Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32023R1609

    Regolament Delegat tal-Kummissjoni (UE) 2023/1609 tal-1 ta’ Ġunju 2023 li jikkoreġi r-Regolament Delegat (UE) 2017/118 li jistabbilixxi l-miżuri ta’ konservazzjoni fis-sajd għall-protezzjoni tal-ambjent marittimu fil-Baħar tat-Tramuntana

    C/2023/3467

    ĠU L 198, 8.8.2023, p. 27–29 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2023/1609/oj

    Date of document:
    01/06/2023; Data ta' adozzjoni
    Date of effect:
    09/08/2023; Dħul fis-seħħ Data tal-pubblikazzjoni +1 Ara Art. 2
    Date of end of validity:
    No end date
    Author:
    Il-Kummissjoni Ewropea, Id-Direttorat Ġenerali għall-Affarijiet Marittimi u s-Sajd
    Responsible body:
    MARE
    Form:
    Regolament delegat
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32017R0118 Sostituzzjoni anness I punt 1(11) punt (c) 09/08/2023
    Modifies 32017R0118 Sostituzzjoni anness VI punt 4(3) punt A punt (c) 09/08/2023
    Modifies 32017R0118 Sostituzzjoni anness VI punt 4(3) punt B punt (c) 09/08/2023
    Modifies 32017R0118 Żieda artikolu 3 paragrafu 1 punt (d) 09/08/2023
    Instruments cited:
    Link

    8.8.2023   

    MT

    Il-Ġurnal Uffiċjali tal-Unjoni Ewropea

    L 198/27

    REGOLAMENT DELEGAT TAL-KUMMISSJONI (UE) 2023/1609

    tal-1 ta’ Ġunju 2023

    li jikkoreġi r-Regolament Delegat (UE) 2017/118 li jistabbilixxi l-miżuri ta’ konservazzjoni fis-sajd għall-protezzjoni tal-ambjent marittimu fil-Baħar tat-Tramuntana

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (1), u b’mod partikolari l-Artikolu 11 (2) tiegħu,

    Billi:

    (1)

    Ir-Regolament Delegat tal-Kummissjoni (UE) 2017/118 (2) jistabbilixxi miżuri ta’ konservazzjoni għall-protezzjoni tal-ambjent marittimu f’ċerti żoni tal-Baħar tat-Tramuntana. Dan ir-Regolament ġie emendat l-aħħar bir-Regolament Delegat tal-Kummissjoni (UE) 2023/340 (3).

    (2)

    Fit-22 ta’ Frar 2023, il-Ġermanja infurmat lill-Kummissjoni bi żball fir-Regolament Delegat (UE) 2023/340. Dan jikkonċerna sentenza li tinsab fir-rakkomandazzjoni konġunta li ma ġietx trasposta fir-Regolament Delegat (UE) 2023/340, jiġifieri l-fatt li l-miżuri ta’ konservazzjoni tas-sajd fiż-żoni ċentrali u tal-Lvant tas-Sylter Aussenriff [iż-żoni 1(10)] għandhom jkunu effettivi fl-1 ta’ Mejju 2023.

    (3)

    Fit-28 ta’ Frar 2023, il-Ġermanja infurmat lill-Kummissjoni dwar żbalji tekniċi addizzjonali fl-Anness tar-Regolament Delegat (UE) 2023/340, fir-rigward tad-deżinjazzjoni taż-Żona Ekonomika Esklużiva tan-Netherlands u l-koordinati ġeografiċi tal-linja ta’ separazzjoni marittima bejn iż-Żoni Ekonomiċi Esklużivi tal-Ġermanja u tan-Netherlands.

    (4)

    Għalhekk, jenħtieġ li l-Artikolu 3(1) u l-Annessi I u VI tar-Regolament Delegat (UE) 2017/118 jiġu kkoreġuti skont dan.

    (5)

    Billi l-korrezzjonijiet previsti f’dan l-att għandhom impatt dirett fuq l-attivitajiet tas-sajd fiż-żoni soġġetti għal miżuri ta’ konservazzjoni tas-sajd, jenħtieġ li dan ir-Regolament jidħol fis-seħħ immedjatament mal-pubblikazzjoni tiegħu,

    ADOTTAT DAN IR-REGOLAMENT:

    Artikolu 1

    Ir-Regolament Delegat (UE) 2017/118 huwa kkoreġut kif ġej:

    1.

    fl-Artikolu 3(1), tiżdied l-ittra (d):

    “(d)

    fiż-żoni 1(10), il-miżuri ta’ konservazzjoni tas-sajd għandhom ikunu effettivi fl-1 ta’ Mejju 2023.”

    2.

    L-Annessi I u VI huma kkoreġuti kif stabbilit fl-Anness ta’ dan ir-Regolament.

    Artikolu 2

    Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-1 ta’ Ġunju 2023.

    Għall-Kummissjoni

    Il-President

    Ursula VON DER LEYEN

    (1)  ĠU L 354, 28.12.2013, p. 22.

    (2)  Ir-Regolament Delegat tal-Kummissjoni (UE) 2017/118 tal-5 ta’ Settembru 2016 li jistabbilixxi l-miżuri ta’ konservazzjoni fis-sajd għall-protezzjoni tal-ambjent marittimu fil-Baħar tat-Tramuntana (ĠU L 19, 25.1.2017, p. 10).

    (3)  Ir-Regolament Delegat tal-Kummissjoni (UE) 2023/340 tat-8 ta’ Diċembru 2022 li jemenda r-Regolament Delegat (UE) 2017/118 fir-rigward tal-miżuri ta’ konservazzjoni f’Sylter Aussenriff, f’Borkum-Riffgrund, f’Doggerbank u f’Östliche Deutsche Bucht, u fi Klaverbank, fi Friese Front u f’Centrale Oestergronden (ĠU L 48, 16.2.2023, p. 18).

    ANNESS

    L-Annessi I u VI tar-Regolament Delegat (UE) 2017/118 huma kkoreġuti kif ġej:

    (1)

    fl-Anness I, il-punt (c) fiż-żona 1(11) huwa sostitwit b’dan li ġej:

    “(c)

    bil-linja ta’ separazzjoni marittima bejn iż-Żoni Ekonomiċi Esklużivi tal-Ġermanja u tan-Netherlands minn 53,724495° N 6,345843° E sa 54,016833° N 6,095963° E.”

    (2)

    fl-Anness VI, il-punt (c) fiż-żoni 4(3), iż-żona ta’ Ġestjoni A f’Borkum-Riffgrund huwa sostitwit b’dan li ġej:

    “(c)

    bil-linja ta’ separazzjoni marittima bejn iż-Żoni Ekonomiċi Esklużivi tal-Ġermanja u tan-Netherlands minn 53,724495° N 6,345843° E sa 54,016833° N 6,095963° E.”

    (3)

    fl-Anness VI, il-punt (c) fiż-żoni 4(3), iż-żona ta’ Ġestjoni B f’Doggerbank huwa sostitwit b’dan li ġej:

    “(c)

    bil-linja ta’ separazzjoni marittima bejn iż-Żoni Ekonomiċi Esklużivi tal-Ġermanja u tan-Netherlands minn 55,365081° N 4,260850° E sa 55,645558° N 3,637590° E;”.
    Top