(7)

Bejn il-15 ta’ Lulju 2020 u l-1 ta’ Frar 2023, il-Kummissjoni rċeviet mingħand il-partijiet elenkati fit-Tabelli 1 u 2, talbiet għal eżenzjoni bl-informazzjoni kollha meħtieġa sabiex tiddetermina jekk dawn it-talbiet kinux ammissibbli skont l-Artikolu 4 tar-Regolament ta’ eżenzjoni.

(8)

Il-partijiet li talbu eżenzjoni ngħataw il-possibbiltà li jikkummentaw dwar il-konklużjonijiet tal-Kummissjoni rigward l-ammissibbiltà tat-talbiet tagħhom.

(9)

Il-kummenti li waslu mingħand Decathlon Sp. z o.o. il-Polonja, relatati mad-data effettiva tas-sospensjoni tal-pagamenti tad-dazji għall-partijiet li qed jiġu eżaminati ġew indirizzati u rifjutati fil-premessi minn (22) sa (27) tad-Deċiżjoni ta’ Implimentazzjoni tal-Kummissjoni (UE) 2022/1461 tas-26 ta’ Awwissu 2022 (6).

(10)

F’konformità mal-Artikolu 5(1) tar-Regolament ta’ eżenzjoni, sakemm tittieħed deċiżjoni dwar il-mertu tat-talbiet mill-partijiet li qed jitolbu eżenzjoni, il-pagament tad-dazju estiż fir-rigward ta’ kull importazzjoni ta’ partijiet essenzjali tar-roti ddikjarati għaċ-ċirkolazzjoni libera minn dawn il-partijiet elenkati fit-Tabelli 1 u 2 ta’ hawn taħt ġie sospiż mid-data li fiha l-Kummissjoni rċeviet it-talbiet debitament sostanzjati rispettivi tagħhom skont l-Artikolu 4(1) u (2) tar-Regolament ta’ eżenzjoni.

(11)

L-eżami tal-mertu tat-talba mill-parti elenkata fit-Tabella 1 ġiet konkluża.

Tabella 1

(12)

Matul l-eżami tagħha, il-Kummissjoni stabbiliet li l-valur tal-partijiet li joriġinaw fiċ-Ċina jikkostitwixxi anqas minn 60 % tal-valur totali tal-partijiet tar-roti kollha mmuntati mill-parti elenkata fit-Tabella 1.

(13)

Konsegwentement, il-Kummissjoni kkonkludiet li l-operazzjonijiet ta’ immuntar tal-parti elenkata fit-Tabella 1 jaqgħu barra mill-kamp ta’ applikazzjoni tal-Artikolu 13(2) tar-Regolament (UE) 2016/1036.

(14)

Għal din ir-raġuni, u f’konformità mal-Artikolu 7(1) tar-Regolament ta’ eżenzjoni, il-parti elenkata fit-Tabella 1 issodisfat il-kundizzjonijiet għall-eżenzjoni mid-dazju estiż.

(15)

F’konformità mal-Artikolu 7(2) tar-Regolament ta’ eżenzjoni, jenħtieġ li l-eżenzjoni tidħol fis-seħħ mid-data tal-wasla tat-talba li tkun debitament sostanzjata skont l-Artikolu 4(1) u (2) tar-Regolament ta’ eżenzjoni. Id-dejn doganali fir-rigward tad-dazju estiż mill-parti li qed titlob eżenzjoni jenħtieġ li, għalhekk, jitqies null mill-istess data.

(16)

Il-parti interessata ġiet infurmata bil-konklużjonijiet tal-Kummissjoni dwar il-mertu tat-talbiet tagħha u ngħatat opportunità biex tikkummenta fuqhom.

(17)

Peress li l-eżenzjoni tapplika biss għall-parti speċifikament imsemmija fit-Tabella 1, jenħtieġ li l-parti eżentata tinnotifika lill-Kummissjoni (7) mingħajr dewmien dwar kull tibdil għal din l-eżenzjoni (pereżempju, wara li jinbidel l-isem, il-forma ġuridika jew l-indirizz jew wara li jitwaqqfu entitajiet ġodda tal-immuntar).

(18)

F’każ li r-referenza tinbidel, jenħtieġ li l-parti eżentata tipprovdi l-informazzjoni rilevanti, b’mod partikolari dwar kull modifika fl-attività tagħha marbuta ma’ operazzjonijiet tal-immuntar. Fejn xieraq, il-Kummissjoni se taġġorna r-referenzi għal tali parti.

