Artikolu 1

L-isem “Watercress” / “Cresson de Fontaine” / “Berros de Agua” / “Agrião de Água” / “Waterkers” / “Brunnenkresse” (STG) huwa rreġistrat.

L-isem fl-ewwel paragrafu jidentifika prodott mill-Klassi 1.6. Frott, ħaxix u ċereali, friski jew ipproċessati stabbilita fl-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).

Artikolu 2

Il-“Watercress” għandha tkun akkumpanjata mid-dikjarazzjoni “magħmul skont it-tradizzjoni tar-Renju Unit” jew “magħmul skont it-tradizzjoni tal-Belġju” jew “magħmul skont it-tradizzjoni ta’ Spanja” jew “magħmul skont it-tradizzjoni ta’ Franza” jew “magħmul skont it-tradizzjoni tan-Netherlands”“magħmul skont it-tradizzjoni tal-Portugall” jew “magħmul skont it-tradizzjoni ta’” segwita mill-ismijiet ta’ dawn l-Istati Membri kollha jew ta’ xi wħud minnhom jew mill-isem tal-pajjiż terz.

L-isem “Cresson de Fontaine” għandu jkun akkumpanjat mid-dikjarazzjoni “produit selon la tradition de la France” jew “produit selon la tradition de la Belgique” jew “produit selon la tradition de l’Espagne” jew “produit selon la tradition des Pays Bas” jew “produit selon la tradition du Portugal” jew “produit selon la tradition du Royaume-Uni” jew “produit selon la tradition de” segwita mill-ismijiet ta’ dawn l-Istati Membri kollha jew ta’ xi wħud minnhom jew mill-isem tal-pajjiż terz.

L-isem “Berros de Agua” għandu jkun akkumpanjat mid-dikjarazzjoni “elaborado según la tradición de España” jew “elaborado según la tradición de Bélgica” jew “elaborado según la tradición de Francia” jew “elaborado según la tradición de los Países Bajos” jew “elaborado según la tradición de Portugal” jew “elaborado según la tradición del Reino Unido” jew “elaborado según la tradición de” segwita mill-ismijiet ta’ dawn l-Istati Membri kollha jew ta’ xi wħud minnhom jew mill-isem tal-pajjiż terz.

L-isem “Agrião de Água” għandu jkun akkumpanjat mid-dikjarazzjoni “produzido segundo a tradição de Portugal” jew “produzido segundo a tradição de Bélgica” jew “produzido segundo a tradição de Espanha” jew “produzido segundo a tradição de França” jew “produzido segundo a tradição des Países Baixos” jew “produzido segundo a tradição de Reino Unido” jew “produzido segundo a tradição de” segwita mill-ismijiet ta’ dawn l-Istati Membri kollha jew ta’ xi wħud minnhom jew mill-isem tal-pajjiż terz.

L-isem “Waterkers” għandu jkun akkumpanjat mid-dikjarazzjoni “vervaardigd volgens de traditie van België” jew “vervaardigd volgens de traditie van Spanje” jew “vervaardigd volgens de traditie van Frankrijk” jew “vervaardigd volgens de traditie van Nederland” jew “vervaardigd volgens de traditie van Portugal” jew “vervaardigd volgens de traditie van Verenigd Koninkrijk” jew “vervaardigd volgens de traditie van” segwita mill-ismijiet ta’ dawn l-Istati Membri kollha jew ta’ xi wħud minnhom jew mill-isem tal-pajjiż terz.

L-isem “Brunnenkresse” għandu jkun akkumpanjat mid-dikjarazzjoni “hergestellt nach der Tradition Belgiens” jew “hergestellt nach der Tradition Spaniens” jew “hergestellt nach der Tradition Frankreichs” jew “hergestellt nach der Tradition der Niederlande” jew “hergestellt nach der Tradition Portugals” jew “hergestellt nach der Tradition Vereinigten Königreichs” jew “hergestellt nach der Tradition” segwita mill-ismijiet ta’ dawn l-Istati Membri kollha jew ta’ xi wħud minnhom jew mill-isem tal-pajjiż terz.

