This document is an excerpt from the EUR-Lex website
Document 32022D2422
Commission Decision (EU) 2022/2422 of 5 December 2022 on the consistency of the performance targets contained in the revised draft performance plan submitted by Cyprus pursuant to Regulation (EC) No 549/2004 of the European Parliament and of the Council with the Union-wide performance targets for the third reference period (notified under document C(2022) 8719) (Only the Greek text is authentic) (Text with EEA relevance)
Deċiżjoni tal-Kummissjoni (UE) 2022/2422 tal-5 ta’ Diċembru 2022 dwar il-konsistenza tal-miri tal-prestazzjoni li jinsabu fl-abbozz rivedut tal-pjan tal-prestazzjoni mressaq minn Ċipru skont ir-Regolament (KE) Nru 549/2004 tal-Parlament Ewropew u tal-Kunsill mal-miri tal-prestazzjoni mal-Unjoni kollha għat-tielet perjodu referenzjarju (notifikata bid-dokument C(2022) 8719) (It-test bil-Grieg biss huwa awtentiku) (Test b’rilevanza għaż-ŻEE)
Deċiżjoni tal-Kummissjoni (UE) 2022/2422 tal-5 ta’ Diċembru 2022 dwar il-konsistenza tal-miri tal-prestazzjoni li jinsabu fl-abbozz rivedut tal-pjan tal-prestazzjoni mressaq minn Ċipru skont ir-Regolament (KE) Nru 549/2004 tal-Parlament Ewropew u tal-Kunsill mal-miri tal-prestazzjoni mal-Unjoni kollha għat-tielet perjodu referenzjarju (notifikata bid-dokument C(2022) 8719) (It-test bil-Grieg biss huwa awtentiku) (Test b’rilevanza għaż-ŻEE)
C/2022/8719
ĠU L 318, 12.12.2022, p. 107–115
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
12.12.2022 |
MT |
Il-Ġurnal Uffiċjali tal-Unjoni Ewropea |
L 318/107 |
DEĊIŻJONI TAL-KUMMISSJONI (UE) 2022/2422
tal-5 ta’ Diċembru 2022
dwar il-konsistenza tal-miri tal-prestazzjoni li jinsabu fl-abbozz rivedut tal-pjan tal-prestazzjoni mressaq minn Ċipru skont ir-Regolament (KE) Nru 549/2004 tal-Parlament Ewropew u tal-Kunsill mal-miri tal-prestazzjoni mal-Unjoni kollha għat-tielet perjodu referenzjarju
(notifikata bid-dokument C(2022) 8719)
(It-test bil-Grieg biss huwa awtentiku)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 549/2004 tal-Parlament Ewropew u tal-Kunsill tal-10 ta’ Marzu 2004 li jippreskrivi l-qafas għall-ħolqien tal-Ajru Uniku Ewropew (ir-Regolament qafas) (1), u b’mod partikolari l-Artikolu 11(3)(c), tiegħu,
Wara li kkunsidrat ir-Regolament ta’ Implimentazzjoni tal-Kummissjoni (UE) 2019/317 tal-11 ta’ Frar 2019 li jistabbilixxi skema ta’ prestazzjoni u imposti fl-Ajru Uniku Ewropew u li jħassar ir-Regolamenti ta’ Implimentazzjoni (UE) Nru 390/2013 u (UE) Nru 391/2013 (2), u b’mod partikolari l-Artikolu 15(2) tiegħu,
Billi:
KUNSIDERAZZJONIJIET ĠENERALI
(1) |
Skont l-Artikolu 10 tar-Regolament ta’ Implimentazzjoni (UE) 2019/317, l-Istati Membri għandhom ifasslu l-pjanijiet tal-prestazzjoni, fil-livell nazzjonali jew fil-livell ta’ blokok ta’ spazju tal-ajru funzjonali (“FABs”), li għandhom jinkludu miri vinkolanti tal-prestazzjoni għal kull perjodu referenzjarju tal-iskema tal-prestazzjoni għas-servizzi tan-navigazzjoni bl-ajru u għall-funzjonijiet tan-network. Dawk il-miri tal-prestazzjoni għandhom ikunu konsistenti mal-miri mal-Unjoni kollha adottati mill-Kummissjoni għall-perjodu referenzjarju kkonċernat. |
(2) |
Il-miri tal-prestazzjoni mal-Unjoni kollha għat-tielet perjodu referenzjarju (“RP3”) ġew stabbiliti oriġinarjament fid-Deċiżjoni ta’ Implimentazzjoni tal-Kummissjoni (UE) 2019/903 (3). Billi dawk il-miri tal-prestazzjoni mal-Unjoni kollha u l-abbozz tal-pjanijiet tal-prestazzjoni tal-RP3 sussegwentement mressqa mill-Istati Membri f’Ottubru 2019, tfasslu qabel it-tifqigħa tal-pandemija tal-COVID-19 f’Marzu 2020, dawn ma qisux it-tnaqqis konsiderevoli fit-traffiku tal-ajru minħabba l-miżuri meħuda mill-Istati Membri u minn pajjiżi terzi biex jikkontrollaw il-pandemija. |
