiet ta’ dan ir-Regolament, japplikaw id-definizzjonijiet stabbiliti fl-Artikolu 4 tar-Regolament (UE) Nru 1380/2013.
Barra minn hekk, japplikaw ukoll id-definizzjonijiet li ġejjin:
(1) |
“subdiviżjoni” tfisser subdiviżjoni tal-Baħar Baltiku tal-Kunsill Internazzjonali għall-Esplorazzjoni tal-Baħar (ICES) kif definita fl-Anness III tar-Regolament (KE) Nru 218/2009 tal-Parlament Ewropew u tal-Kunsill (9); |
(2) |
“qabda totali permissibbli (TAC)” tfisser:
|
(3) |
“kwota” tfisser proporzjon mit-TAC allokata lill-Unjoni, lil Stat Membru jew lil pajjiż terz; |
(4) |
“sajd rikreattiv” tfisser attivitajiet tas-sajd mhux kummerċjali li jisfruttaw ir-riżorsi bijoloġiċi tal-baħar, pereżempju għar-rikreazzjoni, għat-turiżmu jew għall-isport; |
(5) |
“valutazzjoni analitika” tfisser evalwazzjoni kwantitattiva tax-xejriet fi stokk partikolari, ibbażata fuq data dwar il-bijoloġija u l-isfruttament ta’ dak l-istokk, kif ukoll fuq indikaturi, li l-analiżi xjentifika tkun indikat li hija ta’ kwalità tajba biżżejjed biex tagħti parir xjentifiku; |
(6) |
“TAC analitika” tfisser TAC li għaliha tkun disponibbli valutazzjoni analitika; |
(7) |
“TAC prekawzjonarja” tfisser TAC li għaliha ma tkunx disponibbli valutazzjoni analitika, u minflok tkun disponibbli valutazzjoni bbażata fuq l-approċċ prekawzjonarju jew ma tkun disponibbli l-ebda valutazzjoni. |
KAPITOLU II
Opportunitajiet tas-sajd
Artikolu 4
TACs u allokazzjonijiet
It-TACs, il-kwoti u, fejn xieraq, il-miżuri marbuta b’mod funzjonali magħhom, huma stabbiliti fl-Anness.
Artikolu 5
Dispożizzjonijiet speċjali dwar l-allokazzjoni tal-opportunitajiet tas-sajd
1. L-allokazzjoni tal-opportunitajiet tas-sajd fost l-Istati Membri stabbilita f’dan ir-Regolament għandha tkun mingħajr preġudizzju:
(a) |
għall-iskambji li jsiru skont l-Artikolu 16(8) tar-Regolament (UE) Nru 1380/2013; |
(b) |
għat-tnaqqis u għar-riallokazzjonijiet li jsiru skont l-Artikolu 37 tar-Regolament (KE) Nru 1224/2009; |
(c) |
għall-ħatt l-art addizzjonali permess skont l-Artikolu 3 tar-Regolament (KE) Nru 847/96 jew skont l-Artikolu 15(9) tar-Regolament (UE) Nru 1380/2013; |
(d) |
għall-kwantitajiet miżmuma f’konformità mal-Artikolu 4 tar-Regolament (KE) Nru 847/96 jew trasferiti skont l-Artikolu 15(9) tar-Regolament (UE) Nru 1380/2013; |
(e) |
għat-tnaqqis li jsir skont l-Artikoli 105, 106 u 107 tar-Regolament (KE) Nru 1224/2009. |
2. L-istokkijiet soġġetti għat-TACs prekawzjonarji jew analitiċi għall-finijiet tal-ġestjoni minn sena għal sena tat-TACs u l-kwoti previsti fir-Regolament (KE) Nru 847/96 huma identifikati fl-Anness għal dan ir-Regolament.
3. Għajr meta speċifikat mod ieħor fl-Anness għal dan ir-Regolament, l-Artikolu 3 tar-Regolament (KE) Nru 847/96 japplika għall-istokkijiet li huma soġġetti għal TAC prekawzjonarja u l-Artikolu 3(2) u (3) u l-Artikolu 4 ta’ dak ir-Regolament japplikaw għall-istokkijiet soġġetti għal TAC analitika.
