Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022D1902

Deċiżjoni ta’ Implimentazzjoni tal-Kunsill (PESK) 2022/1902 tas-6 ta’ Ottubru 2022 li timplimenta d-Deċiżjoni 2014/932/PESK rigward miżuri restrittivi fid-dawl tas-sitwazzjoni fil-Jemen

ST/12924/2022/INIT

ĠU L 260, 6.10.2022, p. 6–9 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec_impl/2022/1902/oj

Date of document:
06/10/2022; Data ta' adozzjoni
Date of effect:
06/10/2022; Dħul fis-seħħ Data tal-pubblikazzjoni Ara Art. 2
Date of end of validity:
No end date
Author:
Il-Kunsill tal-Unjoni Ewropea
Form:
Deċiżjoni implimentattiva
Treaty:
Trattat dwar l−Unjoni Ewropea
Legal basis:
Link
Select all documents based on this document
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32014D0932 Żieda anness Test 06/10/2022
Link

6.10.2022   

MT

Il-Ġurnal Uffiċjali tal-Unjoni Ewropea

L 260/6

DEĊIŻJONI TA’ IMPLIMENTAZZJONI TAL-KUNSILL (PESK) 2022/1902

tas-6 ta’ Ottubru 2022

li timplimenta d-Deċiżjoni 2014/932/PESK rigward miżuri restrittivi fid-dawl tas-sitwazzjoni fil-Jemen

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 31(2) tiegħu,

Wara li kkunsidra d-Deċiżjoni tal-Kunsill 2014/932/PESK tat-18 ta’ Diċembru 2014 rigward miżuri restrittivi fid-dawl tas-sitwazzjoni fil-Jemen (1), u b’mod partikolari l-Artikolu 3 tagħha,

Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fit-18 ta’ Diċembru 2014, il-Kunsill adotta d-Deċiżjoni 2014/932/PESK.

(2)

Fis-26 ta’ Settembru 2022, il-Kumitat tal-Kunsill tas-Sigurtà tan-Nazzjonijiet Uniti stabbilit skont ir-Riżoluzzjoni tal-Kunsill tas-Sigurtà tan-Nazzjonijiet Uniti 2140 (2014) żied żewġ .persuni għal-lista ta’ persuni u entitajiet soġġetti għal miżuri restrittivi.

(3)

Jenħtieġ għalhekk li l-Anness għad-Deċiżjoni 2014/932/PESK jiġi emendat skont dan,

ADOTTA DIN ID-DEĊIŻJONI:

Artikolu 1

L-Anness għad-Deċiżjoni 2014/932/PESK huwa emendat kif jinsab fl-Anness għal din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, is-6 ta’ Ottubru 2022.

Għall-Kunsill

Il-President

M. BEK

(1)   ĠU L 365, 19.12.2014, p. 147.

ANNESS

L-entrati li ġejjin jiżdiedu taħt is-subintestatura “Persuni” fl-Anness għad-Deċiżjoni 2014/932/PESK (Lista ta’ persuni u entitajiet imsemmijin fl-Artikoli 1(1), 2a(1) u l-Artikolu 2b(1) u (2)):

“10.

 Mansur Al-Sa’adi

Kitba oriġinali: منصور السعادي

Deżinjazzjoni: Maġġur Ġeneral, Kmandant tal-Houthi tal-Forzi Navali u tad-Difiża Kostali tal-Jemen Data tat-twelid: 1988 Post tat-twelid: Jemen Psewdonimu affidabbli: mhux disponibbli Psewdonimu inqas affidabbli: a) Mansoor Ahmed Al Saadi b) Mansur Ahmad al-Sa’adi c) Abu Sajjad Nazzjonalità: Jemen Nru tal-Passaport: mhux disponibbli Nru ta’ identifikazzjoni nazzjonali: mhux disponibbli Indirizz: Jemen Elenkat: 26 ta’ Settembru 2022 Informazzjoni oħra: Il-Kap tal-Persunal tal-Forzi Navali tal-Houthi, li kien il-moħħ wara l-attakki letali kontra t-tbaħħir internazzjonali fil-Baħar l-Aħmar, għandu rwol ewlieni fl-isforzi navali tal-Houthi li jheddu direttament il-paċi, is-sigurtà, u l-istabbiltà tal-Jemen. Deskrizzjoni Fiżika: Kulur tal-Għajnejn: Kannella; Xagħar: Kannella. Link web tal-Avviż Speċjali tal-INTERPOL-Kunsill tas-Sigurtà tan-NU: https://www.interpol.int/en/How-we-work/Notices/View-UN-Notices-Individual

