Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32023D0069

Deċiżjoni ta’ Implimentazzjoni tal-Kummissjoni (UE) 2023/69 tad-9 ta’ Jannar 2023 li temenda d-Deċiżjoni ta’ Implimentazzjoni (UE) 2019/436 fir-rigward tal-istandard armonizzat għaċ-ċikletti megħjuna bl-enerġija elettrika (Test b’rilevanza għaż-ŻEE)

C/2023/33

ĠU L 7, 10.1.2023, p. 27–29 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 01/08/2023; Impliċitament imħassar minn 32023D1586

ELI: http://data.europa.eu/eli/dec_impl/2023/69/oj

Date of document:
09/01/2023; Data ta' adozzjoni
Date of effect:
10/01/2023; Dħul fis-seħħ Data tal-pubblikazzjoni Ara Art. 2
Date of end of validity:
01/08/2023; Impliċitament imħassar minn 32023D1586
Author:
Il-Kummissjoni Ewropea, Direttorat Ġenerali għas-Suq Intern, l-Industrija, l-Intraprenditorija u l-SMEs
Responsible body:
GROW
Form:
Deċiżjoni implimentattiva
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32019D0436 Tħassir anness I Test 10/01/2023
Modifies 32019D0436 Żieda anness II Test 10/01/2023
Modified by:
Relation Act Comment Subdivision concerned From To
Implicitly repealed by 32023D1586 02/08/2023
Instruments cited:
Link

10.1.2023   

MT

Il-Ġurnal Uffiċjali tal-Unjoni Ewropea

L 7/27

DEĊIŻJONI TA’ IMPLIMENTAZZJONI TAL-KUMMISSJONI (UE) 2023/69

tad-9 ta’ Jannar 2023

li temenda d-Deċiżjoni ta’ Implimentazzjoni (UE) 2019/436 fir-rigward tal-istandard armonizzat għaċ-ċikletti megħjuna bl-enerġija elettrika

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2006/42/KE tal-Parlament Ewropew u tal-Kunsill tas-17 ta’ Mejju 2006 dwar il-makkinarju, u li temenda d-Direttiva 95/16/KE (1), u b’mod partikolari l-Artikolu 10 tagħha,

Billi:

(1)

F’konformità mal-Artikolu 7 tad-Direttiva 2006/42/KE, il-makkinarju manifatturat f’konformità ma’ standard armonizzat, li r-referenza għalih ġiet ippubblikata f’Il-Ġurnal Uffiċjali tal-Unjoni Ewropea, għandu jkun preżunt li jikkonforma mar-rekwiżiti essenzjali tas-saħħa u tas-sikurezza koperti minn tali standard armonizzat.

(2)

Permezz tal-ittra M/396 tad-19 ta’ Diċembru 2006, il-Kummissjoni talbet (“it-talba M/396”) lill-Kumitat Ewropew għall-Istandardizzazzjoni (CEN) u lill-Kumitat Ewropew għall-Istandardizzazzjoni Elettroteknika (Cenelec) biex jabbozzaw, jirrevedu u jlestu l-ħidma fuq l-istandards armonizzati b’appoġġ għad-Direttiva 2006/42/KE biex ikunu jqisu l-bidliet introdotti b’dik id-Direttiva meta mqabbla mad-Direttiva 98/37/KE tal-Parlament Ewropew u tal-Kunsill (2).

(3)

Abbażi tat-talba M/396, is-CEN u s-Cenelec abbozzaw l-istandard armonizzat EN 15194:2017 għaċ-ċikletti megħjuna bl-enerġija elettrika. Ir-referenza ta’ dak l-istandard ġiet ippubblikata f’Il-Ġurnal Uffiċjali tal-Unjoni Ewropea bid-Deċiżjoni ta’ Implimentazzjoni tal-Kummissjoni (UE) 2019/436 (3).