(3) |
B’rispons għall-impatt tal-pandemija tal-COVID-19 fuq il-forniment tas-servizzi tan-navigazzjoni bl-ajru, ġew stabbiliti miżuri eċċezzjonali għall-RP3, li jidderogaw mid-dispożizzjonijiet tar-Regolament ta’ Implimentazzjoni (UE) 2019/317, fir-Regolament ta’ Implimentazzjoni tal-Kummissjoni (UE) 2020/1627 (4). Fit-2 ta’ Ġunju 2021, il-Kummissjoni adottat id-Deċiżjoni ta’ Implimentazzjoni (UE) 2021/891 (5) li tistabbilixxi miri riveduti tal-prestazzjoni mal-Unjoni kollha għall-RP3. Abbażi ta’ dan, f’Ottubru 2021, l-Istati Membri ressqu lill-Kummissjoni abbozzi tal-pjanijiet tal-prestazzjoni li fihom miri riveduti tal-prestazzjoni lokali għall-RP3. |
(4) |
Id-Deċiżjoni ta’ Implimentazzjoni tal-Kummissjoni (UE) 2022/728 (6) kienet indirizzata lill-Belġju, lill-Ġermanja, lill-Greċja, lil Franza, lil Ċipru, lil-Latvja, lil-Lussemburgu, lil Malta, lin-Netherlands, lir-Rumanija, u lill-Iżvezja. Fir-rigward tal-abbozz tal-pjan tal-prestazzjoni għall-RP3 ta’ Ċipru, il-Kummissjoni sabet li l-miri tal-prestazzjoni tal-kapaċità u tal-kosteffiċjenza en route mhumiex konsistenti mal-miri tal-prestazzjoni mal-Unjoni kollha u ħarġet rakkomandazzjonijiet għar-reviżjoni ta’ dawk il-miri. |
(5) |
Bi tweġiba għall-aggressjoni militari tar-Russja kontra l-Ukrajna, li bdiet fl-24 ta’ Frar 2022, l-Unjoni imponiet miżuri restrittivi li jipprojbixxu lit-trasportaturi tal-ajru Russi, lil kwalunkwe inġenju tal-ajru rreġistrat fir-Russja u lil kwalunkwe inġenju tal-ajru li ma huwiex irreġistrat fir-Russja li huwa proprjetà ta’ kwalunkwe persuna, entità jew korp fiżiku jew ġuridiku Russu jew mikri b’lokazzjoni minnu, jew inkella li huwa kkontrollat minnu, milli jinżel u jitlaq minn territorju tal-Unjoni jew itir minn fuqu. Dawk il-miżuri restrittivi u l-kontromiżuri adottati mir-Russja wasslu għal bidliet fit-traffiku tal-ajru fl-ispazju tal-ajru Ewropew. Ċerti Stati Membri ġew affettwati serjament minn tnaqqis sinifikanti fl-għadd ta’ titjiriet fuq l-ispazju tal-ajru taħt ir-responsabbiltà tagħhom. Madankollu, fil-livell tal-Unjoni kollha, l-impatt osservat fuq l-għadd ta’ titjiriet kien limitat b’kuntrast mat-tnaqqis qawwi tat-traffiku tal-ajru madwar l-Ewropa li rriżulta mit-tifqigħa tal-pandemija tal-COVID-19. |
(6) |
Fit-13 ta’ Lulju 2022, Ċipru ressaq abbozz rivedut tal-pjan tal-prestazzjoni għall-RP3 (l-“abbozz rivedut tal-pjan tal-prestazzjoni”) għall-valutazzjoni tal-Kummissjoni. |
(7) |
Il-korp ta’ rieżami tal-prestazzjoni, li jassisti lill-Kummissjoni fl-implimentazzjoni tal-iskema ta’ prestazzjoni skont l-Artikolu 11(2) tar-Regolament (KE) Nru 549/2004, ressaq rapport lill-Kummissjoni, li fih il-parir tiegħu dwar il-valutazzjoni tal-abbozz rivedut tal-pjan tal-prestazzjoni. |
(8) |
Skont l-Artikolu 15(1) tar-Regolament ta’ Implimentazzjoni (UE) 2019/317, il-Kummissjoni vvalutat il-konsistenza tal-miri tal-prestazzjoni lokali inklużi fil-pjan rivedut tal-prestazzjoni abbażi tal-kriterji ta’ valutazzjoni stabbiliti fil-punt 1 tal-Anness IV tar-Regolament ta’ Implimentazzjoni (UE) 2019/317, filwaqt li qieset iċ-ċirkostanzi lokali. Fir-rigward ta’ kull qasam ewlieni tal-prestazzjoni u l-miri tal-prestazzjoni relatati, il-Kummissjoni kkomplementat il-valutazzjoni tagħha billi rrieżaminat l-elementi stabbiliti fil-punt 2 tal-Anness IV tar-Regolament ta’ Implimentazzjoni (UE) 2019/317. |
(9) |
It-tbassir tat-traffiku bażi tas-Servizz tal-Istatistika u tat-Tbassir tal-Eurocontrol (STATFOR) ippubblikat f’Ġunju 2022 iqis iċ-ċirkostanzi mibdula msemmija fil-premessa (5). Abbażi ta’ dak it-tbassir, il-Kummissjoni tinnota li Ċipru ma huwiex previst li jesperjenza bidliet negattivi fit-traffiku matul l-RP3 bħala riżultat tal-gwerra tar-Russja fl-Ukrajna. |
