Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32021R0996

Regolament tal-Kunsill (UE) 2021/996 tal-21 ta’ Ġunju 2021 li jemenda r-Regolament (KE) Nru 765/2006 dwar miżuri restrittivi fir-rigward tal- Belarussja

ST/9748/2021/INIT

ĠU L 219I, 21.6.2021, p. 1–2 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2021/996/oj

Date of document:
21/06/2021; Data ta' adozzjoni
Date of effect:
21/06/2021; Dħul fis-seħħ Data tal-pubblikazzjoni Ara Art. 2
Date of end of validity:
No end date
Author:
Il-Kunsill tal-Unjoni Ewropea
Form:
Regolament
Treaty:
Trattat dwar il-Funzjonament tal-Unjoni Ewropea
Legal basis:
Proposal:
Link
Select all documents based on this document
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32006R0765 Sostituzzjoni artikolu 3 paragrafu 1 21/06/2021
Instruments cited:
Link

21.6.2021   

MT

Il-Ġurnal Uffiċjali tal-Unjoni Ewropea

LI 219/1

REGOLAMENT TAL-KUNSILL (UE) 2021/996

tal-21 ta’ Ġunju 2021

li jemenda r-Regolament (KE) Nru 765/2006 dwar miżuri restrittivi fir-rigward tal- Belarussja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2012/642/PESK tal-15 ta’ Ottubru 2012 dwar miżuri restrittivi fid-dawl tas-sitwazzjoni fil-Belarussja (1),

Wara li kkunsidra l-proposta konġunta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u tal-Kummissjoni Ewropea,

Billi:

(1)

Ir-Regolament tal-Kunsill (KE) Nru 765/2006 (2) jipprevedi l-iffriżar ta’ fondi u riżorsi ekonomiċi u jipprojbixxi li fondi jew riżorsi ekonomiċi jitqiegħdu għad-dispożizzjoni ta’ persuni, entitajiet jew korpi responsabbli għal ksur serju tad-drittijiet tal-bniedem jew għar-repressjoni tas-soċjetà ċivili u tal-oppożizzjoni demokratika, jew li l-attivitajiet tagħhom b’xi mod ieħor idgħajfu serjament lid-demokrazija jew lill-istat tad-dritt fil-Belarussja jew li jappoġġaw ir-reġim ta’ Lukashenka jew jibbenefikaw minnu. Jipprojbixxi wkoll l-għoti ta’ assistenza teknika marbuta mal-oġġetti u mat-teknoloġija elenkati fil-Lista Militari Komuni tal-Unjoni Ewropea jew marbuta mal-forniment, mal-manifattura, mal-manutenzjoni u mal-użu ta’ tali oġġetti. Ir-Regolament jimponi l-projbizzjoni tal-esportazzjoni ta’ tagħmir li jista’ jintuża għar-repressjoni interna fil-konfront ta’ kwalunkwe persuna, entità jew korp fil-Belarussja jew għall-użu fil-Belarussja, u jipprojbixxi l-għoti ta’ assistenza teknika, servizzi ta’ senserija, finanzjament jew assistenza finanzjarja relatati. Barra minn hekk, jipprojbixxi lit-trasportaturi tal-ajru Belarussi milli jitilqu mit-territorju tal-Unjoni, milli jinżlu fih jew milli jtiru fuqu.

(2)

Ir-Regolament (KE) Nru 765/2006 jagħti effett lill-miżuri previsti fid-Deċiżjoni 2012/642/PESK.

(3)

Id-Deċiżjoni ta’ Implimentazzjoni tal-Kunsill (PESK) 2021/1002 (3) tintroduċi ċerti deżinjazzjonijiet li għandhom fil-mira l-implimentazzjoni tal-konklużjonijiet tal-Kunsill Ewropew tal-24 u l-25 ta’ Mejju 2021 wara l-inżul ta’ emerġenza illegali ta’ titjira intra-UE ta’ Ryanair f’Minsk, il-Belarussja, fit-23 ta’ Mejju 2021. Id-Deċiżjoni tal-Kunsill (PESK) 2021/1001 (4) temenda d-Deċiżjoni 2012/642/PESK billi tintroduċi ċerti derogi ġodda għall-iffriżar ta’ fondi u l-projbizzjoni li fondi jew riżorsi ekonomiċi jitqiegħdu għad-dispożizzjoni ta’ persuni jew entitajiet elenkati sabiex jiġu evitati konsegwenzi mhux mixtieqa ta’ dawk id-deżinjazzjonijiet ġodda. Dawk id-derogi jikkonċernaw titjiriet għal skopijiet umanitarji, għall-evakwazzjoni jew ir-ripatrijazzjoni ta’ persuni, jew għal inizjattivi li jipprovdu appoġġ lill-vittmi ta’ diżastri naturali, nukleari jew kimiċi, għall-attendenza f'laqgħat bl-objettiv li tinstab soluzzjoni għall-kriżi fil-Belarussja jew li jiġu promossi l-objettivi ta' politika tal-miżuri restrittivi, u titjiriet ta’ emerġenza kif ukoll kwistjonijiet ta’ sikurezza tal-ajru. Dawk id-derogi jeħtieġ li jiġu riflessi fir-Regolament (KE) Nru 765/2006.