4. L-Artikoli 3u 4 tar-Regolament (KE) Nru 847/96 ma japplikawx meta Stat Membru juża l-flessibbiltà minn sena għal sena prevista fl-Artikolu 15(9) tar-Regolament (UE) Nru 1380/2013.
Artikolu 6
Kundizzjonijiet għall-ħatt l-art ta’ qabdiet u ta’ qabdiet aċċessorji
L-istokkijiet ta’ speċijiet mhux immirati fil-limiti bijoloġiċi sikuri msemmija fl-Artikolu 15(8) tar-Regolament (UE) Nru 1380/2013 li għalihom tapplika ad-deroga mill-obbligu li l-qabdiet jingħaddu skont il-kwoti rilevanti huma identifikati fit-tabelli tat-TAC rilevanti fl-Anness għal dan ir-Regolament.
Artikolu 7
Għeluq għall-protezzjoni tar-riproduzzjoni tal-bakkaljaw
1. Għandu jkun ipprojbit is-sajd bi kwalunkwe tip ta’ rkaptu tas-sajd fis-subdiviżjonijiet 25 u 26 mill-1 ta’ Mejju sal-31 ta’ Awwissu.
2. Il-projbizzjoni stabbilita fil-paragrafu 1 ma għandhiex tapplika għall-każ ta’:
(a) |
operazzjonijiet tas-sajd imwettqa għall-fini esklużiv ta’ investigazzjonijiet xjentifiċi, dment li dawk l-investigazzjonijiet jitwettqu f’konformità mal-kundizzjonijiet stabbiliti fl-Artikolu 25 tar-Regolament (UE) 2019/1241; |
(b) |
bastimenti tas-sajd tal-Unjoni b’tul totali ta’ inqas minn 12-il metru li jistadu bl-għeżula, bl-għeżula tat-tħabbil jew bil-pariti, bil-konzijiet tal-qiegħ, bil-konzijiet, bil-konzijiet tal-wiċċ, bix-xlief u bl-irkaptu tat-trejjix jew b’irkaptu passiv simili f’żoni fejn il-fond tal-ilma jkun inqas minn 20 metru skont il-koordinati ta’ fuq il-mappa nawtika uffiċjali li tinħareġ mill-awtoritajiet nazzjonali kompetenti. |
(c) |
bastimenti tas-sajd tal-Unjoni li jistadu fis-subdiviżjoni 25 għal stokkijiet pelaġiċi għall-konsum dirett mill-bniedem, bl-użu ta’ rkapti b’daqs tal-malja ta’ 45 mm jew inqas, f’żoni fejn il-fond tal-ilma jkun inqas minn 50 metru skont il-koordinati fuq il-mappa nawtika uffiċjali li tinħareġ mill-awtoritajiet nazzjonali kompetenti, u li l-ħatt l-art tagħhom jiġi magħżul. |
3. Għandu jkun ipprojbit is-sajd bi kwalunkwe tip ta’ rkaptu tas-sajd fis-subdiviżjonijiet 22 u 23 mill-15 ta’ Jannar sal-31 ta’ Marzu u fis-subdiviżjoni 24 mill-15 ta’ Mejju sal-15 ta’ Awwissu.