(10) |
Peress li Ċipru ma għandu l-ebda ajruport li jaqa’ fil-kamp ta’ applikazzjoni tar-Regolament ta’ Implimentazzjoni (UE) 2019/317 fir-rigward tal-RP3, ma hemm l-ebda mira tal-prestazzjoni lokali għas-servizzi tan-navigazzjoni bl-ajru fit-terminal bħala parti mill-abbozz rivedut tal-pjan tal-prestazzjoni tiegħu. Għalhekk, is-sejbiet li jinsabu f’din id-Deċiżjoni huma relatati biss mas-servizzi tan-navigazzjoni bl-ajru en route. |
VALUTAZZJONI TAL-KUMMISSJONI
Valutazzjoni tal-miri tal-prestazzjoni fil-qasam ewlieni tal-prestazzjoni tas-sikurezza
(11) |
Fir-rigward tal-qasam ewlieni tal-prestazzjoni tas-sikurezza, il-Kummissjoni vvalutat il-konsistenza tal-miri mressqa minn Ċipru rigward l-effettività tal-ġestjoni tas-sikurezza tal-fornituri tas-servizzi tan-navigazzjoni bl-ajru (“ANSPs”) abbażi tal-kriterju stabbilit fil-punt 1.1 tal-Anness IV tar-Regolament ta’ Implimentazzjoni (UE) 2019/317. |
(12) |
Il-miri tal-prestazzjoni tas-sikurezza lokali proposti minn Ċipru fir-rigward tal-effettività tal-ġestjoni tas-sikurezza, imqassmin skont l-objettiv tal-ġestjoni tas-sikurezza u espressi bħala livell ta’ implimentazzjoni, huma kif ġej:
|
(13) |
Il-miri tal-prestazzjoni tas-sikurezza proposti minn Ċipru għall-fornitur tas-servizzi tan-navigazzjoni bl-ajru, jiġifieri s-CYPRUS Air Navigation Services (“CYATS”), huma konformi mal-miri tal-prestazzjoni mal-Unjoni kollha għal kull sena tal-perjodu referenzjarju. |
(14) |
Il-Kummissjoni tinnota li l-abbozz rivedut tal-prestazzjoni jistabbilixxi miżuri għas-CYATS biex jintlaħqu l-miri tas-sikurezza lokali, bħar-rieżami u l-aġġornament tal-proċessi tal-ġestjoni tat-tibdil, il-linji gwida dwar il-politiki tal-kultura ġusta, u persunal addizzjonali bl-għan li jappoġġa t-twettiq tal-objettivi tas-sikurezza. |
(15) |
Abbażi tas-sejbiet stabbiliti fil-premessi (12) sa (14), u meta jitqies li l-miri tal-prestazzjoni tas-sikurezza mal-Unjoni kollha stabbiliti fid-Deċiżjoni ta’ Implimentazzjoni (UE) 2021/891 iridu jintlaħqu sal-aħħar sena tal-RP3, jiġifieri l-2024, jenħtieġ li l-miri inklużi fl-abbozz rivedut tal-pjan tal-prestazzjoni jitqiesu konsistenti mal-miri tal-prestazzjoni mal-Unjoni kollha fil-qasam ewlieni tal-prestazzjoni tas-sikurezza. |
Valutazzjoni tal-miri tal-prestazzjoni fil-qasam ewlieni tal-prestazzjoni tal-ambjent
(16) |
Rigward il-qasam ewlieni tal-prestazzjoni tal-ambjent, ġiet ivvalutatata l-konsistenza tal-miri mressqa minn Ċipru rigward l-effiċjenza tat-titjir medja orizzontali en route tat-trajettorja reali abbażi tal-kriterju stabbilit fil-punt 1.2 tal-Anness IV tar-Regolament ta’ Implimentazzjoni (UE) 2019/317. Għaldaqstant, il-miri proposti fl-abbozz rivedut tal-pjan tal-prestazzjoni tqabblu mal-valuri referenzjarji rilevanti tal-effiċjenza tat-titjir orizzontali en route stabbiliti fil-Pjan ta’ Titjib tan-Network Ewropew tar-Rotot (“ERNIP”) disponibbli fiż-żmien tal-adozzjoni tal-miri tal-prestazzjoni riveduti mal-Unjoni kollha għall-RP3, jiġifieri fit-2 ta’ Ġunju 2021. |
(17) |
Fir-rigward tas-sena kalendarja 2020, il-mira tal-prestazzjoni mal-Unjoni kollha għall-RP3 fil-qasam ewlieni tal-prestazzjoni tal-ambjent, li inizjalment ġiet stabbilita fid-Deċiżjoni ta’ Implimentazzjoni (UE) 2019/903, qabel it-tifqigħa tal-pandemija tal-COVID-19, ma ġietx riveduta bid-Deċiżjoni ta’ Implimentazzjoni (UE) 2021/891, peress li l-perjodu għall-applikazzjoni ta’dik il-mira kien skada u li, b’hekk, l-implimentazzjoni tagħha kienet saret definittiva mingħajr ebda possibbiltà għal aġġustamenti retroattivi. Bl-istess mod, il-miri tal-prestazzjoni tal-ambjent lokali għall-2021 stabbiliti mill-Istati Membri fl-abbozzi tal-pjanijiet tal-prestazzjoni mressqa f’Ottubru 2021 ma setgħux jiġu modifikati b’mod retroattiv fl-abbozzi riveduti tal-pjanijiet tal-prestazzjoni. Għalhekk, jenħtieġ li l-konsistenza tal-miri tal-prestazzjoni tal-ambjent lokali tiġi vvalutata mal-miri tal-prestazzjoni korrispondenti mal-Unjoni kollha fir-rigward tas-snin kalendarji 2022, 2023 u 2024. |
