This document is an excerpt from the EUR-Lex website
Document 32022R1518
Commission Delegated Regulation (EU) 2022/1518 of 29 March 2022 amending Regulation (EC) No 273/2004 of the European Parliament and of the Council and Council Regulation (EC) No 111/2005 as regards the inclusion of certain drug precursors in the list of scheduled substances (Text with EEA relevance)
Regolament Delegat tal-Kummissjoni (UE) 2022/1518 tad-29 ta’ Marzu 2022 li jemenda r-Regolament (KE) Nru 273/2004 tal-Parlament Ewropew u tal-Kunsill u r-Regolament tal-Kunsill (KE) Nru 111/2005 rigward l-inklużjoni ta’ ċerti prekursuri tad-droga fil-lista ta’ sustanzi skedati (Test b’rilevanza għaż-ŻEE)
Regolament Delegat tal-Kummissjoni (UE) 2022/1518 tad-29 ta’ Marzu 2022 li jemenda r-Regolament (KE) Nru 273/2004 tal-Parlament Ewropew u tal-Kunsill u r-Regolament tal-Kunsill (KE) Nru 111/2005 rigward l-inklużjoni ta’ ċerti prekursuri tad-droga fil-lista ta’ sustanzi skedati (Test b’rilevanza għaż-ŻEE)
C/2022/1840
ĠU L 236, 13.9.2022, p. 1–4
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 29/03/2022; Data ta' adozzjoni
- Date of effect:
- 03/10/2022; Dħul fis-seħħ Data tal-pubblikazzjoni +20 Ara Art. 3
- Date of end of validity:
- No end date
- Author:
- Il-Kummissjoni Ewropea, Direttorat Ġenerali għas-Suq Intern, l-Industrija, l-Intraprenditorija u l-SMEs
- Responsible body:
- GROW
- Form:
- Regolament delegat
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32004R0273 - A15
- 32005R0111 - A30a
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32004R0273 Żieda anness I Test 03/10/2022 Modifies 32005R0111 Żieda anness Test 03/10/2022 - Instruments cited:
- Link
- EUROVOC descriptor:
- Subject matter:
- Directory code:
-
- 02.60.20.00 Unjoni Doganali u l-moviment liberu tal-prodotti / Proċeduri u penalitajiet / Prevenzjoni ta’ ksur tal-liġi Komunitarja
- 15.20.30.00 Ambjent, konsumaturi u saħħa / Konsumaturi / Protezzjoni tas-saħħa u s-sikurezza
- 19.30.10.00 Qasam tal-ħelsien, is-sigurtà u l-ġustizzja / Kooperazzjoni tal-pulizija u ġudizzjarja fi kwistjonijiet kriminali / Kooperazzjoni tal-Pulizija
|
13.9.2022 |
MT |
Il-Ġurnal Uffiċjali tal-Unjoni Ewropea |
L 236/1 |
REGOLAMENT DELEGAT TAL-KUMMISSJONI (UE) 2022/1518
tad-29 ta’ Marzu 2022
li jemenda r-Regolament (KE) Nru 273/2004 tal-Parlament Ewropew u tal-Kunsill u r-Regolament tal-Kunsill (KE) Nru 111/2005 rigward l-inklużjoni ta’ ċerti prekursuri tad-droga fil-lista ta’ sustanzi skedati
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 273/2004 tal-Parlament Ewropew u tal-Kunsill tal-11 ta’ Frar 2004 dwar prekursuri tad-droga (1), u b’mod partikolari l-Artikolu 15 tiegħu,
Wara li kkunsidrat ir-Regolament tal-Kunsill (KE) Nru 111/2005 tat-22 ta’ Diċembru 2004 li jistabbilixxi regoli għall-monitoraġġ ta’ kummerċ fil-prekursuri ta’ drogi bejn l-Unjoni u pajjiżi terzi (2), u b’mod partikolari l-Artikolu 30a tiegħu,
Billi:
|
(1) |