4. Il-projbizzjoni stabbilita fil-paragrafu 3 ma għandhiex tapplika għall-każijiet li ġejjin:
(a) |
operazzjonijiet tas-sajd imwettqa għall-fini esklużiv ta’ investigazzjonijiet xjentifiċi, dment li dawk l-investigazzjonijiet jitwettqu f’konformità mal-kundizzjonijiet stabbiliti fl-Artikolu 25 tar-Regolament (UE) 2019/1241; |
(b) |
bastimenti tas-sajd tal-Unjoni b’tul totali ta’ inqas minn 12-il metru li jistadu bl-għeżula, bl-għeżula tat-tħabbil jew bil-pariti, bil-konzijiet tal-qiegħ, bil-konzijiet, bil-konzijiet tal-wiċċ, bix-xlief u bl-irkaptu tat-trejjix jew b’irkaptu passiv simili f’żoni fejn il-fond tal-ilma jkun inqas minn 20 metru skont il-koordinati ta’ fuq il-mappa nawtika uffiċjali li tinħareġ mill-awtoritajiet nazzjonali kompetenti; |
(c) |
bastimenti tas-sajd tal-Unjoni li jistadu fis-subdiviżjoni 24 għal stokkijiet pelaġiċi għall-konsum dirett mill-bniedem, bl-użu ta’ rkapti b’daqs tal-malja ta’ 45 mm jew inqas, f’żoni fejn il-fond tal-ilma jkun inqas minn 40 metru skont il-koordinati fuq il-mappa nawtika uffiċjali li tinħareġ mill-awtoritajiet nazzjonali kompetenti, u li l-ħatt l-art tagħhom jiġi magħżul; |
(d) |
bastimenti tas-sajd tal-Unjoni li jistadu bil-gangmi għall-molluski bivalvi fis-subdiviżjoni 22, f’żoni fejn il-fond tal-ilma jkun inqas minn 20 metru skont il-koordinati ta’ fuq il-mappa nawtika uffiċjali li tinħareġ mill-awtoritajiet nazzjonali kompetenti. |
5. Il-kaptani tal-bastimenti tas-sajd tal-Unjoni msemmija fil-paragrafu 2, il-punt (b), u fil-paragrafu 4, il-punti (b) u (c), għandhom jiżguraw li l-attività tas-sajd tagħhom tkun tista’ tiġi mmonitorjata f’kull ħin mill-awtoritajiet tal-kontroll tal-Istat Membru kompetenti.
Artikolu 8
Għeluq għall-protezzjoni tar-riproduzzjoni tal-aringi fis-subdiviżjonijiet 25-27, 28.2, 29 u 32
Għandu jkun ipprojbit is-sajd għal speċijiet pelaġiċi bl-użu ta’ xbieki tat-tkarkir pelaġiku matul il-perjodi li ġejjin:
— |
fis-subdiviżjonijiet 25 u 26 mill-1 ta’ April sat-30 ta’ April, |
— |
fis-subdiviżjonijiet 27 u 28.2 mis-16 ta’ April sal-15 ta’ Mejju, |
— |
fis-subdiviżjonijiet 29 u 32 mill-1 ta’ Mejju sal-31 ta’ Mejju. |
Artikolu 9
Miżuri dwar is-sajd rikreattiv għall-bakkaljaw fis-subdiviżjonijiet 22 sa 26
Is-sajd rikreattiv għall-bakkaljaw għandu jkun ipprojbit fis-subdiviżjonijiet 22 sa 26.
Artikolu 10
Miżuri dwar is-sajd rikreattiv għas-salamun fis-subdiviżjonijiet 22 sa 31
1. Is-sajd rikreattiv tas-salamun għandu jkun ipprojbit fis-subdiviżjonijiet 22 sa 31. Kull kampjun ta’ salamun li jinqabad b’mod aċċidentali għandu jiġi rilaxxat lura fil-baħar minnufih.
2. B’deroga mill-paragrafu 1, is-sajd rikreattiv tas-salamun għandu jkun permess bil-kundizzjonijiet kumulattivi li ġejjin:
(a) |
kull sajjied rikreattiv ma jistax jaqbad u jżomm aktar minn kampjun wieħed kuljum ta’ salamun bil-pinen maqtugħin; |
(b) |
wara li s-sajjied rikreattiv jaqbad l-ewwel salamun bil-pinen maqtugħin, huwa għandu jieqaf jistad għas-salamun għall-bqija tal-ġurnata; |
(c) |
il-kampjuni kollha ta’ kwalunkwe speċi ta’ ħut miżmuma għandhom jinħattu l-art sħaħ. |
3. B’deroga ulterjuri mill-paragrafu 1, is-sajd rikreattiv għas-salamun għandu jkun permess fis-subdiviżjoni 31 mill-1 ta’ Mejju sal-31 ta’ Awwissu f’żoni sa erba’ mili nawtiċi mkejla mil-linji bażi.