(18) |
Il-miri tal-prestazzjoni fil-qasam ewlieni tal-prestazzjoni tal-ambjent proposti minn Ċipru u l-valuri referenzjarji nazzjonali korrispondenti għall-RP3 mill-ERNIP, espressi bħala l-effiċjenza tat-titjir medja orizzontali en route tat-trajettorja reali, huma kif ġej:
|
(19) |
Il-Kummissjoni tosserva li l-miri tal-ambjent proposti minn Ċipru huma ugwali għall-valuri referenzjarji nazzjonali korrispondenti għas-snin kalendarji 2022, 2023 u 2024. |
(20) |
Il-Kummissjoni tinnota li fl-abbozz rivedut tal-pjan tal-prestazzjoni, Ċipru ppreżenta miżuri biex jintlaħqu l-miri tal-prestazzjoni tal-ambjent lokali, li prinċipalment jissodisfaw ir-rekwiżiti legali diġà eżistenti skont id-dritt tal-Unjoni u jinkludu pjan ta’ tranżizzjoni tan-navigazzjoni bbażat fuq il-prestazzjoni sal-2024, l-implimentazzjoni tal-Fażi 1 tal-Ispazju tal-Ajru b’Rotot Liberi ta’ Ċipru (“NICFRA”) f’Marzu 2023 bejn il-livelli tat-titjir 205 u 660, kif ukoll titjib kontinwu tan-network tar-rotot fir-reġjun ta’ informazzjoni dwar it-titjir ta’ Nikosija. |
(21) |
Abbażi tas-sejbiet stabbiliti fil-premessi (18), (19) u (20), jenħtieġ li l-miri inklużi fl-abbozz rivedut tal-pjan tal-prestazzjoni jitqiesu konsistenti mal-miri tal-prestazzjoni mal-Unjoni kollha fil-qasam ewlieni tal-prestazzjoni tal-ambjent. |
Valutazzjoni tal-miri riveduti tal-prestazzjoni fil-qasam ewlieni tal-prestazzjoni tal-kapaċità
(22) |
Fid-Deċiżjoni ta’ Implimentazzjoni (UE) 2022/728, il-Kummissjoni kkonkludiet li l-miri tal-kapaċità en route proposti inklużi fl-abbozz tal-pjan tal-prestazzjoni mressaq fl-2021, rigward id-dewmien medju tal-ġestjoni tal-fluss tat-traffiku tal-ajru (“ATFM”) en route għal kull titjira, ma kinux konsistenti mal-miri tal-prestazzjoni mal-Unjoni kollha. Ċipru ppropona miri riveduti tal-kapaċità en route bħala parti mill-abbozz rivedut tal-pjan tal-prestazzjoni tiegħu. |
(23) |
Fir-rigward tas-sena kalendarja 2020, il-mira tal-prestazzjoni mal-Unjoni kollha għall-RP3 fil-qasam ewlieni tal-prestazzjoni tal-kapaċità, li inizjalment ġiet stabbilita fid-Deċiżjoni ta’ Implimentazzjoni (UE) 2019/903, qabel it-tifqigħa tal-pandemija tal-COVID-19, ma ġietx riveduta bid-Deċiżjoni ta’ Implimentazzjoni (UE) 2021/891, peress li l-perjodu għall-applikazzjoni ta’ dik il-mira kien skada u li, b’hekk, l-implimentazzjoni tagħha kienet saret definittiva mingħajr ebda possibbiltà għal aġġustamenti retroattivi. Bl-istess mod, il-miri tal-prestazzjoni tal-kapaċità lokali għall-2021 stabbiliti mill-Istati Membri fl-abbozzi tal-pjanijiet tal-prestazzjoni mressqa f’Ottubru 2021 ma setgħux jiġu modifikati b’mod retroattiv fl-abbozzi riveduti tal-pjanijiet tal-prestazzjoni. Għalhekk, jenħtieġ li l-konsistenza tal-miri tal-prestazzjoni tal-kapaċità lokali tiġi vvalutata mal-miri tal-prestazzjoni korrispondenti mal-Unjoni kollha fir-rigward tas-snin kalendarji 2022, 2023 u 2024. |
(24) |
It-tabella ta’ hawn taħt turi l-abbozzi inizjali għall-RP3 tal-miri tal-prestazzjoni tal-kapaċità en route għaż-żona tal-imposti ta’ Ċipru, kif jinsabu fl-abbozz tal-pjan tal-prestazzjoni mressaq fl-2021, il-miri riveduti tal-prestazzjoni li jinsabu fl-abbozz rivedut tal-pjan tal-prestazzjoni, u l-valuri referenzjarji korrispondenti mill-Pjan Operazzjonali tan-Network disponibbli fiż-żmien tal-adozzjoni tal-miri tal-prestazzjoni riveduti mal-Unjoni kollha għall-RP3, jiġifieri fit-2 ta’ Ġunju 2021.
