Ten dokument pochodzi ze strony internetowej EUR-Lex
Dokument 32023D2426
Council Decision (EU) 2023/2426 of 23 October 2023 on the position to be taken on behalf of the European Union at the fifth meeting of the Conference of the Parties to the Minamata Convention on Mercury as regards the adoption of a decision establishing thresholds for mercury-contaminated waste in accordance with that Convention
Deċiżjoni tal-Kunsill (UE) 2023/2426 tat-23 ta’ Ottubru 2023 dwar il-pożizzjoni li għandha tittieħed f’isem l-Unjoni Ewropea fil-ħames laqgħa tal-Konferenza tal-Partijiet għall-Konvenzjoni ta’ Minamata dwar il-Merkurju fir-rigward tal-adozzjoni ta’ deċiżjoni li tistabbilixxi l-limiti għall-iskart ikkontaminat bil-merkurju f’konformità ma’ dik il-Konvenzjoni
Deċiżjoni tal-Kunsill (UE) 2023/2426 tat-23 ta’ Ottubru 2023 dwar il-pożizzjoni li għandha tittieħed f’isem l-Unjoni Ewropea fil-ħames laqgħa tal-Konferenza tal-Partijiet għall-Konvenzjoni ta’ Minamata dwar il-Merkurju fir-rigward tal-adozzjoni ta’ deċiżjoni li tistabbilixxi l-limiti għall-iskart ikkontaminat bil-merkurju f’konformità ma’ dik il-Konvenzjoni
ST/13488/2023/INIT
ĠU L, 2023/2426, 6.11.2023, ELI: http://data.europa.eu/eli/dec/2023/2426/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Obowiązujące
- Data dokumentu:
- 23/10/2023; Data ta' adozzjoni
- Data wejścia w życie:
- 23/10/2023; Dħul fis-seħħ Data tad-dokument Ara Art. 2
- Data zakończenia ważności:
- Brak daty zakończenia
- Autor:
- Il-Kunsill tal-Unjoni Ewropea
- Forma:
- Deċiżjoni
- Numer procedury:
- Link
- Parlament Europejski - Obserwatorium legislacyjne
- Traktat:
- Trattat dwar il-Funzjonament tal-Unjoni Ewropea
- Podstawa prawna:
- Wniosek:
-
- 52023PC0541 przyjęto: 23/10/2023
- Link
- Link
- Link
- Link
- Link
- Wybierz wszystkie dokumenty przywołujące ten dokument
- Akty przywołane w treści dokumentu:
- Hasło Eurovoc:
- Dziedzina:
- Kod klasyfikacji:
|
Il-Ġurnal Uffiċjali |
MT Serje L |
|
2023/2426 |
6.11.2023 |
DEĊIŻJONI TAL-KUNSILL (UE) 2023/2426
tat-23 ta’ Ottubru 2023
dwar il-pożizzjoni li għandha tittieħed f’isem l-Unjoni Ewropea fil-ħames laqgħa tal-Konferenza tal-Partijiet għall-Konvenzjoni ta’ Minamata dwar il-Merkurju fir-rigward tal-adozzjoni ta’ deċiżjoni li tistabbilixxi l-limiti għall-iskart ikkontaminat bil-merkurju f’konformità ma’ dik il-Konvenzjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1), flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Konvenzjoni ta’ Minamata dwar il-Merkurju (“il-Konvenzjoni”) ġiet konkluża mill-Unjoni permezz tad-Deċiżjoni tal-Kunsill (UE) 2017/939 (1) u daħlet fis-seħħ fis-16 ta’ Awwissu 2017. |
|
(2) |
Skont id-Deċiżjoni MC-1/1 dwar ir-Regoli ta’ Proċeduri, adottata mill-Konferenza tal-Partijiet għall-Konvenzjoni (“COP”) fl-ewwel laqgħa tagħha tal-24-29 ta’ Settembru 2017, il-Partijiet għall-Konvenzjoni (“il-Partijiet”) iridu jagħmlu kull sforz biex jilħqu qbil b’kunsens dwar il-materji kollha ta’ sustanza. |