4. Dan l-Artikolu huwa mingħajr preġudizzju għal miżuri nazzjonali aktar stretti skont l-Artikoli 19 u 20 tar-Regolament (UE) Nru 1380/2013.
Artikolu 11
Miżuri għall-konservazzjoni tal-istokkijiet tat-trota tal-baħar u tas-salamun fis-subdiviżjonijiet 22 sa 32
1. Il-bastimenti tas-sajd tal-Unjoni ma għandhomx jistadu għat-trota tal-baħar lil hinn minn erba’ mili nawtiċi mkejla mil-linji bażi fis-subdiviżjonijiet 22 sa 32. Meta jsir is-sajd għas-salamun lil hinn minn erba’ mili nawtiċi mkejla mil-linji bażi fis-subdiviżjoni 32, il-qabdiet aċċessorji tat-trota tal-baħar ma għandhomx jaqbżu t-3 % tal-qabda totali tas-salamun u tat-trota tal-baħar abbord fi kwalunkwe mument jew meta jinħattu l-art wara kull vjaġġ tas-sajd.
2. Is-sajd bil-konzijiet għat-trota tal-baħar jew għas-salamun lil hinn minn erba’ mili nawtiċi mkejla mil-linji bażi fis-subdiviżjonijiet 22 sa 31 għandu jkun ipprojbit.
3. Dan l-Artikolu huwa mingħajr preġudizzju għal miżuri nazzjonali aktar stretti skont l-Artikoli 19 u 20 tar-Regolament (UE) Nru 1380/2013.
Artikolu 12
Trażmissjoni tad-data
Meta l-Istati Membri jibagħtu data relatata mal-kwantitajiet ta’ stokkijiet maqbuda jew li jinħattu l-art lill-Kummissjoni skont l-Artikoli 33 u 34 tar-Regolament (KE) Nru 1224/2009, dawn għandhom jużaw il-kodiċijiet tal-istokkijiet stabbiliti fl-Anness għal dan ir-Regolament.
KAPITOLU III
Dispożizzjonijiet finali
Artikolu 13
Emendi għar-Regolament (UE) 2023/194
Ir-Regolament (UE) 2023/194 huwa emendat kif ġej:
(1) |
fl-Anness IA, il-Parti B, it-tabella dwar l-opportunitajiet tas-sajd għall-merluzz tan-Norveġja (Trisopterus esmarkii) fid-diviżjoni 3a tal-ICES (“Skagerrak-Kattegat”), fl-ilmijiet tar-Renju Unit u tal-Unjoni tas-subżona 4 tal-ICES u fl-ilmijiet tar-Renju Unit tad-diviżjoni 2a tal-ICES (“il-Baħar tat-Tramuntana”) hija sostitwita b’dan li ġej:
|
(2) |
fl-Anness IA, il-Parti B, it-tabella dwar l-opportunitajiet tas-sajd għall-merluzz tal-linja sewda (Melanogrammus aeglefinus) fis-Subżona 4 tal-ICES u fl-ilmijiet tar-Renju Unit tad-diviżjoni 2a tal-ICES hija sostitwita b’dan li ġej:
|
(3) |
fl-Anness IB, it-tabella tal-opportunitajiet tas-sajd għall-kapelin (Mallotus villosus) fl-ilmijiet ta’ Greenland tas-subżoni 5 u 14 tal-ICES hija sostitwita b’dan li ġej:
|
Artikolu 14
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar sal-31 ta’ Diċembru 2024.
B’deroga mit-tieni paragrafu:
(a) |
l-Artikolu 13, il-punt (1), għandu japplika mill-1 ta’ Novembru 2023 sal-31 ta’ Ottubru 2024; |
(b) |
l-Artikolu 13, il-punt (2) għandu japplika mill-1 ta’ Novembru 2023 sal-31 ta’ Diċembru 2023. |
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Novembru 2023.
