This document is an excerpt from the EUR-Lex website
Document 32022D0151
Council Decision (CFSP) 2022/151 of 3 February 2022 on a European Union action to support the evacuation of certain particularly vulnerable persons from Afghanistan
Deċiżjoni tal-Kunsill (PESK) 2022/151 tat-3 ta’ Frar 2022 dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan
Deċiżjoni tal-Kunsill (PESK) 2022/151 tat-3 ta’ Frar 2022 dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan
ST/5134/2022/INIT
ĠU L 25, 4.2.2022, p. 11–12
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 11/12/2023
- Date of document:
- 03/02/2022; Data ta' adozzjoni
- Date of effect:
- 01/06/2021; Applikazzjoni Ara Art. 3
- Date of effect:
- 03/02/2022; Dħul fis-seħħ Data tad-dokument Ara Art. 3
- Deadline:
- 31/12/2024; Ara Art. 1.1 U 32023D2803
- Date of end of validity:
- No end date
- Author:
- Il-Kunsill tal-Unjoni Ewropea
- Responsible body:
- High Representative of the Union, European External Action Service
- Form:
- Deċiżjoni
- Treaty:
- Trattat dwar l−Unjoni Ewropea
- Legal basis:
-
- 12016M028 - P1
- Link
- Link
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Modified by 32022D2442 Sostituzzjoni artikolu 1 punt 1 sentenza Test 12/12/2022 Modified by 32023D2803 Sostituzzjoni artikolu 1 paragrafu 1 Test 11/12/2023 - Instruments cited:
- Link
- EUROVOC descriptor:
- Subject matter:
- Directory code:
-
- 18.00.00.00 Politika Estera u ta’ Sigurtà Komuni
|
4.2.2022 |
MT |
Il-Ġurnal Uffiċjali tal-Unjoni Ewropea |
L 25/11 |
DEĊIŻJONI TAL-KUNSILL (PESK) 2022/151
tat-3 ta’ Frar 2022
dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 28(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-10 ta’ Diċembru 2001, il-Kunsill adotta l-Azzjoni Konġunta 2001/875/PESK (1) li taħtar Rappreżentant Speċjali tal-Unjoni Ewropea fl-Afganistan (RSUE). Il-mandat tar-RSUE ġie estiż diversi drabi, l-aktar reċenti bid-Deċiżjoni tal-Kunsill (PESK) 2017/289 (2), sal-31 ta’ Awwissu 2017. |
|
(2) |
Fit-30 ta’ Mejju 2007, il-Kunsill adotta l-Azzjoni Konġunta 2007/369/PESK (3) li tistabbilixxi l-Missjoni tal-Pulizija tal-Unjoni Ewropea fl-Afganistan (EUPOL Afganistan). L-EUPOL Afganistan ġiet estiża diversi drabi, l-aktar reċenti bid-Deċiżjoni tal-Kunsill (PESK) 2016/2040 (4), sal-15 ta’ Settembru 2017. |
|
(3) |
Fl-1 ta’ Mejju 2021, it-Taliban nedew offensiva u bdew jaħtfu għadd dejjem jiżdied gradwalment ta’ distretti fl-Afganistan. Fil-15 ta’ Awwissu 2021, forzi Talibani ħadu l-kontroll ta’ Kabul u waqqgħu l-gvern li kien imsejjes fuq il-kostituzzjoni. |
|
(4) |
F’dikjarazzjoni tal-31 ta’ Awwissu 2021 dwar is-sitwazzjoni fl-Afganistan, il-Kunsill iddikjara: “l-evakwazzjoni taċ-ċittadini tagħna u, sa fejn hu possibbli, ta’ nazzjonali Afgani li kkooperaw mal-UE u l-Istati Membri tagħha u l-familji tagħhom, twettqet bħala kwistjoni ta’ prijorità u ser titkompla. F’dan ir-rigward, għaddejja ħidma intensiva biex jiġu identifikati soluzzjonijiet immirati għall-bqija tal-każijiet speċifiċi ta’ persuni f’riskju fl-Afganistan”. |
|
(5) |