Artikolu 3

L-isem “Watercress”, “Cresson de Fontaine”, “Berros de Agua”, “Agrião de Água”, “Waterkers” u “Brunnenkresse” jista’ jkompli jintuża għall-prodotti li ma jikkonformawx mal-Ispeċifikazzjoni tal-Prodott ta’ “Watercress” / “Cresson de Fontaine” / “Berros de Agua” / “Agrião de Água” / “Waterkers” / “Brunnenkresse”“magħmul skont it-tradizzjoni ta’” il-Belġju, Spanja, Franza, in-Netherlands, il-Portugall u r-Renju Unit fit-territorju tal-Unjoni, dment li l-prinċipji u r-regoli applikabbli fl-ordni ġuridiku tiegħu jiġu rrispettati.

Artikolu 4

L-Ispeċifikazzjoni tal-Prodott konsolidata hija stabbilita fl-Anness ta’ dan ir-Regolament.

Artikolu 5

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS

“WATERCRESS”/“CRESSON DE FONTAINE”/“BERROS DE AGUA”/“AGRIÃO DE ÁGUA”/“WATERKERS”/“BRUNNENKRESSE”

Nru tal-UE: TSG-GB-0062 — 6.12.2010

Ir-Renju Unit

1.   Isem li għandu jiġi rreġistrat/ismijiet li għandhom jiġu rreġistrati

“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenkresse”

L-isem għandu jkun akkumpanjat mid-dikjarazzjoni “magħmul skont it-tradizzjoni tar-Renju Unit” jew “magħmul skont it-tradizzjoni tal-Belġju” jew “magħmul skont it-tradizzjoni ta’ Spanja” jew “magħmul skont it-tradizzjoni ta’ Franza” jew “magħmul skont it-tradizzjoni tan-Netherlands” jew “magħmul skont it-tradizzjoni tal-Portugall” jew “magħmul skont it-tradizzjoni ta’” segwit mill-ismijiet tal-Istati Membri kollha jew ta’ xi wħud minn dawn l-Istati Membri jew pajjiż terz.

2.   Tip ta’ prodott

Klassi 1.6. Frott, ħaxix u ċereali, friski jew ipproċessati

3.   Raġunijiet għar-reġistrazzjoni

3.1.   Jekk il-prodott:

☒	jirriżultax minn metodu ta’ produzzjoni, ipproċessar jew kompożizzjoni li jikkorrispondi għall-prattika tradizzjonali għal dak il-prodott jew l-oġġett tal-ikel

☐

huwiex magħmul minn materja prima jew ingredjenti li jintużaw tradizzjonalment. L-hekk imsejħa “Watercress”/“Cresson de Fontaine”/“Berros de Agua”/“Agrião de Água”/“Waterkers”/“Brunnenkresse” ibbażata fuq iż-żerriegħa Nasturium Officinale titkabbar b’mod naturali fl-ilma ġieri b’metodu ta’ produzzjoni kummerċjali tradizzjonali li ilu jintuża għal aktar minn 200 sena.

3.2.   Indika jekk l-isem:

☐	kienx jintuża tradizzjonalment sabiex jirreferi għall-prodott speċifiku

☒	jidentifikax il-karattru tradizzjonali jew il-karattru speċifiku tal-prodott

Għal sekli sħaħ anki qabel ma bdiet il-produzzjoni kummerċjali fl-Ewropa aktar minn 200 sena ilu, l-isem “water-cress” fir-Renju Unit, “cresson de fontaine” fi Franza, “berros de agua” fi Spanja, “agrião de água” fil-Portugall, “waterkers” fl-Olanda u l-Belġju “Brunnenkresse” fil-Ġermanja ntuża sabiex jispeċifika dan il-varjant tal-familja ta’ krexxuni li jitkabbar fl-ilma ġieri. Krexxuni huwa l-isem tax-xitla u ilma huwa d-deskrittur.