Għall-Kunsill
Il-President
H. CREVITS
(1) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(2) Ir-Regolament (UE) 2016/1139 tal-Parlament Ewropew u tal-Kunsill tas-6 ta’ Lulju 2016 li jistabbilixxi pjan pluriennali għall-istokkijiet tal-bakkaljaw, l-aringi u l-laċċ ikħal fil-Baħar Baltiku u s-sajd li jisfrutta dawk l-istokkijiet, li jemenda r-Regolament tal-Kunsill (KE) Nru 2187/2005 u li jirrevoka r-Regolament tal-Kunsill (KE) Nru 1098/2007 (ĠU L 191, 15.7.2016, p. 1).
(3) Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).
(4) Ir-Regolament tal-Kunsill (KE) Nru 847/96 tas-6 ta’ Mejju 1996 li jintroduċi kondizzjonijiet addizzjonali għal tmexxija minn sena għal sena tat-TAC u l-kwoti (ĠU L 115, 9.5.1996, p. 3.).
(5) Ir-Regolament tal-Kunsill (UE) 2023/194 tat-30 ta’ Jannar 2023 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond (ĠU L 28, 31.1.2023, p. 1).
(6) ĠU L 149, 30.4.2021, p. 10.
(7) Id-Deċiżjoni tal-Kunsill (UE) 2021/1875 tat-22 ta’ Ottubru 2021 dwar il-pożizzjoni li għandha tiġi adottata f’isem l-Unjoni fil-konsultazzjonijiet annwali mar-Renju Unit biex jintlaħaq ftehim dwar il-qabdiet totali permissibbli (ĠU L 378, 26.10.2021, p. 6).
(8) ĠU L 175, 18.5.2021, p. 3. L-Unjoni approvat il-Ftehim ta’ Sħubija dwar is-Sajd Sostenibbli bejn l-Unjoni Ewropea, minn naħa waħda, u l-Gvern ta’ Greenland u l-Gvern tad-Danimarka, min-naħa l-oħra, u l-Protokoll ta’ implimentazzjoni tiegħu, permezz tad-Deċiżjoni tal-Kunsill (UE) 2021/2043 tat-18 ta’ Novembru 2021 dwar il-konklużjoni, f’isem l-Unjoni, tal-Ftehim ta’ Sħubija dwar is-Sajd Sostenibbli bejn l-Unjoni Ewropea, minn naħa waħda, u l-Gvern ta’ Greenland u l-Gvern tad-Danimarka, min-naħa l-oħra, u l-Protokoll ta’ implimentazzjoni tiegħu (ĠU L 418, 24.11.2021, p. 1).
(9) Ir-Regolament (KE) Nru 218/2009 tal-Parlament Ewropew u tal-Kunsill tal-11 ta’ Marzu 2009 dwar il-preżentazzjoni ta’ statistiċi ta’ qbid nominali mill-Istati Membri li jistadu fil-Grigal tal-Atlantiku (ĠU L 87, 31.3.2009, p. 70).
ANNESS
TACs APPLIKABBLI GĦALL-BASTIMENTI TAS-SAJD TAL-UNJONI FIŻ-ŻONI LI GĦALIHOM JEŻISTU TACs SKONT L-ISPEĊI U Ż-ŻONA
It-tabelli li ġejjin jistabbilixxu t-TACs u l-kwoti (f’tunnellati ta’ piż ħaj, għajr fejn ikun speċifikat mod ieħor) skont l-istokk u l-miżuri marbutin b’mod funzjonali magħhom.
Ir-referenzi għaż-żoni tas-sajd huma referenzi għaż-żoni tal-ICES.
L-istokkijiet tal-ħut jissemmew skont l-ordni alfabetika tal-ismijiet xjentifiċi tal-ispeċijiet.
