(1)

Id-Direttiva 2003/87/KE stabbiliet fond biex jappoġġa l-investimenti għall-immodernizzar tas-sistemi tal-enerġija u għat-titjib tal-effiċjenza enerġetika f’ċerti Stati Membri (il-“Fond għall-Modernizzazzjoni”). Ir-Regolament ta’ Implimentazzjoni tal-Kummissjoni (UE) 2020/1001 (2) jistabbilixxi regoli dettaljati dwar l-operat tal-Fond għall-Modernizzazzjoni.

(2)

Id-Direttiva (UE) 2023/959 tal-Parlament Ewropew u tal-Kunsill (3) emendat l-Artikolu 10d tad-Direttiva 2003/87/KE li tistabbilixxi l-Fond għall-Modernizzazzjoni f’għadd ta’ aspetti. Fost l-oħrajn, il-kamp ta’ applikazzjoni tal-investimenti ta’ prijorità ġie estiż għall-infrastruttura għall-mobilità mingħajr emissjonijiet, u l-appoġġ mill-Fond għall-Modernizzazzjoni ġie estiż għall-Greċja, għall-Portugall u għas-Slovenja. Għalhekk, ir-regoli dettaljati dwar l-operat tal-Fond għall-Modernizzazzjoni stabbiliti fir-Regolament ta’ Implimentazzjoni (UE) 2020/1001 jenħtieġ li jiġu allinjati mad-Direttiva 2003/87/KE, kif emendata bid-Direttiva(UE) 2023/959.

(3)

Id-Direttiva 2003/87/KE tispeċifika liema dħul mill-Fond għall-Modernizzazzjoni jista’ jintuża għal investimenti li jinvolvu fjuwils fossili gassużi. Barra minn hekk, dik id-Direttiva tispeċifika liema dħul għandu jintuża f’konformità mal-kriterji “la tagħmilx ħsara sinifikanti” stabbiliti fl-Artikolu 17 tar-Regolament (UE) 2020/852 tal-Parlament Ewropew u tal-Kunsill (4), meta tali dħul jintuża għal attività ekonomika li għaliha jkunu ġew stabbiliti kriterji tekniċi ta’ skrinjar biex jiġi ddeterminat jekk attività ekonomika tikkawżax ħsara sinifikanti lil objettiv ambjentali rilevanti wieħed jew aktar skont l-Artikolu 10(3), il-punt (b), ta’ dak ir-Regolament. Sabiex jiġi żgurat li dawn ir-rekwiżiti jiġu ssodisfati, huwa xieraq li tiġi stabbilita distinzjoni, fir-Regolament ta’ Implimentazzjoni (UE) 2020/1001, bejn diversi kategoriji u subkategoriji ta’ dħul mill-Fond għall-Modernizzazzjoni fil-proċeduri għas-sottomissjoni u l-valutazzjoni tal-proposti ta’ investiment.

(4)

Biex tissaħħaħ it-tmexxija finanzjarja tajba tal-Fond għall-Modernizzazzjoni, il-proġetti li għalihom l-appoġġ tal-Fond għall-Modernizzazzjoni mitlub jaqbeż is-somma ta’ EUR 70 000 000 (“proġetti fuq skala kbira”), u li għalhekk x’aktarx jiġu implimentati fuq perjodu itwal ta’ żmien jew fi stadji, jenħtieġ li jkunu soġġetti għal żborż gradwali bbażat fuq skeda proposta mill-Istat Membru benefiċjarju. Ir-regoli dwar l-ewwel żborżi u dawk sussegwenti li japplikaw għall-iskemi jenħtieġ li japplikaw għal tali proġetti fuq skala kbira. Meta jitlob żborżi sussegwenti, l-Istat Membru benefiċjarju jenħtieġ li jipprovdi informazzjoni dwar l-implimentazzjoni tal-proġett fuq skala kbira.