Informazzjoni addizzjonali mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

Skont it-taqsima 5(h) tal-Linji Gwida tiegħu, il-Kumitat tal-Kunsill tas-Sigurtà stabbilit skont ir-riżoluzzjoni 2140 jagħmel aċċessibbli taqsira narrattiva tar-raġunijiet għall-elenkar ta’ individwi, gruppi, impriżi u entitajiet inklużi fil-lista tas-sanzjonijiet tiegħu.

Data li fiha t-taqsira narrattiva saret disponibbli fuq is-sit web tal-Kumitat: 26 ta’ Settembru 2022.

Mansur Al-Sa’adi ġie elenkat fis-26 ta’ Settembru 2022 skont il-paragrafi 11 u 15 tar-riżoluzzjoni 2140 (2014), bħala li jissodisfa l-kriterji ta’ deżinjazzjoni stabbiliti fil-paragrafu 17 tar-riżoluzzjoni 2140 (2014), inkluż kif elaborat mill-paragrafu 19 tar-riżoluzzjoni 2216 (2015).

Mansur Al-Sa’adi involva ruħu f’atti u pprovda appoġġ għal atti li jheddu l-paċi, is-sigurtà u l-istabbiltà tal-Jemen, inkluż ksur tal-embargo mmirat fuq l-armi.

Informazzjoni addizzjonali:

Al-Sa’adi huwa elenkat għall-involviment tiegħu fil-kampanji navali tal-Houthi u t-tmexxija tagħhom li jheddu l-paċi, is-sigurtà u l-istabbiltà tal-Jemen u b’hekk jissodisfa l-kriterji għad-deżinjazzjoni kif stabbiliti fil-Paragrafu 17 tar-Riżoluzzjoni 2140 (2014). Filwaqt li serva bħala l-Kap tal-Persunal tal-Forzi Navali tal-Houthi, Al-Sa’adi kien il-moħħ wara l-attakki letali kontra bastimenti tat-tbaħħir internazzjonali fil-Baħar l-Aħmar. Il-Forzi Navali tal-Houthi ripetutament xerrdu l-mini navali, li kif enfasizzat mill-organizzazzjonijiet internazzjonali tad-drittijiet tal-bniedem, huma ta’ riskju għall-bastimenti kummerċjali, tas-sajd u tal-għajnuna umanitarja. Al-Sa’adi għen ukoll fil-kuntrabandu ta’ armi lejn Houthis fil-Jemen bi ksur tal-embargo mmirat fuq l-armi kif stabbilit fil-paragrafu 14 tar-Riżoluzzjoni 2216 (2015).

Verifika tar-rwol militari attiv:

—

Al-Sharea News (Għarbi) – “The Masterminds of the Houthi Attacks” (L-Imħuħ wara l-Attakki tal-Houthi) (https://alsharaeanews.com/2021/03/08/54527/) [Aċċessat fil-11/02/22]

3.

(“Mansour Al-Saadi u Ahmed Al-Hamzi, żewġ karattri misterjużi fil-forza tal-ajru u l-flotta navali tal-Houthi, kellhom rwol kruċjali fil-gwerra fil-Jemen, u estendew l-influwenza tagħha għat-theddid tal-artijiet Sawdin u s-sigurtà tal-Baħar l-Aħmar.”)

(“Al-Saadi jinħeba wara l-laqam “Abu Sajjad,” u huwa magħruf bħala l-Emir tal-Baħar l-Aħmar u huwa primarjament responsabbli għat-tfassil mill-ġdid ta’ forza ta’ difiża navali u kostali li l-missjoni tagħha qed tfixkel il-bastimenti tal-gwerra tal-koalizzjoni u tirrikatta l-komunità internazzjonali billi thedded il-korsiji tat-tbaħħir.”)

