(1)

L-Artikolu 11 tar-Regolament ta’ Implimentazzjoni tal-Kummissjoni (UE) Nru 908/2014 (2) jistabbilixxi r-regoli ġenerali applikabbli għad-dikjarazzjoni tal-infiq u d-dħul assenjat iddikjarati mill-aġenziji tal-pagamenti fir-rigward ta’ xahar partikolari. Fil-mument li jiġu stabbiliti l-pagamenti ta’ kull xahar lill-Istati Membri, il-Kummissjoni tqis il-korrezzjonijiet deċiżi mill-Kummissjoni skont l-approvazzjoni tal-kontijiet u l-approvazzjoni tal-konformità. Għaldaqstant, minħabba li l-ammonti li jikkorrispondu għal dawn il-korrezzjonijiet huma magħrufa mill-Kummissjoni, ma hemmx ħtieġa speċifika li l-Istati Membri jinkluduhom fid-dikjarazzjoni ta’ kull xahar u jiddikjarawhom lill-Kummissjoni. Sabiex tiġi ssimplifikata l-proċedura fir-rigward tal-ammonti li għandhom jiġu ddikjarati mill-Istati Membri, jenħtieġ li dak ir-rekwiżit jitħassar.

(2)

L-Artikolu 14(1) tar-Regolament ta’ Implimentazzjoni (UE) Nru 908/2014 jistipula li meta tiddeċiedi li tagħmel il-pagamenti ta’ kull xahar, il-Kummissjoni għandha tpoġġi għad-dispożizzjoni tal-Istati Membri r-riżorsi meħtieġa biex ikopru l-infiq li ser jiġi ffinanzjat skont il-Fond Agrikolu Ewropew ta’ Garanzija (“EAGF”). Madankollu, hija u tagħmel dan, jenħtieġ li l-Kummissjoni tqis id-dħul riċevut mill-aġenziji tal-pagamenti f’isem il-baġit tal-Unjoni. Bħalissa, skont il-FAEG, il-Kummissjoni qed tinnettja l-ammonti tan-nefqa mal-ammonti tad-dħul assenjat direttament fid-deċiżjoni ta’ pagament ta’ kull xahar maħruġa mill-Kummissjoni. Din l-operazzjoni finanzjarja tidderoga mill-mod ta’ kif jiġi ġestit id-dħul assenjat skont Fondi oħra tal-Unjoni, fejn dan ma jkunx innettjat imma rkuprat permezz ta’ ordni ta’ rkupru mfassla skont l-Artikolu 98 tar-Regolament (UE, Euratom) 2018/1046 tal-Parlament Ewropew u tal-Kunsill (3). Sabiex jiġu armonizzati l-prattiki kontabilistiċi tal-Kummissjoni u, b’mod partikolari, il-mod kif id-dħul assenjat jiġi ġestit, huwa meħtieġ li dan l-aspett tekniku tal-ġestjoni finanzjarja tal-FAEG jiġi allinjat mal-fluss użat minn Fondi oħra tal-Unjoni. Għaldaqstant, jeħtieġ li jiġi emendat il-mod kif għandu jiġi paċut id-dħul affettwat skont il-FAEG.

(3)

Ir-Regolament (UE) 2020/2220 tal-Parlament Ewropew u tal-Kunsill (4) emenda r-Regolament (UE) Nru 1305/2013 tal-Parlament Ewropew u tal-Kunsill (5) u estenda l-perjodu għat-tul ta’ żmien tal-programmi tal-iżvilupp rurali appoġġati mill-Fond Agrikolu Ewropew għall-Iżvilupp Rurali (“FAEŻR”) sal-31 ta’ Diċembru 2022, filwaqt li ta l-possibilità lill-Istati Membri li jiffinanzjaw il-programmi estiżi tagħhom mill-allokazzjoni baġitarja korrispondenti għas-snin 2021 u 2022. Barra minn hekk, ir-Regolament (UE) 2020/2220 għamel ir-riżorsi addizzjonali mill-Istrument tal-Unjoni Ewropea għall-Irkupru (“EURI”) disponibbli fil-programmi estiżi fis-snin 2021 u 2022 biex jiġu ffinanzjati miżuri skont ir-Regolament (UE) Nru 1305/2013 biex jiġi indirizzat l-impatt tal-kriżi tal-COVID-19 u l-konsegwenzi tagħha għas-settur agrikolu u ż-żoni rurali tal-Unjoni.