Ir-Regolament (KE) Nru 273/2004 jistabbilixxi miżuri għall-monitoraġġ tal-kummerċ fil-prekursuri tad-droga fl-Unjoni, filwaqt li r-Regolament (KE) Nru 111/2005 jirregola l-kummerċ fil-prekursuri tad-droga bejn l-Unjoni u pajjiżi terzi. L-Anness I tar-Regolament (KE) Nru 273/2004 u l-Anness tar-Regolament (KE) Nru 111/2005 fihom lista ta’ sustanzi skedati li huma soġġetti għal għadd ta’ miżuri ta’ kontroll u ta’ monitoraġġ armonizzati previsti f’dawk ir-Regolamenti. |
|
(2) |
L-awtoritajiet kompetenti nazzjonali rrappurtaw il-qbid tal-etil alfa-fenilaċetoaċetat (EAPA) u tal-metil 3-osso-2-(3,4-metilenediossifenil)butanoat (MAMDPA) fil-kuntest tal-manifattura illeċita tad-drogi narkotiċi. |
|
(3) |
L-EAPA jintuża biex jiġi prodott il-1-Fenil-2-propanon (P-2-P), magħruf ukoll bħala benżil metil keton (BMK). Il-BMK bħala prekursur tal-amfetammina u l-metamfetammina. |
|
(4) |
L-MAMDPA jintuża biex jiġi prodott it-3,4-Metilenediossifenilpropan-2-on (PMK), li, fih innifsu, huwa prekursur tat-3,4-metilenediossimetamfetammina (MDMA), magħruf b’mod komuni bħala “ekstasi”. |
|
(5) |
L-amfetammina, il-metamfetammina u l-MDMA huma xi wħud mill-aktar drogi komuni li jiġu prodotti b’mod illeċitu fl-Unjoni. Għandhom konsegwenzi serji għas-saħħa tal-bniedem u qed jikkawżaw problemi serji soċjali u ta’ saħħa pubblika fi wħud mir-reġjuni tal-Unjoni. |
|
(6) |
Għalhekk, l-EAPA u l-MAMDPA jenħtieġ li jkunu skedati fil-livell tal-Unjoni biex jiġu rinforzati l-kontroll u l-monitoraġġ tagħhom. |
|
(7) |
Is-sustanzi skedati elenkati fl-Anness I tar-Regolament (KE) Nru 273/2004 u fl-Anness tar-Regolament (KE) Nru 111/2005 huma maqsuma f’kategoriji li għalihom japplikaw miżuri differenti, sabiex jintlaħaq bilanċ proporzjonat bejn il-livell ta’ riskju maħluq minn kull sustanza speċifika u l-piż fuq il-kummerċ leċitu. Il-kontrolli u l-miżuri ta’ monitoraġġ l-aktar stretti japplikaw għas-sustanzi fil-Kategorija 1. |
|
(8) |
L-EAPA u l-MAMDPA, bħala prekursuri tal-amfetammina, tal-metamfetammina u tal-MDMA, joħolqu theddid sinifikanti għas-saħħa soċjali u pubblika fl-Unjoni. Ma għandhom l-ebda produzzjoni, kummerċ jew użu leċitu magħruf, ħlief għal skopijiet ta’ riċerka. Għalhekk, l-inklużjoni tagħhom fil-Kategorija 1 fl-Anness I tar-Regolament (KE) Nru 273/2004 u fil-Kategorija 1 fl-Anness tar-Regolament (KE) Nru 111/2005 tkun rispons xieraq biex jiġi evitat l-użu tagħhom fil-manifattura illeċita tad-drogi narkotiċi u, fl-istess ħin, ma toħloqx piż amministrattiv żejjed sinifikanti għall-operaturi ekonomiċi u għall-awtoritajiet kompetenti fl-Unjoni. |
|
(9) |
Għalhekk jenħtieġ li r-Regolamenti (KE) Nru 273/2004 u (KE) Nru 111/2005 jiġu emendati skont dan. |
|
(10) |
Ir-Regolamenti (KE) Nru 273/2004 u (KE) Nru 111/2005 flimkien jimplimentaw ċerti dispożizzjonijiet tal-Konvenzjoni tan-Nazzjonijiet Uniti kontra t-Traffikar Illeċitu fi Drogi Narkotiċi u Sustanzi Psikotropiċi, li saret fi Vjenna fl-20 ta’ Diċembru 1988 u li ġiet approvata bid-Deċiżjoni tal-Kunsill 90/611/KEE (3). Fid-dawl tar-rabta sostantiva mill-qrib bejn is-setgħat f’dawk iż-żewġ Regolamenti, huwa xieraq li l-emendi jiġu adottati permezz ta’ att delegat wieħed, |
ADOTTAT DAN IR-REGOLAMENT:
Artikolu 1
Emendi għar-Regolament (KE) Nru 273/2004
L-Anness I tar-Regolament (KE) Nru 273/2004 huwa emendat skont l-Anness I ta’ dan ir-Regolament.
