Ez a dokumentum az EUR-Lex webhelyről származik.
Dokumentum 32023R0730
Council Regulation (EU) 2023/730 of 31 March 2023 amending Regulation (EU) 2023/194 fixing for 2023 the fishing opportunities for certain fish stocks, applicable in Union waters and, for Union fishing vessels, in certain non-Union waters, as well as fixing for 2023 and 2024 such fishing opportunities for certain deep-sea fish stocks, and Regulation (EU) 2022/109
Regolament tal-Kunsill (UE) 2023/730 tal-31 ta’ Marzu 2023 li jemenda r-Regolament (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta' ħut tal-baħar fond, u r-Regolament(UE) 2022/109
Regolament tal-Kunsill (UE) 2023/730 tal-31 ta’ Marzu 2023 li jemenda r-Regolament (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta' ħut tal-baħar fond, u r-Regolament(UE) 2022/109
ST/7526/2023/INIT
ĠU L 95, 4.4.2023., 1—27. o.
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Hatályos
Kapcsolat | Jogi aktus | Megjegyzés | Érintett szövegrész | Ettől az időponttól | Eddig az időpontig |
---|---|---|---|---|---|
módosítás | 32022R0109 | Sostituzzjoni | anness IB tabella | 15/10/2022 | 15/04/2023 |
módosítás | 32023R0194 | Tħassir | artikolu 34 paragrafu 2 | 01/01/2023 | |
módosítás | 32023R0194 | Tħassir | artikolu 7 | 01/01/2023 | |
módosítás | 32023R0194 | Sostituzzjoni | anness IA parti A tabella 1 | 01/01/2023 | |
módosítás | 32023R0194 | Sostituzzjoni | anness IA parti B tabella | 01/01/2023 | |
módosítás | 32023R0194 | Sostituzzjoni | anness IB tabella | 01/01/2023 | |
módosítás | 32023R0194 | Sostituzzjoni | anness ID tabella | 01/01/2023 | |
módosítás | 32023R0194 | Sostituzzjoni | anness IH | 01/01/2023 | |
módosítás | 32023R0194 | Sostituzzjoni | anness IJ | 01/01/2023 | |
módosítás | 32023R0194 | Sostituzzjoni | anness VI punt 4 | 01/01/2023 | |
módosítás | 32023R0194 | Sostituzzjoni | anness VI punt 6 | 01/01/2023 |
4.4.2023 |
MT |
Il-Ġurnal Uffiċjali tal-Unjoni Ewropea |
L 95/1 |
REGOLAMENT TAL-KUNSILL (UE) 2023/730
tal-31 ta’ Marzu 2023
li jemenda r-Regolament (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta' ħut tal-baħar fond, u r-Regolament(UE) 2022/109
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 43(3) tiegħu,
Wara li kkunsidraw il-proposta tal-Kummissjoni Ewropea,
Billi:
(1) |
Ir-Regolament tal-Kunsill (UE) 2023/194 (1) jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għall-bastimenti tas-sajd tal-Unjoni, f'ċerti ilmijiet mhux tal-Unjoni. Il-qabdiet totali permissibbli (TACs) u l-miżuri marbuta mat-TACs b'mod funzjonali stabbiliti bir-Regolament (UE) 2023/194 jenħtieġ li jiġu emendati biex titqies il-pubblikazzjoni tal-parir xjentifiku kif ukoll l-eżiti tal-konsultazzjonijiet ma' pajjiżi terzi u l-laqgħat tal-Organizzazzjonijiet Reġjonali tal-Ġestjoni tas-Sajd (RFMOs). |
(2) |
Ir-Regolament (UE) 2023/194 jistabbilixxi TAC proviżorja għall-inċova (Engraulis encrasicolus) fis-subżona 8 tal-ICES għall-perjodu mill-1 ta' Jannar 2023 sat-30 ta' Ġunju 2023, sakemm isir disponibbli parir xjentifiku għal dak l-istokk għall-2023. Il-Kunsill Internazzjonali għall-Esplorazzjoni tal-Baħar (ICES) ippubblika parir xjentifiku għal dak l-istokk għall-2023 fis-16 ta' Diċembru 2022. Jenħtieġ li t-TAC definittiva għal dak l-istokk għall-2023 tiġi stabbilita f'konformità ma' dak il-parir. |