—

Yemeni News Agency (SABA) (Għarbi) - “Qahim, Al-Mushki and Berry were briefed on the damages of the aggression in the districts of Al-Hodeidah” (Qahim, Al-Mushki u Berry ingħataw informazzjoni dwar id-danni tal-aggressjoni fid-distretti ta’ Al-Hodeidah) (https://www.saba.ye/ar/news3174373.htm) [Aċċessat fil-11/02/22]

(“Ġew infurmati wkoll, flimkien mal-membri tat-tim nazzjonali, il-Maġġur Ġeneral Mansour al-Saadi u l-Maġġur Ġeneral Muhammad al-Qadri, dwar il-firxa tal-qerda kkawżata fuq id-djar taċ-ċittadini, l-iskejjel, l-isptarijiet u l-binjiet tal-gvern fil-belt ta’ al-Durayhimi. Id-distrett ta’ Al-Jah fid-distrett ta’ Bait Al-Faqih.”)

—

Asharq al-Awsat (Ingliż) - “Death of Senior Commanders Leaves Houthis in Disarray” (Il-mewt ta’ Kmandanti Anzjani jħalli l-Houthis Imħarbta) (https://english.aawsat.com/home/article/1246521/death-senior-commanders-leaves-houthis-disarray) [Aċċessat fil-11/02/22]

(L-Artikolu jidentifika lil al-Saadi bħala “mexxej għoli”, iżda sostna b’mod żbaljat li kien inqatel. Jiddikjara li al-Saadi huwa responsabbli għas-sorveljanza tal-kuntrabandu tal-armi tul il-kosta tal-Jemen.)

—

26 ta’ Settembru Aħbarijiet (Għarbi) - “The Navy Celebrates the Revolution of September 21” (Il-Forza Navali tiċċelebra r-Rivoluzzjoni tal-21 ta’ Settembru) (https://www.26sep.net/index.php/newspaper/26topstory/24381-21-8) [Aċċessat fil-11/02/22]

(“Il-Kap tal-Persunal tal-Forzi Navali, il-Maġġur Ġeneral Mansour Al Saadi, attenda l-avveniment.”)

11.

 Motlaq Amer Al-Marrani

Kitba oriġinali: مطلق عامر المراني

Deżinjazzjoni: (Eks) Viċi Kap tal-Uffiċċju tas-Sigurtà Nazzjonali tal-Houthi (NSB) (aġenzija tal-intelligence) Data tat-Twelid: 1 ta’ Jannar 1984 Post tat-Twelid: Al-Jawf, Jemen Psewdonimu affidabbli: a) Mutlaq Ali Aamer Al Marrani b) Abu Emad Psewdonimu inqas affidabbli: mhux disponibbli Nazzjonalità: Jemen Nru tal-Passaport: mhux disponibbli Nru ta’ identifikazzjoni nazzjonali: mhux disponibbli Indirizz: Jemen Elenkat: 26 ta’ Settembru 2022 Informazzjoni oħra: Eks Viċi Kap tal-Uffiċċju tas-Sigurtà Nazzjonali tal-Houthi (NSB), issorvelja d-detenuti tal-NSB li kienu soġġetti għal tortura u trattament ħażin ieħor waqt li kienu detenuti, ippjana u ordna arresti u detenzjoni illegali ta’ ħaddiema umanitarji u d-devjazzjoni illegali ta’ assistenza umanitarja bi ksur tad-dritt umanitarju internazzjonali. Deskrizzjoni Fiżika: Kulur tal-Għajnejn: Kannella; Xagħar: Kannella. Link web tal-Avviż Speċjali tal-INTERPOL-Kunsill tas-Sigurtà tan-NU: https://www.interpol.int/en/How-we-work/Notices/View-UN-Notices-Individual

Informazzjoni addizzjonali mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

Skont it-taqsima 5(h) tal-Linji Gwida tiegħu, il-Kumitat tal-Kunsill tas-Sigurtà stabbilit skont ir-riżoluzzjoni 2140 jagħmel aċċessibbli taqsira narrattiva tar-raġunijiet għall-elenkar ta’ individwi, gruppi, impriżi u entitajiet inklużi fil-lista tas-sanzjonijiet tiegħu.