Għall-finijiet ta’ dan ir-Regolament, qed tiġi pprovduta t-tabella komparattiva li ġejja tal-ismijiet xjentifiċi u l-ismijiet komuni:
Isem xjentifiku |
Kodiċi alfa-3 |
Isem komuni |
Clupea harengus |
HER |
Aringa |
Gadus morhua |
COD |
Bakkaljaw |
Pleuronectes platessa |
PLE |
Barbun tat-tbajja’ |
Salmo salar |
SAL |
Salamun tal-Atlantiku |
Sprattus sprattus |
SPR |
Laċċa kaħla |
Tabella 1
Speċi: |
Aringa |
|
Żona: |
Is-subdiviżjonijiet 30-31 |
|
|
Clupea harengus |
|
|
(HER/30/31.) |
|
Il-Finlandja |
|
45 092 |
|
TAC analitika |
|
L-Iżvezja |
|
9 908 |
|
||
L-Unjoni |
|
55 000 |
|
||
TAC |
|
55 000 |
|
Tabella 2
Speċi: |
Aringa |
|
Żona: |
Is-subdiviżjonijiet 22-24 |
|
|
Clupea harengus |
|
|
(HER/3BC+24) |
|
Id-Danimarka |
|
110 |
(1) |
TAC analitika |
|
Il-Ġermanja |
|
435 |
(1) |
L-Artikolu 3(2) u (3) tar-Regolament (KE) Nru 847/96 ma japplikax. |
|
Il-Finlandja |
|
0 |
(1) |
L-Artikolu 4 tar-Regolament (KE) Nru 847/96 ma japplikax. |
|
Il-Polonja |
|
103 |
(1) |
||
L-Iżvezja |
|
140 |
(1) |
||
L-Unjoni |
|
788 |
(1) |
||
TAC |
|
788 |
(1) |
||
(1) |
Għall-qabdiet aċċessorji biss. Mhu permess l-ebda sajd dirett fil-kuntest ta’ din il-kwota. B’deroga mill-ewwel paragrafu, l-operazzjonijiet tas-sajd li jsiru biss għall-fini esklużiv ta’ investigazzjonijiet xjentifiċi jistgħu jiġu diretti għall-aringa, dment li dawk l-investigazzjonijiet jitwettqu f’konformità mal-kundizzjonijiet stabbiliti fl-Artikolu 25 tar-Regolament (UE) 2019/1241. B’deroga mill-ewwel paragrafu, is-sajd ta’ din il-kwota huwa permess għall-bastimenti tas-sajd tal-Unjoni b’tul totali ta’ inqas minn 12-il metru li jistadu bl-għeżula, bl-għeżula tat-tħabbil, bix-xlief, bix-xbieki mirfuda f’post fiss jew bi rkapti tat-trejjix. Il-kaptani ta’ dawk il-bastimenti tas-sajd għandhom jiżguraw li l-attività tas-sajd tagħhom tkun tista’ tiġi mmonitorjata f’kull ħin mill-awtoritajiet tal-kontroll tal-Istat Membru kompetenti. |
Tabella 3
Speċi: |
Aringa |
|
Żona: |
L-ilmijiet tal-Unjoni tas-subdiviżjonijiet 25-27, 28.2, 29 u 32 |
|
|
Clupea harengus |
|
|
(HER/3D-R30) |
|
Id-Danimarka |
|
888 |
|
TAC analitika |
|
Il-Ġermanja |
|
235 |
|
L-Artikolu 3(2) u (3) tar-Regolament (KE) Nru 847/96 ma japplikax. |
|
L-Estonja |
|
4 535 |
|
L-Artikolu 4 tar-Regolament (KE) Nru 847/96 ma japplikax. |
|
Il-Finlandja |
|
8 853 |
|
||
Il-Latvja |
|
1 119 |
|
||
Il-Litwanja |
|
1 178 |
|
||
Il-Polonja |
|
10 057 |
|
||
L-Iżvezja |
|
13 503 |
|
||