(19)

L-eżami tal-mertu tat-talbiet mill-partijiet elenkati fit-Tabella 2 għadu għaddej. Sakemm tittieħed deċiżjoni dwar il-mertu tat-talbiet tagħhom, il-pagament tad-dazju estiż mingħand dawn il-partijiet huwa sospiż.

(20)

Billi s-sospensjonijiet japplikaw biss għall-partijiet speċifikament imsemmija fit-Tabella 2, jenħtieġ li dawn il-partijiet jinnotifikaw lill-Kummissjoni (8) minnufih dwar kwalunkwe bidla fihom (pereżempju wara bidla fl-isem, fil-forma ġuridika jew fl-indirizz jew wara t-twaqqif ta’ entitajiet ġodda tal-immuntar).

(21)

F’każ ta’ bidla fir-referenza, jenħtieġ li l-parti kkonċernata tipprovdi l-informazzjoni rilevanti kollha, inkluż dwar kull modifika fl-attivitajiet tagħha marbuta ma’ operazzjonijiet tal-immuntar. Fejn xieraq, il-Kummissjoni se taġġorna r-referenzi ta’ tali parti.

Tabella 2

(22)

Bejn it-28 ta’ Ġunju 2022 u l-10 ta’ Marzu 2023, il-partijiet eżentati elenkati fit-Tabella 3 innotifikaw lill-Kummissjoni bil-bidliet f’isimhom u fl-indirizzi tagħhom. Il-Kummissjoni, wara li eżaminat l-informazzjoni ppreżentata, ikkonkludiet li dawn il-bidliet bl-ebda mod ma jaffettwaw l-operazzjonijiet tal-immuntar fir-rigward tal-kundizzjonijiet ta’ eżenzjoni jew sospensjoni stabbiliti fir-Regolament ta’ eżenzjoni.

(23)

Filwaqt li l-eżenzjoni ta’ dawn il-partijiet mid-dazju estiż awtorizzata skont l-Artikolu 7(1) tar-Regolament ta’ eżenzjoni tibqa’ mhux affettwata, ir-referenzi għal dawn il-partijiet jenħtieġ li jiġu aġġornati.

Tabella 3

(24)

Fit-8 ta’ Lulju 2022, il-parti elenkata fit-Tabella 4 ippreżentat talba għal eżenzjoni li nstab li kienet inammissibbli skont it-tifsira tal-Artikolu 4(4) tar-Regolament ta’ eżenzjoni, minħabba li ma kinitx tissodisfa l-kundizzjonijiet stabbiliti fl-Artikoli 4(1) u 4(2).

Tabella 4

(25)

Il-parti elenkata fit-Tabella 4 ġiet informata dwar il-konklużjonijiet tal-Kummissjoni u ngħatat l-opportunità tikkummenta dwarhom. Ma wasal l-ebda kumment ieħor dwar il-konklużjonijiet tal-Kummissjoni.

(26)

Fit-8 ta’ Settembru 2022, il-Kummissjoni ġiet innotifikata li l-parti eżentata elenkata fit-Tabella 5, iffinalizzat u temmet l-attivitajiet tagħha. B’mod partikolari, fit-18 ta’ Lulju 2022 il-Qorti Taljana stabbiliet il-falliment ta’ Cicli Elios srl.

(27)

B’konsegwenza ta’ dan, il-Kummissjoni kkonkludiet li l-awtorizzazzjoni għal eżenzjoni mogħtija lil Cicli Elios srl jenħtieġ li tiġi revokata mit-18 ta’ Lulju 2022, skont l-Artikolu 10 tar-Regolament ta’ eżenzjoni.

(28)

Il-parti elenkata fit-Tabella 5 ġiet informata bil-konklużjonijiet tal-Kummissjoni u ngħatat l-opportunità tikkummenta dwarhom.

(29)

Cicli Elios srl ikkummentat billi talbet lill-Kummissjoni tikkunsidra mill-ġdid ir-revoka tal-awtorizzazzjoni ta’ eżenzjoni tagħha.

(30)

Il-Kummissjoni, wara li debitament ivvalutat it-talba, ikkonkludiet li ma ġie ppreżentat l-ebda argument ġdid insostenn ta’ rivalutazzjoni tal-konklużjonijiet żvelati preċedentement. Għaldaqstant, ir-revoka tal-awtorizzazzjoni ta’ eżenzjoni ġiet ikkonfermata u għaldaqstant il-parti ġiet informata.

Tabella 5