(4)

Kif stabbilit fil-premessa (24) tar-Regolament (UE) 2020/2220, ir-riżorsi addizzjonali mill-EURI huma soġġetti għal kundizzjonijiet speċifiċi. Jenħtieġ għalhekk li dawk ir-riżorsi addizzjonali jiġu pprogrammati u mmonitorjati b’mod separat mill-appoġġ tal-Unjoni għall-iżvilupp rurali, filwaqt li jiġu applikati, b’mod ġenerali, ir-regoli stabbiliti fir-Regolament (UE) Nru 1305/2013. Għaldaqstant, jenħtieġ li dawk ir-riżorsi addizzjonali jiġu implimentati permezz tar-Regolament (UE) Nru 1305/2013 u jitqiesu fil-qafas ta’ dak ir-Regolament bħala ammonti li jiffinanzjaw il-miżuri skont il-FAEŻR. Bħala konsegwenza, jenħtieġ li r-regoli rispettivi ta’ implimentazzjoni tal-ġestjoni finanzjarja fir-rigward tar-riżorsi addizzjonali msemmija fl-Artikolu 58a tar-Regolament (UE) Nru 1305/2013 jiġu adattati. B’mod partikolari, jenħtieġ li l-previżjoni tal-bżonnijiet tal-iffinanzjar, id-dikjarazzjonijiet tan-nefqa li għandhom jiġu pprovduti mill-Istati Membri u l-kalkolu tal-ammont li għandu jitħallas fir-rigward tal-allokazzjonijiet tal-FAEŻR, jiġu aġġustati.

(5)

Għaldaqstant, jenħtieġ li r-Regolament ta’ Implimentazzjoni (UE) Nru 908/2014 jiġi emendat skont dan.

(6)

Il-miżuri stipulati f’dan ir-Regolament huma f’konformità mal-opinjoni tal-Kumitat dwar il-Fondi Agrikoli,

(1)

fl-Artikolu 11(1), il-punt (c), titħassar l-aħħar sentenza;

(2)

fl-Artikolu 14(1), it-tieni subparagrafu huwa sostitwit b’dan li ġej:

“Meta l-pagamenti li għandhom isiru mill-Kummissjoni jwasslu għal ammont negattiv għal Stat Membru, it-tnaqqis żejjed għandu jiġi riportat għax-xhur ta’ wara.”;

(3)

fl-Artikolu 21, l-ewwel paragrafu huwa sostitwit b’dan li ġej:

“Għal kull programm ta’ żvilupp rurali kif imsemmi fl-Artikolu 6 tar-Regolament (UE) Nru 1305/2013 tal-Parlament Ewropew u tal-Kunsill (*1), u f’konformità mal-Artikolu 102(1), l-ewwel subparagrafu, il-punt (c)(ii), tar-Regolament (UE) Nru 1306/2013, l-Istati Membri għandhom jibagħtu lill-Kummissjoni, darbtejn fis-sena, mhux aktar tard mill-31 ta’ Jannar u l-31 ta’ Awwissu, il-previżjonijiet tagħhom tal-ammonti li għandhom jiġu ffinanzjati mill-FAEŻR għas-sena finanzjarja. Dawk il-previżjonijiet għandhom jindikaw separatament l-ammonti previsti għar-riżorsi addizzjonali msemmija fl-Artikolu 58a(2) tar-Regolament (UE) Nru 1305/2013. Barra minn hekk, l-Istati Membri għandhom jibagħtu stima aġġornata tat-talbiet għall-finanzjament tagħhom għas-sena finanzjarja ta’ wara.

(*1)  Ir-Regolament (UE) Nru 1305/2013 tal-Parlament Ewropew u tal-Kunsill tas-17 ta’ Diċembru 2013 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament tal-Kunsill (KE) Nru 1698/2005 (ĠU L 347 20.12.2013, p. 487).’;"

(4)

fl-Artikolu 22(1), l-ewwel u t-tieni subparagrafi huma sostitwiti b’dan li ġej:

(5)

fl-Artikolu 23, il-paragrafu 2 huwa sostitwit b’dan li ġej: