This document is an excerpt from the EUR-Lex website
Document 32023D0068
Decision (EU) 2023/68 of the European Parliament and of the Council of 14 December 2022 on the mobilisation of the European Union Solidarity Fund to provide assistance to Germany, Belgium, the Netherlands, Austria, Luxembourg, Spain and Greece further to natural disasters that took place in those countries in the course of 2021
Deċiżjoni (UE) 2023/68 tal-Parlament Ewropew u tal-Kunsill tal-14 ta’ Diċembru 2022 dwar il-mobilizzazzjoni tal-Fond ta’ Solidarjetà tal-Unjoni Ewropea biex tingħata assistenza lill-Ġermanja, il-Belġju, in-Netherlands, l-Awstrija, il-Lussemburgu, Spanja u l-Greċja wara diżastri naturali li seħħew f’dawn il-pajjiżi matul l-2021
Deċiżjoni (UE) 2023/68 tal-Parlament Ewropew u tal-Kunsill tal-14 ta’ Diċembru 2022 dwar il-mobilizzazzjoni tal-Fond ta’ Solidarjetà tal-Unjoni Ewropea biex tingħata assistenza lill-Ġermanja, il-Belġju, in-Netherlands, l-Awstrija, il-Lussemburgu, Spanja u l-Greċja wara diżastri naturali li seħħew f’dawn il-pajjiżi matul l-2021
ĠU L 7, 10.1.2023, p. 25–26
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 14/12/2022; Data ta' adozzjoni
- Date of effect:
- 14/12/2022; Applikazzjoni Ara Art. 2
- Date of effect:
- 10/01/2023; Dħul fis-seħħ Data tal-pubblikazzjoni Ara Art. 2
- Date of end of validity:
- No end date
- Author:
- Il-Parlament Ewropew, Il-Kunsill tal-Unjoni Ewropea
- Form:
- Deċiżjoni
- Procedure number:
- Link
- European Parliament - Legislative observatory
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32002R2012 - A04P3
- 32020Q1222(01) - PT10
- Proposal:
-
- 52022PC0665 Adopted on: 14/12/2022
- Link
- Link
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
10.1.2023 |
MT |
Il-Ġurnal Uffiċjali tal-Unjoni Ewropea |
L 7/25 |
DEĊIŻJONI (UE) 2023/68 TAL-PARLAMENT EWROPEW U TAL-KUNSILL
tal-14 ta’ Diċembru 2022
dwar il-mobilizzazzjoni tal-Fond ta’ Solidarjetà tal-Unjoni Ewropea biex tingħata assistenza lill-Ġermanja, il-Belġju, in-Netherlands, l-Awstrija, il-Lussemburgu, Spanja u l-Greċja wara diżastri naturali li seħħew f’dawn il-pajjiżi matul l-2021
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament tal-Kunsill (KE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea (1), u b’mod partikolari l-Artikolu 4(3) tiegħu,
Wara li kkunsidraw il-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda (2), u b’mod partikolari l-punt 10 tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-Fond ta’ Solidarjetà tal-Unjoni Ewropea (il-"Fond") għandu l-għan li jippermetti lill-Unjoni tirrispondi b’mod rapidu, effiċjenti u flessibbli għal sitwazzjonijiet ta’ emerġenza sabiex tintwera solidarjetà mal-popolazzjonijiet tar-reġjuni milquta minn diżastri naturali reġjonali jew minn emerġenza tas-saħħa pubblika maġġuri. |
|
(2) |
Il-Fond ma jridx jaqbeż il-limiti massimi kif stabbiliti fl-Artikolu 9 tar-Regolament tal-Kunsill (UE, Euratom) 2020/2093 (3). |
|
(3) |
