EUR-Lex Access to European Union law
This document is an excerpt from the EUR-Lex website
Document 32022R0208
Commission Delegated Regulation (EU) 2022/208 of 14 December 2021 amending Regulation (EU) No 139/2014 as regards the requirements for all-weather operations (Text with EEA relevance)
Regolament Delegat tal-Kummissjoni (UE) 2022/208 tal-14 ta’ Diċembru 2021 li jemenda r-Regolament (UE) Nru 139/2014 fir-rigward tar-rekwiżiti għall-operazzjonijiet f’kull tip ta’ temp (Test b’rilevanza għaż-ŻEE)
Regolament Delegat tal-Kummissjoni (UE) 2022/208 tal-14 ta’ Diċembru 2021 li jemenda r-Regolament (UE) Nru 139/2014 fir-rigward tar-rekwiżiti għall-operazzjonijiet f’kull tip ta’ temp (Test b’rilevanza għaż-ŻEE)
C/2021/8907
ĠU L 35, 17.2.2022, p. 1–6
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32014R0139 | Żieda | anness I punt 16a | 01/08/2022 | |
Modifies | 32014R0139 | Sostituzzjoni | anness I punt 22 | 01/08/2022 | |
Modifies | 32014R0139 | Żieda | anness I punt 24c | 01/08/2022 | |
Modifies | 32014R0139 | Sostituzzjoni | anness I punt 25 | 01/08/2022 | |
Modifies | 32014R0139 | Sostituzzjoni | anness I punt 26 | 01/08/2022 | |
Modifies | 32014R0139 | Tħassir | anness I punt 27 | 01/08/2022 | |
Modifies | 32014R0139 | Żieda | anness I punt 34c | 01/08/2022 | |
Modifies | 32014R0139 | Tħassir | anness I punt 35 | 01/08/2022 | |
Modifies | 32014R0139 | Sostituzzjoni | anness I punt 47b | 01/08/2022 | |
Modifies | 32014R0139 | Żieda | anness III punt ADR.OR.C.005 punt (e) | 01/08/2022 | |
Modifies | 32014R0139 | Żieda | anness IV SUBPART A punt ADR.OPS.A.070 | 01/08/2022 | |
Modifies | 32014R0139 | Żieda | anness IV SUBPART A punt ADR.OPS.A.075 | 01/08/2022 | |
Modifies | 32014R0139 | Żieda | anness IV SUBPART A punt ADR.OPS.A.080 | 01/08/2022 | |
Modifies | 32014R0139 | Żieda | anness IV SUBPART A punt ADR.OPS.A.085 | 01/08/2022 | |
Modifies | 32014R0139 | Sostituzzjoni | anness IV SUBPART B punt ADR.OPS.B.030 punt (a) | 01/08/2022 | |
Modifies | 32014R0139 | Żieda | anness IV SUBPART B punt ADR.OPS.B.030 punt (d) | 01/08/2022 | |
Modifies | 32014R0139 | Sostituzzjoni | anness IV SUBPART B punt ADR.OPS.B.045 | 01/08/2022 |
17.2.2022 |
MT |
Il-Ġurnal Uffiċjali tal-Unjoni Ewropea |
L 35/1 |
REGOLAMENT DELEGAT TAL-KUMMISSJONI (UE) 2022/208
tal-14 ta’ Diċembru 2021
li jemenda r-Regolament (UE) Nru 139/2014 fir-rigward tar-rekwiżiti għall-operazzjonijiet f’kull tip ta’ temp
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 39(1) tiegħu,
Billi:
(1) |
Ir-Regolament tal-Kummissjoni (UE) Nru 139/2014 (2) jistabbilixxi rekwiżiti u proċeduri amministrattivi relatati mal-ajrudromi, inklużi dispożizzjonijiet li jindirizzaw is-sistema ta’ gwida u kontroll tal-moviment fuq is-superfiċe u l-operazzjonijiet f’viżibilità baxxa fl-ajrudromi. |
(2) |