(3) |
Bejn id-9 u t-13 ta' Marzu 2023, saru konsultazzjonijiet bilaterali bejn l-Unjoni u r-Renju Unit dwar il-livell tat-TAC għaċ-ċiċċirell u l-qabdiet aċċessorji assoċjati (Ammodytes spp.) fl-ilmijiet tar-Renju Unit u tal-Unjoni tas-subżona 4 tal-ICES, fl-ilmijiet tar-Renju Unit tad-diviżjoni 2a tal-ICES u fl-ilmijiet tal-Unjoni tad-diviżjoni 3a. Dawk il-konsultazzjonijiet twettqu skont l-Artikolu 498(2), (4) u (6) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (2) (FKK) u abbażi tal-pożizzjoni tal-Unjoni approvata mill-Kunsill fit-2 ta' Marzu 2023. L-eżitu ta' dawk il-konsultazzjonijiet ġie ddokumentat f'Rekord bil-Miktub. Għaldaqstant, jenħtieġ li t-TAC rilevanti tiġi stabbilita fil-livell miftiehem mar-Renju Unit. |
(4) |
L-Unjoni u n-Norveġja kellhom konsultazzjonijiet bilaterali dwar: (i) stokkijiet kondiviżi u ġestiti b'mod konġunt fi Skagerrak, inkluż il-gamblu tat-Tramuntana (Pandalus borealis) u l-merlangu (Merlangius merlangus) fid-diviżjoni 3a tal-ICES, bl-għan li jintlaħaq qbil dwar il-ġestjoni ta' dawk l-istokkijiet inkluż l-opportunitajiet tas-sajd; (ii) l-aċċess għall-ilmijiet; u (iii) skambji ta' opportunitajiet tas-sajd. Il-konsultazzjonijiet dwar il-ġestjoni tal-istokkijiet fi Skagerrak saru bejn id-9 ta' Novembru u d-9 ta' Diċembru 2022, abbażi tal-pożizzjoni tal-Unjoni maqbula mill-Kunsill. Bejn id-9 ta' Novembru 2022 u s-16 ta' Marzu 2023, saru konsultazzjonijiet dwar l-aċċess għall-ilmijiet u dwar l-iskambji tal-opportunitajiet tas-sajd, anke abbażi tal-pożizzjoni tal-Unjoni maqbula mill-Kunsill. L-eżitu ta' dawk il-konsultazzjonijiet ġie ddokumentat f'żewġ Rekords Maqbula, iffirmati mill-Kapijiet tad-Delegazzjonijiet tal-Unjoni u n-Norveġja fis-17 ta' Marzu 2023. Jenħtieġ li l-opportunitajiet tas-sajd rilevanti jiġu stabbiliti fil-livell stipulat f'dawk ir-Rekords Maqbula, u jenħtieġ li d-dispożizzjonijiet l-oħra tar-Rekords Maqbula jiġu implimentati fil-liġi tal-Unjoni. L-opportunitajiet tas-sajd rilevanti stabbiliti bir-Regolament (UE) 2023/194 u l-opportunitajiet tas-sajd għall-kapelin (Mallotus villosus) fl-ilmijiet ta' Greenland tas-subżoni 5 u 14 tal-ICES stabbiliti bir-Regolament tal-Kunsill (UE) 2022/109 (3) jenħtieġ li jiġu emendati skont dan. |
(5) |
Fil-11-il laqgħa annwali tagħha fl-2023, l-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO) adottat limiti ta' qbid għas-sawrell (Trachurus murphyi), żammet is-sajd esploratorju għall-pixxisinna (Dissostichus spp.) u neħħiet il-limitu tal-isforz tas-sajd għas-sajd pelaġiku. Dawk il-miżuri jenħtieġ li jiġu implimentati fil-liġi tal-Unjoni. |
(6) |
