EUR-Lex Access to European Union law
This document is an excerpt from the EUR-Lex website
Document 32022D0393
Council Decision (EU) 2022/393 of 3 March 2022 on the position to be taken, on behalf of the European Union, in the 65th session of the Commission on Narcotic Drugs as regards the addition of three substances to the list of substances in Table I of the United Nations Convention against Illicit Traffic in Narcotic Drugs and Psychotropic Substances
Deċiżjoni tal-Kunsill (UE) 2022/393 tat-3 ta’ Marzu 2022 dwar il-pożizzjoni li għandha tittieħed, f’isem l-Unjoni Ewropea, fil-65 sessjoni tal-Kummissjoni dwar id-Drogi Narkotiċi fir-rigward taż-żieda ta’ tliet sustanzi mal-lista tas-sustanzi fit-Tabella I tal-Konvenzjoni tan-Nazzjonijiet Uniti kontra t-Traffiku Illeċitu ta’ Drogi Narkotiċi u Sustanzi Psikotropiċi
Deċiżjoni tal-Kunsill (UE) 2022/393 tat-3 ta’ Marzu 2022 dwar il-pożizzjoni li għandha tittieħed, f’isem l-Unjoni Ewropea, fil-65 sessjoni tal-Kummissjoni dwar id-Drogi Narkotiċi fir-rigward taż-żieda ta’ tliet sustanzi mal-lista tas-sustanzi fit-Tabella I tal-Konvenzjoni tan-Nazzjonijiet Uniti kontra t-Traffiku Illeċitu ta’ Drogi Narkotiċi u Sustanzi Psikotropiċi
ST/6202/2022/INIT
ĠU L 79, 9.3.2022, p. 36–37
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
9.3.2022 |
MT |
Il-Ġurnal Uffiċjali tal-Unjoni Ewropea |
L 79/36 |
DEĊIŻJONI TAL-KUNSILL (UE) 2022/393
tat-3 ta’ Marzu 2022
dwar il-pożizzjoni li għandha tittieħed, f’isem l-Unjoni Ewropea, fil-65 sessjoni tal-Kummissjoni dwar id-Drogi Narkotiċi fir-rigward taż-żieda ta’ tliet sustanzi mal-lista tas-sustanzi fit-Tabella I tal-Konvenzjoni tan-Nazzjonijiet Uniti kontra t-Traffiku Illeċitu ta’ Drogi Narkotiċi u Sustanzi Psikotropiċi
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Il-Konvenzjoni tan-Nazzjonijiet Uniti kontra t-Traffikar Illeċitu ta’ Drogi Narkotiċi u Sustanzi Psikotropiċi tal-1988 (il-“Konvenzjoni”) ġiet konkluża mill-Unjoni permezz tad-Deċiżjoni tal-Kunsill 90/611/KEE (1) u daħlet fis-seħħ fil-11 ta’ Novembru 1990. |
(2) |
Skont l-Artikolu 12(2) sa (7) tal-Konvenzjoni, jistgħu jiżdiedu sustanzi fit-Tabelli tal-Konvenzjoni li jelenkaw il-prekursuri tad-droga. |
(3) |
Waqt il-65 sessjoni, li ser issir fi Vjenna mill-14 sat-18 ta’ Marzu 2022, il-Kummissjoni dwar id-Drogi Narkotiċi għandha tadotta deċiżjoni dwar iż-żieda ta’ tliet sustanzi mat-Tabella tal-Konvenzjoni. |
(4) |
Skont il-valutazzjoni tal-Bord Internazzjonali għall-Kontroll tan-Narkotiċi, tliet sustanzi, jiġiferi 4-AP, 1-boc-4-AP u norfentanil huma ta’ spiss użati fil-manifattura ille`ita tal-fentanil u huma adattati ferm għall-manifattura illeċita tal-fentanil u ta’ għadd ta’ analogi tal-fentanil, li huma oppjojdi sintetiċi qawwija ħafna. Hemm evidenza li l-volum u l-firxa tal-manifattura illeċita tal-fentanil u tal-analogi tal-fentanil joħolqu problemi serji ta’ saħħa pubblika u soċjali. Għaldaqstant huwa ġustifikat it-tqegħid tas-sustanzi 4-AP, 1-boc-4-AP u norfentanil taħt kontroll internazzjonali. |