|
(25) |
Il-konsistenza tal-miri riveduti tal-kapaċità en route mressqa minn Ċipru ġiet ivvalutata abbażi tal-kriterju stabbilit fil-punt 1.3 tal-Anness IV tar-Regolament ta’ Implimentazzjoni (UE) 2019/317, billi dawk il-miri tqabblu mal-valuri referenzjarji rilevanti stabbiliti fil-Pjan Operazzjonali tan-Network disponibbli fit-2 ta’ Ġunju 2021. Il-Kummissjoni tosserva li l-miri tal-kapaċità proposti minn Ċipru huma ugwali għall-valuri referenzjarji nazzjonali korrispondenti għas-snin kalendarji 2022, 2023 u 2024. |
(26) |
Il-Kummissjoni tinnota li fl-abbozz rivedut tal-pjan tal-prestazzjoni, Ċipru ppreżenta miżuri biex jintlaħqu l-miri tal-kapaċità lokali en route. Dawk il-miżuri jinkludu r-reklutaġġ ta’ kontrolluri ġodda tat-traffiku tal-ajru (“ATCOs”) li jippermettu żieda fl-għadd ta’ ekwivalenti full-time ta’ ATCO fis-servizz fiċ-ċentru ta’ kontroll taż-żona. B’mod partikolari, fl-abbozz rivedut tal-pjan tal-prestazzjoni, Ċipru jirrapporta li f’Diċembru 2021 intlaħaq ftehim mal-korpi rappreżentanti tal-persunal sabiex jittejjeb it-taħriġ tal-ATCO u tiżdied il-flessibbiltà tal-ħin tax-xogħol tal-ATCO. Il-Kummissjoni tosserva wkoll li Ċipru rreveda l-ippjanar inizjali tiegħu tal-ATCOs fl-operat għas-snin kalendarji 2022 u 2023, li rriżulta f’4 FTEs addizzjonali ppjanati għal dawk is-sentejn kalendarji. Barra minn hekk, l-abbozz rivedut tal-pjan tal-prestazzjoni jipprevedi investimenti kbar fit-titjib tal-infrastruttura tal-ATM biex jippermetti l-operat ta’ setturi addizzjonali tal-kontroll tat-traffiku tal-ajru, l-implimentazzjoni ta’ programm operazzjonali ta’ eċċellenza f’kooperazzjoni mal-Maniġer tan-Network, miżuri ta’ ristrutturar tal-ispazju tal-ajru u miżuri biex jittejbu l-ġestjoni tal-fluss u tal-kapaċità tat-traffiku tal-ajru. |
(27) |
Il-Kummissjoni tosserva li, meta mqabbel mal-abbozz tal-pjan tal-prestazzjoni mressaq fl-2021, Ċipru ppreżenta miżuri rilevanti addizzjonali għat-titjib fil-kapaċità li huma rakkomandati wkoll fil-Pjan Operazzjonali tan-Network ta’ Settembru 2021. |
(28) |
Wara li qieset l-osservazzjonijiet preċedenti, il-Kummissjoni jidhrilha li Ċipru indirizza b’mod adegwat ir-rakkomandazzjonijiet stabbiliti fl-Artikolu 2 tad-Deċiżjoni ta’ Implimentazzjoni (UE) 2022/728 fir-rigward tar-reviżjoni tal-miri tal-prestazzjoni tal-kapaċità tiegħu. |
(29) |
Abbażi tas-sejbiet stabbiliti fil-premessi (24) sa (28), jenħtieġ li l-miri inklużi fl-abbozz rivedut tal-pjan tal-prestazzjoni jitqiesu konsistenti mal-miri tal-prestazzjoni mal-Unjoni kollha fil-qasam ewlieni tal-prestazzjoni tal-kapaċità. |
Valutazzjoni tal-miri riveduti tal-prestazzjoni fil-qasam ewlieni tal-prestazzjoni tal-kosteffiċjenza
(30) |
Il-Kummissjoni kkonkludiet fid-Deċiżjoni ta’ Implimentazzjoni (UE) 2022/728 li l-miri proposti tal-kosteffiċjenza en route inklużi fl-abbozz tal-pjan tal-prestazzjoni mressaq fl-2021 ma kinux konsistenti mal-miri tal-prestazzjoni mal-Unjoni kollha. Ċipru ppropona miri riveduti tal-kosteffiċjenza en route bħala parti mill-abbozz rivedut tal-pjan tal-prestazzjoni tiegħu. |
(31) |
It-tabella ta’ hawn taħt turi l-miri inizjali ta’ prestazzjoni tal-kosteffiċjenza en route tal-RP3 għaż-żona tal-imposti ta’ Ċipru, kif jinsabu fl-abbozz tal-pjan tal-prestazzjoni mressaq fl-2021, u l-miri riveduti tal-prestazzjoni korrispondenti li jinsabu fl-abbozz rivedut tal-pjan ta’ prestazzjoni mressaq fl-2022.
