EUR-Lex Piekļuve Eiropas Savienības tiesību aktiem
Šis dokuments ir izvilkums no tīmekļa vietnes EUR-Lex.
Dokuments 32023D2201
Council Decision (EU) 2023/2201 of 28 September 2023 establishing the position to be taken on behalf of the European Union within the Joint Committee established by the Agreement on the withdrawal of the United Kingdom of Great Britain and Northern Ireland from the European Union and the European Atomic Energy Community as regards the declaration to be made pursuant to Article 23(4), point (a), of Decision No 1/2023 of the Joint Committee
Deċiżjoni tal-Kunsill (UE) 2023/2201 tat-28 ta’ Settembru 2023 li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika fir-rigward tad-dikjarazzjoni li għandha ssir skont l-Artikolu 23(4), il-punt (a), tad-Deċiżjoni Nru 1/2023 tal-Kumitat Konġunt
Deċiżjoni tal-Kunsill (UE) 2023/2201 tat-28 ta’ Settembru 2023 li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika fir-rigward tad-dikjarazzjoni li għandha ssir skont l-Artikolu 23(4), il-punt (a), tad-Deċiżjoni Nru 1/2023 tal-Kumitat Konġunt
ST/13128/2023/ADD/1
ĠU L, 2023/2201, 16.10.2023, ELI: http://data.europa.eu/eli/dec/2023/2201/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Spēkā
- Dokumenta datums:
- 28/09/2023; Data ta' adozzjoni
- Spēkā stāšanās datums:
- 28/09/2023; Dħul fis-seħħ Data tad-dokument Ara Art. 2
- Datums, līdz kuram ir spēkā:
- Nav beigu datuma
- Autors:
- Il-Kunsill tal-Unjoni Ewropea
- Forma:
- Deċiżjoni
- Procedūras numurs:
- Saite
- Eiropas Parlaments - Likumdošanas observatorija
- Līgums:
- Trattat dwar l−Unjoni Ewropea , Trattat dwar il-Funzjonament tal-Unjoni Ewropea
- Juridiskais pamatojums:
- Priekšlikums:
-
- 52023PC0540 pieņemts(-a): 28/09/2023
- Saite
- Saite
- Saite
- Saite
- Saite
- Izvēlēties visus dokumentus, kuros minēts šis dokuments
- Citētie dokumenti:
- EUROVOC deskriptors:
- Temats:
- Direktorija kods:
|
Il-Ġurnal Uffiċjali |
MT Serje L |
|
2023/2201 |
16.10.2023 |
DEĊIŻJONI TAL-KUNSILL (UE) 2023/2201
tat-28 ta’ Settembru 2023
li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika fir-rigward tad-dikjarazzjoni li għandha ssir skont l-Artikolu 23(4), il-punt (a), tad-Deċiżjoni Nru 1/2023 tal-Kumitat Konġunt
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 50(2) tiegħu,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (1) (il-“Ftehim dwar il-Ħruġ”) ġie konkluż mill-Unjoni bid-Deċiżjoni tal-Kunsill (UE) 2020/135 (2) u daħal fis-seħħ fl-1 ta’ Frar 2020. |
|
(2) |
Skont l-Artikolu 23(4) tad-Deċiżjoni Nru 1/2023 tal-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tal-24 ta’ Marzu 2023 li tistabbilixxi l-arranġamenti relatati mal-Qafas ta’ Windsor (3) (id-“Deċiżjoni Nru 1/2023”), ċerti dispożizzjonijiet ta’ dik id-Deċiżjoni għandhom japplikaw mit-30 ta’ Settembru 2023, dment li d-dikjarazzjonijiet imsemmija fl-Artikolu 23(4), il-punti (a) u (b), tiegħu jkunu saru fil-Kumitat Konġunt. |
|
(3) |
F’konformità mal-Artikolu 182 tal-Ftehim dwar il-Ħruġ, il-Qafas ta’ Windsor (4) jifforma parti integrali minn dak il-Ftehim. |
|
(4) |
L-Unjoni mistennija tagħmel dikjarazzjoni fil-Kumitat Konġunt skont l-Artikolu 23(4), il-punt (a), tad-Deċiżjoni Nru 1/2023. Dik id-dikjarazzjoni għandha ssir fis-sens li l-Unjoni hija sodisfatta: (i) bl-implimentazzjoni mir-Renju Unit tal-Artikolu 5 tad-Deċiżjoni tal-Kumitat Konġunt Nru 6/2020 (5) permezz tal-għoti ta’ aċċess għall-informazzjoni li tinsab fin-networks, fis-sistemi tal-informazzjoni u fil-bażijiet tad-data tar-Renju Unit u fil-moduli nazzjonali tar-Renju Unit tas-sistemi tal-Unjoni msemmija fl-Anness 1 ta’ dik id-Deċiżjoni tal-Kumitat Konġunt; u (ii) li r-reġistrazzjonijiet XI EORI eżistenti kollha huma maħruġa b’mod korrett; u (iii) li r-Renju Unit ħareġ gwida ġdida għall-pakketti f’konformità mal-arranġamenti stabbiliti fid-Deċiżjoni Nru 1/2023; u (iv) li r-Renju Unit ħareġ id-dikjarazzjoni unilaterali tiegħu dwar il-proċeduri tal-esportazzjoni għall-merkanzija li toħroġ mill-Irlanda ta’ Fuq lejn partijiet oħra tar-Renju Unit. |
|
(5) |
Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kumitat Konġunt, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fil-Kumitat Konġunt stabbilit bl-Artikolu 164(1) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-“Kumitat Konġunt”) fir-rigward tad-dikjarazzjoni li għandha ssir mill-Unjoni fil-Kumitat Konġunt skont l-Artikolu 23(4), il-punt (a), tad-Deċiżjoni Nru 1/2023 tal-Kumitat Konġunt hija stabbilita fl-abbozz tad-dikjarazzjoni mehmuż ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-28 ta’ Settembru 2023.
