Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32021D0942

Deċiżjoni ta’ Implimentazzjoni tal-Kummissjoni (UE) 2021/942 tal-10 ta’ Ġunju 2021 li tistabbilixxi r-regoli għall-applikazzjoni tad-Direttiva tal-Kunsill 2006/112/KE fir-rigward tal-istabbiliment tal-lista ta’ pajjiżi terzi li magħhom l-Unjoni kkonkludiet ftehim dwar l-assistenza reċiproka b’kamp ta’ applikazzjoni simili għad-Direttiva tal-Kunsill 2010/24/UE u r-Regolament tal-Kunsill (UE) Nru 904/2010

C/2021/4050

ĠU L 205, 11.6.2021, p. 80–81 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec_impl/2021/942/oj

Date of document:
10/06/2021; Data ta' adozzjoni
Date of effect:
01/07/2021; Dħul fis-seħħ Data tal-pubblikazzjoni +20 Ara Art. 2
Date of effect:
01/07/2021; Applikazzjoni Ara Art. 2
Date of end of validity:
No end date
Author:
Il-Kummissjoni Ewropea, Id-Direttorat Ġenerali għat-Tassazzjoni u l-Għaqda Doganali
Responsible body:
TAXUD
Form:
Deċiżjoni implimentattiva
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Instruments cited:
Link

11.6.2021   

MT

Il-Ġurnal Uffiċjali tal-Unjoni Ewropea

L 205/80

DEĊIŻJONI TA’ IMPLIMENTAZZJONI TAL-KUMMISSJONI (UE) 2021/942

tal-10 ta’ Ġunju 2021

li tistabbilixxi r-regoli għall-applikazzjoni tad-Direttiva tal-Kunsill 2006/112/KE fir-rigward tal-istabbiliment tal-lista ta’ pajjiżi terzi li magħhom l-Unjoni kkonkludiet ftehim dwar l-assistenza reċiproka b’kamp ta’ applikazzjoni simili għad-Direttiva tal-Kunsill 2010/24/UE u r-Regolament tal-Kunsill (UE) Nru 904/2010

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (1), u b’mod partikolari l-Artikolu 369m(3) tagħha,

Billi:

(1)

Il-funzjonament tas-suq intern, il-globalizzazzjoni u t-tibdil teknoloġiku rriżultaw fi tkabbir esponenzjali tal-kummerċ elettroniku u, għalhekk, tal-forniment mill-bogħod ta’ merkanzija u servizzi fl-Istati Membri minn fornituri stabbiliti jew fi Stat Membru ieħor jew f’territorji terzi jew pajjiżi terzi.

(2)

Id-Direttiva 2006/112/KE ġiet emendata bid-Direttivi (UE) 2017/2455 (2) u (UE) 2019/1995 (3) bil-għan li s-sistema tat-taxxa fuq il-valur miżjud (VAT) tiġi adattata għall-kummerċ elettroniku billi tiggarantixxi l-ġbir effikaċi u effiċjenti tal-VAT billi jiġi minimizzat il-piż amministrattiv kemm għall-persuni taxxabbli kif ukoll għall-amministrazzjonijiet tat-taxxa u biex jiġi mmodernizzat il-qafas legali għall-VAT għall-kummerċ elettroniku transfruntier min-negozji għall-konsumaturi.

(3)

Skont l-Artikolu 369m(1)(c), l-Istati Membri għandhom jippermettu lil kwalunkwe persuna taxxabbli stabbilita f’pajjiż terz li miegħu l-Unjoni kkonkludiet ftehim dwar l-assistenza reċiproka b’kamp ta’ applikazzjoni simili għad-Direttiva tal-Kunsill 2010/24/UE (4) u r-Regolament tal-Kunsill (UE) Nru 904/2010 (5) biex tapplika l-iskema speċjali għall-bejgħ mill-bogħod minn dak il-pajjiż terz, mingħajr il-bżonn li tkun rappreżentata minn intermedjarju stabbilit fl-Unjoni.