|
(32) |
Il-Kummissjoni tosserva li Ċipru rreveda l-miri tal-kosteffiċjenza lokali tiegħu għall-perjodu ta’ żmien mill-2022 sal-2024, li jirriżulta, meta mqabbel mal-abbozz tal-pjan tal-prestazzjoni mressaq fl-2021, f’kost unitarju determinat kumplessiv (“DUC”) li huwa 9.7 % inqas matul dawk is-snin kalendarji u 6.6 % inqas matul l-RP3 kollu kemm hu. Dak it-tnaqqis tad-DUC jirriżulta kemm mit-tbassir tat-traffiku ogħla użat fl-abbozz rivedut tal-pjan tal-prestazzjoni għas-snin kalendarji 2022, 2023 u 2024 kif ukoll mir-reviżjoni ’l isfel tal-kostijiet determinati espressi f’termini reali fil-prezzijiet tal-2017 għal dawk is-snin kalendarji. |
(33) |
Il-bidliet fit-tbassir tat-traffiku għas-snin kalendarji 2022, 2023 u 2024 huma ppreżentati fit-tabella ta’ hawn taħt. Il-Kummissjoni tinnota li t-tbassir tat-traffiku użat fl-abbozz rivedut tal-pjan tal-prestazzjoni huwa msejjes fuq it-tbassir bażi tat-traffiku ta’ STATFOR tal-Eurocontrol ta’ Ġunju 2022.
|
(34) |
Il-kostijiet determinati riveduti għas-snin kalendarji 2022, 2023 u 2024, espressi f’termini reali fil-prezzijiet tal-2017, huma murija fit-tabella ta’ hawn taħt.
|
(35) |
L-abbozz rivedut tal-pjan tal-prestazzjoni jinkludi previżjoni aġġornata tal-inflazzjoni għal Ċipru għas-snin kalendarji 2022, 2023 u 2024, kif deskritt fit-tabella li ġejja.
|
(36) |
Il-Kummissjoni tosserva li l-kostijiet determinati f’termini nominali ta’ Ċipru għas-snin kalendarji 2022, 2023 u 2024 huma inqas minn dawk fl-abbozz tal-pjan tal-prestazzjoni mressaq fl-2021, minkejja reviżjoni ’l fuq tal-previżjoni tal-inflazzjoni.
