This document is an excerpt from the EUR-Lex website
Document 32022D2335
Council Decision (EU) 2022/2335 of 28 November 2022 amending Decision (EU) 2015/2169 on the conclusion of the Free Trade Agreement between the European Union and its Member States, of the one part, and the Republic of Korea, of the other part
Deċiżjoni tal-Kunsill (UE) 2022/2335 tat-28 ta’ Novembru 2022 li temenda d-Deċiżjoni (UE) 2015/2169 dwar il-konklużjoni ta’ Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra
Deċiżjoni tal-Kunsill (UE) 2022/2335 tat-28 ta’ Novembru 2022 li temenda d-Deċiżjoni (UE) 2015/2169 dwar il-konklużjoni ta’ Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra
ST/12600/2022/INIT
ĠU L 309, 30.11.2022, p. 6–7
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32015D2169 | Tħassir | artikolu 3 paragrafu 1 sentenza 3 | 28/11/2022 |
30.11.2022 |
MT |
Il-Ġurnal Uffiċjali tal-Unjoni Ewropea |
L 309/6 |
DEĊIŻJONI TAL-KUNSILL (UE) 2022/2335
tat-28 ta’ Novembru 2022
li temenda d-Deċiżjoni (UE) 2015/2169 dwar il-konklużjoni ta’ Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 91, l-Artikolu 100(2), l-Artikolu 167(3) u l-Artikolu 207, flimkien mal-Artikolu 218(6), il-il-punt (a)(v) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-approvazzjoni tal-Parlament Ewropew,
Billi:
(1) |
Fl-1 ta’ Ottubru 2015, il-Kunsill adotta d-Deċiżjoni (UE) 2015/2169 (1) dwar il-konklużjoni ta’ Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra. |
(2) |
Il-Protokoll dwar il-Kooperazzjoni Kulturali (“il-Protokoll”) (2) anness mal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra (3) (“il-Ftehim”)jistabbilixxi l-qafas li fi ħdanu l-Partijiet għandhom jikkooperaw għall-iffaċilitar ta’ skambji li jirrigwardaw l-attivitajiet, l-oġġetti u s-servizzi kulturali, inkluż fis-settur awdjoviżiv. |
(3) |
Il-Protokoll jinkludi dispożizzjonijiet dwar dritt ta’ koproduzzjonijiet awdjoviżivi li jibbenefikaw mill-iskemi rispettivi tal-Partijiet għall-Ftehim. |
(4) |
Skont l-Artikolu 5(8), il-punt (b), tal-Protokoll, wara l-perjodu inizjali ta’ tliet snin, id-dritt jiġġedded għal perjodi oħra suċċessivi tal-istess tul, sakemm Parti ma ttemmx id-dritt billi tavża bil-miktub mill-anqas tliet xhur qabel l-iskadenza tal-perjodu inizjali jew ta’ kwalunkwe perjodu suċċessiv ieħor. |
(5) |
F’konformità mal-Artikolu 3(1) tad-Deċiżjoni (UE) 2015/2169, il-Kummissjoni għandha tavża lir-Repubblika tal-Korea bl-intenzjoni tal-Unjoni li ma testendix il-perjodu tad-dritt għal koproduzzjoni sakemm, fuq proposta tal-Kummissjoni, il-Kunsill ma jaqbilx b’mod unanimu erba’ xhur qabel tmiem il-perjodu tad-dritt li jkompli d-dritt. |
(6) |
Fis-sentenza tal-1 ta’ Marzu 2022 fil-kawża C-275/20, Il-Kummissjoni vs Il-Kunsill (4), il-Qorti tal-Ġustizzja ddeċidiet li l-proċedura stabbilita fl-Artikolu 3(1) tad-Deċiżjoni (UE) 2015/2169 ma tikkonformax mal-Artikolu 218 tat-Trattat dwar il-Funzjonament tal-Unjoni Ewropea (TFUE) sa fejn tirrikjedi li l-Kunsill jivvota b’mod unanimu. Ir-regola tal-votazzjoni applikabbli għall-adozzjoni ta’ deċiżjonijiet bħal dawk previsti fl-Artikolu 3(1) tad-Deċiżjoni (UE) 2015/2169 jenħtieġ li tkun dik stabbilita fl-Artikolu 218(8), l-ewwel subparagrafu, TFUE, jiġifieri votazzjoni b’maġġoranza kwalifikata fil-Kunsill. |
(7) |
Għalhekk, ir-rekwiżit li l-Kunsill jaġixxi b’unanimità sabiex jiddeċiedi dwar il-kontinwazzjoni tad-dritt jenħtieġ li jitħassar. |
(8) |
F’konformità mal-Artikolu 266 TFUE, sabiex is-sentenza tiġi implimentata malajr kemm jista’ jkun, jenħtieġ li din id-Deċiżjoni tidħol fis-seħħ fid-data tal-adozzjoni tagħha, |
ADOTTA DIN ID-DEĊIŻJONI:
Artikolu 1
Fl-Artikolu 3(1) tad-Deċiżjoni (UE) 2015/2169, titħassar it-tielet sentenza.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-28 ta’ Novembru 2022.
Għall-Kunsill
Il-President
V. BALAŠ
(1) Id-Deċiżjoni tal-Kunsill (UE) 2015/2169 tal-1 ta’ Ottubru 2015 dwar il-konklużjoni ta’ Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra (ĠU L 307, 25.11.2015, p. 2).
(2) ĠU L 127, 14.5.2011, p. 1418.
(3) ĠU L 127, 14.5.2011, p. 6.
(4) Is-sentenza tal-Qorti tal-Ġustizzja tal-1 ta’ Marzu 2022, Il-Kummissjoni vs Il-Kunsill, C-275/20, ECLI:EU:C:2022:142.