(5)

Sabiex tittejjeb it-trasparenza tal-finanzjament fl-ambitu tal-Fond għall-Modernizzazzjoni, il-partijiet ikkonċernati rilevanti jenħtieġ li jiġu kkonsultati dwar proposti ta’ investiment li jikkonċernaw proġetti u skemi fuq skala kbira li għalihom l-appoġġ totali mitlub jaqbeż is-somma ta’ EUR 100 000 000 (“skemi fuq skala kbira”) qabel ma dawk il-proġetti u l-iskemi jiġu sottomessi lill-Bank Ewropew tal-Investiment (il-“BEI”) u lill-Kumitat tal-Investiment. L-Istati Membri benefiċjarji jenħtieġ li jiddeċiedu dwar il-proċedura għal tali konsultazzjoni.

(6)

L-Istat Membru benefiċjarju jenħtieġ li jipprovdi informazzjoni dwar l-implimentazzjoni ta’ dawk l-iskemi meta jitlob żborżi sussegwenti biex jiġi żgurat l-użu effiċjenti tar-riżorsi tal-Fond għall-Modernizzazzjoni għal skemi li jistgħu jinvolvu għadd kbir ta’ investimenti żgħar implimentati fuq perjodu ta’ diversi snin. Barra minn hekk, biex jiġi żgurat li l-iskemi fit-tul ikomplu jilħqu l-objettivi tal-Fond għall-Modernizzazzjoni, jixraq li d-durata tagħhom tiġi limitata għal massimu ta’ 5 snin, u wara dan l-Istat Membru benefiċjarju li jkun jixtieq ikompli l-iskema jista’ jissottometti proposta ġdida ta’ investiment li jenħtieġ li ssirilha valutazzjoni sħiħa.

(7)

Fl-interess taċ-ċertezza legali għall-iskemi kkonfermati mill-BEI jew rakkomandati għall-finanzjament mill-Kumitat tal-Investiment qabel il-5 ta’ Ġunju 2023 (jiġifieri, qabel id-data tad-dħul fis-seħħ tad-Direttiva (UE) 2023/959, li daħħlet l-Artikolu 10f fid-Direttiva 2003/87/KE), jenħtieġ li jiġi previst li l-iżborżi sussegwenti għal dawk l-iskemi ma jiddependux mill-konformità tal-iskema mal-Artikolu 10f tad-Direttiva 2003/87/KE. Min-naħa l-oħra, l-iżborżi għal kwalunkwe investiment ikkonfermat mill-BEI jew irrakkomandat għall-finanzjament mill-Kumitat tal-Investiment fil-5 ta’ Ġunju 2023 jew wara għandhom jikkonformaw mal-Artikolu 10f tad-Direttiva 2003/87/KE.

(8)

Sabiex jiġi promoss l-użu effiċjenti tar-riżorsi mill-Fond għall-Modernizzazzjoni u jiġi evitat li jinżammu f’investimenti li ma jiġux implimentati, jenħtieġ li jittejbu r-regoli applikabbli għal investimenti li ma jitkomplewx. L-investimenti jenħtieġ li jitqiesu li ma tkomplewx jekk, wara ċertu perjodu ta’ żmien, ma jkunux wasslu għal impenn legali vinkolanti bejn l-Istat Membru jew l-awtorità maniġerjali tal-iskema u l-benefiċjarju finali tar-riżorsi tal-Fond għall-Modernizzazzjoni jew jekk ma jkun ingħata l-ebda appoġġ lill-investiment, sakemm l-Istat Membru benefiċjarju ma jkunx jista’ juri li l-investiment ikun qed jiġi implimentat.

(9)

Ir-regoli li jirregolaw l-operat tal-Kumitat tal-Investiment jenħtieġ li jiġu aġġornati biex jirriflettu s-sħubija estiża tal-Kumitat li jinkludi rappreżentanti ta’ Stati Membri benefiċjarji ġodda.