Artikolu 2
Emendi għar-Regolament (KE) Nru 111/2005
L-Anness tar-Regolament (KE) Nru 111/2005 huwa emendat skont l-Anness II ta’ dan ir-Regolament.
Artikolu 3
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Marzu 2022.
Għall-Kummissjoni
Il-President
Ursula VON DER LEYEN
(3) Id-Deċiżjoni tal-Kunsill 90/611/KEE tat-22 ta’ Ottubru 1990 fir-rigward tal-konklużjoni, f’isem il-Komunità Ekonomika Ewropea, tal-Konvenzjoni tan-Nazzjonijiet Uniti Kontra t-Traffiku Illeċitu ta’ Drogi Narkotiċi u Sustanzi Psikotropiċi (ĠU L 326, 24.11.1990, p. 56).
ANNESS I
Fir-Regolament (KE) Nru 273/2004, fl-Anness I, fit-tabella tal-Kategorija 1, jiddaħħlu l-entrati li ġejjin fil-lista ta’ sustanzi fil-post xieraq skont is-sekwenza tal-Kodiċi tan-Nomenklatura Magħquda:
|
Sustanza |
Deżinjazzjoni NM (jekk hi differenti) |
Kodiċi NM |
Nru CAS |
|
“etil alfa-fenilaċetoaċetat (EAPA) (*1) |
|
Ex29183000 |
5413-05-8 |
|
metil 3-osso-2-(3,4-metilenediossifenil)butanoat (MAMDPA) (*2) |
metil 3-osso-2-(3,4-metilenediossifenil)butanoat |
Ex29329900 |
1369021-80-6 |
(*1) magħruf ukoll bħala etil 3-osso-2-fenilbutanoat, skont il-IUPAC (l-Unjoni Internazzjonali tal-Kimika Pura u Applikata).
(*2) magħruf ukoll bħala metil 2-(2H-1,3-benżodiossol-5-il)-3-ossobutanoat, skont il-IUPAC.”.
ANNESS II
Fir-Regolament (KE) Nru 111/2005, fl-Anness, fit-tabella tal-Kategorija 1, jiddaħħlu l-entrati li ġejjin fil-lista ta’ sustanzi fil-post xieraq skont is-sekwenza tal-Kodiċi tan-Nomenklatura Magħquda:
|
Sustanza |
Deżinjazzjoni NM (jekk hi differenti) |
Kodiċi NM |
Nru CAS |
|
“etil alfa-fenilaċetoaċetat (EAPA) (*1) |
|
Ex29183000 |
5413-05-8 |
|
metil 3-osso-2-(3,4-metilenediossifenil)butanoat (MAMDPA) (*2) |
metil 3-osso-2-(3,4-metilenediossifenil)butanoat |
Ex29329900 |
1369021-80-6 |
(*1) magħruf ukoll bħala etil 3-osso-2-fenilbutanoat, skont il-IUPAC (l-Unjoni Internazzjonali tal-Kimika Pura u Applikata).
(*2) magħruf ukoll bħala metil 2-(2H-1,3-benżodiossol-5-il)-3-ossobutanoat, skont il-IUPAC.”.