(4)

Fit-23 ta’ Awwissu 2019, in-Netherlands ressqu oġġezzjoni formali f’konformità mal-Artikolu 10 tad-Direttiva 2006/42/KE dwar l-istandard armonizzat EN 15194:2017, u sostnew li dan jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.5.5, 1.5.6 u 1.5.7 tal-Anness I tad-Direttiva 2006/42/KE, li l-istandard qed jiddikjara li jkopri. In-Netherlands argumentaw li fil-punti 4.2.3.1 u 4.2.3.2 tiegħu, l-istandard armonizzat EN 15194:2017 jagħti informazzjoni biss dwar id-disponibbiltà tal-istandards Ewropej EN 62133 u EN 50604-1 għall-ittestjar tal-batteriji, u jonqos milli jindirizza b’mod komprensiv l-integrazzjoni sikura tal-batteriji fil-pakketti tal-batteriji u l-inkorporazzjoni tal-pakketti tal-batteriji fl-apparat finali. In-Netherlands sostnew li dan mhuwiex biżżejjed biex jiġu vvalutati l-livelli ġenerali tas-sikurezza tal-apparat finali, jiġifieri l-biċikletti megħjuna bl-enerġija elettrika, kif juru l-inċidenti rikorrenti b’dawk il-vetturi mgħammra b’ċelloli tal-joni tal-litju u/jew b’pakketti tal-batteriji.

(5)

L-oġġezzjoni formali ġiet diskussa fil-Kumitat stabbilit permezz tal-Artikolu 22 tad-Direttiva 2006/42/KE, fil-laqgħat tat-2 u t-3 ta’ Diċembru 2019 u tad-19 u l-20 ta’ Frar 2020.

(6)

F’dawk il-laqgħat, il-Ġermanja qajmet oġġezzjoni addizzjonali billi esprimiet il-fehma li l-istandard armonizzat EN 15194:2017 jonqos ukoll milli jikkonforma mal-punti 1.5.9 u 3.6.3.1 tal-Anness I tad-Direttiva 2006/42/KE fir-rigward tal-vibrazzjonijiet trażmessi liċ-ċiklist. Skont l-istandard armonizzat EN 15194:2017, dawk il-punti mhumiex applikabbli għall-biċikletti megħjuna bl-enerġija elettrika. Madankollu, skont il-Ġermanja, tali vibrazzjonijiet jistgħu jseħħu meta dawk il-biċikletti jintużaw fuq art li mhix livell.

(7)

L-oġġezzjonijiet formali li qajmu n-Netherlands u l-Ġermanja ġew diskussi fil-Kumitat stabbilit permezz tal-Artikolu 22 tar-Regolament (UE) Nru 1025/2012 tal-Parlament Ewropew u tal-Kunsill (4), nhar it-2 ta’ Lulju 2021.

(8)

Wara li eżaminat l-istandard armonizzat EN 15194:2017 flimkien mar-rappreżentanti tal-Kumitat stabbilit permezz tal-Artikolu 22 tad-Direttiva 2006/42/KE u r-rappreżentanti tal-Kumitat stabbilit permezz tal-Artikolu 22 tar-Regolament (UE) Nru 1025/2012, il-Kummissjoni kkonkludiet li l-istandard jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.5.5, 1.5.6, 1.5.7, 1.5.9 u 3.6.3.1 tal-Anness I tad-Direttiva 2006/42/KE.

(9)

Għalhekk, l-istandard armonizzat EN 15194:2017 jenħtieġ li jinżamm f’Il-Ġurnal Uffiċjali tal-Unjoni Ewropea b’restrizzjoni.

(10)

Ir-referenza tal-istandard armonizzat EN 15194:2017 hija inkluża fl-Anness I tad-Deċiżjoni ta’ Implimentazzjoni (UE) 2019/436. L-Anness II ta’ dik id-Deċiżjoni ta’ Implimentazzjoni jelenka r-referenzi tal-istandards armonizzati abbozzati b’appoġġ għad-Direttiva 2006/42/KE li huma ppubblikati f’Il-Ġurnal Uffiċjali tal-Unjoni Ewropea b’restrizzjonijiet. Għalhekk, ir-referenza tal-istandard EN 15194:2017 jenħtieġ li titħassar mill-Anness I tad-Deċiżjoni ta’ Implimentazzjoni (UE) 2019/436 u jenħtieġ li tiġi inkluża b’restrizzjoni fl-Anness II ta’ dik id-Deċiżjoni ta’ Implimentazzjoni.