(5) |
Fit-2 ta’ Frar 2022 il-Bord Internazzjonali għall-Kontroll tan-Narkotiċi irrakkomanda li l-Kummissjoni dwar id-Drogi Narkotiċi żżid is-sustanzi 4-AP, 1-boc-4-AP u norfentanil mat-Tabella I tal-Konvenzjoni. |
(6) |
Il-fentanil u s-sustanzi analogi tal-fentanil manifatturati b’mod illeċitu kkawżaw problemi sinifikanti ta’ saħħa pubblika u soċjali f’ċerti Stati Membri. |
(7) |
Id-deċiżjoni dwar iż-żieda ta’ sustanzi mat-Tabella I tal-Konvenzjoni taqa’ taħt il-kompetenza esklużiva tal-Unjoni. L-Unjoni għandha status ta’ osservatur fi ħdan il-Kummissjoni dwar id-Drogi Narkotiċi, u minnha 12-il Stat Membru tal-Unjoni huma membri tagħha bi dritt għall-vot. |
(8) |
Jixraq li tiġi stabbilita l-pożizzjoni li għandha tittieħed f’isem l-Unjoni fil-Kummissjoni dwar id-Drogi Narkotiċi, billi d-deċiżjoni ta’ dik il-Kummissjoni ser tkun vinkolanti għall-Unjoni u tista’ tinfluwenza b’mod deċiżiv il-kontenut tal-li[i tal-Unjoni, jiġifieri r-Regolament (KE) Nru 273/2004 tal-Parlament Ewropew u tal-Kunsill (2) u r-Regolament tal-Kunsill (KE) Nru 111/2005 (3). |
(9) |
Il-pożizzjoni tal-Unjoni jenħtieġ li tiġi espressa mill-Istati Membri tal-Unjoni li huma membri tal-Kummissjoni dwar id-Drogi Narkotiċi, li jaġixxu b’mod konġunt fl-interess tal-Unjoni. |
(10) |
Il-pożizzjoni li għandha tittieħed f’isem l-Unjoni fil-Kummissjoni dwar id-Drogi Narkotiċi jenħtieġ li tkun li jiżdiedu s-sustanzi 4-AP, 1-boc-4-AP u norfentanil mat-Tabella I tal-Konvenzjoni, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fil-65 sessjoni tal-Kummissjoni dwar id-Drogi Narkotiċi li ser issir mill-14 sat-18 ta’ Marzu 2022 għandha tkun li jiżdiedu s-sustanzi li ġejjin mat-Tabella I tal-Konvenzjoni:
(a) |
4-AP; |
(b) |
1-boc-4-AP; u |
(c) |
norfentanil. |
Artikolu 2
Il-pożizzjoni stabbilita fl-Artikolu 1 għandha tiġi espressa mill-Istati Membri tal-Unjoni li huma membri tal-Kummissjoni dwar id-Drogi Narkotiċi, li jaġixxu b’mod konġunt fl-interess tal-Unjoni.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-3 ta’ Marzu 2022.
Għall-Kunsill
Il-President
G. DARMANIN
(1) Id-Deċiżjoni tal-Kunsill 90/611/KEE tat-22 ta’ Ottubru 1990 fir-rigward tal-konklużjoni, f’isem il-Komunità Ekonomika Ewropea, tal-Konvenzjoni tan-Nazzjonijiet Uniti Kontra t-Traffiku Illeċitu ta’ Drogi Narkotiċi u Sustanzi Psikotropiċi (ĠU L 326, 24.11.1990, p. 56).
(2) Ir-Regolament (KE) Nru 273/2004 tal-Parlament Ewropew u tal-Kunsill tal-11 ta’ Frar 2004 dwar prekursuri tad-droga (ĠU L 47, 18.2.2004, p. 1)–.
(3) Ir-Regolament tal-Kunsill (KE) Nru 111/2005 tat- 22 ta’ Diċembru 2004 li jistabbilixxi regoli għall-monitoraġġ ta’ kummerċ fil-prekursuri ta’ drogi bejn il-Komunità u pajjiżi terzi (ĠU L 22, 26.1.2005, p. 1).