Data li fiha t-taqsira narrattiva saret disponibbli fuq is-sit web tal-Kumitat: 26 ta’ Settembru 2022.

Motlaq Amer Al-Marrani ġie elenkat fis-26 ta’ Settembru 2022 skont il-paragrafi 11 u 15 tar-riżoluzzjoni 2140 (2014), bħala li jissodisfa l-kriterji ta’ deżinjazzjoni stabbiliti fil-paragrafu 17 tar-riżoluzzjoni 2140 (2014), inkluż kif elaborat mill-paragrafu 19 tar-riżoluzzjoni 2216 (2015), kif ukoll il-paragrafu 18(c) tar-riżoluzzjoni 2140.

Motlaq Amer Al-Marrani involva ruħu f’atti li jheddu l-paċi, is-sigurtà u l-istabbiltà tal-Jemen, inkluż ksur tad-dritt umanitarju internazzjonali applikabbli u abbuż tad-drittijiet tal-bniedem u ostakola l-aċċess għall-assistenza umanitarja fil-Jemen.

Informazzjoni addizzjonali:

Al-Marrani huwa elenkat għall-organizzazzjoni ta’ atti illegali ta’ tortura u detenzjoni li jheddu l-paċi, is-sigurtà u l-istabbiltà tal-Jemen, inkluż atti li jiksru d-dritt umanitarju internazzjonali applikabbli u li rriżultaw fl-ostakolar tal-aċċess għall-assistenza umanitarja fil-Jemen, u b’hekk jissodisfa l-kriterji għad-deżinjazzjoni kif stabbilit fil-Paragrafu 17 tar-riżoluzzjoni 2140 (2014), kif elaborat aktar mill-paragrafu 19 tar-riżoluzzjoni 2216 (2015), kif ukoll il-paragrafu 18(c) tar-riżoluzzjoni 2140.

Bħala Viċi Kap tal-Uffiċċju tas-Sigurtà Nazzjonali tal-Houthi (NSB), Al-Marrani mexxa l-arrest, id-detenzjoni, u t-trattament ħażin ta’ ħaddiema umanitarji u oħrajn li jaħdmu fl-assistenza umanitarja u nstab ukoll li abbuża mill-awtorità u l-influwenza tiegħu fuq l-aċċess umanitarju bħala ingranaġġ biex jiġġenera profitt personali. Il-Bord ta’ Esperti dwar il-Jemen iddokumenta dawn l-attivitajiet fir-Rapport Finali tiegħu tal-2018 (ara S/2018/594, paragrafu 193).

Kif iddokumentat ulterjorment mill-Bord ta’ Esperti dwar il-Jemen, Al-Marrani ssorvelja d-detenuti tal-NSB, li allegatament kienu soġġetti għal tortura u trattament ħażin ieħor matul id-detenzjoni tagħhom. Huwa organizza wkoll l-estorsjoni, l-intimidazzjoni, u l-arrest illegali ta’ maniġers ta’ kumpanniji u diretturi tal-banek, b’theddid li jakkużahom b’kollaborazzjoni u spjunaġġ għall-għadu sakemm ma kkonformawx mal-ordnijiet ta’ kustodju ġudizzjarju.

Verifika tar-rwol fl-abbużi tad-drittijiet tal-bniedem:

—

Rapport ta’ Human Rights Watch (Ingliż) – “Yemen: Houthi Hostage Taking” (Jemen:Teħid ta’ Ostaġġi fil-Houthi) (https://www.hrw.org/news/2018/09/25/yemen-houthi-hostage-taking#) [Aċċessat fil-11/02/22]

4.

—

Al Ain News (Għarbi) - “Amer Al-Marrani..Man of the “black missions” of the Houthis” (Amer Al-Marrani..Ir-raġel tal-“missjonijiet suwed” tal-Houthis) (https://al-ain.com/article/amer-marani-yemen) [Aċċessat fil-11/02/22]

(“Għar-raba’ wieħed mill-aħwa, Mutlaq Al-Marrani jingħata l-grad ta’ brigadier ġenerali u l-laqam Abu Emad mill-milizzja tal-Houthi. L-attivitajiet terroristiċi tiegħu saru sors ta’ tħassib internazzjonali, peress li huwa wieħed mill-aktar mexxejja perikolużi tas-servizz tal-intelligence involut fil-ksur flagranti ta’ ħajjet il-Jemeniti.”)