L-Unjoni |
|
40 368 |
|
||
TAC |
|
Mhux rilevanti |
|
Tabella 4
Speċi: |
Aringa |
|
Żona: |
Is-subdiviżjoni 28.1 |
|
|
Clupea harengus |
|
|
(HER/03D.RG) |
|
L-Estonja |
|
17 529 |
|
TAC analitika |
|
Il-Latvja |
|
20 430 |
|
Japplika l-Artikolu 6 ta’ dan ir-Regolament. |
|
L-Unjoni |
|
37 959 |
|
||
TAC |
|
37 959 |
|
Tabella 5
Speċi: |
Bakkaljaw |
|
Żona: |
L-ilmijiet tal-Unjoni tas-subdiviżjonijiet 25-32 |
|
|
Gadus morhua |
|
|
(COD/3DX32.) |
|
Id-Danimarka |
|
137 |
(1) |
TAC prekawzjonarja |
|
Il-Ġermanja |
|
54 |
(1) |
L-Artikolu 3 tar-Regolament (KE) Nru 847/96 ma japplikax. |
|
L-Estonja |
|
13 |
(1) |
||
Il-Finlandja |
|
10 |
(1) |
||
Il-Latvja |
|
51 |
(1) |
||
Il-Litwanja |
|
33 |
(1) |
||
Il-Polonja |
|
159 |
(1) |
||
L-Iżvezja |
|
138 |
(1) |
||
L-Unjoni |
|
595 |
(1) |
||
TAC |
|
Mhux rilevanti |
(1) |
||
(1) |
Għall-qabdiet aċċessorji biss. Mhu permess l-ebda sajd dirett fil-kuntest ta’ din il-kwota. B’deroga mill-ewwel paragrafu, l-operazzjonijiet tas-sajd li jsiru biss għall-fini esklużiv ta’ investigazzjonijiet xjentifiċi jistgħu jiġu diretti għall-bakkaljaw, dment li dawk l-investigazzjonijiet jitwettqu f’konformità mal-kundizzjonijiet stabbiliti fl-Artikolu 25 tar-Regolament (UE) 2019/1241. |
Tabella 6
Speċi: |
Bakkaljaw |
|
Żona: |
Is-subdiviżjonijiet 22-24 |
|
|
Gadus morhua |
|
|
(COD/3BC+24) |
|
Id-Danimarka |
|
148 |
(1) |
TAC prekawzjonarja |
|
Il-Ġermanja |
|
73 |
(1) |
L-Artikolu 3 tar-Regolament (KE) Nru 847/96 ma japplikax. |
|
L-Estonja |
|
3 |
(1) |
||
Il-Finlandja |
|
3 |
(1) |
||
Il-Latvja |
|
12 |
(1) |
||
Il-Litwanja |
|
8 |
(1) |
||
Il-Polonja |
|
40 |
(1) |
||
L-Iżvezja |
|
53 |
(1) |
||
L-Unjoni |
|
340 |
(1) |
||
TAC |
|
340 |
(1) |
||
(1) |
Għall-qabdiet aċċessorji biss. Mhu permess l-ebda sajd dirett fil-kuntest ta’ din il-kwota. B’deroga mill-ewwel paragrafu, l-operazzjonijiet tas-sajd li jsiru biss għall-fini esklużiv ta’ investigazzjonijiet xjentifiċi jistgħu jiġu diretti għall-bakkaljaw, dment li dawk l-investigazzjonijiet jitwettqu f’konformità mal-kundizzjonijiet stabbiliti fl-Artikolu 25 tar-Regolament (UE) 2019/1241. |
Tabella 7
Speċi: |
Barbun tat-tbajja’ |
|
Żona: |
L-ilmijiet tal-Unjoni tas-subdiviżjonijiet 22-32 |
|
|
Pleuronectes platessa |
|
|
(PLE/3BCD-C) |
|
Id-Danimarka |
|
8 105 |
|
TAC analitika |
|
Il-Ġermanja |
|
900 |
|
Japplika l-Artikolu 6 ta’ dan ir-Regolament. |
|
Il-Polonja |
|
1 697 |
|
||
L-Iżvezja |
|
611 |
|
||
L-Unjoni |
