EUR-Lex Access to European Union law
This document is an excerpt from the EUR-Lex website
Document 32022R0674
Commission Implementing Regulation (EU) 2022/674 of 22 April 2022 correcting Implementing Regulation (EU) 2022/95 imposing a definitive anti-dumping duty on imports of certain tube and pipe fittings, of iron or steel, originating in the People’s Republic of China, as extended to imports of certain tube and pipe fittings, of iron or steel consigned from Taiwan, Indonesia, Sri Lanka and the Philippines, whether declared as originating in these countries or not following an expiry review pursuant to Article 11(2) of Regulation (EU) 2016/1036 of the European Parliament and of the Council
Regolament ta’ Implimentazzjoni tal-Kummissjoni (UE) 2022/674 tat-22 ta’ April 2022 li jikkoreġi r-Regolament ta’ Implimentazzjoni (UE) 2022/95 li jimponi dazju anti-dumping definittiv fuq l-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina, kif estiż għall-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar ikkonsenjati mit-Tajwan, mill-Indoneżja, mis-Sri Lanka u mill-Filippini, kemm jekk iddikjarati bħala li joriġinaw minn dawn il-pajjiżi kif ukoll jekk le, wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) 2022/674 tat-22 ta’ April 2022 li jikkoreġi r-Regolament ta’ Implimentazzjoni (UE) 2022/95 li jimponi dazju anti-dumping definittiv fuq l-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina, kif estiż għall-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar ikkonsenjati mit-Tajwan, mill-Indoneżja, mis-Sri Lanka u mill-Filippini, kemm jekk iddikjarati bħala li joriġinaw minn dawn il-pajjiżi kif ukoll jekk le, wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
C/2022/2412
ĠU L 122, 25.4.2022, p. 31–32
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 22/04/2022; Data ta' adozzjoni
- Date of effect:
- 26/01/2022; Dħul fis-seħħ Ara Art. 3
- Deadline:
- 26/01/2022; Ara Art. 2
- Date of end of validity:
- 26/01/2027
- Author:
- Il-Kummissjoni Ewropea, Id-Direttorat Ġenerali għall-Kummerċ
- Responsible body:
- TRADE
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32016R1036 - A11P2
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32022R0095 Sostituzzjoni artikolu 2 paragrafu 1 26/01/2022 - Instruments cited:
- Link
- EUROVOC descriptor:
- Subject matter:
- Directory code:
|
25.4.2022 |
MT |
Il-Ġurnal Uffiċjali tal-Unjoni Ewropea |
L 122/31 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/674
tat-22 ta’ April 2022
li jikkoreġi r-Regolament ta’ Implimentazzjoni (UE) 2022/95 li jimponi dazju anti-dumping definittiv fuq l-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina, kif estiż għall-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar ikkonsenjati mit-Tajwan, mill-Indoneżja, mis-Sri Lanka u mill-Filippini, kemm jekk iddikjarati bħala li joriġinaw minn dawn il-pajjiżi kif ukoll jekk le, wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (1) (ir-Regolament bażiku) u, b’mod partikolari, l-Artikolu 11(2) tiegħu,
Billi:
|
(1) |
Permezz tar-Regolament ta’ Implimentazzjoni tal-Kummissjoni (UE) 2022/95 (2), il-Kummissjoni imponiet dazju antidumping definittiv fuq l-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina (“RPĊ”), kif estiż għall-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar ikkonsenjati mit-Tajwan, l-Indoneżja, is-Sri Lanka u l-Filippini, kemm jekk iddikjarati li joriġinaw minn dawn il-pajjiżi kif ukoll jekk le. |
|
(2) |
Permezz tal-Artikolu 1 tar-Regolament tal-Kunsill (KE) Nru 763/2000 (3), tliet produtturi Tajwaniżi, Chup Hsin Enterprise Co. Ltd, Niang Hong Pipe Fittings Co. Ltd, u Rigid Industries Co. Ltd. kienu eżentati mill-estensjoni tad-dazju, peress li nstab li l-kumpaniji msemmija ma evitawx il-miżuri. |
|
(3) |
Madankollu, l-eżenzjoni mill-estensjoni tad-dazju għall-importazzjonijiet tal-fittings prodotti minn Chup Hsin Enterprise Co. Ltd, Kaohsiung (it-Tajwan) (kodiċi addizzjonali TARIC A098) u Niang Hong Pipe Fittings Co. Ltd, Kaohsiung (it-Tajwan) (kodiċi addizzjonali TARIC A100) tħassret bir-Regolament tal-Kunsill (KE) Nru 803/2009 (4). |