(4)

Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud (6) daħal fis-seħħ fl-1 ta’ Settembru 2018.

(5)

Dan il-ftehim huwa simili b’kamp ta’ applikazzjoni simili għad-Direttiva 2010/24/UE u r-Regolament (UE) Nru 904/2010 peress li jistabbilixxi sistema komuni għall-kooperazzjoni, b’mod partikolari fir-rigward tal-iskambju ta’ informazzjoni sabiex l-awtoritajiet responsabbli għall-applikazzjoni tal-leġiżlazzjoni tal-VAT ikunu jistgħu jgħinu lil xulxin biex jiggarantixxu l-konformità ma’ dik il-leġiżlazzjoni u jipproteġu d-dħul mill-VAT. Jipprovdi wkoll assistenza biex tiġi ggarantita l-valutazzjoni korretta tal-VAT, għall-ġlieda kontra l-frodi tal-VAT u għall-irkupru ta’ talbiet relatati mal-VAT. Il-ftehim jinkludi regoli u proċeduri għall-kooperazzjoni amministrattiva u l-assistenza għall-irkupru li huma simili għar-regoli u l-proċeduri stabbiliti fid-Direttiva 2010/24/UE u r-Regolament (UE) Nru 904/2010 u jistabbilixxi obbligi għall-awtoritajiet kompetenti biex jassistu lil xulxin, li huma ta’ livell ekwivalenti għal dak tad-Direttiva 2010/24/UE u tar-Regolament (UE) Nru 904/2010.

(6)

Għalhekk jenħtieġ li r-Renju tan-Norveġja jiġi elenkat bħala pajjiż terz li miegħu l-Unjoni kkonkludiet ftehim dwar l-assistenza reċiproka msemmi fl-Artikolu 369m(1)(c) tad-Direttiva 2006/112/KE.

(7)

Peress li d-dispożizzjonijiet sostantivi rilevanti tad-Direttiva 2006/112/KE japplikaw mill-1 ta’ Lulju 2021, huwa xieraq li din id-Deċiżjoni tibda tapplika minn dik id-data.

(8)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Kooperazzjoni Amministrattiva,

ADOTTAT DIN ID-DEĊIŻJONI:

Artikolu 1

Il-pajjiż terz li miegħu l-Unjoni kkonkludiet ftehim dwar l-assistenza reċiproka b’kamp ta’ applikazzjoni simili għad-Direttiva 2010/24/UE u r-Regolament (UE) Nru 904/2010 huwa r-Renju tan-Norveġja.

Artikolu 2

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Lulju 2021.

Magħmul fi Brussell, l-10 ta’ Ġunju 2021.

Għall-Kummissjoni

Il-President

Ursula VON DER LEYEN

(1)  ĠU L 347, 11.12.2006, p. 1.

(2)  Id-Direttiva tal-Kunsill (UE) 2017/2455 tal-5 ta’ Diċembru 2017 li temenda d-Direttiva 2006/112/KE u d-Direttiva 2009/132/KE fir-rigward ta’ ċerti obbligi tat-taxxa fuq il-valur miżjud għall-provvisti ta’ servizzi u għall-bejgħ mill-bogħod ta’ oġġetti (ĠU L 348, 29.12.2017, p. 7).

(3)  Id-Direttiva tal-Kunsill (UE) 2019/1995 tal-21 ta’ Novembru 2019 li temenda d-Direttiva 2006/112/KE fir-rigward tad-dispożizzjonijiet relatati ma’ bejgħ b’distanza ta’ merkanzija u ċerti provvisti domestiċi ta’ merkanzija (ĠU L 310, 2.12.2019, p. 1).

(4)  Id-Direttiva tal-Kunsill 2010/24/UE tas-16 ta’ Marzu 2010 dwar l-assistenza reċiproka għall-irkupru ta’ talbiet relatati ma’ taxxi, dazji u miżuri oħra (ĠU L 84, 31.3.2010, p. 1).

(5)  Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1).

(6)  ĠU L 195, 1.8.2018, p. 3.

Top