|
11 313 |
|
||
TAC |
|
11 313 |
|
Tabella 8
Speċi: |
Salamun tal-Atlantiku |
|
Żona: |
L-ilmijiet tal-Unjoni tas-subdiviżjonijiet 22-31 |
|
|
Salmo salar |
|
|
(SAL/3BCD-F) |
|
Id-Danimarka |
|
11 183 |
(1)(2) |
TAC analitika |
|
Il-Ġermanja |
|
1 244 |
(1)(2) |
L-Artikolu 3(2) u (3) tar-Regolament (KE) Nru 847/96 ma japplikax. |
|
L-Estonja |
|
1 137 |
(1)(2)(3) |
L-Artikolu 4 tar-Regolament (KE) Nru 847/96 ma japplikax. |
|
Il-Finlandja |
|
13 945 |
(1)(2) |
||
Il-Latvja |
|
7 113 |
(1)(2) |
||
Il-Litwanja |
|
836 |
(1)(2) |
||
Il-Polonja |
|
3 393 |
(1)(2) |
||
L-Iżvezja |
|
15 116 |
(1)(2) |
||
L-Unjoni |
|
53 967 |
(1)(2) |
||
TAC |
|
Mhux rilevanti |
|
||
(1) |
Espress f’għadd ta’ ħut individwali. |
||||
(2) |
Għall-qabdiet aċċessorji biss. Mhu permess l-ebda sajd dirett fil-kuntest ta’ din il-kwota. B’deroga mill-ewwel paragrafu, l-operazzjonijiet tas-sajd li jsiru biss għall-fini esklużiv ta’ investigazzjonijiet xjentifiċi jistgħu jiġu diretti għas-salamun tal-Atlantiku, dment li dawk l-investigazzjonijiet jitwettqu f’konformità mal-kundizzjonijiet stabbiliti fl-Artikolu 25 tar-Regolament (UE) 2019/1241. B’deroga mill-ewwel paragrafu, is-sajd ta’ din il-kwota huwa permess għall-bastimenti tas-sajd tal-Unjoni fis-subdiviżjoni 31 tal-ICES f’żoni sa erba’ mili nawtiċi mkejla mil-linji bażi matul il-perjodu mill-1 ta’ Mejju sal-31 ta’ Awwissu. |
||||
(3) |
Kundizzjoni speċjali: fl-ilmijiet tal-Unjoni tas-subdiviżjoni 32, jistgħu jiġu mistada sa massimu ta’ 450 kampjun ta’ din il-kwota (SAL/*3D32). |
Tabella 9
Speċi: |
Salamun tal-Atlantiku |
|
Żona: |
L-ilmijiet tal-Unjoni tas-subdiviżjoni 32 |
|
|
Salmo salar |
|
|
(SAL/3D32.) |
|
L-Estonja |
|
1 040 |
(1) |
TAC prekawzjonarja |
|
Il-Finlandja |
|
9 104 |
(1) |
||
L-Unjoni |
|
10 144 |
(1) |
||
TAC |
|
Mhux rilevanti |
|
||
(1) |
Espress f’għadd ta’ ħut individwali. |
Tabella 10
Speċi: |
Laċċa kaħla |
|
Żona: |
L-ilmijiet tal-Unjoni tas-subdiviżjonijiet 22-32 |
|
|
Sprattus sprattus |
|
|
(SPR/3BCD-C) |
|
Id-Danimarka |
|
19 827 |
|
TAC analitika |
|
Il-Ġermanja |
|
12 561 |
|
Japplika l-Artikolu 6 ta’ dan ir-Regolament. |
|
L-Estonja |
|
23 024 |
|
|
|
Il-Finlandja |
|
10 379 |
|
||
Il-Latvja |
|
27 807 |
|
||
Il-Litwanja |
|
10 059 |
|
||
Il-Polonja |
|
59 013 |
|
||
L-Iżvezja |
|
38 330 |
|
||
L-Unjoni |
|
201 000 |
|
||
TAC |
|
Mhux rilevanti |
|
ELI: http://data.europa.eu/eli/reg/2023/2638/oj
ISSN 1977-074X (electronic edition)