Fil-konklużjonijiet tiegħu tal-15 ta’ Settembru 2021 dwar l-Afganistan, il-Kunsill iddikjara: "... minn Awwissu 2021, il-komunità internazzjonali, inkluż l-UE u l-Istati Membri tagħha, għamlet sforz kollettiv, f’ċirkostanzi estremi, biex tevakwa eluf ta’ ċittadini tal-UE u nazzjonali ta’ pajjiżi terzi, inkluż Afgani li ħadmu għal missjonijiet diplomatiċi u Afgani oħra f’riskju, minħabba l-impenn ta’ prinċipju tagħhom għall-valuri komuni tagħna. Din kienet turija vera tas-solidarjetà tal-UE. L-UE hija grata għas-sħubija b’saħħitha tal-Istati Uniti, in-NATO, l-alleati tagħha, u l-pajjiżi fir-reġjun f’dan ir-rigward. Din kienet turija vera tas-solidarjetà tal-UE.” |
|
(6) |
F’dawn iċ-ċirkostanzi eċċezzjonali, mill-1 ta’ Ġunju 2021, is-Servizz Ewropew għall-Azzjoni Esterna (SEAE) organizza u ġġestixxa l-evakwazzjoni ta’ Afgani, b’mod partikolari ta’ dawk li kienu ħadmu għar-RSUE jew għall-EUPOL Afganistan, ta’ Afgani oħrajn partikolarment vulnerabbli li kienu kkollaboraw mal-Unjoni, u tal-qraba stretti dipendenti tagħhom. Evakwazzjonijiet bħal dawn jenħtieġ li jkomplu matul is-sena 2022. Lista ta’ persuni eliġibbli għal din l-evakwazzjoni ġie stabbilita mis-SEAE mill-1 ta’ Ottubru 2021. Hija tista’ tiġi emendata kif meħtieġ mis-SEAE. |
|
(7) |
Azzjoni operazzjonali taħt il-Politika Estera u ta’ Sigurtà Komuni jenħtieġ li tappoġġa dawk l-evakwazzjonijiet, |
ADOTTA DIN ID-DEĊIŻJONI:
Artikolu 1
Objettivi u kamp ta’ applikazzjoni
1. L-Unjoni għandha tappoġġa l-evakwazzjoni mill-Afganistan, bejn l-1 ta’ Ġunju 2021 u l-31 ta’ Diċembru 2022, ta’:
|
(a) |
eks membri tal-persunal tar-Rappreżentant Speċjali tal-UE fl-Afganistan (RSUE); |
|
(b) |
eks membri tal-persunal tal-EUPOL Afganistan; |
|
(c) |
il-persuni l-oħra partikolarment vulnerabbli segwenti:
|
|
(d) |
il-konjuġi dipendenti, it-tfal, il-ġenituri u l-aħwa bniet mhux miżżewġa ta’ persuni elenkati fil-punti (a), (b) jew (c). |
2. L-evakwazzjoni msemmija fil-paragrafu 1 għandha tiġi organizzata u ġestita mis-SEAE, taħt l-awtorità tar-Rappreżentant Għoli għall-Affarijiet Barranin u l-Politika ta’ Sigurtà (ir-Rappreżentant Għoli).
3. Ir-Rappreżentant Għoli għandu jkun responsabbli mill-implimentazzjoni ta’ din id-Deċiżjoni.
Artikolu 2
Arranġamenti finanzjarji
1. L-ammont ta’ referenza finanzjarja għall-implimentazzjoni ta’ din l-azzjoni għandu jkun ta’ EUR 1 990 000.
2. In-nefqa kollha għandha tiġi amministrata f’konformità mar-regoli u l-proċeduri applikabbli għall-baġit ġenerali tal-Unjoni.
3. Il-Kummissjoni għandha tissorvelja l-amministrazzjoni korretta tal-infiq imsemmi fil-paragrafu 2. Għal dak il-għan, hija għandha tikkonkludi l-ftehim meħtieġ mas-SEAE.
Artikolu 3
Dħul fis-seħħ u durata
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mill-1 ta’ Ġunju 2021.
Magħmul fi Brussell, it-3 ta’ Frar 2022.
Għall-Kunsill
Il-President
J.-Y. LE DRIAN
(1) L-Azzjoni Konġunta tal-Kunsill 2001/875/PESK tal-10 ta’ Diċembru 2001 dwar il-ħatra tar-Rappreżentant Speċjali tal-Unjoni Ewropea (ĠU L 326, 11.12.2001, p. 1).
(2) Id-Deċiżjoni tal-Kunsill (PESK) 2017/289 tas-17 ta’ Frar 2017 li temenda d-Deċiżjoni (PESK) 2015/2005 li testendi l-mandat tar-Rappreżentant Speċjali tal-Unjoni Ewropea għall-Afganistan (ĠU L 42, 18.2.2017, p. 13).
(3) L-Azzjoni Konġunta tal-Kunsill 2007/369/PESK tat-30 ta’ Mejju 2007 dwar l-istabbiliment tal-Missjoni tal-Pulizija tal-Unjoni Ewropea fl-Afganistan (EUPOL AFGANISTAN) (ĠU L 139, 31.5.2007, p. 33).
(4) Id-Deċiżjoni tal-Kunsill (PESK) 2016/2040 tal-21 ta’ Novembru 2016 li temenda d-Deċiżjoni 2010/279/PESK dwar il-Missjoni tal-Pulizija tal-Unjoni Ewropea fl-Afganistan (EUPOL AFGHANISTAN), li tipprevedi l-likwidazzjoni tagħha (ĠU L 314, 22.11.2016, p. 20).