4.   Deskrizzjoni

4.1.   Deskrizzjoni tal-prodott li għalih japplika l-isem imsemmi fil-punt 1, inklużi l-karatteristiċi fiżiċi, kimiċi, mikrobijoloġiċi jew organolettiċi ewlenin tiegħu, li juru l-karattru speċifiku tal-prodott (l-Artikolu 7(2) ta’ dan ir-Regolament)

“Watercress”/“Cresson de Fontaine”/“Berros de Agua”/“Agrião de Água”/“Waterkers”/“Brunnenkresse” bl-isem botaniku Nasturtium officinale hija xitla akkwatika/semi akkwatika li għadha selvaġġa fi flussi u nixxigħat madwar l-Ewropa, kif ukoll f’ħafna pajjiżi oħra fid-dinja bi klima moderata. Ix-xitla żżomm postha ma’ qiegħ jew ma’ ġenb in-nixxiegħa jew il-miġra bis-sistema tal-għeruq tagħha sabiex ma tinġarrx. Il-ħsad u l-bejgħ tal-“Watercress”/“Cresson de Fontaine”/“Berros de Agua”/“Agrião de Água”/“Waterkers”/“Brunnenkresse” mis-selvaġġ jibqgħu mhux affettwati minn din l-ispeċifikazzjoni li tirrigwarda biss il-produzzjoni kummerċjali.

Il-produzzjoni kummerċjali sempliċiment tirreplika kif ix-xitla tikber fis-selvaġġ, bl-użu tan-nutrijenti mill-ilma ġieri, dan huwa dak li l-konsumaturi jistennew u jifhmu bi krexxuni – l-ilma huwa l-mezz tat-tkabbir u l-krexxuni hija x-xitla.

Is-sinonimi botaniċi tan-Nasturtium officinale huma Rorippa nasturtium-aquaticum, Nasturtium nasturtium-aquaticum u Sisymbrium nasturtium-aquaticum L. Huma jirriflettu n-natura akkwatika vera tax-xitla u l-mod kif tikber.

Il-prodott ippreżentat lill-klijenti jista’ jvarja fit-tul totali taz-zokk, id-daqs tal-weraq u t-tip ta’ preżentazzjoni u imballaġġ.

L-għalla mkabbra tradizzjonalment tinħasad mill-ilma u hija kkaratterizzata minn weraq artab u niedi ta’ lewn aħdar medju, bi truf mhux miksura u forma ovali. Iz-zkuk iqarmċu, għandhom lewn kemxejn aktar ċar u jista’ jkollhom xi għeruq laterali li jestendu mill-ġonot tal-weraq saz-zokk.

Proprjetajiet mikrobijoloġiċi

Derivati mill-ambjent li fih titkabbar ix-xitla; l-għalla, li titkabbar kummerċjalment f’ilma ġieri tan-nixxiegħa jew fi spieri, tikseb popolazzjoni mikrobika epifitika karatteristikament għolja fi Pseudomonad sp. benevoli. Ix-xitla titkabbar f’ilma ġieri pur ta’ kwalità mikrobijoloġika għolja.

Karatteristiċi fiżiċi

—	Weraq alternat u kompost għall-ponta bi 3 sa 11-il werqa żgħira żengulijja, ileqqu, ta’ lewn aħdar skur, ġejjin għat-tond fil-ponta, lixxi mingħajr snien jew bil-marġini bis-snien immewġin. Il-kulur ivarja minn aħdar (Hex triplet 008000) għal aħdar skur (Hex triplet 006400).

—	Zkuk li jixxebilku jew iżommu fil-wiċċ li huma sukkulenti jew imlaħħmin

—	Għeruq fibrużi u lixxi li jippermettu lill-għeruq jinfirxu kullimkien tul iz-zokk mgħaddas, primarjament fin-nodi.