Fil-laqgħa annwali tagħha tal-2022, il-Kummissjoni dwar it-Tonn tal-Oċean Indjan (IOTC) żammet il-limiti tal-qbid għat-tonna safra (Thunnus albacares) fiż-Żona ta' Kompetenza tal-IOTC skont il-pjan ta' bini mill-ġdid għal dak l-istokk. Ir-Regolament (UE) 2023/194 jistabbilixxi l-kwota tal-Unjoni għal dak l-istokk għall-2023 f'konformità ma' dik il-miżura adottata mill-IOTC. Wara reviżjoni tal-limitu ta' qbid annwali bażi tal-Unjoni skont il-pjan ta' bini mill-ġdid għat-tonna safra fiż-Żona ta' Kompetenza tal-IOTC, l-IOTC irrevediet il-kwota tal-Unjoni għal dak l-istokk għall-2023 f'konformità mal-pjan ta' bini mill-ġdid. Dik il-kwota riveduta tal-Unjoni jenħtieġ li tiġi implimentata fil-liġi tal-Unjoni. |
(7) |
Skont diversi rakkomandazzjonijiet tal-Kummissjoni Internazzjonali għall-Konservazzjoni tat-Tonn tal-Atlantiku (ICCAT), l-Unjoni tista', fuq talba, tittrasferixxi perċentwal tal-kwota mhux użata tagħha tal-istokkijiet fiż-żona tal-Konvenzjoni tal-ICCAT mis-sena ta' qabel tal-aħħar jew l-aħħar sena qabel sena partikolari, skont ir-regoli għal kull stokk kif stipulati mill-ICCAT. Jenħtieġ li dawk ir-rakkomandazzjonijiet jiġu implimentati fil-liġi tal-Unjoni abbażi ta' proposta tal-Kummissjoni mill-aktar fis possibbli, sabiex l-Istati Membri jkunu jistgħu jużaw il-kwoti tal-Unjoni għall-istokkijiet tal-ICCAT fit-totalità tagħhom kif previst mill-ICCAT għall-2024. Sakemm dawk ir-rakkomandazzjonijiet jiġu implimentati fil-liġi tal-Unjoni, ir-Regolament (UE) 2023/194 jistabbilixxi l-kwoti għall-Istati Membri individwali għal ċerti stokkijiet abbażi ta' kwota totali tal-Unjoni għall-2023 kif miftiehma mill-ICCAT qabel kwalunkwe aġġustament minħabba sajd eċċessiv jew sajd insuffiċjenti mill-Istati Membri. |
(8) |
Il-kwoti tal-Unjoni għall-istokkijiet fiż-żona tal-Konvenzjoni tal-ICCAT għall-2023 ġew aġġustati matul il-laqgħa annwali tal-ICCAT f'Novembru 2022 f'konformità ma' diversi rakkomandazzjonijiet tal-ICCAT li skonthom l-Unjoni tista', fuq talba, tittrasferixxi perċentwal stabbilit tal-kwota mhux użata tagħha tal-opportunitajiet tas-sajd mill-2021 għall-2023. Il-kwoti għall-Istati Membri individwali għal dawk l-istokkijiet għall-2023 jenħtieġ li jqisu r-riporti tal-kwoti tal-Unjoni mhux użati permessi mill-ICCAT qabel il-bidu tal-istaġuni tas-sajd għal dawk l-istokkijiet. Għalhekk, il-kwoti għall-istokk tat-tramuntana tal-alonga (Thunnus alalunga) (ALB/AN05N), għall-istokk tan-nofsinhar tal-alonga (ALB/AS05N), għat-tonn obeż (Thunnus obesus) fl-Oċean Atlantiku (BET/ATLANT), kif ukoll għall-pixxispad (Xiphias gladius) fl-Oċean Atlantiku, fit-Tramuntana ta' 5° N (SWO/AN05N), u għall-pixxispad fl-Oċean Atlantiku, fin-Nofsinhar ta' 5° N (SWO/AS05N), jenħtieġ li jiġu emendati biex jirriflettu tali aġġustamenti, filwaqt li jitqies il-prinċipju tal-istabbiltà relattiva. Barra minn hekk, ċerti miżuri li huma funzjonalment marbuta mal-opportunitajiet tas-sajd jenħtieġ li jinżammu sabiex jiġu rispettati l-impenji internazzjonali tal-Unjoni. |
(9) |
