This document is an excerpt from the EUR-Lex website
Document 32021D0959
Political and Security Committee Decision (CFSP) 2021/959 of 10 June 2021 extending the mandate of the Head of Mission of the European Union Rule of Law Mission in Kosovo (This designation is without prejudice to positions on status, and is in line with UNSCR 1244 (1999) and the ICJ Opinion on the Kosovo declaration of independence.) (EULEX KOSOVO) (EULEX KOSOVO/1/2021)
Deċiżjoni tal-Kumitat Politiku u ta’ Sigurtà (PESK) 2021/959 tal-10 ta’ Ġunju 2021 li testendi l-mandat tal-Kap tal-Missjoni tal-Unjoni Ewropea għall-Istat tad-Dritt fil-Kosovo (Dan l-isem huwa mingħajr preġudizzju għal pożizzjonijiet dwar l-istatus, u huwa konformi mal-UNSCR 1244 (1999) u mal-Opinjoni tal-QIĠ dwar id-dikjarazzjoni tal-indipendenza tal-Kosovo.) (EULEX KOSOVO) (EULEX KOSOVO/1/2021)
Deċiżjoni tal-Kumitat Politiku u ta’ Sigurtà (PESK) 2021/959 tal-10 ta’ Ġunju 2021 li testendi l-mandat tal-Kap tal-Missjoni tal-Unjoni Ewropea għall-Istat tad-Dritt fil-Kosovo (Dan l-isem huwa mingħajr preġudizzju għal pożizzjonijiet dwar l-istatus, u huwa konformi mal-UNSCR 1244 (1999) u mal-Opinjoni tal-QIĠ dwar id-dikjarazzjoni tal-indipendenza tal-Kosovo.) (EULEX KOSOVO) (EULEX KOSOVO/1/2021)
ST/7530/2021/INIT
ĠU L 212, 15.6.2021, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 14/06/2022
15.6.2021 |
MT |
Il-Ġurnal Uffiċjali tal-Unjoni Ewropea |
L 212/1 |
DEĊIŻJONI TAL-KUMITAT POLITIKU U TA’ SIGURTÀ (PESK) 2021/959
tal-10 ta’ Ġunju 2021
li testendi l-mandat tal-Kap tal-Missjoni tal-Unjoni Ewropea għall-Istat tad-Dritt fil-Kosovo (*) (EULEX KOSOVO) (EULEX KOSOVO/1/2021)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea, u b’mod partikolari t-tielet paragrafu tal-Artikolu 38 tiegħu,
Wara li kkunsidra l-Azzjoni Konġunta tal-Kunsill 2008/124/PESK tal-4 ta’ Frar 2008 dwar il-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) (1), u b’mod partikolari l-Artikolu 12(2) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Skont l-Artikolu 12(2) tal-Azzjoni Konġunta 2008/124/PESK, il-Kumitat Politiku u ta’ Sigurtà (KPS) huwa awtorizzat, f’konformità mat-tielet paragrafu tal-Artikolu 38 tat-Trattat, li jieħu d-deċiżjonijiet rilevanti bl-għan li jeżerċita l-kontroll politiku u d-direzzjoni strateġika tal-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO), inkluża d-deċiżjoni tal-ħatra ta’ Kap tal-Missjoni. |
(2) |
Fit-28 ta’ Novembru 2019, il-KPS adotta d-Deċiżjoni (PESK) 2019/1991 (2) biex ħatar lis-Sur Lars-Gunnar WIGEMARK bħala l-Kap tal-Missjoni EULEX KOSOVO għall-perijodu mill-1 ta’ Diċembru 2019 sal-14 ta’ Ġunju 2020. |
(3) |
Fil-11 ta’ Ġunju 2020, il-Kunsill adotta d-Deċiżjoni (PESK) 2020/792 (3) li estendiet il-mandat tas-Sur Lars-Gunnar WIGEMARK bħala Kap tal-Missjoni EULEX KOSOVO għall-perijodu mill-15 ta’ Ġunju 2020 sal-14 ta’ Ġunju 2021. |
(4) |
Fit-3 ta’ Ġunju 2021, il-Kunsill adotta d-Deċiżjoni (PESK) 2021/904 (4), li temenda l-Azzjoni Konġunta 2008/124/PESK u testendi t-tul ta’ żmien tal-EULEX KOSOVO sal-14 ta’ Ġunju 2023. |
(5) |
Ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ppropona l-estensjoni tal-mandat tas-Sur Lars-Gunnar WIGEMARK bħala l-Kap tal-Missjoni EULEX KOSOVO għall-perijodu mill-15 ta’ Ġunju 2021 sal-14 ta’ Ġunju 2022, |
ADOTTA DIN ID-DEĊIŻJONI:
Artikolu 1
Il-mandat tas-Sur Lars-Gunnar WIGEMARK bħala Kap tal-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) huwa b’dan estiż għall-perijodu mill-15 ta’ Ġunju 2021 sal-14 ta’ Ġunju 2022.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-10 ta’ Ġunju 2021.
Għall-Kumitat Politiku u ta' Sigurtà
Il-President
S. FROM-EMMESBERGER
(*) Dan l-isem huwa mingħajr preġudizzju għal pożizzjonijiet dwar l-istatus, u huwa konformi mal-UNSCR 1244 (1999) u mal-Opinjoni tal-QIĠ dwar id-dikjarazzjoni tal-indipendenza tal-Kosovo.
(1) ĠU L 42, 16.2.2008, p. 92.
(2) Id-Deċiżjoni tal-Kumitat Politiku u ta’ Sigurtà (PESK) tat-28 ta’ Novembru 2019 dwar il-ħatra tal-Kap tal-Missjoni tal-Unjoni Ewropea għall-Istat tad-Dritt fil-Kosovo (EULEX Kosovo) (EULEX Kosovo/2/2019) (ĠU L 308, 29.11.2019, p. 105)
(3) Id-Deċiżjoni tal-Kunsill (PESK) 2020/792 tal-11 ta’ Ġunju 2020 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) (ĠU L 193, 17.6.2020, p. 9).
(4) Id-Deċiżjoni tal-Kunsill (PESK) 2021/904 tat-3 ta’ Ġunju 2021 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) (ĠU L 197, 4.6.2021, p. 114).