—

Ix-xitla jkollha fjuri bojod b’4 petali b’dijametru ta’ madwar 3 mm sa 5 mm, f’raċemi terminali u f’raċemi mill-axxelli tal-weraq li huma l-aktar ’il fuq. Il-fjuri bojod u ħodor żgħar jiġu prodotti f’raggruppamenti. Bħala parti miċ-ċiklu tal-ħajja naturali tax-xtieli, il-fjuri jidhru matul l-ewwel xhur tas-sajf meta t-tul tal-jum ikun qed joqrob lejn il-massimu tiegħu.

—	Meta mqabbla magħha, ix-xitla tal-Krexxuni tal-Art li hija tal-ġeneru Barberea Verna, tipproduċi weraq aħdar maqsum għall-ponta u singoli, u matul il-perjodu tal-fjoritura jkollha fjuri sofor.

Kompożizzjoni kimika

—

“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” hija rikka fil-glukosinolati u unika fl-espressjoni għolja tal-glukosinolat B-feniletil glukosinolat li jirrilaxxa feniletilisotijoċjanat (PEITC). Il-PEITC jiġi rilaxxat waqt it-tagħmid u huwa responsabbli għat-togħma qawwija karatteristika. Il-karatteristika tat-togħma ta’ bżar hija dovuta għaż-żjut tal-mustarda inerenti fix-xitla. L-istress jaffettwa l-livelli ta’ PEITC fix-xitla. Jekk l-għalla ssib ruħha taħt stress minn temperatura baxxa jew għolja, jew tkun soġġetta għal nuqqas ta’ ilma, ix-xitla tipproduċi livelli differenti ta’ PEITC.

Proprjetajiet organolettiċi

L-ittestjar komparattiv tal-Krexxuni tal-Ilma mal-Krexxuni tal-Art indika li l-kulur tal-“Krexxuni tal-Ilma” huwa aktar skur/aktar ħadrani mill-krexxuni mkabbra fuq l-art, għandu togħma ferm aktar ta’ bżar u għandu sawra aktar ratba.

Fl-2009 saret evalwazzjoni sensorja oħra li indikat ukoll li l-krexxuni mkabbra fuq l-art kellhom togħma aktar dgħajfa u inqas ta’ bżar. Ġew irreġistrati wkoll xi kummenti fir-rigward tal-kampjun imkabbar fl-ilma li kellu weraq aktar skuri u sawra aktar ratba.

Dawn iż-żewġ valutazzjonijiet urew li fiż-żewġ okkażjonijiet evalwazzjoni professjonali tal-għelejjel imkabbra fuq l-art kontra dawk imkabbra fl-ilma ġieri identifikat differenzi, u meta ntalbet preferenza, identifikat il-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenkresse” bħala superjuri – għall-kwalitajiet organolettiċi weħidhom.

Karatteristikament, il-“Watercress”/“Cresson de Fontaine”/“Berros de Agua”/“Agrião de Água”/“Waterkers”/“Brunnenkresse” tħalli togħma ta’ mustarda; hija għandha togħma ta’ bżar, taħraq u hi kemxejn morra.

4.2.   Deskrizzjoni tal-metodu ta’ produzzjoni tal-prodott li għalih japplika l-isem imsemmi fil-punt 1 li jridu jsegwu l-produtturi, inklużi, fejn xieraq, in-natura u l-karatteristiċi tal-materja prima jew tal-ingredjenti li jintużaw, kif ukoll il-metodu li permezz tiegħu jitħejja l-prodott (l-Artikolu 7(2) ta’ dan ir-Regolament)

Il-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenkresse” trid titkabbar fl-ilma ġieri bl-użu taż-żerriegħa tan-Nasturtium officinale. Madankollu, iż-żerriegħa tista’ tinżera’ fuq sottostrat xieraq f’faċilità ta’ propagazzjoni u n-nebbieta tiġi ttrasferita lejn il-miżirgħat tal-produzzjoni.

L-għelejjel jistgħu jikbru matul is-sena kollha fi ħmiemel apposta. It-temperatura tal-ilma ġieri li jitla’ min-nixxigħat jew spieri hija tipikament bejn 10 u 18 °C li tipproteġi lill-għalla minn temp sħun u kiesaħ.