Il-limiti tal-isforz tas-sajd għall-bastimenti tal-Unjoni li jistadu għat-tonn (Thunnus thynnus) fiż-żona tal-Konvenzjoni tal-ICCAT u l-input u l-kapaċità massimi għall-farms tat-tonn fl-Unjoni, f'dik iż-żona, huma bbażati fuq l-informazzjoni pprovduta fil-pjanijiet annwali għas-sajd, fil-pjanijiet annwali għall-ġestjoni tal-kapaċità tas-sajd u fil-pjanijiet għall-ġestjoni tat-trobbija għat-tonn fl-Istati Membri. L-Istati Membri għandhom jgħaddu dawk il-pjanijiet lill-Kummissjoni sal-31 ta' Jannar kull sena, skont l-Artikolu 6(1) tar-Regolament (UE) 2016/1627 tal-Parlament Ewropew u tal-Kunsill (4). Imbagħad, il-Kummissjoni tirrapporta dwar il-limiti tal-isforz tas-sajd u l-input u l-kapaċità massimi tas-sajd lis-Segretarjat tal-ICCAT, permezz tal-pjan tal-Unjoni għall-ġestjoni tas-sajd u tal-kapaċità, għad-diskussjoni u l-approvazzjoni mill-ICCAT skont l-Artikolu 6(2) tar-Regolament (UE) 2016/1627. Il-limiti tal-isforz tas-sajd tal-Unjoni u l-input u l-kapaċità massimi tat-trobbija għall-2023 jenħtieġ li jiġu stabbiliti f'konformità mal-pjan tal-Unjoni approvat mill-ICCAT fit-8 ta' Marzu 2023. |
(10) |
Għaldaqstant, jenħtieġ li r-Regolament (UE) 2023/194 jiġi emendat skont dan. |
(11) |
L-opportunitajiet tas-sajd previsti fir-Regolament (UE) 2023/194 japplikaw mill-1 ta' Jannar 2023. Id-dispożizzjonijiet introdotti b'dan ir-Regolament dwar l-opportunitajiet tas-sajd għalhekk jenħtieġ li japplikaw ukoll mill-1 ta' Jannar 2023, ħlief għall-opportunitajiet tas-sajd għall-kapelin fl-ilmijiet ta' Greenland tas-subżoni 5 u 14 tal-ICES li jenħtieġ li japplikaw mill-15 ta' Ottubru 2022 sal-15 ta' April 2023. Tali applikazzjoni retroattiva ma taffettwax il-prinċipji taċ-ċertezza ġuridika jew tal-protezzjoni tal-aspettattivi leġittimi, billi l-opportunitajiet tas-sajd ikkonċernati żdiedu. Minħabba l-urġenza li tiġi evitata kwalunkwe interruzzjoni fl-attivitajiet tas-sajd, jenħtieġ li dan ir-Regolament jidħol fis-seħħ fid-data tal-pubblikazzjoni tiegħu f'Il-Ġurnal Uffiċjali tal-Unjoni Ewropea, |
ADOTTA DAN IR-REGOLAMENT:
Artikolu 1
Emendar tar-Regolament (UE) 2023/194
Ir-Regolament (UE) 2023/194 huwa emendat kif ġej:
(1) |
l-Artikolu 7 jitħassar; |
(2) |
il-paragrafu 2 tal-Artikolu 34 jitħassar; |
(3) |
l-Annessi IA, IB, ID, IH, IJ u VI huma emendati f'konformità mal-Anness għal dan ir-Regolament. |
Artikolu 2
Emendar tar-Regolament (UE) 2022/109
Fl-Anness IB għar-Regolament (UE) 2022/109, it-tabella għall-kapelin (Mallotus villosus) fl-ilmijiet ta' Greenland tas-subżoni 5 u 14 hija sostitwita b'dan li ġej:
“
Speċi: |
Kapelin Mallotus villosus |
Żona: |
L-ilmijiet ta' Greenland taż-żoni 5 u 14 (CAP/514GRN) |
|
Id-Danimarka |
0 |
|
TAC analitika Ma għandux japplika l-Artikolu 3 tar-Regolament (KE) Nru 847/96. Ma għandux japplika l-Artikolu 4 tar-Regolament (KE) Nru 847/96. |
|
Il-Ġermanja |
0 |
|
||
L-Iżvezja |
0 |
|
||
L-Istati Membri kollha |
0 |
(1) |
||
L-Unjoni |
0 |
(2) |
||
In-Norveġja |
10 000 |
(2) |
||
|
|
|
||
TAC |
Mhux rilevanti |
|
||
(1) |
Id-Danimarka, il-Ġermanja u l-Iżvezja jista' jkollhom aċċess għall-kwota ta' “L-Istati Membri kollha” biss ladarba jkunu eżawrew il-kwota tagħhom stess. Madankollu, l-Istati Membri li jkollhom iktar minn 10 % mill-kwota tal-Unjoni ma għandu jkollhom aċċess għall-kwota ta' “L-Istati Membri kollha” bl-ebda mod. Il-qabdiet li jridu jinqatgħu minn din il-kwota kondiviża għandhom jiġu rrappurtati separatament (CAP/514GRN_AMS). |
|||
(2) |
Għal perjodu tas-sajd mill-15 ta' Ottubru 2022 sal-15 ta' April 2023. |
”.