Sabiex dawk id-dispożizzjonijiet jiġu allinjati mal-Annessi 6 u 14 tal-Konvenzjoni dwar l-Avjazzjoni Ċivili Internazzjonali u mad-Dokument 9365 tal-Organizzazzjoni tal-Avjazzjoni Ċivili Internazzjonali (“ICAO”) huwa meħtieġ li jiġu stabbiliti regoli dwar l-implimentazzjoni tal-operazzjonijiet f’kull tip ta’ temp fl-ajrudromi, billi jiġu żgurati d-disponibbiltà tal-għajnuniet viżwali u mhux viżwali xierqa kif ukoll ta’ tagħmir ieħor tal-ajrudromi, id-disponibbiltà tal-informazzjoni meħtieġa, u l-implimentazzjoni ta’ proċeduri xierqa. |
(3) |
L-Anness I (Definizzjonijiet) tar-Regolament (UE) Nru 139/2014 jenħtieġ li jiġi emendat fir-rigward tad-definizzjonijiet tal-altitudni ta’ deċiżjoni, tar-runway ta’ strument, tal-operazzjonijiet f’viżibilità baxxa, tal-proċeduri f’viżibilità baxxa, tat-tlugħ f’viżibilità baxxa, tal-operazzjoni bi krediti operazzjonali u tal-operazzjoni tal-avviċinament bl-istrumenti tat-Tip B. |
(4) |
L-Anness III (Parti-ADR.OR) tar-Regolament (UE) Nru 139/2014 jistabbilixxi rekwiżiti ta’ organizzazzjoni għall-operaturi tal-ajrudromi. Dak l-Anness sar antikwat fir-rigward tal-qafas regolatorju fejn jikkonċerna l-għajnuniet viżwali u mhux viżwali, b’mod partikolari fir-rigward tat-tagħmir meteoroloġiku u għalhekk jenħtieġ li jiġi emendat biex jinkludi rekwiżiti speċifiċi fir-rigward tad-disponibbiltà u l-manutenzjoni ta’ għajnuniet viżwali u mhux viżwali u kwalunkwe tagħmir ieħor meħtieġ biex jiġu appoġġati l-operazzjonijiet f’kull tip ta’ temp. |
(5) |
L-Anness IV (Parti-ADR.OPS) tar-Regolament (UE) Nru 139/2014 jistabbilixxi r-rekwiżiti għall-operazzjoni tal-ajrudromi. Dak l-Anness jenħtieġ li jiġi emendat biex jinkludi proċeduri operazzjonali speċifiċi applikabbli għall-operatur tal-ajrudrom li jindirizzaw is-sistema ta’ gwida u kontroll tal-moviment fuq is-superfiċe u l-operazzjonijiet f’viżibilità baxxa fl-ajrudromi. |
(6) |
Għaldaqstant, jenħtieġ li r-Regolament (UE) Nru 139/2014 jiġi emendat skont dan. |
(7) |
Skont il-punti (b) u (c) tal-Artikolu 75(2) u skont l-Artikolu 76(1) tar-Regolament (UE) 2018/1139, l-Aġenzija tas-Sikurezza tal-Avjazzjoni tal-Unjoni Ewropea ħejjiet u ppreżentat l-Opinjoni Nru 02/2021 (3) lill-Kummissjoni fir-rigward tal-abbozz tar-regoli ta’ implimentazzjoni, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 139/2014 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Awwissu 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Diċembru 2021.
Għall-Kummissjoni
Il-President
Ursula VON DER LEYEN
(1) ĠU L 212, 22.8.2018, p. 1.
(2) Ir-Regolament tal-Kummissjoni (UE) Nru 139/2014 tat-12 ta’ Frar 2014 li jistabbilixxi rekwiżiti u proċeduri amministrattivi b’rabta mal-ajrudromi skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 44, 14.2.2014, p. 1).
(3) https://www.easa.europa.eu/document-library/opinions
ANNESS
Ir-Regolament (UE) Nru 139/2014 huwa emendat kif ġej:
(1) |
L-Anness I huwa emendat kif ġej:
|
(2) |
Fl-Anness III, fil-punt ADR.OR.C.005, jiżdied il-punt (e) li ġej:
|
(3) |
L-Anness IV huwa emendat kif ġej:
|