Fl-1 ta’ Ottubru 2021, il-Ġermanja ppreżentat applikazzjoni biex timmobilizza l-Fond, wara l-għargħar f’Lulju 2021. |
|
(4) |
Fl-1 ta’ Ottubru 2021, il-Belġju ppreżenta applikazzjoni biex jimmobilizza l-Fond, wara l-għargħar f’Lulju 2021. |
|
(5) |
Fl-1 ta’ Ottubru 2021, in-Netherlands ippreżentaw applikazzjoni biex jimmobilizzaw l-Fond, wara l-għargħar f’Lulju 2021. |
|
(6) |
Fil-5 ta’ Ottubru 2021, l-Awstrija ppreżentat applikazzjoni biex timmobilizza l-Fond, wara l-għargħar f’Lulju 2021. |
|
(7) |
Fis-6 ta’ Ottubru 2021, il-Lussemburgu ppreżenta applikazzjoni biex jimmobilizza l-Fond, wara l-għargħar f’Lulju 2021. |
|
(8) |
Fit-3 ta’ Diċembru 2021, Spanja ppreżentat applikazzjoni biex timmobilizza l-Fond, wara l-eruzzjoni volkanika fil-gżira ta’ La Palma fid-19 ta’ Settembru 2021. Fit-22 ta’ Marzu 2022, Spanja ppreżentat aġġornament għall-applikazzjoni. |
|
(9) |
Fis-16 ta’ Diċembru 2021, il-Greċja ppreżentat applikazzjoni biex timmobilizza l-Fond, wara t-terremot fi Kreta fis-27 ta’ Settembru 2021. |
|
(10) |
L-applikazzjonijiet imsemmija hawn fuq jissodisfaw il-kundizzjonijiet biex tingħata kontribuzzjoni finanzjarja mill-Fond, kif stabbilit fl-Artikolu 4 tar-Regolament (KE) Nru 2012/2002. |
|
(11) |
Il-Fond għandu għalhekk jiġi mobilizzat sabiex jipprovdi kontribuzzjoni finanzjarja lill-Ġermanja, il-Belġju, in-Netherlands, l-Awstrija, il-Lussemburgu, Spanja u l-Greċja. |
|
(12) |
Sabiex iż-żmien li jittieħed għall-mobilizzazzjoni tal-Fond jitnaqqas kemm jista’ jkun, jenħtieġ li din id-deċiżjoni tidħol fis-seħħ mid-data tal-adozzjoni tagħha, |
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja 2022, il-Fond ta’ Solidarjetà tal-Unjoni Ewropea għandu jiġi mobilizzat kif ġej f’approprjazzjonijiet ta’ impenn u ta’ pagament fir-rigward ta’ diżastri naturali:
|
(a) |
l-ammont ta’ EUR 612 611 256 għandu jiġi pprovdut lill-Ġermanja fir-rigward tal-għargħar tal-2021; |
|
(b) |
l-ammont ta’ EUR 87 737 427 għandu jiġi pprovdut lill-Belġju fir-rigward tal-għargħar tal-2021; |
|
(c) |
l-ammont ta’ EUR 4 713 027 għandu jiġi pprovdut lin-Netherlands fir-rigward tal-għargħar tal-2021; |
|
(d) |
l-ammont ta’ EUR 797 520 għandu jiġi pprovdut lill-Awstrija fir-rigward tal-għargħar tal-2021; |
|
(e) |
l-ammont ta’ EUR 1 822 056 għandu jiġi pprovdut lil-Lussemburgu fir-rigward tal-għargħar tal-2021; |
|
(f) |
l-ammont ta’ EUR 9 449 589 għandu jiġi pprovdut lil Spanja fir-rigward tal-eruzzjoni volkanika f’La Palma; |
|
(g) |
l-ammont ta’ EUR 1 351 886 għandu jiġi pprovdut lill-Greċja fir-rigward tat-terremot fi Kreta. |
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Għandha tapplika mill-14 ta’ Diċembru 2022.
Magħmul fi Strasburgu, l-14 ta’ Diċembru 2022.
Għall-Parlament Ewropew
Il-President
R. METSOLA
Għall-Kunsill
Il-President
M. BEK
(1) ĠU L 311, 14.11.2002, p. 3.
(2) ĠU L 433I, 22.12.2020, p. 28.
(3) Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027 (ĠU L 433 I, 22.12.2020, p. 11).