|
(4) |
L-Artikolu 2(1) tar-Regolament ta’ Implimentazzjoni (UE) 2022/95 jiddikjara b’mod żbaljat li l-importazzjonijiet ta’ fittings prodotti minn Chup Hsin Enterprise Co. Ltd, Kaohsiung (it-Tajwan) (kodiċi addizzjonali TARIC A098) u minn Niang Hong Pipe Fittings Co. Ltd, Kaohsiung (it-Tajwan) (kodiċi addizzjonali TARIC A100) jibqgħu jiġu eżentati mill-applikazzjoni tad-dazji antidumping. |
|
(5) |
Għalhekk, il-Kummissjoni ddeċidiet li tikkoreġi l-Artikolu 2(1) tar-Regolament ta’ Implimentazzjoni (UE) 2022/95 sabiex tirrettifika l-iżball imsemmi fil-premessa (4). Din ir-rettifika jenħtieġ li tidħol fis-seħħ mid-dħul fis-seħħ tar-Regolament ta’ Implimentazzjoni (UE) 2022/95, jiġifieri s-26 ta’ Jannar 2022. |
|
(6) |
Il-miżuri stipulati f’dan ir-Regolament huma f’konformità mal-opinjoni tal-Kumitat stabbilit bl-Artikolu 15(1) tar-Regolament (UE) 2016/1036. |
ADOTTAT DAN IR-REGOLAMENT:
Artikolu 1
L-Artikolu 2(1) tar-Regolament ta’ Implimentazzjoni (UE) 2022/95 huwa sostitwit b’dan li ġej:
“1. Id-dazju antidumping definittiv impost mill-Artikolu 1 fuq l-importazzjonijiet li joriġinaw mir-Repubblika tal-Poplu taċ-Ċina huwa b’dan estiż għall-importazzjonijiet tal-istess fittings (attwalment ikklassifikati taħt il-kodiċijiet TARIC: 7307931191; 7307931991; 7307998092) ikkonsenjati mit-Tajwan (kodiċi addizzjonali TARIC A999), kemm jekk iddikjarati li joriġinaw mit-Tajwan kif ukoll jekk le, bl-eċċezzjoni ta’ dawk prodotti minn Rigid Industries Co. Ltd, Kaohsiung (it-Tajwan) (kodiċi addizzjonali TARIC A099).”.
Artikolu 2
L-awtoritajiet doganali tal-Istati Membri għandhom jikkoreġu d-dikjarazzjonijiet doganali aċċettati mis-26 ta’ Jannar 2022 affettwati mill-Artikolu 1 ta’ dan ir-Regolament u jiġbru retroattivament id-dazji antidumping fuq l-importazzjonijiet tat-tagħmir prodott minn Chup Hsin Enterprise Co. Ltd, Kaohsiung (it-Tajwan) (kodiċi addizzjonali TARIC A098) u Niang Hong Pipe Fittings Co. Ltd, Kaohsiung (it-Tajwan) (kodiċi addizzjonali TARIC A100).
Artikolu 3
Dan ir-Regolament għandu jidħol fis-seħħ b’effett retroattiv mis-26 ta’ Jannar 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta’ April 2022.
Għall-Kummissjoni
Il-President
Ursula VON DER LEYEN
(1) ĠU L 176, 30.6.2016, p. 21.
(2) Ir-Regolament ta’ Implimentazzjoni tal-Kummissjoni (UE) 2022/95 tal-24 ta’ Jannar 2022 li jimponi dazju anti-dumping definittiv fuq l-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina, kif estiż għall-importazzjonijiet ta’ ċerti fittings ta’ tubi u pajpijiet, tal-ħadid jew tal-azzar ikkonsenjati mit-Tajwan, mill-Indoneżja, mis-Sri Lanka u mill-Filippini, kemm jekk iddikjarati bħala li joriġinaw minn dawn il-pajjiżi kif ukoll jekk le, wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill (ĠU L 16, 25.1.2022, p. 36).
(3) Ir-Regolament tal-Kunsill (KE) Nru 763/2000 tal-10 ta’ April 2000 li jestendi d-dazju anti-dumping definittiv, impost mir-Regolament (KE) Nru 584/96 fuq l-importazzjonijiet ta’ ċerti aċċessorji ta’ tubi u pajipijiet, tal-ħadid u tal-azzar, li jkunu joriġinaw mir-Repubblika tal-Poplu taċ-Ċina għall-importazzjonijiet ta’ ċerti aċċessorji tat-tubi u tal-pajpijiet, tal-ħadid u tal-azzar, ikkonsenjati mit-Tajwan, kemm jekk ikunu dikjarati bħala li jorġinaw mit-Tajwan kif ukoll jekk le, u sabiex tintemm l-investigazzjoni fir-rigward tal-importazzjonijiet minn tliet esportaturi Tajwaniżi (ĠU L 94, 14.4.2000, p. 1).
(4) Ir-Regolament tal-Kunsill (KE) Nru 803/2009 tas-27 ta’ Awwissu 2009 li jimponi dazju anti-dumping definittiv fuq importazzjonijiet ta’ ċerti fittings ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina u mit-Tajlandja, u dawk kunsinjati mit-Tajwan, kemm jekk dikjarati bħala oriġinarji mit-Tajwan, kif ukoll jekk mhumiex, u li jirrevoka l-eżenzjoni mogħtija lil Chup Hsin Enterprise Co. Ltd. u Nian Hong Pipe Fittings Co. Ltd (ĠU L 233, 4.9.2009, p. 1).
