This document is an excerpt from the EUR-Lex website
Document 32021R0439
Commission Implementing Regulation (EU) 2021/439 of 3 March 2021 amending Implementing Regulation (EU) No 215/2014 as regards the addition of a new thematic objective to the nomenclature of the categories of intervention for the ERDF, the ESF and the Cohesion Fund under the Investment for growth and jobs goal
Regolament ta’ Implimentazzjoni tal-Kummissjoni (UE) 2021/439 tat-3 ta’ Marzu 2021 li jemenda r-Regolament ta’ Implimentazzjoni (UE) Nru 215/2014 fir-rigward taż-żieda ta’ objettiv tematiku ġdid man-nomenklatura tal-kategoriji ta’ intervent għall-FEŻR, għall-FSE u għall-Fond ta’ Koeżjoni fil-qafas tal-mira tal-Investiment għat-tkabbir u l-impjiegi
Regolament ta’ Implimentazzjoni tal-Kummissjoni (UE) 2021/439 tat-3 ta’ Marzu 2021 li jemenda r-Regolament ta’ Implimentazzjoni (UE) Nru 215/2014 fir-rigward taż-żieda ta’ objettiv tematiku ġdid man-nomenklatura tal-kategoriji ta’ intervent għall-FEŻR, għall-FSE u għall-Fond ta’ Koeżjoni fil-qafas tal-mira tal-Investiment għat-tkabbir u l-impjiegi
C/2021/1332
ĠU L 85, 12.3.2021, p. 149–150
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 03/03/2021; Data ta' adozzjoni
- Date of effect:
- 13/03/2021; Dħul fis-seħħ Data tal-pubblikazzjoni +1 Ara Art. 2
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Politika Reġjonali u Urbana
- Responsible body:
- REGIO
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R1303 - A96P2L2
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32014R0215 Żieda anness I tabella 5 Test 13/03/2021 - Instruments cited:
- Link
- EUROVOC descriptor:
- Subject matter:
- Directory code:
|
12.3.2021 |
MT |
Il-Ġurnal Uffiċjali tal-Unjoni Ewropea |
L 85/149 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/439
tat-3 ta’ Marzu 2021
li jemenda r-Regolament ta’ Implimentazzjoni (UE) Nru 215/2014 fir-rigward taż-żieda ta’ objettiv tematiku ġdid man-nomenklatura tal-kategoriji ta’ intervent għall-FEŻR, għall-FSE u għall-Fond ta’ Koeżjoni fil-qafas tal-mira tal-Investiment għat-tkabbir u l-impjiegi
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1303/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali u l-Fond Ewropew għall-Affarijiet Marittimi u s-Sajd u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (1), u b’mod partikolari t-tieni subparagrafu tal-Artikolu 96(2) tiegħu,
Billi:
|
(1) |
L-Anness I tar-Regolament ta’ Implimentazzjoni tal-Kummissjoni (UE) Nru 215/2014 (2) jistabbilixxi n-nomenklatura tal-kategoriji ta’ intervent għall-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni taħt l-Investiment għat-tkabbir u l-impjiegi. |
|
(2) |
L-Artikolu 92b(9) tar-Regolament (UE) Nru 1303/2013 kif emendat bir-Regolament (UE) 2020/2221 tal-Parlament Ewropew u tal-Kunsill (3) jistabbilixxi l-objettiv tematiku ġdid “Trawwim ta’ miżuri li jsewwu d-dannu kkawżat mill-kriżi fil-kuntest tal-pandemija tal-COVID-19 u l-konsegwenzi soċjali tagħha u t-tħejjija ta’ rkupru ekoloġiku, diġitali u reżiljenti tal-ekonomija”, li fil-qafas tiegħu għandha tingħata l-għajnuna mir-riżorsi addizzjonali mill-Istrument tal-Unjoni Ewropea għall-Irkupru. Minħabba ż-żieda ta’ dak l-objettiv tematiku, jenħtieġ li t-Tabella 5 tal-Anness I tar-Regolament ta’ Implimentazzjoni (UE) Nru 215/2014 tiġi emendata skont dan. |
|
(3) |
Sabiex tiġi żgurata l-applikazzjoni immedjata tal-miżuri previsti f’dan ir-Regolament, dan ir-Regolament jenħtieġ li jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. |
|
(4) |
Il-miżuri stipulati f’dan ir-Regolament huma skont l-opinjoni tal-Kumitat ta’ Koordinament għall-Fondi Strutturali u ta’ Investiment Ewropej, |
ADOTTAT DAN IR-REGOLAMENT:
Artikolu 1
Fit-Tabella 5 tal-Anness I tar-Regolament ta’ Implimentazzjoni (UE) Nru 215/2014, tiżdied ir-ringiela li ġejja:
|
“13 |
– Trawwim ta’ miżuri li jsewwu d-dannu kkawżat mill-kriżi fil-kuntest tal-pandemija tal-COVID-19 u l-konsegwenzi soċjali tagħha u t-tħejjija ta’ rkupru ekoloġiku, diġitali u reżiljenti tal-ekonomija”. |
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Marzu 2021.
Għall-Kummissjoni
Il-President
Ursula VON DER LEYEN
(1) ĠU L 347, 20.12.2013, p. 320.
(2) Ir-Regolament ta’ Implimentazzjoni tal-Kummissjoni (UE) Nru 215/2014 tas-7 ta’ Marzu 2014 li jistabbilixxi regoli għall-implimentazzjoni tar-Regolament (UE) Nru 1303/2013 tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali u l-Fond Ewropew Marittimu u tas-Sajd u li jistabbilixxi dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni u l-Fond Ewropew Marittimu u tas-Sajd fir-rigward ta’ metodoloġiji tal-appoġġ għat-tibdil fil-klima, id-determinazzjoni tal-istadji importanti u l-miri fil-qafas tal-prestazzjoni u n-nomenklatura ta’ kategoriji ta’ intervent għall-Fondi ta’ Investiment Strutturali Ewropej (ĠU L 69, 8.3.2014, p. 65).
(3) Ir-Regolament (UE) 2020/2221 tal-Parlament Ewropew u tal-Kunsill tat-23 ta’ Diċembru 2020 li jemenda r-Regolament (UE) Nru 1303/2013 fir-rigward ta’ riżorsi addizzjonali u arranġamenti ta’ implimentazzjoni biex jipprovdi assistenza għat-trawwim ta’ miżuri li jsewwu d-dannu kkawżat mill-kriżi fil-kuntest tal-pandemija tal-COVID-19 u l-konsegwenzi soċjali tagħha u għat-tħejjija ta’ rkupru ekoloġiku, diġitali u reżiljenti tal-ekonomija (REACT-EU) (ĠU L 437, 28.12.2020, p. 30).