Sabiex ikun hemm livelli relattivament uniformi u konsistenti ta’ PEITC (u għalhekk togħma relattivament uniformi), l-għalla teħtieġ kundizzjonijiet ta’ tkabbir stabbli u mingħajr stress f’termini ta’ temperatura, provvista tal-ilma u fertilizzant. Kultivazzjoni bbażata fuq l-ilma fejn jiġi pprovdut ilma ġieri kostanti matul iċ-ċiklu tal-ħajja kollu tax-xitla hija l-mod ideali sabiex tinżamm it-temperatura; l-ilma ġieri jżomm l-għalla friska fil-jiem sħan u jsaħħanha fil-jiem kesħin.

Provvista tal-Ilma

Tradizzjonalment, is-sors tal-ilma kien ġej minn nixxigħat naturali b’ħafna minerali jew minn spieri permezz ta’ flussi naturali jew pompi, madankollu, huma aċċettabbli wkoll sorsi oħrajn jekk ikunu ta’ kwalità mikrobijoloġika għolja biżżejjed (mira ta’ żero E.coli, tolleranza ta’ 100 cfu/100 ml; mira ta’ żero listeria, tolleranza ta’ 100 cfu/100 ml, żero Salmonella, żero STEC) u ħielsa minn kontaminazzjoni tal-ilma tal-wiċċ. L-ilma jrid ikun ta’ kwalità xierqa għall-produzzjoni ta’ ikel ipproċessat minimament, li jfisser wieħed li jista’ jiġi kkonsmat mingħajr ma jissajjar.

Tfassil tal-Miżirgħat

Il-pożizzjonament tal-ħmiemel ġeneralment ikun iddettat mill-għajn tal-ilma u mill-iżbokk. Il-ħmiemel huma mibnija bi ġnub impermeabbli, possibbilment fuq inklinazzjoni mill-punt li fih l-ilma jidħol fil-ħammiela, u b’tali mod li ma jkunx hemm ilma tal-wiċċ jew tax-xebgħa. Tradizzjonalment, l-ilma li jidħol jiġi mgħoddi u regolat lejn il-ħmiemel individwali permezz ta’ valvi, viti jew fetħiet sempliċi fil-bokka tal-ġenb li jkun fih il-fetħa. Sistemi ta’ biedja aktar moderni nbnew b’tali mod li jippermettu sistemi ta’ provvista awtomatizzati mis-sorsi tal-ilma u għal temperatura mmirata, provvista tal-ilma u provvista ta’ fertilizzanti. Il-kobor tal-ħammiela tvarja skont il-post u l-pajjiż. L-ilma tal-wiċċ jew tax-xebgħa ma għandux jitħalla jidħol fis-sit. Ma għandux ikun hemm żoni ta’ tajn permanenti li jistgħu jkunu ħabitat għall-bebbux tat-tajn.

Metodi ta’ Produzzjoni

Jenħtieġ li tiġi stabbilita għalla ġdida miż-żerriegħa sabiex tiġi evitata l-akkumulazzjoni ta’ viruses, li wħud minnhom jinġarru miż-żerriegħa. Iż-żrieragħ jinżergħu direttament fil-bażijiet tal-ħmiemel, jew inkella aktarx jinżergħu fit-terriċċju, jew materjal substrat, f’faċilità ta’ propagazzjoni u jitkabbru sal-ewwel stadju veru tal-weraq (b’għoli ta’ madwar 3 cm sa 5 cm). It-tkabbir tal-għelejjel fil-bidu tas-sajf ikun jeħtieġ li l-għelejjel ġodda miż-żerriegħa jissuperaw il-perjodu tal-fjoritura naturali, li jseħħ f’dan iż-żmien tas-sena. Matul ix-xhur l-oħrajn, il-prodott jista’ jinħasad minn tkabbir mill-ġdid, proċess li jippermetti li l-għalla li tinħasad tirriġenera f’għalla ġdida. Ħafna kultivaturi jipproduċu ż-żerriegħa tagħhom stess billi jħallu lil xi għelejjel jiffjorixxu u joħorġu ż-żahar, madankollu, iż-żerriegħa hija disponibbli mill-kumpaniji taż-żerriegħa.