(10)

Sabiex tittejjeb il-koerenza tal-investimenti ffinanzjati fl-ambitu tal-Fond għall-Modernizzazzjoni u sabiex tiġi żgurata l-kontribuzzjoni tagħhom għall-objettivi tal-Unjoni dwar il-klima u l-enerġija, l-Istati Membri benefiċjarji jenħtieġ li jibagħtu l-ħarsa ġenerali lejn l-investimenti ppjanati tagħhom fl-istess ħin tar-rapport annwali tagħhom. Ir-rapport annwali jenħtieġ li jispjega r-relazzjoni bejn l-investimenti ppjanati u l-pjanijiet nazzjonali għall-enerġija u l-klima skont ir-Regolament (UE) 2018/1999 tal-Parlament Ewropew u tal-Kunsill (5). Il-partijiet ikkonċernati rilevanti jenħtieġ li jiġu kkonsultati dwar l-abbozz tal-ħarsa ġenerali lejn l-investimenti ppjanati. L-Istati Membri benefiċjarji jenħtieġ li jiddeċiedu dwar il-proċedura għal tali konsultazzjoni.

(11)

Sabiex tittejjeb il-valutazzjoni tal-proposti ta’ investiment u l-monitoraġġ tal-implimentazzjoni tal-investimenti li għaddejjin, jenħtieġ li tiġi pprovduta aktar informazzjoni dwar tali proposti u investimenti. B’mod partikolari, biex tiġi pprovduta informazzjoni komprensiva dwar il-potenzjal ta’ dekarbonizzazzjoni ta’ kull investiment, il-proposti kollha ta’ investiment jenħtieġ li jinkludu informazzjoni dwar il-potenzjal tagħhom ta’ tnaqqis tal-emissjonijiet tal-gassijiet serra u l-kostijiet relatati tat-tnaqqis tal-emissjonijiet. Barra minn hekk, il-ħarsiet ġenerali lejn l-investimenti ppjanati u l-proposti ta’ investiment jenħtieġ li jinkludu informazzjoni dwar jekk l-investiment ikunx ingħata siġill jew kwalunkwe tikketta ta’ kwalità pprovduta mid-dritt tal-Unjoni wara li jkun ġie evalwat b’mod pożittiv fi programm ta’ finanzjament immaniġġjat direttament.

(12)

Għaldaqstant, jenħtieġ li r-Regolament (UE) 2020/1001 jiġi emendat skont dan.

(13)

Il-miżuri previsti f’dan ir-Regolament huma konformi mal-opinjoni tal-Kumitat dwar it-Tibdil fil-Klima,

(1)

fl-Artikolu 2, jiżdiedu l-punti li ġejjin:

(2)

L-Artikolu 3 jitħassar;

(3)

l-Artikolu 4 huwa emendat kif ġej:

(4)

l-Artikolu 5 huwa emendat kif ġej:

(5)

l-Artikolu 6 huwa emendat kif ġej:

(6)

l-Artikolu 7 huwa emendat kif ġej:

(7)

fl-Artikolu 8, il-paragrafu 2 huwa sostitwit b’dan li ġej:

(8)

l-Artikolu 10 huwa sostitwit b’dan li ġej:

(9)

fl-Artikolu 11, jiddaħħlu l-paragrafi li ġejjin:

(10)

fl-Artikolu 12, il-paragrafu 1 huwa sostitwit b’dan li ġej:

(11)

l-Artikolu 13 huwa emendat kif ġej:

(12)

jiddaħħal l-Artikolu li ġej:

(13)

l-Artikolu 14 huwa emendat kif ġej:

(14)

fl-Artikolu 15(1) it-tieni subparagrafu jitħassar;

(15)

l-Artikolu 16 huwa emendat kif ġej:

(16)

l-Artikolu 17 huwa emendat kif ġej:

(17)

L-Anness I huwa sostitwit bit-test ippreżentat fl-Anness I ta’ dan ir-Regolament;

(18)

L-Anness II huwa sostitwit bit-test indikat fl-Anness II ta’ dan ir-Regolament;

(19)

it-test indikat fl-Anness III ta’ dan ir-Regolament jiżdied bħala Anness III.