|
(37) |
Il-Kummissjoni vvalutat il-konsistenza tal-miri riveduti tal-kosteffiċjenza proposti minn Ċipru abbażi tal-kriterji stabbiliti fil-punti 1.4(a), (b) u (c) tal-Anness IV tar-Regolament ta’ Implimentazzjoni (UE) 2019/317. |
(38) |
Rigward il-kriterju stabbilit fil-punt 1.4(a) tal-Anness IV tar-Regolament ta’ Implimentazzjoni (UE) 2019/317, il-Kummissjoni tosserva li x-xejra tad-DUC en route fil-livell taż-żona tal-imposti ta’ +2,3 % matul l-RP3 hija anqas mix-xejra mal-Unjoni kollha ta’ +1,0 % matul l-istess perjodu. Il-Kummissjoni tinnota li madankollu dan jikkostitwixxi titjib mix-xejra tad-DUC ta’ +4,9 % ikkalkolata abbażi tal-abbozzi tal-pjanijiet tal-prestazzjoni mressqa fl-2021. |
(39) |
Rigward il-kriterju stabbilit fil-punt 1.4(b) tal-Anness IV tar-Regolament ta’ Implimentazzjoni (UE) 2019/317, il-Kummissjoni tosserva li x-xejra fit-tul tad-DUC en route fil-livell taż-żona tal-imposti matul l-RP2 u l-RP3 ta’ -1,4 % tisboq ix-xejra fit-tul mal-Unjoni kollha ta’ -1,3 % matul l-istess perjodu. Il-Kummissjoni tinnota li dan jikkostitwixxi titjib mix-xejra fit-tul tad-DUC ta’ -0,2 % ikkalkolata abbażi tal-abbozz tal-pjan tal-prestazzjoni mressaq fl-2021. |
(40) |
Rigward il-kriterju stabbilit fil-punt 1.4(c) tal-Anness IV tar-Regolament ta’ Implimentazzjoni (UE) 2019/317, il-Kummissjoni tosserva li l-valur ta’ bażi għad-DUC ta’ EUR 26,61 ta’ Ċipru, espressi fil-prezzijiet tal-2017, huwa 4,7 % inqas mill-valur ta’ bażi medju ta’ EUR 27,91, espress fil-prezzijiet tal-2017, tal-grupp komparatur rilevanti. |
(41) |
Kif speċifikat fil-premessa (39), il-miri riveduti tal-kosteffiċjenza ta’ Ċipru jirriżultaw f’xejra fit-tul tad-DUC li tisboq ix-xejra korrispondenti mal-Unjoni kollha. Barra minn hekk, id-DUC rivedut ta’ Ċipru għall-2024 huwa inqas mill-valur ta’ bażi għall-2014, li juri tnaqqis tad-DUC matul l-RP2 u l-RP3. B’referenza għall-premessa (40), Ċipru juri prestazzjoni tajba tal-kosteffiċjenza fir-rigward tal-valur ta’ bażi għall-2019, li huwa inqas mill-medja tal-grupp komparatur korrispondenti. Fl-aħħar nett, il-Kummissjoni tinnota li fl-abbozz rivedut tal-pjan tal-prestazzjoni tiegħu, Ċipru naqqas il-kostijiet determinati għall-RP3 kemm f’termini reali kif ukoll nominali, filwaqt li qed jippjana li jservi traffiku addizzjonali abbażi tal-previżjoni aġġornata tat-traffiku għall-RP3. Għalhekk, il-Kummissjoni tqis li d-devjazzjoni mix-xejra tad-DUC għall-RP3 mal-Unjoni kollha msemmija fil-premessa (38) ma tipprekludix l-istabbiliment ta’ konsistenza mal-miri tal-prestazzjoni tal-kosteffiċjenza mal-Unjoni kollha fir-rigward ta’ Ċipru. |
(42) |
Għalhekk, il-Kummissjoni tqis li Ċipru indirizza b’mod adegwat ir-rakkomandazzjonijiet stabbiliti fl-Artikolu 3 tad-Deċiżjoni ta’ Implimentazzjoni (UE) 2022/728 fir-rigward tar-reviżjoni tal-miri tal-prestazzjoni tal-kosteffiċjenza tiegħu. |
(43) |
Abbażi tas-sejbiet stabbiliti fil-premessi (31) sa (42), jenħtieġ li l-miri inklużi fl-abbozz rivedut tal-pjan tal-prestazzjoni jitqiesu konsistenti mal-miri tal-prestazzjoni mal-Unjoni kollha fil-qasam ewlieni tal-prestazzjoni tal-kosteffiċjenza. |
KONKLUŻJONIJIET
(44) |
Fid-dawl ta’ dak kollu li ntqal hawn fuq, il-Kummissjoni sabet li l-miri tal-prestazzjoni li jinsabu fl-abbozz rivedut tal-pjan tal-prestazzjoni huma konsistenti mal-miri tal-prestazzjoni mal-Unjoni kollha, |
ADOTTAT DIN ID-DEĊIŻJONI:
Artikolu 1
Il-miri tal-prestazzjoni li jinsabu fl-abbozz rivedut tal-pjan tal-prestazzjoni mressaq minn Ċipru, skont ir-Regolament (KE) Nru 549/2004, u elenkati fl-Anness ta’ din id-Deċiżjoni, huma konsistenti mal-miri tal-prestazzjoni mal-Unjoni kollha għat-tielet perjodu referenzjarju stabbiliti fid-Deċiżjoni ta’ Implimentazzjoni (UE) 2021/891.
Artikolu 2
Din id-Deċiżjoni hija indirizzata lir-Repubblika ta’ Ċipru.
Magħmul fi Brussell, il-5 ta’ Diċembru 2022.
Għall-Kummissjoni
Adina-Ioana VĂLEAN
Membru tal-Kummissjoni
(3) Id-Deċiżjoni ta’ Implimentazzjoni tal-Kummissjoni (UE) 2019/903 tad-29 ta’ Mejju 2019 li tistabbilixxi l-miri tal-prestazzjoni mal-Unjoni kollha għan-network tal-ġestjoni tat-traffiku tal-ajru għat-tielet perjodu ta’ referenza li jibda fl-1 ta’ Jannar 2020 u li jintemm fil-31 ta’ Diċembru 2024 (ĠU L 144, 3.6.2019, p. 49).