Iż-żrieġħ dirett jista’ jsir bl-idejn jew bil-magna għal fuq il-ħmiemel tat-tkabbir, filwaqt li, bl-istess mod, in-nebbieta prodotti f’żona ta’ propagazzjoni jistgħu jitħawlu bl-idejn jew bil-magna, sabiex jinkisbu d-densitajiet xierqa fuq fil-bażi tal-ħammiela li kapaċi żżomm umdità arrikkita bin-nutrijenti li tippermetti infiltrazzjoni u ankraġġ bikrija fl-għeruq.

Minn hemm ’il quddiem, l-ilma msaħħaħ bin-nutrijenti jitħalla jgħaddi minn fuq il-bażi fejn mill-għalla joħorġu l-minerali meħtieġa u l-mikroelementi essenzjali għat-tkabbir; il-fluss tal-ilma jiżdied hekk kif l-għalla timmatura sabiex tissodisfa l-ħtiġijiet tal-għalla.

Jistgħu jintużaw fertilizzanti ortikulturali standard b’kontenut għoli ta’ fosfat sabiex jissupplimentaw in-nutrijenti mill-ilma u l-bażi tal-ħammiela, u jiġu applikati kif xieraq skont ir-rekwiżiti tal-għalla.

L-għelejjel iridu jitkabbru f’ilma ġieri għalkemm is-sistemi tal-għeruq tagħhom jistgħu jankraw mat-truf. Il-Krexxuni tal-Art miż-żerriegħa tal-Lepidium sativum, jitkabbru kompletament fil-ħamrija, u huma differenti mill-“Watercress”/“Cresson de Fontaine”/“Berros de Agua”/“Agrikoltura de Água”/“Waterkers”/“Brunnenkresse” li titkabbar fl-art.

Ħsad

Il-“Watercress”/“Cresson de Fontaine”/“Berros de Agua”/“Agrião de Água”/“Waterkers”/“Brunnenkresse” tinħasad għall-bejgħ bl-għeruq jew bis-substrat jew mingħajru u jinbiegħ maħsul jew mhux maħsul. Il-prodott miġbur f’bukkett huwa kkaratterizzat minn zkuk pallidi mingħajr il-weraq u l-għeruq għal bejn 5 cm u 6 cm u jinżamm flimkien permezz ta’ lastiku jew qafla, li ’l fuq minnha, il-weraq ta’ bejn wieħed u ieħor 2 cm sa 5 cm, jifforma r-“ras” tal-bukkett. Madankollu, jista’ jkun hemm varjazzjonijiet fil-mod kif il-prodott jiġi kkummerċjalizzat, kemm f’termini tal-prodott innifsu (weraq sfuż, rosettes, bl-għeruq u/jew sottostrat jew mingħajrhom) kif ukoll f’termini tal-imballaġġ.

4.3.   Deskrizzjoni tal-elementi ewlenin li jistabbilixxu l-karattru tradizzjonali tal-prodott (l-Artikolu 7(2) ta’ dan ir-Regolament)

Il-karattru tradizzjonali tal-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” huwa minqux fil-metodu ta’ produzzjoni tagħha u x-xitla ilha assoċjata mal-ilma ġieri għal eluf ta’ snin; storikament, l-għalla minn dejjem kienet assoċjata mal-produzzjoni akkwatika u dan baqa’ ma nbidilx bl-għażla u t-tnissil f’termini tal-morfoloġija u t-togħma. Illum il-ġurnata, hija għadha tidher identika għall-illustrazzjonijiet tax-xitla li jmorru lura għal żmien ir-Rumani.

Ippokrate, il-fundatur tal-mediċina moderna, huwa rreġistrat li kien għażel is-sit għall-ewwel sptar tad-dinja, fuq il-gżira ta’ Kos, qrib nixxiegħa li kienet addattata għall-kultivazzjoni tax-xitla li huwa kien iqis bħala essenzjali għall-kura tal-pazjenti tiegħu. Ir-Rumani kabbru wkoll il-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” fl-ilma ġieri.