(4)

Għaldaqstant, jenħtieġ li r-Regolament (KE) Nru 765/2006 jiġi emendat skont dan.

(5)

Sabiex jiġi żgurat li l-miżuri previsti f'dan ir-Regolament ikunu effettivi, jenħtieġ li dan ir-Regolament jidħol fis-seħħ minnufih,

ADOTTA DAN IR-REGOLAMENT:

Artikolu 1

L-Artikolu 3(1) tar-Regolament (UE) Nru 765/2006, huwa sostitwit b’dan li ġej:

“1.   B’deroga mill-Artikolu 2, l-awtoritajiet kompetenti tal-Istati Membri, kif indikati fis-siti tal-Internet elenkati fl-Anness II, jistgħu jawtorizzaw ir-rilaxx ta’ ċerti fondi jew riżorsi ekonomiċi ffriżati, jew iqiegħdu għad-dispożizzjoni ċerti fondi jew riżorsi ekonomiċi taħt dawk il-kondizzjonijiet li huma jqisu xierqa, wara li jkunu ddeterminaw li l-fondi jew ir-riżorsi ekonomiċi kkonċernati huma:

(a)

meħtieġa biex jiġu ssodisfati l-ħtiġijiet bażiċi ta' persuni elenkati fl-Anness I u l-membri tal-familja dipendenti fuqhom, inklużi ħlasijiet għal oġġetti tal-ikel, kera jew ipoteka immobiljari, mediċini u kura medika, taxxi, poloz tal-assigurazzjoni, u l-ħlasijiet għall-użu ta' servizzi pubbliċi;

(b)

maħsuba esklużivament għall-ħlas ta' tariffi professjonali raġonevoli u għar-rimborż ta' spejjeż li jsiru li huma assoċjati mal-provvista ta' servizzi legali;

(c)

maħsuba esklużivament għall-ħlas ta' tariffi jew imposti għal servizzi ta' kustodja jew ġestjoni normali ta' fondi jew riżorsi ekonomiċi ffriżati;

(d)

maħsuba esklussivament għall-ħlas ta’ imposta meħtieġa għal wieħed minn dawn li ġejjin:

(i)

l-operat ta’ titjiriet għal skopijiet umanitarji, għall-evakwazzjoni jew ir-ripatrijazzjoni ta’ persuni, jew għal inizjattivi li jipprovdu appoġġ lill-vittmi ta’ diżastri naturali, nukleari jew kimiċi;

(ii)

l-operat ta’ titjiriet fil-qafas ta’ proċeduri ta’ adozzjoni injternazzjonali;

(iii)

l-operat ta’ titjiriet meħtieġa għall-attendenza f’laqgħat bl-objettiv li tinstab soluzzjoni għall-kriżi fil-Belarussja jew li jiġu ppromossi l-objettivi politċi tal-miżuri ristrettivi; jew

(iv)

inżul, tlugħ jew titjir li jgħaddi minn fuq it-territorju minn trasportatur tal-ajru tal-UE, f’każ ta’ emerġenza; jew

(e)

meħtieġa biex jiġu indirizzati kwistjonijiet urġenti u identifikati b’mod ċar dwar is-sikurezza tal-ajru u wara konsultazzjoni minn qabel mal-Aġenzija tas-Sikurezza tal-Avjazzjoni tal-Unjoni Ewropea.”.

Artikolu 2

Dan ir-Regolament għandu jidħol fis-seħħ fil-fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, il-21 ta’ Ġunju 2021.

Għall-Kunsill

Il-President

J. BORRELL FONTELLES

(1)  ĠU L 285, 17.10.2012, p. 1.

(2)  Ir-Regolament tal-Kunsill (KE) Nru 765/2006 tat-18 ta’ Mejju 2006 dwar miżuri restrittivi fir-rigward tal-Bjelorussja (Belarussja) (ĠU L 134, 20.5.2006, p. 1).

(3)  Id-Deċiżjoni ta’ Implimentazzjoni tal-Kunsill (PESK) 2021/1002 tal-21 ta’ Ġunju 2021 li timplimenta d-Deċiżjoni 2012/642/PESK dwar miżuri restrittivi fid-dawl tas-sitwazzjoni fil-Belarussja (ara paġna 70 ta’ dan il-Ġurnal Uffiċjali).

(4)  Id-Deċiżjoni ta’ Implimentazzjoni tal-Kunsill (PESK) 2021/1001 tal-21 ta’ Ġunju 2021 li temenda d-Deċiżjoni tal-Kunsill 2012/642/PESK dwar miżuri restrittivi fid-dawl tas-sitwazzjoni fil-Belarussja (ara paġna 67 ta’ dan il-Ġurnal Uffiċjali).

Top