(4) Ir-Regolament ta’ Implimentazzjoni tal-Kummissjoni (UE) 2020/1627 tat-3 ta’ Novembru 2020 dwar miżuri eċċezzjonali għat-tielet perjodu ta’ referenza (2020-2024) tal-iskema ta’ prestazzjoni u imposti tal-ajru uniku Ewropew minħabba l-pandemija tal-COVID-19 (ĠU L 366, 4.11.2020, p. 7).
(5) Id-Deċiżjoni ta’ Implimentazzjoni tal-Kummissjoni (UE) 2021/891 tat-2 ta’ Ġunju 2021 li tistabbilixxi l-miri tal-prestazzjoni riveduti mal-Unjoni kollha għan-network tal-ġestjoni tat-traffiku tal-ajru għat-tielet perjodu referenzjarju (2020-2024) u li tħassar id-Deċiżjoni ta’ Implimentazzjoni (UE) 2019/903 (ĠU L 195, 3.6.2021, p. 3).
(6) Id-Deċiżjoni ta’ Implimentazzjoni tal-Kummissjoni (UE) 2022/728 tat-13 ta’ April 2022 dwar l-inkonsistenza ta’ ċerti miri tal-prestazzjoni li jinsabu fl-abbozzi tal-pjanijiet tal-prestazzjoni tal-blokok ta’ spazju tal-ajru nazzjonali u funzjonali ppreżentati mill-Belġju, mill-Ġermanja, mill-Greċja, minn Franza, minn Ċipru, mil-Latvja, mil-Lussemburgu, minn Malta, min-Netherlands, mir-Rumanija, u mill-Iżvezja skont ir-Regolament (KE) Nru 549/2004 tal-Parlament Ewropew u tal-Kunsill mal-miri tal-prestazzjoni mal-Unjoni kollha għat-tielet perjodu referenzjarju u li tistabbilixxi rakkomandazzjonijiet għar-reviżjoni ta’ dawk il-miri (ĠU L 135, 12.5.2022, p. 4).
ANNESS
Miri tal-prestazzjoni inklużi fl-abbozz rivedut tal-pjan tal-prestazzjoni mressaq minn Ċipru skont ir-Regolament (KE) Nru 549/2004, li nstabu konsistenti mal-miri tal-prestazzjoni mal-Unjoni kollha għat-tielet perjodu referenzjarju
QASAM EWLIENI TAL-PRESTAZZJONI TAS-SIKUREZZA
Effettività tal-ġestjoni tas-sikurezza
Ċipru |
Miri dwar l-effettività tal-ġestjoni tas-sikurezza, espressi bħala livell ta’ implimentazzjoni, li jvarjaw mil-livell A sa D tal-EASA |
|||
Fornitur tas-servizzi tan-navigazzjoni bl-ajru kkonċernat |
Objettiv tal-ġestjoni tas-sikurezza |
2022 |
2023 |
2024 |
CYATS |
Politika u objettivi tas-sikurezza |
C |
C |
C |
Ġestjoni tar-riskju għas-sikurezza |
D |
D |
D |
|
Assigurazzjoni tas-sikurezza |
C |
C |
C |
|
Promozzjoni tas-sikurezza |
C |
C |
C |
|
Kultura tas-sikurezza |
C |
C |
C |
QASAM EWLIENI TAL-PRESTAZZJONI TAL-AMBJENT
Effiċjenza tat-titjir medja orizzontali en route tat-trajettorja reali
Ċipru |
2022 |
2023 |
2024 |
Miri fil-qasam ewlieni tal-prestazzjoni tal-ambjent, espressi bħala l-effiċjenza tat-titjir medja orizzontali en route tat-trajettorja reali |
3,84 % |
3,84 % |
3,84 % |
QASAM EWLIENI TAL-PRESTAZZJONI TAL-KAPAĊITÀ
Dewmien medju tal-ATFM en route f’minuti għal kull titjira
Ċipru |
2022 |
2023 |
2024 |
Miri riveduti tal-kapaċità en route, espressi f’minuti ta’ dewmien tal-ATFM għal kull titjira |
0,16 |
0,15 |
0,15 |
QASAM EWLIENI TAL-PRESTAZZJONI TAL-KOSTEFFIĊJENZA
Kost unitarju determinat għas-servizzi tan-navigazzjoni bl-ajru en route
Żona tal-imposti en route ta’ Ċipru |
Valur bażi tal-2014 |
Valur bażi tal-2019 |
2020 - 2021 |
2022 |
2023 |
2024 |
Miri riveduti tal-kosteffiċjenza en route, espressi bħala kost unitarju determinat en route (f’termini reali bil-prezzijiet tal-2017) |
32,94 EUR |
26,61 EUR |
49,85 EUR |
30,92 EUR |
29,35 EUR |
29,11 EUR |