Fil-ktieb tiegħu bl-isem ta’ “Complete Herbal”, li kien ippubblikat fl-1653, Nicholas Culpeper jiddeskrivi x-xitla tal-krexxuni tal-ilma bħala “li tikber f’nixxigħat żgħar ta’ ilma ġieri”.

L-ewwel kultivazzjoni kummerċjali tal-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” seħħet fil-Ġermanja fis-seklu 18, filwaqt li l-għalla tkabbret b’mod estensiv fin-nixxiegħat nodfa u bl-ilma ġieri fin-Nofsinhar tal-Ingilterra matul is-snin bikrija tas-seklu dsatax. Huwa metodu ta’ produzzjoni kummerċjali li baqa’ essenzjalment l-istess, għalkemm il-metodu tat-tkabbir tal-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” fl-ilma ġieri jmur lura għal żmien ir-Rumani. Il-produzzjoni fi Franza ġiet deskritta minn Adophle Chatin fl-1866 bħala “Dawn il-fosos kienu kultura enormi ta’ Fountain Cresson, din il-kultura kienet stabbilita għal bosta snin fuq is-sorsi tal-ilma”

Sa tard is-seklu dsatax (1800s), il-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” kienet sors sinifikanti ta’ impjieg u dħul, bl-għalla kienet qed tiġi fornuta lill-konurbazzjonijiet ewlenin fit-Tramuntana tal-Ewropa kollha. Bħala eżempju, fir-Renju Unit, il-ferrovija ġiet estiża għal Alresford, Hampshire sabiex iġġorr ’il fuq minn 30 tunnellata fil-ġimgħa lejn is-swieq ta’ Londra. Il-linja tal-ferrovija tal-istim irrestawrata għadha magħrufa sal-lum il-ġurnata bħala “The Watercress Line”.

Hemm bosta reġistrazzjonijiet ċinematiċi mit-tletinijiet tas-seklu għoxrin li juru l-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” tikber fl-ilma ġieri.

Fil-pajjiżi kollha, il-“Watercress”/“Cresson de Fontaine”/“Berros De Agua”/“Agrião de Água”/“Waterkers”/“Brunnenksse” tradizzjonali trid titkabbar fl-ilma ġieri. L-ilma pur tan-nixxiegħa li jitla’ mill-istrati ta’ taħt l-art fih il-minerali kollha meħtieġa għat-tkabbir, madankollu, normalment ikollu nuqqas ta’ fosfru. Fit-Tramuntana tal-Ewropa, dan kien disponibbli b’mod aċċidentali bħala fertilizzant tal-fosfat b’rilaxx bil-mod fil-forma ta’ gagazza bażika, prodott sekondarju tal-proċess tradizzjonali tal-produzzjoni tal-azzar. Għal kważi 200 sena, l-għalla kienet titkabbar bl-użu ta’ ilma pur tan-nixxiegħa miżjud b’applikazzjonijiet fil-bażi tal-hmiemel ta’ gagazza bażika li fornew il-fertilizzant tal-fosfat u l-mikroelementi li l-għalla ma setgħetx issib fl-ilma ġieri. Illum il-ġurnata, il-proċess tal-produzzjoni tal-azzar inbidel u l-gagazza bażika ma għadhiex disponibbli. Konsegwentement, issa minflok qed jintużaw fertilizzanti tal-fosfat kummerċjali b’rilaxx bil-mod.

Ix-xitla, li titkabbar b’mod tradizzjonali, tinqata’ mill-ilma ġieri pur u hija kkaratterizzata minn weraq artab u niedi ta’ lewn aħdar medju ta’ forma ovali. Iz-zkuk iqarmċu u jista’ jkollhom xi għeruq laterali li jestendu mill-ġonot tal-weraq saz-zokk. Ix-xtieli jħallu togħma karatteristika ta’ mustarda; togħma ta’ bżar, taħraq u kemxejn morra.