Għall-Kunsill
Il-President
F. GRANDE-MARLASKA GÓMEZ
(2) Id-Deċiżjoni tal-Kunsill (UE) 2020/135 tat-30 ta’ Jannar 2020 dwar il-konklużjoni tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 1).
(3) ĠU L 102, 17.4.2023, p. 61.
(4) Id-Dikjarazzjoni Konġunta Nru 1/2023 tal-Unjoni u tar-Renju Unit fil-Kumitat Konġunt stabbilit bil-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tal-24 ta’ Marzu 2023 (ĠU L 102, 17.4.2023, p. 87).
(5) Id-Deċiżjoni Nru 6/2020 tal-Kumitat Konġunt stabbilit bil-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tas-17 ta’ Diċembru 2020 li tipprevedi l-arranġamenti prattiċi ta’ ħidma relatati mal-eżerċizzju tad-drittijiet tar-rappreżentanti tal-Unjoni msemmija fl-Artikolu 12(2) tal-Protokoll dwar l-Irlanda/l-Irlanda ta’ Fuq (ĠU L 443, 30.12.2020, p. 16).
ABBOZZ
DIKJARAZZJONI MILL-UNJONI FIL-KUMITAT KONĠUNT STABBILIT MILL-FTEHIM DWAR IL-ĦRUĠ TAR-RENJU UNIT TAL-GRAN BRITTANJA U L-IRLANDA TA’ FUQ MILL-UNJONI EWROPEA U MILL-KOMUNITÀ EWROPEA TAL-ENERĠIJA ATOMIKA
ta’ .../2023
skont l-Artikolu 23(4), il-punt (a), tad-Deċiżjoni Nru 1/2023 tal-Kumitat Konġunt
Skont l-Artikolu 23(4), il-punt (a), tad-Deċiżjoni Nru 1/2023 tal-Kumitat Konġunt stabbilit bil-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tal-24 ta’ Marzu 2023 li jistabbilixxi l-arranġamenti relatati mal-Qafas ta’ Windsor (id-“Deċiżjoni Nru 1/2023”), l-Unjoni tiddikjara li hija sodisfatta:
|
(i) |
bl-implimentazzjoni mir-Renju Unit tal-Artikolu 5 tad-Deċiżjoni Nru 6/2020 tal-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tas-17 ta’ Diċembru 2020 li jipprevedi l-arranġamenti prattiċi ta’ ħidma relatati mal-eżerċizzju tad-drittijiet tar-rappreżentanti tal-Unjoni msemmija fl-Artikolu 12(2) tal-Protokoll dwar l-Irlanda/l-Irlanda ta’ Fuq permezz tal-għoti ta’ aċċess għall-informazzjoni li tinsab fin-networks, fis-sistemi ta’ informazzjoni u fil-bażijiet ta’ data tar-Renju Unit u fil-moduli nazzjonali tar-Renju Unit tas-sistemi tal-Unjoni msemmija fl-Anness 1 ta’ dik id-Deċiżjoni tal-Kumitat Konġunt, filwaqt li tinnota li r-Renju Unit impenja ruħu li jiżgura progress sinifikanti fir-rigward tal-latenza u l-kompletezza meħtieġa tad-data, appoġġat minn proċess tal-kontinwità tan-negozju, u li l-aċċess mir-rappreżentanti tal-Unjoni għal tali informazzjoni għadu jrid jiġi pprovdut f’format aċċessibbli b’tali mod li jippermettilhom iwettqu analiżi tar-riskji inkluża identifikazzjoni ta’ xejriet riċenti u storiċi; u |
|
(ii) |
li r-reġistrazzjonijiet XI EORI eżistenti kollha huma maħruġa b’mod korrett; u |
|
(iii) |
li r-Renju Unit ħareġ gwida ġdida għall-pakketti f’konformità mal-arranġamenti stabbiliti fid-Deċiżjoni Nru 1/2023; u |
|
(iv) |
li r-Renju Unit ħareġ id-dikjarazzjoni unilaterali tiegħu dwar il-proċeduri tal-esportazzjoni għall-merkanzija li toħroġ mill-Irlanda ta’ Fuq lejn partijiet oħra tar-Renju Unit. |
ELI: http://data.europa.eu/eli/dec/2023/2201/oj
ISSN 1977-074X (electronic edition)
