EUR-Lex Access to European Union law
This document is an excerpt from the EUR-Lex website
Document 32023D2711
Commission Implementing Decision (EU) 2023/2711 of 5 December 2023 granting derogations to a Member State from Regulation (EU) 2019/1700 of the European Parliament and of the Council, as regards the delivery of data on certain variables in statistics relating to persons and households (notified under document C(2023) 7725)
Deċiżjoni ta’ Implimentazzjoni tal-Kummissjoni (UE) 2023/2711 tal-5 ta’ Diċembru 2023 li tagħti derogi lil Stat Membru mir-Regolament (UE) 2019/1700 tal-Parlament Ewropew u tal-Kunsill fir-rigward tat-trażmissjoni tad-data dwar ċerti varjabbli fl-istatistika relatata mal-persuni u mal-unitajiet domestiċi (notifikata bid-dokument C(2023) 7725)
Deċiżjoni ta’ Implimentazzjoni tal-Kummissjoni (UE) 2023/2711 tal-5 ta’ Diċembru 2023 li tagħti derogi lil Stat Membru mir-Regolament (UE) 2019/1700 tal-Parlament Ewropew u tal-Kunsill fir-rigward tat-trażmissjoni tad-data dwar ċerti varjabbli fl-istatistika relatata mal-persuni u mal-unitajiet domestiċi (notifikata bid-dokument C(2023) 7725)
C/2023/7725
ĠU L, 2023/2711, 7.12.2023, ELI: http://data.europa.eu/eli/dec_impl/2023/2711/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Derogation | 32022R2094 | 07/12/2023 | |||
Derogation | 32023R0126 | 07/12/2023 |
![]() |
Il-Ġurnal Uffiċjali |
MT Serje L |
2023/2711 |
7.12.2023 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2023/2711
tal-5 ta’ Diċembru 2023
li tagħti derogi lil Stat Membru mir-Regolament (UE) 2019/1700 tal-Parlament Ewropew u tal-Kunsill fir-rigward tat-trażmissjoni tad-data dwar ċerti varjabbli fl-istatistika relatata mal-persuni u mal-unitajiet domestiċi
(notifikata bid-dokument C(2023) 7725)
(It-test bl-Iżvediż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1700 tal-Parlament Ewropew u tal-Kunsill tal-10 ta’ Ottubru 2019 li jistabbilixxi qafas komuni għall-istatistika Ewropea relatata ma’ persuni u unitajiet domestiċi, abbażi ta’ data fuq livell individwali miġbura minn kampjuni, li jemenda r-Regolamenti (KE) Nru 808/2004, (KE) Nru 452/2008 u (KE) Nru 1338/2008 tal-Parlament Ewropew u tal-Kunsill, u li jħassar ir-Regolament (KE) Nru 1177/2003 tal-Parlament Ewropew u tal-Kunsill u r-Regolament tal-Kunsill (KE) Nru 577/98 (1), u b’mod partikolari l-Artikolu 19(1) u (5) tiegħu,
Billi:
(1) |
F’konformità mal-Artikolu 19(1) tar-Regolament (UE) 2019/1700, jistgħu jingħataw derogi meta s-sistema nazzjonali tal-istatistika ta’ Stat Membru tkun teħtieġ adattamenti kbar għall-fini tal-applikazzjoni ta’ dak ir-Regolament jew tal-atti delegati jew ta’ implimentazzjoni adottati skontu. |
(2) |
L-Iżvezja ressqet talba li tingħata derogi temporanji mir-rekwiżiti statistiċi l-ġodda tar-Regolament (UE) 2019/1700, introdotti mir-Regolament Delegat tal-Kummissjoni (UE) 2023/126 (2) u implimentati mir-Regolament ta’ Implimentazzjoni tal-Kummissjoni (UE) 2022/2094 (3). |
(3) |
L-informazzjoni pprovduta lill-Kummissjoni tindika li t-talba tal-Istat Membru għad-derogi hija dovuta għall-ħtieġa ta’ adattamenti kbar fis-sistemi nazzjonali tal-istatistika sabiex ikun hemm konformità sħiħa mar-Regolament (UE) 2019/1700, kif issupplimentat mir-Regolament Delegat (UE) 2023/126 u implimentat mir-Regolament ta’ Implimentazzjoni (UE) 2022/2094. |
(4) |
Jenħtieġ li d-derogi mir-Regolament Delegat (UE) 2023/126 u mir-Regolament ta’ Implimentazzjoni (UE) 2022/2094 jingħataw lill-Iżvezja. |
(5) |
Il-miżuri previsti f’din id-Deċiżjoni huma f’konformità mal-opinjoni tal-Kumitat tas-Sistema Ewropea tal-Istatistika, |
ADOTTAT DIN ID-DEĊIŻJONI:
Artikolu 1
Lill-Iżvezja jingħatawlha d-derogi kif stipulati fl-Anness.
Artikolu 2
Din id-Deċiżjoni hija indirizzata lir-Renju tal-Iżvezja.
Magħmul fi Brussell, il-5 ta’ Diċembru 2023.
Għall-Kummissjoni
Paolo GENTILONI
Membru tal-Kummissjoni
(1) ĠU L 261 I, 14.10.2019, p. 1.
(2) Ir-Regolament Delegat tal-Kummissjoni (UE) 2023/126 tal-21 ta’ Ottubru 2022 li jissupplimenta r-Regolament (UE) 2019/1700 tal-Parlament Ewropew u tal-Kunsill billi jispeċifika l-għadd u t-titolu tal-varjabbli għad-dominju tal-konsum (ĠU L 17, 19.1.2023, p. 1).
(3) Ir-Regolament ta’ Implimentazzjoni tal-Kummissjoni (UE) 2022/2094 tat-28 ta’ Ottubru 2022 li jispeċifika l-elementi tekniċi tas-settijiet tad-data, li jistabbilixxi l-formati tekniċi għat-trażmissjoni tal-informazzjoni u li jispeċifika l-arranġamenti dettaljati u l-kontenut tar-rapporti tal-kwalità dwar l-organizzazzjoni ta’ stħarriġ kampjunarju fid-dominju tal-konsum (ĠU L 281, 31.10.2022, p. 23).
ANNESS
Għall-fini tal-ġbir tad-data tal-Istħarriġ dwar il-Baġits tal-Unitajiet Domestiċi tal-2026, l-Iżvezja qed tingħata d-derogi li ġejjin:
— |
Ir-Regolament Delegat (UE) 2023/126: deroga għat-trażmissjoni tad-data dwar il-varjabbli “ Konsum skont il-klassifikazzjoni tal-konsum individwali skont l-iskop (COICOP) ” fil-livell ta’ erba’ ċifri minflok fil-livell ta’ ħames ċifri tal-COICOP. |
— |
Fir-rigward tar-Regolament ta’ Implimentazzjoni (UE) 2022/2094 tal-Kummissjoni: deroga għat-trażmissjoni tad-data dwar il-varjabbli “ Konsum skont il-klassifikazzjoni tal-konsum individwali skont l-iskop (COICOP) ” fil-livell ta’ erba’ ċifri minflok fil-livell ta’ ħames ċifri tal-COICOP. |
ELI: http://data.europa.eu/eli/dec_impl/2023/2711/oj
ISSN 1977-074X (electronic edition)