|
(3) |
Il-COP, matul it-tielet laqgħa tagħha tal-25-29 ta’ Novembru 2019, adottat id-Deċiżjoni MC-3/5 dwar il-limiti għall-iskart li jikkonsisti mill-merkurju jew mill-komposti tal-merkurju jew li fih minnhom, kif imsemmi fl-Artikolu 11(2), il-punti (a) u (b), tal-Konvenzjoni, u talbet li l-grupp ta’ esperti tekniċi stabbilit mill-COP fit-tieni laqgħa tagħha tad-19-23 ta’ Novembru 2018, jiżviluppa limiti għall-iskart ikkontaminat bil-merkurju jew bil-komposti tal-merkurju imsemmi fl-Artikolu 11(2), il-punt (c), tal-Konvenzjoni (“skart ikkontaminat bil-merkurju”), inkluż għaż-żwiel mill-estrazzjoni minerarja għajr l-estrazzjoni primarja tal-merkurju. |
|
(4) |
Il-COP, matul it-tieni segment tar-raba’ laqgħa tagħha tal-21–25 ta’ Marzu 2022, ma setgħetx tadotta deċiżjoni dwar il-limiti għall-iskart ikkontaminat bil-merkurju. Minflok, id-Deċiżjoni MC-4/6 talbet li l-grupp ta’ esperti tekniċi jkompli l-ħidma tiegħu primarjament b’mezzi elettroniċi u li jorganizza laqgħa wiċċ imb wiċċ ta’ tul ta’ żmien suffiċjenti biex jindirizza l-iskart ikkontaminat bil-merkurju, soġġett għad-disponibbiltà tar-riżorsi, u li jirrapporta dwar il-ħidma tiegħu lill-COP fil-ħames laqgħa tagħha li ser issir mit-30 ta’ Ottubru sat-3 ta’ Novembru 2023. |
|
(5) |
Jixraq li tiġi stabbilita l-pożizzjoni li għandha tittieħed f’isem l-Unjoni fil-ħames laqgħa tal-COP, billi d-Deċiżjoni proposta li tistabbilixxi l-limiti għall-iskart ikkontaminat bil-merkurju, jekk tiġi adottata, ser ikollha effetti legali, peress li l-Partijiet ser ikollhom jieħdu miżuri biex jimplimentawha fil-livell nazzjonali jew reġjonali. |
|
(6) |
L-Unjoni kkontribwiet b’mod sinifikanti għall-iżvilupp tad-dispożizzjonijiet dwar l-iskart tal-Konvenzjoni u għall-ħidma intersessjonali tal-esperti li ġiet imnedija bid-Deċiżjoni MC-3/5 u li wassal għar-rakkomandazzjonijiet. L-acquis tal-Unjoni teħtieġ li l-iskart tal-merkurju kollu msemmi fl-Artikolu 11(2) tal-Konvenzjoni, inkluż l-iskart ikkontaminat bil-merkurju, jiġi mmaniġġjat mingħajr ma tiġi pperikolata s-saħħa tal-bniedem u mingħajr ma ssir ħsara lill-ambjent, irrispettivament mill-kontenut tal-merkurju tiegħu. |
|
(7) |
Jenħtieġ li l-Unjoni tappoġġa biss l-adozzjoni ta’ deċiżjoni mill-COP li tkun konsistenti mal-acquis tal-Unjoni, |
ADOTTAT DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fil-ħames laqgħa tal-COP għall-Konvenzjoni ta’ Minamata dwar il-Merkurju għandha tkun li tappoġġa l-adozzjoni ta’ deċiżjoni li tistabbilixxi l-limiti għall-iskart ikkontaminat bil-merkurju li tkun konsistenti mal-acquis tal-Unjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, it-23 ta’ Ottubru 2023.
Għall-Kunsill
Il-President
L. PLANAS PUCHADES
(1) Id-Deċiżjoni tal-Kunsill (UE) 2017/939 tal-11 ta’ Mejju 2017 dwar il-konklużjoni f’isem l-Unjoni Ewropea tal-Konvenzjoni ta’ Minamata dwar il-Merkurju (ĠU L 142, 2.6.2017, p. 4).
ELI: http://data.europa.eu/eli/dec/2023/2426/oj
ISSN 1977-074X (electronic edition)