(11)

Għalhekk, id-Deċiżjoni ta’ Implimentazzjoni (UE) 2019/436 jenħtieġ li tiġi emendata skont dan.

(12)

Il-konformità ma’ standard armonizzat tikkonferixxi preżunzjoni ta’ konformità mar-rekwiżiti essenzjali korrispondenti stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ tali standard f’Il-Ġurnal Uffiċjali tal-Unjoni Ewropea. Għaldaqstant, din id-Deċiżjoni jenħtieġ li tidħol fis-seħħ fil-jum tal-pubblikazzjoni tagħha,

ADOTTAT DIN ID-DEĊIŻJONI:

Artikolu 1

L-Annessi I u II tad-Deċiżjoni ta’ Implimentazzjoni (UE) 2019/436 huma emendati f’konformità mal-Anness ta’ din id-Deċiżjoni.

Artikolu 2

Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, id-9 ta’ Jannar 2023.

Għall-Kummissjoni

Il-President

Ursula VON DER LEYEN

(1)  ĠU L 157, 9.6.2006, p. 24.

(2)  Id-Direttiva 98/37/KE tal-Parlament Ewropew u tal-Kunsill tat-22 ta’ Ġunju 1998 dwar l-approssimazzjoni tal-liġijiet tal-Istati Membri dwar il-makkinarju (ĠU L 207, 23.7.1998, p. 1).

(3)  Id-Deċiżjoni ta’ Implimentazzjoni tal-Kummissjoni (UE) 2019/436 tat-18 ta’ Marzu 2019 dwar l-istandards armonizzati għall-makkinarju abbozzati b’appoġġ għad-Direttiva 2006/42/KE tal-Parlament Ewropew u tal-Kunsill (ĠU L 75, 19.3.2019, p. 108).

(4)  Ir-Regolament (UE) Nru 1025/2012 tal-Parlament Ewropew u tal-Kunsill tal-25 ta’ Ottubru 2012 dwar l-Istandardizzazzjoni Ewropea, li jemenda d-Direttivi tal-Kunsill 89/686/KEE u 93/15/KEE u d-Direttivi 94/9/KE, 94/25/KE, 95/16/KE, 97/23/KE, 98/34/KE, 2004/22/KE, 2007/23/KE, 2009/23/KE u 2009/105/KE tal-Parlament Ewropew u tal-Kunsill u li jħassar id-Deċiżjoni tal-Kunsill 87/95/KEE u d-Deċiżjoni Nru 1673/2006/KE tal-Parlament Ewropew u tal-Kunsill (ĠU L 316, 14.11.2012, p. 12).

ANNESS

L-Annessi I u II għad-Deċiżjoni ta’ Implimentazzjoni (UE) 2019/436 huma emendati kif ġej:

(1)

fl-Anness I, titħassar ir-ringiela 16;

(2)

fl-Anness II, tiżdied ir-ringiela li ġejja:

Nru

Referenza tal-istandard

Tip

“4.

EN 15194:2017

Ċikletti – Ċikletti megħjuna bl-enerġija elettrika – Biċikletti EPAC

Avviż 1: L-istandard armonizzat EN 15194:2017 ma jikkonferix preżunzjoni ta’ konformità mar-rekwiżiti essenzjali tas-saħħa u s-sikurezza stabbiliti fil-punti 1.5.5, 1.5.6 u 1.5.7 tal-Anness I tad-Direttiva 2006/42/KE, li jeżiġu li l-makkinarju jiġi ddisinjat u jinbena b’tali mod li jqis ir-riskji assoċjati ma’ temperaturi estremi, nirien u splużjonijiet.

Avviż 2: L-istandard armonizzat EN 15194:2017 ma jikkonferix preżunzjoni ta’ konformità mar-rekwiżiti essenzjali tas-saħħa u s-sikurezza stabbiliti fil-punti 1.5.9 u 3.6.3.1 tal-Anness I tad-Direttiva 2006/42/KE, li jirrikjedu li l-makkinarju jkun iddisinjat u mibni biex iqis ir-riskji li jirriżultaw mill-vibrazzjonijiet, u li l-makkinarju jrid jiġi pprovdut bil-kejl tal-vibrazzjonijiet trażmessi mill-makkinarju lill-operatur tal-makkinarju.

C”
Top