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Id-dispożizzjonijiet ta' dan ir-Regolament għandhom japplikaw mill-1 ta' Jannar 2023, ħlief għad-dispożizzjonijiet dwar il-kapelin (Mallotus villosus) fl-ilmijiet ta' Greenland tas-subżoni 5 u 14 tal-ICES, li għandhom japplikaw mill-15 ta' Ottubru 2022 sal-15 ta' April 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-31 ta’ Marzu 2023.
Għall-Kunsill
Il-President
J. ROSWALL
(1) Ir-Regolament tal-Kunsill (UE) 2023/194 tat-30 ta' Jannar 2023 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta' ħut tal-baħar fond (ĠU L 28, 31.1.2023, p. 1).
(2) Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta' Fuq, min-naħa l-oħra (ĠU L 149, 30.4.2021, p. 10).
(3) Ir-Regolament tal-Kunsill (UE) 2022/109 tas-27 ta' Jannar 2022 li jistabbilixxi għall-2022 l-opportunitajiet tas-sajd għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni (ĠU L 21, 31.1.2022, p. 1).
(4) Ir-Regolament (UE) 2016/1627 tal-Parlament Ewropew u tal-Kunsill tal-14 ta' Settembru 2016 dwar pjan pluriennali għall-irkupru tat-tonn fil-Lvant tal-Atlantiku u fil-Mediterran, u li jħassar ir-Regolament tal-Kunsill (KE) Nru 302/2009 (ĠU L 252, 16.9.2016, p. 1).
ANNESS
L-Annessi tar-Regolament (UE) 2023/194 huma emendati kif ġej:
(1) |
Fl-Anness IA,
|
(2) |
L-Anness IB:
|
(3) |
Fl-Anness ID:
|
(4) |
L-Anness IH huwa sostitwit b'dan li ġej: “ANNESS IH ŻONA TAL-KONVENZJONI TAL-SPRFMO
|
(5) |
L-Anness I huwa sostitwit b'dan li ġej: “ANNESS IJ ŻONA TA' KOMPETENZA TAL-IOTC Il-qabdiet tat-tonna safra (Thunnus albacares) mill-bastimenti tas-sajd tal-Unjoni ma għandhomx jaqbżu l-limiti ta' qbid stabbiliti f'dan l-Anness.
|
(6) |
Fl-Anness VI:
|
(1) In-numri f'din it-tabella jistgħu jkomplu jiżdiedu, dment li jkun hemm konformità mal-obbligi internazzjonali tal-Unjoni.
(2) Bastiment tas-sajd bit-tartarun tal-borża ta' daqs medju jkun ġie sostitwit minn mhux aktar minn 10 bastimenti tas-sajd bil-konz jew minn bastiment tas-sajd wieħed bit-tartarun tal-borża żgħir u tliet bastimenti oħra tas-sajd artiġjanali.
(3) Bastiment tas-sajd bit-tartarun tal-borża ta'daqs medju jista' jiġi sostitwit minn mhux aktar minn 10 bastimenti tas-sajd bil-konz jew minn bastiment tas-sajd wieħed bit-tartarun tal-borża żgħir u mhux aktar minn tliet bastimenti tas-sajd bil-konz.
(4) Bastiment tas-sajd bit-tartarun tal-borża ta' daqs medju jista' jiġi sostitwit minn mhux aktar minn 10 bastimenti tas-sajd bil-konz.
(5) L-għadd individwali ta' bastimenti tas-sajd bit-tartarun tal-borża f'din it-tabella huwa r-riżultat ta' trasferimenti bejn l-Istati Membri u ma jikkostitwix drittijiet storiċi għall-futur.
(6) Bastimenti polivalenti, li jużaw tagħmir b'aktar minn irkaptu wieħed (konz, xlief, xlief bir-rixa).