—

Al Marjie (Għarbi) - “Abu Imad Al-Marani: A Houthi leader responsible for recruiting women and looting relief funds” (Abu Imad Al-Marani: Mexxej Houthi responsabbli għar-reklutaġġ tan-nisa u għas-sakkeġġ ta’ fondi ta’ sokkors) (https://www.almarjie-paris.com/15182) [Aċċessat fil-11/02/22]

(“Hija kkonfermat ukoll li kien responsabbli għar-reklutaġġ ta’ nisa żgħażagħ u biex iħeġġiġhom jaħdmu mal-Houthis, u żiedet tgħid li kien qed “Iġegħelhom jagħmlu filmati oxxeni sabiex ipoġġi pressjoni fuqhom u jirrikattahom aktar tard, u wara jassenjahom.” Billi arresta lill-impjegati u lill-uffiċjali ta’ ċerti organizzazzjonijiet, huwa mbagħad seta’ jimponi ċerti kundizzjonijiet iktar tard fuq dawk l-organizzazzjonijiet. Hija żvelat li Al-Marrani rreklutat għexieren ta’ bniet, filwaqt li ħa vantaġġ mill-ħtieġa tagħhom għall-flus, u bagħathom biex iħajru lill-avversarji tiegħu.”)

—

Al Arabiya (Għarbi) - “ ‘Terrifying’ details about Houthi leaders affected by US sanctions” (Dettalji terribbli dwar il-mexxejja tal-Houthi affettwati mis-sanzjonijiet tal-Istati Uniti) تفاصیل " مرعبة " عن قیادات حوثیة طالتھا عقوبات أمیركیة) (alarabiya.net)) [Aċċessat fil-11/02/22]

(“Al-Marrani kien involut ukoll f’reati ta’ ksur serju u tortura ta’ dawk li nħatfu, inkluż dak li l-attivista u l-eks detenuta Jemenita, Samira AL-HOURI, żvelat dwar reati morali u finanzjarji u r-rwol tiegħu biex iħajjar personalitajiet politiċi u tribali, filwaqt li enfasizzat li ħa f’idejh il-fajl tar-reklutaġġ ta’ bniet biex jispjuna fuq l-attivitajiet ta’ organizzazzjonijiet internazzjonali u persunal tan-Nazzjonijiet Uniti. Barra minn hekk, huwa rrappurtat li jimponi royalties fuq dawn l-organizzazzjonijiet, u jikkondividi somom kbar ta’ miljuni ta’ dollari ma’ xi wħud mill-impjegati tagħhom li saru jibżgħu mill-brutalità u t-theddid tiegħu.”)

—

Al-Mashhad al-Araby (Għarbi) - “Blackmailing the Houthis on relief organizations: What did the militias do?” (Ir-rikatt tal-Houthis dwar l-organizzazzjonijiet ta’ għajnuna: X’għamlu l-milizzji?) (https://almashhadalaraby.com/news/133104) [Aċċessat fil-11/02/22]

Stqarrijiet għall-istampa dwar bidliet fil-Lista tas-Sanzjonijiet tal-Kumitat jinsabu fit-taqsima “Stqarrijiet għall-Istampa” fuq is-sit web tal-Kumitat fil-URL li ġej:

https://www.un.org/securitycouncil/sanctions/2140/press-releases

Il-verżjoni aġġornata tal-Lista tas-Sanzjonijiet tal-Kumitat, disponibbli fil-format HTML, PDF u XML, tinsab fil-URL li ġej:

https://www.un.org/securitycouncil/sanctions/2140/materials

—

Il-Lista Konsolidata tal-Kunsill tas-Sigurtà tan-Nazzjonijiet Uniti hija aġġornata wkoll wara l-bidliet kollha li saru fil-Lista tas-Sanzjonijiet tal-Kumitat u hija aċċessibbli mill-URL li ġej: https://www.un.org/securitycouncil/content/un-sc-consolidated-list ”

Top